رواية زوجتي الجريئه الفصل الثاني 2 بقلم منة محمد
رواية زوجتي الجريئه الجزء الثاني
رواية زوجتي الجريئه البارت الثاني
رواية زوجتي الجريئه الحلقة الثانية
في النادي بيجروا لحد ما نفسهم حرفيا اتقطع ووقفوا يستردوه
ريشه: عارف حاسه اني بحلم نفس الي حصل من سنه لما كنت معايا بتشاركني كل حاجه امجد انت افضل صديق مش كده
امجد إبتسم : بلاش تقولي احنا مجرد بيست فريند قولي وحشتني كتير
ريشه بدلته الابتسامه الواسعه : وحشتني كتير اكدب يعني وبعدين هو انا موحشتكش
امجد: ازاي يعني موحشتنيش وحشتيني كتير كتير
ريشه ضحكت بصوت عالي وقالت: وايه الي خلاك تقعد في القاهره فتره طويله مين يهتم بشركتك في المانيا
امجد: ياستي مفيش مشكله انا هنا لمده شهر لاني جاي اتعامل مع فرع هنا غير كدة ابن عمي ماسك ادراه المقر هناك هو شاطر حتي اشطر مني
ريشه لعبت حواجبها بمرح: اكيد وسيم عنك مش كده
امجد:كده
ريشه: امجد خليك معايا بحس بالملل لما متكونش جنبي
امجد: انا جنبك بس ع الله متزهقيش مني والموضوع هيبقي اسهل لو دخلنا في علاقه
ريشه: علاقه(ضحكت) انت قلت علاقه تمام بما انك ع اتم استعداد تخليني معاك تعال نرجع ايام الشقاوه ونتفرج ع افلام نعمل شوبنج نلف الدنيا نتفسح ها حلو كده
امجد: انا تحت امرك يا اميرتي وهتكوني معايا في منتهي السعاده لكن بشرط اهزميني في السباق وبعدها اخدك ع طول
ريشه: مسابقه يس
امجد: خليني اعد واحد اتنين
ريشه جريت قبل ما يقول تلاته امجد صرخ وطلع يجري وراها
……………………….
علي البحر
وجدي: احنا نستني السمكه تاكل الطعم ها حبيتي الصيد
ريشه: طبعا دي اكتر لحظه بحبها في حياتي اشوف البحر واصطاد مع الراجل الي بحبه جدا
وجدي ابتسملها: عارفه انا مبسوط اني شايفك سعيده وكلك حيويه
ريشه: عشان فكرت كويس يا بابي وقلت ربنا بياخد مننا الي مكناش متوقعين ضياعه وبيدينا الي مكناش نتوقع اننا نملكه ازاي اسخط وهو اخد مني الي يملكه هو اصلا وبعدها الكوابيس مبقتش تزعجني معني كده اني خفيت وبقيت كويسه
وجدي: الحمد لله انا مرتاح وانا بسمعك بتقولي كده لكن اياك تهملي في العلاج سامعه اظن شايفه وضع امك قلقانه جدا عليكي
ريشه بمرح: ان شاء الله هحاول غير كده امجد معايا دايما
وجدي: بمناسبه الكلام عن امجد انا وافقت يكون معاكي و لو عايزه تتجوزيه انا معنديش مانع
ريشه قفلت وشها: بابي امجد افضل صديق عندي ليه الكل معتقد ان فيه بينا علاقه حب
وجدي: اوكيه فهمت ان انا غلطان طيب فيه حد تاني
ريشه: لو فيه حد كنا اتجوزنا يا جوجو
وجدي بضحكه: معني كده معندكيش حبيب يبقي ممكن تتجوزي امجد
ريشه:تاني يا بابي احنا مجرد بيست فريند وبس ده انا ساعات بشوفه اخويا
وجدي رفع حاجب: بجد
ريشه: ايوه انا زهقت مفيش ولا سمكه بابي هقوم اتمشي
وجدي: قومي
ريشه قامت تتتمشي ع الشط وهي رافعه الموبيل وبتاخد سلفي وهي بتطلع لسانها ومروه واحده اتخبطت في حد
