رواية لعنة الفراعنة الفصل الثاني والعشرون 22 بقلم رحمة نبيل
رواية لعنة الفراعنة الجزء الثاني والعشرون
رواية لعنة الفراعنة البارت الثاني والعشرون
رواية لعنة الفراعنة الحلقة الثانية والعشرون
نظرت ميسره برعب لهذا الملك فشكله حقا يبدو مختل كثيرا ابتلعت ريقها بخوف ونادت / ليث اباشا فيه وآحده هتتنفخ هنا يا باشا
ولكن للأسف فزع الجميع بسبب صراخ دانه ولم ينتبهوا لميسرة
اغلقت ميسره القلادة وتحدثت بخفوت / اعوانك خانوك يا ريتشارد شكلنا كده هنتصرف مع عقله الإصبع لوحدنا يا ابو المياسر
ابتسم الملك واشار لها بالاقتراب ميسره / عشره سنتي بس فيك العجب والله
اقتربت ميسره وهي تحاول أن تبتسم حتي لا يشك بشئ ثم جلست بجانبه ونظرت للحراس الذين يحيطون المكان
تحدث الملك / هم هنا لحمايتي تجاهليهم
ميسره وهي تتحدث بدلال لو رأهه ابريس لمات مشلولا /ولكن انا يا عزيزي لا احب هذا، احب ان اكون علي راحتي ولا ان اكون مراقبه هكذا
تحدث الملك وهو ينظر لها ببسمه خبيثه / لا تحاولي اللعب علي لانني لا احب ذلك هل فهمتي يا صغيره
تحدثت ميسره بسخريه / مين دي اللي صغيره يا فطوطه انت
الملك بتعجب / ماذا قلتي
ميسره وهي تعود للدلال مجددا / اقول انني لا العب او كما قلت انت ولكن انا فقط لا احب هذا أبدا فأنا كما تعرف لم يسبق لي أن كنت محاطه بهذا العدد من الحراس.
ثم قالت في سرها / غير خمس ست سبع مرات كده
نظر لها الملك بتركيز ثم رفع يده واشار للحراس بالانصراف
فنظر الحراس لبعضهم بتعجب وكاد أحدهم يتحدث فاوقفه الملك بنظره وآحده جعلت ميسره تنظر له بتعجب / سبحان الله الفار ده عامل رعب للتيران دي
انحني الحراس باحترام للملك ثم رحلوا واغلقوا الباب نظر للملك لميسره ببسمه مقرفه / والأن يا جميلتي هيا ارقصي لي
فتحت ميسره فمها بصدمه / نعم
الملك وهو يرفع حاجبه بتعجب / ماذا ألم تفهمي ما قلت اخبرتك ان تنهضي الان وترقصي لي يا جميلتي
بينما سمارا نظرت برعب لذلك الحارس وابتلعت ريقها وهي ترتعش / أنا… انا انا فقط كنت
تحدث الحارس بغضب شديد وهو يقترب /كنتي ماذا كنتي تهربيه حتي تذهبي معه
هزت سمارا رأسها بخوف / لا اقسم هو…
صرخ الحارس بشده / توقفي لقد سمعتك عندما كنتم تتفقون علي الخروج يا اميره
نظر ابريس له بدقه ثم تحدث بغموض / نعم كانت ستهرب معي وما علاقتك بالأمر اذا كنت تريد اخبار الملك فلتذهب لما تزعجنا بذلك
نظر الحارس بغضب اعمي لابريس ثم أعاد نظره لسمارا وامسك يدها واخذ يهزها بعنف / وماذا عني ها لقد قبلت بالعمل عند اخاكِ الحقير فقط لأجلك لاكون قريب منك يا سمارا والان تودين حقا الذهاب مع هذا وانا تتركيني هنا بعدما ضحيت بحياتي لاعيش بجوارك
ثم ألقاها بحده / انتي انانيه يا سمارا انانيه
سمارا وهي تهز رأسها برفض / عن ماذا تتحدث انا لا اعرف عنك شئ أبدا صدقني وهذا ( أشارت لابريس) ليس بحبيبي بل انا فقط أساعده حتي ينقذ حبيبته من يد اخي صدقني لم أكن اخطط لاهرب معه بل لاساعده فقط
نظر لها الشاب بدموع / حقا انتي لن تتركيني
سمارا / اسمع انا لا اعرفك اصلا لذا توقف عن قول انني سأتركك ودعني اساعد هذا المسكين فحبيبته في خطر
هز الشاب رأسه واخذ منها حامل المفاتيح وأخرج المفتاح المناسب وفتح القفص وقال ببسمه / اذهب وانقذ حبك وانا سأحصل علي حبي
غمز ابريس له / عرفت من البدايه بحبك لها
ثم اقترب من سمارا وتحدث ببسمه حنونه / شكرا لكي يا سمارا علي مساعدتك هذه اشكرك وبشده يا عزيزتي واذا قررتي في يوم انكي تحتاجين لاخ غير ذلك الأحمق فمنزلي في طيبه فقط اذهبي هناك وابحثي عني انا سأكون بقصر الملك
سمارا بتعجب / قصر الملك….. اوووه حسنا هذا ليس وقت الحديث هيا اذهب وانقذ حبيبتك
هز ابريس رأسه ببسمه / اشكرك كثيرا
ثم نظر للشاب / وانت أيضا شكرا لك اعتني بأختي يا فتي
ثم غمز لسمارا التي خجلت وبشده ثم تركها وركض في القصر يبحث عن ميسره / ياتري انتي فين يا بلوه حياتي
ميسره وهي تردح له / لابص بقي اوزعه وقولنا ماشي
بصاتك المريبه دي وسكتنا تقولي تعالي اقعدي جنبي وعدتيها إنما جو حريم السلطان وليالي الانس دي لا يابابا فرمل كده عشان والله احطك في برطمان ومخلي حد يعرفلك طريق
نظر الملك لها بشر وتحدث بغضب / ماذا تقولين انتي ولما تصرخين هكذا الا تعلمين مع من تتحدثين
ميسره وهي تصرخ بحده م/ مع مين يعني هو……. احيييييه
كانت ميسره تصرخ به ولكن وجدته يمسك افعي كبيره وضخمه بيده
ميسره بضحكه متوتره / جرا ايه يا سيد المعلمين ده انا كنت بهزر معاك بس ليه بتاخد الموضوع علي أعصابك كده
الملك بلهجه آمره / هيا انهضي وارقصي لي يا جميلتي
ميسره وهي تعض شفاهها بحده / عارف بس اخلص واقسم بالله احطك في الدرج
ثم نهضت ووقفت ونظرت اليه فاشار لها بالدء فأخذت ميسره تتحرك بحركات غبيه وترقص مثل الجواري قديما وحركاتها كانت مضحكة كثيرا وهي تغني / حلاوه شمسنا اه اه وخفه ضلنا اه اه حلاوه شمسنا اه اه وخفه ضلنا اه اه الجوووووو عندنا ربيع طول السنننننه يا اااا….
