رواية شيخ في محراب قلبي الفصل الأول 1 بقلم شروق حسام

رواية شيخ في محراب قلبي الجزء الأول

رواية شيخ في محراب قلبي البارت الأول

رواية شيخ في محراب قلبي الحلقة الأولى

_” مستحيل اتجوزه مستحيل ”
_”لا هتتجوزيه يا عنود ده انا طول عمري كنت بتمني انه يتقدم لك وياخد بايدك للجنة”
_” وانا قولت لا يا ماما انا اتجوز شيخ ويفضل يتحكم فيا انتي راحة فين البسي ده متلبسيش ده البسي نقاب سيبي تعليمك وبعدين لو اشتغلت يقولي سيبي شغلك لااااا مستحيل”
_” يابنتي عشان خاطري وافقي ”
_” خاطرك غالي عليا اووي يا ماما بس لا بردوه مش هدمر حياتي واتجوز شيخ هو مش من توبي ولا انا من توبه يروح يشوف واحدة غيري تكون زي ما هو عايزها اما انا مش بفكر اتجوز اصلا دلوقتي وهفضل قاعدة علي قلبك للأبد يا سمسمة”
_”سيبك منها يا ماما انا هتجوزه دي بت فقر ”
عنود بعصبية وهي بتمسك اختها اللي عندها 10 سنين من ودانها ” بقي انا يتقالي بت من حتة عيلة مفعوصة ده انتي واقعتك مهببة يا مريم الكلب بس مش دلوقتي بعدين مش فاضية دلوقتي يلا روحي علي اوضتك يا عفريتة”
مريم وهي بتجري ناحية اوضتها وبتتكلم بصوت عالي “يوووه انا مش عفريتة اهو انتي يا بت يا عود القصب”
_” مش هرد عليكي عشان انتي محتاجة إعادة ضبط مصنع”
_” نفسي افهم هي طالعة كده لمين”
سما برفعة حاجب ” مش عارفة لمين ”
عنود ببراءة مصطنعة ” لا ”
_” مش هتوافقي علي العريس بقي”
_” تاااني يا ماما مش كونا قفلنا علي السيرة دي”
_” تاني وثالث ورابع وعاشر لحد ما توافقي”
_” هو يوم باين من أوله انا نازلة الكلية مع السلامة يا ست الكل خلي بالك علي نفسك ”
_” وانتي كمان”
سما بإبتسامة واسعة بعد ما عنود مشيت ” لا بقي ما هو انتي هتتجوزيه يعني هتتجوزيه مش هلاقي احسن منه ليكي ”
…………….
♡ كركر علي كركر في كركر!!! بس أوعي تكرر لي ابتسامة أتمناها لم أجدها بين الغمزات أرهقني الآلم والخروج منه مستحيل ♡ ♡هانا
_”الله عاش يا فنانة ”
عنود بتكبر مصطنع ” تشكرات تشكرات عارفة ان أي حاجة بقولها بتبقي روعة”
أكملت بهيام ” بس هو فين بس انا عايزة الغمازة اللي هتحبني بكل حالاتي”
تالة بمرح وهي بتضربها بخفة علي رأسها ” يلا يا متكبرة هانم متسرحيش في العالم البينك بتاعك ورانا النهاردة محاضرة مهمة وفيه دكتور شيخ جديد جاي ”
عنود بتعجب ” دكتور وشيخ اللي هو ازاي”
_” زي السكر في الشاي ههههه يا ستي دكتور وشيخ مش محتاجة شرح يعني”
_” نينينيني بت انتي شكلك عايزة تموتي النهاردة ده انا هعضعض فيكي لحد ما تقولي يابس”
_” خلاص خلاص يا انشراح فيه ايه هي سما قالبة عليكي المواجع وجاية تقلبيها عليا ”
عنود بتنهيدة ” زهقت يا تالة اخرتها أصوم أصوم واتجوز شيخ انا اتجوز واحد معرفهوش ولا شوفته قبل كده وهيقضيها تحكمات لا مستحيل ”
_” ومالهم بقي الشيوخ يا آنسه علي الأقل أحسن من الشباب الصيع بتوع اليومين دول”
تالة وعنود بصوا لبعض بإستغراب
عنود برفعة حاجب ” افندم ده رأيي وكل واحد حر في رأيه انا مش برتاح لهم مش بمزاجي يعني”
_” لا بمزاجك كل حاجة الإنسان بيعملها بمزاجه اذا كان حب او كره”
_” يا اسمك ايه لا للتدخل والحشرية شكل فيه وشوش جديدة ظهرت في الكلية”
_”…..