رواية رحم للإيجار 3 (حب الفرسان) الفصل الثاني والستون 62 بقلم ريحانة الجنة
رواية رحم للإيجار 3 (حب الفرسان) الجزء الثاني والستون
رواية رحم للإيجار 3 (حب الفرسان) البارت الثاني والستون
رواية رحم للإيجار 3 (حب الفرسان) الحلقة الثانية والستون
قعد قصاده بحيرة وتفكير من كلامه !! يا تري إيه الصح وإيه اللي المفروض يحصل بعد التغير اللي تم واللي هيتم!!؟ وهل العلاقة دي مكتوب ليها النجاح حقيقي ولا الفشل او الفراق في الوقت ده هو أسلم حل!!
مؤمن بحيرة: صدقني يا شهاب أنا من جوايا بتمني سعادة بنتي وبتمني اشوفها مبسوطة مع الانسان اللي هي تختاره وشايفة حياتها وسعادتها معاه!! لكن!! لكن فيه حسابات كتيرة اوي أنا وهي مربوطين بيها وصعب نتخطاها بسهولة كدة!؟
شهاب قعد قصاده بهدوء وإبتسم: الاعتبارت اللي انت بتتكلم عنها دي ما دامت خارج الحلال والحرام!! وخارج الصح والغلط!! يبقي مالهاش أي حساب عندي!! فراس أسلم يمكن الاول كان من غير أساس ولا إقتناع بس اظن بعد ما بعته للي انا وإنت متأكدين إنه هيعلمه علي الأقل في البداية مبادئ الاسلام الموضوع هيفرق كتير !! ده بالنسبة لشخص فراس اللي انت كنت خايف منه اكتر شئ انت كنت مهوس ازاي بنتك هتتجوز واحد لسة علي عقل وفكر وقناعة دين تاني غير دينها وانا متفهم ده ومعاك فيه…
لكن كلها دقايق ويوصل فراس هنا وهنقعد معاه ونشوف بنفسنا إيه اتغير فيه وهل فيه أمل انه يكون واحد مننا ومن حياتنا وعائلتنا ولا لا !؟
أما الجانب والاعتبار اللي أنا عن نفسي مش مهتم بيه لكنه يهمك أنا عارف !! هو الناس والقيادات والمجتمع كله والإشاعات اللي هتحصل!! لكن أنا بأكدلك مركزك ومكانك مستحيل يتهزوا بسهولة كدة ولا القيدات بتاعتنا ساذجة ولا غبية للدرجة دي علشان تشكك فيك لمجرد اشاعات هتظهر من شوية ناس شغلتها الكدب والدوشة والشو اللي هيحصل !! ارجوك يا مؤمن حط مصلحة بنتك وسعادتها قصاد عيونك قبل كلام الناس وردود افعالهم!! الناس مش هتمسح دمعة بنتك وهي بتبكي من فراق فراس اللي بسببه بقت زي الطير المجروح ..وردة دبلت قبل الأوان وفقدت ريحتها وجمالها بسبب الحزن!! الناس مش هتونس بنتك في وحدتها وهي بتشكي بعده لحالها من غير ما تنطق ولا تتكلم مع حد!! الناس مش هتسعد بنتك لو فكرت انها تهرب من كل ده لحضن شخص تاني لمجرد انه عريس مناسب وتتجوزه وتصحي علي كابوس مرعب !! كابوس عذاب !! بين راجل مالك حياتها وجسمها !! وراجل مالك روحها وقلبها وتفكيرها!! الناس مش هتنفع بنتك وتنفعك لما تموت في اليوم الف مرة وهي شايفة نفسها خاينة علشان بتفكر وتحس براجل تاني غير جوزها اللي اتجوزته بس علشان هو صورة ممتازة ليها وليك!! ده كله في حالة ما نچمة اصلا تفكر تتجوز أي واحد لمجرد انها تهرب من حكاية فراس وذكرياتها !! مابالك بقي لو بنتك ما قدرتش تعمل كدة وقررت تعيش وحيدة!! هتتحمل انت تفضل تتفرج علي بنتك والسنين والعمر بيعدي علبها وهي قصادك وحيدة !! اخوها متجوز وهيخلف قريب وبنات العائلة كلها كل واحدة مع جوزها وحبيبها وهي الوحيدة اللي اتحكم عليها بالحب الحرام من وجهة نظرك ونظر الناس!! تعيش عمرها كله في حكاية العشق الممنوع!! ليه!! علشان الناس!! ملعونة الناس اللي تحرم الحلال وتحلل الوجع والظلم!! ملعون انت نفسك لو قبلت بده ورضيت بيه وقبلت تكون جبان ورفضت تواجه الناس والمجتمع !! فكر في بنتك أهم من الناس يا مؤمن!!؟
مؤمن اتنهد بحيرة وشبه إقتناع بكلام شهاب : بس احنا محكومين بالناس دي يا شهاب! مجبرين نتاقلم ونعيش مع المجتمع ده وتفكيره!! الناس ليها اللي بتشوفه وتسمعه من بعيد ماحدش هيدخل جوا حياتنا ولا قلوبنا ويفهم الحقيقة !! يبقي لازم نراعي كل ده ما ينفعش نتغاشم بغباوة ونقول مش مهم الناس!!
شهاب قرب منه بتصميم: بعيدهالك تاني!! مادامت ماشي صح ومابتعملش حاجة حرام ولا عيب يبقي الناس تخبط دماغها في إكبر حيطة!! الناس لا بتبطل كلام ولا بتبطل كدب وتلفيق!! لو هتهتم بالناس يبقي بتحكم علي بنتك بالتعاسة وعلي نفسك وامها بالقهرة علي حالها وتانيب الضمير لحد ما تموت!!
الباب خبط ومؤمن اذن بالدخول !!
**: الشيخ حذيفة برا سادتك ومعاه الاستاذ فراس!!
مؤمن بص لشهاب بيستمد منه القوة واتنهد : خاليهم يدخلوا بسرعة!!
دخل فراس ومعاه حذيفة… ولاقوا ترحاب كبير من شهاب ومؤمن!!
فراس ابتسم وبيسلم علي مؤمن وشهاب: مسا الخير يا چماعة كيف الحال؟!
مؤمن ابتسم: ازيك يا فراس عامل ايه!!
فراس بسعادة: الحمد لله بخير هايدي المرة هي أجمل المرات اللي إچيت فيها علي مصر ..عن چد كأنها أول مرة والبركة بالشيخ حذيفة!!
شهاب سلم عليه بترحاب : ازيك يا فراس كدة يا ندل!! موجود في مصر كل المدة دي ومن غير ما تكلمني ولا مرة ! ولا حتي تيجي تسلم عليا!!
فراس بأسف: عن چد بعتذر منك سيادة اللواء لكن حقيقي انا من وقت ما إچيت وانا ما فارقت الشيخ حذيفة هيدا الرچال مافي منه والله العظيم يتقال بالذهب ربي يحفظه ويبارك فيه!!
شهاب بص لمؤمن وغمز ليه بخفة وكأنه بيقوله مجرد دخول فراس وكلامه وسلامه اختلف !! مابالك باللي جاي!!؟
إلتفت شهاب يسلم علي حذيفة: اهلا يا شيخ حذيفة عامل ايه!! واخبار المدام والبنات إيه!!؟
مؤمن ابتسم: نورت يا حذيفة طمني أخبارك إيه!!!
حذيفة إبتسم بهدوء: الحمد لله كلنا بخير يا فندم والله ربي يعلم معزة حضراتكم عندي إيه وبشكر الظروف اللي جمعتني بيكم وعرفتني عليكم برغم انها وقتها كانت صعبة بس ربنا قدر بقي كدة علشان اتعرف بيكم!!
