روايات سيلا والنمر الفصل التاسع عشر 19 بقلم منار مصطفى
روايات سيلا والنمر البارت التاسع عشر
روايات سيلا والنمر الجزء التاسع عشر
روايات سيلا والنمر الحلقة التاسعة عشر
ركب بدر. عربيته وساق بأقصي سرعه ليه…كان من جواه حاسس بالفرح انه قدر يستفز مراد ويحرق دمه… بس جملته بانه هيتجوز سيلا كانت بتتردد في ودنه…وكان الغضب عاميه.. وكان كل ما يفتكر.. كلام سيلا انه هو اللي بيحبها يتجنن اكتر.. طيب ازاي وهو بيقول هتتجوزني ايه اللي يخليه يقول كده لو هي مش مدايه امل او لو هي مش موافقه عاللي بيقوله…..سرع بدر.. سرعته وابغضب عاميه…..
نروح عند روكا….
كانت بتجهز نفسها عشان تبتدي تلبس… عشان عامر.. هيعدي ياخدها…
اتصل عامر علبها..
روكا.. بدلع…الوووو
عامر…ماقولنا بلاش. الو دي بقي..
روكا.. عايز ايه ياعامر…
عامر… بزمتك انا اتصل بيكي اطمن عليكي تقوليلي عايز ايه ياعامر..
روكا… انت متصل بيا 100مره لحد الوقت.
عامر… بقي كده طب ياستي انا غلطان يلا اقفلي سلام…
روكا… لا خلاص استني.
عامر.. لا خلاص اقفلي…
روكا. خلاص بقي مش تزعل بهزر قماص اوي.
عامر… لا زعلان صالحيني..
روكا… بدلع حقك عليا يابيبي..
عامر…ولا تنفع. ..انا عايز صلح حلو..
روكا… اموووووووووه.
عامر… بردو مش حلو..
روكا.. خلاص لما تبجي هصالحك…
عامر… ماشي..
روكا… كنت عايز ايه بقي..
عامر.. كنت عايز اقول لجنابك اني خلصت ونازل..
روكا… خلاص علي بال ماتيجي اكون لبست زجهزت نفسي.
عامر.. ماشي ياحبيبي .
روكا… سوق براحه..
عامر… حاضر ياقلبي عايزه حاجه اجبهالك وانا جاي..
روكا.. اه.. عايزه.
عامر… عيوني عايزه ايه..
روكا.. بدلع.. عايزه عامر…
عامر…قلب عامر…
روكا.. يلا ياواد بلاش دلع تعالي بسرعه .
عامر.. حاضر. ياحبيبي يلا باي.
روكا.. باي……
نروح.. شويه لريم.. ويوسف..
ريم…. الووو.
يوسف.. ايوه ياريمو.. خلصتي..
ريم.. بلبس اهو..
يوسف.. القمر ماله
ريم.. مفيش تمام.
يوسف.. ريم مالك صوتك مضايق.
ريم.. مفيش والله ياچو بس مش مظبوطه..
يوسف.. ليه بس انتي متخانقه فالبيت ولا ايه..
ريم.. لا ابدا ياريت عالاقل ابقي بعمل حاجه مفيده بدل ماكل واحد فينا في وادي كده… وبعدين هما اصلا كانو بيحضرو شنطهم عشان مسافرين ..
يوسف… مسافرين فين…
ريم.. لندن..
يوسف.. فجأه كده..
ريم.. لا مش فجأه بس عادي هما كل شويه يسافرو مش جديده يعني…
يوسف… ومش رحتي معاهم ليه.
ريم.. واروح معاهم ليه..اولا انا مش بحب ثانيا هما اصلا مقالوش ولا هيقولو مش في بالهم اصلا..
يوسف.. امال ايه اللي في بالهم..
ريم… هما كل اللي في بالهم انهم يسافرو وبس ويسيبولي فلوس.
يوسف…طيب لما ده مش جديد ايه اللي مخليكي مش مظبوطه..
