رواية زوجتي الجريئه الفصل الحادي عشر 11 بقلم منة محمد
رواية زوجتي الجريئه الجزء الحادي عشر
رواية زوجتي الجريئه البارت الحادي عشر
رواية زوجتي الجريئه الحلقة الحادية عشر
ريشه: اظاهر عندنا ضيفه
يحيي: ايوه اقدملك توتا
ريشه: قلت ايه مسمعتش
يحيي: قصدي حبيبتي توتا
ريشه ببرود: اه هي توتا بجد مفاجأه حلوه انبسطت لما شوفتك
توتا مدت كف ايدها بغرور: اسمي تهاني حمدي والدلع توتا
ريشه جات تمد ايدها تسلم كانت توتا سحبت كف ايدها ولعبت في خصل شعرها وده ضايق يحيي منها جدا
ريشه لمت ايدها وابتسمت: اه صاحبه يحيي
توتا بتكبر: شكلك بتستفزيني اسمعي انا مش طفله ممكن تستفزيها
ريشه: انا رشا وجدي زوجه يحيي علام الشرعيه
توتا: بس لمعلوماتي اسمك الحقيقي ريشه
ريشه: لاء ريشه ده لقب للناس القريبين مني وبس ع سبيل المثال جوزي وعايلتي اما الناس الي مليش بيهم اي علاقه ميستحقوش ينادوني بلاسم ده
توتا: وانا مش مهتمه
ريشه: اوكيه وافضلك متهمتيش اتفضلوا ادخلوا
توتا سحبت يحيي معاها وريشه بصت لايدها الي متبته في ايده اللي ماكلفش حتي خاطره يسحبها منها.. وكانت هتقعد جنبه
ريشه بخبث: لاء استني ( زقتها ع الكنبه التانيه) اقعدي هنا اصل فيه دبوس وقع هنا حالا
ريشه قعدت تحت رجل يحيي وقالت وهي بتخلعه الشراب: دبوس من جهنم وقع ع الارض وهيشكك لو دخل في رجلك
يحيي برتباك: مطبختيش النهارده
ريشه بتحذير: لاء متتكلمش كده
يحيي هرش في خده وحمحم وقال: حبيبتي مطبختيش اي حاجه
ريشه مبتسمه: لاء بعد شويه هروح المطبخ اعمل اكل لجوزي حبيبي
توتا هتموت من القهر ومولعه غيظ من طاعته ليها
ريشه وهي قايمه مثلت انها تكعبلت ووقعت ويحيي بلهفه: خدي بالك
ريشه بدلع مغري: اسفه مكنش قصدي لكن واضح انك بتحبني مش كده
يحيي تاهه فيها ورد بطلقائيه : اه
ريشه ابتسمت لما مسكها من ايدها عشان يوقفها
يحيي قعد ورجع بص لتوتا الي بصت له عيونها كلها شرار من الغضب وشويه هطلع دخان من كل حته وهو خاف وارتبك !!!
ريشه ضحكت: تمام رايحه المطبخ
يحيي : اه قومي
ريشه قامت واتمخطرت قدام يحيي والإبتسامه ع وشها ويحيي عينه هتتخلع عليها لحد ما اختفت من قدامهم انقهرت توتا من حركة يحيي
توتا ضربته في كتفه بغيظ: هو انت فعلا بتحبها
يحيي حرك راسه بـ لأ : لاء دي بتخرف بخدها ع قد عقلها
……………..قصص منه محمد كاتب……………..
في الشركه
امجد: عمي انا مقصدش اقول كلمه سيئه انا عارف رشا هي مدمنه شغل لكن دلوقت بقت ست بيت معقول تعمل كده مش هتحس بالملل حضرتك اطلب منها تيجي الشركه ع الاقل تريحك
وجدي: انا نفسي ترجع لو عايزه معنديش اي مانع بس الامر متروك لجوزها انا مش عايز ادخل ده كل الموضوع
امجد: اه نسيت انها مطيعه لجوزها
وجدي: مكنتش اعرف انها هتتغير بس شكلها بتحب يحيي كتير وانا فاهم انه حبها الاول لانها اول مره تحب
امجد جعد ملامحه: حبها الاول
وجدي: ايوه بنتي مدخلتش علاقه قبل كده
امجد بينه وبين نفسه: واضح انه صعب اقنع الراجل العجوز يرجعها
…………..قصص منه محمد كاتب……………….