فراس عقد حاجبه بفضول: فيني اعرف كيف كان اللقاء الاول بيناتكم!!
شهاب ضحك بخفة وقعد وقعدهم كلهم وطبطب علي كتف حذيفة بخفة ومزاح: كان فيه مكيدة كدة متلفقة لحذيفة انه ارهابي ومتطرف وان مصنعه ومركز الصيانة بتاعه فيهم سلاح وكلام من ده ..الامن الوطني طبعا جاب حذيفة والموضوع ما كنش سهل وكان لازم الجهاز هنا يدخل وبالصدفة كدة كنت موجود انا ومؤمن …وبعد ما جبنا الزبون بقي وقعدنا معاه بدأنا نمسك اول الخيط وعرفنا مين وراها وانه بعيد عن كل ده!! بس كان بقي قعد معانا شوية حلوين وضايفناه!!
شهاب ومؤمن وحذيفة ضحكوا بقوة للذكري المريرة دي!!
حذيفة اتنهد من وسط ضحكاته: والله أيام ما تتنسي كانت أسواء ايام عشتها تخيل يا فراس بقي إرهابي وجالهم لحد عندهم كنت مدلع هنا يا اخي!!
شهاب بمزاح: بس سيبك انت كانت استضافة خمس نجوم يا شيخ!!
مؤمن بيكتم ضحكته: الحقيقة انت حصلتلك معجزة!! واحد غيرك ماكنش عدي منها بسلام كان زمانك دلوقتي في خبر كان!! بس الحقيقة احنا وقتها كنا رحيمين بيك يا جدع انت كنت متوصي عليك جامد!
حذيفة بسخرية: كل ده ياباشا وكنتوا رحماء!! ده أنا كنت هسلم الروح!! الحمد لله إنها عدت علي خير !!
فراس إبتسم بدهشة : لا مو معقول الشيخ حذيفة كان متهم إنه إرهابي!! والله شهادة حق أحاسب عليها ما قابلت رچال متله في حياتي!! هاد تحسه مو إنسان!! هاد ملاك! كيف فيكن تتهموه هيك تهمة بشعة!!؟
حذيفة بإستحياء حقيقي: اعزك الله يا فراس كلنا بشر علي ثواب وخطأ..إنت اللي فعلا إنسان قلبك جميل وفطرتك سليمة ربنا يثبتك بفضله اللهم آمين…كمان البشاوات كانوا بيشوفوا شغلهم والحقيقة البلد والآمة كلها في مِحن وإبتلاء كبير بوجود جماعات وأفكار متطرفة والتطرف هنا مش مقصود بيه إسم جماعة بعينها لا ده مقصود بيه فكر عام ليهم فيه ناس للاسف بتتاجر بإسم الدين وبتاخده ستار لمصالح دنيوية.. الدين والإسلام منها براء !! الإسلام عمره ما كان دين سب وقتل ولا كان دين تفجير ودم !!
شهاب اتنهد بأسف: للاسف يا حذيفة أنا قعدت مع متهمين منهم كتير تحس انهم عقلهم مغسول بفكر غريب ونظرة العداء والمؤامرة والتكفير مسيطرة عليهم بشكل غريب!! تعرف أنا اوقات كنت ببقي حزين علي شباب زي دي ضايعة في متاهة من غير فايدة وفي النهاية بيكون مصيرهم السجن او القتل !!
فراس بتساؤل وحيرة: فيني أسألك يا شيخ حذيفة ليش هادول الشباب ما عندهم فكر صحيح للإسلام!! وبظن ان منهم عدد كبير بيأمن ان هاد هو الصح وهو الإسلام الحق ..يعني بقصد انن أكيد مو كلن ارهابين وقتالين …أكيد منن ناس كل اللي چواتا انها تتقرب لألله مو تقتل ولا تحرق!! فهمت عليا شيخ؟
حذيفة ابتسم بهدوء: فاهمك يا فراس ..بس هقولك اللي قولتهولك وأكدتلك عليه الفترة اللي قضتها معايا!! انت كمسلم مأمور بإيه!!؟
فراس: بعبادة الله كيف ما أمرنا واتباع الرسول صلي الله عليه وسلم!!
خذيفة : جميل جداا!! واظن تفتكر اني فهمتك إن العبادة والعقيدة بالاخص توقيفية !! يعني يا فراس ما ينفعش نجتهد او نتقول شئ فيها !! احنا مأمورين ان نعبد الله زي ما أمرنا في كتابه العزيز وزي ما فسر لينا ووضح لينا النبي (ص) ..السنة النبوية مكملة للقرآن…والنبي(ص) قال تفترق أمتي علي ثلاث وسبعين فرقة كلهم في النار إالا واحدة..قالوا من هي يا رسول الله..قال من هم علي ما انا عليه اليوم أنا واصحابي…يعني احنا لازم نتبع نهج النبي واصحابه ..والمقصود زي ما فهمتك النهج والفكر وليس اتباع جماعة بعينها مهما كان المسمي !! الاحزاب والجماعات ما ذكرت في القرآن إلا مذمومة ..لانها تفرق بين الأمة وتشتت الأفكار والعباد..كمان فكر الجهاد اللي بيتصدر قائمة افكارهم وتاسيسها هو أيوة فرض عين من فروض الاسلام علي كل مسلم..ولكن أي جهاد!؟ الجهاد المقصود هو الجهاد ضد الاعداء المعتدين المستعمرين!! مش ضد بني بلدي وبني ديني وحتي اللي علي غير ديني …أي انسان علي غير ملة الاسلام مادام عايش علي ارض بلاد حاكمها او حكامها اعطوه الآمان يبقي محرم علينا قتله لانه وقتها هيكون قتل نفس بغير حق…القتل والجهاد وقت الحروب والدفاع عن الارض والعرض…وبما اننا تحت حكم حاكم مسلم مفروض علينا ان نأمن من اعطاهم الامان …حتي لو كان مخطأ او كان غير موفق في بعض القرارات وحتي لو كان حاكم ظالم…لان لن يصلح الحاكم الا اذا صلحت الرعية …لن يولي علينا الله عمر من جديد ولا ابو بكر…واحنا بيتفشي فينا كل يوم الفواحش والذنوب …الناس بتدور علي ذنوب الحاكم وناسية ذنوبها …الحاكم هيحاكم ولكن من الملك الحكم الله سبحانه هو القادر علي تغير حال لحال وتوليه الاصلح…لكن الحاكم حتي لو كان ظالم..ده يخلينا احنا بينا كرعية
مؤمن بتأكيد لكلام حذيفة: خد بالك يا فراس المواجهة للجماعات دي والاشخاص دي اصعب بكتير من مواجهة عدو معلوم ومعروف..لان احنا لما بنحارب عدو خارجي بنحاربه واحنا عارفين هو عايز مننا ايه وعداوته واضحة..لكن للاسف دول بيتستروا بالدين لمصالح تانية خالص.
فراس بتفكير وحيرة: وليش مافيه چهة موثوق منها هي اللي تتحكم وتكون مسؤلة عن تعليم الناس والشباب الدين الحق من دون ما حدا خبيث يضيع عقولن وعقيدتهم!!
