رواية نسمة حائرة الفصل الثاني عشر 12 بقلم سحر السحرتي

رواية نسمة حائرة الجزء الثاني عشر

رواية نسمة حائرة البارت الثاني عشر

رواية نسمة حائرة الحلقة الثانية عشر

*طلبت المستشفى حضور دكتور نفسي حضر بالفعل دكتور جاك وجلس مع فارس الذى قص عليه كل شئ حدث مع نسمة منذ ولادتها حتى اخر موقف حدث معها والذي ادى الى انهيارها
*اقترح ان يكمل اجراءات العملية لانها ستساعد في تحسين حالتها النفسية عند افاقتها ومن جانبه سيبدأ معها كورس علاجي مع الادوية وسوف تستعيد وعيها بالتدريج ولكن رد فعلها سيكون غير متوقع
*تابع فارس اجراءات عملية التجميل ودخلت نسمة غرفة العمليات
*وصل سليم وأصر ان يستمع من فارس ما حدث ثانية فقص عليه دون ذكر انتحارها ولكن عندما جلس سليم مع جاك اخبره بمحاولة الانتحار لان التعامل معها سوف يكون بطريقة خاصة جدا
: فارس انت خبيت على ليه موضوع الانتحار
:خفت على حضرتك انت عرفت من اين
:دكتور جاك عشان طريقة التعامل معاها
*حضر مروان ليطمئن على نسمة رأى والده ذهب ليسلم عليه وقبل ان يحتضنه وجد صفعة على وجهه انتفض على أثرها
:انا قصرت معاك في ايه عشان تعمل مع اختك كدة كنت لما بتنزل اجازة بشبعك حب وحنان وجيت في فترة سالتك اذا تحب تقعد معايا رفضت واخترت تقعد مع والدتك بالرغم من انها كانت متجوزة ودايما كانت مشغولة عنكم انا مهما كنت بتجوز انتم الاولوية واي حاجه بعدكم
:انا اسف يا بابا زعلت انها واخدة كل حبك واهتمامك ما كنتش اعرف حجم التعذيب والتشوه اللي اتعرضت له وماما كانت بتقول انك خاصمت عمتي بسبب نسمة بس ما قالتش بسبب ايه
:التعذيب اتعرضت له لما سبتها مع عمتك وسافرت اشوفك لما عرفت انك تعبان جريت عليك وسبتها ما كنش لها باسبور ما استنتش لما اعملها واحد واخدها معايا مقصرتش معاك اللي حصل لها بسببي لاني اخترت غلط انسانة مريضة تقعد معاها فكرت ان نسمة طفلة هتصعب عليها لكن طلعت كرهها لامها على جسمها فكنت بعوضها وياريته نفع معاها
:اسف يا بابا سامحنى انا غلطت ومهما عملت مش هعرف اكفر عن ذمبي
:كان هيبقي الحل ايه دلوقت لو فارس سمع كلامك واعتدى على اختك عرضك وشرفك اللي المفروض تحميها ولة قعدتك بارة نستك
بقلمي سحر السحرتي
:انا عارف انه مش مبرر بس باسل ضحك عليا وكنت مغيب بعد ما عرفت هي بتحب عمر قد ايه ونظمت فرحه ازاي
:ما انت اللى رفضت تتجوز في مصر عشان هي ما تحضرش فرحك كانت هتعمل لك اكتر من عمر لانها رغم معاملتك السيئة كانت بتحبك اكثر منه
:ماكنتش اعرف انها بتحبني قوي كدة ماما كانت دايما تحكي لي اللي عملته امها فيك كرهتها
: وهي ذمبها ايه دي كانت يتيمة الام وامها عايشة وانت عندك ام واب مفكرتش ليه وشغلت مخك اشمعنى عمر دايما يسال عليها وبيحبها ومغرقها هدايا وهو الصغير
:يمكن عشان ماما كانت دايما بتملى دماغي بحكم تعلقي بيها وانا كنت الكبير بفهم كلامها
