رواية احلام في عيون وقحه الفصل التاسع والعشرون 29 بقلم منة محمد
رواية احلام في عيون وقحه الجزء التاسع والعشرون
رواية احلام في عيون وقحه البارت التاسع والعشرون
رواية احلام في عيون وقحه الحلقة التاسعة والعشرون
مايا قربت بالفنجان: الشاي الاخضر
انور رفع عينه من ع الاب توب وبصلها: النهارده عندي وقت تحبي نروح لمكان
مايا: لاء مش عايزه اخرج من البيت
انور : اوكيه زي ما تحبي فكرت وقلت اسألك والا هترجعي تشتكب بعدين
مايا بعصبيه :عايز تخرجني عشام مرجعش بس اشتكي , مش عشان نقضي وقت سوي
انور : شايفه اسلوبك عامل ازاي , انا قلت قاعد معاكي في البيت طول اليوم لو عايزه تخرجي تعالي هو انا قلت حاجه غلط
مايا: لا انت صح
انور اتنهد بزهق: الحمد لله انك فهمتي حاجه اسمعي انا عندي شغل كتير هقعد اعمله ورايح غرفه المكتب بلاش تزعجيني لساعه او اتنين
مايا قامت غرفتها وراحت جابت العلبه وفتحتها وقعدت تفتكر كلام سلطان ويتردد في دماغها وهي مبسوطه بكلمات الغزل والمدح فيها
احلام زقت الباب ودخلت: مايا مراه خالي تحت
مايا بغيظ: هي دي طريقه تدخلي بيها ع حد اوضه نومه مفيش ذوق
احلام : منين طقم الالماظ ده, شكله غالي جدا
ماي: قصدك ايه اكيد طبعا اشتريته
احلام: امك تحت تحبي اطلعها هنا عشان تفرجيها الطقم
مايا: هنزلها انا مفيش داعي تقوللها
احلام: ليه لو اشترتيه بنفسك ليه تخبيه ولا فيه حاجه غلط عايزه تدرايها
مايا: مش عايزه ارد عليكي وافضل ابررلك امشي من هنا
احلام بحده: قابلتي سلطان قوليلي الحقيقه هو رجع لحياتك
مايا: وانتي مالك وملكيش الحق تدخلي في حياتي وبلاش تتخطي حدودك
احلام :بنفعال انتي الي بتخططي كل الحدود رغم عارفه انه ملوش علاقه بيكي روحتي عشان تقابليه والطقم ده هو الي عطهولك
مايا: ليه بتقولي كده انا روحت اشتريته سلطان ملوش دعوه وشكلك شوفتيه في حلمك
احلام: لاء انا قابلته وانا طالعه من بيت خالي وقالي بالحرف انه عايز يقابلك وانا متأكده انك قابلتيه
مايا بذهول: ايه انتي شوفتيه
احلام: ومنعته كتير بس عرف يوصلك, والغباء الي بتعمليه مستحيل اسيبك تكملي فيه هبلغ امك حالا وهي تتصرف معاكي بنفسها
مايا مسكتها: احلام ارجوكي انا اسفه متقوليش حاجه لماما ومش هقابل سلطان تاني انا حسيت بغلطي
احلام : امك مستنياكي تعالي
………….قصص منه محمد كاتب………….
