رواية انكسار الياسمين الفصل العشرون 20 بقلم أمل مهدي

رواية انكسار الياسمين الجزء العشرون

رواية انكسار الياسمين البارت العشرون

رواية انكسار الياسمين الحلقة العشرون

وتبعد واعدتني وجنت عد وعدك
بس تعرف شنو بكل ثانيه أفتقدك
ابيض جان كلبك مشتريني بروح
من دكول أحب دكولها بجلدك
بأحساسك العالي يدوخ البسدك
وبرقه كلامك تنفرد وحدك
صحاني البعد وبقيمتك حسيت
تريد الصدك محد حابني بكدك
______________
محمد _
اشوف رسول گبل نزل واني
من اباوع المسدس بوجهي خفت بس اشلون اعوف السياره بهاي السهوله
ومن ارجع للبيت شراح يخلصني من أبويه لو عمتي
حاولت ابين اني ما خايف
ما انزل ما اعوف سيارتي
واحد منهم كال…
اشحطو گبل لا احط طلقه براسه
نزلو يسحبوني واني مجلب بالستيرن ضربوني على أيدي فكيته
نزلوني بالكاع ودگ بوكسيات ودفرات
ورسول الجبان يباوعلى وساكت
كسرونيي ياله عافوني
صعد واحد بمكاني ساقها وطلعو
صيحت بالشارع محد اكو الشارع فارغ الا من كم سياره
رسول _ اجاني همزين ما كتلوك گوم
محمد _ شكد جبان الخاطر الله دصيح اتعارك وياهم شبيك
خفت ونزلت بسرعه
رسول _ ما شفت المسدس اموجها علينه وهمه ثلاثه كبار ما نكدرلهم
غير يموتونه هنا
شوف انته دمولك وجهك…..
ظلينه واكفين بالشارع ومحتارين
هسه شراح تسوي
محمد _ انشوف الشرطه وين ونشتكي
رسول _ لك اشتشتكي لا عندك اجازة سوق وثنينه اقل ال١٨
محمد _ لعد شسوي
رسول _ نرجع للبيت وفوت نام ولا كأنك طالع بيها
محمد _ شتحجي والسياره اعوفها تروح
رسول _ بعد وين تلكاها
محمد _ شنو وين الكاها وخر مني اروح للمركز
رافع _
گعدت الفجر للصلاه ايمان ماكو بالفراش
نقلت روحي على الكرسي وطلعت من الغرفه سمعت حجي همس بالمطبخ
حركت الكرسي اشوف منو ويه ايمان
لكيت حسن كاعد وايده على خده وايمان عصبيه ترزله بصوت ناصي
_ شكو شصاير…..؟؟؟؟
إيمان _ فزيت واكفه اباو عله……
رافع _ ماتحجين شكو بهليل كاعده شمسوي حسن ووين جان هيج مبهذل
اقتربت منه عينه مورمه ووجها من صفحته مزلغ ودم
شنو متعارك…. احجي
حسن _ نزلت راسي شگول……!!!!!
إيمان _ امتمت گوه طلعت مني….
السياره انباگت
رافع _ السياره انباگت….؟؟؟…. تشاقين شنو
شفتهم ساكتين ويباوعولي بحذر …. صحت حيل حتى نسيت الوقت نص الليل
احجو يا سياره…..!!!!!
