رواية عشق اولاد النمر الفصل السابع عشر 17 بقلم جنه ياسر

رواية عشق اولاد النمر الجزء السابع عشر

رواية عشق اولاد النمر البارت السابع عشر

رواية عشق اولاد النمر الحلقة السابعة عشر

“كان جاسر مازال واقف مع نديم واصدقائهم في الشرطه ثم مسك هاتفه وفتحه وكان هيدخل علي الرساله التهديد اللذي جاءته لاكن جاءت غرام عليه وجذبته …
جاسر : اي يا غرام عاوزه اي …
غرام : هو انت مشوفتيش عشق بقالها شويه مش باينه ..
جاسر : نعم ازاي يعني …
غرام : معرفش والله كانت قاعده معانا وبعد كدا اختفت …
جاسر : يمكن طلعت الاوضه تعمل حاجه …
غرام : ممكن انا هروح اشوفها وانت بردو شوفها بره القاعه يمكن طلعت تشم هوي انت عارف ان ملهاش في الدوشه وكدا .
جاسر : ماشي هطلع اشوفها …
وضع جاسر الهاتف في جيبه ولم يري الرساله المبعوثه له وخرج من القاعه ليري عشق و يبحث عنها …
🤎🤎🤎🤎🤎🤎🤎🤎🤎🤎🤎🤎🤎🤎🤎🤎
عشق كانت في خارج القاعه كانت واقفه وسرحانه ثم لمحت ظل شخص واقف خلف الشجره قربت علي تلك الشجره رأت اللورد واقف ومبتسم ثم وجه سلاحه نحوها اترعبت ورجعت بجسدها للخلف بخوف وكانت تهز رأسها بمعني لا وخائفه ثم خبطت في احد ..
اتخضت والتفتت رأته جاسر ..
عشق بخوف : بابا بابا
جاسر : مالك ياعشق …
عشق بخوف : واقف هناك عند الشجره وهيقتلني زي ما قتلته …
جاسر بعدم فهم : نعم انتي بتقولي اي يا عشق
عشق التفت ونظرت الي تلك الشجره واتصدمت عندما ما رأت احد معقول تكون كانت بتتخيل …
جاسر : عشق فيكي اي …انتي كويسه في حد عملك حاجه
عشق : لا يا بابا انا كويسه …
جاسر : انتي اصلا واقفه هنا بتعملي اي …
عشق : حسيت نفسي مخنوقه من الدوشه قولت اطلع اشم هوي شويه ..
جاسر : طيب يلا تعالي ندخل عشان غرام قلبه عليكي الدنيا …
حاوط عشق بذراعه وكانوا ذاهبون الي الداخل لاكن وقفوا عندما سمع نداء احد علي جاسر بصوت عالي …
جاسر التفت الي خلفه ليري مين الذي ينده عليه …
جاسر بصدمه : رحيم …
رحيم ابتسم ثم ركض الي نحو جاسر وحضنه …وجاسر بادله الحضن ثم بعد رحيم
رحيم : اي رأيك في المفاجاة دي …
جاسر : طبعا جميله …انت جيت امتي .
رحيم : لسه واصل من ساعه روحنا فندق قاعدنا في وغيرنا وجينا علطول ….مبروك صح لاسد وماسه بجد فرحت لما عرفت …
جاسر : الله يبارك فيك…
براءه قالت : مبروك يا استاذ جاسر …
جاسر : الله يا يبارك فيكي يامدام براءه…انا مش مصدق انكو جيتوا ده انتو بقالكوا قرن منزلتوش ..
رحيم : والله كل ما أنوي اني انزل يحصل حاجه ومنزلش …بس الحمد لله ظبطت المره دي ونزلت ومقرر اني اقعد حابه حلوين صحيح اعرفك بولادي ..ريان و روميساء …اعرفكم يا ولاد ….عمكم جاسر بيكون ابن خالتي …
ريان : اهلا بحضرتك يا انكل …
جاسر : ماشاءالله ربنا يحفظهم ليك ….اهلا بيك انت يا ريان نورت مصر …
ريان: شكرا لحضرتك …
رحيم : الا قولي يا جاسر مين المزه اللي جمبك دي ..
جاسر لكمه لكمه خفيفه وقال : لسه زي ما انت متغيرتيش …دي بنتي عشق …هاااا بنتي ..
رحيم قرب علي عشق ومد يده وقال : ازيك يا قمر ..
عشق مدت يدها وقالت: ازي حضرتك انت يا انكل …
جاسر : يلا رحيم تعالوا ندخل احنا الكلام خدنا …ده إلياس هيفرح اوي بمجيئك….كان نفسه يشوفك اوي .
رحيم: ياااه وانا كمان وحشني ابن اللذينا …
روميساء كانت تسير بجوار عشق …
وقالت : علفكره يا عشق انا عارفاكي ومتابعكي علي الانستجرام…بجد معجبه بشخصيتك اوي وكمان صوتك حلو اوي ….
عشق : شكرا ليكي كلك ذوق يا قمر …اسمك روميساء مش كدا ..
روميساء : اه ودلعي روميس بيكون أسهل انا اسمي صعب …
عشق : لا بالعكس جميل اوي وومميز …
روميساء : بس كبير اوي …
ابتسمت عشق ثم كانوا وصلوا داخل القصر وجاسر اخذ رحيم وعائلته الي طاوله عائله الحديدي …
رحيم قال : مسآء الخير عليكم يا جماعه
اتصدموا الجميع من وجود رحيم و فرحوا وإلياس حضنه باشتياق …
🤎🤎🤎🤎🤎🤎🤎🤎🤎🤎🤎🤎🤎🤎🤎🤎
نسبهم يرحبوا برحيم وعائلته ونذهب الي…
ماسه وحمزه في الكوشه …
حمزه : هو الفرح ده هيخلص امتي انا صدعت بجد …
ماسه : معرفش وبعدين انا مش حاسه اني انا العروسه نفسي اعرف ليه قاعدين انت مش شايف اسد وحور بيرقصوا ازاي …
حمزه : اه عاوزه ترقصي عشان الشباب يبصوا عليكي … انا مقبلش حته ان حد يبص ليكي بصه ..