:واضح انك بتفهم قوي شفت رغم انها عارفة ان فارس ما أذهاش لكن صدمتها فيك اكبر عشان اخوها ….اللي بتغير منها دي وقفت جمبي وماقالتش لحد فاكر لما اتصلت بيك وقلت لك انزل محتاج لك جمبي وانت رفضت كنت واقع في ازمة مالية وكان ممكن اخسر كل اللي بنيته هي حسيت اني متضايق دورت وعرفت وباعت مشروع مهم كانت شغالة عليه وعشان يجيب فلوس اكتر باعته لواحد ينسبه لنفسه فاهم تعب وسهر سنتين من عمرها يتنسب لحد غيرها وكل ما تشتغل عليه تفتكر انه فكرتها وبعدها برضة فضلت شايلة نفسها وبتصرف على نفسها من غير ما تشتكي اوتقول انها دفعت اكثر من اللي امها اخدته وعمرها ما فتحت معايا الموضوع او منت عليا انها ساعدتني ولا قالت لحد
:ارجوك قولي اعمل ايه عشان هي تسامحني
:العمل عمل ربنا ادعي انها تفوق الاول
*خرجت نسمة من العمليات ابلغهم الدكتور انه تم معالجة اجزاء كثيرة ولكن باقي اجزاء صغيرة لم تتم معالجتها لكن الوضع بشكل عام جيد
*حضر جاك وجلس معهم ليشرح لهم بتجربة فكرة في علاجها على كل واحد ان يدخل بمفرده يتحدث معها وهو ممسك يدها ويكون شديد الملاحظة اذا حس باي ضغطة عليه ابلغه
*دخل سليم اولا والدموع في عينيه لانها كانت شاحبة من الحزن حضنها وقبلها وامسك يدها لكن لم يشعر باستجابة
*دخل مروان حضنها واعتذر ورجاها ان تسامحه لكن لم يكن هناك ايضا اي استجابة
*دخل فارس لكنه تحدث معاها في مواضيع بعيدا عما حدث لانه يفهم شخصيتها
: شوفي بقى اول ما هنرجع مصر عايز اكل كبدة وسجق تاني ومش هتاخدي ولا سندوتش وكمان بعدها هضرب طبقين كشري ولازم اعرف بتاكلي ايه كمان من ورايا واجربه فاكرة لما اكلت سندوتشاتك وكنت بتبرطمي كنت سامعك على فكرة
*ضغطت نسمة ضغطة خفيفة احس بها فارس وفرح جدا وقام ليجري ويخبر جاك لكنه رجع قبلها في شفتيها واحس ايضا باستجابة بسيطة من الفرحة قبلها في كل وجهها واستدعى الممرضة لتبلغ الدكتور لانه اراد ان يبقى معها
*حضر جاك وفسر ان نسمة لاتريد التحدث عما حدث فعليهم عند الدخول الحديث معها في مواضيع مبهجة مع استمرار مسك يدها وعلى مروان عدم الدخول لها
*نفذ سليم وفارس تعليمات الدكتور مرت ١٠ ايام في الغيبوبة لكن ضغطة اليد تقوى كل يوم عن اليوم الذي قبله
بقلمي سحر السحرتي
*في يوم كان فارس يقبل نسمة كالعادة بعد حديثه معها ليودعها وجد استجابة عالية منها وبدات في فتح عينيها
*استدعى الدكتور والممرضة المشرفين على حالتها طمأنه الدكتور انها فاقت وطلب استدعاء جاك
*حضر جاك وتحدث مع نسمة
:كلميني عن اللي حصل لك قبل ما تدخلي المستشفي
:الحقيقة كل اللي انا فكراه اننا كنا في الطيارة ونمت وصحيت لقيت نفسي هنا بس في احلام وانا نايمة كانت سيئة جدآ ومش مصدقة انها حصلت
:يعني لو عرفت انها حصلت فعلا هتعملي ايه
: لا ما حصلتش دى كوابيس مش ممكن تحصل
:طب ممكن تحكيلي عن الكوابيس دي عبارة عن ايه
:مش فاكرة منها حاجة بس كانت وحشة قوي وخنقتني وانا نايمة حسيت كل لما اجي اصحى تشدني حاسة اني نمت كتير
:انت فعلا نمتي كتير وكمان عملتي العملية ونجحت بنسبة كبيرة
: بجد يعني ما بقتش مسخ
:مفيش انسان مسخ غير باختياره الروح هي اللي بتبقى مسخ لكن شكل الانسان مالوش اختيار فيه
:هو انا ممكن اخرج امتى انا زهقت من المستشفى