ريم… زهقت يا يوسف.. حاسه اني لوحدي بجد.. انا لولا وجود اابنات معايا كان جرالي حاجه..
يوسف… البنات بس ماشي ياستي شكرا..
ريم .. وانت طبعا…
يوسف.. بعد ايه بقي..
ريم.. لا والله بجد انا من يوم ماعرفتك يا چو وانت فارق في حياتي جداا..
يوسف..وانتي كمان ياريم.
ريم.. بجد.
يوسف.. بجد والله العظيم..انا يومي مبقاش يمشي غير لما اكلمك.
ريم.. طب بس بقي احسن الغرور هيمسكني.
يوسف… ياباشا انت تتغر زي مانت عايز..
ريم.. بكاش اوي..
يوسف.. لا والله مش بكش.. المهم.. لبستي.
ريم. اه انا يعتبر تمام.
يوسف.. ماشي يا قلبي انا نازل اهو…
ريم.. تمام مستنياك.
يوسف.. مش هتأخر عليكي يلا سلام..وفكي بوزك ده.
ريم.. بضحك حاضر.. باي…
نروح لسما ومهاب شويه…
سما.. هو تليفوني فين اكيد سايلنت ومهاب كلمني ميت مره.
مسكت موبايلها ملقتش ولا اتصال..
سما.. غريبه…واتصلت بيه..
الووووو.
مهاب.. ايوه ياسما..
سما.. فينك..
مهاب.. انا كنت بنضف العربيه.. وطلعت خدت شاور وبلبس ونازل اهو.
سما… اصلك متصلتش بيا .
مهاب.. كنت مشغول فالعربيه..
سما.. يعني خلاص كان لازم انهرده تغسلها…
مهاب… طبعا مش هتركبها احلي بنوته فالدنيا..
سما.. ياسلام.. اضحك عليا.
مهاب. والله مابضحك عليكي.
سمة.. انت كنت مبهدلها للدرجادي .
مهاب.. لا والله اصل بصي عربيتي دي صحبتي انا وهي في بينا كيميا.
سما.. كيميا مره واحده..
مهاب.. واكتر من كده اسكتي انتي مش فاهمه حاجه..
سما… انا هبتدي اغير منها..
مهاب… الله بتغيري عليا ..
سما.. لا بهزر علي فكره..
مهاب… ياساتر.
سما..🤣🤣🤣خلص بقي يلا.
مهاب.. والله بلبس اهو انتي اللي معطلاني..
سما… بقي كده انا اللي معطلاك طب.. يلا امشي وابقي شوف حد يجي معاك انا مش جايه.
مهاب.. متقدريش.
سما.. لا اقدر علي فكره واقولك هقفل معاك واتصل بنوني اعتزرلها بس..
مهاب… كش هتقدري بقولك..
سما.. ليه بقي ان شاء الله..
مهاب.. عشان وحشتك..
سما.. انا لا علي فكره..
مهاب.. طب احلفي كده..
سما.. يلا اقفل روح كمل لبس..
مهاب.. بتتوهي ماشي
سما.. انا لا خالص.
مهاب.. وحشتك ولا لا.
سما.. لا.🙄
مهاب… اكيد..
سما.. يعنيي شويه..
مهاب.. شويه بس..
سما.. لا شويه كتير.
مهاب.. ايوه كده…وعلي فكره انتي كمان وحشتيني اوي..
سما.. احمممم.
مهاب.. ياخرابي عاللي وشه بقي زي الفراوله..
سما.. مهاب انت رخم يلا روح..
مهاب.. طب خلاص…متزعليش..
سما… متتأخرش..
مهاب.. حاضر..
سما.. وسوق براحه..
مهاب.. طب متأخرش واسوق براحه ازاي في جمله واحده..
سما…. معرفش بقي يعني تيجي بسرعه بس تسوق براحه .
مهاب.. بضحك حاضر هسوق بسرعه وبراحه
سما.. انت بتتريق عليا.
مهاب..وانا اقدر..