ماسه نظرت له ثم قال : بتغير عليا يا حمزه …
حمزه : طبعا لازم اغير مش مراتي …
ماسه ابتسمت وشعرت بالخجل …
اخت حمزه وزوجها كانوا متوجهين الي الكوشه ليسلموا علي حمزه وماسه … وصلوا اليهم
و ساره اخت حمزه حضنت ماسه
وقالت بكره : مبروووك يا مرات اخويا …
ماسه بابتسامه : الله يبارك فيكي …
ساره توجهت الي حمزه وحضنته ثم همست له في اذنه …وقالت بكره : انا عارفاك وحفظاك استحاله تكون تخليت عن انتقامك لماما وبابا ….بص علي بابا وشوف قاعد ازاي علي كرسي ومكسور مش قادر يرفع عينه انت متخيل انك اتجوزت بنت عدوه واللي قضي علي حياته لا وكمان قال انك بتحبها …انا مش مصدقه اللي انت قولته وحبسك لفيروز في الفيلا عشان خايف تعمل اي غلطه او تيجي الفرح ده يدل انك مخطط لحاجه….
حمزه بعد ساره عن حضنه ثم قال وهو يبتسم : الله يبارك فيكي يا حبيبتي..
اتغاظت ساره من رد حمزه ثم قالت : انا همشي يا حمزه بابا تعبان ومش قادر يقعد اكتر من كدا …
حمزه قال لها : خلاص ماشي كداكدا الفرح قرب يخلص …خدي بالك من بابا …
ساره لوت شفتيها وقالت بطريقه : علي اساس انك خايف عليه …يلا يا سامي عشان مش طايقه اقف هنا اكتر من كدا ..
نزلت ساره اخت حمزه من علي الكوشه هي وزوجها …
ماسه قالت : هي مال اختك ياحمزه حساها مش طيقاني …
حمزه : فكك منها يا حبيبتي هي بس غيرانه عليا يعني فاكره هتاخديني منها وكدا …
ماسه : اااه …الا صحيح ياحمزه انا مش شايه حد خالص من قريبك هنا مفيش غير اختك وباباك حته في الخطوبه كان نفس كلام …
حمزه : انا يا ماسه معنديش حد وله قرايب بابا وحيد وماما الله يرحمها يعني كانت بردو وحيده ملهاش اخوات …
ماسه : اااه عشان كدا …
وبعد ثواني كانت اشتغلت اغنيه رومانسيه ..
ماسه : حمزه قوم بليز نرقص الاغنيه المفضله عندي اشتغلت …
حمزه : ماشي يلا قومي ..
ثم توجهوا الي الاستيدج ورقصوا وكانوا ينظروا في عيون بعض بحب …
🤎🤎🤎🤎🤎🤎🤎🤎🤎🤎🤎🤎🤎🤎🤎🤎
عند اسد وحور كانوا يرقصوا ومنسجمين مع الاغنيه …
اسد قال بحب : بحبك …
حور بخجل : وانا كمان
اسد : مبسوطه يا حور
حور : جدا انا مكنتش اتخيل ان اعيش لحظه زي دي ….بذات اني انا عمري ما عشتها …انا متعمليش فرح قبل كدا وله لبست فستان …وله كنت مبسوط زي دلوقتي …حقيقي يا اسد انت نعمه ربنا بعتها ليا وعوضني بكل المر اللي انا شوفته في حياتي .
اسد قال بغمزه : اي ده انا اول مره اسمع كلام حلو منك …
حور بخجل : بس يا اسد بقي متكسفنيش…
اسد : بحبك يا خجوله …اول مره اشوف بنت بتتكسف كدا …انا كل اللي بقابلهم جرئة اوي لدرجه اني انا اللي كنت بتكسف مش هما …
حور بغيره : هو انت كنت بتقابل بنات كتير …
اسد : لا خالص كنت بتهرب منهم بس هما اللي بيحاولوا يتقربوا …لاكن انتي الوحيده اللي حبيت قربك كنتي بتجذبيني اوي ليكي انتي مختلفه عنهم تماما
حور خجلت ثم نظرت في اتجاه اخر ووجهها احمر
ثم قال : اسد انا تعبت تعالي نروح نقعد الفستان تقيل
اسد : ماشي يلا ..
🤎🤎🤎🤎🤎🤎🤎🤎🤎🤎🤎🤎🤎🤎🤎🤎
عند همس كانت واقفه مع خالد صديقها كانت دعاته للفرح …
خالد بفرحه : مبسوط انك عزمتيني ..
