رواية نسمة حائرة الفصل الحادي عشر 11 بقلم سحر السحرتي

رواية نسمة حائرة الجزء الحادي عشر

رواية نسمة حائرة البارت الحادي عشر

رواية نسمة حائرة الحلقة الحادية عشر

*في المطار كانوا جالسين في صالة المغادرة ونسمة ممسكة بيد فارس وواضعة يدها على كتفه وتبكي دون ان ينتبه لانه كان يعمل على اللاب توب ويرسل ايميلات للعمل لكنه احس بابتلال كتفه فنظر اليها وجدها تبكي اغلق اللاب
: مالك في ايه مش قلت لك بلاش دموع
: مفيش خايفة بس وافتكرت موقف امبارح سبني بقى افضفض معاك واخرج اللي جوايا
: يعني هتبقى مستريحة وعينك الحلوة دي وارمة من كثر العياط والناس تقول يقطعه منكد عليها
:ههههه بلاش تضحكني انا عايشة دلوقت لحظة نكد
: والله قلت الستات دي وش نكد محدش مصدقني
*ضربته على كتفه بمحبة قبلها في راسها
:غلس الواحد ما يعرفش يعيش اللحظة معاك
: عيشي يا حبيبتي بس بلاش تبلي هدومي هي الدموع دية نفس طعم بتاعة امبارح
: هههههه امال هتتغير
: خلاص بلاش ادوق الملح وادخل على السكر وبعدين انا لسة ما صبحتش عليك ولا فطرت
: عيب اسكت احنا قدام الناس
:احنا مسافرين دولة اجنبية والناس دي كلها معانا يعني عقلهم متفتح ولما يشفوني هيقولوا جنتل مان بيصالحها هاتي واحدة بس
:واحدة بس وعلى السريع عشان لو قلت لا هتنفذ برضة
*وقام بخطف قبلة سريعة لكي تتخلى عن حزنها ويغير الموضوع
:ممكن بقى ما تزعليش هبعت الكام ميل دول قبل ما نطلع الطيارة وافضالك نعيط سوا
:ما تنساش مكافاة مهاب وبحبح ايدك شويه
:ابحبح ايدي خافي على فلوس جوزك شوية
:معلش اصله غرقان في الشقة وبعدين بلاش كلمة جوزك دي خليها خطيبك عشان استمتع بيها شوية
*ركبوا الطائرة وطوال الوقت فارس كانت يتكلم مع نسمة ويضحكوا دائما
: شوفي بقى فاضل كام ساعة ونوصل انا عايزك في موضوع مهم ركزي معايا وافهمي كلامي كويس
: كلى أذان صاغية رغم اني كابس عليا النوم اتفضل
*وصلت الطائرة وركبوا تاكسي ليصل بهم الى الفندق …. وقف فارس عند الرسبشن لكي يستلم مفاتيح الغرف لكن نسمة سمعت صوته عالي ويتشاجر مع الموظفين جرت لتفهم ما يحدث
:في ايه يا فارس اهدى بتزعق كدة ليه
: الاغبياء حاجز غرفتين جمب بعض وعشان كاتب في البيانات انك مراتي فكروني غلطت لما كتبت ٢ غرفة بدل ١ فحجزوا لنا غرفة واحدة
:طب خلاص هدي نفسك محلولة يحجزوا واحده تانيه ومش مشكله لو بعيد عن بعض
: احترم ذكائك امال انا غاوي زعيق هكون بزعق ليه عشان مفيش غرف تانيه فاضيه
:نعم وبعدين لسة هنروح اوتيل تاني انا هموت وانام
: برضه بذكاء حضرتك الخارق احنا في سيزون وعندهم احتفالات ومفيش اوتيلات فاضيه الا اللي مستواها ضغيف واستحالة نروح فيها مش امان
*نظرت له بخبث وكانها تحس انه من فعل هذه الحركة ففهم نظرتها
:والله يا بنتي ما انا اللي عملت كدة اتفضلي على الريسبشن اتاكدي منهم لو مش مصدقاني
*احست انه صادق وبينما كانت تفكر في حل وجدت مدير الفندق يتجه اليهم ويعتذر بشدة ويسال عن المشكلة بما انهم متزوجين يمكنهم البقاء في غرفة واحدة ….. شرح له فارس السبب فاعتذر لهم مرة اخرى وانه مستعد لاي تعويض وسيقوم بعمل خصم وهدية في الاصبا الخاصة بالفندق ورجاهم ان لا يغضبوا مما حدث وعندما تخلو غرفة سيبلغهم
