رواية فريدة من نوعها الفصل السابع عشر 17 بقلم سلمى يسري
رواية فريدة من نوعها الجزء السابع عشر
رواية فريدة من نوعها البارت السابع عشر
رواية فريدة من نوعها الحلقة السابعة عشر
يزن بصدمة : أشرقت
أشرقت رجعت بظهرها ودموعها علي خدها وباصة ل يزن بصدمة للدرجة دي حبهم ضعيف قدر ينساها بسرعه كده سهل عنده يحضن واحده تانية
يزن بيقرب عليها : أشرقت اسمعيني
أشرقت مشيت من قدامه شبه بتجري ولسة بتعيط ويزن بيجري وراها خرجوا برة المستشفي كانت بتوقف تاكسي مسكها من دراعها وهو بينهج : اسمعيني علشان خاطري انتِ فاهمة غلط هفهمك
شدت دراعها منه واتكلمت بعصبية ودموعها لسة علي خدها : انت خاين وحيوان انا بكرهك وصدقني هندمك علي كل اللي شوفته منك …. انا بنت*** اني جيت أقف جنبك حتي واحنا متطلقين قولت اكيد محتاجين بس …*كملت بسخرية* نسيت ان انت أديت مكاني لواحدة تانية ولقيتك حاضنها ….. روحلها وانسي ان كان في واحدة في حياتك اسمها أشرقت وانا كمان هعيش حياتي وهتجوز غيرك ….صحيح نسيت اقولك مش مروان صاحب تيام متقدملي ….والنهارده هبلغه بموافقتي هبقي اعزمك علي الخطوبة انت مش غريب بردو
سابته ومشيت ركبت تاكسي وسايبة يزن واقف مصدوم اتكلم بعصبية : لا مش هتتجوزي غيري حتي لو قتلته …….محدش هياخدك مني يا انا يا هو يا أشرقت افوق بس من اللي انا فيه وهنلعب صح
_______Salma Youssry________
في المستشفي مازن وسيف زي ما هم وفهد ظهر علي انه صاحب يزن وجاي يقف جنبه ومحدش عارف سبب وجوده الحقيقي غير مازن
مازن بهدوء : أنا هروح اسأل الدكتور عن حاجه وجاي
فهد وسيف هزوا رأسهم بهدوء
سيف بص ل فهد بإستغراب : غريبة يعني جاي تقف جنب يزن بعد ما طلق اختك ده غير انكم مكنتوش صحاب اوي كان اللي رابطكوا جوازوا من أشرقت بس
فهد بصله بهدوء : خليك في حالك ومتفكرش كتير
سيف بصله بغيظ كان لسه هيرد عليه اتفاجئ ب ألاء خارجة من اوضة جنب اوضة لمي ودينا اتكلم بذهول : انتِ بتعملي ايه هنا
الاء كانت دايخة ومش حاسه بحاجه وماشية سانده علي الحيطة وبتتكلم بتوهان : دينا وولمي فين
سيف قرب عليها بس ساب مسافة : انتِ تقربيلهم
الاء بصتله ومش عارفة تشوفه كويس عنيها مزغللة : دينا اختي فين يزن
سيف مش فاهم منها حاجه بتقول حاجات مالهاش علاقة ببعض فهد قرب عليه : الاء اخت دينا ولمي تبقي بنت خالها وهي عايزة يزن اخوها
سيف بصلها تاني : يزن خرج يعمل حاجه شوية وجاي اقعدي ارتاحي انتِ شكلك تعبانة وانا هتصل عليه
الاء هزت راسها وقعدت سندت دماغها علي الحيطة وباصة لسيف بتحاول تتعرف عليه هي عارفة الصوت ده ياتري مين ده
يزن جيه عليهم جري علي الاء اول ما شافها حضنها بخوف : انتِ كويسة اخيرا فوقتي ايه اللي خرجك من اوضتك انتِ لسه تعبانة استني هنادي علي الدكتور
الاء مسكت فيه وهي بتعيط : دينا و لمي هم
يزن بحزن : هم كويسين ان شاء الله كام يوم كده وهيفوقوا ادعيلهم انتِ كتير
الاء لسه بتعيط : أنا خايفة
يزن حاول يهدي : خايفة من ايه مش انا جنبك مش انتِ علطول بتقولي أن طول ما يزن جنبك عمرك ما تخافي …. خايفة من ايه دلوقتي دينا ولمي كويسين وبإذن الله هيفوقوا وانا جنبك ايه اللي يخوف
الاء بدموع : خايفة انت كمان تبقي زيهم انا مش هقدر اتحمل ان يحصلك حاجه بابا وماما ماتوا واحنا صغيرين وانت اللي ربتنا انت بابا بتاعي انا من غيرك مش هقدر اعيش
يزن حضنها واتكلم بهزار : يعني مش هتقدري تعيشي من غيري وتعيشي من غير دينا ولمي عادي
الاء ضحكت براحة وحضنته جامد : أنا بحبهم بس بحبك انت اكتر
يزن باس راسها : ربنا يديمك في حياتي واشوفك اكبر اعلامية في العالم ….. اقولك سر
الاء بصتله بفضول : ايه
يزن بهمس : أنا بحبك انتِ اكتر من لمي ودينا …بس متقوليش لحد
الاء بسعادة : وانا بحبك اكتر منهم كلهم
يزن بابتسامة : طيب ممكن ارجعك اوضتك ترتاحي
الاء هزت راسها
يزن حضنها وابتسم انه عرف ينسيها اللي حصل مع دينا ولمي خدها اوضتها وفضل جنبها لحد ما نامت وبعدين رجع وقف قدام اوضة لمي ودينا تاني وبيفكر في أشرقت ….