في الصالون الشغاله قربت بصنيه عصير لاسيا: اتفضلي العصير
اسيا: استني عندك انتي الشغاله الجديده عينتك بنتي بدل سناء
الشغاله: ايوه جيت هنا بقالي يومين
اسيا: اشتغلي بضمير ومتخليش بنتي تشيل قشايه هي حامل وتعبانه تراعيها كتير هي صاحبه البيت كله
الشغاله: ست احلام بتهتم بالبيت كله بعد ما ترجع من شغلها مش بتستريح
اسيا بصتلها بغيظ: انتي بترغي كتير روحي شوفي شغلك
الشغاله خافت: حاااضر
مايا نزلت وسلمت ع امها : في ايه يا ماما
اسيا بسعاده كبيره: ابدا بتطمن ع بيتك ربنا يحميكي ويبعد عنك اي حاجه وحشه ويحفظك من عيون الحساد
مايا عيونها ع احلام وقالت: امين
احلام: خالي عامل ايه بياخد علاجه في وقته
اسيا: اه هو كويس ومبسوط خالصي انتي اتجوزتي ومايا بشرته باحلي خبر وهو دلوقت اطمن ومبقاش قلقان عليكم
احلام مبتسمه: الحمد لله
مايا: جايه ليه من غير ما تقوليلي
اسيا: نسيت خالص اقولك المهم انتي وجوزك هتتعشوا بكره عندنا بلغي انور بالنيابه عني
مايا: انور مشغول جدا مش هيقدر يجي فكك من العزومه دي
اسيا: ابوكي هيزعل انتم مش بتيجوا تقريبا وكل يوم يستناكي ويقول جايز تيجي
احلام بهدوء: مايا مترفضيش ابيه انور مش هيرفض عزومه لخالي وهيخلق الوقت
مايا: مسؤليات جوزي كتير مش بيخلص زي مروان الساعه خمسه فيه فرق كبير بين الموظف وصاحبه الشغل
احلام بصت في الارض مقهورة وجواها جمرة ماحدش يقدر يطفيها, واسيا ابتسمت وبصتلها من تحت لتحت
مايا رفعت راسها بغرور: طالما مصرين هنيجي شويه
اسيا : مش عايزه اسمع اعذار تيجوا بكرة المساء واسمعي متعمليش حاجه خالص لصحتك تدهور وانتي حامل
مايا عيونها راحت لاحلام بنظرة غريبة: انتي غريبه ليه اصلا اعمل حاجه وانا باشاره مني يجوا الخدم
اسيا قامت: لما اقوم سلام
احلام: السلام امانه لخالي
اسيا: ابقي تعالي يا احلام انتي ومروان
مايا بصتلها بغيظ واحلام اخدت بالها واسيا كملت: والا خالك هيشتكي مني
احلام: ان شاء الله نيجي
اسيا باست مايا الي بصالها بغيظ
…………………..قصص منه محمد كاتب……………..
علي الموبيل
سراج: احلام لازم تيجي ع العشي بكره ..وجيبي مروان والا هقول انك زعلانه مني ..ضحك لاء يا حبيبتي لاء عارف انك مش بتزعلي رغم بيحصلك ظلم كبير ومش قادر اعمل حاجه…طيب خلاص يا بنتي تمام هغير الموضوع متتعصبيش تمام ياقلبي نتقابل بكره مع الف سلامه
اسيا بغيظ :يعني انت مش مصدق ان انا عزمتها بنفسي ايه لزومه تتصل بيها
سراج: كدا لازم اتصل وانتي مش هتفهمي اي حاجه
اسيا : انا فاهمه كل حاجه ياسراج ومش عاجبني الكلام الي قولته لاحلام
سراج بتهكم: وهي المسكينه تقدر تعملك انتي ولا بنتك حاجه, هو انتم اصلا بتهتموه بمشاعرها ومهما تقوله مش هتعمل حاجه هي اتعودت تسمع كلامكم
اسيا : وانت ليه بقي زعلان هي متهنيه وعايشه في بيتها الكبير بسبب مايا
سراج : متقوليش كلمه زياده. يا شيخه خافي من ربنا واتقي الله فيها ربنا وحده الي يعلم هي عايشه بسبب مين
اسيا :قصدك ايه فهمني
سراج :مش هتفهمي قصدي
اسيا بصله بغضب وقامت مغادره المكان
……………………قصص منه محمد كاتب………….
