رواية أغرب ليلة زفاف الفصل الثاني 2 بقلم زهرة الربيع
رواية أغرب ليلة زفاف الجزء الثاني
رواية أغرب ليلة زفاف البارت الثاني
رواية أغرب ليلة زفاف الحلقة الثانية
يقولو عليا ايه ليلة دخلتي رابط مراتي في الشجره ايه الغباء ده …سليم كان بيقول كده وهو بيجري علي الجنينه عايز يفك فرح قبل وصول اهله
كانو عيلته عاملين زفه قدام الجنينه وبيرقصوا سوا وبيزغردو لطم على خده بسرعه وبقى يفكها بسرعه
فرح كانت تعبانه جدا شالها بسرعه ودخل بيها البيت وقفل الباب في اوضه النوم بقى يحاول يفوق فيها كانت تعبانه جدا وايديها فيها علامات من الحبل وبترتجف من برد الجنينه وبتقول بتعب…. فكنيي يا سليم فكني
سليم اتنهد بحزن عليها وغمض عينيه وحاول يقوى وقال …بت يا فرح …فرح قومي اهلك بره …قومي يا بت هنتفضح
فرح فتحت عينيها بتوهان وبصت له وقالت ..انا فين يا سليم
سليم قال بسرعه … انتي هنا في الاوضه…قومي اهلك بره
فرح بصت له بدموعه وبدات تبكي زي الاطفال وقالت… انا هقول لهم على كل حاجه وهخليهم ياخدوني معاهم انا بكرهك
بقلم…زهرة الربيع
سليم قال بضيق وهو بيغير هدومه بسرعه… انا كمان بكرهك القلوب عند بعضها …قومي غيري الفستان ده بسرعه ابوكي راجل تعبان لو عرف اللي حصل هتجرا له حاجه وذنبه في رقبتك
فرح حاولت تقف على رجلها لقيتها وجعاها جدا قعدت تاني على السرير وقالت بدموع…. رجلي وجعاني مش قادره اقف عليها ابدا
سليم اتنهد ولسه هيقرب منها سمعو خبط على الباب وزغاريد شديده قال بسرعه …طيب طيب بصي انا هجيب لك الي هتحتاجيه هنا على السرير
وفعلا جاب لها روب بسرعه وقال يلا البسي ده
و بقى يساعدها بس اتجمد مكانه وارتبك جدا
فرح قالت بارتباك من نظراته…. هات الروب يا سليم
سليم بقى يمشي عيونه عليها وقال… انتي حلوه اوي يا فرح حلوه اوي اوي
فرح اتكسفت ونزلت عيونها وهو قرب منها ومد لها الروب ولسه هتمسكه شدها بقوه عليه وقال ….هو انت حقيقي واقفه قدامي كده…انا كنت فاكر ان عمري ما هشوف رجليكي
فرح ضحكت بخفه ونزلت عيونها في الارض وقالت….سليم اهلنا بره
سليم قال بتوهان… بره… اللي جوه اللي جوه اكيد احلى من اللي بره ومد ايده عليها
فرح ضربته على ايده وقالت ….سليم وبعدين بقولك الناس بره وبعدين
سليم كان لسه هيقرب اكتر سمع والدته بتقول… وبعدين يا اولاد هنقف على الباب كثير.. ايه كل ده
سليم اتسعت عنيه بزهول ودفعها وقال …يا خبر البسي بسرعه دلوقتي ..مش وقت مياعه
فرح بصتلو بدهشه وقالت ….مياعه ..هو انا اللي بتمايع ولبست بسرعه وهو جري راح يفتح لهم الباب
دخلت والدته والده فرح وابوها وبقوا يحضنوا العريس ويباركولو والدة فرح قالت …امال فين بنتي..العروسه فين
سليم لسه هيتكلم طلعت فرح وقالت… انا اهو يا ماما
وقربت عليهم وهي بتعرج بشده وفضلو واقفين يبصولها بذهول ..كان شعرها متبهدل ومش قادره تمشي
ابوها اتقدم عليها سندها بسرعه قعدها على الكرسي وقال… ايه اللي حصل مالك يا بنتي
فرح لسه هتتكلم سليم قال بسرعه…. عروسه بقى وكده ياخالي سبها على راحتها
ابوها بصلو بدهشه وقال… عروسه ..هو في عروسه تتبهدل بالشكل ده
فرح قالت بغيظ… اه عادي لما يكون جوزها تور يا بابا
والدتها ووالدته ضحكوا
وسليم بصلها بغيظ شديد وقال… اروح اجيب لكم عصير ثانيه واحده ..ودخل يصب لهم عصير
اول ما دخل امها شدتها عليها وقالت بابتسامه…هاطمنينا ايه الاخبار
