رواية أنا والمغرورة الفصل الثاني عشر 12 بقلم أروى عادل
رواية أنا والمغرورة الجزء الثاني عشر
رواية أنا والمغرورة البارت الثاني عشر
رواية أنا والمغرورة الحلقة الثانية عشر
( نظره جاسر إلى هاتفه و عرف هوية المتصل)
أسيل٠ ايه مش هترد عليها
جاسر٠ لأ مش وقته ابقى ارد عليها بعدين
أسيل٠ لو تحب اطلع بره عشان ترد عليها براحتك
جاسر٠ لأ ليه يعنى
أسيل٠ خلاص رد مش حلوه انك تخليها تستنا كل ده عشان ترد عليها
( هنا رد جاسر علي نرمين لم تستغرق المكالمة سوى دقيقة واحده بعد ما إنتهت المكالمة نظره جاسر إلى أسيل و وقال)
جاسر٠ كانت بتطمن عليا
( كانت أسيل تتطصنع عدم اللامبالاه لكنها كانت الد*ماء تغلى داخل جسدها من الغضب)
أسيل٠ والله بتطمن عليك طيب كويس ده معناه انكم رجعتوا لبعض
جاسر٠ لأ احنا مجرد أصدقاء
أسيل٠ اه اصدقاء.. طيب على العموم دى حياتك وانت حر فيها ..براحتك يعنى .. طيب تروح و ترجع بالسلامة عن أذنك
(قالت ما قالته ثم دخلت الحمام دون انتظار اى رد من جاسر .. بينما جاسر كان يفكر لماذا شعرت أسيل بالضايق حينها قال لنفسه)
جاسر٠ هى ادايقت عشان مسافر ولا عشان إتصال نرمين… معقولة تكون بتغير. لأ .. لأ اكيد انا متهيألى مش ممكن أسيل تكون بتغير عليا دى حتى مكلفتش نفسها تستنا تودعنى قبل ما اسافر
( هنا اخذ حقيبته و غادر الغرفة)
(لم تخرج أسيل من الحمام الا عندما سمعت صوت غلق الباب الغرفة ثم نظرت من النافذة الغرفة لكى تشاهد جاسر و هو يغادر و تقول لنفسها)
أسيل٠ أكيد مسافر عشانها و يقولى شغل .. شغلى ايه ده ..فاكرنى عبيط و هصدق انهم مجرد أصدقاء
ثم قالت لنفسها
أسيل ٠ ايه يا أسيل مالك اعقلى ما يروح لنرمين او لغيرها انا مالى هو حر . و حاولى استغلال فرص انه مش موجود و اعملى كل إللى نفسك فيه … بس هيكون نفسى فى ايه و انا هنا… طيب حتى استمتعى بالطبيعة إللى فى المكان.. أهو ايه حاجه
و السلام أحسن من انك تفكرى فى غراميات كابتن جاسر
( دخلت سميحة الغرفة )
سميحة٠ بسم الله الرحمن الرحيم انتى بتحددى حالك يابتى
أسيل٠ تيته معلش مخدش بالى انك موجوده
سميحة٠ لا يهمك يابتى جوليلى . كيفك النهاردة
أسيل٠ الحمدالله تمام
سميحة . طيب ماتيجى تفطرى أمعايا فى الجنينة
أسيل٠ هغير هدومى و هاجى وراكى
☆☆☆☆☆☆☆☆☆☆☆☆☆☆☆☆
———–بعد مرور أسبوعين —–القاهرة
( مره أسبوعين لم يحدث أى اتصال بين أسيل و جاسر و كل واحد منهم منتظر من التانى هو إللى بيدء بالإتصال )
( مكتب للأستشارات و الأعمال الهندسية )
حاتم٠ مش كفاية شغل النهاردة
جاسر٠ اخلص التصميم إللى قدامى
و خلاص
جاتم٠ ياسيدى خلصو بكرة انا جعان
جاسر٠ انا هطلب اكل هنا ماليش مزاج اخرج أكل بره النهاردة
حاتم ٠ هو فى ايه انتى فيك حاجة متغيره . بقى انت جاسر إللى كان مابيحبش يقعد فى مكان على بعض لمدة ساعة
جاسر٠ اتعودت البركة فى الست أسيل خلتنى اخدة على القاعدة
حاتم٠ ما خلاص بقى انت الحمدالله دلوقتى بقيت كويس
جاسر٠ الحمدالله
حاتم٠ يبقى خلاص أرجع لحياتك الطبيعية بقى
جاسر٠ ياريت كان ينفع
( هنا رن هاتف جاسر )
حاتم٠ ماترد
جاسر٠ مش عايز ارد عليها
حاتم٠ دى أسيل
جاسر٠ لأ طبعآ هى أسيل هانم ممكن تتكرم و تتصل عليا
حاتم٠ انتم بقالكم شهرين متجوزين و لسه العلاقة بينكم متوتره
جاسر٠ ( بغضب) دى أساسآ انسانه مريضه نفسيآ و عنيده و مغرورة و متكبره ..