*اتصل فارس على سليم ليبلغه بالمشكلة ويستاذن منه في اضطرارهم للبقاء معا في غرفة واحدة مع وعد انه سوف يحافظ على نسمة
: انا مصدقك يا فارس وعارف انك راجل وقد كلمتك ولو مش واثق فيك ما كنتش جوزتك بنتي انت تربية فخر صديق العمر
:يالا يانسمة هنطلع انا كلمت عمو سليم وفهمته
: ايوة بس انا مش موافقة معلش اتصرف وشوف حل
*رد بكل عصبية : اشوف حل ازاي ما انت شفت بنفسك المدير جه واعتذر وبعدين قلقانة من ايه ما تخافيش يالا
بقلمي سحر السحرتي
*دخلوا الغرفة ووضعوا الشنط بدأ فارس بوضع ملابسه في الدولاب
: ايه ده هي الغرفة كمان سرير واحد لا كدة كتير
:نسمة ما تقلقيش انا هدخل الحمام اخد دوش واغير هدومي تحبي تدخلي انت الاول
:لا هدخل بعدك بس خلص بسرعة لاني هنام على نفسي
*دخل وخرج لابس شورت وتي شيرت كات وشعره مبلول مع رائحة البرفان التي جعلت راس نسمة تدور وتحدث نفسها ( صبرني يارب) ودخلت بعده وارتدت ملابس الخروج
:ايه ده انت خارجة
:لا بس انا عملت حسابي في هدوم النوم عريانة ومش هعرف البسها قدامك
: مش هتعرفي تنامي كدة البسي هدومك انا جوزك
:مش هينفع علشان رجلي هتبان وانت عارف
: نسمة انا شفتك قبل كده ومفيش عندي مشكلة يا حبيبتي البسي وبلاش قلقك ده مش هتعرفي تنامي بلبس الخروج
*دخلت نسمة وارتدت ملابس النوم شورت وبادي كات وكانت الدموع في عينيها لاحظها فارس فخفف اضاءة الغرفة حتى لا تخجل اكثر من ذلك
: انا هنام علي الارض او هحط الكرسين قدام بعض وانام عليهم
:تعالي نامي السرير واسع وانا هاخد طرف السرير ونحط مخدة في النص لو قلقانة مش هتعرفي تنامي على الارض او الكرسي ومش كل شوية هفكرك اني جوزك
:طب نام انت وهقعد على اللاب شويه وهنام
: كنت من شوية هتموتي وتنامي تعالي وبلاش شغل الاطفال ده
:حاضر بس هتنام مؤدب
:نسمة انا راجل ووعدتك انت وباباك ولو كنت ناوي على حاجة مكنتش اتصلت عليه واستاذنت
*فعلا نسمة نامت على طرف السرير وفارس وضع وسادة في المنتصف حتى تطمئن لكن السرير كان يهتز هزة غير طبيعية كانت نسمة ترتعش
: ايه يا نسمة بتترعشي كدة ليه يا حبيبتى ادخلي شوية على طرف السرير هتقعي
:مش عارفة يمكن بردانة مع ان الجو مش برد
:انا اسف يانسمة مش قادر استحمل سامحيني
*نسمة بخضة وتوتر : مش قادر على ايه
:عايز اخدك في حضني ممكن
*لم ينتظر رد قام بجذبها نحوه وحضنها وطبطب عليها لتهدئتها وقبلها في راسها وبالفعل هدأت بعد فترة وذهبت في نوم عميق وفارس ايضا
*استيقظت في الصباح وجدت فارس محتضنها وممسك بها بقوة منعتها من النهوض دون ان يستيقظ فانتبه لها وصبح عليها وقبلها من خدها
: نمتي كويس انا بصراحة ارتحت جدا وانت في حضني
:اه كنت خايفة وقلقانة بس لما خدتني في حضنك ما حسيتش بحاجة خايفة اتعود على كدة
:اتعودي ابوس ايدك او ادمنيها احسن ههههه
:هقوم ادخل الحمام اخد دوش ممكن تطلب الفطار احسن جعانة قوي اكل الطيارة ده وحش جدا
:طب ما تتاخريش مش عايزة حد يساعدك