فرح قالت ببلاهه…بخير الحمد لله
امها قالت بغيظ..انا بسألك عن صحتك ما انا شيفاكي زي البقره قدامي اهوه
بقلم…زهرة الربيع
فرح قالت …بقره…. ربنا يخليكي يا ست الحبايب والله
امها قالت…سا فرح متستهبليش يلا قبل ما جوزك يطلع …حصل ولا لا
فرح بصت لها بتوتر وقالت…ااااه…انتي قصدك امبارح اه…فل…هو مش باين عليا ولا ايه
امها بصت لها طالع نازل وقالت..لا هو باين …باين خالص …على العموم متقلقيش يا ضنايا ده اول الايام بس
وذغردت بفرحه وام سليم ذغردت معاها
فرح قالت بهمس…بتذغردو على ايه بس…الله يخربيتك يا سليم
اهلهم اتكلموا معاهم شويه وبعد كده مشيوا علشان لسه هيروحوا لاخته وجوزها واول ما مشيو قفل الباب بسرعه وغضب ومسكها من ذراعها وقال…. تور.. انا تور يا بقره
فرح قالت بدهشه…انت سمعتنا انا وماما ولا ايه
قال باستغراب.. انا مسمعتش حاجه…هيه والدتك كنت بتسألك عن ايه
فرح بصتلو بسخريه وقالت ….واحده والدتها بتسالها يوم الصباحيه هيكون على ايه …عن اسباب تفكك التحاد السوفيتي
سليم بصلها بتحذير وقال…نبطل استظراف احسن انا اللي افكك عضمك سامعه
فرح وقفت بالعافيه وبصت له بغضب وقالت بجديه …سيبك من الكلام ده دلوقتي خلينا نتكلم في اللي حصل امبارح ده علشان انا مش فاهمه اي حاجه… ليه عملت كده يا سليم..احنا مخطوبين من زمان وبنحب بعض ايه اللي عملته امبارح ده انا لحد نص الليل مستنياك تيجي تفكني وفاكره انك بتهزر …شايف حالتي بقت عامله ازاي يوم صباحيتي
سليم بص لها بضيق وخنقه ومشي وسابها ودخل على اوضه النوم من غير ما يرد
فرح راحت وراه بغضب ومسكتو من ايده وقالت استنى هنا انا بكلمك
سليم بصلها بحده وغضب وقال…. عايزه ايه
فرح بصت له بدهشه من عصبيته وقالت …عايزه ايه عايزه افهم ايه اللي عملته فيا امبارح ده يوم فرحي لو كنت مش عايزني اتجوزتني ليه اصلا
سليم قال بخنقه….انا قولتلك…اتجوزتك عشان احافظ على جوازه اختي مش اكتر
فرح قالت بزعيق وجنون …وخطبتني من الاول ليه اصلا ده احنا اتخطبنا اصلا قبل خطوبه اختك بكتير
سليم زعق فيها بغضب وقال… اه اتخطبنا الاول لاني كنت بحبك يا فرح كنت بحبك بجد
فرح قالت بدهشه… كنت
سليم ابتسم بسخريه وقال.. اه كنت ..لاكن فقت صحيح اتاخرت شويه بس ملحوقه ولسه هيدخل على الحمام وقفت قدامه بسرعه وقالت….ايه معنى كلامك ده …هو انا عملت ايه علشان تقول لي كلام زي ده
سليم ابتسم بسخريه وقال …انا مش حابب اتكلم
قالت بسرعه..لا لازم نتكلم يا سليم لازم…انا…انا مش زعلانه من اللي انت عملتو امبارح قد ما قاتلني كلامك ونظراتك الللي كلها استحقار..ليه يا سليم انا عمري اذيتك
سليم ابتسم بالم وقال…حابه تعرفي…تمام….شايفه التليفون اللي هناك ده
فرح اللتفتت للتليفون وقالت… اه شيفاه ماله
سليم بصلها والدموع بتلمع في عينيه وقال… الباسورد بتاعه تاريخ ميلادك يا فرح… افتحيه وشوفي اول فيديو وانتي تعرفي عملتي ايه لاني مستخسر حتى اشرح لك
وداخل على الحمام ياخد شاور وهو في قمة الغضب
فرح جريت بسرعه على التليفون فتحته وفتحت اول فيديو بس اتصعقت بصدمه ولطمت على خدها بشده وقالت بدموع…يا انهار اسود….جاب الفيديو ده منين
بقت دموعها تنزل وهيه شايفه نفسها في الفيديو في حضن راجل تاني ووووو
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أغرب ليلة زفاف)