في الطريق الصحرواي واقفين جنب العربيه
سلطان: اعمل ايه يامايا مش عارف اتصل بيكي بأي طريقه, لما شوفت احلام خارجه من بيتك ابوكي مقدرتش استني وقفتها وحاولت اسألها عنك
مايا بنفعال ونرفزه: وانت قلت هتطير من سعادتها لما تشوفك قدامها , او هتجي لحد عندي مثلا وتقولي مبروك عليكي رجوع سلطان, اقولك ايه بس
سلطان: طب اهدي عارف اني غلطت لكن لازم تفهمي مشاعري معنديش حاجه اهم من اني كنت اشوفك واقابلك بالنسبه لي كبيره لكن احلام بنت عاقله , وطيبه , وبريئه مش هتقول حاجه لحد
مايا بغيظ: البنت الطيبه البريئه خوفتني وقالت بوضوح لو قابلتك مره تانيه هتقول للكل وهددتني
سلطان :مش هتقدر تعمل حاجه لو قالت انا هتولي الامر ليه قلقانه
مايا :قلقي بسبب كلامها عشان كدا جيت اتكلم معاك لكن مكنش عندي نيه اقابلك
سلطان :متقوليش كده ازاي تسبيني اكمل الحياه لوحدي ازاي هتقدري تنسي حبي سوء حظنا اننا مقدرنش ننقذ علاقتنا لكن حبنا اعمق ومستحيل ينتهي مايا هنتقابل بكره انا سبت كل حاجه ورجعتلك عشان ع الاقل احس اني قريب منك ها هتيجي
مايا :مقدرش اوعدك بكره بابا عزمني ع العشي انا وانور ورايحين
سلطان: تمام متجيش بكره لكن البسي طقم الالماظ الي عطتهولك
……………قصص منه محمد كاتب………………
في غرفه النوم نايمه بتفكر في كلام سلطان لحد ما دخل قعد جنبها يشتغل ع الاب توب وكل شويه يبصلها يلاقيها سرحانه
انور: ايه الحكايه مش هتنامي
مايا قامت اتعدلت: مش جايلي نوم انور ماما عزمتنا ع العشي بكره متنساش
انور: فكريني هحاول اوصل ع الوقت
مايا: البس ايه بكره
انور: بصي الدولاب قدامك البسي الي انتي عايزه
مايا: ايوه بس انا عايزه البس المره دي ع ذوقك انت
انور: مايا انا عليا ضغط شغل كتير مش فاضي للكلام الفارغ
مايا اتعصبت عليه : شايف ان كلامي فارغ والشغل الي بترجع بيه للبيت مش حاسس انه ظلم ليا انت اصلا معندكش وقت ليا
انور حرك عيونه بضجر: اه انتي عايزه مشاكل بس انا حرفيا معنديش وقت اتخانق نازل اشتغل في المكتب
………………قصص منه محمد كاتب……………
مروان بصوت عالي :يله بسرعه يا لولو
احلام نزلت وحطت الموبيل في ايده: امسك
مروان بنص أبتسامه: مش عارف ليه عمال انسي كل حاجه اليوم واضح سرقتي مخي
احلام بشقاوه: تقريبا وبكره هسرقك كلك
مروان: وانا موافق اتسرق
احلام ضحكت وقالت: بقولك هات معاك اناناس وخوج اصل خالي بيحبهم وحاول ترجع بدري عايزه اقعد مع خالي وقت طويل
مروان: خلاص اطلعي من المدرسه ع خالك وانا اخلص شغلي واحصلك
احلام :لاء هستناك نروح مع بعض
مروان: اوكيه زي ما تئمري
احلام : من امتي بقيت مطيع كده
مروان قرب عليها: انا دايما مطيع لو مش مصدقه جربي املك مش هيخيب
احلام: اتمني يحصل ده عارف احيانا بخاف
مروان عقد حواجبه :بتخافي ليه
احلام ضربت الارض برجليها: يي الاتوبيس جه الي اللقاء
مروان : تعالي وكملي كلامك
احلام بتجري للخارج: الي اللقاء يا مارو
مروان بصوت اعلي: ليه الخوف يا لولو
