رواية رقاصة الفصل الثالث 3 بقلم آلاء الواقع
رواية رقاصة الجزء الثالث
رواية رقاصة البارت الثالث
رواية رقاصة الحلقة الثالثة
ـ إبن… إبننا إزاي يا حسن
قرب منها وحط الطفل علي ايديها
ـ زي الناس يشوشو ، إنتي رجعتي تنسي أكيد علشان مش بتاخدي الدواء
حامد بهدوء: تنسي ايه يبني في واحده تنسي إبنها بردوا ،ما تتكلمي يبنتي
عز بغضب: تتكلم تقول أيه دي واحدة كدابه اكيد هتمثل علينا وتنكر
ـ مالوش لازمه الكلام دا ، أنا عايز اخدها ونمشي من هنا وهكتب عليها رسمي
حامد: اهمد ،اتكلمي ياشوق
عز بضيق: لسانها الطويل اتخرس دلوقتي
ردت بانفعال
ـ أنا أول مره اشوف الولد دا مش إبني والله جبته منين يا حسن حرام عليك تلاقي امه بتعيط عليه
عز: إنتي لسه مصره علي كدبتك
ـ أنا مش بكدب والله أنا قولتكم إنها كانت مجرد ورقه علشان يحميني بيها في الشغل ..مش محتاجة اكدب عليكم أنا مش بخاف منكم أصلا وانت يا عز أنا مش زيك ” عيطت” مش زيك هنكر وجود حته مني علشان خايفه من حد لو إبني هقول عادي …لو مش مصدقني مم م ممكن نروح عند دكتوره وتتاكد إني لسه بنت
حطت الولد علي يد حسن تاني وضربته بقلم
ـ كنت فاكرك سندي وبتخاف عليا لكن طلعت وسخ زي ما أمي قالت كل إللي هامك مصحلتك يا دني
سابتهم وطلعت
عزة : ولسه ياما هنشوف كمان
شوق بزعيق: إسمعي يا وليه إنتي …لا اسمعوا كلكم قسما بديني الي هسمعه بيتكلم او يبص عليا حتي بصه متعجبنيش هزعله وربنا ما يوريكم زعل رقاصه .. سامعين أنا رأسي معلهاش بطحه علشان اتكسف او اخاف منكم جتكم القرف عررر
سابتهم وطلعت فوق ـــــــــــــــــــــ
حامد: تاخد الواد ده وتمشي من هنا ومشوفش وشك تاني ولو حتي صدفه سامع
حسن : يا باشا أنا عملت البوليكه دي كلها علشان بحب شوق ، سيبولي البت إحنا من توب بعض وانتم غيرنا خالص
عز بضيق: بنتي مش هتمشي معاك وغور من هنا
ـ بنتك !!! لسه فاكر دلوقتي إن ليك بنت ..شوق دي بتاعتي أنا
أدهم شدوا طلعوا بره
-قسما بالله لو لمحت خلقتك دي تاني هتكون بموتك ، وانسي شوق خالص طلعها من دماغك ـــــــــــــــــ
ـ أهدي شويه ياشوق إلي يشوفك وإنتي بتعيطي دلوقتي مشوفكيش وإنتي بتزعقي فيهم تحت
ـ علشان أنا متعودتش حد يشوفني منكسرة بس تعبت كتير عليا إللي بيحصل ده
فاطمة: بصراحة حياتك غريبه وكل يوم بيحصل فيها حاجات جديدة تحسيها كدا فزوره
ـ فزوره وحلها موجود في متاهه مش عارفه هترسي علي أيه في الاخر
ـ خير بإذن الله امسحي دموعك دي بس
يوسف بغضب: حياتنا اتشقلبت من ساعه ما نورتي
فاطمة: يوسف اطلع برا هقول لجدو
ـ مش هطلع هي إللي المفروض تطلع من حياتنا ، بابا تعب بسببك دلوقتي وراح المستشفي