إيمان _سيارة…. واشرت على الباب……
انباكت
رافع _ باوعت الحسن خوفه ملابسه والخربطه الهوه بيها
فهمت بساع
تدنيت عليه ولزمته من كتفه بقوه
صحت بي
جنت انته طالع بيها اشلون انباكت فهمني احجي…..؟؟؟
راجحه _ ياساتر شبي رافع
ياسمين _ كفيت البطانيه وطلعت من الغرفه…. اشو ملتمين بالمطبخ
شكو شصاير….. سألت
اشوف رافع لازم حسن من قميصه وواگعله صياح وضرب
رافع _ احجي فهمني شلون انباگت………
راجحه _ طلعت من الغرفه گوه تمشي نظره كلش ضعف من البجي على محمد
ولكم شكو من الفجريه حسكم طالع
رافع _ تعالي شوفي ابني الشريف هلمره شنو من مصيبه مسوي
طالع يسكع بالسياره مال اليتامه
وسلبوها منه العار
ياسمين _ لطمت على خدي… عزه العزاني السياره انباگت……؟؟؟؟
تحجي صدك رافع…. وظليت اللطم
رافع _ سحب حسن من قميصه وتولا ضرب وإيمان فكته من ايده وخلته وراها
وظل يغلط ويسب
راجحه _ يبو عليج ياسمين شنو من حظ حظج
واني فرفحت روحي من البجي
أشكد بنيت آمال عليها ابيعها واحقق المشروع البالي تالي تروح مني
برمشة عين
اشلون انطيتها ولك
اشلون انطاك گلبك تاذيني
لك حسن شلون انباگت احجي. كلبي احترك مايبرد لو املخه بيدي
خالتي _ ولك اشلون انطيتها الهم ياخنيث كون ما بيك خير ليش
مأخذها تتكشخ بيها بنصاص الليالي
إيمان _ شنو هو يشتم گفه ايده
شمدري راح يسلبو موزين ما كتلو
ياسمين _ احد مودي عليه وياخذها فوگها انتي تدافعيله
وين الگاها هسه گوليلي
مو كلنه عايشين بيها
إيمان _ اهووووو بعد اشراح يخلصنه
راجحه _ كله منج هاي تربيتج الصگط يوميه جايب مصيبه
ولك مالت هليتيم ليش تأخذها وضيعها
رافع _
انتظرت تطلع الشمس خابرت ابو زين أخذته ورحت للمركز
قدمت بلاغ بلكت يلكوها
الشرطه اخذو المعلومات وكالو راح نعممها على الصيطرات بلكت نلكاها
وانتو بعد روحو واحنه نتصل عليكم
رجعت ادفع بالكرسي مالتي والخيبه والألم تارسه صدري حتى ابن مثل العالم يسندني وكلبه عليه ما حصلت
ليش الدنيا انكلبت ضدي ما ادري
ياسمين _ تلكيته ابا وع بوجها ادور بلكن كلمه تطمني
مالكيت غير حسره بگلبه خانكته وعيونه حمر من القهر
خفت يصعد عنده السكر ويصير بي شي واني اظل وحيده …. اقتربت منه
لا تحرگ بدمك فدوه الك السياره
المهم عندي انته فوك راسي كلشي ما اريد وكلشي يهون ما دامك موجود گبالي
احجي وبگلبي نار تسعر كل ما اگول قترب الفرج ووصلت الگه روحي
ارجع النفس البدايه….
مرت كم يوم راح يسال رافع بالمركز بلكت لكوها
الضابط گله
لا تعب روحك وانته صعبه عليك الجيه والروحه احنه اي تطور يصير نتصل عليك
راجحه _ عمت عينك يعباس ظليت عينك على السياره علما راحت
سم وزهر بگلبك الفصل حتى دم ابنك بعته لافكرت بابنه لا بمريته
من عساها بحظك وبختك
ياسمين _خاله السياره راحت ما اضن يلگوها
واني ما أكدر اظل گاعده وايدي على خدي منو يصرف على ابني
من باجر اطلع ادور شغل
إيمان _ وابنج وين تودي اني معليه لا تعوفي يمي
ياسمين _ لاتخافين اني ما اترك ابني
عود عمته اسم الله …..
ام طارق جارتنه لكتلي شغل بالروضه البيه جهال ابنه محتاجين عامله
رحت ثاني يوم ونقهرت من كالولي منظفه بس ما گدامي غير اقبل حتى اصرف على ابني وشرطت ابني ويايه هو عمره اقل الاربع سنوات
يعني يصير تمهيدي
اول يوم خلص بس شنو تعب الروضه طابقين المديره ست رفل حبابه بس تحب كلشي على حسب الأصول كل اشويه ادزني بشغل خلصتها صاعده نازله وعلاوي مجلب بثوبي ويايه وين ما اروح ويايه حتى هوه تعب
إيمان. _ ها شلونه الشغل
ياسمين _ منظفه شغله تكسر الظهر
راجحه _ شسوين يا خاله احسن من ماكو
