رواية ستات للبيع الفصل الرابع 4 بقلم مي علي
رواية ستات للبيع الجزء الرابع
رواية ستات للبيع البارت الرابع
رواية ستات للبيع الحلقة الرابعة
احمد شورلنا ع الراجل جوز الست نادر قالو انت متاكد
انا قلتله أزاي ده يبقي ابويا
مبقتش مصدق ابويا انا متجوز علي امي ابويا انا اللي عمرو مبص لواحده اللي علي طول بيديني مواعظ ف الادب والاحترام
نادر قعد يطبطب عليا ويقولي اهدي بس ياعم …. احنا بردو موصلناش لحاجه .. دلوقتي ابويا وابوك علي علاقه بالست دي وابويا بيطلع وابوك مش موجود كذا مره وابوك بيدي البواب فلوس عشان حاجه معينه وابوك النهارده طلع وابويا وراه ودلوقتي نزلين مع بعض وكلام البوابين …. كل ده اكيد يعمل جمله مفيده
قلت… مش عارف يابني انا مش عارف افكر ف اي حاجه
قالي…. بص خلينا كده نفضل نراقبهم لحد مانشوف
تاني يوم رحت لابوكي المكتب ولتاني مره الاقي ابو نادر عندو وبردو ادخل يتقطع الكلام واول ماشفني قام يمشي وهو بيقول لبابا
استأذن انا بقي … مبروك عليك الصفقه دي
ابوكي رد عليا وعليك ياباشا
قاله…. احنا لازم نحتفل بالمناسبه دي
بابا قاله… اؤمر تحب نحتفل فين
قاله حيث كده بقي بلغهم النهارده اني هروح عشان اخلص بقيت الشغل
اللي مش عاوز يخلص بسبب صفقتك دي ….. وراحو ضاحكين
بابا قال…. معلش ياريس نعوضهالك ف حاجه تاني
قاله…. المهم تبلغهم زي مقولتلك …. ومشي
بعد مخرج سألته
بابا اي الصفقه اللي بيكلم عليها الراجل ده
قال… فاكر الارض اللي كنت عاوزها عشان المشروع الجديد ومعرفتش اخدها
قلت. اه مالها مش دي اللي معرفتش تاخدها وقلت هتصرف نظر عنها
قال…. اصرف نظر مين ياهبل خليك ناصح زي ابوك … انا كنت بدور علي طريقه تانيه توصلني ليها
قلت.. والراجل ده هو الطريقه التانيه اللي وصلتك ليها
قال… اه طبعا مش سامعو بيقولي مبروك…. الراجل ده بيخلص اي حاجه
قلت.. واي المقابل يابابا ؟!
قال.. مش مهم اي المقابل المهم ان المشروع هيتم والارض بقت بتاعتي
قلتله طب مبروك يابابا انا هقوم بقي لحسن اتأخرت علي صحابي قأل. طيب يا زياد
مشيت وانا قلبي مقبوض في حاجه وحشه بتحصل معرفش اي هيا بس لازم اعرفها
فضلت انا ونادر نراقب كده فتره لحد ما ابو نادر رجله اتقطعت من هناك
بس قبل ما يبطل يروح حصل حاجه غريبه اوي
واحنا بنراقب. لقينا ابو نادر طالع ومعاه راجل تاني وابويا مش موجود طب طالعين فوق ليه عند الست الي المفروض انها مرات ابويا …. طب اطلع اكسر عليهم الباب ولا اعمل اي بس
وتاني يوم جه الراجل لوحدو عرفت من نادر ان ابوه مسافر ف شغل ….