شوق بخضه: أيه
ـ لو جراله حاجه هتكوني إنتي السبب ـــــــــــــــــــــــــــــــــــــــــــ
ـ كومه سكر
رحيل : بس يا دكتور جوزي معندهوش سكر أصلا
أدهم: عنده
ـ إنت بتهزر صح
ـ هفهمك .. طمننا يا دكتور علي حالته
ـ الحمدلله إنكم جبتوه في الوقت المناسب ،بس ادعوله يفوق علي طول بعد اذنكم ــــــــــــــــــــــــــ
ـ متعطيش يا سلمي
ـ إبعدي عنها
شوق بضيق: بس يلا إنت بدل ما امد ايدي عليك
-إنتي مجنونة دا اكسرها قبل ما تترفع
ـ إنت عيل قليل الربايه مش هرد عليك …. سلمي حبيبتي اطلعي اوضتك متعطيش أبدا قدام حد وبلاش تعيطي هيكون بخير
مسحت دموعها
ـ عايزة أروح معاكم
ـ مش هينفع اقعدي مع فاطمة واحنا مش هنغيب
هزات رأسها بايجاب
ــــــــــــــــــــــــــــــــــــــ
ـ متبصليش كدا كان محلفني إني مقولش
ـ وإنت بتسمع الكلام يا أدهم في كل حاجه يعني
ـ حلفني علي المصحف يا رحيل والله
ـ بقاله قد ايه؟؟
ـ سنة تقريبا
ـ سنة!!! وأنا مخدتش بالي إزاي
ـ إبقي خدي بالك لما يقوم إن شاء الله
ـ ماشي بس خد في بالك مش هتعدي بالساهل لا عليك ولا عليه
ـ نجينا يارب من قلبتك دي
ـ طمنوني عز كويس ؟؟
ـ الحمدلله يا جدي، تعبت نفسك وجيت ليه بس
ـ لازم أطمن بنفسي
ـ هو تعب إزاي ؟؟
ـ كومه سكر
حامد: هيفوق امتي ؟؟
ـ الدكتور مقالش ، خد شوق ورحيل وروح ياجدي أنا هقعد معاه
شوق بتوتر: لا …أنا عايزة اقعد
أدهم: مش هينفع هو شخص واحد بس
ـ ماشي أنا
ـ روحي علي بيت ياما لما تعدمينا إبقي اقعدي إنتي
رحيل: شوق لو سمحتي مش وقت عند وانت يا أدهم لم الدور
ـ هو أنا اتكلمت هو عامل يغني ويرد علي نفسه
أدهم بضيق:والله لاقطع لسانك الطويل ده في يوم
بصلته بقرف
ـ جدي عايزه ادخل اشوفه
حامد: ينفع يا أدهم
ـ ينفع بس هو أصلا في غيبوبه مش هيكون صاحي فاهمه
ـ فاهمه حد قالك إني مخي تخين .. وسع كدا وانت زي التلح كدا
ـ تلح!!!! أنا تلح !!! ….. بتضحكي علي أيه إنتي كمان
رحيل بضحك:بس يا تلح ــــــــــــــــــــــــــ
-عايز تسبني تاني ليه ؟؟؟ أنا ما صدقت لاقيتك أه والله ما صدقت يكون عندي أب وأهل زي الخلق … طب قوم علشان ارزي فيك ونتخانق بدل الرقدة دي… متروحش مني ونبي أنا لسه عايزة أعيش معاك وقت اكتر أنا بحبك يا عز بس قوم وهبطل كل الحركات إللي بضايقك مني
ـ طلعتي بتحسي زينا أهو
ـ إنت ايه دخلك هنا يابارد
ـ يبتت احترمي نفسك شويه أنا اكبر منك ، جدي بيقولك يلا
بصلته بقرف
ـ طلما اكبر مني يبقي تحترم نفسك وتفكك مني
ـ اي تفكك مني دي شايفني هموت عليكي
ـ هو إنت بتموت بس دا انت واقع من اخر دور يعينا
