رواية تزوجت طفلا الفصل الأول 1 بقلم إسراء الوزيري
رواية تزوجت طفلا الجزء الأول
رواية تزوجت طفلا البارت الأول
رواية تزوجت طفلا الحلقة الأولى
:طفل عايزه تتجوزي طفل ي حور
حور وهي تنظر حولها بقلق: وطي صوتك الناس بتتفرج علينا
منه : خليهم يتفرجو على الاستاذه اللي جايه تقولي انا بحب طفل عندو ٨ سنين وهتجوزو وقال اي انا مش هتجوز ي منه يستحيل احب ي منه حب اي وكلام فاضي اي ي منه وجايه دلوقتي تقوليلي عايزه اتجوز طفل ويترا بقيتي ام آدم ولا لسه
حور وهي تمسك بالهاتف : اقسم بالله اخبطك بالتلفون ده في راسك اسكتي خليني افهمك
منه بصوت عالي : تفهميني اي يروح امك انتي اتجننتي اكيد
حور : يختااااي اكتمي بقى
منه وهي تضع يدها على فمها: اتكتمت اما نشوف اخرتها معاكي ي ام آدم
حور : لو قولتي ام آدم تاني هرميكي في النيل والمصحف واتهدي بقى خليني افهمك .اخدت نفس طويل وقالت : انا مش هتجوز طفل ي غبيه انا هتجوز واحد بعقل طفل
منه : مش فاهمه
حور : هفهمك
فلاش باك
……………………….
فاطمه : باين عليكي تعبانه اوي
زينب : اه ولله يبنتي هموت و انام شويه بس المشكله اني مينفعش اسيب المريض دي دكتوره حور تعلقني
فاطمه : خلاص روحي انتي وانا هفضل مكانك
زينب : شكرا ي حبيبتي مش عايزه اتعبك
فاطمه : ولا تعب ولا حاجه احنا اخوات يلا روحي ارتاحي . وزينب خرجت وبعد مرور دقايق فاطمه خرجت وهي بتبص حواليها بعدين وقفت في ممر وشاورت لواحده تدخل اوضه زين ومشيت بسرعه
قربت من سريرو ببطئ ولسه هتحط اديها على وشو لقت اللي مسكت اديها ف اتخضت ورفعت راسها ملحقتش تستوعب حاجه ولقتها شدتها وراها على المكتب وقفلت الباب بالمفتاح
حور : بكل هدوء تقوليلي من اللي وزك انك تقتليه
: ا انا مكنتش عايزه اقتلو ولله ا اا
حور بغضب: اقسم بالله لولا انك ست كبيره كان هيبقى ليا تصرف تاني ف اسمعي بقى انا حور العمري واي حد يقرب من حد يخصني او تحت حمايتي ادفنو حي انتي فاهمه
: حضرتك فاهمه غلط انا اخر واحده تفكر تأذي زين انا ابقى المربيه بتاعتو وجيت عشان اطمن عليه
حور: وعشان تطمني عليه تدخليلو زي الحرميه في وسط الليل
: غصب عني مكنش ينفع حد يعرف اني بزورو بالذات في حالتو دي
حور : قصدك اي يعني
لسه هتتكلم بس سمعت صوت صراخ فخرجو بسرعه ودخلو غرفه زين اللي جري على المربيه وحضنها وهو بيعيط: الحقيني ي ماما ناديه عايزين يدوني حقنه
ناديه بقلق:مالك يبني بتتكلم كده لي
زين ببراءه: بتكلم ازاي
ناديه بصت ل حور بقلق
حور : انت اسمك اي
زين : اسمي زين
حور: وعندك كام سنه
زين رفع ايدو على خمسه : ماما ناديه بتقولي عندي دول
حور : خمس سنين !!
