رواية الأميرة والمغترب الفصل الحادي والتسعون 91 بقلم آلاء اسماعيل البشري
رواية الأميرة والمغترب الجزء الحادي والتسعون
رواية الأميرة والمغترب البارت الحادي والتسعون
رواية الأميرة والمغترب الحلقة الحادية والتسعون
تجلس أميرة بجانب ياسين تطعمه بعض الحساء حين دخل خالد قائلا
-اسف لو كنت قاطعت حاجة 🙄
ياسين : تعال يا خالد بلاش بواخة
اقترب خالد و هو ينظر الى أميرة قائلا : كنت نسيت أقولك ان ابوكي اتصل بي الصبح و سألني عليكي و بيقول والدتك قلقانة اوي لأنه حاول يتصل بيكي بس مقفول
أميرة بضيق : يوووه صح قلتلك هاكلمها اول ما اشحن و نسيت طيب هأبقى اكلمهم بعد شوية
كانت ستمسك الملعقة ثانية حين نظر خالد الى ياسين و هو يلتف خلفها و يوميء بإشارة فهمها دون ان تراه أميرة ثم قال
: و مش دلوقت ليه ؟؟😕
أميرة : لما اخلص اللي في إيدي !
قاطعها ياسين قائلا: لا أنا شبعت أصلا ..يالا روحي طمني والدتك ما تخليهاش متحيرة عليكي ☺️
أميرة بتوجس: متأكد انك شبعت ؟
-احلفلك ؟؟
ابتسمت أميرة و قامت و هي تقول : انا مش زيك بتخلي الناس كلها تحلف …مصدقاك من غير حلفان 😂
اخذت هاتفها و قالت له : مش هأتأخر عليك
خالد و هو يجلس مكانها: لا خذي راحتك خاالص انا قاعد معاه 😁
في بيت رجب
وقفت فاطمة في الشرفة تنشر الغسيل فجأة لفت انتباهها وصول رجب مع احدهم فوضعت الملابس و امعنت النظر للأسفل لتتفاجأ برجب يخرج من سيارة اجرة و معه صالح
وقفا لبعض الوقت يتكلمان أمام العمارة ثم أعطاه كارتا وضعه رجب في جيب سترته قبل أن يركب صالح و ينطلق التاكسي مغادرا بينما يدخل رجب الى العمارة
حملت الغسيل و دخلت مسرعة الى الداخل و هي تنوي معرفة ما يخفي زوجها بنفسها فهي متأكدة انه لن يخبرها بشيء
دخل رجب و توجه الى غرفته ليبدل ملابسه بينما خرجت من المطبخ و توجهت الى الغرفة و هي تتصنع الدهشة
-انت جيت يا رجب ! ما سمعتش الباب بيتفتح !
-ايوة لسة واصل
-ما اتأخرتش يعني ..🤨
-ايوة رحت دفعت فاتورة الكهرباء و جيت على طول
فاطمة : طب روح اغسل ايديك على ما احطلك الاكل
رجب: طيب .
خرج رجب و هو يحمل منشفة في يده بينما توجهت مسرعة الى سترته و تفقدت الجيب لتجد كارت محامي !
فتشت ثانية ثم نظرت الى اثره و همست بدهشة: يعني مفيش وصل فاتورة اندفعت و لا جبتش سيرة رجب خالص و لا قلت انهم رجعوا من كندا أصلا !! يا ترى بتخططوا لإيه انت و هو !!🤔
فجأة رن هاتفها
امسكته بتعب و هي تقول : أخيرا اتكرمتي و سألتي يا أميرة 😏
عند المستششفى
-محدش هيقدر يبعد حنان عن جوزها …و ان كان فيه حد هيتطلق النهاردة فهو انتي يا خا”ينة 😤
التفت الجميع و قالت فاتن بصدمة: صالح !!! 😳
كادت حنان أن تقع من شدة الصدمات فهمست لسحر بوهن
-مش قادرة اقف حاسة اني هيغمى عليا يا سحر 😓
فأشار بدر الى سحر بينما يسندها بيده و لم تستطع حنان المقاومة أصلا فقد كانت على وشك الانهيار و قال بدر بخوف
-ارجوكي يا سحر تشوفيلها كرسي بعجل على ما اوصلها العربية
دخلت سحر مسرعة و اقترب مرسي من صالح
مرسي : صالح ؟ اي اللي بتقوله ده يا اخوي طلاق اي ده !!
فاتن -اي اللي انت بتقوله يا صالح انت اتجننت!!😱
صالح بغضب : بالعكس …انا كنت مجنون و دلوقت بس اللي عقلت
أنا اتجننت لما ضحيت بعيلتي و ورثي و سبت كل حاجة وراي :اهلي و صحابي و بلدي و جريت ورا واحدة حق”يرة و خا”ينة زيك ..اتجننت لما حبيت وحدة انانية مش بتحب غير نفسها
ثم استطرد بضحكة ساخرة : نفسها اي انتي ما بتعرفيش كلمة حب و اشك أصلا انك بتحبي نفسك و راضية عنها ..