حذيفة لوي شفايفه بأسف: الحقيقة هقول حاجة وممكن ماتتفقش مع اللوائات !! بس للاسف هي حقيقة وهما عارفين كدة !! للاسف حتي الجهة اللي المفروض تكون هي المتصدر الرئيسي والموثوق فيه للبلاد والامة كلها تكون هي الازهر الشريف…والحقيقة الازهر فعلا بيخرج للناس الدين الوسطي البعيد عن العنف والتشدد..لكن للاسف في جزء العقيدة فيه اخطاء كبيرة فيها…والائمة اللي اسست الازهر من زمان واللي اتبعهم التابعين اغلبهم من الصوفية وعقيدة الصوفية فيها خطأ وخلاف كبير للعقيدة الصحيحة ….وكمان الصوفية زيها زي أي جماعة بتدعي الاتباع واحنا قولنا اننا مأمورين بإتباع نهج النبي وليس جماعة ايا ما كانت…
شهاب ابتسم والتفت لحذيفة : مش موضوع تزعلنا او اننا مش متفقين معاك في كلامك..لكن مصر بالاخص يا حذيفة وانت عارف هي مصدر الدين في العالم العربي كله والازهر هو علم من أعلام العلم في كل دول الاسلام ..حتي لو كان فيه بعض الخلاف في مذهبه او فكره لكنه الآمن حاليا وهو موضع ثقة العامة في البلاد وفي معظم البلاد العربية يعني مش هينفع في كل الاحوال نظهر الخطأ في فكره ومذهبة للناس لان ده هيكون زريعة للبعض انهم يستغلوا الخلاف لصالحهم!!!
حذيفة اتنهد بحيرة: انا فاهم سيادتك لكن مصر هي بلد العلماء حتي أئمة وشيوخ الحرمين من زمان هتلاقيهم من الاصل تعلموا علي يد علماء وآئمة مصر لان التابعين وتابعي التابعين انتهي عهدهم في شبه الجزيرة العربية مع الوقت وبدأ العلم ينشط ويزيد في العراق ومصر لكن لاسف مع مرور الزمان العراق اللي كانت هي مهد العلم والعقيدة الصحيحة بقت بؤرة للفرقة والعقائد المخالفة وتشتت للاسلام وانتشرت الطوائف بشكل مرعب وخصوصا مذهب الشيعة..اللي يعتبر هو المسيطر علي الاغلبية ونسوا او تناسوا ان العقيدة الصحيحة هي عقيدة اهل السنة والجماعة وليست الشيعة وباقي الطوائف!! يمكن مصر هي من اكتر البلاد العربية تمسك بالعقيدة الصحيحة بعد بلاد الحرمين ..بس انا بتمني من الله ان كل الناس تتبرأ من العقائد والمذاهب المخالفة دي وتخلص النية لله لو فعلا الائمة دي اتبعت نهچ النبي الحق من دون غلاء ولا مغالاه هيكون حالنا اصلح وافضل…لكن للاسف كل شئ بقدر الله مش في إيد حد.انه يهد عقائد ناس بالقوة دي ويغيرها بسهولة…لكن علي الاقل نبدأ بنفسنا واهلنا نعلمهم العقيدة الصحيحة والنهج الصواب!!؟
مؤمن ابتسم : عرفت يا فراس انا بعتك لحذيفة ليه!! علشان انت حاليا زي الطفل الصغير ..صفحة بيضاء.. اللي هيتكتب فيها هيفضل هو الاصل طول العمر…انا كنت عايزك تتعلم العقيدة قبل أي شئ الباقي ان شاء الله سهل!!
فراس ابتسم: عن چد انا كل لحظة بتعلق بالشيخ حذيفة وبزيد ليه احترام ..
حذيفة ابتسم بمزاح: خد بالك انت لسة قصادك المشوار طويل دراسة العقيدة مش سهل كدة ولا بينتهي في الوقت ده احنا لسة قصادنا كتير نتعلمه سوا لكن هي دي حلاوة العلم انك تعتبره نهر من العسل كل ما تشرب منه تزداد شوق ولذة وترجع تشرب منه والعلم زيه زي انهار الجنة لا لذتها بتنتهي ولا متعتها بتنقضي..مافيش حد يقدر يقول تعلمت كل شئ !! العالم مهما تعلم هيموت وهو ناقص علم…العلم لا ينتهي…
فراس ابتسم : قلي كيف فيك بعد كل هاد وتقولي انك ما انك شيخ ولا عالم!! كيف فيك تضايق من المديح فيك !! انت عن چد عالم والله عطيك علم وسماحة ما الها مثيل!!!
حذيفة بإستحياء: علشان انا مازلت وهفضل لحد ما ربنا يقبض روحي طالب علم وليس شيخ ولا عالم..الناس هي اللي بتحب المغلاه وتعظيم الاشخاص…انا مهما تعلمت هفضل طالب في بحر علم الله ثم النبي والأئمة من بعده …ودي أهم حاجة انت لازم تتعلمها وتحطها قصادك عقيدة !! عظم العلم للعلم ليس للشخص ولا للعالم!! العالم والإمام له الاحترام والتبچيل وليس العصمة والتعظيم…ما تتعلقش بالشخص!! تعلق بعلم الشخص ..فاهم يا فراس!!؟
فراس هز راسه بتاكيد وابتسم: فاهمان عليك يا شيخ فاهمان!
حذيفة اتنهد بضيق: وبعدين قولنا ايه!!
فراس ضحك بخفة: فهمت عليك يا بشموهندس حذيفة..منيح هيك!!؟
حذيفة ابتسم: ايوة كدة منيح يا سيدي!!
شهاب ابتسم : قولي يا حذيفة عامل ايه مع شريك الدنيا تمام معاكم!!؟
حذيفة ابتسم بحرج: والله الاخبار كلها عند سيادتكم أكيد يعني عندكم علم بكل شئ!! كمان يوسف ده من أجمل الناس اللي قابلتها في حياتي …
مؤمن ابتسم: يوسف كمان كان ظابط شاطر قبل ما يسيب الداخلية ويتجه للبيزنس!! ربنا يوفقكم!!
شهاب : زين كمان من اكفأ الظباط اللي قابلتهم ..انسان كدة تحترمه مهما كان فيه فرق سن ورتب بينكم….ظابط شاطر وانسان كمان محترم…وبيراعي ربنا في كل حاجة…وقليل في الشغل بتاعنا ده الانسان اللي منصبة وشغله مايغروش او يزيده افتراء او ظلم… انتم صحبة كدة ليها توليفة مختلفة ربنا يخليكم لبعض!
حذيفة بتأمين: اللهم آمين ..فعلا انا ربنا رزقني بمصعب في البداية وتخيلت انه الصديق الوحيد لحد ما ربنا رزقني بيوسف وزين ربنا يجعل صحبتنا وجمعتنا فيما يحبه ويرضاه!!
فراس التفت لمؤمن بتردد: سيادة اللواء فيني اتكلم معك بشكل خاص!!؟
حذيفة قام بحرج: طيب انا هستأءن دلوقتي وتحت أمركم في أي شي..وهنتظرك يا فراس في معادنا المعتاد كل يوم عن اذنكم!!
شهاب قام معاه: استني يا حذيفة انا جاي معاك كنت عايزك في حاجة! عن اذنكم..
خرج شهاب مع حذيفة خارج المكتب…
شهاب بجدية : حذيفة انا عايزك تركز مع فراس الايام اللي جاية انت لحد دلوقتي ما تعرفش مؤمن بعتهولك انت بالاخص ليه مش لحد.تاني!!
حذيفة بتفهم: حضرتك انا موجود معاه بإستمرار ومتفهم انه لسة بيدخل الاسلام خطوة ..خطوة..واكيد محتاج صبر واهتمام وانا الحمد لله بحتسب كل وقت بقضيه معاه وكل كلمة بوصلهاله في سبيل الله ويارب خير…اما ليه اختارتوني انا بالاخص مش عارف الحقيقة!!؟ مع ان عندكم شيوخ اكبر مني سناً وعلماً !!