الملك بصراخ وهو يقاطعها / توقفففففي.
ميسره بتذمر / انت فصيل ليه ده انا كنت لسه هعملك حركه دينا الرقاصه دلوقتي وألفلك لفه ٣٦٠ درجه دي بتعمل شغل عالي
الملك بصراخ وهو يرفع الافعي في وجهها / اذا تحدثتي كلمه واحده بلغتك الغريبه تلك سأجعل الافاعي تتغذي عليكي اليوم
ميسره وهي تنظر للافعي برعب وتبتعد وترفع يدها / انت ليه قفوش كده ده أنا بضحك معاك
بينما ابريس يكاد يجن أين هي ميسره هو لا يجدها كان يجب أن يسأل سمارا قبل الذهاب تنهد باختناق وهو مرعوب علي ميسره فتح أحدي الأبواب وجد بها مجموعه من الحراس ابريس / مش وقتكم خالص يعني
عاد ابريس للخلف بينما الحراس حملوا اسلحتهم واتجهوا له
ابريس وهو يغمض عينه بتعب ويخرج سكاكينه / استعنا بالله
ثم ركض سريعا وخلفه الحراس نظر ابريس خلفه وجدهم يحملون الاسلحه صرخ ابريس بحده / كان يوم اسود يوم ما روحت ليكي السجن عشان اهربك يا ميسره يا بووومه
احد الحراس / امسكوا به هذا الهارب
ابريس وهو يركض / حسيت بيكي يا غاليه وانتي كل خطوه تلاقي اللي بيجري وراكي
ثم توقف فجأه فنظر الحراس له بتعجب وجدوه يمسك احدي الشعل من جانبه ويبتسم بخبث نظروا لبعضهم بتعجب
فامسك ابريس الشعله وتنحي جانبا فظهر القفص الذي كان به قفز ابريس لفوق القفص والقي الشعله بداخله فهاجت الافاعي التي كانت ساكنه وخرجت من القفص وهجمت علي الحراس بعنف وكأنهم كانوا مخدرين والان افاقوا نظر ابريس ثم تعلق في أحدي الستائر والقي نفسه بعيدا عنهم فسقط علي ظهره بحده / اااااااااه يا حسبي الله ونعم الوكيل
ثم نهض واخذ يتحرك بصعوبه بسبب ظهره / هخلص الرحله متكسح اه يا ضهري
الملك لميسره بحده / هل تسمين ما تفعليه هذه رقص
ميسره وهي تبتسم بسماجه / انت شكلك متفهمش في الرقص يابابا
الملك وهو ينظر لجسدها بشهوه / لنتخطي الرقص ولننتقل للمرحله الثانيه
ميسره وهي تصفعه / لا ولد قله ادب مش عايزه انت فاهم
احمرت عين الملك وامسك كرباج وضرب به في الهواء
ميسره بضحكه متوتره / مش تقول كده ياراجل وانا اللي فهمتك غلط معلش ياباشا عيله وغلطتك اعتبرني مامتك يعني ترضي الست الوالده تنضرب كده يا عاق يافاسد
الملك وهو يقترب لها ببسمه مرعبه / لنبدأ المتعه يا عزيزتي
ركض ليث برعب وجسده يرتجف بشده للداخل ولكن تيبس جسده عندما رأي دانه وحولها بركه دماء صرخ صرخه قطعت قلبه / دااااااااانه
ركض لها برعب وحملها بسرعه كبيره ولكن وقعت عينه علي شئ أثناء حمله لها جعل عيناه تتحول للون الدماء ثم ركض خارجا في نفس الوقت الذي كان الجميع علي وشك الدخول لمعرفه ما حدث
نيرة برعب وهي تري دانه بين يدي ليث ركضت له
بينما ليث كان يركض وعيونه ثابته امامه بجمود مخيف وضعها في السيارة بسرعه وكان بجانبها نيره وصعد في الإمام وقاد السياره بسرعه كبيره جدا
وهو يضغط علي المقود بشده كادت تنزعه من مكانه
نظر امامه في محدد المواقع ليري أقرب مشفي بعد عشر دقائق وصل المشفي وحملها ويده ترتجف هذه اليد التي كانت دائما تحملها وهي تداعبها الان تحملها وهي ممده تحاكي الموتي
رأه طبيب فاحضر الترولي وركضوا عليه واخذوها بسرعه كل هذا وهو ببساطه لم ينطق كلمة وآحده فقط شارد فيما رأه فعندما كان يحمل دانه لاحظ في مرأه الاستقبال بجانب للدرج الفتاه التي ضربتها دانه صباحا وهي تحمل في يدها زجاجه من الزيت اسودت عيناه بشده بينما نيره كانت تقف امام باب العمليات ولأول مره كانت تبكي بحده وهي تتذكر رفيقتها رغم ان دانه كانت أكبر منها حيث كانت دانه في السنه الاخيره بينما نيرة كانت ما تزال في سنتها الأولي ولكن دانه وقفت بجانبها كثيرا هي تتذكر الايام التي قضتها دانه ليلا بدون نوم فقط لأجل ان تصنع لها ملخصات فنيرة لم تكن تملك ثمن الكورسات ولم تقبل باخذ مال من دانه لذا كانت دانه تصنع لها ملخصات المواد وتجبرها علي القبول به وهي من وجدت لها الوظيفه ومن دفع لها ثمن تذكره الذهاب لروسيا في البدايه اغمضت نيره عيونها وتعالي بكائها وهي تدعي ربها ان تكون دانه بخير
