رواية شيخ في محراب قلبي الفصل الثالث 3 بقلم شروق حسام
رواية شيخ في محراب قلبي الجزء الثالث
رواية شيخ في محراب قلبي البارت الثالث
رواية شيخ في محراب قلبي الحلقة الثالثة
” اعععع فيه ايه يا كلبة البحر بتزعقي لي ليه انا مخصماكي ابقي شوفي مين اللي هيروح معاكي بقي”
عنود بغضب ” تالة هي مش نقصاكي هو مش دعاء وفهد قرفوني من اول مرة شوفتهم فيها هتيجي انتي وتكملي عليا”
تالة بضحكة ” يابنتي سيبك منهم عالم كرينج كبري دماغك انتي اعقل من كده حصلك ايه”
عنود بهدوء وتفكير ” اممم معاكي حق يا توتي عالم مستفزة”
اكملت بضيق وغيظ ” لا مش هقدر انا متضايقة جامد عالم عالم عالم بااااردة اااه قال ايه ابعدي شوية يا آنسه كده حرام نينينيني اللي هو ازاي يعني ازاي”
تالة بضحكة مكتومة ” عنودي انتي مش ملاحظة انك اتكلمتي كتير عنهم”
_” ما انتي عارفة اللي فيها يا حجة انِ لما بحبك حد اووي او بتضايق من حد بتكلم عنه كتير”
تالة بضحك وسخرية ” علي كده بقي انتي بتحبيهم”
عنود بعصبية ” اعععع تااالة هموووتك”
تالة جريت من قدامها وعنود فضلت تجري وراها لحد ما خرجوا برا الكلية
مسكت عنود تالة من دراعها وعضتها جامد فيه
_” اااااه ابعدي يا بت ااااه الحقوني ابعدي عني هو انا مصاحبة كلبة بلدي ااااه”
عنود بعدت عنها وقالت بصدمة مصطنعة ” ايه ده يا تالة انتي كويسة دراعك وجعك لو مش وجعك قوليلي أكمل عليه وعلي اخوه”
تالة بخوف ” لا لا وجعني ابعدي عني خلاص اسفيين يا ريسة يلا نروح”
عنود بغرور “ايوه كده ناس مبتجيش غير بالعين الحمرا”
أكملت بمرح ” يلا بقي نروح عشان جووعانة”
تالة بغيظ وهمس ” انتي اصلا طول الوقت جعانة”
عنود وهي بتبص لها وبتضيق عيونها ” قولتي حاجة يا تالة”
تالة بنفي ” لا بقول يلا نروح عشان جوووعانة انا كمان”
_” ماشي هعمل نفسي مصدقة يلا قدامي”
……………….
_” شكلك كده يا سما داعية عليا النهاردة قبل ما انزل مش كده”
سما ” بعد الشر ليه حصل ايه”
_” النهاردة قابلت اتنين مقولكيش علي ذوقك اووي والاتنين متدينين اكتر من بعض”
_” كملي وبعدين حصل ايه ”
عنود وهي بتاكل بشراهه ” ولا قبلين مفيش حرقوا اعصابي بس دعاء والدكتور الشيخ فهد الفهود حاسة انِ سمعت عنه قبل كده بس فين معرفش”
سما بإستفهام ” دكتور وشيخ ده قد ابوكي يا بنتي كنتي نفضتي له وخلاص”
_” ما انا كنت بحسب زيك كده طلع شاب في الثلاثينات واللي عرفته عنه من تالة ان باباه كان في ازهر وكان شيخ ومتدين اووي بس فهد محبش يدخل ازهر ودخل حكومي بس بقي شيخ بردوه”
سما بصدمة بتحاول تداريها ” وتالة عرفت منين كل ده”
_” هههه الكلية عندنا بتعرفي فيها كل حاجة البنات هناك معجبين بيه اوي فعرفوا كل حاجة عنه فدقايق ”
اكملت بشك “بس انا حاسة بحاجة غلط ايه هي معرفش بقي”
سما بتتويه للموضوع ” كملي اكلك يا حبيبتي ومتشغليش دماغك”
_” مش شاغلة بالي بس دمي محروق المهم يلا بقي يا سمسمة روحي فرغي لنا طبقين بسبوسة يروقوا عليا وعليكي يا مامتي الحلوة انتي”
_” ماشي يا حبيبتي من عينيا ”
عنود بمشاكسة وغمزة ” تسلم عيونك يا جميل”
…………………
عدي شهرين
بس في الشهرين دول دعاء مسبتش عنود في حالها وكانت بتحاول تصاحبها بكل الطرق بس عنود مش قابلة الفكرة
والنهارده كان آخر يوم في امتحانات نص السنة
_” افففف بقي يابنتي بطلي كل شوية تيجي ورايا انا زهقت بقي ارحميني”
دعاء بدموع لأنها احرجتها قدام كل الكلية ” انا انا آسفه”
عنود بندم وهي بتحضنها ” انا اللي اسفه حقك عليا انا اللي بقولك اهو انتي من النهاردة صاحبتي الانتيم زي تالة”
دعاء وهي بتبص لها بدموع ” انتي بتقولي كده عشان شايفاني بعيط مش كده”
عنود بمرح ” انا يابنتي تقولي عليا كده اخس عليكي اخس انا سحلانة وبما ان النهارده اخر يوم امتحانات فالغداء بتاعي انا وانتي وتالة علي حسابك”
تالة بضحكة ” اقول ايه بس مفجوعة هانم اهم حاجة عندك الاكل”
_” طبعا يا بنتي الاكل اهم حد يقول للسي فوود ولا للبيتزا لا ده يبقي اهبل”
دعاء بإبتسامة ” خلاص يبقي هستأذن من اخويا ونخرج نتغدا برا ”
عنود بمرح ” يلاااا اتصلي بيه بسرعة بسرعة بسرعة انا جوووعانة خالث مالث ده انا هدفعك اللي وراكي واللي قدامك هههه”
_” اختي مش محتاجة تتصل بيا لاني دايما معاها وحواليها “
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية شيخ في محراب قلبي)