: لا يا غلس ممكن تبص الناحية التانيه عشان اقوم
بقلمي سحر السحرتي
*طلب فارس الفطار وطرق عامل خدمة الغرف وادخل صينية الفطار على خروج نسمة من الحمام بالبرنس وكانت تنشف شعرها … خرج العامل وقبل ان يغلق الباب دخل رجلين بسرعة
:مبروك يا عروسة(الرجل ١)
:مبروك كنت عاملة خضرة الشريفة عليا ( الرجل ٢)
*لتنصدم نسمة عند رؤيتهم
: تفتكري السيد الوالد لما يعرف ان الدلوعة بنته حبيبة القلب سلمت نفسها لخطيبها من غير جواز هيقول ايه او هيعمل فيك ايه ( الرجل ١ )
:برافوا عليك يا فارس جبت مناخيرها الارض وعرفت انها زيها زي باقي البنات اللي بتغلط بس ايه رأيك في فكرة الاوضة الواحدة سهلتلك الموضوع (الرجل ٢)
الرجل ٢: بس نفسك حلوة يا فارس ازاي عملتها مع المسخ دي
: باسل ……مروان بتعملوا ايه هنا….و بتقولوا ايه …. واتلميتوا على بعض ازاي
مروان: احنا زقينا فارس عليك عشان ينتقم منك
*تنظر له بصدمة واستغراب
نسمة : ينتقم مني انا عملت فيك ايه انت اخويا
مروان : الاول امك تضحك علي بابا وتستغله وتاخد فلوسه وانت تضحكي عليه وتاخدي حبه وحنانه واهتمامه واحنا ولا في باله ولا كان بيعبرنا
نسمة : بابا طلق مامتك قبل ما يتجوز ماما ب ٣ سنين وهي اللي اخدتكم وسافرت وطول عمركم بتقعدوا معاه في الاجازات ايه اللي اتغير من بعد ما اتولدت يخليك تعمل كدة
مروان: كنا بنيجي الاهتمام بك انت الحب لك انت
نسمة: كنت صغيرة وما عنديش ام تهتم بيا
باسل: انت لسة هتقعد تتناقش معاها …. اللي حصل معاك يا حلوة اتصور عيزانا نذيع قولي ذيع ( مع ضحكة ساخرة شريرة)
نسمة : ذيع يا اخويا ذيع يا خطيبي ايه رأيك يا مروان تذيع ده كمان
*فتحت البرنس وظهرت ملابس النوم التي كانت ترتديها فظهر تشوه رجليها …. تفاجأ مروان بحالتها
نسمة : طبعا باسل مش قادر يشوف المسخ عشان بيقرف ايه رأيك يا مروان حصلك ده وانت صغير لما بابا سابني وسافر يشوفك انت وعمر عمتك عذبتني طفلة عمرها ٤ سنين الحب اللي اتحرمت منه من امي بابا كان بيعوضني الحب اللي بتلومني عليه كان برضة تعويض عن التشوه ده
*جري فارس وربط البرنس لنسمة وحاول تهدئتها
:اوعي سيبهم يتفرجوا يا ابونفس حلوة استحملت القرف ده ازاي
باسل :مش موضوعنا عشان ما نذيعش هتمضي لاخوك تنازل عن ورثك بعد عمر طويل لابوك
بقلمي سحر السحرتي
*تنهار نسمة مما سمعته وتبكي بحرارة غير مصدقة ان اخوها يمكن ان يفكر بتلك الطريقة
:الورث كل ده عشان الورث طب بدل ما تزق عليا واحد يكسر قلبي ويعتدي عليا كنت قلت لي ما كنتش همانع ما انا من بعد الثانوي لما قلت لبابا كفاية اللي امها اخدته وانا شايلة نفسي وبدفع مصاريف جامعتي وبشتغل وجبت عربية مهكعة وانا بنت رجل اعمال كبير ورفضت اشتغل معاه في الشركة عشان ما تزعلش. ……… انا مش مستغربة القذارة دي من باسل رغم ان كل اللي عملته انقذت واحدة زبالة زيه من انه يفضحها لكن انت اخويا المفروض تحميني وتسترني انا كنت بحبك جدا وبستناك انت وعمر كل اجازة برغم معاملتك الجافة كنت بستناكم زي الاطفال ما بتستنى العيد
*وصرخت من القهر وجرت صفعت كل واحد منهم وازداد صرخها وهي تقول
