رواية وليا معاه حكاية الفصل الحادي والأربعون 41 بقلم أميرة صلاح

رواية وليا معاه حكاية الجزء الحادي والأربعون

رواية وليا معاه حكاية البارت الحادي والأربعون

رواية وليا معاه حكاية الحلقة الحادية والأربعون

وراحو الشالية وخلص اليوم ونامو
تاني يوم راحو يتفسحو
وكانو مبسوطين خالص
وهما مروحين بقه
حبيبه : انا تعبت يا حسام رجلي وجعتني..
خلاص يا حبيبتي قربنا اهه..
لا خلاااص معنتش قادرة..
وسابت ايده وقعدت علي الرصيف..
حسام : هتفرجي الناس علينا قومي..
هو حد يعرفنا هنا
سيبك..
طب قومي
خلاص الشاليه قرب..
لا خلاص انا لو قمت رجلي ممكن تغلط فيا..
طب تعالي..
ايه..
تعالي بس..
وقيمها وشال الشنطتين اللي كانو في اديها وركبها علي ضهرة..
حبييه : هههههه الناس بتبص علينا..
االله مش انتي اللي لسه قايله ان محدش يعرفنا هنا
وكمان مين الناس دي وانا اروح اضرم ازاي يبصو وانا معايا مراتي حبيبتي…
حبييه وهي هتموت من الضحك وبتشورله : هي الست التخينه دي والراجل الضلفة اللي معاها..
بصلها وبصلهم وقالها : انا بقول المسامح كريم يعني يا حبيبه
مهم شيفين اتنين هبل لازم نعذرهم..
دلوقتي مش هتروح تضرم ماشي ياعم المسامح يلا امشي بقه عشان انا جعت ..
ماشي ماشي منا سواق السياده يلا كلو في ميزان حسناتي..
يا واد يا مؤمن هههههه..
****
وعدا كذا يوم وهما مستمتعين مع بعض جدا والجو كان يجنن
وكانو بيستغلو كل دقيقه مع بعض ..
وفي يوم صحيت حبييه من النوم متأخر لقت حسام لسه نايم باسته من راسه وقامت عشان تصلي بعد ما دخلت الحمام وطلعت ملقتش
حسام مكانه
بس لقت حاجه تانيه قربت ومسكته كان فستان فرح ابيض وعليه وردايه حمرة كان رقيق وشيك اوي بصتله وهي مستغربه
وقالت بصوت عالي : ايه دا..
دخل حسام في اللحظه دي وهو ماسك وردة في ايدة وكالعادة حطهلها في شعرها وضمها وقال : دا فستان فرح..
منا عارفه انه فستان فرح بس لي يعني وكملت وهي بتضحك : احنا هنتجوز تاني ولا ايه..
وتالت ورابع وخامس احنا ورانا ايه
انا عن نفسي فاضي انتي وراكي حاجه..
لا بجد يا حسام ايه دا..
دا فستان هتلبسيه دلوقتي..
ليه بقه..
عشان عشان عشان..
ايوا انا مستنيه عشان دي ..
عشان هتبقي عروستي النهارده بحق وحقيقي
وهرقص معاكي رقصتنا بجد
وهشيلك بعد الرقصه
وانا بضحك
واتمايل معاكي علي الموسيقي
وانا ضمك ليا ونعوض احلي يوم في حياتنا
بيوم احلي منه..
دمعت حبيبه وقالتله بصوت عالي وهي بتحضنه : بحبك بحبك بحبك بحبببببببك..
وانا بعشقك
واالله العظيم بعشقك
يلا بقه جهزي نفسك ولما تخلصي هجيلك..
رايح فين..
دلوقتي تعرفي..
صلت حبيبه وشكرت ربنا
وقعدت تجهز في نفسها
وعملت الطرحه عاديه زي الاتراك وخلصت واستنت حسام..
سمعت صوت
لفت لقت حسام داخل عليها وهو ماسك بوكيه ورد ولابس بدله سوده ..
حبيبه: عريسي قمر يا ناس..
اكيد مش احلي من عروستي
يالهوي كل يوم بتحلوي عن اليوم اللي قبله اعمل ايه انا دلوقت ..
لا انت لو عملت حاجه اكتر من كدا انا ممكن اموت من الفرحه..
بعد الشر عنك
ممكن بعد اذن عروستي تأنكجي في ايدي ..
انا اصلا هفضل متعلقه في ايدك كدا طول العمر..
وفتح حسام ستارة البلكونه اللي بيترلو منها يروحو للبحر اول ما حبيبه شافت المنظر بلمت..
كان فارش سجادة طووويله زي اللي كانت في القاعه يوم فرحهم
وحاطط في الجنب الشمال واليمين شمع لحد اول الشط
وعامل قعدة صغيرة ليهم علي الارض وف نصها طربيزة عليها الاكل بتعهم وتورتايه صغيرة
مشيو لحد ماقربو من الشط
راح حسام شغل اغنية
انا كلي ملكك بتاعت فرحهم ورجع لحبيبه تاني..
حسام: ممكن ارقص مع حضرتك الرقصه دي..
حبيبه: هههههه ممكن جدا..
وفضلو يرقصو مع بعض وحبيبه هتموت من الفرحة وهي متعلقه في رقبته..
فاكر يا حسام رقصتنا يوم الفرح..
ودي حاجه تتنسي سيادتك ..
هههههه مكنتش مستوعبه انك خلاص بقيت جوزي واول ما حطيت ايدك علي وسطي كنت هديك بالبونيه..
