رواية مجنونه بالاجبار الفصل الرابع عشر 14 بقلم أروى عادل
رواية مجنونه بالاجبار الجزء الرابع عشر
رواية مجنونه بالاجبار البارت الرابع عشر
رواية مجنونه بالاجبار الحلقة الرابعة عشر
المحامى ٠٠ القضية دى هدفها تشويه سمعة موكلى عشان كده احنا عايزين نرفع قضية رد شرف على ماليكه سليم المحمدى
النيابة٠٠ و مالو ارفع . بس احنا هنا جهة تحقيق ممكن تتفضل دلوقتى
( خرج خالد دخلت نرمين مع المحامى)
النيابة ٠٠ ما قوالك فى التهم المنسوبة إليكى من قبل ماليكه المحمدى فى انك استدرجتيها هى و شقيقتها إلى بيت عمتك حتى يقوم خالد عامر السروجي و لؤى مكرم الطحاوى بأختطا*فهم
نرمين٠٠ ماحصلش طبعا و انا هعمل كده ليه
النيابة٠٠ انا إللى بسألك
نرمين٠٠ ماليكه طول عمرها حقوده و بتغير منى و كمان عايزه تنت*قم منى عشان انا قولت لخالد انها بتعرف شباب كتير
النيابة٠٠ يعنى محصلش ان ماليكه اتخنقت معاكى انتى و خالد فى الديسكو.. على فكره كان فى ناس موجوده و شافت خناقتكم
نرمين٠٠ حصل بس ده كان سوء تفاهم
النيابة٠٠ كان ايه سبب الخناقه
المحامى٠٠ على فكره حضرتك بتضغط على موكلتى بالأسئلة ده مش صح
النيابة٠٠ فى ايه يا أستاذ انت هتعرفنى أسأل المتهمه ازاى .. اتفضلى جاوبى على السؤال
نرمين٠٠ قولتلك حضرتك ده كان سوء تفاهم بين ماليكه و خالد
النيابة٠٠ بالتفصيل يا أنسه
نرمين٠٠ هو خالد كان زعلان من ماليكه عشان كده كان بيزعق لها
النيابة ٠٠ بس شهود الوقعه قالوا ان ماليكه هى إللى كانت بتزهق لخالد مش العكس
نرمين٠٠ اه صح افتكرت معلش الموضوع من ٣ سنين نسيت
النيابة٠٠ و نسيتى ٠٠٠ كمان نسيتى تقولى أن ماليكه شككت فى أخلاقك قدام كل صحابكم فى اليوم ده .
المحامى٠٠ انا احتج على الكلام ده
النيابة٠٠ احنا مش فى محكمة عشان تحتج يا أستاذ انسه نرمين انتى كنتى موجوده وقت وقوع ماليكه وملك فى البحر مكتوب عندى انك اول واحده شوفتيهم بيوقعوا
نرمين٠٠ اه صح
النيابة٠٠ أحكى لينا حصل ازاى ده
نرمين٠٠ بصراحه احنا كنا شاربين و احنا على اليخت ملك كانت ساكته لكن ماليكه كانت مهيبرة اليوم ده كانو الاتنين وافقين على حافة اليخت و فجأة فقدت ملك اتزانها ومسكت فى ماليكه و وقعوا الاتنين مع بعض. بعدها عرفت ان الاتنين ما*توا
النيابة٠٠ انتى فكره كل حاجه بالظبط مع انك بتقولى انك كنتى شاربه . مع ان ماليكه كانت شاربه زيك مش فاكره حاجه خالص
نرمين٠٠ ماليكه كدابه