كان لازم اوصل لمفاتيح الشقه دي بقيت بفتش في مفاتيح ابويا يمكن الاقيهم بس ملاقتش حاجه
….. بس فيوم الحظ خدمني خدمه العمر …. لقيت ابويا بيقولي انا نسيت المفتاح بتاعي ف العربيه ممكن تجبهولي
نزلت وبدور عليه … بفتح الدرج اللي ف تابلوه العربيه لقيت نسخه مفاتيح جوه والموبايل … ساعتها جه ف بالي ان هوا ده مفتاح الشقه … أخدته حطيته ف جيبي ولكن جه ف بالي اني ممكن معرفش ارجعه تاني مكانه ….. مواعيد ابويا مش مظبوطه ف خروجه ورجوعه فسيبته مكانو … وروحت اديتو الموبايل والمفتاح بتاع العربيه
بس قبل ماطلع رنيت علي نادر قولتلو ١٠دقايق ورن عليا …. قولتلو اعمل اللي بقولك عليه رن عليا بس اسكت متتكلمش .. وفعلا طلعت اديته الموبايل وانا واقف ….رن عليا نادر صحبي زي ما اتفقنا ….وسكت عملت نفسي بكلم وقلت …. يابني منا عارف ان عربيتي بايظه … لا اله الا الله حصل امتي ده ….طيب طيب انا هتصرف ….وقفلت وطبعا نادر مش فاهم حاجه …رحت قايل لبابا ….بابا معلش هاخد منك مفتاح العربيه بتاعتك عشان عربيتي بايظه ونادر صحبي ف ظرف لازم اروحلو
قال… بس انت عارف اني ممكن أخرج ف اي وقت يا نادر
..معلش يابابا مش هتاخر
…طيب خدو ومتتاخرش
ومشيت واخدت العربيه طلعت بيها علي أقرب واحد بيطلع نسخ ع المفاتيح وطلعت نسخه ع المفتاح وروحت اديتله مفتاح العربيه وطلعت قوضتي لحد مجه بليل خد بعضه ونزل …وانا نزلت وراه بالعربيه بس المره دي مكنتش رايح عشان تراقبه كنت رايح عشان اقابل احمد ونشوف طريقه نجرب بيها المفتاح ف الباب علي أمل أن يطلع هو ده مفتاح الشقه
رحت لاحمد حاكتله اللي حصل قلي تمام يسطي وانا يراقبها بقالي كتير الصبح ….بتنزل كل يوم ف نفس المعاد ع الساعه ٣ونص كده بتقعد اد ساعه بره البيت
قولتله…يبقي مفيش غير اني احب ف المعاد اللي هيا بتنزل فيه عشان اعرف اطلع …بس في مشكله
قال…اي هيا؟!
قلت…عن محمد البواب لو شافني طالع هيفضل يسألني طالع فين ولمين وهيعمل حكايه
قال..لا متقلقش سيبه عليا الموضوع ده
قولتله..هتعمل اي
قال….ياعم ملكش دعوه ….المهم بس بكره قبل اي حاجه اتصل بنادر يجي يراقب تحت وانت فوق عشان لو حصل حاجه ينبهك
قولتله….وانت هتبقي فين ؟!
قال…ياعم ملكش دعوه بس اعمل اللي بقولك عليه
وفعلا روحت تاني يوم ف المعاد انا ونادر وشوفتها وهيا نازله بس غريبه عم محمد لسه قاعد واحمد مختفي متصلش حتي ..مكملتش ثواني ولقيت عم رجب بينادي عم محمد واخدو وطالع عماره احمد….
وفجأه تليفوني رن لبث لقيته احمد …رديت بسرعه..اي يا احمد انت فين
قال… اسمعني بس يسطي انا عملت أن في حاجه تقيله عندي هنا ف البيت وعاوز انزلها ناديت علي رجب بس عملت نفسي مش عارف أشيل معاه واديته فلوس وقولتلو شوف حد يشيل معاك فنزل ينادي علي محمد البواب …انجز بسرعه بقي يسطي
طلعت فعلا وقفت اودام باب الشقه حطيت المفتاح ف الباب علي أمل كبير اوي انو يفتح وكنت خايف جدا بعد كل ده ميطلعش مفتاح الشقه …. حطيته وبجرب وفعلا فتح…..
دخلت الشقه معرفش انا بعمل اي هنا ولا ممكن الاقي اي دخلت كل القوض ملقتش حاجه دخلت قوضه نومهم فتحت الإدراج والدواليب انا فعلا مش عارف انا بدور علي اي ….دخلت قوضه عاملها هو مكتب…قعدت ادور ف كل حتي علي اي حاجه ….مش عارف ممكن الاقي اي هنا في مكتبه صغيره فتحت ادراجها وجاي بقوم راسي اتخبطت ف الرف بتاعها الخبطه وجعتني اوي وطيت اجيب الكام كتاب اللي وقعو وبرجعهم مكانهم لقيت علبه صغيره محشوره ورا الكتب علبه صغيره جدا طلعتها …فتحتها لقيت فيها فلاشه ….اي الفلاشه دي ويا تري فيها اي ولي مخليها ورا الكتب كده ..معنديش وقت لازم انزل قبل ما الست تيجي ف اي لحظه….. اخدت الفلاشه ورجعت كل حاجه مكانها وقفلت باب الشقه ونزلت
بس بغبائي قبل منزل نسيت اكلم نادر اسأله اي الاخبار تحت …..لسه يدوبك خارج من باب العماره
ولقيت…
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ستات للبيع)