غمزتله وطلعت
أدهم بإحراج:عيب يا أدهم والله بقيت مفضوح وإنت طول عمرك واد تقيل “ابتسم” بس تستاهل مزه جامده ـــــــــــــــــــــــــــــــــــــــــ
ـ طمنونا عز عامل أيه ؟؟؟
حامد: الحمدلله كويس ،يلا كل واحد يروح بيته ملهاش لازمه القاعدة
ـ يلا يا شوق
ـ لا انا هقعد هنا مع جدي ، اطلعي انتي
ـ براحتك ـــــــــــــ
ـ حمد الله علي سلامتك
ـ الله يسلمك ،حصل ايه؟؟
ـ سكرك كان واطي خالص ،إنت بتنسي تاخد العلاج ولا ايه
ـ اه ساعات ،هما عرفوا
ـ يووه دا مراتك مستحلافلنا سوا
ـ الله يطمنك يزفت
ـ زفت ، هو أنا بقيت ملطتشك إنت وبنتك أم لسان طويل دي
عز بفضول: هي عملت أيه لما عرفت
ـ دخلت وقعدت تعيط وتقول إنها بتحبك دا إللي سمعته وانا بنديها لجدي
ـ بجد
ـ ااه والله
عز ابتسم بهدوء
ـــــــــــــــــــــــــــ
ـ لسانك يا شوق مش كدا
ـ مبعرفش أذوق الكلام
ـ مفيش فايدة فيكي ، بس أنا ربيت عيالي احسن تربيه يبنت نجوي “سكت شويه” صحيح أنا دلعت عز شويه علشان هو اخر العنقود وأمه وماتت وهو صغير فمحبتش أكون أنا والدنيا عليه
ـ يقطعني فكرتك بالحجه مكنتش اقصد
ـ ومين قالك إني كنت ناسيها .. ربنا يرحمها ويجمعني بيها علي خير
ـ أمين يارب
ـ يلا برا عايز أنام
ـ طيب ،تصبح علي خيرـــــــــــــــــــــــ
ـ أدهم صدعتني بكلامك علشان شوق في أيه ؟؟
ـ معرفش ” سكت شويه” حقيقي معرفش واكله دماغي ليه ؟؟ يمكن علشان أنا عمري ما قابلت بنت بنفس الشخصيه دي
فتحت الباب ودخلت
شوق : ولا هتشوف ،معرفش كنت بتكلم عن أيه قبل ما تشوف خلقتي
أدهم بذهول: إنتي جيتي إزاي ؟؟؟
ـ بالتاكس
ـ في الوقت دا الساعه ٢ بليل ولوحدك
ـ ااه لوحدي هتخطف يعني ، عامل أيه ؟؟
عز : الحمد لله أحسن
شوق بهزار: كنت عايز تفلسع تاني مني
عز: غصب عني المره دي والحمدلله لسه موجود
ـ يارب تفضل موجود علي طول يا عز
ـ ما تقوليلي يا بابا ولا صعبه عليكي
ـ صعبه بصراحه، إصلي عمري ما قولتها أبدا … بس حاول متزعلش
ابتسملها بهدوء ــــــــــــــــــــــــــــ
ـ بمزاجك، غصب عنك هي أختك من أبوك يبقي لازم تحترم نفسك وإنت بتكلم معاها سامع
يوسف بجمود: ياماما دي
ـ سمعت أنا قولت أيه الموقف دا لو اتكرر تاني مش هحصلك طيب .. علي اوضتك يلا ـــــــــــــــــــــــــــــ
ـ نام
قفلت الباب براحه
ـ ايوة
ـ طيب خدي كلي اكيد جوعتي
ـ هات هموت وكله بسببك
ـ ما بحاول اصالح اهو
ـ ماشي؛ هتفضل تبصلي كدا كتير
ـ وإنتي ساكته بتكوني أحلي
بلعت الاكل
ـ ولما بتكلم بكون وحشه ولا ايه؟؟
ـ بتكوني بلدي والمشكلة بتبقي حلوة بردوا
ـ البلدي يوكل يسي أدهم
ـ اتجوزك
ـ نعم !!!!!!
