رواية كذبة الحب الفصل السابع 7 بقلم صفاء حسني

رواية كذبة الحب الجزء السابع

رواية كذبة الحب البارت السابع

رواية كذبة الحب الحلقة السابعة

سوسن : امي طالعة منك حلوة أوى…
حنان : آسفة جدا بس أنا افتكرت ماما الله يرحمها وانتى بتبكي كانت حساسه زيك كدة …
سوسن :حبيبتي تعيشي وتفتكري يا تري ابني هيفضل فاكرني ولا هينساني… حنان : في ابن ينسي أمه ليه يعني …
سوسن :هو ناسيني وأنا عايشة هيفتكرني وأنا ميته الكل زهق مني ومن مرضي مبقيتش أصعب علي حد..
حنان :وحدي الله يا أمى وكل شيء هيكون بخير …
سوسن :انتي معاكي الساعات صح ..
حنان : آه يا امي…
سوسن : ممكن اطلب منك طلب بسيط تاني …
حنان : أنا تحت امرك اتفضلي..
سوسن : الأول نسيت أسألك انتى اسمك ايه وفي سنه كام….
حنان : أنا أسمي حنان وطلع 3 ثانوى…
سوسن :حبيبتي صغيرة وبتشتغلي أنا ابنى خلص تعليمه من سنتين ومقضيها سفر وسهر مش بيشتغل …
حنان : مادم مرتاحين خليه يعيش حياته أنا لولا الحوجة مكنتش اشتغلت وكمان انا بسلي نفسي في الإجازة وبس وبجمع مصاريف دروسي علشان بابا ساعى في شركة والمرتب يادوب قد مصاريف الأكل والعلاج واللبس …
سوسن : إنتي بنت ب أ ولد ووعد مني لو قمت منها هتشتغلي معايا بس ركزى وجيبي مجموع وادخلي كلية تجارة علشان تكون محاسبه…
حنان : بس هنتقابل ازاى وقتها يا مدام
سوسن : خدى الساعة دى هدية منى ليكي حافظي عليها كويس ووقت ما تتخرجي تعالي علي الشركة بتاعتي…
حنان : إسمها آيه الشركة دي…
سوسن : دقيقة يا بنتي معاكي ورقة وقلم…
حنان : آه اتفضلي ….
سوسن تاخد القلم وتكتب ورقتين تفتح غطا ساعة مازن وتضع ورقة والورقة التانيه في غطا ساعت حنان ..
سوسن : اتفضلي دي ابعتيها بالبريد ل ابني علي شرم الشيخ وده العنوان وفلوس الشحن والتانيه ليكي…
حنان : بس أنا ماتعودتش اخد مقابل مساعدتي للناس وكمان الفلوس اللي معايا متيجيش ربع تمن الساعة …
سوسن : طيب اعتبريها أمانة ولما تكبري وتكوني جاهزة تعالي ورجعيها ليا.. حنان : حاضر بس انتى روقي نفسك …
باك ****
حنان : دا كل اللي حصل و بعت الساعة علي العنوان إللي طلبته مني ابعت عليه بعد ما اغلفها كهدية وكتبت كلمتين معايدة ل حضرتك …
مازن بطلع الورقة : يعنى انتي إللي كتبتي الكلمتين دول ويبدأ يقرأها كل سنه يا إبن عمرى عقبال مليون سنه ويأخذ من عمرى ويديك وترجع لحضني من تاني قبل ما الموت يخطفني منك سامحني يا ابنى .
حنان : آه قلت ممكن تهز مشاعرك وترجع لوالدتك …
مازن بحزن : هزت فعلا ورجعت بس ملحقتهاش كانت ماتت بس من وقتها هتجنن ماتت ازاى علشان كدة بدور من 4 سنين علي الساعة دى او وحدة شبها.. حنان بحزن : هي ماتت وكمان مش قدرت تحتفظ بآخر هدية منها ليك وجاي تشطر عليا أنا …. وتقوم وهي متعصبه علشان تمشي ..
مازن 😧 : إنتى رايحة فين لسه مخلصتش كلامى …
حنان : بس أنا خلصت لأنك جاحد وقلبك من حجر أنا ياللي أسمي بنت ومش معايا فلوس راعيت أمى وأنا طفلة في الإعدادي أنا وابويا ومش سبناها ولا لحظة وأنت يا ولد تتخلي عنها وتسيبها..
مازن : أنا مش جاحد أنا معرفتش بمرضها إلا بعد ما ماتت ..
حنان : عذر أكبر من ذنب لما تفضل مريضه لحد ما المرض يأكل فيها وتموت بعيد عنك …
مازن :كان دايما خناق هي وابوى ومش كنت عارف السبب إيه…
حنان : كل البيوت بيحصل فيها خناق والمفروض انت الولد إللي تصلح ما بين أمك وأبوك وانا افتكرت إن جوزها إللي جه ياخدها …
مازن بندم و يضع ايده علي وجهه عارف انى غلطت ..(لكن فجأة ويرفع وجهه) :هو انتي مش سبتيها لوحدها ورجعتي…
حنان : لأ طبعا جه راجل كبير قال أنه جوزها وهينقلها المستشفى إللي متابعة معاها هو وممرضة واخدوها …
مازن : يخرج صورة هما دول ..
حنان :تمسك الصور اه هي دي بس دا مش كان معها …
مازن :نعم يعني شكى كان في محله..
حنان : شك إيه …
