رواية انا ودكتوري الفصل الأول 1 بقلم ندا
رواية انا ودكتوري الجزء الأول
رواية انا ودكتوري البارت الأول
رواية انا ودكتوري الحلقة الأولى
صحيت الصبح علي صوت العصافير لا انا بضحك عليكم مفيش عصافير هنا اصلا دا كان صوت ماما وباين عليها متعصبة اوي قومت من علي السرير جري لاني عارفة ومقدرة اللي هيحصلي
_صباح الخير ي احلي ميجو في الدنيا
=صباح الزفت عليكي انتي دا كله مكنتيش صحيتي ايوة وهو انتوا هاممكم حاجة ما الخدامة اللي بتعملكم كل حاجة موجودة
_خدامة اي بس ي ميجو بالذمة في خدامة في الحلاوة دي دا انا دايما الناس بتقولي اني شبهك
=بطلي رغي يبت وروحي البسي هتتاخري علي الجامعة
خرجت بعد ما سمعت طبعا كلمتين منها بس انا طبعا مش زعلانة لاني عارفة ان دماغي كبير ومبحطش في دماغي اي حاجة ويمكن دا اللي مخليني عايشة لدلوقتي جهزت طبعا واخدت بعضي وروحت علي الجامعة واكيد كنت متاخرة كعادتي يعني
لقيت الدكتور دخل ولحظي اللي مفيش منه اتنين كان عليا المحاضرة لاكتر دكتور مش بيطيقني وبيتلكك ع يطردني من المحاضرة كنت لسة هدخل وهو بيشرح ومش واخد باله لحد ما سمعت صوته اللي خلاني واقفة زي الصنم
_انتي رايحة فين ي آنسة
اتكلمت بتوتر : داخلة اقعد
_وهي كانت وكالة من غير بواب اتفضلي اطلعي انا محدش يدخلي المحاضرة بعدي
قولت في سري : ايوة انا كنت مستنياك تقول كدة من الاول اصلا
_بتقولي حاجة ي انسة
رديت : لا بقول دي اخر مرة
_اتفضلي اطلعي برة
خرجت من المحاضرة وانا محرجة لطردي للمرة المليون انا اصلا محضرتش له قبل كدة دايما بطرد انا حاسة اني هشيل المادة دي لو فضلنا كدة
طلعت صاحبتي بعد ما خلصوا المحاضرة وجات نحيتي وهي بتضحك عليا
_هو انتي كدة دايما لازم تطردي من المحاضرة بتاعته
قولت بضيق : والله انا حاسة انه مستقصدني اشمعنا انا يعني اللي مركز معايا ما قدامه الكل اهو
_معلش تعيشي وتاخدي غيرها
انا : يارب يروح يلاقي التلاجة بتاعتهم باظت والمروحة مش شغالة وميلاقيش تاكسي يروح فيه ع ياخدها مشي
_بس ي بنتي هو طيب متنكريش
انا : طيب دا ميعرفش حاجة عن الطيابة يارب يشيخة يروح يلاقي السخان بايظ ووو
سمعت صوت من ورايا بيقول : واي كمان انا مستني اسمع هتوصلي للاخر فين بعد وصلة الدعا دي
بصيت ورايا بصدمة للي كان واقف ومكتف ايده قدامه وبيبصلي بغيظ بصيت ليه وبصيت لصاحبتي اللي ضحكت بتوتر
_ها مش سامع صوتك كنتي بتقولي اي
رديت بخوف : انا دا انا حتي مبعرفش اتكلم
_اه ما انا اخدت بالي انك فعلا مبتتكلميش اعتبري نفسك شايلة المادة ي انسة
كان لسة هيمشي بس وقفت قدامه وانا ببصله بغيظ من تعامله معايا وقولت : بس دا ظلم علي فكرة
_ظلم واللي انتي كنتي بتقوليه دا اي
قولت : يعني عاوزني اعمل اي دايما بتطردني ومبتخلنيش احضر محاضراتك انا حاسة انك مستقصدني اشمعنا انا
قرب مني جامد وهمس في ودني : بقيتي بتعرفي تفكري اهو ايوة انا مستقصدك واللي في دماغي هيحصل قريب
بعد عني وابتسم بسخرية ومشي وسابني وانا لسة في صدمتي مفوقتش منها غير علي قلم نازل علي وشي
_بت فيكي اي بقالي ساعة بكلمك هو قالك اي سحرلك واللا اي
قولتلها بضيق : انا عاوزة اروح ي سما انا تعبانة
_تعالي يلا بس لما تبقي كويسة لينا كلام مع بعض
خرجت من الجامعة وانا بجد تعبانة ومخنوقة وكلمته خلتني طول الوقت بفكر فيها وانا مش فاهمة قاصده اي بيها
مرت الايام وانا مبقتش بخرج كتير ولا حتي بروح الجامعة لحد ما ماما دخلت عليا بس المرة دي كانت هادية ومش بتزعقلي زي كل مرة
_ممكن تعرفيني فيكي اي
قولت بضيق وخنقة : مخنوقة ي ماما
_من اي يحبيبة ماما انا شايفاكي متغيرة بقالك فترة وقولت اسيبك وانتي هترجعي زي الاول بس كدة مينفعش
انا : مش عاوزة اقابل حد مش عارفة فيا اي
_احكيلي ي ندا احكيلي كل اللي في قلبك
قولت : معرفش بجد
_طب انا موجودة دايما ولو احتاجتي انك تتكلمي ناديلي
قولت : انتي كنتي عاوزة اي ي ماما انا عارفة انك كنتي هتقولي حاجة تانية
_لا خلاص انتي تعبانة دلوقتي نامي
قومت ومسكت ايدها وقولت : قولي ي ماما في اي
_انتي متقدملك عريس وابوكي موافق عليه وانا جيت اقولك
قولت بصدمة : عريس
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية انا ودكتوري)