مايا: مروان
مروان لف بصلها وبدون نفس : اتكلمي
مايا: هو انور مشي للشركة
مرون: اه اخويا مشي للشركه
مايا: بدء يروح بدري ويرجع متأخر
مروان: عبئ الشغل كتير وفعلا اخويا معندوش وقت فيه حاجه تانيه
مايا: لا
مروان مشي وموبيل مايا رن فتحت الخط وردت بغيظ: ليه عمال كل شويه تتصل يا سلطان منعتك كذا مرة ليه مش عايز تفهم
سلطان: ارجوكي متمنعنيش حاولت لكن مش قادر انساكي لحظه ليه تسبيني وانا الي اتمنينك سنين طويله انتي حبي الاول والاخير
مايا :لكن الظروف اتغيرت دلوقت مش عايزه انور يعرف عنك حاجه لو شك هتحصل مشكلة كبيره
سلطان: انور مش معاكي ومعندوش وقت يتخانق معاكي عاطي كل وقته للشغل اسمعيني متقلقيش
مايا: واحلام ليه نسيتها هي عارفه عننا كل حاجه هتنتهز الفرصه وتبلغ مروان او انور هي مستنيه فرصه وتخرب بيتي وتهني
سلطان: احلام مش كده ليه ع طول بتنسي لما زادت المشاكل بينا هي الي قللت منها لو كانت معانا في اللحظه دي صدقيني هتقف معانا في الي جاي ومش هتؤذيكي ابدا
مايا بحقد :مفيش داعي تدافع عنها , هي اهانتني كتير بسببك وانا هنتقم منها بتأكيد
سلطان :انتي دماغك ناشفه , وعنيده وعصبيه غيري نفسك شويه
مايا :هقفل لاني رايحه بيت ماما للعزومه
سلطان بخبث: اسمعي البسي الطقم الالماظ الليلة اوعديني انك هتلبسيه
مايا :هلبسه يله باي
………….قصص منه محمد كاتب…………….
في غرفه احلام واقفه تلبس حجابها في المرايا
مروان ضمها من وسطها: جاهزه نمشي يا قلبي
احلام بصتله في انعاكس المرايا: جاهزه تفتكر هنلاقي زحمه في الشارع
مروان: مش عارف
احلام: حطيت التورته في العربيه
مروان باس خدها: ايوه كل حاجه جاهزه مستنيكي وبس
احلام: كده يله
مروان: شكلك زي القمر لكن مش لابسه دهبك اسف
احلام: ليه محرج يا حبيبي انا مش عايزه حاجه غير تبقي معايا وده كفايه
مروان ابتسم: يله
احلام حطت ايدها في دراعه: اه يله
وهما نازلين ع السلم سمعوها بتزعق: قلت لك رايحه لماما المساء رغم كدا مجتش انت مش مهتم بأي حاجه انا مستنياك
انور: جاي بعد شويه لوجهه الله ماتخلقيش مشاكل من لاشئ , ولو مستعجله روحي مع مروان واحلام وانا هجيلكم بعدين مفيش مشكله
مايا:هروح معاك مش عايزه اروح معاهم انت تيجي سامع فيه حدود لكل حاجه
انور لسه هيتكلم كانت قفلت هي الخط ووقفت تتنفخ ع اخرها
احلام نزلت : ايه الي حصل مستنيه ابيه انور زمانه جاي
مروان: احلام انا بره حصليني
مايا: روحي انتي يا احلام
احلام: لاء عادي نستناكي نروح كلنا سوي
مايا: لاء هاجي مع انور بعدين ( رفعت الطرحه من عند صدرها) اطلعي اختاري حاجه من عندي فوق رقبتك فاضيه
احلام مالهاش خلق ترد عليها: مش عايزه انا حلوه كده
مايا وقفتها: اسمعي قولي لمروان يزودلك الفلوس واضح انه بياخد منك مش بيديكي بعد الجواز
احلام بأبتسامه هاديه: متقلقيش عليا كفايه احنا مع بعض باي اتاخرنا
مايا ضيقت عيونها بشر هي بتتوعد وتهدد إنها هتنتقم منها!!!!!
