رواية ابن الجيران الفصل الثاني عشر 12 بقلم نانسي العربي
رواية ابن الجيران الجزء الثاني عشر
رواية ابن الجيران البارت الثاني عشر
رواية ابن الجيران الحلقة الثانية عشر
ملك : انده طنط مريم بسرعة يا علي
” يروح ويندها ويقرب عليها سليم ”
سليم بعصبية مكتومة: لاخر مرة بقولك تهدي وتسكتي يا سلمي والكلام ده متكرريهوش تاني
سلمي : ولو كررته هتعمل اي يا سليم هتضربني
” تيجي مريم ويوسف وتبعد مريم سلمي وتاخدها علي جنب”
سلمي بعياط : هطلقني يا سليم .. مش هعيش معاك ولا يوم واحد
مريم: سلمي انتي اتجننتي انتي ودانك سامعة الي بتقوليه ده
يوسف : خديها وروحي الشقة يا مريم … تعالي معايا يا سليم
” تبصله سلمي بعياط وتفتكر شكلهم وهو حضنها تعيط اكتر ”
مريم : يلا امشيي امشيي
يوسف: تعالي يا سليمم
” يروح معاه ويدخلوا اوضة المكتب ”
يوسف : احكيلي بقا الي حصل
” يحكيله ”
يوسف : سلمي بتحبك وغيرانة عليك والغيرة عمياها
سليم : سلمي قدرت تنطقها بعد كل السنين دي … بعد كل الحب الي حبناه لبعض ” يبتدي يعيط ” هو طلاقنا سهل بنسبالها اوي كدا
يوسف : سلمي بتقولك طلقني وفنفس الوقت بتقولك من جواها انا بحبك فكل دمعة نزلتها بتقول فيها انها بتحبك افهم يا غبي
سليم : سلمي دي عمري كله يا يوسف دي تعبي وصحتي وضحكتي وحزني وكل حاجة فيا هي النفس الي بتنفسه مقدرش ابعد عنها .. ده انت بنفسك شاهد علي قصة حبنا … تيجي ف موقف تافه زي ده من غير ما تفهم وتعمل كدا
يوسف : قوم معايا وصالحها واراهنك لو هي قاومتك
” يبصله وهو بيعيط ”
يوسف : صدقني هي مستنياك دلوقتي اصلا
” يقوم معاه ويخرجوا يروح لمريم الشقة ”
يوسف : هدتيها شوية
مريم : متقلقش هي هادية اتفضل يا سليم
” يدخل ويقرب عليها ”
سلمي : ابعد عني
سليم : مقدرش
سلمي : يعني اي
” يقعد جنبها ويمسك ايديها ”
سليم : مقدرش ابعد عنك يا سلمي … انتي روحي والنفس الي عايش بيه … ابعد عنك ازاي … انت عمري كله … قبل ما اروح الشغل امبارح جبتلك هدية … بمناسبة عيد جوازنا
” يطلع من جيبه علبة قطيفة فيها سلسلة علي حرف ال S ”
سليم : حرف ال S اول حرف من اسمك … الي هو نفسه اول حرف من اسمي يا سلمي
” تعيط سلمي وياخدها فحضنه ويملس علي شعرها ”
سليم : اعيش من غيرك ازاي يا غبية
سلمي بعياط : انا بحبك اوي يا سليم … حقك عليا
سليم : مهما عملتي انا مسامحك يا نور حياتي ❤
مريم بهمس ليوسف : شايف … مش انت اتخانق معاك تبقا عايز تحدفني بالكرسي
يوسف : احنا مختلفين يا حببتي احنا حبنا اصلا عبارة عن خناق 😌❤
مريم : بكرهك 😒
يوسف ببتسامة : وانا كمان يا حبيبتي 😊🖤
مريم : علي فكرة بقا هي كمان جيبالك هدية يا سليم وكانت جيالك المستشفي عشان تقولك علي حاجة 🖤
سليم : قومي معايا يلا
” تقوم معاه وهي ماشية فحضنه ، ويروحوا الشقة ”
ملك بتريقة : بقا هو ده الي طلقني يا سليم طلقني يا سليم اهي رجعت وهي حضناه
سليم : اخرسي يا بت طلقة فدماغك
ملك : اي ده في اي 😂
علي : انا راي نسبهم عشان كدا نار الحب هتولع فينا ، يلا يا ملك علي السطح ؟
ملك : علي السطح 😁
” يخرجوا ويضحكوا عليهم وهما طالعين تقابلهم مريم ”
مريم : علي فين
علي : السطح سبناهم لوحدهم شوية
مريم : لا ملك متغدتش يلا تعالوا الاكل جاهز
ملك : مش جعانة والله يا روكا
مريم : اخرسي ويلا تعالي انا مبخدش رايك
ملك : هي اي العمارة الي كل ما حد فيها يكلمني يقولي اخرسي دي !