زين بقمص: لا دول ٨ انتي فاشله ونوتي
ناديه وحور بصو لبعض
باك
منه : وبعدين
حور : ولا قبلين اتأكدت بعد الفوحصات ان جالو فقدان ذاكره ورجع عيل ٨ سنين تاني ودي اسباب نفسيه عموما
منه : وانتي عايزه تتجوزيه لي
حور: الحادثه اللي حصلت ل زين كانت مدبره و داده ناديه قالتلي ان اهلو هم اللي دبرو الحادثه دي عشان يموت ويورثوه لان بعد موت ابو زين اتفاجأو انو كاتب املاكو كلها باسم زين اللي كان ساعتها متمش السن القانوني اللي يقدر يمسك الشركات دي وكان ساعتها عندو ٨ سنين وعرفو الموضوع ده بعد مرور شهرين من موت والد زين وساعتها اكتشفو انهم ملهمش اي حاجه
منه : مش فاهمه مامتو ومين
حور : وعمو
منه : بس ي حور على حسب كلامك ان زين ساعتها كان عندو ٨سنين يعني المفروض اللي هيبقى واصي عليه مامتو كان ممكن تنقل كل حاجه باسمها او حتى تخبي موضوع الوصيه
حور : ده لو كانت داده ناديه مش موجوده لانها هي اللي ربت زين قدام الكل والده زين هي الي واصيه عليه بس في الحقيقة هي مكنتش فاضيه لانها كانت بتتمتع بالفلوس هي و عم زين بعدين الوصيه اتعرضت قدام داده ناديه و محامي العيله فمكنتش هتعرف تاخد الورث
منه: طب لي محاولوش يقتلو زين وهو صغير
حور : كانت كل الفلوس دي هتروح للجمعيات الخيريه على حسب وصيه والد زين
منه: حاسه انو كان حاسس ان كل ده هيحصل
حور : اكيد شك فيهم
منه: وانتي ناويه على اي
حور : ناويه ارجع زين تاني
منه: انا يستحيل اسمحلك تعملي كده دول مجرمين
حور: على نفسهم مش عليا
منه: وانتي مالك بيه اصلا
حور: صعب عليا اوي ي منه تخيلي يكون كل اللي حواليه مجرد تعابين بيمثلو قدامو انهم بيحبوه وهم من وراه عايزين يخصلو منو بعدين الموضوع هيبقى في صالحي عشان اخلص من زن اهلي على الجواز
منه: يحظك الزفت ي حور تصومي تصومي وتفطري على زين
حور : يبنتي الجوازه مصلحه لينا احنا الاتنين انا هحافظ على شغلو و فلوسو وهو هينقذني من كلام اهلي وجوازي من سعيد
منه: لسه بردو مُصيرين على بابا جدو ده
حور بحزن: اه ي منه شايفين اني عنست عشان وصلت ٢٩ سنه و كده مبقاش ليا حق اختار الي يجي اوافق عليه من سكات
منه: ربنا يهديهم بجد
حور: يارب…. ف جوازي من زين هو الحل الوحيد للموضوع ده
منه : وهتقنعيهم ازاي بقى ي فلحوسه
حور ابتسمت ………………
: لا يعني لا ي حور
حور : ي بابا اسمعني بس
مهاب: قولت لا
حور: ي بابا انا مش هسيب زين هو في الحاله دي بسببي
مهاب : بسببك اي انتي عايزه تجننيني بعدين انتي تعرفيه منين
حور : ه هو بصراحه كده
مهاب: اخلصي ي حور
حور: ا انا وزين كنا بنحب بعض ق قابلتو صدفه في المستشفى لما كان بيزور صاحبو و وبعدين اتكلمنا شويه وبقى كل يوم يجي عشان يتكلم معايا ولما رفضت الوضع ده قالي انو هيجي بليل يتقدملي و وهو في الطريق عمل حادثه
مهاب: والمطلوب
حور: اني افضل جنبو انا بحبو ي بابا زين وقف جنبي كتير بعدين انا المسؤوله عن حالتو فلازم اتابعو ٢٤ ساعه وده مش هيحصل إلى لو عايشه معاه ف مفيش حل غير اننا نتجوز بالذات ان معندهوش اهل يهتمو بيه بعدين هيبقى ارحم بكتير من جوازي من سعيد
مهاب سكت شويه
حور: بابا انا مش هتجوز غير زين
مهاب بصلها بتردد و ………….