همس نظرت له ثم قالت بتنهد : بص يا خالد كدا عدي حوالي شهرين مقربين من بعد ونتعرف لا كن حقيقي انا حاسه بظلمك معايا انا اسفه يا خالد انا محستش باي حاجه نحيتك …انا اصريت اجيبك انهارده عشان اصرحك انا مش عاوزك تتظلم معايا وانك حاطط امل اني ممكن في يوم احبك لاكن انا مش قادره بجد احس بحاجه نحيتك غير اكتر من أخ وصديق و اتمني تفهمني …
خالد بوجع : ياااه ولسه فاكره دلوقتي تقولي الكلام ده ماكنتي تقولي من بدري …انتي كنتي بتثبتيلي كل يوم عن اليوم اللي قبله انك بدأتي تعجبي بيا …
همس : انا اسفه يا خالد انا مش عاوزه اوجعك صدقني ان شاء الله ربنا هيرزقك ببنت كويسه تستاهلك وتحبك لاكن انا لا
خالد بحزن : ماشي ياهمس انا زي ماوعدتك انا مش هقرب عليكي مره تانيه ….ربنا يوفقك في حياتك بعد اذنك …
خالد ذهب وهو مكسور وحزين كان فاكر ان همس بدأت تعجب فيه وان ممكن تحبه …وهو ذاهب خبط في يامان …
يامان نظر لخالد واتعصب من وجوده في الفرح …
قال بغضب : مش تحاسب
خالد بحزن : انا اسف مقصدش
ثم ذهب خالد ويامان رأي همس واقفه وكانت شارده ذهب لها ثم مسك ذراعها بقوه وقال : هو انتي اتجننتي كمان عزمتي وجبتي لحد هنا ….انتي مش لاقيه حد يلمك بقي …
همس اتخضت وقالت : في اي يايامان حد يمسك حد كدا اوعي ايدك انت بتوجعني. ..
يامان كان مازال ماسك ذراع همس : اسمعي لو مبعدتيش عن اللي اسمه خالد ده هروح اقول لانكل جاسر علي كل حاجه …وصدقيني انا مجنون واعملها ..
همس بعدت ذراعه بقوه ثم قالت بعصبيه : وانت مالك ابعد عنه وله مبعدش انت شاغل بالك بيا ليه …
يامان قال بغيظ : عشان انا ..سكت ومكملش
همس نظرت له باهتمام وقالت : انت اي
يامان قال بتوتر : عشان انا انا ابن عمك ولازم اخاف عليكي وانا مش مرتاح للاسمه خالد ده ابعدي عنه احسنلك…
همس بحزن : ماشي يا ابن عمي متقلقش واطمن خالد مش هيقرب عليا تاني …..
ثم ذهبت همس وهي ذاهبه خبطت في عشق …
همس : معلش يا عشق مكنش قصدي اخبطك .
عشق نظرت لها وقالت : مالك يا همس
همس بحزن : مفيش تعبانه بس شويه
عشق : لا انتي مش تعبانه فيكي اي يا همس ه انا مش عارفكي
همس بوجع : انا تعبت اوي يا عشق مش قادره اتحمل اكتر من كدة هفضل مديه امل لحد امتي …
عشق : يامان بردو …
همس : اااه ..
عشق : قوليلي الاول عملتي اي مع خالد …
همس : عملت زي ما قولتيلي …
عشق حاوطتها بذرعها وقالت : جدعه …بصي يا همس الشاب اللي هناك ده انا شايفه انه احلي ميت مره من يامان صح وله لا …
همس : انتي بتهزري يا عشق ..
عشق : اهزر اي بصي عليه حته ده بيكون ريان ابن عمك بردو هههههه
همس : عرفت ان بيكون ابن عمي اعمل اي يعني ..
عشق بمكر : قولتيلي ان يامان كان مضايق من قرب خالد ليكي ..صح
همس : اه كمان دلوقتي اتعصب جامد لما شافه في الفرح وهددني ان لو مبعدتش عنه هيروح يقول لبابا
عشق : حلو اوي اسمعي من اختك يامان… يامان وقع في حبك يا قطه وغيران من خالد.
همس : لا يا عشق انتي غلطانه يامان عمره ماهيحبني هو لحد دلوقتي بيحبك انتي .
عشق ضحكت ثم قالت : اسمعي مني يامان وقع في حبك يا همس …وهثبتلك ده …دلوقتي انتي هتضغطي عليه من قربك لريان …شاب جميل وحلوه وعيون ملونه وبردو ابن عمك …
همس : مش فاهمه حاجه عاوزاني اعمل اي …
عشق بمكر : هقولك بس سيبيني اخطط واقولك …اوعدك يا همس ان هخلي يامان يركع تحت رجلك راكع وهتشوفي..
همس تنهدت ثم قالت : نفسي اوي ..
عشق : امشي ورايا يا تؤامتي وهتكسبي صدقيني ….
همس : حاضر بحبك اوي يا عشق …
عشق : وأنا بحبك اكتر يا روحي …
🤎🤎🤎🤎🤎🤎🤎🤎🤎🤎🤎🤎🤎🤎🤎🤎
عند ريان روميساء كانوا جالسين مع العائله وبيتعرفوا عليهم …
إلياس : الا قولي يا رحيم انت ناوي تقعد قد اي …
رحيم : شهر أو شهرين بكتير مش هقدر اقعد اكتر من كده .
شهد : وشروق اختي عامله اي يا رحيم …وحشاني اوي نفسي اشوفها …
رحيم : والله يا خالتو تعبانه مقدرتش تنزل معانا …موت بابا الله يرحمه كسرها وغيرها كتير اوي من بعد موته وماما مش مظبوطه دايما حزينه وتعبانه ..
شهد : يا حبيبتي كان نفسي تنزل و اشوفها وطيب وتعبانه مالها …
رحيم : معرفش هي كانت كويسه بعد موت بابا من الزعل تعبت واهملت نفسها مش عارفين هي فيها اي ….
شهد : معلش يا حبيبي ان شاءالله هتبقي كويسه واخواتك قاعدين معاها ..
رحيم : اه رحمه وسراج قاعدين معاها طبعا انا منبه عليهم أن ميسبوهاش لوحدها ..
شهد. : ربنا يطمنكم عليها يا حبيبي ويبارك في عمرها يارب وصحتها.
رحيم : يارب …
ريان همس لروميساء وقال : هي اللي واقفه مع عشق دي بتكون مين ..
روميساء : دي همس اختها التؤام …بتسأل ليه.
