رواية العاشقة المجنونة الفصل الرابع 4 بقلم هاجر محمد
رواية العاشقة المجنونة الجزء الرابع
رواية العاشقة المجنونة البارت الرابع
رواية العاشقة المجنونة الحلقة الرابعة
هند اسكتي يا ندي انتي ما تعرفيش ايه اللي حصل بعد اما قفلت معاك امبارح بالليل
ندى حصل ايه
هند،Flash Back
هند خلصت المكالمه مع ندى وفضلت تضحك كل اما تفتكر محمد وهو بيجري على السلم وبيصرخ وقالت يلا معلشي بقى ماحدش بياكلها بالساهل ولسه اللي جاي اكتررررر ههههههههه ودخلت على المطبخ علشان تجهزلها الاكل علشان جعانه وقعدت كلت وخلصت وغسلت الاطباق وبعدين قالت هو اكيد هيرجع مش معقول هيبات بره ف يوم زي ده وراحت جابت صابون سايل ورشت منه على الأرض وقالت لما هو يرجع هيدخل المطبخ علشان ياكل وبعدين يلاقي نفسه اتزحلق هههههههه وخرجت بره المطبخ وراحة الاوضه تقعد فيها وفتحت الشاشه علشان تتفرج فضلت تقلب ف القنوات لحد اما لاقت فيلم التعويذه وفضلت تتفرج عليه وجالها فكرة وقالت اما ترن على ندي تتكلم معاها شويه بس ما لقيتش الفون وافتكرت أنها حطاه ف المطبخ وقامت علشان تجيبه نست أنها حاطه صابون وقامت وخده بلانس جامد على البلاط هههههه وقامت قايمه تاني براحه راحة متزحلقه تاني بس المرادي على وشها من قدام رأسها اتخبطت ف رخامة المطبخ وقام مغمى عليها
Back
هند بس يا ستى ده اللي حصل
ندي بضحك ههههههههه احسن تستاهلي من اعمالكم سلطت عليكم يا اختى ارحمى الواد شويه كله مره واحده كده اهدي عليه شويه
هند اعمل ايه بطلع القديم كله عليه ماتقلقيش
ندي ماقلقش ده انا مطمنه خالص يوم بس وهلاقي الواد مات من صدمته وخوفه هههههههه
هند تفى من بوقك يا ختى بعد الشر عليه ان شالله انا وهو لأ
ندي طالما بتحبيه قوووي كده بتعملى فيه كده ليه
هند علشان اللي شوفته واللي انا عشته ماكانش قليل يا ندي انتي ناسيه هو كان بيعمل ايه ولا انا كنت بشوفه ازاي
ندي خلاص يا حبيبتي اهدي وناويه تعملى ايه
هند انا سمعت أن هو هيروح النهارده شويه لزياد صاحبه
ندي وبعدين
هند هعمل ……….
ندى يالهوووووي يابت ايه ده ده انتي دماغك سم بس حاسبي على الواد ليروح فيها
هند هههههههه حاضر من عونيا هههههههههه صحيح يابت نسيت اقولك مش السلعوه وامها كانوا هنا النهارده
ندي السلعوه مين مش فاهمه
هند سهى وامها يا ختى
ندي طب وعملتي ايه
هند ولا حاجه اللي يتكلم منهم كنت برد عليه
ندي بس خلى بالك سهى وامها مش سهلين وانتي عارفه كويس ان هى كانت عايزه محمد لبنتها
هند عارفه بس شوفى من اللي كسب ف الآخر واتجوزه
ندي بس من عمايلك دي شكله هيطفش هههههههه
هند لا مش هيعملها لانه بيحبني
ندي وانتي عرفتي منين أن هو بيحبك
FLash
هند اما كانت نايمه بعد اما محمد طهرلها الجرح انحنى بجسمه وقعد على الأرض وبقى وشه لوشها انا نفسي اعرف انتي بتعملى كده ليه يا هند صدقيني انا مش هعمل حاجه غصب عنك وانا راضي لو هتفضلى تعامليني كده طول عمرك بس اهم حاجه ماتبعديش عني أنا بحبك قوووي ياهند ومن زمان وانا بحبك ارجوكي ماتبعديش عني وانا عارف ان انتي عملتي كده النهارده من خوفك مني بس صدقيني والله انا مش وحش انا مكسور من جوايا وبحاول اضحك ومابينش ده بهزاري بس مانكرش برضوا أن انا خوفت منك النهارده ورجعت قولت لنفسي هند مستحيل تموتني أو تاذيني هند طيبه ومش هتعمل كده وانا متفهم خوفك وعلشان كده هحاول أتخلص واهدم الحواجز اللي بينا وانتي بنفسك هتيجي وتقوليلي بحبك يا محمد تصبحي على خير يا قلب محمد وباس رأسها وراح قاعد على الكرسي ف الاوضه
أما هند كانت سامعه كل الكلام ده وفرحانه أن هو طلع بيحبها بس قالت أنا لازم افضل وراه لحد اما اوريه السواد الوان انا مش هضعف بالسهولة دي يا استاذ محمد وفضلت تفكر كتير لحد اما راحت ف نوم عميق
