رواية حواديت من الواقع الفصل الرابع عشر 14 بقلم ليل السيد
رواية حواديت من الواقع الجزء الرابع عشر
رواية حواديت من الواقع البارت الرابع عشر
رواية حواديت من الواقع الحلقة الرابعة عشر
محمود
– والله يا ليلي أنا مش عارف اقول ايه بس هي دخلت في غيبوبة سكر
الدكتور قال مستوي سكر الدم انخفض ودخلت في غيبوبة معرفش بقا هتفوق منها امتي بس محدش معاها خالص غير نورا وانا لا عمي هلال وافق يجي ولا اي حد
ليلي
– خليك انت مع نورا طيب وانا هعرف زين
زين كاد يسمع ضربات قلبه من شدتها
ليلي بهدوء اقتربت منه وضمت يده بين كفوفها بحنان
– طنط لطيفه دخلت في غيبوبة سكر
تنهد زين بارتياح فاي شئ علي مسامعه خيرا من سماع موتها
ليلي
– تحب نسافر ليها
زين بنفي سريعا
– لا لا مش هنروح في حته كفايه عليا اعرف أخبارها من بعيد
ليلي
– انت متأكد علي فكره انا معنديش مشاكل نسافر
زين
– عايزاني ارجع من غيرك المره دي
ليلي
– محدش منهم هيكون فاضي يعمل حاجه دلوقتى هما فيهم الي مكفيهم شوف لو حابب تسافر انا جاهزه
زين
– قولتلك لا خلاص هي كده كده في غيبوبة هعملها ايه انا يعني
ليلي
– خلاص اهدي الي يريحك خلاص
– بقولك متحاول تكلم بابا هلال طيب تطمن عليه
زين
– هاتي التلفون طيب
امسك الهاتف وبعد قليل
هلال
– عامل ايه يعريس الحمد لله انك افتكرت رقمي
زين بابتسامه
– اخبارك ايه يحج طمني عليك
هلال
– انا عااال الحمد لله انت الي عامل ايه وعامل ايه مع الست ليلي لسه مزهقين بعض ولا عقلتوا
زين بضحك
– اهو يوم كده ويوم كده واهي ماشيه هي كويسه الحمد لله
هلال
– حافظ عليها يا زين انت موصلتلهاش بالساهل يابني وطول بالك عليها كلنا عارفين ليلي عامله ازاي ومهما كبرت هتفضل دماغها دماغ عيله عندها ١٥ سنه انا عارفه بتي وعارف انك خلقك ضيق وكبير عنها في كل حاجه معرفتش تعاملها زي مراتك اعتبرها بتك بس والله وقت الجد مش هتلاقي اكبر منها يكون جنبك هي بس طول الوقت بتحب تهزر اكتر انت عارف ودبش شوية في الكلام وانت عصبي
زين
– من ناحيه دبش فهو مش شوية هما كتير ومن ناحيه انها عيله فأنا لو كنت جبت عيال كانوا هيبقوا اعقل منها
ليلي بصدمه
– انتوا بتتكلموا عليا !!!!
– ان شاء الله يكون مش عليا
زين بضحك
– اومال هيكون علي مين بس هلال بيسلم عليكي
ليلي وهي تشد الهاتف من يد زين
– والله يا هلو انا دبش وعيله
هلال
– انا اقول كده عنك عمري
ليلي
– واضح واضح عامل ايه يا سيدي وحشتني
هلال
– وانتي اكتر يا لولو عامله ايه الواد زين مش مزعلك في حاجه بيتعصب عليكي بيزعق اي حاجه
ليلي
– لا لا ابدا والله انا هلاقي حد يحبني زي زين زين حنين والله وانا محظوظه ببه
زين
– ايه العبط ده يعني انتي بتقوليله هو الكلام ده وانا بتتخانقي معايا
ليلي
– اسكت انت
هلال
– ياسيدي يا سيدي طب يلا كده عايز اشيل علي اخر السنه دي كده حفيدي وانا اركنكم انتوا الاتنين علي جنب واديله باقى عمري
ليلي
– لا لا مش دلوقتى خالص
وسع زين عينه كي لا تخبره بشئ
هلال
– وه ليه لسه بدري عاد
ليلي
– يعني في الوقت الي ربنا يريده ان شاء الله
هلال
– ان شاء الله يحبيبتي اديني زين
زين
– معاك يحج
هلال
– لما تكون لوحدك كلمني في حوار خاص بمروة عايز اتكلم معاك فيه
زين
– حاضر حاضر
هلال
– مش ناوي تقولي صوتك ماله
زين
– والله انا بخير