______Salma Youssry ______.
تاني يوم الصبح كانوا زي ما هم يزن ومازن وفهد لسة صاحيين واقفين قدام اوضتهم مستنين الدكتور يخرج يقولهم آخر الأخبار عن حالتهم ياتري في تحسن ولا لا
بعد عشر دقايق الدكتور خرج بصلهم بإبتسامة : مؤشر الغيبوبة اختفي عن الاتنين وحالتهم الي حد ما كويسة هم فاقوا بس الكسور اللي في جسمهم لسة محتاجه وقت علشان تخف بس اهم حاجه انهم كويسين
يزن بلهفة : ينفع ادخلهم
الدكتور بعملية : ينفع بس مينفعش يبقي في عدد واحد واحد واحنا هننقلهم كل واحدة في اوضة عادية حالتهم مش مستدعية العناية دلوقتي
خمس دقايق وكام سرير لمي وسرير دينا الممرضين مودينهم اوض تانية فهد عينه متشالتش من علي دينا وهي كانت شبه فايقة مش شايفة كويس بس شايفة خيالات حواليها ولمي كذالك
يزن دخل ل دينا هو والاء الاول ومازن دخل ل لمي وسيف وفهد واقفين برة
_______Salma Youssry______.
في اوضة لمي مازن قعد علي الكرسي اللي جنبها ومسك اديها
مازن بإبتسامة : حمد لله علي سلامتك
لمي غمضت عنيها كإنها بتقوله الله يسلمك
مازن بقلق : انتِ مش بتتكلمي ليه انادي علي الدكتور
لمي اتكلمت بضعف : آآنا كويسة
مازن عينه دمعت : قلقتيني عليكِ انا كنت بموت كل ثانية تعدي وانا خايف تروحي مني
لمي ابتسمت بهدوء : أنا كويسة متخافش وبعدين مازن موزو بيعيط انت علطول محسسني انك جوز امي الحنية دي ظهرت امتي
مازن ضحك ومسح دموعه : بقيت عاطفي اوي اول مرة اعيط قدام حد
لمي بهزار : أنا مش حد انا سبت
مازن بقرف : دمك عسل ايه السكر ده يا بت
لمي بفخر : علشان تعرف بس انت متجوز مين
مازن بقرف : الأميرة ديانا
لمي بسخرية : لا سندريلا يا خفيف
مازن بسخرية : لسانك أطول منك
لمي بصتله ببرود : عاجبني … يلا روح اندهلي يزن هو فين
مازن باستفزاز : عند اخته وسايبك ليا هنا
لمي بعبوس لطيف : لا يزن بيحبني وهييجي دلوقتي
مازن بإبتسامه وقال بدون وعي : أنا اكتر منه
لمي بتوتر : ايه
مازن بتوتر واتكلم وهو خارج : أنا جعان اكتر منه هروح اجيب اكل
لمي باستغراب : هي الاء نشرت العدوي ولا ايه مازن جعان سبحان الله لنا بقالي قد ايه نايمة
يزن بهزار : بقالك قرن
لمي بعبوس : متكلمنيش انت روحت ل دينا قبلي ملكش دعوة بيا
يزن بحنان اخوي : مازن كان قلقان عليكِ آجي أنا ابقي عزول بينكم
لمي بصتله بجنب عنيها : بردو تصالحني
يزن بابتسامة : اصالح اميرتي ازاي
لمي بحماس : بيتزا وشاورما ليا لوحدي متجيبش ل دينا والاء
يزن بضحك : حاضر بس متقوليش لحد
لمي بكذب : مش هقول خالص
يزن ضيق عينه : مش مرتاحلك
لمي ببراءة : أنا كيوت
يزن بسخرية : أنا ما انا عارف
الاء دخلت فجأة : لمي يا حيوانة بتقولي لأخويا ايه اعترفي …بصت ليزن …..اللي هتجيبه ليها تجيبهولي
لمي بكذب : مش هيجيبلي حاجه يا بومة اسكتِ بقي انتِ جيتي ليه اصلا روحي لأختك
الاء ببرود : أنا مش جاية ليكِ اصلا انا جاية اقعد مع يزن
لمي بغيرة : هتفضلي لازقة فيه علطول يعني
الاء ببرود : اه
لمي باستفزاز : بكرة يتجوز ويسيبك ويحب مراته اكتر منك
الاء بصت ل يزن باصرار : لا انا مش هخليه يتجوز هيفضل سنجل للأبد ده حتي السنجله جنتلة صح يا زنزون
يزن بضحك : طيب انا مش هتجوز وانتوا ايه هتعنسوا وتفضلوا جنبي
الاء حضنته : مش عايزة اتجوز اصلا هفضل جنبك ….
______Salma Youssry ______
في اوضة دينا كانت بتحاول تنام سمعت صوت الباب بيفتح افتكرته يزن اتكلمت وهي مغمضة عنيها : انت لحقت تروح ل لمي يا يزن انا قولت هتنام انت والاء معاها وتسيبني هنا لوحدي
: مقدرش اسيبك لوحدك هفضل جنبك طول عمري
دينا اتصدمت : فهد …….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية فريدة من نوعها)