علي : ما تخرسي بقا صدعتيني
ملك : لا انا برستيجي اتدمر ف البيت ده منقصش غير السكان يقولهالي
” يدخلوا الشقة وتقعد مريم تحطلها ف اكل وخلتها تخلص طبقها مرتين ”
ملك وهي بتاخد نفسها : مش قاادرةةة اقسم بالله انا كدا هموت مخنوقة من كتر الاكل هبقا ضاحية صنية جولاش يا روكا
يوسف : يامريم كفاية البنت وشها احمر من كتر الاكل 😂
مريم : الاكل فيه غذا يقويها علي اي حاجة وبعدين بنتي وانا حرة فيها
ملك : يا حببتي ده مش غذا ده حشو انتي بتحشيني يا روكا 😂
“علي مش قادر يبطل ضحك ”
ملك: تصدق انك سمج انتي ازاي خلفتي البتاع ده
يوسف : الا يوم ولادته … من الخضة نساني الطب والله
علي : لا ابوس ايدك بلاش تسيح دي بتمسكهم عليا زلة
يوسف : وتحملي ببجي ؟؟
علي: هحملهالك بس استر عليا زي ابنك بردو
يوسف : وبعدين احنا هنلقح عليه لوحده ليه ده انتي اتولدتي ف السوبر ماركت
” يضحك علي وتبصله هي بقرف ”
ملك : الله يسامحك يا سلمي ضحكتي عليا لولي 😒
” اليوم يخلص ،بليل، قاعدة ملك ف اوضتها وبتكلم علي واتس ”
ملك : الخطة باظت انهاردة … اكيد مكنتش هبوظ اليوم عليهم خصوصا بعد الي حصل
علي : هنلاقي وقت متقلقيش المهم اننا لازم نروح لدكتور مدحت بكرة عشان يكتبلك علي اي دوا لحد العملية علي الاقل يسكن الالم
ملك : علي … يمكن دي اشارة من ربنا اني مقولهمش ومعملهاش
علي: متكمليش كتابة هتعملي العملية يا ملك وهتخرجي منها انا وعدتك و انا واثق فربنا انه هيخليني اوفي بوعدي معاكي
ملك : يارب يا علي… يارب
” تجيلها مسدچ من جاسر ”
جاسر : كلمتيهم يا ملك
ملك: لا معرفتش انهاردة حصل شوية حاجات كدة بعدين باذن الله
جاسر : طب ما نخلي بابا يكلمهم هو
ملك : لا انا عايزة اقولهم انا مش عايزاهم يعرفوا من حد تاني غيري
جاسر : باذن الله هتخرجي منها متقلقيش انا عندي ثقة فربنا كبيرة اوي انك هتخرجي منها … خصوصا اني لسة في كلام كتير مقولتوش
ملك : ان شاء الله 🖤 .. انا هروح انام تصبح علي خير
علي : اي يا بنتي فينك ؟! بتكلمي حد
ملك لنفسها : طبعا لو قولتله جاسر مش بعيد يعملي بلوك
ملك : لا لا ده انا كنت بكلم ماما
ملك لنفسها : احيه انا نسيت انه عارف انهم خرجواا اعمل اي دلوقتي
علي بضيق : بجد والله … تمام يا ملك تصبحي علي خير
ملك : طب استني طيب انا كان قصدي غير كدا
علي : تصبحي علي خير يا ملك
” يقفل ”
ملك : ياربييي 🤦🤦🤦
” تنام ، تاني يوم تصحا سلمي وتحضر الفطار وتنده لمريم ويوسف عشان يفطروا كلهم سوا ، تروح مريم اوضة علي ”
مريم : علي … عليي
علي : اي يا ماما في اي النهاردة اجازة بتصحيني بدري ليه
مريم : قوم يلا عشان هنفطر مع طنط سلمي
“يفتح عنيه ويتعدل ويرجع شعره لورا ”
علي : تمام هغسل وشي واجي
مريم : طب يلا انجز