بينما ليث كانت عينه حمراء بشده وهو يستند بظهره علي الحائط ويضرب بيده في الحائط وهو ينظر لنقطه وهميه امامه
سمعت نيره رنين هاتفها نظرت وجدت حسام فتحت المكالمه وهي تبكي بشده وشهقاتها تمنعها من الحديث جيدا / دانه…… دانه يا حسام
حسام وهو ينظر امامه لجاسر الذي ينظر للقلاده بخوف / اهدي يا قلبي انتم فين دلوقتي
لم تنتبه له نيره ولا لكلمته فاجابت وهي تنظر حولها / معرفش معرفش ماخدتش بالي بس هي أقرب مستشفي للبيت يعني
حسام وهو يزفر بتعب / تمام واحنا جايين
نيره / تمام
نظرت نيره بعدما انهت المكالمه برعب ليد ليث فهي أصبحت تنزف بغزاره / استاذ ليث ايدك بتنزف
لم يجب ليث فعقله وقلبه وروحه ممده بالداخل نادت عليه نيرة مجددا وايضا لا رد
خرج الطبيب وتنهد بتعب واقترب من ليث وهتف بعمليه / استاذ ليث
نظر له ليث بروح خاليه فاكمل الطبيب /…..
ميسره وهي تبتعد عنه للخلف / شوف خلبوص إزاي سيب يا قمر البتاع ده عشان هتتعور يا بابا كخ يلا
ابتسم الملك بسمه مرعبه واخذ يقترب منها بينما ميسره تعود للخلف حتي وجدت الباب نظرت له برعب ثم رفعت الفستان وركضت في ارجاء الجناح بينما تسمع ضحكات ذلك المقيت
الملك / هيا يا عزيزتي لن نلعب طوال الليل يا جميله
بينما ميسره اخذت تقفز من هنا لهناك وهو فقط يلحقها ميسره وهي تركض رأت شكله وهو قصير ويركض خلفها فأخذت تضحك بشده / ياخربيتك والله عايزه اخاف منك بس مش عارفه ههههههههههههههه
بينما الملك نظر لها بغضب ثم تحدث بطريقه مخيفه ولغه غريبه نظرت له ميسره بخوف / انت بتسبلي الدين في سرك ولا إيه
اخذ يتحدث بتلك اللغه فتحولت عينه للابيض تماما فعادت ميسره للخلف وهي تضحك بتوتر / اهدئ يا صغيري لما انت عصبي هكذا كنت امزح معك
الملك ببسمه شريره / اقتربي يا صغيره
ميسره / يارب نص ثقتك دي وانت بتقولي صغيره
اقتربت ميسره بخوف / حسنا سآتي ولكن لا تفعل شئ هل فهمت
هز الملك رأسه بخبث / لا تخافي يا عزيزتي اقتربي
ميسره وهي تقترب / اهو بتنيل بقترب اخرس بقي
اقتربت ميسره فوجدت الافاعي تحيطه فعادت للخلف برعب / ياربي ياربي يارب لو عدت علي خير وعد يارب مش هبلطج علي حد
وجدت افعي تزحف ناحيتها فصرخت / ولا حنان وحموكشه يارب مش هزعق فيهم والله
اقتربت الافعي اكثر فصرخت برعب وهي تصعد علي الطاولة / وعلي يارب والله وعلي مش هقوله ابو كرش يارب اااااااااه
مره واحده وجدت سكين ينغرز في الافعي التي كانت تسير جهتها نظرت للباب وجدت ابريس يحمل سكاكينه وينظر للملك بغضب شديد فكاد الملك يتحدث الا انه شعر بأحد يجذبه بسرعه من الخلف ويضع يده علي فمه ميسره وهي تتحدث له بهمس مرعب / والأن عزيزي القصير لتأمر هذه الافاعي بالابتعاد
ضحك الملك بشده وهو ينظر لها بشر ثم هز رأسه برفض
ميسره وهي تبتسم بشر / هكذا اذا
ثم امسكت منه الكرباج بعد أن أخذته بصعوبه وضربت به في الهواء / طب بقي يلا ارقصلي
نظر لها الملك بعدم فهم فضربته ميسره بالكرباج بشده / هي لا أريد رؤيه افعي وآحده هنا هيا اصرفهم فورا
تحدث الملك بتلك اللغه الغريبه فانصرفت الافاعي مجددا لاماكن تجهلها ميسره ولا تود معرفتها بعد انصراف الافاعي استطاعت ميسره ان تسير بحريه ثم ذهبت للالات التي كانت موجوده واحضرت حبلا لتقيد الملك / انت مينفعش معاك جبل انت عايز خيط ابره كفايه عليك
ثم تركته ونظرت لابريس الذي ابتسم لها وفتح زراعه فركضت له بسرعه وعانقته بعشق كبير /الحمدلله انك بخير يا باشا كنت خايفه عليك
ابعدها ابريس وضحك / مين اللي يخاف علي مين يا قلب الباشا بس
ثم نظر للملك المكبل والذي لا يستطيع التحدث جيدا وامسك يدها / خلينا نمشي من هنا بسرعه قبل ما حد من حراسه يفلت
ميسره وهي تركض خلفه / يفلت منين