ع السفره
ريشه بتحط في طبق يحيي: اسفه يا توتا مكنتش اعرف ان يحيي هيرجع البيت بدري مع ضيفه عشان كده ده الي قدرت اعمله اصلي طول النهار بنضف البيت دي وظفتي ابقي ست بيت شاطره
توتا: خدامه
يحيي أخد كوبايه ميه وشربها كلها دفعه واحده
ريشه: خدامه كون اهتم بجوزي مسمهاش خدامه لان ده شغل الزوجه تهتم بجوزها من بره ومن جوه اما الخدامه دي بجيبها تنضف البيت لكن مش هسمحلها تهتم بشؤن جوزي مش كده
توتا: درستي فين عندي فضول بجد اعرف
ريشه: كان نفسي اكمل تعليم واطلع دكتوره بس الحظ مكنش حليفي
توتا لقتها فرصه تسخر وتقلل منها وردت قالت : اه يعني جاهله واحلامك متتحققتش زعلت عشانك بجد خالص
ريشه ببتسامه سماجه : لا متزعليش لان انا كملت تعليمي في انجلترا ومعايا اداره اعمال عشان اقدر ادير الشركه مع بابي بس انا كان طموحي ابقي دكتوره بس مين كان عارف اني هبقي دكتوره لقلب جوزي اما بالنسبه لشهاده الدكتوراه دي سهله احققها اقدر ادرس في ارقي الجامعات مش دي المشكله انا عندي اهم حاجه ابني عش الحب مع جوزي تحبي تشوفي شهادتي كنت احسن طالبه
توتا حقدت عليها وفي سرها: عش الحب ده انا هدمره انتي متعرفيش توتا
ريشه: عن اذنكم اعملكم عصير تطروا بيه ع قلبكم
توتا قامت تتفرج ع الشقه وقالت: واضح بدئت حياه جديده وفرشت وزينت البيت كله هي الحياه الزوجيه ممتعه
يحيي: هفرش بيتنا بنفس الطريقه لما نتجوز يا حبيبيتي مش هسيبه فاضي
توتا: ماشي لكن قولي قربت منك
يحيي: لاء وبعدين ليه كل شويه تسأليني نفس السؤال
توتا: مش شايف ازاي وقحه وجريئه
يحيي: توتا هي كانت رقيقه رغم جيتي مع جوزها متكلمتش
توتا بغيظ: لحظه انت بتدافع عنها دلوقت
يحيي بعصبيه غير طبيعته : شوفي لو هتعلي صوتك وتصرخي في وشي احسن ارجعك بيتك
توتا شهقت: وقادر تقولي كده كمان شايفاك واقف في صفها اكتر مني بجد مش مصدقه
يحيي حط إيديه ع كتافها ولفها ناحيته : طيب اهدي انا في صفك اكتر وبحبك اكتر
توتا: امال ليه سمحتلها تسخر مني بدل ما تدعمني
يحيي: انتي تجاهليها انا جبتك هنا لاني عايز اظهرلها انك حبي الوحيد اسمعي انا بجد بحبك وعايزك تعرفي رغم اني متجوز لكن لسه بحبك لحد اخر نفس فيا
توتا بصتله وفي سرها قالت: ياتري اصدق يحيي انه ملمسش البنت دي بس دي فاتنه جدا واتصرفت و لا كئن حاجه حصلت
ريشه واقفه وسامعه كل كلامهم والحزن كسى وشها وكلمت نيلي: شوفتي يا نيلي ازاي قدر يعمل فيا كده سمعتي الكلام الي قاله لتوتا يقهر صح لكن شوفتي انا اتعاملت ازاي بكل رقي انتي لو مكاني تتحملي الضغط ده
ريشه قربت منهم بثبات رغم مولعه من القهر: انسه تهاني بمجرد ما يوصلك جوزي بيتك قوليله يرجع فورا ع بيته مش عايزه يلف براحته زي الشاب العازب اصلي خايفه والده يتعصب ( مسكت ياقته بدلع) حبيبي ارجعلي بسرعه هتوحشني
توتا واقفه هتموت من الغيظ والقهر وتهجم عليها تقطع لها شعرها وتضربها الف قلم ويحيي حس انه الجو هيتكهرب اخد جاكته وسحب توتا معاه بسرعه للعربيه
………………….