ريان : عادي بسأل
روميساء نظرت له وقال بمزح : لتكون عجبتك ..
ريان : بصراحه اه قموره اوي تفتكري مرتبطه يابنت يا روميس
روميساء: مفتكرش مش لابسه دبله وله حاجه…
ريان : طمنتيني ..
روميساء : انا هروح التواليت وجايه ..
ريان مازال ناظر الي اتجاه همس قال لها : ماشي روحي …
روميساء : شيل عينك عنها شويه ميصحش…
ريان : مش قادر انا اول مره أعجب ببنت بسرعه كدا …
روميساء: يلا يا كداب ده انت بنات إيطاليا كلها ماشي معاهم واعجبت بيهم.
ريان بغيظ : امشي يا روميس من هنا بدل ما اقوم اضربك ..
روميساء ضحكت ثم ذهبت …..
🤎🤎🤎🤎🤎🤎🤎🤎🤎🤎🤎🤎🤎🤎🤎🤎
وأخير الفرح خلص ووقفوا العائله جميعهم ليلتقطوا صوره جامعيه مع بعضهم وكانوا اسد وحور ….وحمزه وماسه وقفين في النص …ثم جاسر توجه الي ماسه وزق حمزه ونظر له بقرف وقال : اوعي كدا انا هقف جمب بنتي …
حمزه اتغاظ ثم قال وهو يجز علي اسنانه : يارب صبرني .
الفوتوغرافي قال : الكل يبص عندي يلا عشان ناخد صورتنا الجميلة…
والجميع نظروا إليه وابتسموا والتقطوا الصوره وكانت جميله للغايه….
ثم بعد دقائق كان المعازيم ذهبوا وحمزه وماسه خرجوا من القصر وكانوا متوجهين الي السياره …وجاسر وغرام ووجه اليهم وجاسر حضن جاسر وماسه بكت في حضن جاسر …
جاسر بعده ثم قال : لو عملك حاجه البني آدم ده تعالي قوليلي علطول ….وانت تاخد بالك من بنتي كويس سامع …
حمزه ابتسم ثم قال : متقلقش ماسه في عيوني ..
غرام حضنت ماسه : مع السلامه يا حبيبي ..خدي بالك يا ماسه من جوزك حطي في عينك ونفذي الكلام اللي قولته ليكي …
ماسه : حاضر يا ماما …
ركبوا ماسه وحمزه السياره وبدأت تتحرك ..
جاسر : هو احنا مش هنروح وراهم ..
غرام : لا هنروح هنعمل اي …تعالي نشوف اسد وحور نسلم عليهم قبل ما يمشوا هما كمان ..
كانت عيونه متعلقة علي سيارة ابنته حتي اختفاءها الي أن احس بقبضة تعتصر قلبه علي ابنته . لاكن تنهد وذهب مع غرام وتوجهوا الي سياره اسد ..
غرام حضنت اسد بحب وقال : مبروك يا حبيبي
اسد : الله يبارك فيكي يا ست الكل .
ثم غرام حضنت حور وقالت لها : مش هوصيكي علي اسد يا حور ..
حور ابتسمت له وقالت : في عنيا يا طنط ..
جاسر احتضن اسد ثم ركبوا هم الاخر السياره وذهبوا …
إلياس وديلان قربوا علي جاسر وغرام …وحضنوهم …
ديلان : مبروك يا غرومه عقبال ما تفرحي بالباقي يارب …
غرام : يارب يا حبيتي وان شاء الله نفرح قريب بتولين ويامان ..
ديلان : يارب …
إلياس : مبروك يا جاسر …انا عارف انك مضايق عشان ماسه بس دي سنه الحياة واطمن حمزه راجل وبيحبها وهيشلها في عيونه.
جاسر : أتمني حاسس اني مش مطمن بس مش هقدر اقف قدام سعادتها وبذات ان شوفت قد اي فرحانه وبتحبه …
إلياس : وهو كمان بيحبها وكان باين عليه …
🤎🤎🤎🤎🤎🤎🤎🤎🤎🤎🤎🤎🤎🤎🤎🤎
وبعد نصف ساعة كان حمزه وماسه وصلوا الي الفيلا نزل حمزه وتوجه الي باب السياره وفتح لماسه الباب ..
نزلت ماسه ونظرت الي حمزه… ثم مسك يدها وتوجوه الي الفيلا وفتح حمزه الباب ثم فجاءه صرخت ماسه عندما حمزه حملها بين يده …
وقالت ماسه بخجل : اي يا حمزه نزلني مينفعش كدا …
حمزه ابتسم علي برائتها ثم قال : علفكره انتي مراتي وعندنا العادات والتقاليد بتقول ان العريس يشيل عروسته وهما داخلين بيتهم …
ماسه ابتسمت وحمزه دخل بماسه بقدمه اليمني وهو كان ينظر اليها وبعد ذالك نزلها …ونظرت ماسه الي الفيلا وكانت منبهره بجمالها. .
حمزه بخبث قالت : نورتي بيتك يا عروسه …
ماسه بخجل : شكرا
حمزه قال : انا اللي المفروض اشكرك علي غبائك
ماسه قالت : نعم غباء اي
حمزه ضحك بخبث و قال : اهلا بيكي بجحيم حمزه القيصري
ماسه نظرت له وقالت له : نعم انت بتقول اي .
حمزه ضحك بكره وقال : مش بقول غبيه …احب اعرفك يا ماسه جاسر الحديدي….اني مبحبكيش وكل اللي كنت بعمله ده كان تمثيليه وشو عشان اوصل اللحظه اللي احنا فيها دلوقتي ….
وكمل بنبره كره : انا بكرهك ياماسه و بكره اليوم اللي شوفتك فيه …
ماسه قربت منه بصدمه ثم رفعت يدها علي وجنته ..