اقترب و هو يقول بإنكسار: كنت فاكر اني هأقدر اغيرك لكني اكتشفت انك انتي اللي غيرتيني ..خلتيني واحد اناني و حقو”د زيك ..بس كل ده هيتغير ..مش هأفضل عايش في ظلك للأبد
مش مضطر أعيش مع وحدة بلا شر”ف و لا أخلاق زيك
فاتن بلجلجة : انت ..انت قصدك اي 😰
-قصدي انتي عارفاه كويس يا واااا”طية 😤
تبادلا نظرات جعلت فاتن تفهم ما يحدث و خرجت سحر على جملته و ما أن سمعتها حتى استندت هي الاخرى على الكرسي المتحرك الذي تدفعه وهمست سرا بخوف -ربنا يستر بس 😰
أمسك بدر الكرسي و أومأت سحر الى حنان و أجلستها برفق بينما يهمس هو في اذنها هي اي الحكاية بين عمي و امك يا سحر ؟!
اومأت سحر بكتفيها بتصنع عدم المعرفة و هي تكاد تمو”ت خوفا من افت”ضاح امر والدتها أمام الجميع
فجأة أكمل صالح
-طبعا مستغربة ما طلقتكيش ليه طول المدة دي مش كدة؟؟
تبادل الحاضرون نظرات مختلفة ما بين الدهشة و التعجب و الشماتة و همهمات مختلفة بينهم لفهم ما يحدث
-انا هقولك ليه.. عشان القانون الكندي هيخليكي تاخذي نص شقاء عمري مهما كانت اسباب الطلاق. …انا طيب ايوة بس مش غ”بي عشان اشاركك في دولار واحد من تعبي…و على فكرة انتي هترجعي كل اللي سرقتيه مني يا حرامية يا إما انا هأطلع كل الاوراق اللي معايا و ألبسك قضية معتبرة تليق بوحدة سا”فلة زيك
كانت الصدمة تعقد لسان فاتن و رجلاها لا تقوى على حملها
و كثر الهمس و التساؤل و اصبح موقفها مخ”زيا امام الجميع فحتى بعض المارة الفضوليين توقفوا لمعرفة ما يحدث
-بيقول اي ده ؟
-خيا،نة اي اللي بيتكلم عنها 🤔 و فلوس اي اللي سرقتها
سحر : يا مصيبتي ! بجد كان عارف !! ربنا يستر و ما يقولش كل حاجة قدامهم 😱
في غرفة ياسين بالمستشفى
خرجت أميرة فإقترب منه و قال : اوووف معرفتش أكلمك كلمتين ورا بعض من لما صحيت…. هي المدام هتفضل لازقالك كدة على طول ولا أي!!🤨
ياسين بحدة : خالد احترم نفسك ما انت قلتها اهو.. مراتي يعني طبيعي تفضل لازقة فيا ولا انت عايزها تبعد عني؟؟😤
خالد بتهكم : و الله 🤨؟؟ ربنا يرحم أيام : مش مهم انها تشوفني أهم حاجة تكون بخير يا خالد 😥🙄
ياسين : يا عم ربنا ما يرجعها أيام !! هااا يالا بسرعة قبل ما ترجع…هات اللي عندك من غير فزلكة و خفة دم كثير
خالد : ماشي يا عم مقبولة منك .. المهم ..الظاهر صاحبتنا حكايتها قربت تخلص و نهايتها هتتكتب قريب
-مين …حماتك الغالية.. ليه حصل اي ؟؟
-اتصل بيا حمايا الغالي …و مش هتصدق طلب مني اي 😱
عند مستشفى الولادة
خرج الجميع من سياراتهم و تقدموا نحوهم لمعرفة ما يحدث و اقتربت الجدة من مرسي و هي تقول : اي اللي بيحصل ده يا مرسي؟
همس مرسي: مش عارف يمة الظاهر في مصيبة هتحصل دلوقت
نظرت فاتن الى الجميع و هم يحدقون بها بشماتة و إشمئزاز ثم قالت بتوتر : طب خلينا نروح على بيتنا و نتكلم براحت..
-انا معنديش بيت …قالها صالح بأعلى صوتها غاضبا ثم أكمل
– بيتي هو بيت عيلة الراوي … و هنحل دلوقت كل حاجة عشان و كل واحد يروح من طريق
فاتن بلجلجة:ارجوك يا صال..
-اوعي تنطقي اسمي تاني بلسانك القذ”ر ده… انا مش متحرك من هنا إلا لما أعرف الناس كلها على حقيقتك القذ”رة
سحر بترجي: بابا 😥.. ارجوووك عشان خاطرنا انا و حنان 🥺 بلاش😭
كانت حنان في غاية الصدمة مما يحدث و قد فهم الجميع تقريبا ماذا يحدث دون أن يدخل صالح في أي تفاصيل
نظر صالح الى سحر الباكية بألم و كأنه يقول لها عشان خاطركم بس
نظر إلى فاتن المترقبة و قال بغضب
-انتي طالق يا فاتن الگلبة …طالق …طااااالق ..😡
فاتن بصدمة : بترميني كدة ببساطة! على آخر عمري يا صالح !! تطلقني و تشمت فيا اللي يسوى و اللي ما يسواش!
