رواية ابن الجيران الفصل السادس عشر 16 بقلم نانسي العربي
رواية ابن الجيران الجزء السادس عشر
رواية ابن الجيران البارت السادس عشر
رواية ابن الجيران الحلقة السادسة عشر
” يعدي اليوم ويخلص ويرجعوا البيت ويطلعوا عند سلمي ”
سلمي : حمدالله علي السلامة يا حبايبي
علي : الله يسلمك يا سوسو
ملك : انهاردة اليوم كان حلو اوي يا ماما
سلمي : ربنا يهنيكوا ديما يارب
علي ببتسامة : يلا يا ملك ادخلي نامي انتي تعبتي انهاردة وكمان هنصحا بدري بكرة
ملك : تمام تصبحوا علي خير
علي وسلمي : وانتي من اهله
” تسبهم وتدخل ”
علي : انا كمان هدخل … مع اني مش هقدر انام انهاردة بس لازم تتطمن
سلمي : ربنا يعدي بكرة علي خير
علي بخوف : يارب … يارب 😑
” يعد الوقت و ميبقاش فاضل كتير علي الفجر ، ملك وعلي منموش من القلق تطلع ملك تقعد ف البلكونة علي السور يدخل علي البلكونة ويشوفها ”
علي : منمتيش بردو
ملك : مش جيلي نوم .. وانت
علي بارتباك : اا انا كمان مجليش نوم
ملك : ولا قلقان
علي : هقلق من اي علي فكرة انا مطمن جدا بقا ومتاكد ان العملية هتنجح
ملك : والله انا اكتر حد خايفة عليه انت لتتصدم ف الاخر
علي : بطلي تناحة … هتقومي منها زي الفل …. احنا لسة قدامنا طريق طويل اوي مع بعض هنمشيه 🙂🖤
ملك : تعرف ان كل حاجة من واحنا صغيرين بتتعاد ف دماغي طول الليل
علي : اشمعنا بقا
ملك : مش عارفة … فاكر لما فتحتلك دماغك 😂😂
علي : من يومك قادرة … لا وكنت لسة حالق 😂
ملك : كنا ف العيد ياض وخلصنا الصلاة وعايزين نصيع بقا 😂
” فلاش باك ، علي ملك وهما صغيرين واقفين قدام العمارة مع يوسف وسليم ”
علي : بابا..عمو سليم
سليم ويوسف: اي يا علي
علي : هروح انا وملك الجنينة الي ورا العمارة نلعب فيها
ملك : ونبي يا بابا
يوسف : لا حد يخطفكوا
علي بعصبية : ليه هي مش معاها راجل ولا اي انا هحميها 😡
سليم بضحك : لا يا راجل 😂طب روحوا بس متبعدوش
ملك : هات العيدية 🌚
سليم : اي البجاحة دي 😂😂 خدي … خد يا علي
يوسف : خدي يا موكا وانت مش واخد امبارح
علي : بس انهاردة جديد يبقا اخد جديد 😌
يوسف : طب يا لمض خد
” ياخدها وياخد ملك ويمشوا يروحوا الجنينة ويفضلوا يجروا ورا بعض وملك تقع علي وشها وعلي يفضل يضحك عليها تتغاظ ”
علي بضحك: وقعتي وقعتي 🕺🕺
ملك بغيظ : كدا يا بارد طييب
” تقوم وتخبطه بالشنطة ويكون فيها ازازة برفان يتعور ويقعد يصرخ ويعيط وهي تضحك ف الاول وبعدين تتخض من شكل الدم ”
ملك بضحك : احسن احسن عشان تضحك عليا تاني
علي بصريخ : عاااااا 🤕😭😭
ملك بخوف : اي ده ده دم …يا باااابااااا
” تطلع تجري ، بااك ”
ملك : ما انت كنت غلس يعني شايفني واقعة علي رجلي تقوم تقعد تضحك
علي: تقومي تفتحي دماغي يا قادرة 😂😂
ملك : ولا فاكر لما خلينا سكان العمارة كلهم مش طايقنا 😂
علي : قعدنا نرن الجرس علي كل شقة ونطلع نجري 😂😂
ملك : فاكر الواد الرزل الي فوقينا الي وقعني قبل كدا واحنا صغيرين لما قفشك عملتله اي 😂
علي : حدفته بالبيض ف وشه 😂😂
ملك : كنت بتعمل بيه اي وقتها
علي : ما ساعاتها طلعنا علي السطح وبقينا نحدفه علي العربيات 😂
ملك : احنا كنا متشردين اوي 😂
” الله اكبر الله اكبر ”
علي : ادخلي اتوضي وصلي وروحي نامي بقا
ملك بتنهيدة : تمام … تصبح علي خير
علي : وانتي من اهله 🖤
” يدخلوا الاتنين ويتوضوا ويصلوا ويخلصوا ويفضل علي يكلم ربنا ”
علي بعياط : يارب .. يارب انا مش عايز غيرها من الدنيا انا مليش حد غيرها … متبعدهاش عني يارب بحق وجه حبيبك النبي يارب … متحرمنيش من نظرتها وضحتها الي منورين حياتي يارب محدش فينا كلنا من غيرها هيقدر يكمل حياته …. يارب 💔
” يطلع النهار ، محدش نام لا اهل ملك ولا اهل علي ، تقوم ملك من السرير وتدخل تاخد دش وتخرج تحس بزغللة وصداع جامد تقعد علي السرير ”
ملك بتعب : يارب 💔
” يخبط الباب ”
ملك : ادخل
” تدخل سلمي ”
ملك : انتي منمتيش يا ماما !