و قالت بصدمه : حمزه انت بتقول اي …انت عارف بتقول اي انا ماسه يا حمزه حبيبتك اكيد ده مقلب بتعمله فيا صح
حمزه ضحك ثم نظر لها بعيون كره وغضب زقها بقوه لدرجه كانت هتقع ..ثم قرب عليها ومسك ذراعها بقوه وضغط عليه وقال : متنطقيش اسمي مره تاني …متكرهنيش في سامعه … ومش صح انا فعلا كنت بمثل عليكي اني العاشق الهلوان عشان بس اوجعك يا ماسه زي ما النمر اللي هو ابوكي وجع امي هعيشك طول عمرك موجوعه وهدفعك التمن وهخليكي تحسي بكل حاجه امي عاشته وحست بي ودلوقتي حابب أرحب بيكي واعرفك علي شخصيه حمزه القيصري الحقيقة…
ماسه كانت مصدومه ولم تصدق التي بتسمعه فجاءه صرخت عندما حمزه صفعها قلم بقوه ووقعت في الارض من قوته …حتي نزف فمها …
ماسه وضعت يده علي وجهها مكان الصفعه وفمها …
وقالت : انت اتجننت …انت بتضربيني…
حمزه بغضب : هو انتي لسه شوفتي ضرب ….
ماسه قامت وقالت : انا هدفعك اللي انت عملته ده كويس جدا انا هروح دلوقتي لبابا وهخلي يعرف اللي انت عملته فيا وشوف بقي علي اللي هيحصل فيك .
ثم كانت ذاهبه لاكن صرخت مره اخري بسبب قبضه يد حمزه علي شعرها وجذبها …
حمزه : مش انا اللي بتهدد انتي اللي هتتهددي يا حلوه …وانتي بردو اللي هتتدفعي تمن ابوكي اللي عمله في امي ..
ماسه بصراخ : عمل اي بابا استحاله يأذي وله يوجع حد
حمزه صرخ : لا وجع واذي امي عاشت طول عمرها موجوعه بسبب ابوكي ….وتعالي انا هثبتلك كلامي وهوريكي ..
جذبها من يدها بقوه وتوجهوه الي الدرج كان يجذب ماسه بقوه ..
ماسه : براحه شويه انت بتوجعني.
وهم طالعين علي الدرج ماسه رجلها اتلوت ووقعت …
ماسه بوجع : آآآآآآه رجلي …اممم
حمزه نظر لها ثم حملها بقوه بين يديه …
ماسه : نزلني انا بقدر امشي ..
حمزه لم يسمع كلامها ومازال حاملها ووصلوا الي الغرفه ودخل بيها ثم رماها عالسرير بقوه …
ماسه بألم : آآآآآآه حاسب يا غبي …
حمزه نظر لها نظره مريبه ثم توجه الي غرفه اخري واحضر مذكرات والدته والبوم صور ثم دخل مره اخري الي الغرفه الخاصه لهم …
حمزه قرب علي ماسه ثم رمي المذكرات في وجهها ..
وقال بصراخ : اتفضلي اقرأي دي مذكرات امي …شوفي كاتبه اي …
ماسه نظرت له ثم فتحت المذكرات بيدها المرتجفه وفتحت علي صفحه مكتوب فيها …
“اليوم سأتزوج يا جاسر. أجبرتني أمي لكن لا تقلق يا حبيبي لن أسمح له بالتقرب مني… لن أكون مع أحد غيرك… أنت حبي الأول والاخير… أعرف أنك أنت لا تحب هذه المرأة الغبية زوجتك غرام ، انا بعرف انك أنت تحبني انا ، لماذا، ياجاسر ، لماذا جرحتني هكذا ؟ لماذا لم توفي بوعدك لي؟ لقد وعدتني أنك ستتزوجني…لماذا ضحكت علي؟ أحبك كثيرًا يا حبيبي، وسأنتظرك لتأتي وتأخذني وتتزوجني ”
ماسه اتصدمت من هذا الكلام هل معقول كلام حمزه يكون صح والدها اذي امه وجرحها وكمان وعدها بالزواج منه لم تصدق ماسه ….نزلت دموعها بشده …
وحمزه قال بوجع : كانت كل يوم تكتب كل حاجه بتحصل معاها عاشت طول عمرها عايشه علي امل ان ابوكي الحقير يجي وياخدها ويتجوزها ….كنت بشوف دايما دموعها متفرقش وشها دايما كانت حزينه …وكمان بابا كان حزين عليها حاول كتير ان ينسيها ابوكي وانه يخليها تحبه زي ما هو بيحبها معرفش ….كان دايما بتفكر في ابوكي ليل نهار …وصورته مش بتفارقها كانت محتفظه بكل صورو معاها او لوحده …..
وكمل بصراخ وبكاء : ابوكي دمر حياة ماما وبابا وكل عيلتي…وشوفي الصوره دي كلنا كنا مبسوطين وهي عنيها كلها حزن والم وجع ودمار …
ماسه نظرت له ثم رأت تلك الصوره كانت ساندي وزوجها وحمزه وابنتها ساره ..