-ما ابقاش راجل لو خليت على ذمتي وحدة رخي”صة زيك بكرة لو عليا كنت مو”تتك و ريحت الناس من شرك و غدرك …بس مش هودي نفسي ف داهية عشان واحدة وا”طية زيك…..بكرة هنجيب المأذون و نجي لعندك عشان نخلص كل حاجة …و اعملي حسابك ملكيش عندي مؤخر ولا نفقة ولا أي حاجة …
نظر الى الجميع ثم قال لها
-و على فكرة انا مش شايف حد ما يسواش غيرك هنا
كان كلامه قاسيا حقا عليها لكنه بمثابة بلسم للاغلبية و لا سيما والدته التي حرمت منه لسنوات بسبب سيطرتها عليه
كل العائلة تقريبا تكرهها بسبب تعاليها و غرورها و حق”دها
فاتن بوقاحة : تمام…مش عايزة من وشك الع”كر حاجة أصلا …يا وش النح”س و الفقر انت …يالا المركب اللي تودي ,😒 في داهية انت و عيلتك الز”بالة اللي عمال بتتباهى بيها كل شوية
همست حسنات بقر”ف: صدق المثل اللي قال قليل الأصل لا تعاتبه ولا تلومه ده زي البقعة اللي لا بتطلع بربص ولا بأومو 😏
ثم أكمل صالح و هو ينظر إليها بإحتقار : على الأقل انا عندي عيلة اتباهى بيها 😒
فهمت ما يقصد فجزت على أسنانها بغل ثم نظرت إلى حنان و قالت بحدة : يالا يا حنان خلينا نمشي ..هنروح على بيت ابوي و خلي ابوكي يشبع بالعيلة العرة بتاعته 😤
نظر الجميع الى حنان التي كانت شاردة في عالمها الخاص تفكر في كل ما سمعت و قد افاقت على اسمها فنظرت الى والدتها بضياع و قالت : هااا !! 😕
فاتن بأمر : قلتلك يالا بينا نمشي من هناااا و هأبقى أجيبلك عيالك لحد عندك أول ما يطلعوا من الحضانة
نظرت حنان إليها ثم الى بدر بنظرات جامدة و جد غامضة
تج”مدت الدماء في عروق بدر و تيبست شفتاه بينما ينتظر قرارها المصيري كذاك السجين الذي يقف أمام القاضي لسماع اما حكم الاعد”ام او البراءة
فجأة وقفت حنان و هي تستند على الكرسي و نطقت بما صدم الجميع و أولهم بدر ! 😳
فتحت فاطمة الخط و هي تقول بزعل: ثلاث إيام ما اسمعش صوتك ..مكانش العشم يا بنت بطني🙄😒
أميرة : مساء الخير يا حبيبتي …انا اسفة بجد يا ست الحبايب عارفة انك زعلانة مني …بس غصب عني و الله لو تعرفي السبب أكيد هتعذريني
– مهما كان السبب ما اعتقدش أنه مهم لدرجة انك تطنشيني طول الثلاثة ايام دول 😞
أميرة بتردد :بصراحة هو مهم اكثر مما تتخيلي 😥
فاطمة بقلق : خير يا بنتي ..ما تفزعيش قلبي عليكي !😰
أميرة: ياسين انضر’ب بالرصاص يا ماما و كان وضعه خطير
شهقت فاطمة بصدمة: يا مصيبتي !! 😱 بتقولي اتصاب!!
دخل رجب على فزعتها و هو يسأل بقلق : هو مين اللي اتصاب!!
اومأت اليه لينتظر بينما اجابتها أميرة
-ما تتفزعيش اوي كدة …هو عمل عملية و بقى كويس و صحي النهاردة بس ..
-معقولة ده خبر يتخبى عننا يا أميرة !! 😥
-محدش كان عايز يقلقكم الا لما وضعه يتحسن يا ماما خصوصا وضعك الصحي ما يسمحش بأي توتر ..و بصراحة انا ماكنتش في وضع يسمحلي بالكلام أصلا ..
كانت فاطمة ستتكلم لكن رجب قاطعها و اخذ من يدها الهاتف و هو يومأ بتساؤل فقالت له بقلق : بتقول ياسين اتصاب 😥
امسك الهاتف قائلا : الو أميرة . انا ابوكي يا بنتي
-ازيك يا بابا
-الحمد لله طمنينيي اي اللي حصل ؟؟انضر’ب ازاي و ليه!!
أميرة بهمس : مش عايزة ماما تعرف اوعة تبين لها حاجة .. اسمع و بس …كنت انا المقصودة يا بابا ….و هو ضحى بنفسه عشان ينقذني من دانيال الگلب الحمد لله ربنا ستر
تماسك رجب و قال بهدوء: طب يا بنتي ربنا يشفيه ..أبقي طمنينا عليكي تاني و عليه هو كمان
-حاضر يا بابا
اقفل الخط فقالت له فاطمة المترقبة بقلق؛ هاا …قالتلك اي
اجابها رجب و هو يضع هاتفه في جيبه و يكمل مسح وجهه من قطرات الماء المتناثرة : كان فيه تبادل نار و جيه فيه عيار بالغلط .. يالا انا داخل اصلي على ما تحطي الاكل
همست فاطمة بشك : مادام هربت فورا يبقى فيه حاجة تانية ! عارفاك لما تحاول تخبي عني حاجة ..مش بتحب تبص في عينيا …طيب الا ما يبان المستخبي يا رجب .