مازن :إللي في الصورة دي مرات أبويا.
حنان :يعني أبوك كان متجوز علي أمك وأنت كنت سايبها الحمد الله أنها ماتت ارتاحت من الحياة بتاعتكم..
مازن :أبويا اتجوزها بعد موت أمي بشهر و الست في الصوره دي كانت الممرضة إللي بتراعي أمى خلال سنة…
حنان : يعني كمان سبتوا ممرضة تتحكم فيكم لحد مادمرت حياتكم ، جاي تدور علي أيه دلوقتي …
مازن : هي قتلت امي أنا بقيت متأكد كدا…
حنان : مش هيفرق كتير يا أستاذ مازن هي ماتت من اهمالكم ليها لو عايز الساعة اتفضل أنا راجعة عند بابا إللي سايباه بقالي ساعتين وهو لسه راجع من المستشفي وأعتقد خلصت مهمتي ليك ورجعت ليك الأمانة سلام..
مازن بدموع : عندك حقك في كل كلمة قلتيها وشكرا جدا إنك احتفظتي بالأمانة دي بس أنا لازم أوفي بالوعد إللي وعدته امي ليكي..
حنان : وعد أيه..
مازن : شغلك في الشركة …
حنان : شركة إيه إللي أنت سبتها لمرات أبوك بدل ما تحافظ عليها ودفنت نفسك في الفيلا دا لما ترجع حقك أمك تبقي تدور توفي بوعدها سلام …
مع التسريع في الأحداث …
تخلص حنان الامتحانات آخر سنه التخرج آخر يوم ….وخارجة وهي بتفكر في مستقبلها ندمانة انها رفضت عرض مازن وكمان بتقول انا صح …
حنان : شوفتى آخر دماغك النشفة أشتغل فين وأبدأ أدور فين اشترى جرايد والا أبحث علي النت علي شركات محتاجة للعمل وكمان في شركتين انا كنت قدمت السيفي بتاعى من علي النت أروح السنتر أشوف قبل م ادور والا لا ..
مازن يظهر أمامها :هو القمر لسه زعلان مني…
حنان :بسم الله الرحمن الرحيم هما بيطلعوا أمتي …
مازن :ههههه انتي شوفتي عفريت علي الأقل انا موز وأعجب الباشا …
حنان : إيه التغيير المفاجئ دا واي الغرور دا مش كنت كاره الحياة …
مازن : اصل فجاءة صحيت من النوم لاقتني حبيتها
حنان ‘:والله وبيطلعوا امتى دول
مازن :مش مصدقانى
حنان : مش فارقة اي الريح إللى فكرتك بيا
مازن :مش الاول تعرفى سبب تغيري
حنان : هو انت ليه فاكر انك شاغل تفكيرى او محور حياتى يا عم أطلع من دماغي
مازن :يا خربيت لسان أمك نفسي اتكلم معاكي بدون طولة لسان
حنان : انا كدة أن كان عاجبك
مازن : عاجبني طبعا لأن البركة فيكى انتى الملاك إللي ظهر مرة واحدة في حياتي واداني الأمل ..
حنان : هنبدا في المسكنة و هترجع للموضوع تاني …
مازن : لأ طبعا أنا بتكلم انك فوقتيني من وهم الإنتقام وفعلا أكبر انتقام من مرات أبويا أني رجعت علي البيت ومسكت الشركة…
حنان : دا خبر حلو فرحتني بس ممكن اسألك سؤال…
مازن : أكيد اتفضلي….
حنان : هي ماما سوسن ماتت ازاى يعني أقصد عرفتوا ازاى أنها ماتت وامتى لأن من وقت ما انت قلت ليا وانا ضميري مأنبني كنت ممكن لو روحت معاها مكانش حصل حاجة…
مازن :انا يوم ما قرأت الرسالة رجعت علي اول طيارة وروحت لاقيت فعلا كانت متفقه مع مهندسين ديكور ظبطو لحفلة عيد ميلادى والكل أنتظر في اليوم دا عرفت أن ابويا كان سافر شغل علشان كدة محدش رد عليكي وامي مكانتش عارفة ومتعوده علي إهمال الكل المهم علي الساعة 12 جه اتصال من مستشفي ان لقوا جثة امي مرميه جنب واحة زبالة وبيشكوا جالها هبوض حاد في الدوره الدمويه في الأول مركزتش افتكرت أنها تعبت ووقعت فجأه وفضلت حزين عليها وكرهت كل حاجة لكن بعد الأربعين او تقريبا 60 يوم لاقيت بابا داخل ب نهلة علي أنها مراته وقال أن الحي ابقي من الميت واني راجل كبير ومحتاج اللى يونس وحدتى وانا استحملت امك 10 سنين مريضه ومحتاج إللي تسندني سبت البيت وخرجت واشتريت الفيلا إللى الصدفة خلتك تمشي من جنبها واقابلك ..
حنان بصوت واطى كان يوم اسود والله
مازن :علي فكرة انا سمعتك
حنان بخجل :سمعت اي هو انا قلت حاجة
مازن :حتى لو يوم اسود بالنسبه ليكى بس هو يوم سعادة
حنان مش مستريحة لنظرة مازن متغير في حاجة غريبة ليه عاوز يوصلى أنه معجب بيا ولا بيمثل عليا
مازن :اي روحتى فين