حمزه مسح دموعه ثم توجه لماسه وجذبها بقوه وضغط علي ذراعها ثم صرخ عليها وقال : تعرفي ان جالها المرض الوحش …بسببه هو مرضيتش تتعالج وماتت بوجعها وحزنها وابوكي عايش حياته عادي مع مراته وولاده اللي بيحبوهم …انتو لما كنتوا عايشين وفرحانين ومرتاحين ….انا واختي كنا منهارين علي فراق أمنا…عارفه يعني اي طفل عنده ٨ سنين يفقد امه ويعيش طول عمره مفتقدها ونفسه ترجع لو مره واحده يحضنها وبعدها تروح ….اقسم بالله لهندمه علي كل الوجع اللي عاشته امي ….وهدفعك التمن يا ماسه انتي هتدفعي تمن ابوكي سامعه ….مش هرحمك هوجعك وهخليكي طول عمرك عايشه في حزن والدموع مش هتفارق وشك …ثم زقها بقوه علي السرير …ثم توجه الي غرفه الملابس وفتح الخزانه واخذ منه قميص نوم لونه اسود …
ثم توجه الي ماسه وحدف القميص في وجهها …
ومسك فكها بقوه وقال : شايفه لون القميص ده انا هخلي حياتك تبقي لونه هخلي حياتك كلها سوده …ثم بعد وترك فكها بقوه وماسه اتوجعت…
وكمل بنبره كره : عشر دقايق تكوني لابستي القميص ده …لو دخلت بعد العشر دقايق متلوميش غير نفسك سامعه.
ماسه لم ترد عليه ..اتعصب عندما تجاهلته …
ثم مسك الفاظه غاليه الثمن ماسكها وكسرها بقوه
ثم توجه له وصرخ في ووجهه : لما اكلمك تردي عليا …انا مبحبش أكرر كلامي .. هدخل بعد العشر دقايق لو لاقتك لسه بالفستان انا اللي هقلعك بنفسي والبسك القميص انتي حره …سمعاني ..
ماسه ببكاء وكانت ترتجف بشده : حححاضر هلبسه …
خرج حمزه وقفل الباب خلفه بقوه وماسه اتفزعت وصار جسمها كله يرتجف بالخوف …لم تتوقع ان هذا الليله التي كانت تحلم بها تكون كابوس بالنسبه لها كانت فرحانه ومبسوطه ان وأخير هتصير زوجة حمزه رسمي لاكن لم تعرف ان كانت بالنسبه له وسيله انتقام كان عاوز يحصل عليها فقط لأجل ان ينتقم من ابوها …
ماسه ببكاء : انا مش مصدقه اللي بيحصل اكيد انا في كابوس وهصحي منه …معقول بابا يكون فعلا وجع واذي امه لااااا استحاله بابا طول عمره محبش وله وعد حد بالجواز غير ماما …انا استحاله اصدق اللي قاله …يارب هو انا عملت اي بس عشان يجري ليا كده استغفر الله العظيم واتوب إليه …يارب ساعدني واحميني منه ..
ثم كانت قامت واول ما دعست قدمها اليمني علي الارض اتوجعت وقالت : آآآآآآه شكل رجلي اتمزقت اوووف…. ..
ثم ذهبت وهي تسند علي الحائط وكانت قدمها تألمها كثيرا …وصلت الي الغرفه الملابس لتبدل الفستان ..
(ملحوظه حبه أوضح حاجه المذكرات اللي حمزه وراها لماسه مش ساندي اللي كاتبها…فيروز هي اللي كاتبها وضحكت علي حمزه وقالت لي أن ساندي كاتبها عشان تثبت كلامها …ياويل فيروز لما حمزه يعرف الحقيقه🙆🏻‍♀️😂 ياويل حمزه لما النمر يعرف باللي عمله في بنته😂🫠
ارجوكم ادعموني لان الروايه هتبدأ تحلو الي فات حماده واللي جاي حماده تاني خالص🙅🏻‍♀️♥️ )
نرجع نكمل …
🤎🤎🤎🤎🤎🤎🤎🤎🤎🤎🤎🤎🤎🤎🤎🤎
في قصر النمر في غرفه غرام وجاسر …كانت غرام بدلت فستانها وهكذا جاسر بدل ملابسه ..
وكان جاسر واقف امام الشرفه وشكله كان قلقان ..
غرام كانت جالسه علي كرسي امام التسريحه وتمشط شعرها ..
وقال : مالك يا جاسر واقف كدا ليه….تعرف كان يوم حلو اوي بس متعب ..انا مش مصدقه ان خلاص كبرنا وولادنا بدأؤا يتجوزوا ..
كان جاسر لم يسمع اي كلامه من الذي قالته غرام..
غرام توجهت له ثم وضعت يدها علي ذراعه وجاسر شعر بها والتفت اليها ..
غرام : جاسر
جاسر : نعم .
غرام : مالك انا بقالي شويه بكلمك وانت وله هنا. .
جاسر اخذ نفس ثم قال : حاسس اني احنا اتسرعنا بجوازه ماسه وحمزه …احنا بردو منعرفش عنه حاجه اوي اه انا سألت علي كويس وعرفت انه كويس وطموح وبيحب عائلته بس انا قلبي مش مطمن حاسس ان بنتي مش كويسه ..
غرام نظرت له ثم مسكت ذراعه وجذبته الي السرير ..
وجلس جاسر علي السرير وغرام جلست بجواره ..
غرام : انا فاهمه اللي انت حاسس بي طبيعي يا حبيبي تحس بي عشان دي اول مره تسيب البيت وتمشي …وبعدين يا حبيبي متخافش انا واثقه ان حمزه راجل كويس وبيحب بنتك وكمان بيكون صاحب اسد المقرب …متقلقش الصبح هنروح ليهم وهثبت ليك كلامي ان قد اي ماسه كويسه وفرحانه وان حمزه بيحبها…
جاسر نظر لها وقال بغيره : بس متقوليش بيحبها. انا محدش بيحب بنتي اكتر مني ..
غرام : ماشي يا غيور انا هقوم اشوف اوس لان عاوزه في موضوع وانت حاول تهدي وتبطل تفكير واقوم صلي ركعتين لله يمكن ترتاح …
جاسر ابتسم لها : ماشي بقلك ..
غرام : نعم. ..