شهاب اتنهد: اختارناك علشان فطرتك وعقيدتك السليمة…علشان فراس ببحب نجمة بنت مؤمن وعايز يتجوزها
..وانت عارف مؤمن مش قادر يضحي ببنته مع واحد مش من دينها وحتي لما أسلم اديك شوفت كان مجرد تغير لاديانة وبس مافيش أي تغير فيه !!
حذيفة بتفهم: فهمت حضرتك…وده أكيد طبعااا الاسلام مش مجرد نطق الشهادة وبس…الاسلام عقيدة وفقه احق ان يتبع بعلم وليس بجهل!!
شهاب : علشان كدة عايزك تهتم بيه اكتر في النقطة دي ارجوك!!
حذيفة ابتسم: صدقني حضرتك مش محتاج توصيني …ده عمل خير وثوابه عند الله عظيم..ربنا يقدرني واقدر انفعه بأمر الله…عن اذن حضرتك..
كان قاعد قصاده وعارف ومنتظر طلبه والموضوع اللي بيلح انه يفتحه معاه!!! لكن قرر يقطع الصمت وحاجز التردد علي فراس
اتنهد مؤمن بجدية : اتفضل يا فراس خير اتكلم!!
فراس بحيرة وتردد: كنت بدي قلك إمتي فيني شوف نچمة وحاكيها وفهمها كل شي!!
مؤمن حامل هم اللحظة دي اللي نجمة هتعرف فيها ان هو السبب في كل شئ!! ومهما كان مبرره او نيته!! هل هتتقبله منه!!
مؤمن اتنهد بتفكير: صدقني مش عارف يا فراس!! مش عارف امتي الوقت المناسب خصوصا انها من وقت ما رجعت من لبنان وهي منطوية لوحدها كلامها قل..خروجها قل…شغلها..اصحابها…تقريبا عايشة لوحدها!! مش عارف هتفهمني وهتغفرلي اللي حصل ولا لا!! صدقني مش عارف!!
فراس بحيرة اكبر وخوف: وانا متلك ماعم بعرف شو راح يكون ردة فعلا لما تعرف كل ش!! معقول بتتفهمني وبتقدر الضغط والحال اللي كنت عم مر فيهن!! يا تري بترجع توثق فيني من چديد!!؟
خبطت الباب ودخل ريان!!!
ريان بحزم: سيادة اللواء كنت عايزك ضروري!!!
مؤمن بجدية : تعالي ياريان ادخل!! ده فراس اللي حكتلك عنه!! ده ريان ابني يا فراس!!
فراس برهبة وخوف من هيئة ريان وملامحه وعيونه الحادة ونظراته القوية : اهلين فيك خي ريان بتشرف فيك!!؟
ريان بنظرات غاضبة وغيورة: انا عارفك كويس!! بشوف اغانيك وانت بتترقص مع البنات !!
فراس بحرج: احممم.هاد شغلي خي ريان!! يعني مطرب وهاد الشي طبيعي ولا شو!!
ريان قرب منه بوعيد: انا من وقت ما عرفت بحكايتك مع نجمة وانا كنت عايز افصل رأسك عن جسمك؛! لكن اللي منعني عنك انها للاسف بتحبك!! لكن انا مش عارف مش بالعك ليه ولا نازلي من زور!!!
مؤمن بضيق: رياااان!!! وبعدين!! انا طلبت منك تفهم من اختك حالها ايه ووضعها ايه مش انك تبوظ الدنيا اكتر ما هي بايظة!!
ريان نفخ بضيق: نجمة حاليا حالتها زي الزفت ولا طايقة حتي تسمع اسمه أيوة بتتنيل لسة تحبه لكن مش قادرة تنسي اللي عمله ولا مستعدة انها تبررله اي شئ!!
فراس بضيق من كلام ريان ونفوره منه الواضح: انا فيني شوفا وحاكيها وأنا بحاول وضح ليها كل شي!!
ريان قرب منه بتحذير: إياك ثم إياك تفكر انك تشوفها او تكلمها!! نجمة في حالة ما تسمحش أبدااا انها تسمع منك أي حاجة الموضوع محتاج شوية وقت!!!
فراس بإعتراض: لكن انا بشوف انه من حقي حاكيها لحالي أنا الوحيد اللي فيني هرجها من هاي الحالة!!
ريان بيغمض عيونه ويكتم غضبه: سيادة اللواء ابوس ايدك انا خارج من هنا علشان عظيم بالله هخلي نجمة تترحم عليه! ده اذا ما قالتش الله يكحمه مطرح ماراح!! عن اذنك! اها مش هعيد كلامي تاني لو فكرت تقابلها من غير ما انا اقولك هقتلك؟؟
خرج ريان وسط زهول فراس ودهشته وضيق مؤمن !!!
ريان بزهول: انت عن چد متأكد ان هاد ابنك!! هاد خي نچمة!! هاد خي السمراء الرقيقة!!
مؤمن لوي شفايفه بسخرية: كمل كلمة كمان وهتلاقيه داخل عليك زي القضا ويقبض روحك!! اسكت واقعد خالينا نشوف هنعمل ايه!!؟
وقف بالعربية ببطئ وهدوء والتفت ليها وهو مشفق عليها وعلي حزنها والحمل الكبير اللي اتحملته..
وليد بهدوء: تحبي انزل واطلع معاكي فوق!!
هي تايهة..مترددة…متوترة …ويمكن كمان خايفة..لكن جواها تصميم غريب انها تمشي الطريق للنهاية وتحاول تعمل اللي ضميرها بيفرضه عليها حتي لو علي غير هواها..
اتنهدت بتماسك وحزن: لا مافيش داعي كفاية تستناني هنا ..
وليد بحيرة وقلق: بس انا مش هكون مطمن كدة وانتي لوحدك مش ضامن رد فعل البنت عليكي يكون ايه !!
ماليكة بهدوء: مش انت قولتلي انها معظم الوقت مع والدتها لوحدها وان والدها متوفي واخوها دلوقتي مش موجود!! يعني هي حاليا لوحدها مع مامتها اكيد مش هتضربني يعني!! خصوصا اني مش هأذيها!!
وليد بضيق: انا متاكد انها دلوقتي لوحدها مع والدتها وان أخوها مش فوق..بس البنت بعد ما تعرف انك من طرف مالك أكيد مش هتديكي فرصة تتكلمي اصلا بعد اللي عرفته منك والسبب في وانك بتدوري علي البنات والستات دي ..متأكد مافيش واحدة منهم هتتحمل إسمه اصلا علشان تعرف سبب وجودك!!
ماليكة غمضت عيونها بدموع وحزن: أرجوك يا وليد ريحني واسمع الكلام …استناني هنا وانا لو حصل أي شئ هنزل بسرعة او هكلمك تطلعلي..انا مش حابة انك تطلع معايا ولا هينفع تكون معايا في أي مرة جاية…كل واحدة منهم فيها اللي مكفيها من الزل والاهانة …مش هينفع أكمل عليها بوجودك في موقف زي ده!!
وليد اتنهد بإستسلام : تمام انا مستنيكي ولو اتأخرتي هطلعلك… خدي بالك من نفسك يا دكتورة ارجوكي!!
ماليكة هزت رأسها بخفة وتأكيد ونزلت بهدوء وطلعت لشقة أول ضحية من ضحايا مالك…واللي كانت في أول قائمة الاسماء اللي سابها ليها في وصيته!!…
وقفت قصاد الباب وهي مترددة ومتوترة وأخيرا ضربت الجرس!!