ـ هتجوزك وتقوليلي كل يوم سي أدهم
ـ إنت عبيط
بصلها بضيق
ـ والم لسان أمك ده
ـ إنت بتكلم جد يولاا
ـ اه والله بكره هطلب ايدك من عز
ـ أنا اتاكدت إن مخك تعبان
ـ اتلمي يا شوق
ـ اتلم انت وخليك في ست زفته دي بنت عمتك
ـ مرام .. علي فكرة أنا مفيش ما بيني وبينها اي حاجه
ـ قالتي انك حبيبها
ـ هي تقول إلي تقوله المهم أنا بقول ايه
ـ مش هينفع لا
ـ ليه يا شوق ؟؟؟
ـ يا أدهم لا إنت متعرفنيش و
ـ هعرفك هناخطب ونتعرف علي بعض بصراحه إنتي عاجبني أوي
اتكسفت
ـ خلاص ـــــــــــــــــــــــــــ
ـ بتعيطي ليه يا بومه علي الصبح
فاطمة بعياط: اخص عليكي يا رحيل أنا بومه
ـ دا أمر مفروغ منه ، مالك
ـ بابا وماما وحشوني ، كلمتهم من شويه اقولهم يرجعوا لو حتي أسبوع مرضعوش
ـ أكيد عندهم شغل وأول ما يخلص هينزلوا
ـ شغل طول السنه!!!! أنا المفروض أكون اهم من الشغل صح
ـ طبعا بس هما بيشتغلوا علشان مين ، مش علشانك إنتي
ـ مش عايزه فلوس أنا عايزهم هما جنبي إحنا عندنا فلوس كتير بس معندناش عيلة
ـ عيب يا فاطمه الكلام دا إحنا كلنا هنا أهل وانتي زي سلمي ويوسف عندي ما إنتي عارفه يبت غلاوتك
ـ والله وجودك هو الي مهون عليا كل حاجة ــــــــــــــــــــــــــــــــــــــــــــــ
ـ أدهم اصحي … أدهم
أدهم بنوم: صباح القمر
ـ اتعدل يولا انت ، قوم اخلص
ـ إنتي لحقتي ما كنا حلوين بليل
عز: إنتوا بتقولوا ايه ؟؟
ـ ولا حاجة … أنا هروح أشوف الدكتور علشان نمشي ـــــــــــــ
ـ ياحبيبتي كملي نومك
سلمي: أنا صاحيه مستنيه بابا مش هنام
عزة : كله مبيسمعش الكلام كدا
رحيل نفخت بضيق
ـ لا حول ولا قوة إلا بالله ــــــــــــــــــــــــــــــ
ـ أنا كتبتلك علي خروج بس تخلي بالك من أكلك وتاخد العلاج بانتظام
ـ تمام شكراً يا دكتور
عز: يلا يبني نمشي مش بحب جوا المستشفيات ده ـــــــ
ـ مش موجودة يا جدو
ـ يبنتي إزاي بس
ـ والله الاوضه فاضيه
ـ هتكون راحت فين بس هو إحنا ناقصين مصائب
ـ ربنا ما يجيب مصائب يا عمي ،تلاقيها هنا ولا
قاطعهم صوت سلمي
ـ بابا جه بابا جه
كلهم سلموا عليه
ـ إنتي إزاي معاهم
ـ روحتلهم بليل
ـ ودا ينفع
ـ جوزك لسه جاي ركزي معاه بعدين
أدهم : طب ياجماعة أنا عايز أقول حاجة قدامكم كلكم
كله بص عليه وأنا اتكسفت بس كنت فرحانة والابتسامتي من الودن دي للودن دي
ـ أنا عايز اخطب شوق يا عز
كلهم ساكتوا وبصولي
أدهم بتوتر: السكوت علامه الرضا صح
ـ بقا كدا يا أدهم عايز تخطب دي ، طب ومرام بنتي
ـ مالها بنتك يا عمتي هو أنا كنت واعدها بحاجه ورجعت في كلامي وبعدين ايه دي !!! إسمها شوق
ـ ما تتكلم يابابا عجبك الكلام ده
ـ كل واحد يعمل الي يريحه يا عزة هنغصب عليه يعني
عزة بضيق: بقا كدا كلكم خدتوا صفها من ساعه ما جت … بتفضلوا بنت الشارع علي بنتي أنا المتربيه المتعلمه
عز بزعيق: احترمي نفسك يا عزة أنا بنتي مش بنت شوارع لو لسانك نطق كلمة تانية عليها صدقيني هنسي إنك اختي
ـ هي حصلت ماشي يا عز
سابتهم وطلعت
أدهم: طب يجماعة ولا كأن حاجة حصلت … رد يا عمي قولت أيه ؟
شوق: معلش أنا الي هرد ،طلبك مرفوض
ـ نعم !!!!