” تخرج ويمسك تليفونه ويلاقيها لاست سين وقت ما هو قفل يقوم ويخرج ، عند ملك تدخل امها عليها ”
سلمي : ملك موكاا … موكاا يلا قومي
ملك بنوم : والله ما كنت اقصد
سلمي : البت بتكلم وهي نايمة !! … بت يا ملك قومي
” تقوم بخضة ”
ملك : هاا في اي عملي بلوك صح عملي بلوك
سلمي : هو مين ده يا بنتي قومي يلا مريم ويوسف هيجوا يفطروا معانا
ملك : وليه محسساني انها عزومة يعني ده احنا عايشين مع بعض اصلا
سلمي : اخرسي يا بنت قومي يلا بطلي كسل
” تخرج ”
ملك : في ام كدا ف الدنيا 😒
” تقوم وتغسل وشها وتيجي تخرج من الاوضة يكون داخل علي تبصله وتبتسم يبصلها ويبص الناحية التانية ، يتجمعوا علي السفرة ”
سلمي : تعالي هاتي الاطباق من جوا يلا
ملك : طيب
” تدخل المطبخ وتحس بدوخة وزغللة جامدة تمشي خطوتين وتاخد الاطباق الدوخة تزيد يغم عليها وتقع الاطباق تتكسر يسمع علي الصوت يقوم جري ويقوموا كلهم وراه ”
علي : ملك .. مللك
يوسف : خد الماية اهي اعمل علي وشها
” ياخدها و يدلقها فوشها تدخل في مناخيرها يفوقها وتكح ”
علي وهو بيتنهد : الحمد الله ❤
ملك بفوقان : يابني انت حد مسلطك عليا مفيش مرة تفوقني فيها الا وتدخل الماية ف مناخيري حد يلحقني بعد كدة غيره يا جدعان
” يبصلها ويبتسم ”
سليم : متخديناش بالصوت اي الي حصل
ملك بتوتر : مفيش دخت شوية ومعرفتش امسك نفسي يعني بس
يوسف : وقفتي قلبنا يا بنتي … يوم الحد تيجي معانا عشان تعملي تحاليل نشوف اي حوار الدوخة الكتير ده
سليم : طب قومي يلا الفطار
” يقومها علي ”
ملك بصوت واطي : صالحتني طب ؟
علي : اخرسي
سلمي : وكسرتي الاطباق كمان تتك نيلة
مريم بحزن : فداها المهم هي
” تبصلها ملك وتبتسم بحزن ”
يوسف : اي رايكوا نخرج انهاردة يا جماعة
سليم : فكرة حلوة بقالنا كتير مخرجناش مع بعض
سلمي : هنروح فين طب
ملك : جنينة الحيوانات 🦁
علي : ما انتي قاعدة معانا اهو هنحتاج حيوان اي تاني نشوفه
ملك : 😒😒😒
مريم : طب علي فكرة بقا فكرة حلوة وانا بقالي كتير مرحتهاش
سلمي: انا كمان عايزة اروحها
يوسف : بس هنروح بعربية واحدة علي وملك يجوا بالمتوسيكل ورانا
ملك : اشطا جدا
علي : يادي القرف
ملك : انت بتجرحني علي فكرة 😒
علي : انتي بتحسي اصلا
ملك : الله يسامحك 🙂💔
سلمي : طب حيث كدا بقا نقوم نحضر السندوتشات
مريم : تمام يلا
سليم : هاي هاي سندوتشات اي احنا لو احتاجنا نجييب من اي كفاتريا هناك
يوسف : اهي دي اكتر حاجة صح اتقالت ف القعدة دي
ملك : وليه سندوتشات ما نجيب بيتزا
سلمي : اخرسي
ملك : حاضر 🙂
علي : مبتسكتيش الا لما تتهزقي
ملك : ليك يوم يا ظالم 🙂💔
” يقوموا ويخلصوا ويلبسوا وينزلوا ، يركبوا كلهم ف العربية وملك وعلي علي المتوسيكل ، ف الطريق ”
ملك : خلاص بقا