Back
هند وهنا يا ستى عرفت كل حاجه وعرفت قد ايه هو بيحبني
ندي طب ماتبطلي الجنان اللي انتي بتعمليه ده وابدئي معاه صفحه جديده
هند انا فعلا عايزه ابدءمعاه صفحه جديده بس حابه العب معاه شويه وأعرفه انى عرفت كل حاجه وأن اللي كان بيعمله ده انا عرفاه ويندم على اللي عمله ده
ندي ماهو طالما بيحبك يبقى اكيد ندمان على كل حاجه حصلت قبل كده يا هند
هند سيبك بس انتى ما تشغليش بالك يا قمر بس قوليلي ايه رايك في اللي هعمله فيه النهارده هههههههه
ندي هههههههه مش هقول غير ربنا يستر هههههه والله انا خايفه
هند من ايه
ندي تيجي تعملي فيه يتعمل فيكي تاني واهو انتي شوفتى اللي حصلك هههههههه
هند طب اسكتى يارخمه اسكتى هههههه
ندى هههههههه اهووووو سكت بقولك انا هقوم امشي انا بقى مش عايزه حاجه
هند اقعدي معايا شويه كمان
ندي لا كفايه قوووى كده انا قاعده من زمان يلا سلام بقولك
هند نعم
ندى خفي شويه على الواد ده برضوا زي جوزك ههههههههه
هند هههههههه ماشي إذا كان كده هفكر هههه سلاموووز بالقشطه يا قشطه هههههه
ندى سلامووووز بالمانجا يا مانجا وبعد مرور ساعتين
محمد يا هند يا هند
هند نعم يا محمد ف حاجه
محمد انا خارج شويه رايح عند زياد صاحبي شويه وهرجع
هند ماشي بس اهم حاجه ماتتاخرش انا بخاف اقعد لوحدي
محمد ماشي مش هتاخر سلام
هند سلام واول ما محمد مشي وهند قفلت الباب طلعت تجري علشان تلحق تخلص كل حاجه قبل ما محمد يوصل على البيت
ف مكان تاني ف شقه زياد
زياد يا هلا بابو الصحاب والله ليك وحشه يا شيخ عاش من شافك يا بطل ههههههه
محمد ايه حيلك حيلك ده اللي يشوفك كده يقول أن احنا ماشوفناش بعض من سنه ده على اساس انى ماكنتش معاك امبارح ومكلمك النهارده
زياد طب خلاص يا عم انا غلطان صحيح مراتك عامله ايه دلوقتي
محمد كويسه الحمدلله
زياد وناوي تعمل ايه هو انت هتسيبها على ذمتك ولا هطلقها زي ما كنت ناوي
محمد والله مش عارف اعمل ايه بس انت عارف انى بحبها
زياد عارف يا صاحبي بس لو مش هطلقها ناوي تقولها امتى
محمد كل شئ بأوانه
زياد بس انت عارف أنه ماينفعش يحصل حاجه مابينكم علشان كده هيبقى حرام عليك
محمد عارف وانا قولتلها امبارح اني هسيبك براحتك علشان ماتشكش ف حاجه لحد اما اخلص من المصيبه التانيه دي الاول وانا هفهمها على كل حاجه
زياد بس هى موافقه على كده انكم تفضلوا على الوضع ده فتره
محمد مش عارف بس حسيت من اللي عملته امبارح ان هى خايفه مني وقلقانه ومش عايزاني اقرب منها ف ده ف مصلحتى دلوقتي
زياد هى عارفه حاجه عن المصيبه دي
محمد لأ اوعى تعرفها حاجه لحد اما نعرف هى بتعمل كده ليه وعايزه مني ايه
زياد تمام يا عريس هههههه
محمد تصدق انك واد رخم وماعندكش دم وكل اما اقول مش هكلمه تاني بتصعب عليا واغير رائي هههههههه
زياد بتقليد صوت بنت هههههههه طلقنى لو مش عاجبك طلقنى يابيبي
محمد بس ياض اسكت
زياد اهى اهى اهى سامع ياحبيبي بابا بيزعق لماما ازاي
محمد ههههههههه طب كويس عارف نفسك انك بنت ههههههه ده انت مسخره
زياد هههههههه مسخره ولا ماسكرا هههههههه
محمد يا آخرة صبري انا هقوم امشي لانى اتاخرت وهى بتخاف تقعد لوحدها يلا سلام
زياد سلام يا بيبي ماتتاخرش عليا علشان هتوحشنى ههههههههه
محمد غور ياض ابو شكلك هههههههه
وبعد مرور نصف ساعه وصل محمد
محمد ف نفسه ربنا يستر انا مش مطمن مش عارف هى بتعمل ايه يلا اما اطلع وأشوف وفتح الباب بيبص لقى الدنيا ضلمه ولسه بيفتح النور ……
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية العاشقة المجنونة)