:الورث اوعدك اني مش هورث خده انا هعيشكم في تانيب ضمير كلكم اذا كان لسة عندكم ضمير ….. في ايه في الدنيا يستاهل بعد ما الاخ يعمل كدة في اخته
*وجرت بسرعة خطفت السكينة من فوق صينية الطعام وقطعت شريان يدها وسقطت على الارض
*تفاجأ الكل برد فعلها لكن فارس طار من مكانه وامسك مكان الجرح وصرخ بهم
:حد يجيب حاجة بسرعة نربط ايديها …. ليه عملتي كدة يا نسمة
:صعب اعيش في الدنيا دي امي باعتني واخويا كمان غدر بيا فاضل ايه تاني هيحصل لي انا حبيتك عمري ما حبيت حد قدك قول لبابا يسامحني دايما كنت بقاوم عشانه بس اخويا كسر قلبي خفت انت كمان تعمل زيه
*وفقدت الوعي حملها فارس وذهب مسرعا الى المستشفى
*باسل خاف وتركهم وهرب
*مروان ذهب مع فارس وكان يبكي واحساسه بالندم يخنقه
*فارس كان ينتظر خارج غرفة العمليات والقلق ينهش قلبه والغضب يسيطر عليه من مروان وباسل جعله مشلول التفكير
:امشي يا مروان من هنا قبل ما ارتكب جريمة جاي ندمان دلوقت بعد ما كسرتها ودمرتها
: انا ما كنتش اعرف انها اتعذبت كدة وباسل ضحك على واستغل غيرتي منها انا مش عارف عملت كدة ازاي
: لو جرالها حاجة هدفنك انت وهو
: انت بتلومني لوحدي ليه ما تبص لنفسك مش انت اللي ضحكت عليها بالاتفاق معانا واعتديت عليها
: انا ما عملتش حاجه من اللي اتفقنا عليها ونسمة مراتي مش خطيبتي احنا كتبنا الكتاب يوم الخطوبة وحضرتك متعرفش لما والدك قالك على حفلة الخطوبة انت رفضت تحضر وزعقت معاه هو كمان رفض يقولك على التفاصيل قال خسارة فيك انك تشاركهم
:يعني نسمة سليمة امال عملت في نفسها كدة ليه
:من صدمتها فيك من الاتفاق القذر اللي كنت عايز تعمله وطمعك في الورث اللي ما قلتليش عليه
*خرج الدكتور من غرفة العمليات
:احنا انقذناها وكويس انكم لحقتوها وربطوا الجرح هي ما فقدتش دم كثير لكن للاسف عندها انهيار عصبي ودخلت في غيبوبة بارادتها هي عايزة تهرب من الواقع واضح انها كانت تحت ضغط كبير
:يعني ايه مش فاهم هتفوق امتى
:محدش يعرف هتفوق امتى الوقت اللي هي تحدده
:يعني مطلوب مننا ايه دلوقت
:تشوفوا دكتور نفسي كويس يدلكم تعملوا ايه
: شكرا يا دكتور
بقلمي سحر السحرتي
*انهار فارس وجلس على مقعد وضع مروان يده فوق كتفه لكن فارس نهره وصرخ به
:ابعد عني مش عايز اشوفك هقول لباباك ايه دلوقت …. عارف ان كان عندها ميول انتحارية من زمان وكانت بتتعالج نفسيا من سنين بسبب امها وعمتك والناس وانت كملت عليها
*خرجت نسمة من غرفة العمليات متجهة الى غرفة عادية جرى فارس وامسك يدها
: نسمة ردي على فوقي عملتي في نفسك كده ليه انا كنت جمبك ومعاك
*ظل فارس بجوارها في المستشفى كان يتذكر كلامه معها في الطيارة
:عايزك في موضوع مهم ركزي معايا وافهمي كلامي كويس
: كلي اذان صاغية رغم اني كابس على النوم هو ما ينفعش ناجلها اما نوصل ونريح شوية
:لا عشان احنا قافلين التليفونات بحكم اننا في الطيارة ولو حد مهكرهم مش هيعرف حاجة
: مهكر تليفوني انت بتهزر دى انا كبيرة الهكر
:نسمة مش بهزر اسمعي بقى لو سمحت
:ايه ده انت خوفتني شكله موضوع مهم
:عندك شك اني بحبك ومقدرش استغنى عنك