النيابة٠٠ يعنى انتى متأكده انك شوفتى ملك و هى بتقع فى الميه بعينك و كانت وقتها عايشة صح
نرمين٠٠ اه صح
النيابة٠٠ انا قدامى تقرير الطب الشرعي بيقول ان سبب وفاة ملك هو كسر فى الجمجمه نتيجة ضرب بأله حاده أدت الى الوفاه ..يعنى ملك مش ما*تت غرقانه
نرمين٠٠ ممكن تكون اتخبطت فى ايه حاجه و هى بتقع
النيابة٠٠ انتى إللى شوفتيها وهى بتقع ممكن تقول لينا. اتخبطت ولا لأ
نرمين٠٠ اه اتخبطت حتى انا سمعتها وهى بتصرخ
النيابة٠٠ غريبة مع ان الطب الشرعى أثبت أن ملك ما*تت قبل وقعها فى البحر باكتر من عشر ساعات طيب انا اسدقك انتى ولا أسدق الطب الشرعى
نرمين ٠٠ انا ماليش دعوة انا قولت إللى شوفتو
النيابة٠٠ طالما ماليكه عايشة مين الج*ثة إللى ادفنت بدل ماليكه
نرمين٠٠ معرفش انا هعرف منين
النيابة ٠٠ انتى اول واحده شوفتى الج*ثة فى المشرحه. وقولتى انها ماليكه
نرمين٠٠ عشان كانت لبسه هدوم ماليكه كمان كان فى ايدها نفس خاتم بتاع ماليكه
النيابة ٠٠ ده إللى عايزه اعرفو عملتيها ازاى دى.. انك ترتبى مو*ت ملك فى البحر مع انها كانت ما*تت قبلها بساعات و تجيبى ج*ثة و تلبسيها نفس هدوم ماليكه و نفس الخاتم .اللى كان فى ايدها عشان تثبتى انها ماليكه
نرمين ٠٠ انا معملتش حاجة. من دى
النيابة٠٠ انتى متهمه بق*تل ملك و تزوير مو*ت ماليكه سليم المحمدى
نرمين٠٠ لا مش انا معملتش كده .انا ماليش دعوة
النيابة ٠٠ أمرنا نحن رئيس النيابة العامة بحبس نرمين عبدالقادر الراوي ٤ ايام على ذمت التحقيق
( صرخت نرمين هى تقول انا ماليش دعوة)
( استمر التحقيق لمدة ٤ ساعات اتفقت أقوال لؤى مع خالد مع عامر ٠ جاء دور مكرم)
النيابة٠٠ اتفضل يا مكرم بيه
مكرم٠٠ متشكر
النيابة٠٠ انت تعرف ماليكه سليم المحمدى
مكرم٠٠ لا معرفهاش
النيابه ٠٠ غريبه متعرفهاش ازاى وهى كانت بتتعالج فى المستشفى باسم بنتك ازاى يعنى
مكرم٠٠ حضرتك فاهم غلط انا كان عندى بنت كانت مريض نفسيآ و عقليآ و ما*تت من ٤ سنين .. عشان كده انا عامل صدقه جاريه على روحها و بأسمها فى المستشفى الأمراض النفسية و العقلية اى حالها مش قدره تتعالج بدفع مصاريف علاجها بتكون الحالها بأسم بنتى ياره الله يرحمها بس اكيد مش هعرف اسم كل حالة بعالجها على حسابى فى المستشفى
النيابة٠٠ جزاك الله خير .. يعنى انت عايز تقول انك كانت بتعالج حالة ماليكه على حسابك صدقه جارية على روح المرحومه
