رواية حفصه الأسد (انت مرادي 2) الفصل الثامن عشر 18 بقلم يارا ابراهيم
رواية حفصه الأسد (انت مرادي 2) الجزء الثامن عشر
رواية حفصه الأسد (انت مرادي 2) البارت الثامن عشر
رواية حفصه الأسد (انت مرادي 2) الحلقة الثامنة عشر
في لندن……….
كان الكل قاعد متوتر وكانوا بيحاولوا يخففوا حزن نريمن اللي كانت أكتر واحده متأثرة ليلي مش مجرد صاحبه لنرمين ليلي كانت كل حياتي كانوا دايما سوا في المر قبل الحلو رجعت نريمن بذكرياتها لورا وهي بتفتكر موقف بينها وبين ليلى……..
flash back.
ليلي:/عيد ميلاد مين انهارده.
نريمن:/ مين؟ انتي عيد ميلادك مش انهارده ولا حتي يارا ولا حد من البنات….. ممكن خالتي صفاء بس برده عيد ميلادها مش انها.
ليلي بحزن:/يعني انتي فاكره اعياد ميلادنا كلنا ونسيتي عيد ميلادك.
نريمن بتذكر:/ايه ده بجد شكلي نسيت.
وبعدين كملت بحزن……….
نريمن:/وبعدين أصلا عيد ميلادي ده أسوء ذكري في حياتي افتكره ليه ها.
ليلي:/مين قال انه أسوء يوم بالعكس ده افضل يوم في حياتي علشان ده اليوم اللي نصي التاني اتولد فيه عيد ميلادك ده يا نريمن بيكون يوم انتصار بالنسبالي لاني اختارك صاحبتي وأختي وبنتي انتي جزء لا يتجزء من قلبي يا نريمن وبعدين بقولك إيه وحيات ربنا لو ما اتعدلتي كده وركزتي معايا وبطلتي النكد ده لاكون مغنيه.
نريمن بسرعه:/لا ابوس ايدك خلاص اهه كله اللي الغنا.
ليلي:/اه يا جزمه بس ماشي هعديها علشان انهارده عيد ميلادك يلا قومي البسي هتلاقيني حاطه الفستان والحجاب علي السرير.
نريمن بكسل:/اوف حاضر.
ليلي:/لو اتأخرتي هغني اشطا.
نريمن وهي بتجري:/ثانيه وهكون قدامك بس الغي فكره الغنا دي.
ليلي:/أنا مش عارفه كلهم مش بيحبوني أغني ليه اه هي الغيره اكيد غيرنين من صوتي.
بعد شويه طلعت نريمن وهي لابسه فستان زهري فيه ورد ابيض وحجاب ابيض وكان شكلها زي القمر فقالت ليلي…………
ليلي:/كبُرتي يا حلوتي وأصبحتي شابة جميلة يتهافت عليها الشْبان واليوم اتممتي عامكي الرابع والعشرون فزددتي جمالا وخُلقا وحياء و ديناً فكل عاما وانتي صغيرتي المدلله وابنتي المهذبه كل عاما وانتي من تُنيرين حياتي سعادة وهناء فكل عاما وأنتي شقيقتي التي لم تنجبها أمي ولم يدللها ابي فكل عاما وأنتي عامي.
اول ما سمعت نريمن الكلام ده جريت علي ليلي وحضنتها جامد وفضلت تعيط.
back.
اول ما افتكرت نريمن كلام ليلي فضلت تعيط بس فجأة سكتوا لما لقوا مجموعة كبيرة من الحراس وقدامهم جورج جايين ناحيتهم وقفوا كلهم وهما مش عارفين مين ده لانهم مش شافوه وقفت نريمن وهي بتبصله بكره عمرها ما كرهته لألد اعدائها أول ما شافها جورج جري عليها وهو بيقول……….
جورج:/نريمن هي ليلي كويسه مش كده حبيبتي بخير صح قو….
قاطع كلامه صفعت نريمن اللي خلت الكل واقف مصدوم أول ما الحراس شافوا كده قربوا وكانوا هيمسكوا نرمين بس صرخ فيهم جورج وهو بيقول………
جورج:/ماحدش يتجرأ ويقرب منها أنتم فاهمين.