إيمان _ لعد شتردين يخلوج مديرة الروضه
اقلها حتى تحسين بيه اشلون اكرب بهذا البيت وبلاش
ياسمين _ اريد بس افهم ليش تكرهيني حاطه گورج ويايه شمسويتلج مو كله من راس ابنج الضيع السياره
وبهذلني وبهذل ابو
اليسمعج يگول مرتاحه مو نص شغل البيت براسي
إيمان _ يا طلابة السياره الماتخلص يوميه تعيروني بيها
راجحه _ ولج أمونه هو الصار شويه بطلي تطبكين ويه حسن مو خربتي
صاير ما يحترم احد ولا يسمع كلام ومرافك ولد الشارع مو تالي تعمين على روحج
إيمان _ اني من زمان غاسله أيدي منج يايوم دافعتيلي لو
حجيتي بصفي ونوب ويه ابني
ياسمين _
هاي صارت حياتي اطلع من الصبح للظهر
شغل الروضه وارجع تتلكاني إيمان اغسلي ونظفي وياريت ينطون شي يستاهل
تفاجأت اليوم المديره تگولي ابنج لازم تدفعيله أجور الروضه
واني اصلا راتبي قليل شيبقى منه
اضطريت اعوفه يم خالتي راجحه ومهما يكون إيمان يبقى ابن أخوها ما معقوله تعوفه
اول ايام خالتي مهتمه بي بس بعد فتره خالتي تمرضت
واصلا هيه صحتها على گدها وخصوصا نظرها شبه عمت تتلمس
الحايط اذا تريد تتحرك
بالبدايه ردت ابطل من خوفي عليه بس رافع يگول اني
عيني عليه وهو ويانه بالبيت
هواي مرات ارجع اشوفه ملابسه وصخه لو جوعان گلبي يتگطع عليه اتعجب الكره اشلون يخلي الإنسان ما عنده رحمه حتى على أقرب ناسه
كره إيمان اليه تحول الابني بحيث ما تملك اي احساس بالرحمه اتجاها ولا تحس هو ابن أخوها
رغم خالتي بكل بطالعه والنازل مرزلتها ورافع شكد يحجي عليها ما يفيد
مرات رافع يبدل ملابسه ينطي اكل وإيمان مالها علاقه بي
اليوم رجعت مثل كل يوم تعبانه وملهوفه على علاوي
لاحظت ملابسه نظيفات وسابح بس امبين مزعوج وباجي
أخذته بحضني ابوسه واشاقي
كل ضني باجي عليه….
اجت بجامته بأيدي تلمسته بس بالبجامه اني متعوده البسه داخلي
جوه بجامته وحتى رافع من يبدل ملابسه يلبسه
ياسمين _ حبيبي منو سبحك
علاوي _ حسن
ياسمين _ ركزت بعيون ابني مثل اليريد يكول شي وسكت
اول مره حسن يسويها هذا انگس من أمه لو گايل رضى ما اهتم
لان حباب رغم يطيع إيمان بس ما بي اذيه
اباوع العلاوي واخاف اتعمق بسؤاله
هاجس بداخلي يرفض مثل هاي الأفكار…
ياسمين _ حبيبي انته بجيت عليه
علاوي _ لا
ياسمين _ لعد ليش عيونك باجيه منو وياك
علاوي _ بكل عفويه حجاها
حسن سوالي اوى أنا واشر على…….. مقعده
ياسمين _ فتحت عيوني وجسمي رجف اريد اصيطر على نفسي
ما اكدر
لزمت ابني وايدي ترجف كلبته اشوفه بجه متالم
صحت بعصبيه
لك حسنننن
وينك يا صاقط دخلت عليه للهول…. وگف متفاجأ
وصل بيك الحد تعتدي على ابني
ما حسيت بنفسي
بيدي الحذاء مالتي واضرب بي بدون شعور واغلط
ياصاقط ياك…. د يا كلب
وكع الحذاء مني ومابطلت بأيدينا ملخت وجها ورگبته واصيح حتى ما ادري شحجي
إيمان اول وحده اجتي رادت تفك أيدي منه ماكدرت
جرتني من شعري وضربتني بالحايط بكل قوتها… دخت وتألمت بس ماكان الألم اقوه من ألم كلبي
رجعت نمت عليه وعضيته من صدره حسيت بطعم الدم بحلكي
وهو صرخ متالم
بس بعدها ما شفت شي
منين ما التفت تجيني ضربه إيمان وهو تعاونوا عليه
هو يضربني بوكس بأيده
وإيمان تدفرني برجله
ابني يصرخ
وخالتي اجت تتلمس بالحيط واصيح على إيمان وتغلط بدون متعرف شكو
اخر واحد رافع وصلني لان كان نايم على ما نقل روحه بالكرسي مالته اني خلصوني خلاص
سحب الماسحه
وكسرها على إيمان وحسن حتى ضربه منهن صارت على سنونه تكسرن الاماميات
عافتني ايمان بس ظلت تغلط وسبني حتى هيه ماتدري علويش ضربته الحسن
رافع _ باوعت يمي كلاص كزاز ضربتها بي بس ياحيف صرته بأيدها..