سما.. طب يلا بقي بسرعه.
مهاب.. حاضر.. اول ما اقرب هكلمك. تخرجيلي.
سما.. حاضر..
مهاب.. باي..
سما.. باي…
قفلت سما وهي بتتنهد بابتسامه واسعه..
نروح بقي عند سيلا وبدر…
فضل بدر.. طول الطريق.. يكلم سيلا مبتردش..قلق عليها
بعد شويه وصل الڤيلا عندها…وركن.. ونزل من عربيته.. لقي الباب الخارجي مفتوح..دخل..جوه.
وراح عالباب بتاع الڤيلا الداخلي وفضل يرن الجرس…كتير..
واخيرا نزلت سيلا..كانت نايمه.. وراحت فتحت كانت لابسه كاش قصير. اوي.. لونه جراي..
وصلت عالباب وفتحت… بدر شافعا بالمنظر ده اتسمر في مكانه لحظات وثواني وحاول يتماسك…
بدر… انتي نايمه..
سيلا.. اه.. تعالي ادخل..
بدر.. دخل وقفل الباب..انتي مبترديش ليه عالموبايل..
سيلا.. كنت قافله الصوت مسمعتوش.
بدر.. وقافله الصوت ليه انتي مش عارفه اني هكلمك.. انتي عارفه انا كلمتك كام مره .. وبعدين انا قولتلك الصبح هشوف اللواء عايز ايه وارجع اكلمك…
سيلا.. ما انت اتأخرت وانا مقدرتش ورحت فالنوم..
بدر… وقفلتي موبايلك ليه..
سيلا… يووه يابدر… في ايه قفلته عشان مراد اعد يتصل من بدري ومكنتش عايزه ارد..
بدر… ويتصل بيكي ليه ده.
سيلا.. وانا ايه عرفني اكيد عايز يعتذر..
بدر.. والله…
سيلا.. هو ايه اللي والله.
بدر.. انتي سايبه باب الڤيلا مفتوح.ليه..
سيلا.. معرفش مخدتش بالي لما دخلت الصبح قفلته مكنتش مركزه.
بدر… طب دي اول واخر مره يتساب مفتوح لو جتلك مره تانيه لقيته مفتوح هزعلك.
سيلا.. هو انت جاي عشان تتخانق يابدر..
بدر… لا مش جاي عشان اتخانق بس انتي مستفزه علي فكره.
سيلا.. انا
بدر. اه انتي
سيلا… شكرا
بدر.. بجمود.. العفو..
سيلا.. اعده عالكنبه وساكته..
بدر… سيلا..انتي وتدتي مراد بحاجه.
سيلا.. حاجه ايه..
بدر.. بعصبيه.. انتي هتستعبطي..
سيلا.. لا مش هستعبط. بس حقيقي مش فهماك
بدر.. مراد قابلني من شويه
سيلا.. نعم وليه يعني
بدر.. المصور جه ياخد الكاميرا.. ولقيت مراد معاه..وبعد مامشي. بيسألني انا ابقالك ايه..او ايه علاقتي بيكي..
سيلا.. بترقب وانت قولتله ايه..
بدر.. قولتله ميخصكش..
سيلا.. طب وليه قولتله كده..
بدر.. امال عيزاني اقوله ايه..لما قولتله كده قالي يخصني عشان احنا هنتجوز.
سيلا.. نعم هنتجوز..
بدر.. تخيلي..انا بقي عايز اعرف ايه اللي مديله الثقه دي كلها.
سيلا.. والله معرفش..
بدر.. بعضبيه سيلا متجننيش. هو ايه اللي معرفش.. ايه اللي هيخليه يقول كده. من غير ماتكوني انتي وعداه بحاجه..
سيلا.. انا موعدتهوش باي حاجه ومعرفش ليه قالك كده
بدر… ولما انتي موعدتهوش باي حاجه ايه اللي مخليه يتكلم بالثقه دي.
سيلا.. انا مش فهماك..
بدر.. مش فاهمه ايه..