ملكة الاعتراض
حاتم٠ طيب طالما هى كده طلقها و ارتاح منها
جاسر٠ ( بتوتر) انت بتقول أيه٠٠ لأ طبعآ هى محصلتش الطلاق.. انا بس مدايق منها شويه
حاتم٠( بأستغراب) ايه يا صاحبى مالك بنت المرشدى عملت فيك ايه
جاسر٠ شكلها جننتنى
حاتم٠ جاسر انت حبيتها
جاسر٠ مش عارف هو ممكن أكون حبيتها . لأ.. لأ ده ساعات ببقى نفسى أخنقها. بس فى ساعات بردوا بيقى نفسى أخدها فى حضنها… تفتكر انا كده أتجنيت
حاتم٠ لا يا صاحبى انت كده حبيت
جاسر ٠ حب .. لأ .. لأ أكيد لأ .. أسيل دى أخر بنت ممكن أحبها
حاتم٠ و حياتك يا صاحبى شكلك وقعت فيها
جاسر٠ لو سمحت يا حاتم ممكن تغير الموضوع
حاتم٠ تمام بس قولى الأول مين إللى كانت بتتصل و انت مش عايز ترد عليها
جاسر٠ نرمين
حاتم٠ انت رجعت تتكلم معاها تانى
جاسر٠ اه بنتكلم مع بعض من مدة كده
حاتم٠ انا مش فاهمك ازاى عندك الاحساس ده اتجاه أسيل وفى نفس الوقت ترجع لنرمين
جاسر٠ انا مرجعتش لنرمين هى بتتصل بيا من الوقت لتانى تطمن عليا كأصدقاء بس
حاتم٠ انت عايز تفهمنى نرمين إللى كانت بتحبك لدرجة الجنون دلوقتى بتتعامل معاك كصديق و بس..دى يابنى كانت بتغير عليك حتى من صحابك الشباب
جاسر٠ والله انا كنت واضح معاها من الأول و قولتلها
////////////////////
فلاش باك
////////////////////
مكالمة هاتفية
جاسر٠ الو عصام
عصام٠ الو جاسر ايه أخبارك يا كابتن
جاسر٠ انا تمام الحمدالله
عصام ٠ ايه مش ناوى تنزل القاهرة
جاسر٠ ان شاء الله بس رجلى تتحسن شويه
عصام٠ طيب فى حد عايز يسلام عليك
جاسر ٠ مين
( اخذت نرمين التليفون من عصام )
(ملحوظه عصام صديق جاسر و ابن عم نرمين)
نرمين٠ انا يا جاسر
جاسر٠ عايزه ايه يا نرمين
نرمين٠ عايزه أطمن عليك
جاسر٠ طيب انا اتمام فى حاجة تانى
نرمين٠ انت ليه مش بترد على مكالماتى
جاسر٠ كنت مشغول
نرمين ٠ مشغول عنى انا يا جاسر
جاسر٠ متهيألى ان الكلام مابقاش ينفع بينا تانى
نرمين ٠ جاسر ان لسه بحبك و اكتر من الأول و إللى حصل كان غصب عنى
جاسر٠ نرمين الكلام ده فات الأوان عليه انا دلوقتى راجل متجوز
نرمين٠ عارفه السوشيال ميديا مالهاش كلام غير على كتب كتابك من البنت إللى دمرت حياتك
جاسر ٠ على أقل هى متخلتش عنى وقت
ما كنت محتاجها ..زي ما انتى عملتى
نرمين٠ كان غصب عنى .. بابا
( قاطعها جاسر)
جاسر . قولتلك خلاص فات الأوان مالهوش لازمه الكلام ده
نرمين ٠ لأ يا جاسر لازم تفهم إللى حصل . بابا طلب من عمى عمران يأجل الفرح لكن عمى عمران رافض و صمم على فسخ الخطوبة .. انا حاولت اتصل عليك عشان افهمك لكن انت ماكنتش بترد عليا . و كمان روحتلك المستشفى و عمى عمران رافض يخلينى اشوفك… و انت كمان روحت كتبت كتابك بعدها بأسبوعين