في بيت وجدي
سمعت صوت باب الفيلا انفتح وشافت وجدي داخل :مساء الخير
دلال بصتله بتعجب: مساء النور الله ليه رجعت بدري
وجدي قعد واتنهد: بصراحه مروحتش
دلال بستفسار: ليه مش قولت هتصلي في الجامع وتقعد شويه مع ابو يحيي
وجدي :انا مليت من سؤاله المستمر عن رشا وتعبها من هنا وجاي هصلي في المسجد هنا عشان متوترش
دلال :يعني هو مش هيتصل ولا يجي او يروحلك الشركه هتهرب منه فين
وجدي : المشكله انا قولت له رشا بتعاني من الصداع ولا يمكن تتعرض للضغط او التوتر لكن بيفضل يسأل اسئله كتيره وكئن مفيش مواضيع غير كده
دلال: ده غريب ليه بيسأل عن صحه بنتي بألحاح ما كلنا بيجلنا صداع او الم في المعده هو مش بيمرض ابدا
وجدي بحيره: مش عارف والله اعلم بنيته ايه من وري السؤال
دلال : وياريت يكون سئل كده عشان مهتم بريشه
……………………..
في غرفه الليفنج يحيي قاعد فاتح الاب توب وبيشتغل عليه
ريشه : حبيبي اتفضل اشرب كوفي
يحيي مد ايده: تمام شكرا
ريشه إبتسمتله : welcome
يحيي في سره: غريبه لا عملت مشكله ولا اتخانقت اني جبت توتا معايا ع البيت
يحيي بفضول سألها: ريشه هو انتي كويسه
ريشه بصتله: اه كويسه جدا ليه
يحيي : يعني بخصوص توتا
ريشه ببرود : ايه عايز تجيبها هنا تاني عادي اعزمها انا حبيتها خالص
يحيي بدهشه: يعني مش حاسه بالغيره
ريشه وسعت عيونها بطريقه تضحك: معقول انا اغير منها لاء يا حياتي لكن لو جبت الملكه بلقيس ولا حوريه من الجنه وقتها هحس بالغيره
يحيي بص في الاب توب وقال : تمام
ريشه: حبيبي عارف انا بجد بحب مسلسل فريحه بجد مسلسل تحفه فنيه
يحيي وهو رافع حاجبه : شكلك بتحبيه كتير كل شويه بشوفك تتفرجي عليه
ريشه: فعلا عشان بحب المعيد الي كان فيه كان وسيم ولطيف ورومانسي وعامل فريحه بلطف تقدر تقول بطلي المثالي
يحيي بصلها بهتمام: يعني نفسك تتجوزي معيد زيه ولسه ملقتهوش مش كده
ريشه ضربته ع كتفه وضحكت: لاء لقيته وانا متجوزه منه عايزه ايه اكتر من كده بقولك تحب اعملك مساج
يحيي حس بإيدها ع كتافه وقال بتحذير : ابعدي يا ريشه
ريشه شدته تاني : اسمح لي
يحيي فلت كتافه منها وبرفض قطعي: لاء
ريشه زمت شفتها لقدام زي الاطفال: هو انت مفكرني هعضك
يحيي بارتباك في نبره صوته: سيبك مني وتابعي المسلسل والبطل بتاعك
ريشه: قلت لك مش هعضك انت جامد ومش لذوذ ع عكس لفانت
يحيي لف وبصلها اوي: لفانت مين
ريشه: بطلي ها اعملك مساج ولا عايز حاجه تانيه( غمزته بوقاحه)
يحيي: ممكن متحاوليش تعملي حركات تغريني
ريشه: وانا مش هيأس من المحاوله
يحيي زقها ورمي عليها اللحاف: احسن حاجه تنامي وحالا
ريشه طلعت دماغها من تحت الحاف وقالت: ماشي تصبح ع خير
يحيي: وانتي من اهله
ريشه لعبت حواجبها: احلام سعيده
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية زوجتي الجريئه)