…………………….
في العربيه قاعده ووشها متغير وحاسه أنها مخنوقه
مروان بصلها: حصل ايه الوقحه دي قالت حاجه ضايقتك
احلام: لاء
مروان: مش بتعرفي تكدبي متحاوليش قوليلي الحقيقه اكيد قالت لك حاجه زعلتك دي عادتها قولي
احلام: طالما عارف ان دي عادتها انسي ومتعكننش مزاجي انا مبسوطه النهارده
مروان: مبسوطه كدا نزود جرعه الانبساط
احلام: هتعمل ايه
مروان ركن العربيه ونزل جابلها بوكيه ورد ابيض في روز رقيق
احلام إبتسمت بفرحه: الله ده جميل اوي
مروان بغمزه: بتحبيه
احلام: ده انا بعشقه
مروان: القلب يعشق كل جميل وأنا قلبي بيعشقك يا جميل افيونتي ما تجيبي بوسه
احلام وشها احمر : بس يامروان
مروان : طب حضن
احلام : يالهوي رخم
مروان ابتسم: رخم وبحبك انتي بجد قلبي
احلام : وانت عندي بالدنيا كلها
مروان مسك ايدها: وانا بحبك عارفه يعني ايه بحبك
احلام بأبتسامه واسعه: اه يعني love you
مروان ابتسم: وانا عايز اخدك في حضني ودلوقتي
…………………………
في بيت سراج
سراج بفرح : اهلا وسهلا والله البيت حالا نور
احلام :بوجودك ياغالي
سراج: تعالوا حبايبي
مروان اخده بالحضن: ازيك ياعمي
سراج: الحمد لله ازيك يا بنتي
احلام ضمته: ازيك انت ياخالي
سراج: انا بخير اقعدي عملت الصح مجتوش من مده طويله وحشتني كتير احلام
مروان: لو اتصلت بيا كنت جبتهالك في ساعتها , هي بنتك ليك حق عليها اكتر من الكل
سراج: وانا سعيد انها مهتمه بيبتها وجوزها كتير , وبجد انا فخور بيها
اسيا بغيظ: ومايا مضايقه من انور مشغول مش بيطلعها اي مكان ,شايفين انتم الاتنين جيتوا كان المفروض يجيب مايا
سراج :هو حصل ايه انور مشغول وهي لازم تقدر ظروفه زي الزوجه المتفهمه فين المشكله
احلام :مفيش حاجه من دي ابيه مهتم بيها جدا, بس هما اليومين دول ضغط الشغل كتير عشان كدا اتأخر يا مراه خالي
سراج مد شفته لقدام: : اظن عارفه مراه خالك حساسه بخصوص مايا ورجاء متطلبيش منها تعمل الشاي اكسري القاعده دي واعمليه بنفسك
اسيا وهي بتقوم : هعمله بنفسي
……………………قصص منه محمد كاتب……………
في غرفتهم الخاصه واقفه تعدل المكيب اب شافته بيتأمل لبسها بانبهار
انور مبتسم: انا خلصت خلاص
مايا بتحط ماسكرا: دقيقه واخلص
انور شافت الطقم وعقد حواجبه وقال: طقم جميل هو جديد
مايا :ايوه (ارتبكت) قصدي قديم
