رواية خيانة ثقة الفصل الأول 1 بقلم سارة رجب حلمي
رواية خيانة ثقة الجزء الأول
رواية خيانة ثقة البارت الأول
رواية خيانة ثقة الحلقة الأولى
سمر: إزاى تبقى صاحب جوزى وبتلف من ورا ضهره وتكلمنى؟!!!!، انت شيطااااان
سراج: بس ماتبقيش ساذجة اوى كده وتقوليلي جوزى وازاى تبقى صاحبه وتكلمنى عشان جوزك ده انتى متعرفيش بيعمل ايه من ورا ضهرك
اتلجلجت فى الكلام مكنتش عارفة ارد عليه، بدأت اقع فى الفخ، بس لأ ده فخ فعلآ وبيقول اى كلام عشان يوقع بينى وبين جوزى عشان يوصل لغرضه منى
سمر: انت كداااااب، انا جوزى اشرف منك ومن أمثالك، اذا كنت انت عندك اتم الاستعداد عشان تخون مراتك وواقف ادامى دلوقتى عشان توقع بينى وبين جوزى فاكر ان كده هيخلالك الجو معايا، فانا جوزى عمره مايعمل زيك وحتى لو جوزى بيخونى، برضو مش هتوصل لحاجة معايا، انا لولا خوفى عليه من صدمته فى صاحب عمره، كنت قولتله على اللى انت بتعمله وبتقوله ده..
سراج بإصرار: ماهو عشان انا صاحب عمره بقولك ان جوزك بيخونك ومش ماشي تمام اوى كده زى مانتى فاكرة، فوقى من وهمك ده، وعلى فكرة مش عايز منك حاجه، ومن النهاردة مش هيهمنى غير انى اثبتلك انى مش كداب وكل كلمة قولتها حقيقة وانتى اللى مغفلة، سلام يااااا قطة…
ركب عربيته وطار بيها بعد مابص ناحيتى وهو بيضحك باستهزاء..
روحت البيت وانا ضربات قلبى سريعة، لا انا قلبي قرب يوقف من كتر الخوف والرعب ان يكون كلامه صح، بدأت اسال نفسي ومع كل سؤال بيزيد وجع قلبي زيادة.
هو ليه بيتكلم بثقة اوى كده؟
ليه لما اتحديته فى الكلام وبينتله ثقتى فى جوزى لقيته بيتحدانى اكتر وبيأكد على كلامه اكتر؟
طب لو جوزى بيخونى ليه لحد النهاردة مخدتش بالى من اى حاجه غريبة؟ ولا انا اللى مدياله الأمان بزيادة؟
مغفلة؟، معقول اكون مغفلة زى ما سراج قالي؟!
لا لا لا متصدقيش اوعى تقعى فالفخ اللى نصبهولك، هو دلوقتى مش عايز اكتر من كده، مش عايز اكتر من انك تشكى فى عماد وتصدقى عليه انه خاين عشان تقولى طالما خاين هخونه وتروحى للكلب سراج زى مابيخطط، بس ده بعده، وحتى لو عماد خاين انا عمرى ماعمل حاجه غلط..
حسيت برعب عماد خاين ايه وازاى!! لا مستحيل طبعآ، اوعى تفكرى فالاحتمال ده ابدآ، عمره مايعمل كده، لو مش عشانك فعشان هو عارف ربنا وعارف ان ده حرام وهو ميعملش الحرام..
غيرت هدومى ولبست هدوم بيت مريحة بعد مارجعت من مشوار الدكتورة اللى قابلت فيه وانا راجعة سراج واللى انا متأكدة انه مكانش صدفة أبدآ، هو كان قاصد وتقريبآ كان عارف من عماد انى رايحة للدكتورة النهاردة، الله يسامحك ياعماد انت اللى دخلت الاشكال دى حياتنا واتطمنتله بزيادة اوى لدرجة بيطعنك فى ضهرك دلوقتى بمنتهى السهولة…
فردت ضهرى على السرير وقررت انام شوية وانسى كل القرف اللى حصل سواء مقابلة البنى ادم ده او فى زيارة الدكتورة اللى بتابع معاها حاليآ عشان اعرف ايه اسباب الاجهاض المتكرر، انا نفسي فى طفل من عماد اوووووى، همووووت على حتة عيل يكون نسخة منه وشبهه فى كل حاجة، محدش فالدنيا يعرف عماد بالنسبالى ايه، كله فاكر انه علاقتنا زى اى زوج وزوجة عاديين، بس ميعرفوش انه بالنسبالى مش بس زوج ده بالنسبالي كل حاجه فالدنيا بالنسبالى الهوا اللى بتنفسه..
ابتسمت وانا بفكر فيه بحب وبتخيل طفلنا اللى مش هبطل أحاول انى اجيبه للدنيا عشان يزودها حلاوة، غمضت عينيا والابتسامة لسه على وشي، روحت فى النووووم وكنت مرتاحة اوى وانا نايمة لدرجة كنت حاسة بالراحة دى فى عز نومى، بس للأسف الحلو مبيكملش، الموبايل رن وصحانى من احلى نومة..
فوقت مخضوضة من صوته، مبحبش اعمله صامت لما انام بالنهار بالذات عشان لو عماد اتصل بيا فى اى وقت متأخرش عليه فى الرد، بس بيبقى مزعج اووووى لو مطلعش عماد..
بصيت فى الموبايل لقيت رقم غريب، وقبل مارد كنت اتوقعت مين اللى بيتصل..
اكيد انتو كمان اتوقعتوا زيي، ياترى عايز ايه الزفت ده!!
انا كنت عارفة انه مش هيستسلم بسهولة كده وهيحاول تانى، ايه الحل معاه ده؟!،، افضحه ادام مراته؟، طب افرضي بقى اتطلقت منه ساعتها هيفضالك اكتر ومش بعيد يفكر ينتقم منك على خراب بيته الله يخربيته هو وكل اللى زيه..
طبعآ ماردتش عليه، كرر الاتصال حوالى ٤ مرات…
وقررت انه لو اتصل تانى هقفل الموبايل خالص مع ان عماد ممكن يتصل بيا فى اى وقت ومبحبش اقلقه عليا كده…
هو فالحقيقة اكتفى بكل الرنات دى وفاللحظة اللى انا مستنياه يرن فيها عشان اقفل الموبايل وانا ضميري مرتاح، لقيته بعتلى رسالة، ورسالته كانت كفيلة انها تجمد الدم فى عروقي….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية خيانة ثقة)
