رواية شيخ في محراب قلبي الفصل الثاني 2 بقلم شروق حسام
رواية شيخ في محراب قلبي الجزء الثاني
رواية شيخ في محراب قلبي البارت الثاني
رواية شيخ في محراب قلبي الحلقة الثانية
_” اولا يعني مسميش يا اسمك ايه اسمي دعاء وثاني حاجة يعني لما اشوف حاجة غلط قدامي لازم اصلحها وثالث حاجة اه انا لسه ناقلة الكلية جديد فعلا”
عنود بحدة ” بصي بقي يا دعاء انا مش بحب المناهدة الكتيير علي حاجة مش مقتنعة بيها وكل الكلية عارفة بكده فياريت تسيبيني في حالي مش عشان شكلك متدينة اووي تخلي الكل نفس التدين المتشدد بتاعك ”
دعاء بصدمة ” استني بس انتِ بتقولي ايه …”
مدتهاش فرصة تتكلم ومسكت ايد تالة وراحوا للمحاضرة بتاعتهم
………………
في المحاضرة
عنود بزهق ” اففف بت خنقة اووي في جملة بتقول من تدخل فيما لا يعنيه سمع ما لا يرضيه كان نفسي اقول اكتر من كده بس انا وقتي من ذهب”
تالة بتوتر ” احم عنود انتِ مش حاسة اننا في محاضرة وكل اللي فيها سمعك وانتِ بتتكلمي”
عنود بعدم إهتمام ” عادي مش فارقة خلي الدكتور الشيخ ده كمان يسمع انا قولت هو يوم باين من أوله من بعد عريس الندامة اللي رفضته وإصرار سما عليه وانا مبقتش رايقة ولا عايزة اسمع كلمة من حد”
واحد من وراها ” وايه كمان يا آنسه كملي كملي اصل احنا قاعدين في الكافتيريا فقولي لي ممكن اساعدك”
عنود بحدة ” اتكلم براحتي اذا كان في الكافتيريا او هنا هو انت بتدخل ليه ها بني ادم حشري بصحيح انت مين اصلا اول مرة اشوفك هنا”
_”بقي فيه اتنين حشريين انت والبت المتدينة اووي دي”
عنود مدعية التفكير ” بعد كل الروايات اللي قرأتها والمسلسلات وانيميشن الروايات اللي شوفته احب اقول انك الدكتور الشيخ مش كده عشان بتتكلم بقلب جامد اووي ده غير أن مش باين عليك بس يلا ياما تحت السواهي دواهي”
مردش عليها ولا رفع عينه عليها من اول ما كلمها راح ناحية المنصة واتكلم بجمود ” معاكم دكتور فهد الدكتور الجديد بدل دكتور مؤمن اللي تقاعد اللي عنده اي سؤال يتفضل وياريت يكون سؤال مفيد غير كده لا مش بحب الكلام الفارغ و بعد كده اللي هيتكلم في محاضرتي هيبقي برا ده مستقبلا يعني مش النهاردة بما ان ده اول يوم ليا هنا فمش هتكون محاضرة هخلي النهاردة للأسئلة بس”
_” دكتور انت مرتبط ”
فهد بحدة ” قولت سؤال مفيد غير كده مش بجاوب علي اي أسئلة شخصية”
البنت بحرج وهي بتقعد ” اسفه يا دكتور”
_” مش مشكلة حصل خير ”
_” دكتور ممكن أسئلة دينية عادي ”
عنود بضيق ” البت اللي اسمها دعاء دي ورايا ورايا الله يستر”
فهد بهدوء ” اتفضلي يا آنسه ”
عدي الوقت والكل سأل اللي حابب يعرفه ودعاء سألته كذا سؤال في الدين وعنود حست ان كل الكلام ده موجهه ليها هي وده حسسها بضيق اكبر ناحيتهم
عنود مسألتش حاجة وفضلت قاعدة بهدوء بس من جواها حاسة بضيق حتي تالة سألته
………………..
بعد فترة
المحاضرة خلصت والكل خرج
عنود وقفت قدام فهد وسألته بحدة ” انت يا اسمك هو انت ساكن فين حاسة انِ سمعت عنك قبل كده ما هو مش معقول النهاردة سيرة الشيوخ تتكرر كتيير كده وكمان انت ازاي شيخ وانت بالسن ده ها ها قول”
فهد وغاضض بصره ” ابعدي شوية يا آنسه مينفعش تقربي كده حرام واتكلمي بأسلوب احسن من كده انا دكتورك مش صاحبتك انا وبعدين كل حاجة هتعرفيها مع الوقت”
خلص كلامه وسابها وخرج
عنود بضيق وهي بتضرب رجليها في الارض زي الاطفال ” اعععع انا هتجنن ايه ده لا لا انا لازم اخذ استراحة فترة ”
_”عنود”
عنود بصراخ ” نعم مين عايزين ايه مني بقي انا قرفت”
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية شيخ في محراب قلبي)