ماهي : هنعمل اي الواد مامتش
محسن : متقلقيش كل حاجه دلوقتي تحت ادينا م انتي عارفه اللي حصل
ماهي : طب منخلص عليه من غير محد يعرف
محسن: هيشكو فينا بذات ان اللي حصل انتشر في الاعلام ومواقع السوشيل ميديا فلما نقول انو مات هيشكو في موضوع موتو بعدين لازم نهدا شويه عشان العيون هتبقى علينا الفتره الجايه
ماهي: وبعدين
محسن: انتي دلوقتي اللي هتكوني واصيه عليه فهندير الشركات عادي جدا ونعيش حياتنا عادي كأنو مش موجود وبعد فتره نقول ان حالتو مش بتتقدم نهائي وان لازم يكون في مالك للورث ده فمش هيكون في غيرنا ساعتها هنخفي خبرو بالتدريج بعدين نقتلو
ماهي : و افرض خف
محسن: م احنا هنتوصى بالموضوع ده و هنتفق مع الدكتوره تديه ادويه تدهور حالته وتقتله بالبطئ
ماهي : دي كده احلوت اوي
محسن: انا هروح اكلم المحامي وانتي اتوصي بموضوع الدكتوره ده
ماهي : حاضر
بعد مرور بعض الوقت
محسن : ها عملتي اي
ماهي : خليت ناديه تكلم الدكتوره اللي عملتلو العمليه وتقولها تيجي في أسرع وقت وهقنعها ب قرشين انها تديه الدوا وتفضل معاه طول فتره علاجو وده هيبقى قدام الاعلام بس في الحقيقه الدوا هيكون بيدمر خلايا المخ
محسن: كده عال اوي
ماهي : وانت عملت اي
محسن : كلمت المحامي ولانو مسافر بسبب امر كلفو بيه زين قبل الحادثه ف هيتأخر شويه ممكن يجي بعد اسبوع او شهر على حسب الشغل
ماهي: ده اي الحوسه دي بقى
محسن: بالعكس ده كده في صالحنا هنعرف نتصرف مع زين الفتره دي عشان لما يجي ويشوف حالتو مدهوره يتأكد
ماهي: تمام .قاطع كلامهم دلوف اسراء
حور : السلام عليكم
ماهي وهي بتبصلها من فوق لتحت: اهلا … انتي بقى الدكتوره المسئوله عن حاله زين
حور باحترام : ايوه ي فندم واللي ان شاء الله هتابعو لغايه ميرجع زي الاول
محسن: من ناحيه هتابعيه ف ده تمام بس انو يرجع زي الاول لا دي فيها كلام تاني
حور بعدم فهم : مش فاهمه حضرتك قصدك اي
محسن: يعني هتديه الدوا ده
حور مسكت الدوا ب استغراب وبصت على اسمو ف فتحت عنيها بصدمه : ا انت بتقول اي الدوا ده خطير جدا ده هيدمر خلايا مخو وممكن كمان يموت
محسن : م ده المطلوب
حور بصدمه : نعم
محسن : ٢ مليون
حور : مالهم
محسن: تمن وجودك هنا وانك تديه الدوا ده باستمرار…قولتي اي
حور: قولت ان ده مش هيحصل طول م انا عايشه
محسن: قصدك اي
حور ب ثقه: هتعرف قصدي قريب…قريب اوي كمان
بعد مرور عدة ايام
محسن: وحضرتك شايف حالته عامله ازاي يعني يستحيل يعرف يدير الشركه ولا ورث اخويا الله يرحمه
المحامي: مفهوم مفهوم اي رأيك ي مدام ماهي
ماهي بتمثيل البكاء: ي حبيبي يبني ي حبيبي كنت شاب زي الورد ربنا يشفيك ي حبيبي للاسف هضطر أوافق مهما كان ده تعب جوزي حبيبي الله يرحمه
المحامي: تمام هتمضو هنا وشويه اجرائات وكل حاجه هتبقى تمام
: وقفو المهزله دي
بصو للصوت باستغراب
ماهي بغضب : انتي بتعملي اي هنا
المحامي: انتي مين؟
حور : انا حور زين الشناوي يعني مراتو
ماهي و محسن بصدمه : اي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية تزوجت طفلا)