سيلا …يعني انا حاسه من طريقت كلامك من الصبح.. في اسلوب اتهام ..
بدر… بعصبيه.. انا متهمتكيش باي حاجه بس ايه اللي يخلي واحد يتعشم اوي كده وبالطريقه دي من واحده كل اللي حصل بينهم انه عايز يادوب يرتبط بيها.
سيلا.. ولو هو ده اللي حاصل انا ايه زنبي.
بدر… مفيس زنب عليكي بس بردو مش طبيعي ابدا انه يتكلم بالثقه دي..
سيلا…بدر. مراد.. بيحبني ومش من قريب من فتره كبيره.ويمكن من اول ما استغلت فالجريده.. الاول كان عادي بس مع الوقت بقي مهتم بيا زياده عن اللزوم ده كان بيوترني خصوصا.. ان كنت بخاف حد من زمايلي يلاحظ حاجه.. انا مليش زنب فيها… وبعد فتره.. بقي يتقرب مني ساعتها اتأكدت انه فعلا في حاجه من ناحيته ليا…
ولما حسيت بكده.. ابتديت اتجاهله تماما.. وكنت بركز في شغلي وبس. واي وقت احس انه عايز يقول حاجه كنت بغير الكلام.
بدر.. اه ولما اتأكدتي تجاهلتيه عشان كده.. خرجتي معاه صح..
سيلا… لا مش صح.. عشان بعدها بفتره كبيره.. ابتدا يطلب اننا نخرج او انه يعزمني عالعشا.. كل مره كنت بطلع بحجه.. وبرفض ومره تانيه اقوله اوك وتيجي قبل المعاد اتصل اعتذرله باي حاجه.. لحد قبل السفر لشرم كان عايز اننا نخرج… قولتله لما ارجع من الاجازه وبعد مارجعت بيدو كنت بتهرب…
بدر… وايه اللي خلاكي وافقتي يوم ما خرجتي معاه…
سيلا……. ساكته..
بدر.. بدر بصوت عالي…ماتنطقي..وافقتي ليه..
سيلا… معرفش معرفش.. يمكن عشان كنت عايزه اخلص واخليه يقول اللي عنده ويبطل زن. عشان اقوله اني مبفكرش في الارتباط..بس هو ساعتها فاجئني بموضوع الجواز… ساعتها قولتله اني مبفكرش فالجواز اصلا.. طلب مني مردش ولا اقوله حاجه واني افكر وختي لو رفضت ..علاقتنا فالشغل مش هتتأثر..وفعلا عدي اسبوع وهو بيتعامل معايا بمنتهي الاحترام وكان بيتكلم معايا فالشغل وبس عشان ميضغطش عليا…
لحد انهرده بس اللي فتح الموضوع تاني..
بدر… يعني ايه فتح الموضوع تاني..وليه اصلا
سيلا…معرفش احنا في وسط ما كنا بنتخانق بسبب المصور.. لقيته بيقولي سيلا فكرتي في موضوعنا انا استغربت بس هو بعد كده رد علي استغرابي ده من غير ما يقصد..
بدر.. ازاي..
سيلا…….
بدر… بقول ازاي..
سيلا… حاسه بخوف وتوتر مش طبيعي من بدر…
بدر…. ماتنطقي .
سيلا.. بدر.. ممكن متعليش صوتك..
بدر… بصوت اعلي قولتلك ازاي.
سيلا.. هو من طريقت كلامه.. ان اللي وصله للعصبيه عليا كان انت..
بدر.. انا. وهو يعرفني منين.
سيلا… مش حكايه يعرفك بس هو يعني اصل كان غيران منك.. او بمعني تاني حس من طريقت المصور ان في حاجه بينا فاكان مضايق عشان كده طلع فيا..
بدر…وانتي ازاي تسمحيلو اصلا يتكلم معاكي كده وازاي تسمحيلو اصلا يتدخل في حياتك..
سيلا.. انا مسمحتلهوش..