جاسر ببراءه : هو احنا مينفعش نروح لماسه دلوقتي …يعني من حقي اطمن علي بنتي ..
غرام : ياررب صبرني …انا قايمه ..
ذهبت غرام الي غرفه اوس وجاسر قام ودخل الي المرحاض واتوضي ووضع سجاده الصلاة وبدأ يصلي بخشوع ويدعي لابنته انها تكون بخير وان القلق الذي عنده يذهب ويطئمن علي ماسه …
غرام دخلت غرفه اوس رأته كان بيصلي جلست غرام علي السرير ونظرت الي اوس وابتسمت ..خلص اوس صلاته ..
ثم قالت غرام : ماشاءالله ده احنا اتغيرنا خالص وبقينا نصلي …
اوس نظر لها وقال بابتسامه: الحمدلله…
قامت غرام ووقفت امامه وقالت : ايوه كده هو ده اوس ابني مبسوطه بتغيرك اتمني منرجعش تاني خطوه لورا بعد ما اتقدمنا ..
اوس : حاضر هو حضرتك كنتي عاوزه حاجه .
غرام : اتفضل الكريدت كارت بتاعتك ومفتاح عربيتك …انا قررت ارجع ليك كل حاجه بس عارف يا اوس لو حسيت انك رجعت زي الاول هعمل فيك اي .
اوس : لا مش هرجع انا عرفت غلطي وعرفت قد اي ان مينفعش اللي انا عملته …اوعدك يا ماما ان مرجعش زي الاول …
غرام : لما نشوف …تصبح على خير…
اوس : وانتي من اهله …
كانت ذاهبه غرام لاكن اوس نادي عليها ..
اوس : ماما …
غرام التفتت وقالت : نعم
اوس ركض نحوها وارتمي في حضنها ثم قال : انا بحبك اوي يا ماما ..
غرام بادلته الحضن ثم بعدته ووضعت يده علي وجنته
وقالت : وانا كمان بحبك يا قلب ماما يلا روح نام ..
غرام خرجت من غرفتها ثم توجهت الي غرفه اسر لتطمئن عليه رأته كان نائم وجسده متعري ولم يتغطي خافت عليه ليبرد من التكيف الذي مشغله توجهت واخذ غطاء و غطته ثم قبلت جبينه وخرجت …
وتوجهت غرفه همس وعشق واتطمئنت عليهم هما الاخر …
🤎🤎🤎🤎🤎🤎🤎🤎🤎🤎🤎🤎🤎🤎🤎🤎
عند اسد وحور كان اسد بدل ملابسه وبيحضر العشاء 🍽 ليأكلون مع بعضهم وكان اسد منتظر خروج حور..
وبعد دقائق خرجت حور وكانت ترتدي بيجامه ستان بالروب …وكانت جميله توجهت الي اسد وكان يضع الأطباق علي السفره ..عندما نظر اليها سرح في جمالها ..
حور قربت عليه بخجل وقالت : انت حضرت العشاء ..
اسد قال بحب : اي الجمال ده ..
حور نظرت في الارض بخجل وقالت : شكرا
اسد : تعالي يلا قعدي عشان ناكل اليوم كان متعب وطويل اوي ..
حور : اه فعلا ..
حور جلست علي الكرسي ثم بدأت تأكل …وبعد ذالك سرحت فجاءه…واسد لاحظهها انها شارده …
قال اسد : حور مالك سرحانه في اي …
حور قالت بحزن : اول مره يوسف يبقي بعيد عني …قلقانه عليه بس ..
اسد وضع يده علي يده وقال : متقلقيش يا حبيبتي زمانه دلوقتي نايم وان شاء الله بعد مانرجع من السفر هنجيبيه يعيش معانا ….احنا لو مكناش هنسافر بكره كنا جبنا يقعد معانا .. …
حور ابتسمت وقالت : ربنا يخليك ليا يا اسد …
اسد قال : ويخليكي ليا يا ست البنات 🌎💞
حور نظرت له بخجل ثم قالت : اسد هو احنا صحيح هنسافر فين ..
اسد بغمزه : خليها مفاجأة..
حور : لا انا عاوزه اعرف…
اسد : سيبك دلوقتي من السفر وهنروح فين انا هعملك مفاجأة هتفرحك ..
حور بفضول قالت : اي ..
اسد قام وقال : ثواني هدخل هجبها واجي ..
دخل اسد الي غرفه واخذ شئ وخرج وتوجه الي حور …
اسد : قال غمضي عينك …
حور قالت : حاضر ..
حور غمضت عيونها ثم قال اسد : يلا فتحي ..
حور قالت بعد ما فتحت : اي ده يا اسد ..
اسد بحب : زي ما انتي شايفه كارنيه جامعه …انا قدمت ليكي في كليه تجاره يا حور عشان تكملي تعليمك وكمان هتكوني مع اختي همس …
حور بفرحه : انت بتتكلم بجد ..
اسد بمزح : لا بهزر …اكيد يعني بتكلم بجد …
حور : طب روحت وقدمت امتي وبعدين خلاص اكيد التقديمات قفلت ده امتحانات الفصل الدراسي الأول تقريبا قربت ..
اسد بغرور : يا حبيبتي انا بكون اسد الحديدي اللي انا عاوزه بعمله…..هو فعلا فاضل حوالي شهرين والامتحانات هتبدأ بس انا واثق فيكي يا حور انك هتقدرى تلحقي تلمي وتذاكري كويس في الشهرين دول وانا هساعدك …
حور ابتسمت ثم قامت وعنقته بحب واسد بادلها الحضن ثم بعدت حور بخجل …
وقالت : بجد شكرا علي كل حاجه عملتها عشاني حقيقي مش عارفه اقول اي …
اسد : بطلي تشكريني بقي انا جوزك وانتي دلوقتي مسؤله عني وكل اللي انتي عاوزه انا هعمله …يلا بقي قومي ساعديني نشيل الأطباق دي وننام عشان بكره ورانا طياره ومش عاوزين نتأخر ..