:اخر النهار تقدري تخرجي بس تمشي على الادوية بانتظام
*خرج جاك وشرح لهم ان عندها فقدان ذاكرة مؤقت بارادتها لكن سريعا ستتذكر ويجب المتابعة مع دكتور جيد في مصر حتى لا تلجأ مرة اخرى لمحاولة الانتحار
*دخل سليم وفارس واستغربت من وجود والدها
:بابا انت جيت امتى وليه
:انت ناسية ان فارس قال انه هيبلغني بمعاد العملية واذا كنت فاضي هاجي
:اه يا حبيبي نسيت مش عارفة في حاجات كثير مش قادرة افتكرها وحشتني قوي
*حضنته بقوة ودموعها نزلت منها بلا وعي
: وانا مفيش وحشتني
:انت مش مكفيك اللي اخدته وانا بفوق لقيتك حاضن وبتبوس وياعالم كنت بتعمل ايه تاني مش هتبطل الاستغلال بتاعك ده هههههه
: هههههه دى انا برئ كنت بعدل المخدة من تحتك بقيت كدة بحضن وابوس دايما ظلماني
: يا راااجل هصدقك تعالى وحشتني قوي قوي
*حضنها وضغط عليها بقوة وكانت دموعه تنزل وقبلها في راسها
:حمدالله على السلامة يا قلبي يارب ما ترجعي المستشفي تاني
:الدكتور قال هخرج النهارده ممكن تخلصوا الاجراءات لاني زهقت قوي وجعانة قوي قوي
:ممكن يا عمي حضرتك تنزل تخلص الاجراءات عشان عايز اقول كلمتين لنسمة وتطلب لها اكل
:بتتعب بابا ليه روح انت مفيش كلام بينا ومش هاكل هنا عيزاك تعزمني بارة وتفسحني لاني مخنوقة
:حمدلله على السلامة لسه قلقانه مني بعد اللي حصل
:حصل ايه مش فاكره
:بابا ينزل وهفكرك
*نزل سليم لانه يعلم ان وجود فارس مفيد لنسمة
:انت زحلقت بابا وعايز مني ايه
: عارفة انت نايمة بقالك كام يوم لا صبحت ولا مسيت
:ايه هتاخدهم بأثر رجعي لم نفسك انا مريضة ومحتاجة اخد دش
: في دي عندك حق ريحتك المستشفي كلها اشتكت منها
: حتى وانا تعبانة ما خلصتش من غلاستك
:اذا كان بعد كدة مش هتقدري تخلصي مني شخصيا وبعدين انت خفيتي وبقيتي زي القردة
: طب ممكن تساعدني اقوم عشان اخد شاور
:بس كدة يا قلبي دى انا احميك كمان
*ضربته في كتفه وقبلته من خده لانه حملها بين يديه وادخلها الحمام
*استدعى ممرضة كي تساعدها انتهت واجلسها على كرسي متحرك اوصلها لباب المستشفى حملها واجلسها بالسيارة
*اوصل سليم للاوتيل لانه رفض الذهاب معهم واخذ نسمة لتاكل
:شبعت يا قلبي تحبي اطلب لك حاجة ثانية
:لا الحمد لله حاسة اني بقالي شهر ما اكلتش
:اه ماهو واضح مفيش حاجه في المنيو الا وطلبتيها
: ايه ده من اولها بخل كدة
: مش بخل بس مش عارف الفيزا هتغطي المصاريف ولة لا ابوك زاغ من دفع الحساب شكله كان حاسس
: ههههه بموت فيك انت بتعرف بجد تغير مودي
: مود ايه يا حبيبتي قلبي نفسك كدة شوفي معاك فلوس عايزين ندفع الفاتورة
: ههههه خود يا بخيل الفيزا بتاعتي
: معقول هتدفعي وانا معاك فيها كام الفيزا دي هههههه
*كان يمزح معها لتخرج من حزنها وفعلا عادت سعيدة جدا وقابلهم سليم وهو ممسك بشنطته وفرح عندما رأي نسمة تضحك
: ايه يابابا رايح فين
:مسافر لقيت تذكرة بالعافية عندي شغل كتير متعطل والحمد لله اطمنت عليك وبعدين مش هينفع نقعد احنا الثلاثة في اوضة واحدة
: اوضة واحدة ليه ما تقعد في اوضتي
: انت نسيتي ان حصل مشكله ومفيش حجز غير اوضة واحدة قعدتي فيها مع فارس وانا قعدت معاه وانت في المستشفى