بدر.. بعصبيه.. امال تسمي اللي حصل ده ايه..
سيلا.. حاطه ايدها علي ودنها من صوته…
من فضلك يابدر.. الصوت العالي بيوترني..
بدر…ماسك سيجارته وبياخد منها نفس…
اقسم بالله ياسيلا.. لو موقفتي اللي اسمه مراد ده عند حده لا هيكون ليا تصرف تاني معاكي…
سيلا.. ليه..
بدر.. هو ايه اللي ليه..
سيلا.. انت ليه بتعمل كده..
بدر… يعني ايه اللي ليه..وارتبك بدر… يعني عادي من غير ليه.
سيلا.. هو ايه اللي من غير ليه…
هو انت تقولي مراد يبقالك ايه..ومراد يقولي بدر يبقالك ايه…انتو ليه اصلا بتدخلو في حياتي.. طب هو وعرفنا بيحبني ..وعايز يتجوزني.. انت بقي عامل كده ليه..
بدر.. انتي بتقارنيني انا بمراد ده..
سيلا.. انا مش بقارنك بحد…والله بس عايزه اعرف ليه متعصب كده.
بدر.. عشان احنا صحاب ياسيلا.. عشان انتي غاليه عندي..
كان نفسه يقولها عشان بيحبها..وعشان بيغير عليها..بس لسه قالبه مش مطاوعه..
وسيلا كانت بتستفزه عشان ينطق.. بس بردو مريحهاش.. بس اكتفت بكلمه انتي غاليه عندي…
ابتسمت.. سيلا.. ماشي يابدر…ممكن بقي نقفل كلام فالموضوع بتاع مراد ده عشان خد اكبر من حجمه وانا هعرف اتصرف ولو حسيت ان الموضوع ممشيش زي مانا عايزه.. هسيب الشغل..
بدر.. وانا مش عايزك تسيبي شغلك ياسيلا..
سيلا.. عارفه.. بس صدقني بعيدا عنك انا لو حسيت بتوتر مش هقدر اكمل..
بدر.. متسبقيش انتي الاحداث بس.. والمهم اي حد بس يضايقك تعرفيني وانا هرفعهولك..
سيلا… مفتري اوي.
بدر.. بابتسامه.. انتي لسه شوفتي حاجه..
صحيح.. انتي ازاي فتحتي بالمنظر.. ده..
سيلا.. منظر ايه..
بدر… منظر ايه انتي لسه نايمه ولا ايه.. مش شايفه لبسك..
سيلا.. اتحرجت.. انا لا يعني .. بص.. انا طالعه البس بسرعه عشان متأخرش علي نوني..
جريت.. سيلا من ادامه بسرعه زي الاطفال.. اما بدر.. فا وقف يضحك عليها…واستناها لحد ماتخلص…
مر حوالي نص ساعه…
لبست سيلا وخلصت ونزلت لبدر…
سيلا… انا خلصت…
بدر.. بص وراه.. وشافها.. لابسه بنطلون برموده..اصفر وبدي ابيض. كت..
هو انا مش قولت متلبسيش بدي ابيض تاني قبل كده..
سيلا.. بتحاول تضحك عليه بدلع..ده حلو ومش مبين حاجه.
بدر.. لا
سيلا.. بدلع.. عشان خاطري..
بدر.. لا..
سيلا.. وحياتي…
بدر.. بابتسامه. لا.
سيلا… مسكت ايده من غير مقدمات يلا بقي نمشي..
شدها.. بدر.. رجعها تاني ليه.. انا قولت لا علي فكره..
سيلا كانت قريبه منه جدا..
سيلا… وانا قولتلك وحياتي.. مش قادره اطلع اغير بجد..
بدر.. خلاص.. تعالي انا اساعدك.
سيلا.. انت قليل الادب..
بدر.. انا دنا غلبان.
سيلا.. ماهو واضح.. يلا بقي..
بدر . انا مش بهزر علي فكره قولت لا..