يحيي قام بغضب: ايه عاميه
ريشه بصتله واتجمدت مكانها هو حرك ايده قدامها: انا بكلمك وبسألك انتي عاميه وشكلك طرشه ابعدي
ريشه واقفه ونفسها تاخده بالحضن مش مصدقه ان حبيبها وفارس احلامها واقف قدامها
يحيي لف وبصلها بغيظ: ليه لسه واقفه عندك امشي
ريشه ابتسمت ومشت وهو ضرب كف بالتاني
…………………………
في الكافيه
يحيي: حبيبتي هو انتي بجد بتحبيني
توتا: ايوه يا يحيي
يحيي: تمام لو كده ايه رايك نتجوز الشهر الجاي ولا اقولك خليها الاسبوع الجاي
توتا اتحركت بنزعاج: استني استني بتهزر احنا بنتكلم عن جواز صح مينفعش يتم بالسرعه دي
يحي كشر بستياء : توتا انا بتكلم جد انا قلقان ان اهلي يدبسوني في واحده تانيه
توتا: يا حبيبي متقلقش هما بيخوفوك وبس لانهم عايزينك تقلق وتخاف وتتجوز بسرعه دي كل الحكايه
يحيي : يبقي فين الغلط لو خوفت ولا قلقت وبعدين احنا مشاعرنا متبادله
توتا: حبيبي اسمع شغلي وشغلك مختلفين تماما انت رئيس تنفيذي ممكن تأمر الموظفين ينفذوا شغلهم اما انا مجرد مساعده بعقد وعارف قد ايه نفسي اوصل وابقي متثبته عشان كده مش عايزه اتكلم عن الجواز والمسؤليه
يحيي بضيق: توتا انا قلقان اهلي يورطوني ياتري فاهمه
توتا: انا فاهمه يايحيي بجد فاهمه جدا بس ممكن تديني شويه وقت انا بحاول احقق كريري وابني نفسي ومستقبلي دلوقت , لكن لو اتجوزت هتأخر كتير افرض حملت هرجع الصبح لشهور ازاي اقدر اشتغل
يحيي اتعصب من أسلوبها : فهمت انتي مش بتحبيني نفس ما بحبك
توتا: يحيي انا بجد بحبك وصادقه في حبي ليك
يحيي: لو اتجوزت غيرك هتزعلي
توتا: مين دي الي تتجرء وتخطفك مني انت حبيب توتا وبس لو قربت منك هخرطها حتت وارميها للبط اوعدك افضل معاك
يحي: بجد توعديني
توتا : اوعدك
…………………………
في النادي بعد الجري امجد راح قعد ع كرسي ورشا قعدت بعيد عنه
ريشه بتنهج : لاء يا عم ياخرابي تعبت
امجد ماسك بطنه من كتر التعب: انا موت تعالي اقعدي جنبي
ريشه: منا قاعده اهو
امجد: لا هنا لان عندي مفاجأه ليكي اقفلي عنيكي
ريشه بصتله شويه وقفلت عيونها
امجد: رغم ان الهديه مش كبيره الا انها غاليه جدا يله فتحي
ريشه فتحت واخدت العلبه وفتحتها وضحكت: منديل انا عندي كتير في العربيه
امجد مبتسم : بس انتي بتحبي الحاجات الي زي دي وبعدين ده خاص لان مكتوب عليه اسامينا
ريشه : حبيته ثانكيو
امجد: ها قبلتي حبي ليكي
ريشه بصتله : ايوه قبلته عايز ايه كمان
امجد: بصلها بنظره كلها حب وقال: قصدي تقبلي حبي الي بجد لاني لو حبيت واحده هحبها من كل قلبي ولو بقت مراتي هتكون محظوظه جدا
ريشه بتضربه ع ظهره : اوكيه قوم دور ع مراتك ولا عاوزني اشوفلك واحده
امجد: وليه تلفي عليها وهي قاعده قدامي مباشر
ريشه توهت الموضوع وقالت: اوكيه لو عايز اني ارضي بيك لازم تهزمني الاول
امجد كشر لما جريت وقلبتها هزار ورجعت اخدت العلبه وكملت جري
………………………….