: انا قاعدة معاه في اوضة واحدة وانت موافق كدة وعادي بالنسبة لك ايه يا سولي اتغيرت قوي
:فارس راجل وحافظ عليك وده جوزك في الاساس
:طب يا حبيبي توصل بالسلامه بوسلي لولي لما ارجع اعرف عملت ايه معاها ونسيت اسالك الجواز حلو
:هو انا لحقت حاضر يا شقية يومين وهتحصليني عشان مفيش تذاكر اتفسحوا شوية فارس انا دفعت حساب الاوتيل وحولت لنسمة فلوس في الفيزا عشان تشترى اللي محتاجة له للجواز
:شكرا يا عمي ليه كدة دى حتى نسمة النهاردة اكلت بمبلغ صغير جدا
بقلمي سحر السحرتي
*ضحك الجميع وودعوا سليم وصعدا للغرفة
*دخلت نسمة لتبدل ثيابها وتاخد دش وارتدت بيجامة شورت وكات وخرجت من الحمام وهي سعيدة
:شفت يا فارس العملية خلتني حلوة ازاي
: انت حلوة من الاول بس انت اللي ما تعرفيش
:طب بذمتك مش مبسوط ان عقدتي اتحلت
:مبسوط لاني شايفك سعيدة تعالي بقى نامي
:لا انام ايه انا حاسة اني نمت سنة كاملة بس مفيش مانع اجي في حضنك وتحكيلي اللي نسيته
: ايه ده مش خايفة منى اتجرأت قوي
: لا مش خايفة بابا موافق وقال انك حافظت عليا وبصراحة اكتر حاجة محتاجاها دلوقتى حضنك بجد وحشتني قوي
:طب نخلص بقى حساب المستشفى
:مش بابا دفع الحساب هو في ايه تانى
:ذكائك دايما يخونك حسابي انا اصبح وامسي
: هههههه لا كدة هقوم من جمبك انا محتاجة بس حضنك
:وانا تحت امرك بس واحده لانك وحشاني
*وافقت وفعلا اخذ فارس قبلة واحدة وكالعادة مستهبل لانها كانت طويلة كادت انفاس نسمة ان تنتهي لكنها مستمتعة بحضن وحب زوجها
*دفعته حتى لا يتمادى
:دى تصبيحة وتمسية سنة لقدام يلا نام وخليك محترم
: انا عملت ايه مش وعدتك واحدة بس
:انت لئيم قوي واحدة شابكة في ١٠٠ واحدة هههههه
:سحبها وادخلها بحضنه لكي تنام ونزلت دموعه عندما تذكر انها كانت ستضيع منه
*ذهبت في النوم وهي تحتضنه وتستنشق عطره الذي افتقدته كل فترة كان جسمها ينتفض وفارس كان يحتويها ويطبطب عليها باستمرار ويضغطها في حضنه اكثر لكي تهدأ
*استيقظت في الصباح كانت سعيدة انها مع فارس ظلت فترة تنظر الى ملامحه وتتاملها وكيف ان شخص بوسامته ورجولته استطاع ان يحتويها ويتحملها
: هتفضلي تبصيلي كدة كتير من غير ما تصبحي
:انت صاحي من امتى
:هو انا نمت عمالة تفركي طول الليل ومش مصدق كمان انك في حضني بعد ما قعدتي في المستشفي فترة كنت مشتاق لك
:انت عرف اني كنت بحلم بيك كتير وبحس انك بتكلمني وبتحضني في وسط الكابوس كأني كنت بقع في بير ظلمة وغويط بحس بأيدك بتشدني في حضنك من الظلمة اللي كنت بغرق فيها
: وانا هفضل جمبك على طول يا حبيبتى
: يبقى صباح الخير يا فيري امواااه
*قبلته قبلة كبيرة في خده وجريت
:هدخل الحمام الاول ههههه اطلب الفطار
*قفز فارس من فوق السرير بسرعة كبيرة وامسكها ودفعها الى ان اصبح ظهرها للحائط وقبلها في رقبتها
:انت كل يوم هتدخلي الاول بعينك يا حلوة
*وتركها وجرى دخل بسرعة الى الحمام واخرج لسانه لها
*انتهى وخرج دخلت وهي تتوعد له
:بعد كدة لا صباح ولا مسا ولا كلمة كويسة عشان الحركة دى انا طلبت الفطار البس هنخرج بعده على طول