سيلا.. من غير ما تحس بتصرفها اللي عملته بتلقائيه.. مسكت ايده ووقفت علي كراطيف صوابعها وباسته من خده.. عشان خاطري بقي ..
اتسمر.. بدر.. من حركتها..ومعرفش يقول حاجه.. وكأن لسانه اتلجم..
سيلا.. لسه مش مستوعبه اللي عملته عمل فيه ايه…يلا بقي….
بدر… مشي معاها ماشي يلا بس اخر مره..
سيلا حاضر…
بدر.. خرج ومحبش يصمم عشان بعد حركتها دي هاف عليها من نفسه ..وخرج من سكات وعلي اد ما تلقائيتها صدمته.. علي اد ما كان من جواه طاير…
وصلو الكل عند نوني…
وبعد السلام.. والضحك والهزار…والعشا…
خرجو كلهم فالجنينه مع بعض…
ناهد… انا مبسوطه انكم جيتو اوي..
روكا… انا اللي مبسوطه بجد معاكم جدا وطبعا احب اعرف الكل ان السهره دي عشاني احتفالا بيا.😜
ناهد.. هي صحيح كانت .. احتفالا بيكي لوحدك…بس للاسف في حد هيشاركك فالاحتفال ده..
روكا.. نعم يانوني مين ده بقي ان شاء الله عشان اقتله…
ناهد… بدر…
روكا… نعم يا سي بدر
بدر…استني بس تحتفلي بيا انا ليه هو عيد ميلادي انهرده ولا ايه..
ناهد.. وكمان مش عارف عيد ميلادك امته يا اخرت صبري..
بدر.. امال ايه…
مهاب.. انا عرفت.✋✋
سيلا… ايه يامهاب .قولي ومش هفتن..
مهاب.. تعالي هاتي ودنك..عسان محدش يسمع.
سيلا .. بتقرب منه.
بدر.. شدها من ايدها..نعم ماتاخدها بالحضن احسن..كلهم ضحكو علي بدر اللي محسش بتصرفه غير لما كلهم ضحكو..
مهاب.. ياعم انا عايز اخدم..
بدر.. خليك في حالك.
عامر.. الليه يسهلو..
بدر.. نعم ياحيلتها.
عامر… نمر باشا..
بدر… ايوه كده.
ناهد… اصل بدر.. اترقي انهرده.. بقي بدل المقدم بدر الخياط .. بقي العقيد بدر الخياط…
روكا.. ايه ده الله بجد.
عامر.. اه ياواطي ومتقولناش..
يوسف ..امته ده ..
ناهد.. انه ده الصبح..
سيلا.. براحه لبدر.. مقولتليش ليه😔
بدر.. ياجدعان براحه وربنا انا نفسي نسيت اقول عليكي ايه يانوني.
ناهد.. مقولتش لصحابك ليه ياواد..
بدر.. والله انا نسيت اقسم بالله..
عامر… مبروك ياصاحبي تستاهل كل خير .
يوسف… مبروك ياروحي.
بدر.. لا اظبط مش وقتك..
ضحك الكل عليهم…
بدر.. علي فكره الترقيه دي سيلا سبب فيها..
سيلا باستغراب .. انا..
روكا.. عملتي ايه يابت.
سيلا.. والله ماعملت..
بدر.. ايه براحه ياساتر عليكي هتكليها..
روكا.. مش مريحني انتو الجوز.
سيلا.. اتلمي..
بدر… انا هقولكم..وحمالهم بدر. اللي حصل سيلا كانت مبسوطه من جواها اوي… وهو بيحكي وان هو قال ان سيلا السسبب فالترقيه.. وكان من جواها مبسوط انه محكاش كل حاجه بالتفصيل وكأنه بيعرفها ان في خصوصيات بينهم مينفعش حد يعرفها..
بعد ما رغو كتير..
طلعت.. ناهد بالسؤال اللي هيقلب الموازيييين..
ناهد.. ما تحكولنا عن نفسكم يابنات.😔😔😔😔
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية سيلا والنمر)