مكرم ٠٠ الله ينور عليك ..بس انا كنت بعمل كده من غير مع حد يعرف عشان الثواب مايروحش عليا.. و كنت متفق مع الدكتور سمير اي حاله مايكونش ليها أهل او مش قدره تدفع مصاريف انا كنت بتكفل بالحالة . بس اكيد مش هكون فاكر كل الحالات إللى اتكفلت بعلاجها
النيابة٠٠ آمال انت روحت اتخنقت مع الدكتور أسر ليه .. على فكره فى شهود على كده .. انك عملت مشكلة جامده لما عرفت ان ماليكه هربت من المستشفى
مكرم٠٠ قولتلك انا إللى كنت متكفل بالحالة
النيابة ٠٠ وانت كل الحالات إللى بتتكفل بيها بتكون مهتم بيها اوى كده
مكرم٠٠ لازم الواحد يهتم بالخير إللى بيعملوا عشان ربنا يكون راضى عنه
النيابة٠٠ مع انك لسه قايل انك متعرفش اسماء الحالات إللى انت كنت متكفل بعالجها
هنا التوتر مكرم لكن رئيس النيابة قال
النيابة ٠٠ طيب ايه رأيك فى كلام د.أسر
مكرم٠٠ ده مجنون زى المجانين إللى بيعالجهم كلامه كله مش مظبوط
النيابة٠٠ و انت عرفت هو قال ايه عشان تقول كلامه مش مظبوط
مكرم٠٠ لانى عارفو
النيابة ٠٠ ما قوالك فى اتهام د.أسر ليك انك حاولت تعطى رشوى عشان يقولك عن مكان ماليكه و بعد كده هددته و انك حاولت قت*لوا
مكرم٠٠ محصلش الكلام ده طبعآ
النيابة٠٠ يعنى انت ماروحتش و اتخنقت معاه فى المستشفى على فكره احنا اتأكدنا من الكلام ده
مكرم٠٠ انا ماقولتش لأ بس ده عشان عرفت انه بيستغل الخير إللى انا بعملوا فى المستشفى لمصلحته الشخصية
النيابة ٠٠ تمام انا أسألتى خلصت ممكن تتفضل
انتهت التحقيقات اليوم الأول
◇■◇■◇■◇■◇■◇■◇■◇
فى فيلا عامر السروجي
عامر٠٠ ده إللى انت قولت عليه ماتخفش كل حاجه هتمشى تمام
مكرم٠٠ وانا اعرف منين أن رئيس النيابة هيكون صعب اوى كده . بس ماتخفش احنا لسه مافيش حاجة ضدنا
عامر٠٠ و نرمين انت عارف لو اتكلمت هيحصل ايه
مكرم٠٠ هى إللى اتوترت قدام رئيس النيابة
و كلها ٤ ايام و هتطلع.. المحامى هيحاول يشكك فى تحقيق النيابة
عامر٠٠ بس انت مش شايف انه غريبه انهم ماقالوش حاجة عن الاغتص*اب ملك
مكرم٠٠ فعلآ غريبه بس اكيد خافوا من الفض*يحه
◇■◇■◇■◇■◇■◇■◇■◇■
بعد أسبوعين من التحقيقات
▪︎مازالت نرمين محبوسه على ذمت القضية
▪︎مكرم و عامر بيحاولوا يثبتوا ان ماليكه بنت سيئة السمعة
٠٠٠٠٠٠٠٠٠٠٠٠٠٠٠٠٠
النيابة ٠٠ د. ايهاب ممكن تكلمنا عن حالة ماليكة
د٠أيهاب ٠٠( بتوتر) انا معرفش مين ماليكة دى
النيابة ٠٠ طيب ياره مكرم الطحاوي
د٠أيهاب ٠٠ اه دى عندها خلل فى خليه المخ مريضة وسوس قهرى و أكتئاب .. غير انها عندها ميول عدا*ئية و….