ابريس وهو يتبسم ويغمز لها / مش انت لوحدك اللي جامد ياباشا
ضحكت ميسره بشده ثم ركضت خلفه ونظرت لحدود القصر أمامهم بفرحه شديد ولكن انمحت هذه الفرحه وهي تري الباب ينغلق وعدد كبير من الحراس يقفون أمامهم وخلفهم ذلك الملك صرخت ميسرة /إزاي يا مؤمن إزاي فكيت نفسك
ضحك الملك بشده وصرخ / احضروهم
كانت كريمة مرعوبه وبشده علي ميسره وايضا علي دانه بينما نسرين كانت تبكي دون أن تشعر وجاسر يكاد يجن بسبب اختفاء ميسره هكذا هو يخشي ان يتواصل معها ويلاحظ احد الموضوع ويأخذ القلاده فهي اغلقتها اذا لابد انه حصل امر ما
بينما حسام نهض وتحدث / هروح انا واشوفهم عشان نيره صوتها منهار خالص
كريمة وهي تنهض وتنظر لنسرين وطمطم / تعالوا هنروح معاه
نظرت نسرين لجاسر الذي يكاد يبكي وهو يفكر ماذا يمكن أن يحدث لابنه عمه واخته / لا روحوا انتم انا هفضل هنا مع جاسر
ثم أشارت له بعينها فتفهم الجميع وتحدث مراد / خلاص روحوا انتم واحنا هنفضل هنا ونشوف موضوع ميسره
هز الجميع رأسه
الطبيب ببسمه / متقلقش هو بس بسبب الوقعه والخبطه حصل نزيف في الدماغ بس كان سطحي الحمدلله والاغماء بسبب كده
ليث بجمود / اقدر اخدها أمتي
الطبيب / لما تفوق تقدر تخدها عادي بس اهم حاجه لازم كل يوم تغير علي الجرح هبعت ممرضه
قاطعه ليث بنبره بارده / شكرا لحضرتك انا بعرف اغير علي الجروح اقدر اخدها دلوقتي
الطبيب بتعجب / اكيد بس هي لسه مفاقتش
ليث وهو يتخطاه / تمام
ثم تركه ودخل للغرفه وجدها مسطحه نظر لها بألم ووجع واقترب منها وحملها بكل هدوء يتملكه وخرج من الغرفه فرأته نيرة فذهبت معه وفتحت له الباب وقاد هو سيارته بكل برود لفيلته ثم هبط وحملها ودخل وصعد بها الدرج ووضعها علي الفراش ونيرة خلفه لاتعرف مابه ولما هذا الهدوء والجمود هو مرعب بحق اقترب ليث من دانه وقبلها علي جبينها بعشق كبير ثم ابتعد وتحدث لنيرة ببرود / ممكن تفضلي جنبها لحد ما ارجع
هزت نيرة رأسها / اكيد متقلقش
هز ليث رأسه بايجاب وخرج وصعد لسيارته قادها بسرعه هائله جدا
كاد الجميع يخرج من المنزل ولكن وجدوا ليث يدخل الباحه التي يجلسون بها تحدث ليث بهدوء / فين القلاده
ميسره بضحكه عاليه / شوف اول مره يقولوا احضروهم كنت دايما بسمع احضروها يااااه علي المتعه يااااه
ابريس وهو ينظر لها بحده / يارب صبرني عليها يارب لحد مانخلص يارب
ثم مد يده ليمسك سلاحه / اسمعي يا ميسره مفيش حل غير اننا نقاتلهم الملك ورانا بالحرس وقدامنا حرس تانين فأنا هقاتلهم واول ما تلاقي الكل انشغل بالقتال اهربي سامعاني اهربي يا ميسره
ميسره برفض تام / لا يا نطلع مع بعض يا منطلعش سوا يا ابريس
ابريس / مش هينفع يا ميسره هشغلهم بالقتال وهأمنلك الطريق وانتي تخرجي فورا بدون نقاش ولو مخرجناش من هنا اعرفي انه انتي السبب يا نحس
كادت ميسره ترد ولكن سمعت صوت ليث الهادئ / امشوا معاهم من غير اي مقاومه
ميسره بضحكه/ انت تآاااااني…… بعدين كنت فين ياباشا
ليث ببسمه بارده / كنت بعمل حاجه ضروري المهم امشوا معاهم بهدوء وبينوا انكم استسلمتم وانا هخرجكم من هنا ومن غير خدش واحد
ابريس وهو يتحدث بهدوء / اهم حاجه ميسره تخرج
ليث ببسمه بارده / أنتم آلأتنين هتخرجوا دلوقتي بينوا انكم استسلمتم
ميسره وهي ترفع يدها / استسلمنا اهو
ليث وهو يجز علي أسنانه / بلاش افوره يا حجه
أنزلت ميسره يدها ثم سارت بهدوء بجانب ابريس
ليث / ابريس معاك اي سلاح
ابريس بخفوت / آيوه سكاكين
ليث وهو يبتسم بشده / حلو اوي جهز نفسك في اللحظه اللي اقولك عليها تطلع سكينه
ابريس بتعجب ماذا يقصد هذا كان ابريس وميسره يسيرون عائدين الي القصر مجددا وعندما أصبحوا بمحاذاه الملك تحدث ليث بسرعه / ليث بسرعه سكينتك وعلي الملك
جري الأمر بثواني وبسرعه كبيره فأصبح الملك رهينه بين زراعي ابريس ابتسم ليث بخبث / دلوقتي بقي اطلب من الكل يجبولك اسلحه وامدادات للسفر بدل اللي سبتوها مكانكم قبل ما يخدوكم
