رواية ضي القمر الفصل الثامن 8 بقلم زهرة اللوتس

رواية ضي القمر البارت الثامن

رواية ضي القمر الجزء الثامن

رواية ضي القمر الحلقة الثامنة

جه يوم جديد على ابطالنا فارس وقمر ومنة وأسر رجعوا من شهر العسل ومهاب صديقهم المقرب فاجئهم بزيارة في البيت
في بيت فارس وأسر دق الباب طق طق طق طق
مهاب : مسا الخير جميعا على اصدقائي واخواتي
فارس : اهلا اهلا بالحبايب ازيك يا مهاب اهلا بيك تعالى اتفضل
مهاب : أنا عندي مصيبة أنا طلعلي اخ تؤام يا فارس شوفت المصيبة اللي أنا فيها انا مش فاهم حاجه
فارس : دي حاجه تفرح مالك يا مهاب في اي وبعدين فهمني واحدة واحدة انت مش المفروض ملكش اخوات
مهاب : ظهرلي حد من قرايبنا وقالي انت ليك اخ توأم أنا هتجنن مش فاهم حاجه
فارس : حاول تعرف مين هو وتأكد من كل كلامه وشوف كل حاجه قالها ليك اتاكد منها بطريقتك انت
مهاب : مش عارف دماغي متبرجلة مش قادر استوعب اي حاجه من اللي بتحصل هتجنن بجد ياجماعة
الاب : هو في اي يا أسر مين دا وماله شكله مهموم كدة ليه
اسر : ولاحاجه يا حاج دا واحد من أصحابنا أنا وفارس متشغلش بالك بس وروح ارتاح يلا
الاب : ماشي يابني يلا تصبحوا على خير ربنا يصلح حالكم يابني
فارس : احمد ربنا أنه قال انك مهموم بس مشفش خلقتك دا انت ولا كانك واخد خبطة على دماغك يابني انت زي مابقولك اقعد معاه وشوفه واتاكد من كل كلمة هيحكهالك يا مهاب وقولي لو فيه حاجه تاني
مهاب : أنا المفروض عندي معاه ميعاد النهاردة أما اشوف اي حكايته بالضبط
قمر : مسا الخير ياجماعة فارس عاوزاك ثواني معلش
اسر بضحك : مساء النور يا مدام قمر عاملة اي دلوقتي طمنيني عليكي
قمر : اي مدام دي يا أسر انت اخويا ياحبيبي مسمعكش بتقول مدام دي تاني
أسر : ماشي ياقلب اخوكي انتي احسن دلوقتي ولااي
قمر لأسر : الحمد لله احسن بكتير طبعا كله بسببكم انت واخوك يا أسر
أسر : انتي مش مجرد صديقة ليا وبس يا قمر وانتي عارفة
فارس بابتسامة : راعي اني جوزها واقف ياعم انت بقاا
قمر لفارس بهمس في أذنه : حزر فزر أنا اي المفاجأة اللي عملها ليك
فارس بابتسامة : اي المفاجأة ياروح قلبي انتي
قمر وهي بتقوله بحب : أنا حاااااامل يافارس هتبقى اب يا حبيبي الف مبرووك عليك لقب بابا
فارس بفرحة : انتي بتتكلمي جد الحمد لله يارب عوضتني عن كل حاجه بالخبر الجميل دا ااااه أنا مش مصدق
قمر : لا ياروحي صدق صدق يا اجمل بابا في الدنيا
أسر لقمر : الف الف مبروك يااجمل قمر في الدنيا اخيرا هبقى خالو
قمر بضحك : اجمل خال في الحياة اصلا علفكرة يا استاذ أسر
مهاب : مبروك عليكي يا قمر خبر حملك ربنا يتمملك على الف خير ان شاء الله
في المحكمة في جلسة تولين كان جه يوم النطق بالحكم عليها بتهمة الخطف كان فارس حاضر الجلسة وبيضحك بسخرية تولين بصت لي فارس
القاضي: الحبس خمس سنين مع الشغل بتهمه الخطف والشروع في القتل
تولين لفارس : متفتكرش انك كسبت في الاخر يا استاذ فارس لسه الحرب مخلصتش بينا
فارس : الحرب أنا نهايتها خلاص يا تولين هانم بسجنك أن شاءالله دا أن ماكنش اعدام أن شاءالله بتهمة كمان الشروع في قتل قمر إقامة سعيدة في السجن