كان الجميع يترقب رد حنان و سرعان ما صدم الجميع و اولهم بدر حين قالت لوالدتها بهدوء بينما تمسك بيده
-آسفة يا ماما …انا ما اقدرش أسيب بدر ..مكاني انا و ولادي معاه …ما تخافيش عليا لإني واثقة في عدالة ربنا و في جوزي
قل لن يصيبنا الا ما كتب الله لنا …و اللي حماني مرتين هيحميني ثالث و رابع و عاشر يا ماما
فاتن بغضب: بعد كل اللي قلتهولك ده بتقولي واثقة فيه ؟انتي عب’يطة ولا بتستعبطي !! 😠
تتشبث بيده اكثر و هي تنظر إليه بحب و إمتنان : أنا اتربيت على ايديه يا ماما و اتعلمت معاه حاجات المفروض كنت أتعلمها منك انتي : الحب و الثقة و الأهم من ده كله …التسامح… ايوة انا اتصدمت من الخبر… و انقهرت لإنه خير عليا حاجة زي دي …بس أكيد مش هأحكم عليه بسبب غلطة وحدة غلطتها عيلة صغيرة
ثم نظرت إلى والدتها بلوم قائلة :
معقولة عايزاني انسى كل اللي عمله هو و أهله معايا طول السبع اشهر اللي فاتوا دول واجلده بحكم قاسي زي اللي بتطلبيه مني ده بسبب غلطة وحدة !! لا …أنا مش قليلة أصل للدرجة دي يا ماما …ما تنسيش أنا مهما كان من عيلة الراوي
كان ينظر إلى معشوقته الصغيرة بعينين مغرورقتين بالدموع و يود في هذه اللحظة لو يحتضنها أمام الجميع و يلف بها مطولا و هو يقول بأعلى صوته: هي دي بنت قلبي …هي دي حبيبتي …هي دي مراتي اللي تليق بإسم بدر الراوي بجد 🥰
نظرالجميع الى بعضهم البعض بسعادة و استبشروا بكلام حنان و توجهت كل نظرات الشماتة الى فاتن التي كانت في أوج غضبها و تكاد تنف”جر غيظا في أي لحظة
نظرت الى سحر التي قالت فورا : ما تبصليش كدة انا مش عيلة كلها شهر و اتجوز ….و بعدين انا كمان من عيلة الراوي و مكاني في بيت الراوي 🙄
فاتن بغضب: يعني اتفقتوا عليا كلكم مش كدة !!طيب 😡
انا مش محتاجة حد فيكم .. اهو ارتاح من قر”فكم كلكم 😠
غادرت بغضب جحيمي و هي تتوعد بينما تنهد الجميع براحة
و قالت هنادي لحنان: يالا يا بنتي انتي تعبانة و وقفتي كثير يالا عشان ترتاحي
امسكها بدر و راحت تمشي ببطء و هي تستند عليه نظر الى عينيها بحب ممتزج بتعجب من تغيرها الجذري فهمست اليه بإبتسامة: ما تبصليش كدة ..أنا كمان بحبك و ما اقدرش أعبش بعيد عنك ☺️
همس بدر بصوت خافت : و انا بعشقك يا قطعة من روحي 🥰
اقترب أكثر و هو يهمس: ده انا لولا العيبة كنت ابوسك دلوقت قدام الناس كلها
نظرت إليه حنان بحدة و نظرت الى والدته و هي تهمس: اتلم يا مجنون !😤😌
غادر الجميع نحو السيارات و أمسك صالح يد والدته و هو يقول بندم : أنا آسف يمة…حقك عليا …ده كان عقابي اللي استحقيته لإني خالفت كلامك 😰
-ده ابتلاء من عند ربنا يا ابني…محدش بيختار قدره …و انت قدرك كان مع بنت حرام …
صالح بإحراج : انا ازاي كنت معمي طول السنين دي …ازاي اخترتها هي ! كان فين عقلي ! 😓
-يالا يا ابني..ما تفكرش كثير..كل اللي ربنا يقدره نعمة من عنده
انطلق برفقة والدته يجر الخطى بإنكسار بينما أكملت حسنات : ما تزعلش يا ابني ان كانت نسيت معروفك … كلنا عارفين العشرة على مين بتهون…مش بيقولوا قليل الاصل مايجيش بالعتاب …ما الأصل غلاب !!
صالح : معاكي حق يمة بس انا مش زعلان غير على عمري اللي ضاع معاها
-المهم انك خلصت منها … ده كفاية
في غرفة ياسين
-ياااه ..يعني حماك أخيرا صحي !!