انور حط ايده ع العقد: اوكيه بشوفه لاول مره عشان كده سالت
مايا: معندكش وقت عشان تشوف انا لابسه ايه
انور بتقولي ايه انتي مراتي حبيبتي اهم حاجه في حياتي انتي الاهم بالنسبه لي وانا بعمل كل ده عشان تعيشي حياه مرتاحه ومتكشريش كده اسف بالحق حلو اوي عليكي الالماظ البسيه بس جبتيه منين
مايا: ايه
انور: بسال جبتيه منين
مايا :في جهازي وبعدين هتقف تحقق معايا يله اتاخرنا
انور بضحكه: انا مستنيكي من بدري ومستعد
مايا: اوكيه انزل وانا جايه وراك
انور: اوكيه
مايا حطت ايدها ع قلبها واخدت نفس ولفت بدون اهتمام وطلعت وقفلت الباب وراها
……………قصص منه محمد كاتب…………………
اسيا دخلت وراها بتعنيف: كان لازم تيجيبي مايا معاكي شايفه المسكينه اتاخرت يعني صعب ع انور يلاقي وقت لمايا
احلام: انا قولت لها تيجي معانا بس هي قالت لي هتيجي مع ابيه
اسيا : تعمل ايه الغلبانه عايزه تيجي مع جوزها مش كفايه اتحملت صدمه كبيره في جوزها الاول معرفش مين راشق عينه في حياه بنتي كانت عايشه في عز مع سلطان
احلام: مفيش حاجه من دي ابيه مستقر واحسن الف مره من سلطان شوفي اهي جات مفيش داعي تقلقي
اسيا : أه يله بينا
طلعت هي واحلام وسراج بيرحب بيهم ومايا واقفه بغرور وهي رافعه راسها
اسيا بأعجاب: ماشاء الله جميله يا مايا ربنا يحميكي زي الاميره مش كده ياسراج
سراج بصلها وسكت لانه مش بيطيق جرائه بنته في لبسها
اسيا كررت: سراج مش بنتك زي الاميره
سراج: اه حلوه بناتي الاتنين حلوين اجمل من بعض وكلهم واحد بالنسبه لي
اسيا بصتله بغيظ هي ومايا وهو تجاهل وتابع: قولي يا انور عامل ايه في الشغل عرفت انك مشغول الايام دي وبتتأخر كتير
انور : فعلا الشغل بقي كتير ومعنديش وقت حتي ارفع راسي واليوم لغيت اجتماعات كتير عشان اقدر اجي
مروان أبتسم: بصراحه اخويا انور انسان مجتهد ومسؤل , وبيحب يشتغل ميعرفش يقعد فاضي طول الوقت شغال
سراج ضحك: شايف يا انور اخوك خايف عليك وفورا بدء يبررللك , دعائي ربنا يحفظكم وتفضلوا تحبوا بعض
مايا موبيلها نازل رن وهي قاعده قلقانه
سراج بنرفزه : ما تشوفي مين عمال يرن
مايا: واحده صاحبتي من زمان هي الي بتتصل
سراج بصلها بغضب : ياتردي او تقولهها مش هتقدري تكلميها
مايا وهي قايمه ع بره: تمام
انور الشك بدء عنده يكبر واحلام فهمت انه سلطان بس سكتت
…………………………..