: ههههه خلاص هصبح وامسي بطريقتي
*خرجت نسمة من الحمام كان العامل يضع الفطار تم اعادة المشهد نزلت دموع نسمة بلا وعي
::مالك فى ايه بتعيطي ليه
: مش عارفه حاسه ان الموقف ده اتكرر قبل كدة او حلمت بيه بس كان من ضمن الكوابيس
*حاول فارس تغيير الموضوع لانه فهم ان الحادثة كانت بعدما وضع الفطار وخاف ان تتذكر نسمة فشدها واجلسها على قدميه وقبلها في خدها
: كان في واحده بيتقول لا صباح ولا مسى انت قد الكلام ده تيجى ما نخرجش ونقعد اوريك الصباح والمسا
: لا انا عايزة اشتري فساتين جديدة قصيره بمناسبة ان العملية نجحت
*فتح فارس فمه وبعد ذلك جز على اسنانه ومسح وجهه بيده ليكتم الغضب الذي اشتعل بداخله
: هو انت كنت بتعملي العملية عشان تلبسي فساتين قصيره متجوزة حضرتك سوسن
:هههه قلت لك قبل كدة عمتو تزعل
:انا مش بهزر مع حضرتك انا بتكلم بجد ردي على
: طب ما تزعلش يا فيري يا حبيبي انا قعدت سنين مش بقدر البس زي البنات حتى وانا صغيرة فنفسي قوي البس قصير
: ولما تناديني فيري هوافق انك تلبسي كدة قدام الناس على جثتي مش هيحصل ابدا
: هو انا يا حبيبي جبت سيرة اني هلبسه قدام الناس دى انا هلبسه في البيت لما تيجي زيارة تشوفني
*عادت وجلست فوق قدميه وقبلته في خده
: ممكن ما تتنرفزش قوي كده انا عمري ما هعمل حاجه تزعلك انت مش عارف انت غالي علي قلبي قد ايه وبعد ما فقت من العملية حاسة اني بحبك اكتر من الاول
:انت قد الحركة دي خلي بالك دي دعوة ليا
*وقفت بسرعة من فوق رجله ونطرت لبعيد وهي متوترة
:هو انا عشان بصالحك وما هنش عليا زعلك ابقى بديلك دعوة طب خلاص بعد كدة مش هعبرك
:لا انا بهزر معاك بس ايه حكاية بحبك اكثر من الاول انت كنت بتحبيني شويه صغيرين
:اقولك على سر انا كنت بقاوم حبك في قلبي ومش عايزه اسيب مشاعري بس انت وقفت جمبي ومليت حياتي حب واحتواء وخصوصا لما اقترحت على موضوع العملية عشان استريح نفسيا وفعلا نفسيتي اتغيرت وحاسة اني اتولدت من جديد
:طب ممكن نتكلم جد شوية عندي طلب بس مش مطلوب منك تنفذيه الا لما تفكري الاول لانك لو نفذتيه نفسيتك هتبقى احسن
: طلب ايه انت تؤمر انا ملك ايديك
بقلمي سحر السحرتي
: بغض النظر عن الكلمتين الحلوين اللي دوبوني دول
: مش من عادتي على فكرة لما اقولك كلمتين حلوين يبقى مزاجي رايق بس انا اصلا دبشة
: عارف ممكن تسمعيني
: اتفضل بس خايفة من االي هتقوله
: ممكن تسامحي كل االي اذوكي عشان نفسيتك تبقى احسن
: قصدك ايه بكل اللي اذوني
: نسمة افهمي كلامي صح لاني خايف من رد فعلك
:لا اطمن بس قولي تقصد ايه
:يعني عمتك ووالدتك وكل واحد عمل حاجة ضرتك او اساءت لك
:طب ممكن اطلب منك انت طلب بلاش تكلمني في المواضيع دي انا مش مسامحة حد منهم ومش ناوية …. انا عشت اتعس ايام حياتي بسببهم انا كنت رافضة اتجوزك بسبب التشوه وامي اللي باعتني اقفل الكلام في الموضوع ده لو سمحت
: انا مش بجبرك انا بتناقش معاك وقلت فكري انت مفيش ولا مرة فكرتي ان مامتك معذورة او عندها سبب للي عملته كنت سمعتيها وعرفت مبرراتها يمكن مظلومة في حاجات بنفسرها غلط او على مزاجنا لكن لما بنقرب ونعرف الحقيقة بنحس اننا اغبياء