هلال
– يا ولدي انا عشت نص عمرك بكلمك بس في التلفون يعني صوتك حافظه اكتر منا حافظ ملامحك علي العموم لما تبقى لوحدك هنتكلم في كل حاجه
زين
– ان شاء الله يحج مع السلامه
هلال
– مع السلام يا ولدي
زين
– مين قالك تعرفي هلال حاجه
ليلي
– مكنش قصدي يعني بس هو الموضوع عادي
زين
– مين قالك عادي مفيش حد هيوافق في العيله بالعبط ده فخلاص متدخليش حد ما بينا
ليلي
– انت نفسك موافق كده وخلاص الي هو اعملي الي يريحك
زين
-يعني انتي لا عاجبك كده ولا كده احنا مش قفلنا الموضوع ده خلاص
ليلي
– انت قفلته علشان تريح دماغك
زين
– مسمهاش علشان اريح دماغي اسمها علشان بحبك وعايز ارضيكي ومش عايز اخليكي تعملي حاجه زي كده غصب عنك ينفع تبطلي دبش بقا وتهدي علي نفسك شوية
ليلي بتضع يداها الاثنين علي فهمها
– خلاص سكتنا سكتنا اهو مش هتكلم تاني
زين كان بيضحك علي شكلها
– انا هنزل اشتري شوية حاجات شوفى لو ناقصك حاجه ابعتهالى واتساب
ليلي
– طب ما اجى معاك
زين
– ليه هستناكى تلبسي بكره نبقى نخرج نتغدا بره وعلشان هعمل شوية مكالمات تبع الشغل هتملى منى وتزهقى
ليلي
– الطيب احسن خلاص طالما هنخرج بكره هات بس لبن علشان خلص تقريبا مفيش حاجه تانى ناقصه ابقى هاتلي ايس كريم
زين
– عيونى ولو افتكرتى حاجه تانى ابعتيلي برضو
ليلي
– اوكى متتاخرش
زين
– حاضر
خرج زين من المنزل بسيارته
وصل كافيه هادى قريب من البيت وأخرج هاتفه
زين
– ايوه يحج معاك احكيلي مالها مروة
هلال
– انت خرجت بره البيت ولا ايه
زين
– اه قاعد في مكان قريب من البيت المهم طمني
هلال
– بص انا محبيتش احكيلك وليلي جنبك علشان متضايقش وتزعل اكتر انا تاني يوم جيت فيه من عندكم من بعد الفرح وانا عملت كذا كذا ” وقص عليه ما فعله مع لطيفه وكلام مروة وحالة لطيفه الان ووان ام مروة شريكه معهم ” انت ساكت ليه
زين
– ابدا مش عارف مين تاني هيطلع كان عايز يدفني بالحيا مش عارف ليه كل الناس دي في حياتي ومهتمه قوي كده بانها توجع قلبي وتاذيني ازاي
هلال
– شوف انت عايز تعمل ايه وانا هعملهولك عايزاني اطلق امك هطلقها انا لو مخليها علي ذمتي لحد دلوقتى فكل ده كان علشانك بس مكنتش اعرف انها بتأذيكم عايز تطلق مروة طلقها انت مش خلاص دلوقتى معاك الي كانت تفرق معاك خلاص انت اديك بعيد عنهم خالص خلاص
زين
– لا لا كفايه قوي الي حصل فيها لطيفه يا حج احنا كمان مش عارفين هتفوق منها ميتا واخواتي الصغيرين مش هيقدروا يقعدوا من غيرها سيبها قاعده معاهم انا كده كده مشيت خلاص
مروة أنا كده كده من الاول مش عايزاها بس انا مش عارف هي كانت تعرف ان امها معاهم ولا
هلال
– انت اتعديت العبط والطيبه دول من ليلي امتي انت لحقت يعني ايه امها تبقى بتعمل أعمال وامك واختك طالعين داخلين عليها وهي متعرفش اكيد كانت تعرف
زين
– طيب انا هتكلم معاها الاول
هلال
– انت ناوي تنزل البلد
زين
– ايوه بس مش دلوقتى بس هنزل لوحدي
هلال
– مش ناوي تحكيلي مالك بقا دنا قولت لما اكلمك بعد جوازك من ليلي مش هلاقي حد فرحان قدك بس صوتك من اول ما كلمتك بيقول غير كده في حاجه حصلت بينكم
ولا مفيش حاجه خالص اصلا من الاول
زين
– لا لا ياحج كل حاجه كويسه الحمد لله ومن بدري كمان
هلال
– ماشاء الله طيب معال اهو يابني ده حتي الشيخ قالك هتاخد وقت
زين