في الخارج
مايا ردت بغيظ: ليه مش بتفهم مستحيل اقابلك دلوقت كلهم جوه مقدرش اخرج بلاش تعاند ارجوك
سلطان برجاء : عايز اشوفك حالا عايز اشوف الطقم شكله ايه عليكي, انا محتاج اشوف كل ده متحرمنيش من السعاده دي ان بتالم فكري فيا
مايا بصوت واطي :سيطر ع نفسك جنونك هيخلق مشكله لينا ارجوك ارجع القريه ده فضل لينا
سلطان بصوت باكي: مليش حد هناك ولا يمكن اعيش فيها , كل الي ليا هنا في المكان الي عايشه انتي فيه . انا جيت بره دلوقت اخرجي انشاالله خمس دقايق محدش هيعرف ممكن تقدميلي المعروف ده لو سمحتي
مايا قفلت الخط وفضلت تفكر تقابله ازاي لحد ما حست حد واقف وراها لفت لقتها احلام
احلام : كنتي بتتكلمي مع مين , واياك تكدبي عليا انا عارفه ملكيش صاحبه عشان تتصل بيكي بالشكل ده والالماظ الي عطهولك سلطان مش كده
مايا بصتلها واتكتف : هو انا من امتي بدخلك في اموري, وملكيش اي حق تساليني كده , وبلاش تتجاوزي حدودك والا هيكون خطر عليكي , وانا فهمتك للي بتعمليه معايا
احلام بغضب :والي بتعمليه دلوقت اسوء بكتير , لو شك ابيه انور وعرف بوجود سلطان عارفه ايه الي هيحصل , وهيعمل ايه
مايا : مفيش داعي تخوفيني انور يحمد ربنا انه اتجوزني وهو مقدر حظه ومش هيسمح لعلاقتنا يدخلها الشك او سوء الفهم ابدا
احلام: ده من غباء فهمك المحدود , هي شراره واحده من الشك ممكن تنهي او تهد كل حاجه في لحظه واحدة
مايا شاورت عليها :احتفظي بمحاضراتك التافهه لنفسك وابعدي عني ده تحذيري الاخير سمعتي
…………………….قصص منه محمد كاتب……………
سراج : ماتقومي يا اسيا حطي العشي ليه متاخره
اسيا قامت وقفت:حالا
مايا :استني يا ماما انور متعود ياكل متاخر
سراج :تمام ناكل متاخر امال فين احلام
مايا بخبث : معرفش بتعمل ايه بره سالتها خلقت عذر
سراج: اهي جات كنتي فين اقعدي معانا طمنيني شغلك عامل ايه فيه مشكله ولا حاجه
احلام: لاء تمام ومعايا نفس المدرسين القدام والمديره مبسوطه مني جدا ومعايا رنا
سراج: صحيح فين رنا هي مبقتش تيجي ليه قوللها تيجي
مايا حتي مش بتيجي البيت بعد موت حماتي
سراج ليه
اسيا توهت: احلام قومي شوفي الاكل الي ع النار
احلام قامت: حاضر يا مراه خالي
اسيا : بس الطقم جميل امتي اشترتيه شكله غالي جدا
مايا شاورت لها تسكت وانور اخد باله وسراج شكله اتغير من نظرات انور الي حرك عيونه ما بينهم!
.*******بعد العشاء ناخد احنا الصدمه.*******
مروان :الاكل كان تحفه وهايل
احلام: مراه خالي اكلها فعلا هايل انا اتعملت الطبخ منها
سراج بسخريه: ايوه مراه خالك هايله فوق الوصف
مايا قامت: انا تعبانه هقوم افرد دهري شويه
اسيا: هقوم معاكي
احلام :لا خليكي انا هروح مع مايا
مايا :مش محتاجه حد هدخل اوضتي انام لوحدي
مروان بضيق: سبيها تروح زي ماتحب ليه قلقانه
انور بشك: روحي اوضتك استريحي متقلقيش محدش فينا هيزعجك
مايا طلعت بره وفتحت البوابه: ليه عمال تزعجني انا غلطت لما جيت اقابلك وغلطت تاني لما اخدت منك الهديه
سلطان حط ايده ع شفايفها: هش اهدي زي القمر وجميه جدا اجمل من الاول تعرفي رغبه الموت بسبب حظي بيزيد لما بشوفك( حط ايده وري رقبتها) بحبك يا مايا
