رواية آمال ضائعة الفصل الثالث عشر 13 بقلم آية أحمد

رواية آمال ضائعة البارت الثالث عشر

رواية آمال ضائعة الجزء الثالث عشر

رواية آمال ضائعة الحلقة الثالثة عشر

ــ (يوم عيد ميلاد )
ــ مها بتقول لنفسها: ينهار أبيض عليكي يا آمال إزاي النهارده عيد ميلادي ومعايدتنيش ولا إفتكرتي ؟ ، يمكن مثلًا أعياد الميلاد بالنسبة ليها حرام يا مها 🤔 ف فاكره مثلا بس مش عاوزه تعايد 🤔!.
مها: آمال بقولك ، عاوزه أسألك علىٰ حاجة.
آمال: إسألي يا حبيبتي .
مها: هو انتى إي وجهة نظرك في أعياد الميلاد 🤔!.
ــ آمال فهمت إن هي بتلمح عشان عيد ميلادها النهارده وهي معايدتهاش وكانت هتموت على نفسها من الضحك بس مسكت نفسها وقالت .
آمال: عادي معنديش إعتراض فيه ، لو انا عيد ميلادي مثلا هستكفي إن حد يقولي كل سنه وانتي طيبه وبألف من أنواع التقدير وتطيب الخاطر لكن الاحتفالات والهدايا وكده لأ مبفضلش لأن مش عندنا غير عيدين اتنين فقط إللي نحتفل بهم ، غير كده بِدع ، بس ليه السؤال دا يروحي🤔، هو في حد عيد ميلاده النهارده وعشان كده بتسألي ولا إيه ؟!.
ــ مها إنغاظت جدًا من آمال لأن فكرت إنها مش فاكره ، ووشها إحمر وسجن.
ــ آمال بتبص ل مها وعاوزه تضحك علىٰ شكلها إللي كله غضب ومقموصة منها بس ماسكة نفسها ومستنيه لما أكرم يخلص ويبعتلها.
ــ آمال صلت العصر وقاعدة تذاكر هي و مها و خلود ، لقت أكرم بيرن عليها .
ــ آمال أخذت الفون وخرجت تتكلم بره عشان محدش يعرف حاجه وقالتلهم : بقولكوا يا بنات هخرج أرد على الفون بره عشان مزعجوش وإنتوا بتذاكروا .
ــ أكرم: ألو يا لولو .
آمال: السلام عليكم يا أخ أكرم ، ممكن تبطل كلمة لولو دي لأن أنت أخ ليا زي ما بكلمك بالظبط كلمني ، مش عاوزه أسمح بتجاوزات بصراحه ، انا بكلمك عشاان خاطر مها فقط مش أكتر ، أتمنىٰ تكون مُتفهم موضوع زي كده يا أكرم.
أكرم: طيب ما إنتي أختي يبنتي هو انا قولتلك إيه!!.
آمال: لولو !! ، امبارح قولتها في اخر الكلام وظهر عليا إن معجبتنيش بس قفلت وخلاص معلقتش فمتقولهاش تاني بقا من فضلك .
أكرم: عنيا يا لولو…آسففففف أقصد يا آماااااال🤭.
ــ آمال أول ما قال لولو إتصعبت😯 وبعدين لما قال آمال ضحكت لأن فهمت إنه بيچاكرها😊.
آمال: المهم قولي كنت بترن عاوز إيه بقا ؟.
أكرم: أيوه صح يشيخة نستيني نفسي ، بقولك كنت عاوز أخذ رأيك أجيب هدية ل مها إيه ؟!.
آمال: أنت معاك ميزانية حاليًا في حدود قد إيه تجيب بهم ومن خلالها أقدر أحدد؟؟.
أكرم: هههههه معايا حاليًا في الفيزا ميزانية في حدود مرسيدس كده 🚗✨.
آمال: نعم !! إيه مرسيدس دي ؟!.
ــ أكرم ضحكت أكتر بصوت عالي وقال: دا إنتي الله علىٰ حكايتك خالص ، المهم معايا فلوس كويسة عادي إطلبي براحتك .
آمال: هطلب إيه يبني وأنا مالي ، هو أنت هتجيب ليا !! .