ابريس وهو يتحدث بصوت جهوري / الان وحالا اريد اسلحه وايضا طعام
نظر الحراس لبعضهم ثم ركض أحدهم لجلب ما ارادوه ووضعه في حقيبه والقاه لهم نظر ابريس وجده ذلك الشاب الذي كان مع سمارا ابتسم له
ليث /تمام كده انتم معاكم اللي يكفيكم باقي الرحله
دلوقتي خلي الملك ده يأمرهم بالتنحي من قدام الباب
ابريس وهو يجذب الملك اكثر ويضغط بالسكين / هيا أمر حراسك بالتنحي بعيدا عن الباب
ليث وهو يتذكر / اطلب احصنه عشان تعرف تخرج بسرعه من هنا
كرر ابريس حديثه فاحضر نفس الشاب الاحصنه
ليث / ميسره طلعي الشنطه الأول وبعدين انتي
نفذت ميسره الأمر
ليث / وانت يا ابريس متطلعش علي الحصان غير اما تطلع من القصر يعني خلي الملك رهينه وامشي جنب الاحصنه واول ما تخرج من القصر ارمي الملك وباسرع ما عندك اطلع علي الحصان بسرعه وعلي أقرب مخرج
فعل ابريس المطلوب منهم ثم ركضوا بسرعه بالاحصنه
حتي تحدث ابريس ببسمه واسعه / خرجنا من المدينه شكرا جدا ليك
ليث ببسمه / متشكرنيش انا معملتش حاجه الموضوع ده كان ممكن تعمله لوحدك عادي بس عشان انت اللي جوه المشكله فمش عارف تفكر
ميسره بصراخ / اوووووووووه احنا عايشين احنا عايشين
ضحك ليث عليها ثم اغلق القلاده وتنهد بتعب وعاد للخلف ثم نظر للجميع وابتسم بسمته الخبيثه / الله امال فين عمتكم وعيالها عايز أرحب بيهم عشان معرفتش أرحب اول مره لان دانه كانت معايا
ميسره وهي تنظر لابريس ثواني وانفجروا ضاحكين علي ما يحدث لهم
ابريس وهو يضحك بشده / دي تاني مره ليا في أرض الموتي ومتبهدلتش كده اول مره
ميسره وهي تضحك بشده/ عشان انا بركه يا حبي
ابريس وهو لا يستطيع التحدث من الضحك / انتي ههههههههههه ده انتي بومه هههههههههههه كل خطوه ببلوه ههههههههههههههه
توقفت ميسره في مكان به ثم هبطت وجلست وتنفست براحه / يااااه ده انا لو عملت كتاب عن اللي حصلنا ده هيقولوا خيالي واسع
ابريس وهو يجلس جانبها وينظر لها بعمق / رغم كل اللي حصل وأننا آكتر من مره كنا هنتكل بس بجد ايام معشيتش زيها
ابتسمت له ميسره ثم قالت بتفكير / صحيح يا ابريس من بين كل المصايب إللي واجهتنا ايه اكتر واحده كانت صعبه عليك
ارجع ابريس رأسه علي الشجر خلفه / اممممم أصعب مصيبه هي مملكه الحوريات
ميسره بضحكه / ياراجل ده انت كنت حتي عريس امال انا اللي كنت متعلقه زي الدبيحه
ابريس وهو ينظر لها بحب / تؤ تؤ كانت أصعب مره لاني شوفتك وقتها وانتي بتبكي وخايفه الباقي مهمنيش فيهم حاجه قد ما همني انك تخرجي بخير
ميسره وهي تتحدث بجديه / تعرف أصعب مره هي المانتيكور ده مش تقليل من مملكه الحوريات ولا الافاعي لا بس البتاع ده شوفت بهدله وانا متشعلقه فيه واترجيت رج ولا كنزايه الراني قبل الشرب ياجدع
ضحك ابريس بشده وهو يتذكر شكلها وهي تصرخ ومعلقه / متفكرنيش كنتي تهلكي من الضحك
لوت ميسره فمها بحنق / طب قوم يلا خلينا نشوف المصيبه الجديده
نهض ابريس وهو يبتسم بشده وصعدوا للاحصنه وانطلقوا مجددا نظر ابريس للسماء / يبدو أنها ستمطر اليوم لنبحث عن ملجأ
ميسره / اقسم بالله تمطر ترعد ان شاء الله القيامه تقوم ما هعتب مكان تاني يا جدع ده ناقص يأجوج ومأجوج يخرجوا
ضحك ابريس عليها ثم تحدث ببسمه / اذا استعدي يا جميلتي فبحلول الصباح نكون وصلنا للحكيم احمس
ميسره / يااااه يا جدع مش مصدقه
ضحك ابريس عليها بشده
كريمة بسخريه / ماشوفتش وحش دول هما تلات نسانيس صغيرين وشامبنزي كبير
ضربت نسرين كريمة / عيب دول عيلتك
كريمة بقرف / عيلتي مين ولا اعرفهم
كاد ليث يتحدث لولا سماع الجميع صراخ امال الذي يٱتي من الباحه الخلفيه ركض الجميع برعب وبسرعه ليروا ماذا حدث ولكن وجدوا امال تقف امام عشه الدجاج وتصرخ برعب وتشير للعشه / جثه في جثه جوة