– لا لا كل الأمور كويسه الحمد لله
هلال
– اومال ماااالك يعني لما كل الدنيا حلوة اهو عايز ايه تاني صوتك ماله
زين
– والله معارف بتتخلق مشاكل تافهه من تحت الارض كل يوم وليلي بتتعب كتير مش عارف ده العادي ولا بسبب حاجه بقيت من كتر الي بيحصل مش عارف حياتنا وخناقتنا دول طبيعين ولا بتدخل حد تاني بيحاول ياذينا
هلال
– لا اله الا الله لا ان شاء الله مفيش حاجه متقولش كده انت طول بالك معاها وراعي فرق السن الي بينكم وخليك عارف ان تفكير ان بالنسبه لتفكيرها هتلاقي ان انت واخد كل حاجه جد وبعقلانيه شويه عنها ليلي بتمري كلام كتير يزعل من غير متحس بس بعدين بتحس بالذنب وتفضل تانب نفسها وبعدين لسه صغيره برضو حاول تهاودها في الكلام مش لازم تتخانقوا
زين
– في كل جملة مفيده تعرف تدخل فيها سيرة امي او نورا او مروة تدخلهم والله ربنا يعلم من غير ما اعرف ان مروة دي عملت حاجه عمري ما عرفت اقبلها
لسه بتقولي روح خلف منها كنت حاسس اني عايز اكسر راسها وبوقها الي قالتلي بيه كده
هلال
– ليلي ليلي الي طلبت منك كده طب ازاي هو في مشاكل عندها قالتلك عليها ولا ايه
زين
– لا مشاكل ولا حاجه هي شايفه انها مش قادره تبقى امي دلوقتى بسبب كليتها
هلال
– وانا طبعا رفضت ولما رفضت رزعت هي الجملة دي
تنهد زين
– بالظبط
هلال
– وبعدين
زين
– ولا قبلين يمكن اتعصبت عليها شوية بعد الجمله دي او قوي بصراحه بس حاولت اسيطر علي اعصابي لما تعبت قدامي ومكنتش قادره تاخد نفسها خافت مني يا هلال وانا الي كنت فاكر اني عمري مهكون ليه غير مصدر امان خافت مني وانا كنت لسه متملك منها من كام يوم بس وكنت واعدها وهي في حضني حياتها الجايه كلها سعاده وبس طول منا جنبها ومتشلش هم حاجه
هلال
– انت مش غلطان واي حد لو كان مكانك كان هيعمل نفس رد الفعل واكتر ومش بقولك كده علشان انت ابني انت اكتر عارف غلاوتها هي عندي عامله ازاي بس هي كلامها ده مكنش ينفع وهي انا متأكد رمت الجمله بعبط من غير تفكير ومن ورا قلبها
زين
– مش كل كلمه او جمله تقولها هحطلها تفس المبرر هي مش صغيره لا
هلال
– في الاخر طيب عملت ايه
زين
– ولا اي حاجه قعدت كتير أهديها علشان تعرف تاخد نفسها وبعدين قولتلها الي انتي عايزاه اعمليه واتمني متحبيش سيرة مروة تاني علي لسانك طول محنا مع بعض
هلال
– يعني انت موافق علي انها تأجل الخلفه
زين
– هعمل ايه يعني يهلال هخليها تخلف بالعافيه هجبرها يعني واكسر راسها لو موافقتش اكيد لا يعني وبعدين انا عارف انها ضعيفه وكليتها صعبه فعلا
هلال
– ربنا يكملك بعقلك يابني والله ربنا يديم الود الي ما بينكم يابني وصدقني لو ربنا رايد بحاجه مفيش اي سبب يقدر يمنعها والي فيه الخير ليكم انتوا الاتنين ربنا يقدمه يارب انا مش هوصيك عليها انا عارف مفيش حد في الدنيا هخاف عليها ويحبها قدك فأنا عمري ما هكون قلقان عليها انا خايف عليك انت علشان عارف انك هتجي علي نفسك كتير علشان خاطرها وعلشان خاطر قلبها وقلبك الي مش هيعرف يزعلها
زين
– آمين يارب
ياريت هي تعرف ده كله يمكن وقتها تفكر في كل كلامها قبل متقوله
هلال