خالد :أيوة …لو تشوف المسكين حالته كانت عاملة ازاي و هو بيطلب مني كدة
-صح ..موقف صعب جدا …ربنا ما يحط فيه حد يا خالد
خالد بحزن : انا مش صعبان عليا غير سحر
-معاك حق …الموضوع صعب فعلا عليها ..يا عالم هتعديه ازاي خصوصا بعد اللي حكيتهولي ده
خالد بعبث: اومال انا رحت فين؟؟؟ 🤔😉
ياسين :اوعة يا جامد …هتعمل اي ؟؟
خالد : اللي طلبه مني ابوها طبعا 🙄
ياسين ؛ ايوة اللي هو اي؟؟🤨
خالد :أنا هأنزل مصر الأسبوع الجاي عشان نتجوز و أرجعها معاي ☺️
ياسين : يا ابن اللئيمة .. و عمال ترغي من الصبح و مخبي الخبر ده عليا ؟؟
خالد : لزوم الأكشن و كدة 🙄😁
ياسين : لا و الله ! هو مش كان السيسبانس ولا غيروه! 🤔
خالد : مش مهم …المهم انا عندي ليك اقتراح 😁
ياسين : اتفضل ! يا رب ما يكون واحد من اقتراحاتك اياهم ! 🙄😂
-مش انت متجوز مع وقف التنفيذ لحد ما تروح مصر؟ اي رأيك نروح مصر سوا و نعمل فرح واحد هناك ؟؟
– اي ؟؟ صالح طلقها !!! طب و حنان !!!
-رفضت تروح معاها بتقول مكانها هي و ولادها جنب بدر
سنية بغضب: لاااا مستحييييل 😱!!
مديحة: هو اي اللي مستحيل ؟؟
سنية: ولا حاجة … انا افتكرت اني مستنية مكالمة تانية يا ست مديحة
اقفلت الخط بغضب شديد :بعد كل ده رفضت تسيبه !!!
بقى كدة يا بدر !! فاكر انك كدة انتصرت !! لا طبعا .. مادام اختارت تفضل معاك يبقى هي الجانية على ولادها
فكرت قليلا ثم قالت : مادام الغ”بية امها ما عرفتش تحل الموضوع يبقى انا مضطرة اتصرف بنفسي
فكرت للحظات ثم امسكت الهاتف و اتصلت -الو ! ازيك
-خير!! اي اللي فكرك بيا النهاردة ؟؟ 😏
انهت أميرة مكالمتها مع والدتها ثم اتصلت ببيرجول لتعرف اخبار عمران و الفتاتين و آخر اخبار الدار في هذه الايام التي غابتها
و دخلت بعد مدة من خروج خالد لتتفاجأ بياسين يتحدث مع نانسي عبر الهاتف
-حسنا نانسي شكرا لك …اوك اتفقنا…الى اللقاء
اقفل الخط فقالت أميرة بإستنكار : اتفقتو على أي؟؟🤨
ياسين : كنت بنتفق على صفقة
أميرة بتوجس:صفقة اي اللي تكلمك عليها اذا كانت ما تعرفش أصلا انك فقت من الغيبوية !!
-انا اللي اتصلت بيها لان الصفقة مهمة
-لو مش واعي للي حصلك ف انت رجعت من المو”ت …معقولة اول حاجة تعملها تتكلم في صفقات ؟؟ هي الصفقة دي أهم من حياتك؟
-اممم تقدري تقولي انها هي حياتي 🙂
أميرة بإستنكار: يا سلام ؟!!!🤨😕
إقتربت أميرة منه تعدل ملاءته و هي تقول بتذمر
مكنتش أعرف إن الشغل هو حياتك 😏
امسكها من يدها و قربها اليه و هو يهمس في اذنها بهيام
-مين جاب سيرة الشغل يا عب’يطة
أميرة بتعجب: ما انت اللي قلت صف..
قاطعها و هو يقبلها من جبينها قائلا : انا كنت قاصدك انتي …مش انتي صفقة عمري برضو ؟ 🥰
توردت وجنتاها بخجل قائلة : بجد ؟ ☺️ ..ثم تذكرت فقالت بتساؤل : طب و نانسي اي دخلها ؟؟🤔😏
ابتسم على غيرتها اللذيذة قائلا : كنت عايز اعملك مفاجأة و كلمتها تعمل حسابها و تجهزلي كل المطلوب
أميرة بفضول: مفاجأة اي دي ! 😕
ياسبن :هو انا كل اللي حوالي فضولهم قا”تل ليه ؟؟ اتعلمي تصبري لما اقولك مفاجأة …لإن المفاجأة أصلا معناها تجي فجأة مينفعش اقولك عليها و الا مكانوش سموها كدة🙄
أميرة بتذمر: اومال قلتلي عليها ليه و انت عارف ان فضولي هيمو”تني عشان اعرفها ! 😓😮💨
ياسين : بعد الشر عليكي…
تنهد بإستسلام ثم قال : حاضر يا ست البنات …أنا وصيتها تجيبلك شوية هدوم و تنقل حاجتك من الدار …هنرجع مع بعض عالقصر بكرة و اعملي حسابك إني مش ناسي وعدك 😉😊
فكرت سنية ثم قالت : مفيش غير هناء اللي هتساعدني ..بس هتسامحني يعني !! ما تسامحنيش ليه ماهي عب’يطة و هنصدق اي حاجة …طب لنفرض سامحتني 🤨 هقولها اي عشان تصدقني تاني !! اااه لقيتها !