حرام عليكي يا شيخه يعني عملك جو رومانسي
وشمع واكل عشان متقولليش جعانه وفستان فرح
وتقوليلي بونيه ليه بتفصليني كدا يا حبيبه..
يا حبيبي بفكرك بس..
فاكر يختي كل حاجه..
فاكر ايه..
فاكر لما كنتي قعده تلفي حوالين نفسك وبتتفرجي علي العربيات وفاكر لما كنتي عايزة تخدي العربيه كلها لوحدك بفستانك الكبير دا
وفاكر لما كنتي عايزة تلتهمي الاكل بالاطباق..
دا انت قلبك اسود..
طب انتي فاكرة ايه..
فاكرة برضو رزلتك ورخمتك عليا..
لا بجد فاكرة ايه..
هاااح فاكرة شكلك بالبدله
ووقفتك وانت ماسك البوكيه
وشعرك وهو كان بيلمع يومها كدا وبصتك ليا وانا نزله..
ايه دا دا انتي طلعتي سوهنه وبتبصي من تحت لتحت وانا اللي كنت فاكرك مؤدبة ..
يعني انت عينك يومها مكنتش هتكولني..
حسام: لا..
يا كداب..
يبنتي انا يومها كنت هموت عليكي
شكلك بالفستان
والطرحه اللي عليه
والميك اب اللي كان منورك ولمعة عنيكي
وبرائتك كدا وانتي بتتفرجي علي الحاجه ومسكت ايدك في ايدي واحنا بنرقص
كل حاجه كل حاجه..
دا انت طلعت سوهن اكتر مني..
الصراحة غصبا عني
انتي كنتي قمر ومازلتي يعني سبحان من صبرني..
هههههه
يا تري لو كنا حبينا بعض من اول يوم يا حسام كنا هنبقي كدا دلوقتي..
واالله منا عارف بس مظنش
اصل بحس الحاجه اللي بتيجي دايما متأخرة دي بتبقي ليها طعم مختلف..
انا كمان قلت كدا
بس اقولك علي حاجه مقلتهاش ليك قبل كدا..
حسام: ها قولي..
انا بموت في كل تفصيله فيك بحبببببببباااااك..
قالها وهو بيضحك : تصدقي عمري ما سمعتها منك..
انت هتسمعها مني بعد كدا اكتر ما بتسمع اسمك
ضحكو وفضلو بعدها يغنو مع الاغنيه ..
سااااعات بخيالى بسرح قبل ما بحلم كل حاجة بلاقيها فيك
والسنين هتفوت وتمشى منك انت انا مش همل
بوعدك يا حبيبى عمرى شوقى ليك ما فى يوم يقل
هبقى فرحك وقت حزن فى التعب تلاقينى حضنك
كل يوم من عمرى ليييييك..
وبعدين شالها وفضل يلللف بيها
وحبيبه ماسكة فيه جامد وبتضحك وقعدو ياكلو..
حسام: انا جبت التورتايه دي مخصوص عشان انتي كنتي هتموتي يومها والناس بتاكل تورتة من غيرك..
هههههههه الصراحه انا كنت كمان شويا هترل وقولهم اعطوني مما اعطاكم االله دا انا حته العروسه..
لا وانا ميرضينيش الناس يتبصلها في اكلها خدي يا حبيبتي كليها كوولها..
رفعت حجبها وقالتله: يتبصلهم في اكلهم ؟
علي فكرة بقه انا اصلا مش باكل..
اة انتي هتقوليلي دا انتي يوم الفرح كان ناقص تكليني..
خد تورتايتك مش عايزاها هه..
هههههه لا لا انا اسف خلاص
انتي عمرك ما كالتي ولا بتحبي الاكل ولا بصيتي لحد في اكله حلو كدا..
وكماان بتتريق عليا واد انت طلقنييييي..
طلاق مش مطلق وعندك البحر اهه روحي اشربي منه..
طب لو لقيته مالح؟..
تعاليلي طبعا وانا اجبلك ميه معدنيه
يا سلام دا انا اجبهالك بعسل
بسكر يا بونبوني انت يا حلو..
اتلم يا واد احنا ف الشارع
الاتراك يقولو علينا ايه..
هيقولو واحد بيعبر لمراته علي اللي جواة االله..
وقعدو يكلو وبعد ما خلصو قام حسام وشد حبيبه من اديها..
حبيبه: ايه في ايه..
تعالي نجري..
نجري من مين.. ?
لا نجري في الشارع..
حبيبه: ليه؟..
هو ايه اللي ليه عادي يعني..
يا سلام يعني اجري كدا في الشارع بفستان الفرح
والناس تفكرني سرقاه
وصاحب المحل بيجري ورايا عشان يخدة..
يابت واالله هتبقي حاجه حلوة اسمعي مني..
فضلت حبيبه تبصله شويا وتفكر وبعدين قالتله : تصدق اة واالله
هنبقي مسخرة قوم بينا نجري..
وطلعو يجرو وهما ماسكين في ايد بعض وبيضحكو
والناس كلها بتبص عليهم وبيضحكولهم وفي ناس قعدت تصورهم
وناس وقفتهم وبركتلهم
واتصورو معاهم
وحبيبه وحسام ميتين علي نفسهم من الضحك
ورجعو بعدها لمكام ونامو علي البحر وقعدو يبصو للسما وللنجوم لحد ما النور طلع
وعدت الايام وخلصت ايامهم في تركيا ورجعو مصر بعد ماعاشو احلي واجمل ايام عمرهم..