” تقرب وتقعد جنبها علي السرير ”
سلمي تدمع : هيجيلي نوم ازاي انهاردة يا ملك … ” تعيط ” انا حتة من قلبي هتدخل العمليات انهاردة ….” تحاوط وش ملك بايديها بحنان ” بس انا عندي امل كبير ف ربنا مش هيبعدك عني … انا متاكدة
” تاخدها فحضنها وتفضل تملس علي شعرها ”
سلمي تغمض عنيها وتتكلم بهمس : انا متاكدة … ياربب 💔😭
” يعدي الوقت ويطلعوا يقعدوا برة وعلي ويوسف ومريم يبقوا معاهم ”
سليم : انا ويوسف وملك هنروح الاول عشان في شوية فحوصات هتعملها قبل العملية وقبل العملية هنكلموا وتيجوا وقتها تمام
” ملك و علي يبصوا لبعض بخوف ”
علي : لا .. انا هاجي معاها مش هسيبها
ملك : انا عايزة اروح مع علي … عشان خاطري
” يبصلها سليم بقلق وخوف ”
يوسف : خلاص يا سليم خليهم يجوا مع بعض
” سليم ميقدرش يكتم دموعه اكتر و يعيط وياخدها ف حضنه ”
سليم : تمام يا حببتي … كل الي انتي عايزاه هيحصل
” تعيط سلمي وتسند دماغها علي كتف مريم ، يعدي الوقت ويخلصوا وينزلوا وتركب مع علي ”
ملك لنفسها : انا مش خايفة من العملية … انا خايفة عليهم .. ماما وبابا … وعلي … خايفة عليهم من بعدي … لو جرالي حاجة انا عارفة انهم مش هيبقوا بخير …. مش عايزة اوجع قلب حد فيهم يارب … يارب 💔
” تتنهد بخنقة وتقوم وتقف وتفرد دراعتها ”
علي : مش خايفة تقعي
ملك : مش خايفة … مش خايفة من اي حاجة يا علي
” شوية ويوصلوا وتدخل و تلاقي جاسر هناك تستغرب ويضايق علي ”
ملك بستغراب : جاسر … انت بتعمل اي هنا
جاسر : عرفت من بابا انك هتعمليها انهاردة … مقدرتش مجيش يعني
ملك ببتسامة : مش عارفة اقولك اي والله انت حقيقي طلعت صاحب واخ كويس جدا 🖤
جاسر : متقلقيش يا ملك .. انا واثق ف ربنا انك هتقومي من العملية دي بالف سلامة
ملك : ان شاء الله
” يندها سليم ”
ملك : بابا بينده … خليك يا علي وانا هبقا ارجع
علي : تمام
” تمشي ”
جاسر : شكلك بتحبها اوي
علي : عندك حق فعلا وهي كمان بتحبني
جاسر : علي انت فهمتني غلط … حتي انا فهمت نفسي غلط … انا مبحبش ملك ..ملك بنسبالي مجرد صاحبة وخايف عليها كاخ وصاحب مش كا حبيب … يمكن لفترة حسيت اني بحبها بس اكتشفت اني بحب واحدة تاني … بس للاسف ضاعت مني .. زي ما كل حاجة حبتها راحت مني
” يبصله علي باسف ”
علي : انت ف ايدك ترجع الي يضيع … بس لازم تلحقه قبل ما يفوت الاوان … يعني لو البنت دي قدامك يبقا اكيد في فرصة تكلمها وتقولها الي فقلبك كله
جاسر بندم وسخرية : انا قولتلها كلام يخليها متبصش فوشي تاني اصلا
علي : هي بتحبك
جاسر : امم 🤦
علي ببتسامة : يبقا هتبص فوشك متقلقش … مع اني عذرها اصراحة انت وشك ميتبصش فيه فعلا 😂
جاسر : لولا اني مكتئب بس والله
علي بضحك : اسمع مني وروح كلمها تانيي وقولها كل الي اكتشفت انه موجود جواك وصدقني هتسمعك يمكن تسقعلك ف الاول بس هتسمعك
” يبصله جاسر ويبتسم ، عند ملك قاعدة مع سليم ف اوضة التحاليل وبيسحب منها دم وهي خايفة ”
ملك بخوف: يا بابا ونبي طب اندهلي علي ونبي الحقنة دي كبيرة اوي … يا ستي ابعدي
سليم يغمز للمرضة من غير ما تاخد بالها : بذمتك مش مكسوفة وانتي بتقولي لابوكي هاتلي علي وانا كيس لب واقف قدامك يا بنت ؟ 🙄
ملك : ربنا يسامحك يا بابا لا ريلي ربنا يسامحك يعني انا قولت هاتلي علي عشان بيعرف يلهيني
سليم : تحبي اجبلك شُخليلة تلهيكي يا ملك 😑🙄