امسكت الهاتف و اتصلت -الو ! ازيك
-خير!! ؟؟ 😏اي الي فكرك بيا النهاردة 😏ولا تكونيش ناويالي على مصيبة تانية !!😒
-عيب عليك يا هناء اي الكلام ده يا اختي ! ده احنا عشرة عمر برضو 😥
-اختك ؟؟ اه .. ماهو باين.🙄…عشان كدة عملتيلي مصيبة تديسيني فيها عشان يخلى لك الجو لولا ربنا كشفك على حقيقتك 😤
سنية بتصنع الضيق:حرام عليكي تظلميني كدة يا هناء انا مالي 😓 ما هو لو كنتي عرفتي اللي حصل مكنتيش تقولي كدة 🙄🥺
هناء : و اي اللي حصل 🙄
سنية بتصنع الزعل: من حظنا الهباب حصلت لخبطة و الراجل اداني س”م الفيران بدل الدوا اللي كنت طالباه منه صدقيني مش سنية اللي تفرط في احبابها ..ده انتي كنتي مساعداني و شايلة عني حمل كبير …و البنات و اتربوا كلهم على ايدك
تصنعت البكاء قائلة : دول حتى بيسألوني عنك كل يوم و بيقولولي خالتي هناء هترجع تعيش معانا امتى و مش عارفة اقولهم اي😭
تذكرت هناء البنات فتنهدت بحزن و قالت : و هوما كمان وحشوني اوي 🥺😞 منه لله اللي فرقنا عن بعض 😓
سنية : قصدك مين ؟اخصة عليكي يا هنا يعني لسة مش مصدقة اني مليش ذنب في اللي حصل ؟😥
هناء : لا ما قصديش حاجة 😔 المهم كنتي بتتصلي ليه ولا تكونيش اتصلتي بس عشان تقوليلي وحشتي البنات ؟؟🤨
سنية بتصنع الحيرة : بصراحة يا هناء يا اختي انا محتارة و ملخومة في حكاية كدة قلت محدش هيساعدني فيها غيرك
هناء بشك: حاجة اي دي !! اوعة يكون الموضوع ليه علاقة بحنان و ولادها !! حد الله ما بيني و بينهم !!
سنية بتصنع الدهشة : لا حنان اي و انا مالي بيهم مش كفاية اللي حصلنا بسيبها !!
فكرت قليلا ثم قالت
– انا بس كان عندي مشوار ضروري لحد طنطا و مش عايزة اغلب نفسي بلخمة البنات و قلت ما داموا عايزين يشوفوا خالتهم هناء و يقضوا معاها يوم حلو ما اسيبهمش هنا ليه و تجي هي تقعد معاهم بدل ما اتمرمط معاهم بالمشوار ؟
هناء بدهشة: قلتي طنطا؟؟ عندك اي ف طنطا ؟
سنية : جرى اي يا هناء ما تركزي معاي! انتي ناسية ان هند بنت عمي ساكنة هناك ؟!
هناء : هند مرات مسعد! اه مالها ؟!
سنية بتصنع الحيرة: المسكينة عندها حفل طهور ابنها و ملخومة هناك لوحدها انتي عارفة اني باعتيرها اختي مش بنت عمي
و كانت عايزاني اساعدها في تحضيرات الحفلة بس انتي عارفة. . لو اخذت البنات هافضل ورا طلباتهم هوما و بس و مش هأخلص ..ارجوكي يا هناء 😟 😟
فكرت هناء قليلا و وجدتها فرصة للخروج من منزل اخوتها ففي الواقع منذ ان طلقت من بدر و هي تعيش عيشة مزرية مع زوجات أخوتها لذا فربما هذه هي أحسن فرصة للهرب من سيطرتهم و لو قليلا كما انها قد اشتاقت حقا للبنات
-طيب يا سنية. ..محتاجاني أجيلك امتى ؟!
تهلل وجه سنية بفرحة قائلة – بعد ساعتين لو تقدري. ..هاسافر الليلة عشان الصبح بدري اكون عندها و اساعدها في الطبيخ
هناء بإستسلام : ماشي .. كمان شوية هأجيلك ..استأذن بس من اخوي سالم اول ما يرجع و اخذ تاكسي و أجي
-متشكرة اوي يا هناء مش هأنسالك الجميل ده طول عمري ☺️
هناء يحسن نية: جميل اي انا بحب البنات كإنهم بناتي بالضبط و بجد كنت محتاجة فرصة عشان اشوفهم 😊
اقفلت سنية الخط و هي تبتسم بشر: اهو كدة هأعرف أنفذ اللي في دماغي مضبوط 😁
في منزل العائلة الكبير،
كان بدر قد شرح لاخوته و ابناء عمه المطلوب منهم و قد عمل الجميع بجد لتحضير مفاجأة جميلة لحبيبته بمناسبة ولادتها للتوأم سيف وسامي.