علي : ملك انتي اول مرة تكدبي عليا انتي مستهونة بيها ليه
ملك : يعني لو كنت قولتلك انه جاسر مكنتش هتتعصب
علي : كنت هتعصب بس مكنتش هضايق زي ما انا مضايق دلوقتي
ملك : خلاص بقا حقك عليا والله قولتلك كدا عشان متضايقش
علي ببتسامة : ماشي خلاص
ملك: حبيبي يا سطا متحرمش منك كنت عارفة اني مش ههون عليك 😌❤
علي : تعالي سوقي مكاني يا ملك تعالي والله متتكسفيش
” يعدي الوقت ويوصلوا الي ف العربية وميلاقوش علي وملك وراهم ”
سلمي : اي ده دول موصلوش لسة
مريم : راحوا فين دول
سليم : هيتوهوا يعني تعالوا نقطع التذاكر
” يدخلوا ، عند ملك وعلي ، ملك قاعدة علي المتوسيكل برة مستنية علي وشوية ويجي اول ما يخرج تقوم تقف بفرحة ”
ملك : جبتها جمبري 🍕🍤🌚🖤
علي : اه يلا عشان منتاخرش عليهم
ملك تبوسه من خده وتاخدها منه تحطها من ورا وهو يتثبت مكانه ”
ملك : مالك ياعم متخشب كدة ليه 🌚
علي : ها ولا حاجة يلا اركبي
” يركبوا ويطلعوا ، عند جاسر يصحا من النوم ويقوم يمسك موبايله ويستغرب ان مفيش مسدجات من ذمرد ، يقوم عشان يدخل الحمام يلاقي الفون رن بنغمة الرسالة ”
جاسر : وانا الي استغربت
” يروح ياخده ميلاقيهاش هي ”
جاسر بستغراب : ده مش هي … انا شكلي زودتها معاها المرادي
” في بيت تاني ، بنت قاعدة علي السرير ف اوضتها شوية بتتكلم ف الفون ”
ذمرد : لا مش قادرة مش هنزل انهاردة
فيروز : ليه بقا بطلي برود وانجزي يلا
ذمرد : فيروز قولتلك مش هنزل عايزة اقعد ف البيت انزلوا انتوا
فيروز : طيب براحتك … باي
ذمرد : باي
” تقفل وتشوف تليفونها متلقيهوش باعت حاجة ”
ذمرد : خليك مكابر … انا بقا هعرفك انت بتحبني ولا لا
” تقوم وتلبس وتنزل تركب عربيتها وتمشي ، توصل الچيم بس فاضي تدخل وتقعد تتفرج علي واحد وهو بيتدرب ”
ذمرد : انجز يا عم انا خللت من القاعدة
زياد : انتي لسة واصلة انتي هتحوري بس علي العموم انا خلصت
” ستووب ، نعرفكوا عليه ، زياد عنده 24 سنة بيحب البوكس جدا يبقا ابن خالة زينة ، بشرته قمحاوية وعنيه سودة وشعره اسود وناعم طويل وعنده عضلات ”
ذمرد : عايزاك فحوار
زياد : طلباتك كترت اليومين دول
ذمرد : اخلص ياض .. لو مفيش وراك حاجة انهاردة تاني تعالي نتغدا برة
زياد : تمام هاخد دش واجي استني هنا
” يمشي وترجع تقعد هي مكانها ، عند ملك وعلي يوصلوا ويروحوا للباقي ”
سلمي : بردو جبتلها بيتزا
ملك : ده حبيبي ده 😂❤
مريم ببتسامة : ربنا يخليهم لبعض
سلمي : عقبال ما نفرح بخطوبتهم قريب باذن الله
” تكون ملك بتشرب بيبسي تتحرج وتشرق وعلي يضحك علي منظرها ”
ملك وهي بتاخد نفسها : خطوبة !!
___________________________________
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ابن الجيران)