بعد دقائق فتحت ليها الباب بنت في اوائل العشرينات من عمرها …جميلة ..بسيطة…لكن كانت مستغربة شكل ماليكة وهيأتها…واضح انها من طبقة ومستوي مختلف كتيير عن اللي هي عايشة فيه ومش فاهمة هي واقفة علي بابها هي بالتحديد ليه !!؟
نرمين بدهشة: نعم!! مين حضرتك!!؟
ماليكة بإبتسامة هادية : إنتي نرمين السيد مش كدة!!؟
نرمين بقلق وخوف: ااايوة انا !! لكن انتي مين وعايزة إيه!؟
ماليكة بتتلفت حاوليها بحرج! احمم..طيب هو ممكن ندخل جوا نتكلم بدل واقفة السلم دي!! يعني علشان اعرف افهمك واشرحلك انا مين وجايالك ليه!؟؟
نرمين مازالت قلقانة ومتوترة لكن شكل ماليكة برغم انه غربب عليها وبيثير فضولها …لكن مريحة وهادية مش..بعدت عن الباب بخطوتين وشاورت لماليكة تدخل!!
نرمين : اتفضلي ادخلي!!
دخلت ماليكة وشافت بيت بسيط ومتواضع زي المكان والحي تمام مكان بسيط وعائلة بسيطة …لكن البيت نضيف وهادي ماليكة علي غير عادتها ابتسمت بمزاح ..
ماليكة بهدوء: بيتكم لطيف اوي وهادي وريحته حلوة شكلك بتحبي النضافة يا نرمين!! تعرفي ااااانا كمان بحب ارتب اي مكان بقعد فيه مش بحب الدوشة والكركبة ..
نرمين عقدت حاجبها بدهشة من كلام ماليكة!! واحدة أول مرة تشوفها او تدخل بيتها وبتتكلم معاها في كلام غريب ومش مجمع!! وكأنها بتتقمص شخصية وكلام مش ملائم ليها ولا لشخصيتها !!
ماليكة شافت ملامح الدهشة والاستغراب علي نرمين وحاست بحرج شديد…لكن هي حقيقي متوترة مش عارفة تبدأ كلامها ازاي ولا تقولها ايه ولا!!
نرمين بنفاذ صبر: ممكن حضرتك تقوليلي انتي مين!! وجاية هنا عايزاني ليه!!
ماليكة اخدت نفس عميق واتكلمت : إنتي كنتي تعرفي واحد إسمه مالك!!؟
وقتها نرمين وكأنها لسعها قرصة عقرب مسموم وانتفضت بقوة من مكانها وملامح الخوف والرعب دبت فيها ….وكأن الدموع واقفة ومنتظرة في عيونها …ولمعت في لمح البصر…
نرمين برعب: مالك!!؟ ووووو..وووهو إيه فكره بيا تاني!!؟ هو باعتك ليا ليه!! اااانا خلاص ما صدقت بعد عني وانقطعت أخباره…انا قولت الحمد لله نسيني بقي وبكفاية …اااانا ياما قولتله مش قادرة أكمل ولا هينفع أكمل!!؟ أااابوس ايدك قوليله مش لاقياها…بصي…قوليله أمها بتموت اقسم بالله أمي بتموت جوا…ااانا مش هقدر اخرج واسيبها لوحدها …قوليله إني خلاص تعبت من اللي شوفته منه وبسببه !! حرام عليه كدة والله حرام…
ماليكة دمعت بحزن عليها وعلي حالها اللي يوجع القلب!!
ماليكة قربت منها تهديها: اااارجوكي اهدي بس واسمعيني ااانا هفهمك !!
نرمين بدموع ورجاء: الله يخليكي إمشي اخويا زمانه جاي وده مجنون لو شم خبر ولا سمع كلمة كدة ولا كدة هيقتلني وساعتها أمي مش هتلاقي حد جنبها ابوس إيدك قوليله مش لاقياها …قوليله اي حاجة…احنا بنات زي بعض …ساعديني الله يخليكي!!
ماليكة بدموع وصدمة من الحال اللي اتسبب فيه مالك لواحدة زي نرمين: يا نرمين اهدي وسبيلي فرصة اتكلم …مالك مش طالبك ولا عايز منك حاجة…مالك!! مالك مات يا نرمين !! مات!!
وقتها نرمين عقدت حاجبها بصدمة وعدم تصديق: ااااانتي بتتكلمي جد!! احلفي انه مات!!؟
ماليكة بوجع : والله مات … ماات قصاد عنيا كمان!!
نرمين ضحكت بفرحة من بين دموعها وانفاسها السريعة وبتلف حاولين نفسها زي المجنونة!!!
نرمين: مااات!! مااالك مات!! الف حمد ليك يارب…يارب لا تغفرله ولا تسامحه ولا تدخله جنتك زي حرمني من كل حاجة حلوة في الدنيا وياعالم هشوف ايه في اخرتي!!
ماليكة بدهشة : للدرجة دي!!
نرمين بغليل وغيظ: واكتر بكتير كمان!! ااانا لو كنت اطول اقتله بدل المرة الف مرة كنت قتلته !! لو بإيدي كنت حرقته وشفيت غليلي زي ما حرق قلبي وقلب ابويا وامي !!! اللي زي مالك ما يتبكيش عليه ولا يتحزن عليه!! حتي كلمه الله يرحمه خسارة فيه وما تطلعش ليه !!!
ماليكة بتردد وحرج: اانتي كدة بتصعبي عليا طلبي منك اوي يا نرمين!؟
نرمين قربت منها بإستغراب: طلب!! طلب إيه !؟
ماليكة قعدت بتعب وإرهاق : مالك قبل ما يموت بعتلي فلاشة عليها اسماء بنات وستات كتيرة وانتي منهم وطلب مني إني اجلكم واقولكم ان كل صوركم وڤيدوهاتكم اللي معاه اتمسحت واخر نسخة هنا معايا علي اللاب توب ده ولازم امسحها قصاد كل واحدة وتتاكد ان مافيش نسخ تاني ولا تهديد تاني…وطلب مني اني اطلب منكم تسامحوه علي اللي عمله معاكم…
رفعت عيونها لنرمين برجاء: ده آخر طلب ليه منك يا نرمين!! سامحيه ارجوكي ..يمكن كمان ربنا يسامحه!!
نرمين بدموع وقهرة ورفض: اسامحه!! اسامحه علي إيه ولا ايه ولا ايه!! اسامحه علي مستقبلي اللي ضيعه!! ولا علي ابويا اللي وقع مات بذبحه صدرية في نفس اللحظة اللي شاف فيها ڤيديو من اللي صورهملي مالك واللي هو بنفسه بعتهوله علشان وقتها كنت رافضة اكمل معاه وما اترددتش لحظة انه يفضحني ويبعت الڤيديو لابويا !! ليلتها ابويا ما قدرش يكمل ثانيتين منه ووقع مات ما اتنفسش بعدها…وأمي من قهرتها عليا ومني وكمان حزنها علي ابويا وقعت جنبه وفاقت مشلولة لا بتتكلم ولا بتحرك ايد ولا رجل ولحد النهاردة بتبصلي بعتاب ولوم ومش قادرة تسامحني!! الوحيد اللي ما عرفش هو اخويا ودي من رحمة ربنا كان زمانه قتلني ودخل السجن وأمي بقت وحيدة ويمكن تموت لوحدها مش هتلاقي اللي يخدمها ولا يلحقها!! ..اسامحه علي إني هعيش عمري كله لوحدي مش هقدر اتجوز زي كل بنت!! مين هيرضي يتجوز واحدة زيي!! قوليلي مين يا أستاذة يقبل علي نفسه يتجوز واحدة بماضي زي الماضي اللي انتي شوفتيه!!! وجاية بعد كل ده تقوليلي اسامحه!!؟ ده انا لو بموت مش هسامحه !!