قطع جملته بسخريه
النيابة ٠٠ استنى ايه ده كله اختصر و قول انها مجنونه يا دكتور
( انا قدامى التقرير إللى انت كاتبه بخط ايدك عن الحالة) مش هو ده التقرير تشخيصك الحالة
بعد ما شاهد د.أيهاب التقرير قال
د.أيهاب٠٠ اه هو ده التقرير
هنا قال رئيس النيابة العسكري
النيابة ٠٠ دخل يابنى الانسه ماليكة
دخلت ماليكة هنا اشاره إليها رئيس النيابة
قال بسخريه
النيابة ٠٠ هى دى المجنونه قصدى يارة مكرم
د٠أيهاب ٠٠( بأرتباك) ايوه هى
النيابة ٠٠ طيب بذمتك يا دكتور دى شكل واحده مجنونه
هنا بدأ د.إيهاب يرتبك و يعرق بغزاره لذلك أمسك رئيس النيابة منديل وقال
النيابة ٠٠ أمسح وشك
د.أيهاب ٠٠ معلش انا بس متوتر دى أول مره ادخل النيابة
النيابة ٠٠ طيب نكمل التحقيق ولا هتفضل متوتر كده كتير
د٠أيهاب ٠٠ لاء اتفضل
النيابة ٠٠ لاء اتفضل انتى قوليلى الانسه إللى واقفه قدامك دى فيها كل الأمراض المذكوره فى تقريرك
قال ايهاب وهو ينظر لماليكة
د.أيهاب ٠٠ ممكن تكون اتعلجت دلوقتى
النيابه٠٠ هو إللى عنده خلل فى خليه المخ ممكن يتعالج منه
اتوتر ايهاب أكثر ثم قال
د٠أيهاب ٠٠ مش عارف قصدى ممكن …لاء لاء
النيابة ٠٠ معلش انا مش فاهم .. وضح إجابتك
د٠أيهاب٠٠ انا كتبت التقرير على اساس تشخيص الحاله ساعتها
النيابة ٠٠ ده مش أجابة السؤال.. بس انت معترف انك انت إللى كتبت التقرير
د.أيهاب ٠٠ ايوه انا
النيابة ٠٠ بس التقرير ده مزور يا دكتور
و بعد بفحص الدكتور حبيب مدير المستشفى و الدكتور أسر أكدوا أن التقرير مزور
هنا قال ايهاب و بدون سابق إنذار
د.أيهاب ٠٠ انا ماليش دعوة انا كتبت التقرير
زى ما الدكتور سمير كان كاتبه زى ما طلب منى مكرم الطحاوى
هنا ابتسم رئيس النيابة وهو ينظر لماليكة التى كانت تشاهد كل ما يحدث بصمت
▪︎و تحريات النيابة أثبتت أن ماليكه كانت موجوده فى المستشفى لمدة ٣ سنوات بعد استجواب د.أيهاب اعترف بعد ضغط النيابة عليه انه كان بيأخد فلوس مقابل إبقاء ماليكه فى حالة إلا وعى و الإنفصال على العالم الواقعى
▪︎أمرت النيابة بحبس مكرم الطحاوى ١٥ يوم على ذمت التحقيق
◇■◇■◇■◇■◇■◇■◇■
فى المطعم القديم
قامه أسر بتزين المكان إعداد الطعام بأيده لمفجأت ماليكه .. وصلت ماليكه و هى مبهورة من التغير إللى فى المكان ثم قالت)
ماليكه٠٠ اية ده كله
أسر٠٠ عجبك
ماليكه ٠٠ طبعآ بس ليه كل ده
أسر٠٠ انتى تستاهلى اكتر من كده .. المهم تعالى شوفى انا عملتلك كل الاكل إللى بتحبيه
ماليكه ٠٠ كمان ايه ادلع ده . كمان شمع
( سحب اسر كرسى لتجلس ماليكه عليه ثم جالس و أمسك يديها ماليكه وقال)

أسر٠٠ تعرفى انتى احسن حاجه حصلتلى فى حياتى
ماليكه٠٠ وانتى كل حياتى
أسر٠٠ ايه الكلام الحلو ده
ماليكه ٠٠ سيبك من كلام شكل الاكل حلو ياترى الطعم زى الشكل ولا ايه