جاسر٠ انا مش فاهم طيب ليه بابا عمل كده
انا خلاص فرحى على أسيل الاسبوع إللى جاى
نرمين٠ بلاش يا جاسر انا ممكن أقنع بابا اننا نرجع لبعض
جاسر٠ مش هينفع انا عارف بابا استحالة يرجع فى كلمة قالها . كمان خلاص تقريبآ كل حاجة جاهزه للفرح . انا مقدرش أصغر بابا قدام الناس و ألغى الفرح
كمان أسيل خلاص بقيت مراتى حتى لو الفرح ما تمش
نرمين٠ وانا يا جاسر
جاسر٠ كل شيئ قسمة و نصيب
نرمين٠ بس انا بحبك
جاسر ٠ أرجوكى كفايه كده خلاص مبقاش يجى منه الكلام ده
نرمين ٠ طيب حتى نرجع أصدقاء و أطمن عليك و تطمن عليا و أسأل عليك و تسأل عليا
جاسر٠ حاضر يا نرمين أصدقاء و بس
نرمين٠ اصدقاء و بس يا جاسر
جاسر ٠ تمام مع السلامة
( أنتهت المكالمة )
///////////////////////////
عودنا من الفلاش باك
////////////////////////////
جاسر٠ ده كل إللى حصل بالظبط
حاتم٠ يعنى انتم بتتكلموا مع بعض من قبل جوازك من أسيل
جاسر٠ اه
حاتم٠ جاسر انت شوفتها بعد ما رجعت القاهرة
جاسر٠ اه طالعنا اتعشينا مع بعض كام مره
حاتم ٠ كأصدقاء بردوا
جاسر٠ طبعآ
حاتم ٠ يبقى بتضحك على نفسك يا جاسر حتى لو انت فكرت انكم مجرد أصدقاء.. نرمين مابتفكرش كده و خروجتكم مع بعض .. ده بفتح باب الامل لنرمين
أن علاقتهم ترجع من تانى
جاسر ٠ عارف عشان كده مرضيتش ارد عليها دلوقتى لأنى حسيتها أنها بتتعامل كأننا لسه مخطوبين .. انا مانكرش انى بعتز بنرمين كصديقة بس مش اكتر من كده
حاتم٠ و أسيل عارفه انك لسه بتكلم نرمين
جاسر. شافت اتصلها و افتكرت أننا رجعنا لبعض
حاتم ٠ حقها تفتكر كده . انا نفسى افتكرت كده
جاسر٠دى حتى ما خلتنيش أفهمها اى حاجة مغروره . ملكة الاعتراض
(وهنا رن هاتف جاسر)
مكالمة
جاسر ٠ الو مين
الظابط٠ انا الظابط المسؤول على قضية مدام أسيل
جاسر ٠ أه يا فندم خير
الظابط٠ احنا عايزين مدام أسيل فى النيابة بكرة
جاسر٠ ليه فى جديد
الظابط . أه احنا قبضنا على العيال إللى خطفوا مدام أسيل لازم تيجى عشان تتعرف عليهم و نقفل المحضر
جاسر٠ تمام بكره هتكون عندك
( أنتهت المكالمة)
———
جاسر ٠ انا كده لازم اسافر
حاتم ٠ ده بخصوص موضوع خطف أسيل إللى حكيتلى عنه ٠ طلبنها بكره فى النيابة
حاتم٠ تمام اتصل بأولاد عمك يروحوا معاها مش لازم انت
جاسر٠ انت عايزنى اسيبها تروح النيابه لوحدها لا لازم اكون معاها
حاتم٠ واللهى العظيم بتحبها .. يا ناس جاسر المطيرى بيحب مراته
جاسر ٠ اعقل إللى يخرب بيتك هتف*ضحنى
حاتم٠ مش قبل ماتقولى .. ها انطق ..