نظر الجميع لها بتعجب فمدت كريمة رأسها وقالت بسخريه / ده الأهبل أسر هو لسه هنا
ليث ببرود / هممممم علي بكره القوه هتوصل عشان تاخده
جاسر بتعجب / قوه ايه
ليث / طلبت ان التحقيق يكون في القاهره مش هنا هو متحول للتحقيق وانا هخلي حبايبي هناك يكرموه
تحدث امال بقرف / بس ده متخرشم خالص ده ولا اكنه قطر عدي عليه فرمه
كريمة وهي تفكر / تصدقي يا امال فكره عظمه احنا نحطه تحت القطر
حسام وهو يتحدث بتفكير / لا أظن احنا نبعته لمخزن الكلاب يا جاسر افضل
ليث وهو يتركهم ويرحل ببرود / مش هنحلص سيبوه متلقح كده وبكره انا هظبطه
امال بتذمر / لا طلعوه من هنا عشان فرخاتي ياخدوا راحتهم
كريمة بحنق / جرا ايه يا امال هو هيقاسمهم في الاكل ولا إيه ما هو الراجل ميت في امان الله اهو
امال وهي تشير للدجاج / شايفه فرخاتي العسلات خايفين إزاي منه طلعوه بره اقولكم حطوه مع الوز
كريمة وعي تغلق للعشه بسخريه / هو طبق رز ومحتارين ناكله مع إيه يا امال يلا يلا يا قمر روحي المطبخ اعملي اي أكله اقولك اعملي لينا وزه
نظرت لها امال بتذمر / ماشي يا كريمة والله لاقول لأمك علي كلامك ده
كريمة وهي تلقي لها قبله في الهواء / هي عارفه اني مش متربيه أساسا يا حبي
نظرت لها امال بحنق ثم رحلت
ليث وهو ينظر لهم بغموض / بليل هاجي واجيب دانه معايا عايز اتعرف علي العيله بنفسي يلا سلام
حسام وهو ينادي عليه / لحظه هاجي معاك اجيب نيره
هز ليث رأسه ثم سار ببرود وهو يخطط في رأسه ما سيفعله مع اميره اذا ظنت انها نجت بفعلتها فقد أخطأت فقد لعبت مع جنيه بلاك ربما ليث يمكنه ان يتخطي الأمر ولكن بلاك لا
وصل ليث للمنزل وجد نيرة تعد الطعام في المطبخ دخل حسام لها وتحدث معها بصوت لم يصل لليث ثم ابتسمت نيرة له ونظرت لليث ووضعت امامه صينيه طعام / أتفضل ده الاكل عشان دانه والعلاج جنب السرير
همشي انا وهجيلها بليل
هز ليث رأسه ببسمه ممتنه / شكرا ليكي ومتعبيش نفسك بليل هجبها وهنيجي لان فيه موضوع مهم لازم اخلصه
نيره بتعجب / تمام
ثم نظرت لحسام / نمشي امعلمي
حسام بضحكه / أتفضل يا كبير
سارت نيره وخلفها حسام يضحك علي مشيتها التي تشبه الرجال
بينما في الأعلي كانت دانه تضع اللاب توب علي قدمها وتتحدث بملل / خلاص بقي يا عبده يعني هي اول مره مالك يهزأك
عبدالرحمن بغضب / آه يا ختي وبسبب مين بسبب عيالك بقي انا اللي عمري ما اتعاقبت وانا صغير علي حاجه اتعاقب وانا كبير وعلي حاجه معملتهاش وبسبب مين الشياطين بتوعك دول
قال كلامه وهو يشير لاياد وزياد المعلقين علي الحائط
زياد وهو يتحرك بعنف / نزلني بس ونتكلم راجل لراجل
عبده بسخريه لدانه / شايفه الكلاب دول والله لهعلمهم الأدب علمناهم الشحاته فسبقونا للابواب ده انا اللي معلمهم الصياعه ويتعلم عليا بس اصبري هفضل سايبهم متعلقين كده لحد مايبنالهم صاحب
ابقي نايم في امان الله الاقي مالك جاي يهزأني عشان كسرت ليه الجيم وانا كنت سايبه سليم هو اللي عملته في نور هيترد فيا ولا إيه
دانه بضحك عليه / الله بقي يا عبده خلي روحك رياضيه بعدين يعني ما مصيبه المطبخ لبستها نور عايزهم يقولوا ان نور برضو هي اللي بوظت الجيم يرضيك عيال اختك يبقوا مفتريين ويفتروا علي المسكينه نور
عبده بحده / لا معاذ الله يفتروا علي عبده الشيطان
إياد وهو يضم زراعيه لصدره ويتحدث ببرود / سيبيه يا والدتي متتحيليش عليه احنا هناخد حقنا بأيدينا
نظر له عبده بحده / هتعمل ايه يا بن ليث هتعمل ايه
تحدث إياد ببسمه مرعبه تشبه بسمه ليث وهو يتكلم مثل الأفلام / عندك بنت صغيره صح
هز عبده رأسه
زياد وهو يكمل حديث أخيه / واسمها ملاك صح
عبده وهي يدعي الصدمه / أنتم عرفتوا إزاي لا يا دانه عيالك فظاع
إياد بدراميه / مش مهم عرفنا إزاي المهم خلي بالك منها الايام الجايه لأننا هنحطها في دماغنا
نظرت دانه لعبده ببسمه وهي تكاد تبكي / معلش يا عبده يا حبيبي دول عيا…..