شدني من ايدي دخلنا اوضه جدي تحت انظارهم
ـ سيب ايدي يا متخلف إنت
ـ والله ما في غيرك متخلف في أيه مش اتكلمنا قولتي انك موافقة رجعتي في كلامك ليه؟؟؟
ـ علشان مش عايزة اسمع الكلام دا تاني ….خد الي زيك يا أدهم بنتها أحسن مني ومتعلمه وباين عليها بتحبك ” سكتت لحظه” وبعدين هتسمع كلامك مش زيي لساني طويل وبرد عليك الكلمه بعشرة
ـ عايزك انتي بردوا ووعد مش هتسمعي الكلام دا تاني أبدا
ـ أدهم
ـ يخربيت سنين أدهم ،هنطلع دلوقتي هتقولي موافقه وبس
طلعنا سوا روحت عند فاطمة هو قعد جنب جدي
حامد: سمعونا زغروطه
ومن الوقت دا وأنا وهو سوا بنتخانق اكتر من الأول بقا فيه ما بينا مواضيع بيعملني الصح من الغلط وبيخاف عليا بجد طلع لذيذ بيضحكني بصراحة أدهم عوضني عن حاجات كتيرة اتحرمت منها ـــــــــــــــــــ
ـ دا أنا يبختي والله
شوق بخضه: إنت بتعمل أيه هنا
ـ كنت بجيب طلبات للبيت ، وحظي الحلو خلاني أجي علشان اشوفك وانتي بترقصي
فكيت الطرحه الي علي وسطي وحطها علي شعري
ـ أطلع برا يا أدهم واحترام نفسك
ـ بتحطي الطرحه ليه ؟؟
ـ علشان حرام أنت قولت مينفعش حد يشوف شعري
ـ أنا مني الله
ـ برا وتاني مره قبل ما تدخل تخبط علي الباب الأول
ـ طب من غير زق طيب
عز: المره الكام دي الي بقفشك فيها طالع من أوضتها
أدهم بإحراج: ما انت الي مش راضي تخلينا نتجوز
ـ اقسم بالله يا أدهم لو شوفتك هنا تاني مفيش جواز خالص
فتح الباب ونزل من غير ولا كلمه بس مسمعش الكلام كان بيجيلي بليل من البلوكونه ونقعد سوا وطبعا علشان صوتنا العالي اتقفشنا للمره المليون وبعد زن أدهم وعياطي أخيرا عز وافق نكتب الكتاب ـــــــــــــــــــــــــ
فاطمة: لا مينفعش تدخل دلوقتي
ـ ليه ها ماهي كمان شويه هتكون مراتي
ـ لا بردوا
رحيل: تحت يا أدهم يحبيبي عز لو شافك هيلغي الدنيا كلها دا علي آخره منك
ـ طيب متتاخروش أنا تحت
ـ ماشي يحبيبي ـــــــ
نجوي:النبي حرسك وصاينك زي القمر
ـ بجد شكلي حلو
سلمي: جميلة خالص
ـ والله ما في حد جميل إلا انتي
عز: خلصتي ؟؟
إبتسمت
ـ ايوة .. ايه رأيك ؟؟؟
بصلي وسكتت وكلهم طلعوا من الاوضة بعدها قرب مني وحضني
ـ شكلك حلو يحبيبتي زي العادة ، مش هقدر اوصفلك أنا حاسس بايه فرحان بس مش عايز اسيبك للواد أدهم بصراحة لسه عايز أعيش معاكي وقت أكتر
ـ مش هسيبك أنا اقنعت أدهم إننا نعيش في شقتهم
باس رأسها
ـ قالي … هاتي ايدك علشان ننزل ـــــــ
المأذون: بارك الله لكما وبارك عليكما وجمع بينكما في خير
الراجل ملحقش يلخص لاقيت أدهم بيحضني وهما بيزغرطوا
ـ بحبك
ـ أنا اتكروت
بعدني عنه وبصلي باستغراب
ـ أيوة يا أدهم اتكروت في الجوازه دي كل حاجة حصلت بسرعه