تولين : اوعى تفتكر اني علشان مش في السجن مش هقدر أذي السنيورة بتاعتك لا أنا رجالتي كتير يقدروا يوصلوا ليها اي كان مكانها
فارس رجع من المحكمة قلقان لتولين تعمل اللي قالت عليه لقمر وتضيع ابنه اللي في بطنها كان قلقان على قمر جدا ومش عاوز يجرالها اي شيء وحش ليها أو للبيبي وصل البيت وقمر استقبلته بفرحة
قمر : اهلا اهلا يا اجمل بابا اي كنت فين دا كله بس
فارس : ابدا ياروحي كنت بحضر جلسة تولين كانت النهاردة واتحكم عليها بخمس سنين بس انا قلقان عليكي انتي ومنة بقولك اي أنا هكلم أسر علشان يعلنوا الخطوبة أن شاءالله علشان أن شاءالله يجوا هو ومنة يعيشوا معانا بعدين
قمر : زي ما تحب حبيبي يلا هروح احضر الغدا أن شاءالله اكلي النهاردة يعجبك
فارس لقمر : من امتى ياحبيبة قلبي انتي أكلك مش بيعجبني ها عملالنا اي بقاا على الغدا
قمر : احلى ستيك مع مكرونة بالبشاميل يكونوا على السفرة حالا
فارس : دايما مفاجاني كدة بس تعبتي نفسك لي كنا جبنا اكل جاهز يرضيكي البيبي يتعب بردو
قمر : لا ياحبيبي متقلقش عليا طول مانا واخدة بالي منك ومنه ربنا هيحفظه لينا أن شاءالله بعد شوية أن شاءالله هنروح لبابا علشان أنا مزرتوش بقالي كتير اووي وبعدين عاوزة افرحه بالخبر الحلو دا
فارس : عيوني ليكي ياحبيبتي أنا عندي كام قمر
فارس بعد شوية اتصل با أسر وطلب منه يجي يتغدا معاه علشان يكلمه في موضوع منة والخطوبة تليفون أسر رن ترن ترن ترن ترن
أسر : الوووو اي ياعم مختفي فين العروسة هتاخدك مننا ولا اي
فارس : لا ياسيدي مش هتاخدني منك ولاحاجه تعلى يلا عزمك على الغدا وكمان عاوزين نحدد ميعاد خطوبتك انت ومنة ياقلب اخوك
أسر : انت بتتكلم جد أنا جاي ماصدقت بصراحة تقولي عزمك مرة ياربي الحمد لله
فارس : ضحكتني بجد اول مرة احس اني مبسوط كدة يا أسر يلا مستنيك ياحبيبي
دق الباب عند فارس بعد شوية كان وصل أسر طق طق طق طق قام فتح الباب فارس بسرعة
فارس ل أسر : اهلا اهلا ياحبيبي تعالى اتفضل اي ياسيدي عامل اي طمني عليك
قمر : اهلا اهلا بيك يا أسر عامل اي مع منة
اسر : والله ياقمر اختك دي احلى حاجه في حياتي ونا لو عليا عاوز اتجوزها بكرة
فارس : أنا جيبك هنا علشان كدة ناكل بس الاول وهنقعد نتكلم في الموضوع دا يلا بينا
قمر حضرت الاكل على السفرة وقالت يارب الاكل طعموا يعجبكم أن شاءالله لكن بعد شوية دق جرس الباب فارس قام وفتح الباب لقى منة
فارس : اهلا بيكي يامنونة نورتي الدنيا والله اهلا اهلا
منة: منور البيت بيك يا فارس اي الاكل الجميل دا والروايح الحلوة دي
فارس : عزمك تتغدي معانا منورة اتفضلي اقعدي اتفضلي
فارس لأسر : بص بقاا يا أسر خطوبتك انت ومنة الاسبوع الجاي أن شاءالله وانا اللي قررت دا وهقنع الوالد بيه أن شاءالله اي رايك يامنونة
أسر : هي هيبقى ليها راي غير أنها موافقة دي دايبة في غرامي كدة
منة برفعة حاجب وبضحك : ياسلام ياسلام شوف مين اللي بيتكلم ياعم أسر على العموم أنا موافقة بس علشان اكسب فيك ثواب مش اكتر
أسر : بجد علشان تعرفي اني بحبك بس يا جوهرة قلبي انتي
منة : بحبك يا أسر بحبك اد الدنيا كلها مش مكسوفة وانا بقول كدة قدام ابيه فارس ولا قدام اختي قمر
فارس : كدة سيبوا الباقي عليا وعلى ربنا أن شاءالله مبرووك يا ولاد