رواية أحببت مجهولة الفصل العاشر 10 بقلم زينب رضا
رواية أحببت مجهولة الجزء العاشر
رواية أحببت مجهولة البارت العاشر
رواية أحببت مجهولة الحلقة العاشرة
: انا جيت
سارة : كل ده تأخير انا هموت من العطش
مريم : خدي ياك يطمر
نادية : بس بقا انتي وهي
سميره : ربنا يخليكوا لبعض
مريم وساره : ياارب
ام ريم : مش هنفرح بالعيال بقا *ساره كانت بتشرب لما سمعت مرات عمها شرقت*
نادية جريت عليها : اشربي براحه وبتطبطب ع ضهرها
سارة اخدت نفسها : خلاص ي حبيبتي مشيت
ام ريم عادت سؤالها تاني
سميره : انا مسالتش عمر لسه ع رأيه
ام ريم اضايقت : رأيه ف اي
سميره : ف ريم هيكون ف اي
ريم : وانا كمان لسه موافقتش وبعدين لما هو لسه مش مجهز رأيه اتقدم ليه من الاول
سميره لسه هتتكلم نادية ادخلت
نادية : ريم اتكلمي مع خالتك كويس والجواز يابنتي لازم رأي الاتنين هو جه شافك ومن حقه يوافق او يرفض وانتي نفس الحكايه
ريم سكتت ومردتش،
سميره : اسمعي كلام مرات عمك
نادية : خلاص حصل خير صلوا ع النبي، كلهم صلوا ع البني
سارة بتغير الموضوع : ماما انا عاوزه امشي
نادية : هخرج اشوف ابوكي حاضر وخرجت
ام ريم : متزعلش ي ام عمر صحيح شكرا ع اللي عمله
سميره : اي حد مكانه كان هيعمل كده واكتر
ام ريم : ربنا يخليهولك
سميره : يارب
سارة بصوت واطي لاختها : بت هو ابنها عمل اي كله عمال يشكر فيه
مريم : جه مع بابا و….. *حكتلها كل اللي حصل*
سارة : احيه يعني هو شالني
مريم : اه وكان خايف عليكي جامد
سارة ف نفسها ‘هو يحب واحده ويخطب واحده ويخاف ع واحده وربنا ماشي’
مريم : اي روحتي فين
سارة : مروحتش بس ابقي فكريني اشكره
مريم : خلصانه يزميلي
سعيد وعمر رجعوا قعدوا، وناديه خرجت محمد شافها قام راحلها
ناديه : ساره عاوزه تمشي انت عارف انها مبتحبش المستشفيات
محمد : طيب هنزل اجيب عربيه
نادية : ماشي هدخل اقولها ودخلت
ساره شافت امها : قولتي ل بابا
نادية : اه يحبيبتي قال هينزل يجيب عربية
سميرة : عربية اي هو عمر مشي
نادية : لا بره قاعد معاهم
سميره : اومال هيشوف عربية ليه
نادية : كتر خيره انه جابنا هنتعبه ف المرواح كمان
سميره : الكلام ده يزعل، انا هخرجله
ام ريم مسكت ايدها : اقعدي راحه فين ناديه معاها حق
سميرة : لا ممعاش حق وكملت بتريقه انا قولت انتي هتقفي معايا
ناادية : لا معايا ولا معاكي بصي اقعدي وهما بره يتصرفوا مع بعض
ريم : خلاص بقا ي طنط كبري دماغك
، سميره بصتلها ومردتش عليها وقعدت متغاظه من ريم وامها ناديه قعدت جنبها عشان تهديها
مريم بهمس : هي دي ريم بتاعت امبارح
سارة بضحك : والنبي ابدا يابنتي
مريم : انا بقول كده برضو، المهم حمدلله ع سلامتك يبطل انت
سارة باستها من خدها : الله يسلمك ي قلب البطل
سميره بصه عليهم وابتسمت تلقائي
~~~
عند محمد بعد ما ناديه دخلت نادي ع اخوه، سعيد استأذن وقام
محمد : انا هنزل اشوف عربية عشان نمشي
سعيد : هي بقت كويسه
محمد : اه احسن بس هي عاوزه تمشي
سعيد : طب انا هفضل هنا مع الناس
محمد : ماشي، وراحوا ع عمر ومحمود
محمد : معلش هسيبكوا شويه وجاي
عمر : ف حاجه ي عمي
محمد : لا مفيش، بس كل الحكايه اننا هنمشي
محمود : طب يلا وبص لعمر يلا نجيب العربيات ع ما ينزلوا
محمد : انا نازل اجيب عربيه خليكوا
عمر : تجيب عربية ليه ما احنا موجودين والعربيات موجوده
محمد : كتر خيرك يابني كفايه اللي عملته
عمر كشر، محمود : ي حج هو احنا اغراب
سعيد : لا محدش قال كده
محمود : الحاج محمد مش معتبرنا ولاده هو اه يعرفني من ساعه بس شكله اتبري مني
محمد ضحك
~~~~~~~~~~~~~~~~~~~~~~~~~~~~~~~~صلوا ع النبي
❤️
،؛ ~~~~~~~~~~~~~~~~~~~~~~~~~~~~~~~~
محمود : الحاج ضحك اهو يلا ي عمر احنا ده بعد اذنكوا طبعا
محمد : انزلوا ده انت شويه وهتقولي اني رميتك قدام جامع وانت صغير
كلهم ضحكوا ونزلوا وهما بيضحكوا
سعيد : هو ف شباب رجاله كده ف الزمن ده
محمد : رجاله فعلا ربنا يحميهم
سعيد : ياارب، يلا ندخل نقولهم..