جرت التحضيرات على قدم وساق، حيث تم تزيين المنزل بالبالونات الملونة والزينة اللامعة.
في وسط الصالة الكبيرة، كان هناك طاولة طويلة مغطاة بمفرش أبيض ناصع، وعليها كعكة كبيرة مزينة بألوان زاهية تحمل أسماء التوأم و من الأعلى تتدلى عبارة “ألف مبروووووك” بحروف ذهبية
وصل الجميع و دخل بدر برفقة حنان التي كانت متعبة ولكنها سعيدة بعودتها إلى المنزل الدافيء لأحضان زوجها المحب و فور دخولها، تفاجأت بالديكورات الجميلة والأضواء المتلألئة والبالونات
كانت نسوة العائلة يقفن في انتظارها،
و لحق بهم الباقون من خلف بدر و حنان
فجأة بدأ الجميع بالتصفيق و الهتاف بفرح.
شعرت حنان بشعور دافئ جدا و سرعان ما شعرت بدموع الفرح تملأ عينيها وهي ترى الحب والاهتمام الذي أحيط بها وبأطفالها من طرف الجميع
دخل صالح بإنكسار و من خلفه سحر فإقتربت منهما حنان و قالت له: مش عارفة اي الي حصل يا بابا بس انا عايزة اقولك حاجة وحدة بس …انت اعظم أب في الدنيا و أحن زوج …اوعا تبص للأرض و خلي راسك مرفوع دايما اللي خسرك هو اللي حقه يوطيه
احتضنته بحب و التفت سحر من الجهة الاخرى لتحتضنه بدورها قائلة : حنان معاها حق يا بابا …انت مش غلطان و ما عملتش حاجة تخليك تنكسر…لو انت وقعت احنا كمان هنقع ..ارجوك خليك قوي عشاننا
ذرف صالح الدموع و هو يحتضنهما معا قائلا ؛ الحمد لله اني اتطمنت عليكم انتم .. انا هاكون بخير ما تقلقوش عليا
صفق الجميع و هم يهتفون بإسم صالح و يرحبون بعودته ثانية إلى العائلة فذرف هذه المرة دموع الفرح و نسي ألمه و لو قليلا
إقتربت الجدة من حنان بسعادة و حبور و قالت
-ألف مبروك رجعتك عالبيت يا أم سيف 😊
فأردفت هنادي بمزاح: ايشمعنى سيف ؟ مش سامي ليه ؟؟ ولا اكمنك مش انتي اللي سميتيه !🤨😂
ابتسمت الجدة قائلة؛ يا ستي ما تتحمقيش اكدة ..عنقولها من النهاردة أم العيال … اي قولك يا حنان ؟ 😊
حنان بفرحة: اللي يريحك يا ستي ☺️
قالتها و هي تنظر الى بدر بحب
همست كوثر لإسراء : اهو ..بقالنا في البيت ده سنين و جات هي و بقت ام العيال بين يوم و ليلة 😞يا حسرة علينا
إقتربت منهما مديحة من الخلف و هي تهمس لهما
-يبقى تتجدعنوا انتي و هي عشان تجيبو حتة عيل انتو كمان بدل ما قاعدين تتحسروا كدة
سمعت سلمى ما قالتاه فأردفت على كلام زوجة عمها
-مرات عمي معاها حق … و على فكرة الناس بتقول بسم الله ماشاء الله تبارك الرحمن مش يا حسرة علينا 😏 لإن ده بيدخل في الحسد و العين حتى لو مش واخذين بالكم من كدة 🙄
نظر بدر الى الجميع و قال : يالا اتفضلوا يا جماعة
بدأت الحفلة، حيث تبادل الجميع الأحاديث والضحكات بينما يتشاركون تلك الكعكة و هم يعبثون مع بعضهم لحظات سعيدة لم تكن حنان تشعر بها في منزلهم أبدا
كانت لحظة لا تُنسى لصالح و ابنتيه … مليئة بالحب والفرح حيث شعروا أخيرا بأنهم جزء من هذه العائلة الكبيرة و المترابطة
عند بدر و حنان
نظرت إليه بحب فإقترب منها قائلا
كنت حابب اليوم ده يكون مميز ليكي …وعدتك اعوضك عن الفرح اللي اتحرمتي منه .. ربنا يقدرني بس و اوفي بوعدي يا أم العيال ☺️
نظرت إليه حنان بابتسامة واسعة وقالت: كلفت نفسك كثير يا بدر، مكنتش أتوقع كل ده…
-انتي تستاهلي اكثر من كدة يا بنت قلبي…مش كفاية اديتيني اغلى هديتين في الدنيا ؟
مش هتشوفي هداياكي يا حنان ! 🥰
قالتها هنادي بفرحة بينما تقترب منهما
حنان : هدايا اي ده حتى لسة عالسبوع
هنادي: لا دي هدايا طلعتك بالسلامة لسة في السبوع هنجيب هدايا للولاد مش ليكي
على طاولة الهدايا، كانت هناك صناديق مغلفة بألوان زاهية، و باقات ورود تحتوي على هدايا متنوعة لحنان، مجوهرات رقيقة وعطور ، و شوكولا و ملابس نسائية
كل منهم قدم هديته و قدم التهاني بهذه المناسبة السعيدة
نظرت حنان إليهم بإمتنان قائلة بجد اشكركم كلكم على حفل الاستقبال اللطيف ده
مرسي: تستاهلي يا مرت الغالي و بنت الغالي
وصلت هناء إلى منزل سنية التي كانت قد ارتدت ملابسها و تجهزت للخروج و تنتظر وصول سيارة الاجرة فقط
دخلت هناء إلى المنزل و سرعان ما استقبلتها البنات بهتاف
-هييييي خالتي هنااااء جااااات
احتضنتهم بحب و هي تقبلهم الواحد تلو الاخرى
-وحشتووووني اوي اوووي يا حبايب خالتوووو …عاملين اي !