أسر ٠٠ ماتخفيش بعرف اعمل اكل كويس اوى
( بعد تناولوا الطعام أمسك أسر يد ماليكة ثم قال)
أسر٠٠ تعالى معايا
ماليكه٠٠ فى ايه هنروح فين
أسر٠٠ تعالى بس
( هنا جلس أسر نصف أعده على الأرض و خرج من جيبه علبه بها خاتم ثم قال)

أسر ٠٠ تتجوزينى يا ماليكه
( حطت ماليكه ايدها على فمها من المفجأه ثم هزت رأسها بالموافقه و يكاد قلبها يقفز من صدرها من فرحتها )
أسر٠٠ عايز اسمعها منك
ماليكه٠٠ موافقه
◇■◇■◇■◇■◇■◇■◇■◇■
فى اليوم التالى
فى فيلا المحمدى
جلس الجميع فى انتظار حضور أسر الذى طلب مقابلة سليم لأمر هام
سليم٠٠ حاتم انت متعرفش أسر طلب يقابلنى ليه
حاتم٠٠ لأ بس ممكن تسأل ماليكه أكيد عارفه
ماليكه٠٠ و انا هعرف منين يعنى
حاتم٠٠ مش هو دكتورك
ميرفت٠٠ انا شايفه ان أسر بقى واحد من العايلة يجى فى اي وقت
( وهنا وصل أسر )
أسر ٠٠ مساء الخير
سليم٠٠ اتفضل يابنى
ميرفت٠٠ تشرب ايه
ماليكه٠٠ قهوة مظبوط صح
حاتم٠٠ اكيد صح . ما انتى عارفه عنه كل حاجة
هنا شعرت ماليكة بخجل لذلك قال
أسر٠٠ ابعد عنها يا حاتم
حاتم٠٠ اه ابعد عنها تمام انا بقيت الوحش إللى بينكم
ميرفت٠٠ حاتم
حاتم٠٠ خلاص هسكت خلاص
سليم٠٠ قولى يا أسر انت كنت عايزنى خير
أسر٠٠ أنا جاي النهاردة أطلب من حضرتك أيد ماليكه
ماليكه ٠٠( بخجل) طيب عن أذنكم انا
حاتم٠٠ استنى هنا رايحه فين
ماليكه٠٠ ماما
ميرفت٠٠ حاتم وبعدين ابعد عنها
سليم٠٠ استنى يا ماليكه انتى سمعتى أسر ايه رأيك
( نظرت ماليكه إللى الارض بخجل)
ميرفت٠٠ السكوت علامة الرضا
حاتم٠٠ و ساعات بيكون علامة الشتيمة فى السر مش كده يا طبيب
سليم٠٠ انت هتسكت لا لأ
حاتم٠٠ خلاص اسف
أسر٠٠ طيب قولتوا ايه
سليم٠٠ مبروك يابنى
أسر٠٠ هنجوز امتى
حاتم ٠٠ جواز كده على طول . ايه مستعجل على ايه . كمان لسه موضوع القضيه
سليم٠٠ كمان يا أسر احنا لسه ماشوفناش أهلك
أسر٠٠ أنا عايشة مع تيته بابا وماما و حتى عمى عايشين فى بريطانيا انا اتكلمت معاهم وهمآ موافقين
سليم٠٠ و انت عندى كفايه يا أسر
أسر٠٠ متشكر يا عمى . بس أنا اتكلمت مع ماما و بابا و هيحضروا الفرح ان شاء الله
سليم٠٠ تمام يبقى الخطوبه يوم الخميس
ميرفت٠٠ ايه رأيك يا ماليكه
ماليكه٠٠ اللى انتى شايفه صح يا ماما
حاتم٠٠ مبروك يا ماليكه و مبروك يا أسر
أسر٠٠ مبروك يا ماليكه
◇■◇■◇■◇■◇■◇■◇■
بعد مرور اسبوع فى فيلا المحمدى
( رن هاتف ماليكه)
ماليكه٠٠ الو مين
مجهول٠٠ مش مهم بس هبعتلك حاجه حلوه تتفرجي عليها هتعجبك
ماليكه ٠٠ انت مين
مجهول ٠٠ لما تشوفى الفيديو هتعرفنى
( أنتهت المكالمة )
٠٠٠٠٠٠
وصل الفيديو عندما فتحت ماليكه الفيديو كانت الكارثة بكل المقاييس
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية مجنونه بالاجبار)