ما تنطق يا اخى
جاسر٠ الظاهر شكلى فعلآ بحبها
حاتم٠ أشهد أن لا إله إلا الله
جاسر٠ ابعد عنى بقى و سيبنى يادوب الحق السافر
☆☆☆☆☆☆☆☆☆☆☆☆☆☆☆☆☆☆☆
——–‐–فى نفس الوقت ——عزبة المطير
( فى خلال الأسبوعين كنت أسيل تتحرك مثل الفراشة فى العزبة حتى أنها تعرفت بمساعدة سميحة على عدد كبير من أهل العزبة و تعلمت ركوب الخيل )
——-‐— فى أسطبل الخيل——–

حامد ٠ انتى أجده بقيتى تعرفى كل حاجة عن الخيل
أسيل٠ البركه فيك …انا بجد انا متشكره ليك يا حامد
حامد٠ انتى تأمرينى يا ست البنات أنى تحت أمرك
(هنا حاول حامد يحط أيده على ايد أسيل بينما أسيل سحبت يديها بسرعة متجاهله الأمر وهى تداعب أصيلة الفرسه و هنا قال حامد)
حامد ٠ مين كان يصدق أن أصيلة تاخد عليكى وتحبك بسرعة أجده الظاهر انتى
اي حد يجرب منيكى يحبك طوالى
( كانت أسيل غير مرتاحه لكلام حامد لذلك قالت)
أسيل٠ كفاية كده النهاردة أنا هتدخل أصيله جوه الأسطبل
( دخلت أسيل الأسطبل هى بتربط أصيلة تفاجأت بحامد خلفها وهنا قالت)
أسيل٠ انت بتعمل ايه هنا
حامد ٠ جولت أساعدك
أسيل٠متشكرة انا مش عاوزه مساعده من حد
(اقترب منها حامد و وقف أمامها وهو يقول)
حامد٠ ليه أجدة بس يا أسيل
أسيل ٠ لو سمحت ابعد خلينى اطلع من الأسطبل
حامد٠ انتى ليه بتبعدى عنى
أسيل٠ انت بتقول أيه . وانا اقرب منك بتاع ايه
حامد ٠ أفهمى يا أسيل انا جلبى جايد نار مش جادر استحمل اكتر من أجدة
أسيل٠ ايه القرف إللى انت بتقولو ده .. انت اتجننت أكيد . ابعد كده من قدامى
( حاولت تخرج من الأسطبل لكن امسكها حامد من يديها وقال)
حامد ٠ مش هتمشى من أهنه غير بعد ما أخلص حديدى
أسيل٠( بصراخ) سيب أيدى ياحامد .. بقولك سيب أيدى أحسن أقسم بالله هقول لجاسر
حامد٠ هو وين جاسر دلوك مش ده إللى هملك أهنه و هو بيتسرمح فى مصر . هو ميستاهلش تكونى مراتو انتى محتاجه. راجل بجد .. وأنى هكون راجلك
أسيل٠ لا انت هبت منك ولا ايه.. انت فاكر ايه عشان جاسر مش موجود هسمح لكل*ب زيك يتعدى حدوده معايا
اتعصب حامد من كلام أسيل
حامد ٠ أنى هوريكى الكل*ب ده هيعمل فيكى ايه
(كان ينظر أليها نظره شهوانيه و هو يقترب منها و هى ترجع للخلف
#يتبع
ماذا سيحدث لأسيل من حامد
هل سيعرف جاسر بما فعل حامد
هل نرمين فعلا تعتبر جاسر صديق
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أنا والمغرورة)