:بنبرتك دي شكيت دلوقت
:نسمة بطلي هزار وخليني اعرف احكيلك
: في ايه يا فارس انا فعلا قلقت
:باكد عليك انا بحبك وما اقدرش استغنى عنك حطيها في بالك وانا بحكيلك بعد ما رجعنا من السخنة جالي اتنين مش هقولك مين عشان مش ضامن رد فعلك
:مش فاهمة حاجة
:هتفهمي اصبري وما تقاطعنيش جالي اتنين عايزين ينتقموا منك ويخلوني اشاغلك لغاية لما تحبيني وتسلميني نفسك واصورك وهما طبعا ما كانوش يعرفوا اننا حبينا بعض فعلا
*نسمة صدمت من الحوار
: ليه انا عملت لهم ايه
: هتعرفي لما تشوفيهم
: وانت رفضت طبعا
: لا اخدتهم على قد عقلهم عشان لو رفضت هيدوروا على حد غيري او خطة تانية وانا كنت عايز اجيب اخرهم واحسسهم انهم خلاص انتقموا عشان تعيشي مرتاحة وفي امان وبعدين افكر ازي هتعامل معاهم
:يعني انا هقابلهم امتى واعمل ايه معاهم
:غالبا بكرة هما مفكرين اني هنفذ النهارده هتحجج وادخل الاوضة بتاعتك واعمل اللي اتفقوا معايا عليه طبعا بالكذب وانت تتصدمي اما تشوفيهم وتمثلي انك اتخدعتي فيا
:طب ما انا اصلا مراتك
:هما ما يعرفوش انك مراتي عارفين انك خطيبتي بس
:طب ما حكتليش ليه قبل الخطوبة
:علشان دماغك متركبة شمال وممكن ترفضي تتجوزيني من الاساس وهتشكي في حبي لك
: طب انت مش عايز تقولي هما مين ليه
: عشان يحسوا بانتصار مزيف ويبان عليك انك مصدومة لغاية لما الاقي حل معاهم
: طب ولو شهروا بيا اني سلمتك نفسي من غير جواز بابا هيعمل فيا ايه
: انا كنت حكيت لبابا على كل حاجه وهو اللي قالي اعمل كدة واسجل لهم اعترافهم عشان يقدر يتصرف معاهم
: يعني انت عارفهم وبابا عارفهم والبهيمة الوحيدة الجاهلة هي انا
: اه عشان انت ردود فعلك غير متوقعة وممكن قدامهم تقولي ضحكنا عليهم او ما تتفاجئيش بيهم
:ياترى مين ممكن يفكر بشكل قذر كده
: الكلام ده تمسحيه من راسك كانك ما عرفتيش فاهمة
: كاني …. انت اطلقت كلاب سعرانة في دماغي وتقول كاني
:نسمة اوعديني هتنفذي كلامي
:حاضر ما تزعقش وانت اتعامل معاك على انك عملت كدة صح
:اه وتزعقي فيا وتضربيني كمان
: الله اضربك انا نفسي دلوقت فعلا اضريك
بقلمي سحر السحرتي
*فاق فارس من ذكرياته على رنين هاتفه كان سليم يطمئن عليهم كالعادة ردد في نفسه
:طب هرد عليك دلوقت هقولك ايه
:الو ايوة يا عمي معلش احنا دلوقتى فى المستشفى هنخلص واكلمك
:طب نسمة مش بترد على تليفونها ليه
:راحت معمل التحاليل بياخدوا منها عينة مضطر اقفل عشان هندخل للدكتور سلام
*واغلق بسرعة قرر يتصل على عمر وحكى كل ما حدث ….. صدم عمر مما سمعه
:انا عارف ان مروان بيغير منها قوي بس يوصل تفكيره انه يعمل كده والحل هتعمل ايه
: هو انا بكلمك عشان تقولي انت نعمل ايه اكيد نسمة دلوقت محتاجة كل اللي بيحبوها جمبها خاصة باباها حاول تقنعه يسافر مع طنط ليلى يغيروا جو ويبقى جمبهاوانا هوصلها له واحده واحده
:لا انا هوصلها له هنا عشان يبقى عارف هو رايح ليه بس بلاش يعرف انها انتحرت نقول اغمى عليها ودخلت في غيبوبة بس هي كويسة وهتفوق بعد كام يوم
: خلاص اعمل اللى انت شايفه صح المهم يجي
#متى سوف تستيقظ نسمة وما هو رد فعل سليم