ماليكة موجوعة من كلامها ومش متخيلة ولا مستوعبة كم المصايب اللي اتسبب فيها مالك!!
ماليكة قربت منها بدموع: بس ربنا بيغفر يا نرمين وإنتي من حقك تكملي حياتك مع واحد يحبك وتختاريه ويسامحك كمان!! احنا بشر مش ملايكة !! وبكرة ده بتاع ربنا ليه تيأسي كدة !!
نرمين قعدت بدموع ووجع: يسامحني!! مافيش راجل بيسامح في العرض والشرف يا استاذة!! مستحيل!! و إن فرضنا حتي اني قولت اعمل عملية زي بنات كتير ما بتعمل وابدأ حياتي وخلاص!! بفكر الف مرة لو جرالي حاجة وانا بعملها امي دي هتعمل ايه من بعدي!! طيب وقتها هتبقي فضيحة!! اللي سترته وانا عايشة افضحه وانا بموت!! وان فرضنا اني عشت وقومت كويسة واتجوزت كمان!! خايفة يجي يوم والاقي جوزي داخل عليا بصورة ولا ڤيديو ليا من الجروبات ولا المواقع اللي كان بيبعها ليهم مالك!! وقتها هعمل ايه!! وقتها برجع ايأس من تاني واسكت واقول هو ده جزائي ونصيبي ماليش حق غير كدة!!؟
ماليكة بصدمة : مواقع!! مش فاهمة يعني إيه باعهم ليهم!!
نرمين ابتسمت بسخرية: هو إنتي مش بتقولي تعرفي مالك كويس !! وشغالة معاه!! ازاي ما تعرفيش بقي شغله مع المواقع دي!!؟
ماليكة بدقات قلب مجنونة ودهشة: لا ارجوكي فهميني !! اانا بسمع في حاجات وبكتشف كل يوم مصيبة اكبر من اللي قبلها!! والنهاردة انا اخدت صدمات كتييير اوي !! فهميني من فضلك!!
نرمين بصت في عيونها بشفقة: انتي كنتي بتحبيه!!؟
ماليكة قعدت بدموع وإنهيار: للاسف كنت بحبه!! للاسف من دون كل رجالة الدنيا ما حبتش الا مالك!! مش عارفة ليه القدر بيختبرني بالشكل ده!!؟
نرمين قعدت جنبها بحزن: وعمل معاكي زينا!!؟
ماليكة بدموع حركت راسها بنفي: مالحقش !!! كانت بيحاول بس لما حبني ما قدرش يكمل!!
نرمين اتنهدت براحة: الحمد لله انه نجاكي منه!! هو انتي اسمك ايه!!؟ كل ده وانا نسيت اسالك عن إسمك!!؟
ماليكة بدموع: إسمي ماليكة!! ماليكة الحديدي…
نرمين ابتسمت: بصي يا ماليكة ..مالك كان بيستدرج البنت من دول ويدلعها ويثبتها…وحب وخروج وفسح وهدايا ..لحد ما تحس انها مسكت نجمة من السما بإيديها وبعد ما تثق فيه وتصدق انه حب العمر وعوض السنين يغيب عنها كام يوم لحد ما تبقي هتتجنن من خوفها عليه وقلقها من بعده…يظهر ويكلمها ويتحجج بتعبه ووحدته في البيت الايام اللي فاتت ويتصعبن عليها وقد ايه ماكنش فارق معاه تعبه قد ما فرق معاه بعدها عنه وانها وحشته!! ويطلب منها تزوره في البيت بما انه مش قادر يخرج وهيتجنن ويشوفها!! اي بنت مننا في الاول بترفض وتخاف وتتردد..بس هو مش بيصمم خالص وبيحسسها انه محترم رغبتها وخوفها منه!! وانه هيستني لحد ما تثق فيه ويتصعبن وياخد جنب!! البنت وقتها بتلوم نفسها وتصدق انه فعلا بيحبها بتوافق وتروح ليه!! القعدة بتكون عادية جدااا وطبيعيه لاقصي درجة لحد ما بتشربي مشروب الكوكتيل السحري بتاع مالك!!
وكملت وهي بتبتسم بوجع و سخرية : مشروب ماحدش بيعرف يعمله الا هو بعد دقايق بسيطة بتشوفي الدنيا بالوان مختلفة وتحسي انك طايرة في السما شايفة وسامعه حاجات مش موجودة حاوليكي اصلا!! في خلال رحلتك للسحاب والعالم الغريب ده بيكون هو بيخاد منك اعز واغلي حاجة ممكن تتسرق منك!! وبيكون كل شي متسجل ومتصور بوضوح …واللي بيشوف الڤيديو بيشوف واحدة سعيدة وبتضحك وتدلع وراضية مش واحدة متخدرة ولا مش دريانة بنفسها!!؟
شوية وقت بتفوقي وتلاقي نفسك في خبر كان واحدة ضايعة …عريانة في سرير لوحدك…وقصادك شبح وسخ بيبصلك بإنتصار ويبتسم ببرود!! تصرخي… وتبكي.. وتكسري ..وهو هادي وساكت لحد ما تخلصي صدمتك ويبدأ انسان تاني خالص غير اللي إنتي تعرفيه!!
يبدأ يحددلك مواعيد شغلك معاه!! وغصب عنك لازم توافقي والا هتتفضحي في لحظة ..بعدها بتبقي مجبرة تروحي ليه يصورك بترقصي!! …يصورك لحدك!! ..يصورك معاه ويخفي ملامحه هو واي حاجة تخصه!! اوقات ماكنش بيصور ..وكان بيبقي المعاد لمزاجه مش أكتر !!
الصور والڤيديوهات دي بيبعها لمواقع اباحية كبيرة وجروبات بتدخل بفلوس وڤيزا علشان يدخلوا يحملوا الصور والڤيدوهات دي واوقات كان بيجبرني اقعد واتكلم لايڤ مع رجالة وشباب علي المواقع دي وده كان بيبقي سعره اغلي طبعا؟؟
فهمتي مالك كان بيعمل فينا ايه!! لسة عايزة تطلبي مني اسامحه!!
ماليكة بتبكي بوجع وصدمة وهي بتضغط بقبضة ايديها علي نفسها بقوة وغيظ لحد ما اظافرها غرزت في جسمها وعلمت !! وكأن نرمين كانت بتخرج من بين شفايفها سهام وخناجر مسمومة مش كلام !! خناجر بتجرح فيها من غير رحمة!! دي مش صدمات عادية لا…دي صدمات العمر كله
نرمين قربت منها وسحبت ايديها اللي بتأذي بيها نفسها بشفقة وضمتها بحزن …ماليكة صرخت في حضنها بدموع ووجع..