ظل رافع يسالني شسوه حسن احجي كولي بعصبيه
واني ما ادري شنو السكتني يمكن وجود جارتنه ام طارق
او خفت عليه لان مصيبه وره مصيبه وهو من وفاة امي صحته
مو مثل قبل….
بديت اخاف عليه احس بروحي قويه بوجوده
ما اريد افكر مجرد تفكير ان بيوم افقده
ما گدرت انطق بجيت على حالي شعري متگطع لميته بديه
والدم مغطب نص وجهي
باوعلي وعيونه مدمعه
رافع _احجيلي شسولج ليش ساكته
ام طارق _ مو وكت الحجي ابو حسن
شوف راسها مشگوگ والدم ينز منه گومي اخذج للمضمد
لفت شعري بالشال واني بعدني بهدومي الاجيت بيهن من الروضه
وصلنه المضمد
خيط الجرح البراسي ورجعنه
ام طارق اخذتني البيتها بصف بيتنه الحايط على الحايط
تلكتني هناء مرت طارق بنيه أكبر مني
ام طارق _ تعالي هناء اخذيها للحمام وغسلي شعرها خطيه يبس عليه الدم
ياسمين _مشيت وراها والدمعه بعيني غسلت نص شعري ما وصلت الماي للجرح وغسلت وجهي ورجعت كعدت وابني بحضني يناشغ
لسه البجيه بصدره
اباوعله اليوم شبع بجي
الله ياخذك يا حسن حوبة يتيم انشالله ما تسلم منها
ظليت كاعده جابولي غده ما اكلت اني مزوهره قهر وشبعانه
بعد يا اكل
ما اشتهي الشهد والله يا خاله لا تكلفون نفسكم
ام طارق _ يمه اكلي الله موجود هو يتوكل بيج
ياسمين _ نزلت دموعي احس محاصره من كل مكان حتى البكلبي ما أكدر احجي لان ما عندي احد احجيله
كان خطأ مني أأمن اعوف ابني والبيت بي مراهق لا تربيه ولا أخلاق
ابني ويايه تحت عيني
احجي بكلبي واباوع العلاوي بصفي مد ايده ياكل ما يفتهم
شي من الصار
هناء _ كله من إيمان هسه شعندج وتسوي مشاكل وياج
شگد حقوده
ياسمين _ ادري بهناء گاتلها الفضول تريد تحجيني…. رديت
من يومها تكرهني ليش هيه جديده المشاكل انتو أقرب الناس علينه وتعرفون كلشي
ام طارق _ اي والله عود بنت خالتهم يا حيف
توقفنه من سمعنه صوت طارق..
طارق _ السلام عليكم
ياسمين _ گبل ما ارد الحجاب على كتفي سحبته على راسي كان شعري مفتوح لان غسلته هاله اليه ومشدود بشاش
رديت السلام واني منزله راسي
هناء بسرعه گامت تلكته وام طارق ترد السلام
رفعت راسي شفته يباوعلي كانه يستفسر
خجلت الاكل گدامي واني عمري ما طالعه بيت احد
ام طارق _ محد غريب ادخل يمه اخت ابو حسن ياسمين
طارق _ هله ومرحبه شلونج خويه
ياسمين _ رفعت راسي بنظره خاطفه ورديت عليه شفته
يبا وعلى بتركيز
ما نزل عينه الا من هناء گلتله….
تعال ارتاح جوه….
كلش انحرجت اني عمري ما طالعه ابيت احد كانت أمي ما
تتركني حتى ابيت خالتي رجلي على رجلها
الله يرحمها شكد حرصت عليه وتالي كلشي خافت منه صار
بيه
ما بودي ارجع للبيت واشوف إيمان وابنها اكرهم
بس وين اروح ما عندي مكان اروحله… غرغرت الدمعه بعيني واني اباوع العلاوي هذا هم انظلم ويايه أخذته بحضني بعد ابد ما اعوفك اخذك
وياي للروضه
علاوي _ نكتب شمس…. كالها بفرح
ياسمين _ اي نرسم الشمس
اندكت الباب ودخل عليه رضا رافع دزه ورايه لان تاخرت
ترخصت من ام طارق حتى ارجع البيتنه
ام طارق _ ظلي يمنه ارتاحي البيت جبير وانتي مثل بنيتي
ياسمين _ اشكرج خاله ماقصرتي
ابو حسن ظل باله يمي لازم اروح
ام طارق _ لزمتني من كتفي شوفي هذا اعتبري بيتج واني امج
وو ليدي اخيج لا تستحين تجين وتگعدين بيتي مفتوحلج يمته ما
اضوجين
ياسمين _ تسلمين خاله ألله شاهد اشوفج مثل امي
ام طارق _ اوف الله يرحمها جانت شايله همج وهم اخوج
ياسمين _ الله يرحمها
طلعت من بابهم دخلت بيتنه علاوي بيدي ورضى يمشي ويايه
شفت رافع بالكرسي مالته گبال باب الهول ينتظرني
سلمت وبست راسه وعيونه تتفقدني
_ اشلون الجرح البراسج
_ خيطه المضمد
_ احجيلي شمسوي حسن….