دخل محمد وسعيد لاقوا الكل ساكت
محمد : يلا عشان نمشي
كلهم قاموا ونزلوا، محمد : اخرجوا وانا ثواني وجاي
محمد راح ع الحسابات لاقاها مدفوعه ‘مين اللي دفع الفلوس ممكن سعيد اما اروح هساله’.. رجع لاقهم مستنيين
: واقفين كده ليه
محمود : محدش رضي يركب غير اما حضرتك تيجي
محمد : طب يلا
عمر : اتفضل
سعيد بيبص حواليه ملاقاش ريم
: اومال فين ريم
ام ريم : مشيت قالت هتروح لصاحبتها وهتبقا تيجي ع البيت
سعيد وشه قلب : ماشي يلا..
*كلهم ركبوا محمد ومراته وسميره وساره مع عمر، وسعيد ومراته ومريم مع محمود… طول الطريق عمر مركز ف المرايا مع ساره اللي سانده راسها ع الشباك بحزن، ومحمود بص ع مريم بصتله بقرف ولافت وشها حرم يبص تاني*
~~~
وصلوا البيت
محمد : يلا نطلع
عمر : معلش ي عمي هنمشي احنا وحمدلله ع سلامة بنت حضرتك
محمد : لا هتطلعوا تتغدوا ومش عاوز مناقشه
محمود : والله هتتعوض متقلقش بس احنا لازم نمشي
محمد لسه هيعترض
عمر : هو حلف اننا هنيجي تاني وده بيدور ع بطنه يبقا هيجي
محمود داس ع رجل عمر، كلهم ضحكوا وفعلا عمر اخد امه يروحها ومحمود راح معاهم واتفقوا يطلعوا سوا ع الشغل
سعيد ومحمد طلعوا
سعيد : هنتغدي مع بعض انهارده
محمد : ان شاء الله ادخل ارتاح وانا كمان هطلع ارتاح ع ما يجهزوا الاكل
*بعد ساعه
كلهم متجمعين ع الاكل تحت ماعدا ريم *لما بيقرروا ياكلوا سوا ام ريم وناديه بينزلوا يطبخوا تحت*
سعيد لمراته : هي بنتك لسه مجاتش
ام ريم : لا لسه اهي زمانها جايه متشغلش بالك
سعيد بصلها بغيظ وسكت، خلصوا اكل وساره ومريم استاذنوا وطلعوا
محمد : بقولك ي سعيد انت دفعت مصاريف المستشفى
سعيد : لا انا افتكرت انت دفعتها روحت اصلا قالولي ادفعت
محمد : انا كمان روحت لاقيتها مدفوعه
سعيد : معقول عمر دفعها
محمد : مفيش غيره اديني رقمه هبقا اكلمه بكره
سعيد اداله الرقم، صحيح ف عريس جاي لبنتك
محمد باستغراب : بنتي مين
سعيد : سارة
محمد : ده مين ده، ام ريم جت جايبه الشاي
سعيد : اه ان شاء الله هنروح بكره الشغل بس بدري شويه عشان نعوض انهارده
محمد عرف انه بيتوهه، فهز دماغه وسكت
عمر وصل مامته ونزل هو ومحمود
محمود : تعال اركب معايا وهبقا اوصلك
عمر : طب يلا، وركبوا ومشيوا،
محمود وقف قدام مطعم
عمر باستغراب : انت جايبنا هنا ليه
محمود : انا واقع من الجوع ولو روحنا الشغل مش هتسال فيا ولا تاكلني
عمر : انت يابني مش قولت ان فيه شغل ضروري
محمود : لا انا قولت كده عشان انت عاوز تمشي فا قولت اساعدك، وبيعدل القميص بفخر
عمر:ي عم اتنيل، انزل يخويا
محمود ضحك عليه ونزل ودخلوا
داخلين يتكلموا عادي عمر بيبص بالصدفه وقف مكانه
محمود : اي يابني وقفت ليه
عمر : هي بتعمل اي هنا ومين اللي معاها ده
محمود باستغراب : مين دي
عمر:دي……
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أحببت مجهولة)