ماليكة بإنهيار: لا لا قولي انك بتضحكي عليا!! قولي انك بتكدبي ارحم كتير من ان تكون دي الحقيقة..مستحيل!! مستحيل يكون ده مالك لا !! انتي بتتكلمي عن مسخ متوحش مش بني آدم!! انتي بتتكلمي عن واحد تاني غير مالك!! مستحيل مالك يعمل كدة مستحيل !! هو اصلا فيه انسان يقدر يعمل كدة!!! احنا عايشين في غااابة ..غااابة مش دنيا
نرمين بدموع وحزن: علشان كدة بقولك احمدي ربنا انه نجاكي منه!! مالك ده كان لعنة!! لعنة ومالهاش حل ولا بتنحل!! حلها الوحيد هو موته !! موته هو اللي نهي اللعنة دي!! مالك كسرنا وزلنا جااامد اوي اوي !!! انا عمري ما هنسي الليالي اللي مرت عليا من يوم اللي حصل معايا منه …كل ليلة انام علي خوف واصحي علي خوف!! الباب يخبط اترعب واخاف يكون هو ولا حد من طرفه!! الفون يرن برقم غريب اترعب واموت في جلدي يكون هو او حد من معارفه!! اخويا يدخل البيت مستعجل او متعصب اخاف يكون عرف حاجة وجاي يموتني!! كل ما اشوف الفون في ايد اخويا افضل ادعي وانا بموت من الخوف احسن يقع قصاده صورة ولا ڤيديو ليا!! بمشي في الشارع موطية راسي احسن حد يكون شافني ولا يعرفني !! وحتي بعد ما مات لسة الخوف والرعب موجود!! مش هينتهي!!
ماليكة خرجت من جضنها بدموع ونااااار !! نار الحقيقة المرة اللي اتمنت انها لا كانت تعرفها ولا تسمعها!!
ماليكة بتمحي دموعها بحزن: قوليلي يا نرمين انتي في كلية ايه!؟؟
نرمين ابتسمت بقهرة وسخرية: قصدك كنت في كلية ايه!!؟ انا كنت في كلية إعلام ويادوب هي اول سنة خطيت فيها الكلية وبعد شهرين اتعرفت علي مالك في خروجة مع أصحابي …ومن بعدها بدأت حياتي تنهار ولما جه معاد امتحان نهاية السنة كان حصل اللي حصل لبابا وماما ومن بعدها لا كملت ولا رجلي خطت الجامعة من تاني ..الكلام ده من ثلاث سنين بالظبط!!!
ماليكة : طيب انتي بتشتغلي!!؟
نرمين اتنهدت : حاولت انزل اي شغل في محل او اي حاجة اساعد بيها اخويا..لان بابا كان شغله خاص ومالهوش معاش..وعلاج ماما ومصاريف البيت كتير..لكن للاسف كل ما بنزل شغل بسيبه بعد كام يوم بسبب مواعيدي لاني بحاول افضل مع ماما لحد ما اخويا يرجع من شغله علشان ما نسبهاش لحدها…وبكون عايزة ارجع بدري علشان كل يوم بنتخانق انا واخويا بسبب التأخير بالليل …وفي الاخر بيمشوني !!!
ماليكة : طيب اسمعي انا هاخدك وهنروح الجامعة ونعمل كل الاجرائات علشان ترجعي تكملي جامعتك وهنظبط مواعيدك ومحضراتك مع مواعيد الشغل اللي هجبهولك انتي لازم تكملي دراستك..لازم ترجعي مستقبلك اللي ضاع منك…وانا جنبك وهساعدك مش هسيبك!!؟
نرمين بفرحة : بجد!! هو انا ممكن ارجع الجامعة!! هما ممكن يرجعوني بعد كل الفترة دي!!؟
ماليكة ابتسمت بحزن: انا قولتلك هترجعي مالكيش دعوة دي بتاعتي انا بقي !!
نرمين بحيرة: طيب وماما !! هعمل معاها ايه !! جامعة وشغل!؛ لا لا أمي محتجاني!!
ماليكة بتصميم: ماما لازم تتعالج هي كمان!!! انا هدخلها مركز متخصص في حالات الشلل وفقدان الحركة هتفضل فيه يتابعوها لحد ما حالتها تتحسن ولو احتاجت اي حاجة او اي عملية انا هعملها حتي لو هتسافر اي مكان…قولتلك انا مش هسيبك!!
نرمين بتحاول تستوعب كم البهجة والسعادة اللي دخلتها عليها ماليكة بكلامها ووعودها ليها!!
نرمين بفرحة: عارفة !! حتي لو مشيتي من هنا وما شوفتكيش تاني !! حتي لو كلامك ده مجرد وعد وخلاص ومش هيتنفذ!! لكن كفاية الراحة اللي في ملامحك وكلامك ليا!!! كفاية الامل اللي زرعتيه جوايا!! كفاية الطريق اللي نورتيه ليا من بعد ما حياتي كلها ضلمت !!!
ماليكة بوعد: صدقيني مش بخدعك ولا بوعدك كدب!! كل حاجة قولتها ليكي هتتنفذ!! ومن دلوقتي كمان هكلم المركز واخليهم يبعتوا عربية تاخد ماما وانتي معاها ونعرف حالتها بالظبط ومن بكرة هاخدك الجامعة وهتبدأي شغلك كمان!! انا مش هسيبك يا نرمين الا لما تصلحي ولو جزء بسيط من حياتك اللي اتسرقت وضاعت منك!!
نرمين رمت نفسها في حضنها بدموع: مش مصدقة ان مالك اللي كان السبب في ضياعي ربنا يبعتلي من طرفه وعن طريقه ملاك زيك تقف جنبي بالشكل ده!!؟
ماليكة اتنهدت بحزن: يمكن ربنا فعلا بعتني ليكي مش علشان تسامحي مالك !! علشانك انتي علشان اساعدك علي قد ما اقدر!! ومش لوحدك انا كدة اتاكدت ان كل واحدة في القائمة اللي معايا محتجاني ومحتاجة مساعدة بأيى شكل!!
نرمين اتنهدت: الحمد لله ربنا يكملها معايا بالستر وما يفضحني ابداااا…
وبتردد وتفكير: بس اخويا اقوله ايه!! انتي مين !! وبأي صفة هتعالجي ماما !! والجامعة والشغل!!
ماليكة بتفكير : بصي هتقوليله دي جمعية موجودة بتساعد الناس وانك بعتلهم وهما بعتوني ليكي اشوف حالتك واساعدك !!
نرمين ابتسمت بفرحة: عندك حق ..صح كدة !! خلاص انا النهاردة هقوله ومن بكرة نبدأ في كل حاجة!!
ماليكة قامت بتعب وكتبتلها رقمها علشان تتواصل معاها: ده رقمي يا نرمين اول ما تجهزي كلميني هجيلك علي طول اتفقنا!!؟
نرمين اخدت منها الرقم وبرجاء وخوف: ماليكة!! انتي هترجعي تاني بجد!؟؟
ماليكة قربت منها بدموع: والله هرجع!! ده رقمي معاكي وهسبلك عنواني كمان…وعد اول ما تكلميني هتلاقيني جتلك علي طول ..
خرجت ماليكة من شنطتها مبلغ وقربته من نرمين: خدي خالي دول معاكي لحد ما تكلميني يمكن تحتاجي تجيبي حاجة !!؟
نرمين رجعته ليها وابتسمت: انا مش عايزة فلوس ليا ! انا عايزاكي بس تساعديني اعالج ماما!! واكمل دراستي واشتغل!! ده جميل عمري ما هنساه ليكي ودين في رقبتي العمر كله!!؟
ماليكة بتصميم: انا هعمل كل ده واكتر كمان!! بس برضوا مصممة تاخدي دول اكيد هتحتاجي لبس جديد للشغل والجامعة…ماما محتاجة حاجة !! اي حاجة محتاجاها هاتيها مؤقتها لحد ما كل حاجة تتظبط!! اتفقنا!!!
نرمين ابتسمت وحضنتها بقوة: انا حبيتك وارتاحتلك اوي يا ماليكة!! ربنا يسعدك ويوفقك وعوضك بكل حاجة حلوة !!
ماليكة اتنهدت بحزن: يارب يعوضني يا نرمين!!! ياللا انا همشي دلوقتي وهستني مكالمتك !! اتفقي مع أخوكي علي كل حاجة وكلميني!!