ـ سرعه !!! بقالنا سنه متزفتين مخطوبين ” سكتت” اتكروتي اتكروتي مش مهم أنا مبسوط وانتي هتبسطي بدل ما اطين عيشتك يا شوق
زعقت فيه
ـ تطين عيشتي ايوة كدا أظهر وبان … طلقني
رحيل: جتك طلقه في دماغك بس ياشوق وإنت اسكت مش كل كلمه ترد عليها
ـ إنتي مش شايفه بتقول أيه ؟؟
ـ عيله صغيره يا أدهم ما إنت عارفها
شوق: متزعلش خلاص
مردش عليها
ـ دومي خلاص متزعلش
ـ ماشي
ـ قوم نرقص معاهم
ـ لا
ـ ماشي خليك هقوم أنا
ـ مكانك متتحركيش
ـ دا أنت ااااه ماشي يا أدهم ماشي
ـ لما نطلع فوق أبقي ارقصيلي لوحدي، مبحبش حد يبص عليكي افهمي
ابتسمت وقعدنا نرغي لحد ما
ـ السلام عليكم يجماعة
حامد:وعليكم السلام ،خير يا إبني
ـ خير يا حج أنا بسال عن واحد إسمه عز السيوفي
عز: أنا اهو … إنت مين ؟؟ وعايز ايه ؟؟؟
ـ أنا إبنك من صافيه فاكرها
عز بتوتر: صافيه ايه مين ؟انت
أحمد: صافيه محمد الي كانت زمليتك فكلية افتكرتها
رحيل بصدمه: عز … عز الكلام ده بجد إنت كنت متجوز عليا تاني
نجوي: ولا إنتي الصدقه بقا دي تالت ، يخيبك راجل
أحمد: أنا مقدر إنها صدمه ليكوا أنا كمان اتصدمت لما عرفت منها قبل ما تتوفي … أنا مستعد أعمل ايه تحليل علشان تتاكدوا
حامد بغضب: عز ـــــــــــــــــــ
أدهم: يلا شوق
ـ يلا علي فين استني نشوف هيحصل ايه؟؟؟
ـ علي فوق سيبك منهم دي عيله وشش وانا زهقت
ـ يا أدهم استني ….استني بس …. أدهم ـــــــــــ
رحيل بغضب: هقتلك يا عز تعالي هنا
عز: هفهمك استني
رحيل بشر: استني .. استني أيه تاني لما يطلعلي إبن ولا بنت مراتك الرابعه
عز بتوتر : لا دي بقي أنا متاكد إنها مكنتش بتخلف
ـ ايييييييي هو هو فيه رابعه
وقعت مغمي عليها
حامد بغضب: منك الله ، لسه فيه مصائب تانيه مخبيها علينا ولا لا
ـ تقريبا لا … رحيل فوقي يحبيبتي ومش هعمل كدا تاني ــــــــــ
ـ عارف يا أدهم لو فكرت بس تعمل زي عمك أنا هعمل فيك ايه ؟؟؟
ـ ايه؟؟
ـ هموتك بايدي
ـ يواد يشرس إنت
ـ مش بهزر
ـ مش هعمل كدا يعيوني والله كفايه عليا انتي بالأربعة عندي
ـ حبيبي إنت أحسن واحد في العائله دي ـــــــــــــــ
ـ يعني النهارده كان فرح اختي
يوسف: إنتوا مين ؟؟؟ وأنا مين ؟؟؟ وايه اللي عامل يحصل دا ؟؟؟
فاطمه : ولا الافلام حاجه تخبل العقل
ـ أخيرا فوقتي
ـ غور من وشي يا عز …هموتك
عز: استهدي بالله
قامت تجري وراه
ـ تعالي هنا …. عز والله ما هسيبك ــــــ
ـ اديلو ادي يا شوق
ـ بتعرف تنقط
ـ بعرف يا مزه
ـ هيهي هيهي طب نقط يا حلو ــــــــــــــــ
ـ سيبوني عليه والله ما هسيبه
ـ يبنتي اهدي ليجرالك حاجة
ـ هو أنا لسه هيجرالي أكتر من كدا …وديني يا عز ما هسيبك
تعالي هنا …..
في نهايه هنقول
“ناس هيصه وناس ليصه “
لقراءة الرواية كاملة اضغط على : (رواية رقاصة)