ملك : بتتريق عليا يا بابا ربنا يسامحك
الممرضة : كدا تمام يا دكتور
ملك بعدم فهم : تمام اي ” تبص ناحيتها وتشوف انها خدت خمس عينات منها تبرق ”
ملك: خدتي كل ده انت هتتبرع بدمي لبنك الدم يا بابااا 😥
سليم : خلصي التحاليل وهتيها علي مكتبي … يلا ياختي
ملك : علي فين طيب
سليم : هو علي ده البزازة بتاعتك اتكتمي بقا
ملك : حاضر 😒😒😒😒
” تخرج معاه وتفضل تدور علي علي بعنيها لحد ما تشوفه ”
ملك : عللي علي
” تخض ويقوم يجري ”
علي بخضة : في اي حصل حاجة يا عمي
سليم : اهو البزازة بتاعتك جت اخرسي بقا واقعدي فحتة 😒
علي بعدم فهم : بزازة ؟؟ .. بزازة اي
ملك : يعني انا كلها ساعات وهدخل العمليات وانت تقولي اخرسي واقعدي فحتة يعني لو جايبني من قدام جامع قول
علي : اي حوار البزازة ده طب ؟! 🤔
سليم : وهي بتحلل قاعدة تقولي اندهلي علي اندهلي علي وخرجت علي نفس الكلمة
ملك : متخدش ف بالك … بابا هو انا مليش اوضة اقعد فيها انا دايخة 😥
سليم : الممرضة هتاخدك دلوقتي اوضتك لحد وقت العملية هتعدي عليكي وتاخدك عشان تجهزك
ملك بخوف : عمو يوسف الي هيعملهالي صح
سليم بخوف بس مداري : متقلقيش… انا هبقا شايف العملية متخافيش🖤
” تبتسمله ، تجيلها الممرضة وتدخل الاوضة ، تقعد علي السرير ويقعد علي علي الكرسي الي قدامها ، تمسك ايده بخوف وتعيط ”
ملك بعياط : خليك جنبي يا علي ونبي متسبنيش … انا خايفة
” يمسح دموعها ويبوس كف ايديها ”
علي : انا جنبك يا حبيبتي متخافيش… انا مليش مكان غير جنبك اصلا 🖤 متخافيش
” يقوم يقعد جنبها وياخدها فحضنه وتفضل تعيط ويملس علي شعرها ”
علي لنفسه : يارب … يارب ما تحرمني من الحضن ده ابدا يارب 💔
” تخرج من حضنه ويمسحلها وشها بايده ”
ملك : خايف صح
علي : لا .. انا واثق ان ربنا مش هيحرمني من عنيكي الي شايف بيها دنيتي … ولا من ضحكتك الي بتنورلي الدنيا … ولا من لامضتك دي … انتي هتقومي من العملية بالف سلامة 🖤 وهنتخطب وبعد الجامعة هنتجوز وهتشتغلي وتبقي دكتورة نسا وتوليد وتحققي حلمك الي طول عمرك بتحلمي بيه … وانا هبقا دكتور اطفال …. احنا اختارنا المهن دي من واحنا صغيرين … فاكرة يا ملك ❤
ملك ببتسامة: فاكرة … لما كنت صغيرة واتعب كنت بتقول لماما انا هكشف عليها انا دكتور اطفال
علي : وانتي كنتي بتتعصبي وتقوليلي انا مش طفلة انا كمان دكتورة انا هجيب الطفل من بطن مامته
” يضحكوا الاتنين ”
ملك : جاسر لسة برة
علي : اه لسة برة
ملك : اوعا تكون قولت لليلي ومازن ياعلي اني هنا
” يسيب ايديها ويهرش ف دماغه باحراج وف نفس الوقت تفتح ليلي الباب وتدخل جري ”
ملك : كان لازم اتوقع طبعا
ليلي : متقوليش انك مكنتيش عايزانا نيجي
ملك : والله ما كنت عايزة اتعبكوا ولا انكد عليكوا لو قمت هتعرفوا وتيجوا لو..
” يقاطعها مازن ”
مازن : متكمليش لاقسمبالله بضهر ايدي وفوشك انتي هتدخل العملية دي وهتخرجي منها ولا كان حاجة حصلت تمام
” عند سليم تجيله التحاليل ويوسف قاعد معاه ف الاوضة ”
يوسف : يابني بقالك ساعة باصص ف التحاليل انطق بكلمة
سليم : الي كنت خايف منه يا يوسف … بعد العملية هتقعد فترة علي كرسي متحرك ولسانها هيتقل وهتتكلم بصعوبة …. ده غير ان احتمال … احتمال تدخل ف غيبوبة
__________________________________
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ابن الجيران)