عبده بصراخ / متقوليش عيال اوعي اسمعك تقولي عيال دول شياطين صغيرين
زياد ببرود مثل ليث / احنا مش شياطين يا أخ عبده لو سمحت احنا بشر زينا زيك
عبده وهو يشير لهم ويكاد يجن / شوفتي برود جوزك اهو بيقلد ليث قال يعني هخاف منه
سمع صوت ليث وهو يضع الصينيه ويجلس
بجانب دانه ويتحدث ببرود / نزل العيال
عبده / الحمدلله انك جيت بص بقي عيالك دول رقبتهم تلزمني
ليث بتحذير وبرود / تمام روح بقي نزل العيال
عبده وهي يكاد يصاب بالشلل بسبب بروده / يا أخي أبو ام برودك انتي وعيالك وهبل مراتك ده ومش هنزلهم ياليث وان كنت انت بلاك فأنا النمر يا ليث ها
ثم اغلق الشاشه بينما دانه سبته في سرها / شوف يا ليث مش راضي ينزلهم الحيوان بيستقوي علي عيالي المساكين اكمنهم طيبين وميعرفوش حاجه وهبل بيستقوي عليهم
نظرت وجدت ليث ينظر فقط لها ويركز معها فتحدثت بتعجب / مالك يا ليث بتبص كده ليه
ابتسم ليث ابتسامه لاتخرج سوي لها هي بعيدا عن أي سخريه او برود دانه بتعجب / هو أنا احلويت علي الواقعه ولا إيه
تفاجأت عندما شعرت بليث يضمها بشده اليه ويتنهد براحه فابتسمت بحنان وضمته بشده إليها بينما هو اخذ يشدد من عناقها لقد اختبر اسوء شعور قد يشعر به يوما شعور ان حبيبته قد تأذت او تألمت يقتله
دانه وهي تمسد علي ظهره / فيه إيه بس يا حبيبي
ابتعد ليث عنها ونظر لها بعشق واستند بجبينه علي خاصتها / كنت هموت من الرعب
دانه وهي تنظر له برعب / ياقلبي بعد الشر ابتعد عنها ليث ثم امسك الطعام واخذ يطعمها بحنان ثم أعطاها علاجها
وبعدها تمدد وجذبها لصدره بحب
⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️
*عاوزه تخش روام روايات علي 📌واتس خش علي الينك كده 💞🥀*
*https://wa.me/+201288715026?text=ممكن-ادخل-جروب-الروايات-
*روايات ابو تولين👧*
~روايات جامده ممتعه 🥰~
“`اي روايه عاوزها هتلاقيه علي
الجروب 🤍💞“`⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️
كانت ميسره هي وابريس يسيرون وقد حلّ الليل وبدأ المطر في الهطول بشده فذهبوا ووقفوا أسفل شجره كبيره نظر ابريس للمطر الشديد ثم نظر لها / سقعانه
ابتسمت ميسره باتساع ثم تركته وركضت ووقفت أسفل المطر وأخذت تقفز وتتحرك بعشوائيه وترقص بفرحه
بينما ابريس نظر لها ببسمه علي برائتها رغم كل ما تمر به لم تنمحي بسمتها هذه
بينما كانت ميسره تغني مثل الأطفال وهي تدور أسفل المطر / يا مطره مطري واخبزلك عيش طري واعملك حله محشي تتغدي وتفطري
اخذ ابريس يضحك بشده علي حديثها ثم خرج من أسفل الشجره ووقف امامها فنظرت له بحاجب مرفوع فوجدته يفرد زراعه بمرح وهو يضحك ويغني معها / يا مطره مطري واااا…… مش فاكر
ضحكت ميسره بشده وأخذت تكمل الاغنيه وهي تقفز مثل الأطفال بينما ابريس يقلدها يحاول ان يري العالم بعينها ان يراه من نظرها هي أن يخرج من ابريس البارد والصارم في حياته ان يعيش طفولته التي فقدها سابقا
ابتسم عليها وهو يراها تحرك وسطها وتغني بصخب وضحكتها أصبحت ترن في المكان
ابريس وهو يتحدث بصوت عالي حتي يصل لها / يا مجنونه براحه هتتزحلقي
ميسره وهي تقفز اكثر وتضحك / يا عم سيبني اعيش دي مصر دي هتبقي قحط في المستقبل يا عم والله المطره بتيجي من السنه للسنه
ضحك ابريس بشده بينما ميسره توقفت عن القفز ونظرت له / تعرف اني وانا صغيره كان نفسي اعمل كده آوي
ابريس وهو ينظر لها / وليه معملتيش كده
ميسره بضحكه ألم / كنت عايشه مع عمي ومرات عمي كانت بتمنعني انزل في المطره مش عشان خايفه عليا لا عشان اقعد امسح في الشقه مكان أولادها اللي طالعين نازلين في المطره
نظر لها ابريس بالك ثم اقترب وضمها بشده وابتسم بحنان لها ثم تحدث ليضحكها / حبيبتي ست بيت شاطره بتعرف تمسح
ضربته ميسره وأخذت تضحك عليه وهو فقط يتأمل ضحكتها لا يريد أن تنتهي هذه اللحظات فتتحول لذكري له