حور بصدمه : طياره …هو احنا هنروح فين بظبط اوعي تقولي أن هنسافر بره مصر.
اسد : اه هنسافر بره مصر …فكري بقي ممكن نروح فين.
حور : يووو يا اسد ماتقولي بقي هي فزوره..
اسد بضحك : اه فزوره …
قاموا واخذوا الأطباق من علي السفره ودخلوا الي المطبخ ثم ساعدوا بعض في ترتيبه وبعد ذالك ذهبوا ليناموا …
🤎🤎🤎🤎🤎🤎🤎🤎🤎🤎🤎🤎🤎🤎🤎🤎
عند حمزه وماسه كانت ماسه جهزت حالها وعدة العشر دقايق وماسه لم تخرج وكان حمزه جالس علي مقعد موجود في الغرفه وكان متعصب ووجه لم يبشر بالخير عيونه كانت حمرا …قام وتوجه الي غرفه الملابس ولسه هيفتح الباب كانت ماسه فتحته واتفزعت عندما رأته في وجهها …
حمزه اتصدم من جمال ماسه بالقميص كانت فاتنه للغايه
قال ببرود : اتأخرتي دقيقه …
ماسه لم ترد وكنت تنظر فقط علي الارض …
حمزه ابتسم بخبث وقرب عليها ومسك خصرها ..
وقال : شكلك حلو اوي بال…
قاطع كلامه لان ماسه زقته بقوه ثم ذهبت وكانت تعرج توجهت الي السرير وجلست عليه …حمزه نظر علي رجلها ولاحظ انها تعرج …ابتسم ثم وضع يده في جيبه
وقال : مال رجلك اووووه اوعي تقولي ان اتكسرت مش تاخدي بالك يا حبيبتي ينفع كدا من اول يوم جواز تكسري رجلك …
ماسه نظرت له بغضب ثم نظرت الي الارض …
حمزه قرب ونزل الي مستوي السرير ومسك قدم ماسه بقوه واتألمت …
وقال بمكر : وريني كده اشوفها …
ماسه بصراخ : آآآآآآه رجلي انت بتضغط عليها …
حمزه ابتسم وضغط اكتر بقوه وصرخت ماسه وبكت …
وقالت ببكاء : ارجوك سيبني رجلي بتوجعني …حمزه ارجوك …
ترك حمزه قدمها بقوه وهي وضعت يدها عليها وكانت تألمها بشده بسبب ضغط حمزه واحمرت جدا …
حمزه وقف وقال : ودلوقتي يا حلوه عندك اختيارين يا تدفعي تمن ابوكي الحقير يأما ان اقتله واشرب من دمه …
ماسه اتصدمت وبرقت عندما قال هذه الجمله …
ماسه وقفت وقالت بصدمه : تقتله
حمزه : اه اقتله واخد طاري هو اذي امي وتسبب في موتها وبابا بسبب حزنه علي امي صار عاجز وقاعد علي كرسي وبقي مكسور …. بايدك القرار يأما تنقذي حالك …يأما تنقذي ابوكي مني عشان مش هرحمه ..
ماسه نظرت له وبكت بشده وقالت : هيجي يوم وتندم يا حمزه علي كل حاجه وهتندم علي اللي انت بتعمله …
ثم كملت : و موافقه اني ادفع تمن بابا حته لو هتموتني انا …موافقه اني احمي منك عشان انا متأكده ان بابا معملش حاجه …
ثم جلست علي سرير وبكت بشده ووضعت يدها علي وجهها…
حمزه ابتسم وقال : حلو كنت متأكد ان ابوكي غالي عليكي …لو عرفت لحظه ان ابوكي عرف باللي بيحصل بينا متلوميش غير نفسك…احنا قدامهم اتنين بيحبوا ويعشقوا بعض سامعه …بكره لما يجوا هقول ان احنا هنسافر علي المانيا بحجه بابا هيدخل يعمل عمليه فأنتي واجب عليكي تكوني جمب جوزك سامعه يا حلوه ..
ماسه قام ووقفت وامامه ثم صرخت في وجهه : انت استحاله تكون انسان …انا بجد قرفت منك وكل ما افتكر ان انا مراتك واسمي مكتوب جمب اسمك بحس اني قرفانه …
حمزه نظر لها نظره جوهريه ثم مسكها من خصرها بقوه
وقال بخبث : اتصدقي اكتر حاجه شدتني ليكي هيا شجاعتك وقوتك …قولتي إني هندم هنشوف يا ماسه حمزه القيصري…بتقرفي هااا بعد كدا مش هنده غير بالاسم ده …
ماسه بدأت تشعر ان علي وشك ان تفقد وعيها حاولت بعده وقالت بتعب : ابعد انت بتوجعني …
حمزه نظر في عيونها : انتي لسه شوفتي وجع …
حمزه نظر الي شفتيها ثم كان هيقرب فجاءه لاحظ رأس ماسه بتميل …كانت هتقع لكن حمزه حاملها بسرعه …
ونظر لها ثم قال : ماسه ..
لم تجاوب لان ماسه كانت فقدت الوعي …. ذهب حمزه الي السرير ووضع ماسه عليه …وبدأ يحاول يفوقها ثم سرح الي وجهها البرئ ونظر الي دموعها التي كانت بتنزل سيول علي وجهها.
غمض عيونه بقوه ولام حاله ثم مسح دموعها بيده ..وملس علي وجهها
وقال بلهفه : ماسه فوقي مااسه …..