أكرم: إنتي يساتر عليكي لمضة مبتفوتيش جملة.
آمال إبتسمت وقالت: بص يا أكرم أنا شايفه إن مها مش مادية ، فهات حاجة بسيطة .
أكرم: أيوه يعني إيه لأن والله عمري ما جبت لبنت حاجه ولا بفهم في حاجة البنات .
آمال: مها بتحب السلاسل جدًا والمقالم، فهاتلها مقلمة تحط فيها الأقلام أو شنطة ، وهات سلسلة.
أكرم: لأ لأ معرفش حاجه بجد ولا فاهم حاجه الا هعرف أختار ، بقولك إيه أنا دلوقت قدام المحل ، هدخل جوا أصورلك الحاجة و تختاري إنتي على زوقك لأنكوا بنات زي بعض.
آمال: طيب يلا.
ــ أكرم دخل المحل لكن معرفش يتفاهم هو و آمال وإتلخم أكتر لأن في حاجات كتير حلوه وآمال تاهت وعماله تقوله على الطبيعه حلوه زي الصوره ؟؟، وأكرم مش عارف .
ــ أكرم بعصبية: آمال إنزلي يا آمال إنزلي😠، المغرب قرب يأذن واحنا مجبناش الهدية وغير كده لسه هنلبس وهنجهز نفسنا ، إنتي كلمتي صحابها إللي قريبين منها ولا لأ ؟.
آمال: خلاص ماشي أنا نازله أهو بس إديني نصف ساعة بس أكوي الهدوم إللي هجهز بها المناسبة عشان لما أخلص معاك أطلع أجهز علطول وكمان عشان عاوزه أجهز الطقم إللي جبته ل آمال في عيد ميلادها .
أكرم: إنتي جيبالها حاجه ؟؟.
آمال: أيوه أكيد من بدري ، أنا جبتلها إدناء قمر جدًا هتحبه وعشان تجربه وربنا يهديها تاني للحجاب، ودريس تحفه لونه بينك زي ما مها بتحب ، طرجتين لايقين عليهم وجبتلها كوتش .
أكرم: كل دا يبنتي اللعبية ، لأ لأ ناصحة يا آمال بجد زوقك واو وكمان حاجة مفيده هتستخدمها وتنفعها عشان لما تتحجب تاني لأن أنا عارف إنها كانت محجبه معانا في أولى كلية بس معرفش ايه خلاها تقلع الحجاب ، اتمنى ربنا يهديها من تاني، المهم يلا انجزي بقا يا رغاية.
ــ ( آمال نزلت إختاروا الهدايا ، جبتلها شنطة حلوة وساعة وسلسلة عليها حرف الـ M وآية الكرسي).
أكرم: زوقك تحفه يا آمال الحمد لله خلصنا، يلا بقا عشان نروح نجهز .
آمال: بجد ؟! تفتكر مها هتحب الحاجه دي وتعجبها ؟.
أكرم: طبعًا يبنتي دا تحفه ، بقولك زوقك واو ، بقولك يا آمال صحيح .
آمال: إتغضل .
ــ أكرم حب يسأل السؤال محور شويه عشان متفهمش غلط وقالها : هي مها هتلبسي لون إيه ؟..
آمال: أنا كويتلها الدريس البينك إللي أنا جيبهولها ، هخليها تلبسه لأن لونها المفضل وكمان الكيك والزينه اللي إحنا مختارينها لونها بينك ، ف عشان تكون عامله ماتشي معاهم .
أكرم: إمممم لأ لأ ذكية يا لولو …قصدي يا آمال آسف ، وانتي هتعملي ماتشينج معاها ولا إيه ؟.
آمال: لأ أنا بحب اللون الأبيض ، هلبس أبيض.
أكرم: هيبقا تحفه عليكي يا آمال.
ــ آمال إتكسف ووشها إحمر وقالت: شكرًا يا أكرم كله من زوقك .
ــ أكرم سرح في ملامحك آمال اللي كلها حجل وخدودها موردة وعيونها السمرا الواسعة ورموشها الطويلة وقالها .