في المساء انطلق ليث بسيارته للمنزل وهو ينظر بجانبه لدانه التي تحدث عبده بحنق / هو أنا في رحله يا عبده حاضر هجبلك تذكار من هنا مشبك ايه هو انا في دمياط يا بني انا في الاقصر ماشي بس ملكش دعوه بالعيال تمام يلا سلام عشان وصلنا هكلمك بعدين
نظرت لليث ببسمه فامسك هو يدها وقبلها بحب
ثم هبط من السياره ودخل للمنزل وجدهم افترشوا الباحه الاماميه تحت النجوم وفي الهواء
ابتسم مراد بترحيب / أتفضل مستنينك
ابتسم ليث له ثم جلس وبجانبه دانه وبدأ الجميع في الطعام فمدت اسماء يدها بقطعه دجاج لصلاح / خد دي مني يا صلوحه
كريمة بصوت عالي / استغفر الله العظيم يارب
نظرت لها اسماء بتجاهل وتحدث صلاح ببسمه مجاملة / متشغليش نفسك بيا وكملي اكلك
نظرت له اسماء بحنق
بينما اميره كانت تنظر بحقد وغيظ لدانه فهي لم يحدث لها شئ لفت نظرها ان ليث لك يرفع عينه عنها منذ دخولها فابتسمت له ظنا انه معجب بها فجأه توقف الطعام في حلقها وهي تراه يغمز لها ماذا هل غمز لها للتو وايضا يبتسم لها
بينما دانه كانت تحدث نيرة / بقولك ايه سمر عايزه تكلمك بعد الأكل ياباشا عشان هتقولك علي إللي هتعمليه
ابتسمت نيره وتحدثت بمزاح / مش مكتوبلي انضف مره انخطف ومره انتي كنت هتروحي فيها دي اشاره يابنتي
ضحكت دانه بشده فمظر لها ليث بتحذير
فكتمت ضحكتها وتحدث بغيظ / اهو انكتمت
انتهي العشاء تحت نظرات كريمة لاسماء التي جعلتها خائفه من التحدث حتي ونظرات سلمي لجاسر التي لاحظتها نسرين وأخذت تغلي بسببها
بعد الطعام نهض الجميع وذهب مهران وسالم وجميع الكبار لمكان وحدهم وبقي الشباب معا فجأه انقطعت الاضواء وكانت اميره في الداخل تحضر الفاكهه لهم فجأه شعرت بأنفاس شخص خلفها وصوت يهمس لها بنبره جعلتها ترتعش / هندمك ندم عمرك علي إللي عملتيه
أسقطت اميره طبق الفاكهه وصرخت بحده / ااااااااااااااااااه
ميسره وهي تسير بتعب / مش هنوصل بقي
ابريس ببسمه / قربنا خلاص باقي القليل بس استحملي
هزت ميسره راسها وساروا مسافه ليست بالقصيره فجأه ظهرت أمامهم أمرأه تقف امام البيت وتتحدث بدلال / مرحبا هل تبحثون عن الحكيم احمس
نظرت ميسره لابريس بتعجب
المرأه بنبره لعوب / يمكنني أن ادلكم عليه
نظرت ميسره لها ثم هبطت من حصانها واقتربت من المرأه ودفعتها بحده لداخل المنزل واغلقته ثم صعدت مجددا بجانب ابريس / مش ناقصه قرف هي دلوقتي نلاقيها قلبت ديناصور وندخل في مشاكل زي ما انت يابني كمل طريقك ولا كأننا شوفنا حاجه طريقنا واكلنا ونعيش
ضحك ابريس بدهشه عليها واكملوا طريقهم حتي وصلوا لطريق ضيق جدا لم يكن ليتسع لهم مع بعضهم فسار ابريس أولا وخلفه ميسره التي قالت بحنق / ليدز فرست يا عديم الاتيكيت
ابريس بسخريه / طب تعالي الأول يا ختي ولو حاجه طلعت عليكي مسمعش صوتك
ميسره بضحكه / لا وختامه مسك برضو
ضحك ابريس حتي وصلوا لنهايه الطريق كان يوجد به كهف هبط ابريس وساعد ميسره الهبوط فسجدت ميسره في الأرض / واخيرا ارض الوطن يااااه لقد هرمنا من أجل هذه اللحظه
ضحك ابريس عليها ثم رأي شخص يخرج من الكهف ويبتسم له / ابريس مرحبا بعودتك لقد انتظرتك طويلا
ابريس ببسمه / مرحبا حكيم احمس
ميسره بتشنج وهي تشير لذلك الشخص / ده الحكيم احمس اللي طلع عين امنا عشان نوصله لا سوري بقي بيج احيييييه يا عزيزي
طبعا حابه اقدم اعتذتر كبير ليكم كلكم بسبب عدم ردي علي التعليقات بس والله انا بشوف التعليقات كلها وبفرح بجد بيها جدا جدا ولو لقيت سؤال بجاوب عليه وسبب تقصيري هو اني حاليا بحاول اني انتظم في كورسات عشان اللغه وصعب والله بكتب البارت بالعافيه فبعتذر جدا جدا عن عدم ردي بس والله كل التعليقات بقرأها بلا استثناء بعشقكم جدا وبحبكم آوي وبشكركم علي دعمكم ليا دايما
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لعنة الفراعنة)