خديجه: اظن اسبوعين كانوا كافين تفكر في الموضوع
يحيي: وانا متمسك بقراري
خديجه بغيظ: لو سمع ابوك كلامك امرك هينتهي متتكلمش وكأنك مش عارف طبعه هو عايز واحده متربيه
يحيي : يا ماما البنات كلهم بيمثلوا انهم مثالين ومتربين
علام نزل من ع السلم وبحزم: يحيي هي فعلا بنت متربيه
يحيي: لاء ثانيه محتاج افهم انتم ليه شاغلين بالكم تجوزوني منا كنت كويس كده
خديجه: احنا عايزين مصلحتك ومن حقنا نختارلك الافضل وبصراحه توتا دي متستهلش تبقي مراتك انت مش مراهق هتحب قطه المفروض لحياتك هدف
يحيي كتم غيظه وبهدوء: ماما انا بحب توتا بعشقها وعندي هدف اتجوزها بس مش دلوقت
علام بتهكم: امتي بعد خمستاشر سنه توتا دي لو بتحبك تقدر تقولي قدمتلك ايه , انت بس الي بتجري وراها والوضع ده مش هينتهي ابدا وانت عمال تتني رقبتك وحابب تعيش الحاله دي انا مش غلط
يحيي بنبره منفعله : انا بحبها افهموه ازاي ابعدها عن حياتي يا بابا
خديجه: انا عايزك تنساها خالص
يحيي هز دماغه بنفي : قلت لاء مستحيل انساها
علام بصرامه : يحيي يا ابن علام انت هتبعد عنها تماما وده اخر كلام عندي
…………………..قصص منه محمد كاتب………………….
في غرفه ريشه
دلال بصتلها بغيظ: هو انا لسه هعيد تاني جيالك عريس
ريشه: استني هما كانوا بيسألو بس مش كده
دلال: ايوه وقلت امجد صديقك المفضل وبس واحنا موافقين عليه وابوكي مستني قرارك
ريشه: يا ربي يا مامي قلت لك مش عايزه اتجوز روحي قوللهم ريشه مستنيه حبها الاول خلصنا
دلال: انتي حتي مشفتهوش بصي الاول مين عارف يمكن تقعي في دباديبه شوفي
ريشه بعدت الهاتف ومدت البوز شبرين
دلال حطته قدامها: يابنتي بصي
ريشه لفت عيونها واول ما شافته اغمي عليها وحطت دماغها ع صدر امها
دلال ضحكت: رشا خلاص هقولهم انك مش موافقه واقولهم يدوره لـ ابنهم ع واحده تانيه
ريشه فاقت: استني يعني جوز بنتك هو يحيي علام عز الدين
دلال بأبتسامه: اه ها موافقه
ريشه بسعاده: يا مامي انا مش موافقه بس ده انا دوبت في دباديبه وقلبي مشعلل بلهيبه
دلال بفرحه: بجد
ريشه: ايوه موافقه
دلال: الحمد لله لما اقوم بقي اطمن ابوكي
ريشه بينها وبين نفسها: معقول يا يحيي انت اول راجل احبه واعشقه وهفضل احبه لحد ما يقف نبض قلبي
…………………..قصص منه محمد كاتب………………..
وجدي : ها طمنيني وافقت
دلال بضحكه: الحمد لله وافقت
وجدي : يعني خططي نجحت
دلال : ايوه لما عرضت عليها صورته اغمي عليها ع طول
وجدي ابتسم و قال : انا فرحان اخيرا وافقت
دلال : بس انا مستغربه رشا قالت امجد مجرد صديق واتضح انها بتحب حد تاني
وجدي: وياتري امجد زيها معتبرها صديقته المفضله
دلال : انا مش متاكده من كده بس شايفه بنتي بتتنمر عليه دايما ورغم كده بتاخده معاها كل مكان
وجدي : خلاص سيبي رشا تشرحله كل حاجه
دلال : بس انا قلقانه ياوجدي خايفه تكون رشا هي الوحيده المتحمسه ومنعرفش يحيي موافق عليها ولا لاء
وجدي: سيبي الامر كله لله وبكره هعرف من ابوه مش عايز بنتنا تعاني تاني بس انتي عرفتي ازاي انها اول ماتشوف صوره يحيي هتوافق
دلال طلعت من وري دهرها اجنده: بص انا شوفت ايه في مذكراتها
وجدي بحماس :وريني اشوف