أكرم: يااااه يا آمال إنتي حورية يبنتي ؟ لا يمكن يكون في بشر بالجمال والرقة دي ، اكن لسه في حد بيتكسف لحد دلوقت ؟؟ ، ملامحك جميلة يا آمال وأول مرة أشوفك مكسوفة بصراحة علطول بشوفك قادرة هههههه.
ــ آمال ضحكت على كلام أكرم وقالت: لأ والله أنا طيبة بس لازم أحافظ على نفسي يا أكرم ، أنت عارف الزمن دا معدش فيه امان وأنا أهلي واثقين فيا لازم اكون قد الثقة ..
ــ أكرم فرح جدًا من كلام آمال ومن كُتر جمال آمال أخلاق وخُلق كان هاين عليه يحضنها ، وفهم إن مينفعش يأذيها وإن طريقتها الحادة معاه كانت عشان خايفة على نفسها وعلى ثقة أهلها ، وإحترامها أكتر ومن اللحظه دي قرر إن مستحيل يضرها ولا يجي عليها في يوم وندم على القرار والاتفاق إللي كان عامله مع صاحبتها بسملة وكان نفسه يحذرها منها ويقولها ، لكن خاف لتنفر منه تاني وبعد ما وثقت فيه وعلاقتهم بقت كويسه ، ترجع تاني تعامله بطريقة وحشه وتخاف منه لأن كان متفق مع صاحبتها ،فقرر يسكت وميقولش حاجه ويحاول هو يحافظ عليها من بسملة لو فكرت تعملها حاجه وحشه.
أكرم: طب يلا يا آمال إطلعي إجهزي وحاولي تخلي مها تجهز وانا اول ما اخلص هبعتلك ماسيدج وانتوا كمان لما تخلصوا ابعتيلي عرفيني عشان أجهز كل حاجه .
آمال: تمام حاضر ، أنا هحاول أخلي دخل تلبس وتنزل تقعد في الكافية عادي وبعدين بقا تبقا تطلع أنت وصحابها مرة واحده والمفاجأة.
أكرم: أشطا ، يلا وخدي بالك من نفسك .
آمال: حاضر سلام .
____♜#الـڪَـاتِـبَـة_آيَـة_أحـمَـد_أبـوُداعـوُس♜_______
( آمال طلعت فوق وأول ما شافت مها لقيتها شكلها متعصب جدًا جدًا ومضايقة ،ف آمال عرفت إن هي مضايقة عشان محدش إفتكر عيد ميلادها ولا عايدها ).
ــ آمال حضنت مها : إيه يا ست البنات زعلانه ليه كده يا قمري ؟! ، في حد قمر أوي كده وعيد ميلاده النهاردة وخلاص كبر سنه يكون مِكشر وزعلان أوي كده 🌝.
ــ مها إتفاجئت من كلام آمال وعنيها دمعت وحضنت آمال جامد وقالت: إيه دا يا آمال إنتي فاكره عيد ميلادي أهو 🥺.
آمال: طبعًا يا ست البنات هو أنا أقدر أنسىٰ يوم مميز زي دا ؟!.
مها: لأ إنتي لسه جايا تفتكري ؟، أنا زعلانه منك ، دا احنا في اخر اليوم .
آمال: وحياتك عندي يا أغلىٰ البنات علىٰ قلبي ، انا فاكره من بدري جدًا ، بس كنت عاوزه أزاولك وكمان أنا عزماكي النهارده في الكافية المفضل بتاعك وكل حاجه جاهزه مش عليكي غير إن نأخد شاور ونصلي العشاء ونجهز وننزل ، إطلبي أكلتك المفضلة وكل حاجه عندي النهارده ، حتىٰ التوت فيت هلال😉.
ــ مها باست آمال وقالت: أنا حقيقي ربنا عوضني بيكي يا آمال ، بس زعلانه أوي إنك سبتيني بأكل في نفسي ونفسي مصدوده طول اليوم لأن انتي بالذات كنت مستنيه أول واحده .
آمال: مش مهم أكون أول واحده يا مها، المهم إن أنا اكون اكتر واحد مميزة وفرحتك في نفس اليوم ، أنا أول واحده فاكره وأكتر حاولت اعملك حاجه تفرح يا عمري والله🥺.
