رواية بلد احلامي الفصل التاسع عشر 19 بقلم جنا ابراهيم
رواية بلد احلامي البارت التاسع عشر
رواية بلد احلامي الجزء التاسع عشر
رواية بلد احلامي الحلقة التاسعة عشر
*اخت*
«جين»
دخلت الشركه تحت تحيات الموظفين الكتيره…اصل انا ليا نص اسهم الشركه….وارثهم من والدي الله يرحمه…..والد جيمين ووالدي كانو بادئين الشركه دي من الصفر لحد ما كبرت….بس انا سايب كل الشغل علي جيمين ومفيش حد عارف اني ليا اسهم في الشركه غير جيمين وتاي بس…قاطع تفكيري صوت السكرتيره الي كانت بره مكتب جيمين وهي بترحب بيا….دخلت مكتب جيمين
جيمين قالي وهو مخضوض:
-اي يا عم هو مش في باب تخبط عليه
قولتله وانا بقعد علي الكرسي الي قدام مكتبه:
-مش وقته….ها اي الي منعرفوش عن تاي….متقولش انو ليه ايد في حوار الكتاب دا
جيمين:
-لاء اطمن…بس اكتشفت انو ليه اخت…
عقدت حاجي ب استغراب وقولتله:
-اخت…وكانت فين دي….دا احنا عارفين تاي من واحنا صغيرين…. انت متأكد
جيمين:
-متأكد…..اخته ساكنه في تايلاند من زمان علي حسب ما عرفت
قولتله وانا بسأل:
-بس مفيش حاجه تاني
جيمين قالي ب ابتسامه:
-وعرفت انه راح ل كيم من فتره….فاكره
قولتله:
-ومالك فرحان كده ليه….دا معني كده ان احتمال يبقا ليه ايد في حوار الكتاب
جيمين:
-معرفش….بس معتقدش ان ليه ايد في الحوار دا….اصل هيستفاد ايه… غير ان احنا عشره عمر….وايد في ايد دايما….ف انا بقلك احسن فكك عشان انا بأكدلك ان مستحيل يطلع ليه ايد في الحوار دا….المفروض مكناش نشك فيه
قولتله وانا برجع شعري لورا وبنفخ:
-اه ما انا الي خسران في موضوع الكتاب….ظهرتلي بنت مش عارف اخلص منها…..وبيحصلي حجات سببها لينا….
جيمين قالي بحنق:
-ما انا لسه واخدلي قلم من كام يوم ومضروب في رجلي….ومرشوش عليا د*م….
بعدين جيمين كمل كلامه ب استغراب:
-بس اي الحجات الي بتحصلك
قولتله وانا بفتكر الي حصل في المطعم من شويه:
-تخيل اني لما جيت ابعت ل سوهي اني بحبها الرساله بتتمسح لوحدها مع اني جربت كذا مره….ولما عزمتها علي الاكل عشان اعترفلها لساني اتشل
جيمين قالي وهو بيفكر:
-طب متخليك في لينا احسن
بصتله بقرف وانا بقول:
-هو حادي بادي
*في مكان اخر*
«جنه»
كنت قاعده وانا مغمضه عيني بس اتخضيت لما السرير بدأ يتحرك وينزل تحت….سمعت اصوات كتير وحسيت بحجات بتمشي علي رجلي….صرخت لما استنتجت ان دي فران….ونزلت من علي السرير وانا بجري وحاسه اني بدوس عليهم….وقولت وانا بوجه كلامي للمقنع:
-انت يا مقنع ي الي مشفتش بربع جنيه تربيه..استوعبت اني كده بزيد الطين بله ف قولت بتردد:
-…طب انا اسفه مشيهم بقا….
فضلت اجري لحد ما حسيت ان مفيش حاجه علي الارض بس ملحقتش اخد نفسي عشان ظهر قدامي المقنع….صرخت بخضه
المقنع:
-هو انتي مبتسكتيش….يا بنت الناس هتخليني اقتلك بدري
سكت لما حسيت ب ايده بتشيلني وبيطير….قولت وانا ببص تحت عشان اشوف ارتفعنا قد ايه:
-هو انت مصمم تشيلني ذنوب…..سبني بقا
بس فجأه المكان نور وظهر تحتينا فران بس كبيره وحسيت ب ايد المقنع وهي بتسبني ف قولت بذعر وخوف:
-لاء لاء….شيلني شيلني
حسيت المقنع بينزل علي الارض بصيت تحتينا ولقيت ان الفران اختفت….زقيت المقنع لما وقف علي الارض ووقفت علي رجلي وانا بقوله:
-متشلنيش تاني لو سمحت…..واتفضل روحني او وديني عند لينا…
وكملت كلامي وانا بشوح ب ايدي علي المكان:
-واوعا تفكر ان شويه الحركات الهبله دي خوفتني….لاء….ويلا خليك محترم وروحني
المقنع:
-دا علي اساس ان انا الي كنت بصوت من شويه
وسمعته وهو بيقول حاجه بالكوري واختفا…استوعبت ان هو قالي ان انا غبيه ف قولت بصوت عالي:
-سمعتتتتك علفكره….انت الي غبي
بس سكت بصدمه لما شوفت الي ظهر قدامي وقولت:
-انت زعلت ولا اي دا انا بهزر معاك
*في مكان آخر*
«لينا»
لفيت عشان اشوف مين مسك ايدي بس ملقتش حد…..بصيت حواليا لقيت اني في الشارع عادي وقدامي الحجر وهو بينور ب اضاءه خفيفه…..خدتو وطلعت من الشارع بس اتفجأت لما لفيت ولقيت ان الشارع اختفا ولا اكنه كان موجود…. ومشيت وانا بفكر يا ترا اي قصه الحجر دا؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بلد احلامي)