_ باوعتله والدمعه بعيني ما اريد ازيد من خيباته بأبنه هو منا القهر يحز بنفسه لليل نهار على السياره الضيعها
_ ضرب علاوي ومن حجيت ويا غلط عليه…..
رافع _ وإيمان شبيها
_ على شغل البيت حاقده عليه مو تعرفها
_ حسن بعد ما يدخل البيت
ولتفت على إيمان تسمعين…… إذا عتب باب البيت حسابي وياج
_ وين يروح انت من كل عقلك تطرد ابنك فوگ ما كتلته هاي…
_ سكتت لحظه شكد اكرها….
رافع _ هاي عدها اسم وانتي وابنج العار بكفه وهيه بكفه…
إيمان _ آني اعلمج يلعرمه صايره مجلوبه
شلعتي وذره من صدره
رافع _ جان بيده كلاص الجاي شمره عليها.. ختلت وره الباب لاحها بس طشار الكزاز
لان انضرب بالباب
صاحت خالتي راجحه عليه عفتهم ورحت عليها بالغرفه
راجحه _ وينج يمه ياسمين
_ هياني خاله اجيت
_فتحت اديها تعالي بحضن خالتج كانت كاعده بالگاع على دوشگ
نزلت المستواها
حضنتني بثنين اديها وتتلمس براسي
سوده عليه هاي أمونه الجلبه ضربتج….!!!! من كون كسر الايدها
نزلت دموعي وبجيت حسيت بحضن امي وهاي ريحة امي
شكد مفتقده هاي الراحه من زمان ما حاسه بحضن دافي
يلمني من هذا الشتات العايشه بي
بجيت وهيه تمسد على شعري
راجحه _ عبالج ما سمعت علويش ضربتي حسن يستاهل سر…. ي
صاقط اذا النهار كله بالشوارع يتعلم…..
ليش ما كلتي الاخوج عليه
_ خاله رافع مريض وبس هو البقالي اخاف عليه يوميه السكر صاعد عنده من وره عمايل ابنه
اني السبب مني هملت ابني وتركته أخذه وياي للروضه وشيصير خل يصير
ابني ما يفارگني بعد
_ آخ من الوكت راحن عيوني وصفيت أبمنية أمونه تمن عليه بالأكله والبسه
_ اني موجوده لا تشيلين هم
باوعت الحالي بالمرايه وجهي شاحب شفايفي بيض خدودي ماكو
صفيت جسد خاوي تعبان اذا يمر اليوم سلامات افكر باجر اشلون…. يدبر
مشطت شعري وضفرته
واني بين ذكرى وذكرى تمر اجر النفس حسره
مشت الايام واني اركض بين الروضه وشغلها والبيت ابني وين ما اروح وياي ما يفارگني لحضه حتى بداخل البيت يمي
وخالتي صارت مسؤوليتي اني قايمه ببواجبها اسبحها واغسل
ملابسها
من ارجع نتغده سويه عزلت روحي من إيمان لا اكعد وياها ولا احجي وياها اتحاشاها وين متكون واذا حجت اقابلها بسكته
يوميه اطلع للروضه الجو بارد واني لازم قبل نص ساعه
موجوده حتى انظف
رغم ادفي بس طفل
رجعت من الروضه أظهر تغديت ونمت اني ويا
كعد العصر يگح وعيونه تهمل ومصخن
أخذته للصيدليه جبتله خلفض حراره ودوه گكه
شربته الدوه شويه تحسن
لعب وتعشه ويايه وكان كلش عادي حتى الصخونه اختفت
نمنه هو دائما ينام بحضني نلعب شويه ونغفى
حسيت بليل عليه تتحرك ايده بشكل غريب حركه لا اراديه
رحت فتحت الضوه ورجعت
ابا عله….
يتحرك بشكل غريب أيدي ورجلي وراسه يرعشن
لزمت جبينه نار يجوي….
وعيونه ماكو السواد بس البياض
وترمش اجانه…….