:طب ممكن تفسر الفلوس والشقة اللي اخدتهم من بابا وحتى ما عرفتش نوعي ايه غير انها باعتني
:ما عنديش تفسير هي يمكن عندها
:قلت قبل كده مفيش مبرر تبعد ام عن بنتها غير الموت
: فاكرة سورة الكهف لما الرجل الصالح بوظ المركب عشان الملك الظالم ما ياخدهاش من الصيادين الناس دي ما عرفتش انه عمل كدة عشان مصلحتهم
:انت ازاي بتعمل كدة هو انت كنت دكتور نفسي قبل كده
:لا انا درست بارة ومش بندرس التخصص بس بندرس معاه حاجات تانية فرعية وانا كان شاددني علم النفس فتعمقت فيه زيادة شوية وبقيت بقدر افهم تصرفات اللي قدامي واعذرهم ……. واول ما شفتك واتعاملت معاك حبيتك قوي لاني عرفت انك طيبة وطبيعية وخبرتك قليلة في التعامل مع الناس بس عبقرية في تخصصك
: يعني ماكانش حب من اول نظرة هههههه
: انا مش مراهق ههههههه
:طب تفسر بايه اللي عمتي عملته معايا
: ممكن تكون غلطت مفيش انسان ما بيغلطش زي مثلا انسان طبيعته هادية ومرة واحدة يتعصب ويغضب يقتل واحد بالغلط غصبن عنه
: يعني انت عاوزني اسامح امي ولة اتكلم معاها
:الاثنين
:مش هقدر اعمل ده لوحدي طب ممكن تبقي معايا
:ما ينفعش انا جمبك في كل حاجه بس دي لازم تعمليها لوحدك
: اسفة مش موافقة انا محتاجة لك تسندني توقفني لو شطت فيها تطمني
:حاضر يعني موافقة
: غصب عني مش بحب ازعلك بعد كل اللي بتعمله عشاني
:لا عايزك توافقي وانت مقتنعة مش غصب
:حاضر ممكن اسالك سؤال
:لا ما اخدتش حضن النهارده هههههه
: لا بجد انا شايفة جرح في ايدي ومش قادرة افتكر انا اتعورت ازاي وكنت خايفة اسالك
:ينفع ناجل الاجابه لغاية لما ننزل مصر
: هي حاجه هتزعلني
:اه يلا عشان ننزل …. عندي فكرة نستغل اعتذار الفندق لما ادالنا هدية نقضي يوم في الاسبا بتاعهم وبعدين نعمل شوبنج
:فكرة حلوة انا محتاجة فعلا اغير مزاجي
*نزلوا وكانت الدعوة مفاجأة عبارة عن غرفة خاصة بكل اثنين فيها جاكوزي وغرفة ساونا وبعدها ياتي اثنين يقومون بعمل مساج سعد فارس من الفكرة لكن نسمة اعترضت لان نزول الجاكوزي بمايوه مع فارس لكنه احتواها و طمئنها انه زوجها ووعدها انه دائما لن يتخط الحدود معها
*دخلوا الغرفة واستلموا المايوهات كانت نسمة مكسوفة ووجهها احمر كالطماطم فضحك فارس عليها
:تعالي انزلي انت الاول جوة المية ومش هبص عليك انت اصلا معصعصة مفيش فيك حاجه مغرية مش عارف اتجوزتك على ايه كنت اخدت واحدة مربرة احس معاها بالحنان ههههه
:بايخ قوي تعالى نزلت ما تضيعش الوقت لان المساج بعد ساعه الميه سخنه وجميلة
بقلمي سحر السحرتي
*فارس نزل بعيدا عنها ودون ان تراه ضغط زر المضخات عندما اشتغلت دفعت نسمة بقوة داخل حضن فارس
:الله هو مين دلوقتي اللي بيجر شكل التانى ايه اللي جابك في حضني دلوقتي انا ضعيف وماسك نفسي بالعافية وانت بتدعوني للرزيلة
:مش انا شكل المضخات بتشتغل بسنسور
:مالك هتعيطي وفيها ايه يعني لو عملتيها
:انا مؤدبة ومش بعمل كدة
:احلى حاجه فيك اني بحسك طفلة بريئة على طبيعتها