نور -الحمد لله بس انا زعلانة منك عشان مشيتي و سبتينا 🥺
نظرت هناء إلى سنية بحزن ثم نظرت اليها بفرحة و هي تقول : واديني رجعت تاني ☺️ هنقضي مع بعض يوم بحالووو
سعاد بحزن: يوم بس 🥺
هناء : اعمل اي حبايبي خالو سالم مش هيسمحلي اقعد اكثر من كدة
سنية بإستعجال : يالا هسيبكم مع خالتو دلوقت اوعو تتشاقو عليها هاا يا كوثر !
كوثر : حاضر يا ماما ☺️
خرجت سنية مسرعة و ركبت التاكسي الذي كان قد وصل للتو و هي تقول : على مستشفى جراحات اليوم الواحد يا اسطا
بعد مدة همست حنان الى بدر قائلة : بدر انا تعبانة شوية عايزة ادخل اوضتي
بدر : طبعا يا روحي يالا بينا
كانت حنان ستتوجه الى غرفتها حين اوقفها بدر : رايحة فين؟
حتان بتعجب : اوضتي ! 😕
نظر بدر الى تلك الجهة قائلا : لا دي اوضة عمي صالح من النهاردة …نظر الى الأعلى و قال : اوضتنا فوق
أمسك يدها بحب و صعدا إلى غرفتهما. وقال : ادخلي برجلك اليمين و سمي الله ☺️
سرعان ما شهقت حنان بصدمة : اي ده كله !! 😳
كانت الغرفة مضاءة بضوء خافت من الشموع المعطرة، و بتلات ورود حمراء و بيضاء في كل مكان في الارضية و فوق المفرش
السرير الجميل ذو اللونين الاحمر و الابيض مما أضفى جواً رومانسياً دافئاً و حميميا على الغرفة
جلست حنان على السرير وهي تقول بمزاح : على فكرة دي مش ليلة دخلتنا يا بدر 🙄😂
بدر : مش قلتلك هافضل أعوضك لحد ما اموت!
هتفت حنان بلهفة : بعد الشر عليك !!
نظرت حولها بإعجاب و قالت : انت عملت كل ده !!
قال و هو يخلع سترته قائلا : اومال هجبب الحج مرسي يساعدني !! 🙄😂
ابتسمت بحبور ثم قالت بحب :مكنتش اتخيل انك هتكون رومنسي بالشكل ده ! طول عمري كنت فاكراك …
كانت ستكمل جملتها ثم صمتت احراجا ..
ضحك بدر بينما يجلس بجانبها : كنتي هتعرفي اني رومنسي ازاي يعني !🤔😕 عايزاني اوزع حب و ابتسامات و غمزات و همسات على الناس كلها؟؟ 😂🤨
حنان بأحراج : لا بس أكيد كان هيبان عليك
إحتضنها بينما ينظر إليها بحب وحنان:
هيبان ازاي و اللي كنت بحبها مكانتش طايقة تقعد في نفس المكان اللي انا فيه حتى ! انا عمري ما كنت نسونجي و قلبي محدش كان ماليه غيرك … فهمتي مكنتش باين رومنسي ليه؟
اطرقت برأسها بإحراج : يوه بقى يا بدر ! ما خلاص مش عايزة افتكر الي فات بقى 😥😔
في المستشفى
غرفة الحضانة في المستشفى
الإضاءة خافتة، و سكون الليل يملأ المكان.
دخلت الغرفة بخطوات مترقبة و هي ترتدي زي ممرضة و تخفي وجهها بكمامة بينما تحمل في يدها حقنتين مملوءتين بالهواء و هي تنظر هنا و هناك تتوجه نحو المولودين و عيناها مليئتان بالحق”د والألم.
سنية بصوت منخفض و همس غاضب: أمكم أخذت ابوكم مني …مش هأسمحلكم انتو كمان تأخذوا من بناتي كل حاجة. .. الاراضي و الأملاك و حب ابوهم كمان…لازم تموتوا عشان بناتي تعيش بسلام
إقتربت من الحاضنة الزجاجية و رفعت احدى الحقن نحو أنبوب السائل المغذي المتوجه الى احد الصغيرين و و ..😳😥
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الأميرة والمغترب)