مايا بتحاول تفك نفسها منه: امشي من هنا قبل ما حد يشوفك هيكون صعب وافضل ابرر امشي
سلطان قربها منه اكتر :مفيش داعي تبرري لحد هيكون احسن لو انور عرف ويطلقك وبعدها انا هتجوزك
مايا :لاء يمكن يحصل ده مستحيل
سلطان: انا قادر اعيشك احسن منه ليه قلقانه اطلقي منه
احلام طلعت لماراحت اوضتها تديها طبق الحلويات ملقتهاش طلعت بره لقت سلطان بيبوسها
احلام حطت ايدها ع بؤها بصدمه: نهار اسود انتم بتعملوا ايه, مكنتيش في اوضتك وكدبتي علينا عشان الراجل الي دمر حياتك وجاي لحد هنا عشان يخليكي فرجه للعالم
سلطان: احلام ارجوكي متقوليش كلام مسيئ انا بحب مايا وعايزها
احلام : اتكسف ع دمك مش من حقك تقول الكلام ده لست متجوزه
سلطان: متعرفنيش الصح من الغلط ده لمصلحتك وملكيش دعوه بمشكلتنا وياريت تبعدي خالص عن حياتنا
احلام: انت وقح وسافل ( شدت مايا) وانتي خشي جوه
مايا: سيبي ايدي يا احلام
احلام بتسحب فيها: بقولك خشي جوه
مايا بتحاول تتخلص من قبضتها: مسمعتيش سلطان قالك ايه بيحبني وعايزني
احلام مسكتها من دراعها وبتجر فيها: الكل جوه ادخلي امشي
مايا زقها عن ايدها بعنف لدرجه الطبق الصيني وقع انكسر عمل ضجه في المكان
مايا كانت بتزق فيه: سلطان امشي
اسيا: استر يارب ايه الصوت ده
سراج بفزع: حصل ايه قومي شوفي مين بره
مروان قام من مكانه: هشوف انا
مروان: مين ده انا شوفت راجل بيجري كده
مايا واقفه مرعوبه واحلام واقفه تبصلهم بصدمة مش مستوعبه الي بتسمعه
مروان: قولولي مين ده _ مشى بخطوات سريعة_ انا هشوف
مايا : مفيش داعي مش هتاخد غير الخجل
مروان وقف وقال بعصبية: متلفيش وتدوري اتكلمي بوضوح
مايا : تمام اسمع شوف احلام جابت واحد هنا ولما جيت لقتها واقفه معاه قربت لقيته ماسك رقبتها وبيبوسها
سراج ثار في وشها : انتي بتكدبي واياك تقولي كلمه تانيه ع احلام سامعه
مايا بصتله بنظرات حاده وكره وقالت : هي دي مشكلتك مش بتتحمل تسمع كلمه ضد دلوعتك احلام وكئنها ملاك لايمكن تغلط هي بعيده عن كل سوء هي انسانه مش ملاك يعني ممكن تغلط
سراج :ميهمنيش كلامك قلبي بيقولي انك كدابه وهي بريئه قولي الي تقوليه, انا مش بثق فيكي انا بثق في احلام , مروان يابني بلاش تسيئ الظن وتعال ندخل جوه
مروان : انا مش مش داخل جوه وهنتكلم دلوقت هنا قدام الكل, انا شوفت راجل بيجري وعايز اعرف حالا كان مين -مسك كتافها يهزها_ احلام انا عارف انك بريئه قوليلي مين ده متسكتيش انا متاكد انك مظلومه مفيش داعي تخافي من اي حد قوليلي للكل الحقيقه قوللهم ان مايا كدابه
انور بنرفزه: مروان اتكلم عن مراتي باحترام , مفيش داعي تطلع غضبك من مراتك ع مراتي
مروان بقهر وعدم تصديق: ليه كده يا احلام اتكلمي مين الي كان ماسك ايدك اتكلمي
اسيا: دي اهانتنا كلنا ياسراج
سراج برجاء وتوسل: اتكلمي يابنتي انا سامعك ومصدقك قولي كان مين
مروان نزلت الدموع من عيونه: لو فضلتي ساكته كده هتبقي خطيئه كبيره ومعناه الي قالته مايا حقيقي وكنتي بتخدعيني وتكدبي عليا
احلام ساكته لان للاسف حصلها حابسه كلاميه مفاجئه ومبقتش قادره على النطق
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احلام في عيون وقحه)