خرجت من عند نرمين.. مهمومة وتايهة.. وحزينة… ولسة الصدمة والوجع مسيطرين عليها وعلي ملامحها!!
شافها وليد نازلة قرب منها بقلق: انتي كويسة يا دكتورة!!؟
ماليكة بتماسك ودموع بتخبيها: انا كويسة: بس ارجوك رجعني القصر بسرعة انا مرهقة وعايزة ارتاح…
وليد بقلق: طيب طمنيني حصل ايه فوق!! حد اتعرضلك !!
ماليكة بدموع: انا لو كنت اندبحت كان اهون من اللي سمعته وعرفته فوق!! روحني يا وليد بسرعة ارجوك!؟ مش هقدر اروح اي مكان النهاردة كفاية عليا كدة النهاردة !؟
وليد اتنهد بضيق علي حالها وحزنها سندها برفق وركبها العربية واخدها ترجع البيت…..
*************************
دخل عليها اوضتها بهدوء وخفة …كانت سرحانة بحزن وهي بتسمع اغنية بصوته وبترسم لوحة فيها ملامحه !!
ريان اتنهد بضيق وقرب منها :لسة بتحبيه !! طيب ليه رافضة تسمعيه او تتكلمي معاه!!؟
نچمة اتنهدت بحزن وكبرياء وسابت فرشة الرسم بضيق وقفلت الاغنية…
نچمة بكبرياء: بحبه ايوة… وصوته مش بيفارقني ايوة سواء في اغانيه او حتي في كلامه ليا اللي لسة بيرن في ودني!!؟ صورته مرسومه في خيالي ايوة وحتي لما برسمها انا برسمها من خيالي وقلبي مش من صورة ليه !! لكن كل ده مش معناه اني اسامحه!!! مش قادرة اسامحه انه كسرني ووجع قلبي لأي سبب
ريان قعد قصادها بتعب وضيق: بصي هو انا لو عليا مش طايقه ..يعني عيل كدة طري وملزق ومسهوك كدة مش نازل من زوري صراحة!! بس بعد اللي عرفته من بابا ومنه انا اللي بطلب منك تكلميه وتسمعيه!؟
نچمة بدهشة: هو انا مستغربة بصراحة انك انت وبابا وماما كمان بتدافعوا عنه مع ان بابا وماما كان موقفهم محسوم ورافضينه!! وانت كمان كنت متوقعة بجد انك اول ما هتعرف مش هتوافق!! استغربت انك عرفت من بابا وكمان جاي تقنعني اكلم فراس!! مش غريبة دي!؟؟
ريان بعد عنها وسرح بخياله واتنهد بقوة: عارفة!! لو كنت عرفت حكايتك مع الواد ده من فترة كبيرة قبل ما اتجوز لمار!! كان موقفي هيبقي محتلف تماما!! كنت رفضته ويمكن كسرت دماغك كمان!! لكن تجربتي مع لمار وحكايتي معاها غيرت جوايا حاجات كتير ..عرفتني معني الحب بجد…قدرت افهم يعني ايه تكوني مع الشخص الوحيد اللي اختاره قلبك من بين كل الناس والجنسيات واللوان البشر يعني ايه يكون قصادك الناس كلها وانتي مش شايفة غيره ومش عايزة غيره!! …يمكن الناس تشوفه مش مناسب ومعيوب كمان!! لكن عيونك وقلبك شايفاه طوق النجاه!! الضحكة مش بتترسم علي الشفايف الا معاه وعلشانه…صوته نغم يدوبك حنين في لمح البصر…حضنه ملجأ يدفي قلبك في عز البرد ..فرحته وضحكته دواء لجرحك و وجعك مهما كنتي بتتألمي!! ووجعه يجرحك ويمزع قلبك مهما كنتي في عز فرحتك !!
نجمة قربت منه بدهشة وابتسمت: للدرجة دي لمار غيرتك !! للدرجة دي بتحبها!!؟
ريان التفت ليها ومد ايده ضم اكتافها بحنان: ده مجرد عنوان عن اللي جوايا للمار!! حبي ليها مافيش كلام يوصفه.. ولا احساس يعبر عنه!! علشان كدة لما شوفت حزنك ووجعك علي فراس ونظرة عيونك حسيت بيكي وفهمت قد ايه بتحبيه!؟ وهو كمان بيحبك وحقيقي عمل علشانك كتيرر!! اسمعيه وبعد كدة قرري بس وقتها قرارك هيكون نتيجته ليكي لوحدك!! وانا هساعدك علي القرار ده ايا كان هو ايه…بس فيه كلام لازم تسمعيه منه هو الاول قبل ما تسمعيه مني او من بابا!!
نجمة بحيرة وحنين: انت شايف كدة!!؟
ريان لوي شفايفه بضيق: والله يا ختي انا لو عليا عايز افرقعه بصاروخ يرجعه لبنان علي ظهره!! لكن هقول ايه ملعون ابو الحب وبهدلته والله…
نچمة ضحكت : خلاص خلاص!! انا هلحقك بقي وانت واخداك الجلالة كدة ومتحمس للحب وبتدافع عنه وهقابله ..
واتنهدت بغيظ: علشان هتجنن واعرف ايه الحكاية وايه اللي حصل!! بس والله مهما كان اللي حصل لازم اربيه اعرفه ان جرحه ليا مش بالساهل !!
ريان: يعني هتسامحيه!!!
نچمة بحيرة : مش عارفة!! مش هقدر احدد ولا احكم علي حالي ومشاعري الا بعد ما اسمعه الاول وقتها هقدر اقرر وافهم كل حاجة…
ريان بضيق: اللهي يارب يسد نفسك عنه وتكرهيه وتقلبيه!! علشان انا مافيش حاجة مصبراني عليه الا حبك ليه ونحنحتك عليه دي …
نچمة بتضحك: بجد الله يكون في عونه لو سامحته انت اللي هتبقي حماه مش بابا!!
ريان لوي شفايفه بغيظ: حمي تاخده!! عارفة اول حاجة هعملها هاخد الواد ده واعمله معسكر انفراضي واطلع عينه واكفر سيئاته لحد ما يخشن كدة ويسترجع واتخنله صوته النواعم ده !! تصدقي الواد عليه وش املس كدة ولا وش الستات عجبك فيه ايه ده الله يخربيتك ويخربيت زوقك المهبب ده!!
نچمة بتضحك بقوة: حرام عليك يا مفتري !! ده صوته يجنن وكل الستات بتحبه وكمان وسيم !! انت مش طايقه كدة ليه بس!!؟
ريان بنكران : ننننعم!! هو مين ده اللي كل الستات بتحبه!! دي ستات هبلة زيك !! ده الواد ما تفرقهوش عنك يا بنتي ناعم بشكل يقلق!! تصدقي ده انا اقلق ابعته معسكر من معسكرات الرجالة عندي وربنا يتحرشوا بيه !!؟
نچمة بتكتم ضحكتها: حرام عليه هتكرهني فيه كدة !!؟
ريان برجاء: يارب كرهها فيه وابعتلها راجل كدة ناشف حاجة كدة تقف في وش الزمان !؟
نچمة حضنته بقوة: انا بحبك اوي يا ريان! ربنا يخليك ليا !؟
ريان ابتسم وضمها بقوة : ويخليكي ليا يا حبيبتي!! ربنا يسعدك المهم اشوفك مبسوطة ومرتاحة …ححدللك معاد تقابليه وبعدها اللي ربنا عايزه هو اللي هيكون ..
نچمة اتنهدت بحيرة: يارب يكون خير يا ريان يارب!!
************************
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية رحم للإيجار 3 (حب الفرسان))