– ليلي لو بتفكر في كلامها قبل متقوله مع كل الناس مش هتفكر فيه قبل متقوله وهي معاك علشان ليلي مش طول عمرها بتقولي انها نفسها تقابل الشخص الي تعيش معاه من غير ما تقعد تحسب كل حاجه وكل كلمه قبل متقولها وهي شايفه ان الحد ده انت يا زين عارفه انها مهما قالت او عملت عمرك ما هتفهمها غلط وعمرك ما هتسيبها لدمغها لوحدها ليلي ما وعيتش غير عليك وعلي حبك ليها يا زين
زين
– والله مش عارف اقولك ايه بس صدقني انا ارتحت بشكل انت مش متخيله شكرا انك دايما موجود وشكرا انك الحاجه الوحيده الي كويسه في حياتي لحد دلوقتى مش متعود اقول كده بس انت مش ابويا بس انت صاحبي الوحيد كمان
هلال
– ربنا يباركلي فيك يا زين انت ثروتي كلها في الدنيا
زين
– ويباركلي فيكي يابابا يلا هروح اجيب الطلبات الي ليلي كانت عايزاه وهروح اشوفها
هلال
– ناوي تنزل امتي
زين
– قبلها هعرفك اكيد ان شاء الله
هلال
– ماشي يحبيبي مع السلامه
زين
– مع السلامه
وأغلق السكه
وذهب الي المتجر اشتر بعض الطلبات وذهب الي المنزل بارتياح
كانت ليلي مستلقي علي السرير
زين
– نمتي يحبيبي
ليلي بنعاس
– همممم
زين
– ماشي خليكي نايمه خلاص هحط الحاجات في التلاجه
ليلي بنعاس
– جبت ايس كريم فرايدي
زين بضحك
– حتي وانتي نايمه اه ياستي فرايدي دارك شوكلت
ليلي
– بحبك شاطر حطه في الفريزر لما اصحي واطفي النور وبعد كده لما تحب تخوني متحطنيش ويتنج
زين
– انا مش قالك هعمل كام مكالمه للشغل يابت
ليلي وهي تصيح شعرها عن راسها وهي نايمه
– اه صح نسيت خلاص براه اطفي النور يلا
زين
– اي أوامر تاني
ليلي
– كتر خيرك
علي الجهه الاخري ببيت ام مروة
هلال
– انا عرفت كل حاجه يا نعيمه بتعمليها وعملتيها وانا الي بيقرب من ابني بحرقه حي واكبر دليل روحي اسأل ودوري انا عملت ايه في مراتي ام عيالي علشان فكرة تاذيه فأكيد انت مش هتصعبي عليا
نعيمه
– ابوس رجلك متعمليش حاجه احنا غلابة والله مراتك الي رميتلي كل الفلوس تحت رجلي وانت عارف الفقر بيعمل فينا ايه انا مكنتش طايله اي حاجه
هلال
– انتي هتستهبلي يا نعيمه
بدر زوج نعيمه
– حقك عليا يا هلال حقك عليا ابوس جزمتك والله بس تسيبنا في حالنا والله مهتعمل حاجه تاني
هلال
– بتكم هتجيلكم وزي ما هي زي ما خدناها زي ما هترجع وخلي اعمالك تنفعك يا نعيمه وقسما عظما لو شميت انك بتحاولى تعملي حاجه ما هيكون فيها نفس تاني خارج ليكي هتكون جنازتك بس اول ما بتكم ترجعلكم وقت يا ينزل زين ويرمي عليها اليمين مش عايز المح ضهر ليكم في البلد انتوا كده دده اغراب واصولكم غريبه ده لو عايز تعيش انت ومراتك يا بدر لكن مش باكي علي حياتك خليكم عايشين في البلد وانا هوريكم الأعمال الي علي حق
بدر
– هنمشي هنمشي هنختفي من الدنيا خالص
هلا بتعالي
– لما اشوف يابدر ليك حكم علي مراتك ولا اجي اربيهالك من اول وجديد
ذهب هلال الي المستشفي
– ايه هتفضلي قاعده جنب امك كده لحد ما نسمع خبرك انا كمان ان شاء الله
نورا
– انت جاي ليه دلوقتى
هلال
– جاي اشوف ربنا وهو بيخلص حق زين فيكم ونفسي كان زين يبقا هنا ويشوفكم هو كمان
نورا
– وانا الي فاكراك جاي تتطمن عليها
هلال
– ياكش متقومش منها يبقا ربنا رحمها مني
نورا
– نفسي ربنا ياخدني ويريحني من معاملتك لينا دين
هلال ببرود وهو يعطيها ظهره ويذهب
– اللهم آمين اتوصي في الدعاء
ظلت نورا تنظر لأمها بحسره شديده علي حالهم وما وصلوا اليه بسبب تلك الملعونه ليلي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حواديت من الواقع)