:ابتعدت عنه وكانوا يمرحون ويلعبون برش بعضهم بالماء بعد قليل خرجوا ودخلوا غرفة الساونا ثم خرجوا منها ارتدوا برانس الاوتيل ليستعدوا لعمل المساج
*دخل رجل وامراءة لعمل المساج واكتشف فارس ان الرجل سيقوم بعمل المساج لنسمة والمراءة له فاعترض ورفض ان يقوم الرجل بلمس نسمة فشرح له الرجل ان المساج بحجز مسبق ولا تتوفر امراءة اخرى لعمل المساج لنسمة
:على اساس ان عادي هي تعملك المساج
: اه عادي فيها ايه
:ابدا مفيهاش حاجة يا حبيبي دلوقتى كدة انا مش هعمل المساج عشان مفيش واحدة تانية متوفرة
:اه معلش بقى
: ولا معلش ولا حاجة انا عندي الحل
*سحبت المراءة على غرفة المساج واوصت الرجل بعمل مساج عنيف له لانه يحب المساج القوي
:اظن هو يعملك مساج ولة انت ما بتتكشفش على رجالة
*ونظرت له نظرة توعد
*بعد المساج خرج فارس يتالم من جسده ونسمة خرجت مسترخية
:انت قلتي له ايه حرام عليك جسمي اتكسر
:ولا حاجة قلت له ده حبيبى اتوصى بيه شويتين عشان يبقى عادى بعد كدة ان واحدة تلمسك.
:بتغيري على قوي حضرتك
:بجنون ومحدش يلمسك غيري
:طب بسبب اللي حصل مش هقدر اعمل شوبنج جسمي مكسر
:خلاص يا حبيبي اطلع ريح وانا هروح اشتري شويه حاجات
:هتعرفي ولة هتوهي وتقرفينا
:بتكلم بنت اختك ومعايا الجي بي اس وده لعبتي
: ما تتاخريش ولو احتجتي حاجة كلميني
بقلمي سحر السحرتي
*ذهبت نسمة الى مول مشهور واشترت اشياء كثيرة وطلبت من المحلات ايصالها للاوتيل فهي خدمة مقدمة من قبلهم واكملت لف في المول ودون ان تنتبه اصطدمت في باسل
: ايه ده انت لسه عايشة سمعت انك عملتي العملية وبقيتي طبيعية مش هجرب ولة فارس بس اللي له نصيب
: انت بتقول ايه مش فاهمه حاجه واحترم نفسك واضح انك بتقل ادبك
:صحيح دى انت ناسية كل اللي حصل اصل سالت في المستشفى خفت تموتي والبس انا مصيبة وعرفت انك لسة عايشة
:يعني ايه لسة عايشة هو انا كنت هموت
*امسك يدها بقوة مكان قطع شريانها
:اه كنت هتنتحري يا قطة بعد ما عرفت ان انا واخوك انتقمنا منك
:تنتقم مني انت وعمر ليه
:عمر مين مروان يا حلوة واضح فعلا انك مش فاكرة حاجة
:لا مش فاكرة ومن كلامك مش عايزة افتكر
*شدت يدها منه بعنف وجرت بعيدا وتركته لانها كانت خائفة مما سيقول نزلت دموعها وهي تعبر الشارع لم تستطيع النظر من غزارة الدموع كادت ان تصدمها سيارة الا ان يدا امسكتها وسحبتها بسرعة بعيدا عن الطريق
:فارس
:مش تخلي بالك كنت هتموتي انت بتعيطي ليه مش عارفة ترجعي
*ارتمت بداخل حضنه وانهارت من البكاء لم تستطع النطق لحظات وتحدثت بالم
:انا عايزة افتكر اللي حصل او تحكيلي انت
:ليه في ايه
: قابلت باسل جوه وقالي كلام وحش ما فهمتش منه حاجه وكان عايز يحكيلي خفت وجريت ممكن تحكيلي انت
:طب تعالى ندخل المول تغسلي وشك وتهدي ونشرب حاجه وانا هقولك
*اوصلها للحمام ودخلت لتغسل وجهها
*اتصل على مروان قص عليه ما حدث وطلب منه ان يبعد باسل عن طريق نسمة لانه اذا تصرف لان يكون خير للجميع وهو يتحدث معه لمح باسل يمشي في المول ولا يحمل هما ولا يبالي بما فعل
#يا ترى ماذا سيفعل فارس في باسل