ريشه بصوت عالي : مامي يا مامي
دلال بسرعه قامت وحطت الاجنده تحتها وقعدت عليها وردت : تعالي يا ريشه
ريشه :كنت عايزه اسالك عن حاجه شوفتي دفتر مذكراتي القديمه دورت عليها في كل مكان ملقتهاش
دلال ضمت حواجبها :مذكراتك
ريشه: ايوة
دلال: اي مذكرات انتي عندك دفاتير كتير
ريشه: يا مامي مذكراتي لما كنت في الجامعه
دلال :مشفتهاش لو لقيتها هقولك
وجدي بخبث: ليه بتدوري عنها فجاه
ريشه لعبت حواجبها بشقاوه: ده سر يا جوجو
…………………
في الشركه واقف ع جنب ومكشر جدا
حاتم قرب منه: شايل طاجن ستك ليه وباصص في الارض مشكله مع ابوك وامك ومتحلتش
يحيي: مش عارف يا حاتم انا حتي مش عايز اهتم
حاتم: وهتجني ايه من معارضتكم ولا حاجه مش كده ارجع البيت واتكلم معاهم ولو مقدرتش تقنعهم اسمع كلامهم
يحيي بنرفزه: الكلام سهل انا الي بواجهه كل ده مش انت
حاتم: اهدء وبعدين دي مجرد جوازه
يحيي: مجرد جوازه
حاتم: اه مش مشكله كبيره يعني
يحيي اتك ع اسنانه بغيظ و قال : يابني افهم ده جواز تخيل نفسك مكاني وتلاقي نفسك مجبر ع الجواز من واحده تانيه هتكون سعيد وانت مجبر تسيب حبيبتك الي حبيتها سبع سنين هتنساها قولي
حاتم: يحيي اظن قولت لك قبل كده انت معندكش شخصيه ولا حتي شجاع لو كنت قادر تحكم ع ست توتا كانت اتجوزتك وكانت اتحلت المشكله
يحيي طلع من الشركه متعصب وراحلها مكان شغلها ينهي وياخد قرار لحيرته لقاها نازله السلم
توتا وشها اتاخد: يحيي بتعمل ايه هنا وليه جيت من غير ما تتصل بيا الاول
يحيي بنرفزه شديده : متصلتش بيكي شوفي موبيلك وشوفي انا كام مره اتصلت بيكي انا زهقت من الطريقه دي مبقتش عجباني لابتردي ع مكالماتي ولا بتبعتيلي رساله ابدا ممكن تغيري كل ده
توتا: تمام تمام يايحيي انا اسفه جدا انت عارف اني مشغوله ومعنديش حتي وقت ابص في تلفوني
يحيي: خلصتي شغلك دلوقت مش كده ( شدها من ايدها) تعالي معايا تقابلي امي وابويا
توتا فكت ايدها منه : انت واخدني ع فين وليه اقابلهم
يحيي لف وبصلها: اشرحلهم انك جاده معايا وعايزه تتجوزيني بس مش مستعده حاليا امر سهل ممكن تعمليه
توتا برتباك: حاضر هقابلهم بس من النهارده ومش بكره ولا حتي بعد بكره انا مشغوله الاسبوع كله ورايا شغل متلتل وانا مش بحب انانيتك يايحيي
يحيي: انا اناني ولا انتي الي انانيه
توتا: لاء انت تصرفاتك فيها انانيه انا كمان مشغوله زيك ولازم اهلك يفهموا روح اشرحلهم ان انا بنت ببني مستقبل لينا
يحيي: توتا الموضوع انا
توتا قطعته بتعصب: اسكت مش عايزه اسمع اي حاجه منك انا عندي اجتماع مع رئيسي في البيت هتصل بيك بعدين
توتا مشت ودخلت عماره وهي ماسكه الموبيل وبتلف حواليها
مراد ظهر: هالو
توتا اتخضت وبصتله وبعدين قالت: سوري جدا اتأخرت
مراد ابتسم ولف ايده ع كتفها: منا نزلت اشوفك
توتا: كان عندي شغل لسه مخلصاه وقلت لك استناني في الكافيه
مراد باس شفايفها بسرعه وابتسم : اعمل ايه وحشاني بقالك اسبوعين ومش عارف اتلم عليكي
توتا: تمام تعال نطلع
مراد مسكها من وسطها وقربها ناحيته وغمز : يله وحشاني اوي
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية زوجتي الجريئه)