مها: من يوم ما أنا عرفتك وانتي مميزه يا آمال.
آمال: طيب يلا يا فتاة العيد ميلاد قومي عشان نأخد شاور ونجهز ، أنا هجهزلك هدومك على ما تيجي ، وبعدين هدخل أجهز أنا كمان على ما تخلصي لبس .
ــ ( مها قامت اخدت شاور ، وآمال عماله تظبط في الهدايا إللي هي جيبهالها ورشت عليهم البرفان المفضل ل مها ، وظبطت شكله ).
ــ مها أول ما دخلت الأوضة شمت ريحة العطر المفضل بتاعها وحست إن مزاجها بقا أفضل مليون مرة وإرتاحت نفسيًا وقالت ل آمال: انا مش عارفه لو إنتي مش في حياتي والشدة اللي حصلتلي دي حصلت كنت إزاي هكتشف معدنك الأصيل دا يا آمال ، وأقرب منك ؟، سبحان الله بجد الناس بتيان في الشده وانتي الوحيدة إللي ظهرتيلي في عِز المحنة اللي كنت فيها وكسبت أجمل وأحن بنوته على وجه الكرة الأرضية.
آمال: ربنا ما بيعملش حاجه وحشه يا مها ، ربنا مبيحرمش عبد من شئ إلا إذا كان شايلة عوض كبير ، وإحنا الاتنين كنا عوض لبعض يا ست البنات ، تعالي بقا اوريكي الهدايا إللي أنا جيبهالك ويارب تعجبك.
ــ مها قربت عشان تشوف الهدايا لكن عنيها دمعت 🥺 وحضنت آمال جامد : أنا مليش غيرك يا آمال إوعي يا آمال تتخلى عني، تعرفي يا آمال إن اللبس دا خطف قلبي وأجمل لبس يجيلي من يوم ما دخلت الكلية دي !، لأن رجعني تاني لأجمل أيام وأنضف أيام في حياتي ، فكرني ب مها القديمه اللي كانت متعرفش يعني ايه غلظة في الكلام ، متعرفش توجع حد ، اللي كانت قريبه من ربنا وبتسمع لأهلها ومحافظه على نفسها ، اللي كانت محجبة وساترة نفسها وملكة ب حجبها ، رجعني لأنضف أيام في حياتي يا آمال 🥺.
آمال: إنتي كده كده أجمل وأنضف بنوته وقلب في الدنيا يا مها ، وأنا علطول بدعيلك خصوصًا في قيام الليل، بدعي ربنا يحفظك من كل سوء ويعوضك خير ويجبر خاطرك وقلبك ويرزقك كل اللي بتتمنيه وترجعي تاني محجبه لأن بجد فرض هنتحاسب عليه وأنا خائفة عليكي جدًا يا مها ، عاوزه نكون سوىٰ في الآخرة ، تكون رفاق حياة و أخرة يا ست البنات ، ربنا يردك إليه يارب .
ــ مها عيطت من كلام آمال وقالتها: إنتي الأمل اللي عايشة به يا آمال ، إنتي أكبر مكسب في حياتي بجد ، والهدايا تحفه و كمان الكوتش والساعة والإدناء راقي وقمر ، والدريس بلوني المفضل وتحفه .
آمال: تتهني بهم يا عمري في طاعة الله ، انا هقوم بقا أخذ شاور وأصلي وأجهز علطول انا مش بالي طويل زيك ، على ما تلبسي يكون أنا خلصت دا كله .
ــ مها ضحكت: هههههه ماشي يا سريعة يلا قومي.
____♜#الـڪَـاتِـبَـة_آيَـة_أحـمَـد_أبـوُداعـوُس♜_______
( آمال لبست وخلصت وبعتت لأكرم إنهم خلصوا وأكرم مستني هناك مع إتنين بنات صُحاب مها ،آمال هي اللي عزماهم ،وخارجة من الأوضة إللي لبست فيها وداخله عند مها ، لكن آمال أول ما شافت مها وقفت متجمدة مكانها من الصدمة إللي شافتها وقعدت تعيط..