رجع الحراس اماكنهم وبص جورج لنرمين بعيون حمرا زي الدم وقال………
جورج بهدوء مخيف:/هدفعك تمن القلم ده غالي اوي بس ليلي تقوم بالسلامه الاول.
نريمن بقوه:/وأنا مابتهددش واعلي ما في خيلك اركبه.
مشي جورج من قدامهم ووقف في جنب وهما رجعوا قعدوا تاني وعم السكوت علي الجميع……
********************
عند يارا……..
وقف غيث بصدمة بس فاق علي كلام مراد وهو بيقول………….
مراد:/يارا مالها حصلها ايه انطق.
يوسف:/اهدي يا مراد احنا كويسين بس هي فجأة تعبت.
مراد:/يا سلام هتتعب فجأة كده بدون سبب.
اول ما مراد لاحظ ان غيث شايل يارا راح ساحبها منه بقوة وهو بيقول………..
مراد:/أشوف بس مالها وهفضالك.
ماردش غيث قعد مراد في المقعد الخلفي وكانت يارا بين احضانه فركب يوسف مكان السواق وغيث جنبه واتحركوا للمستشفي.. كانت عيون غيث ثابته علي المرايه كان شايف مراد وهو واخد يارا في حضنه بتملك كأن حد ممكن يخطفها منه مكانش غيث قادر يستحمل مشاعره دي اللي متأكد انها غلط ومش ينفع وممكن تخليه يخسر كل اللي بيحبهم فقرر انه أول ما يطمن علي يارا هيرجع يسافر تاني بس المره دي بلا رجعه فاق من ذكرياته علي كلام يوسف وهو بيقوله……
يوسف:/مالك يابني متنح كده ليه يلا انزل وصلنا.
نزول كلهم ودخلوا يارا المستشفى ووقفوا يستنوا بره وبعد شويه لقوا هنا وعمر جايين ناحيتهم فقالت هنا…….
هنا:/فين يارا هي عامله ايه دلوقتي.
ماحدش رد غير يوسف وقال:/احنا دخلناها ولسه الدكتورة مش طلعت.
هنا:/يارب جيب العواقب سليمه.
قرب عمر من مراد علشان يخفف خوفه وقال…..
عمر:/اجمد كده يا بص ان شاء الله هتكون كويسة وبعدين هي أول مره ياخويا انتم من يوم سفريه الندامه وانت كل يوم في مستشفى شكل قرفتونا ياخي.
مراد برفعه حاجب:/قرفناك ازاي يعني.
عمر:/هحح مش تقلب عليا المواجع الله يرضي عنك.
كان لسه مراد هيرد بس طلعت الدكتورة اللي جريت عليها هنا وشدتها لجوه وقفلت عليهم الباب فقالت الدكتورة بخضه………
الدكتوره:/فيه ايه وقعتي قلبي.
هنا:/هي يارا عامله ايه والبيبي عامل ايه.
الدكتورة:/يعني الاكشن ده علشان تسألي استغفر الله العظيم.
هنا:/انتي جايه تتوبي دلوقتي انطقي يارا عامله ايه والبيبي.
الدكتورة بنفاذ صبر:/هي عندها حساسيه من المانجا.
هنا:/اه فعلا عندها حساسيه منها.
الدكتورة:/هي اكلت مانجا وهي عندها حساسيه منها لا وهي كمان حامل علشان كده حصلها كده بس الحمد لله كويس انكم جبتوها علي اخر لحظه قدرنا نلحقها.
هنا:/طيب والبيبي كويس.
الدكتورة:/اه الحمد لله.
هنا:/طيب بصي لما يسألوكي علي حالتها قولي كل الكلام ده بس مش تجيبي سيرة البيبي.
الدكتورة:/هي مش متجوزه ولا ايه.
هنا بسرعه:/لا متجوزه والطور اللي بره ده جوزها بس هي كانت حابه تعمله مفاجأة علشان كده مش تخربي المفاجأة.
الدكتورة:/اه قولي كده وعلى العموم حاضر.
هرجت الدكتورة وهنا تحت انظارهم المستغربه فقالت هنا لتبرير الموقف…………
هنا:/حجاب الدكتورة ماكنش معدول وطبعا يعني انتم شباب محترمين ومش ينفع تعدله قدامكم علشان مش نخدش حيائحكم.
مراد بسخرية:/حيائنا… وربنا انا ما مرتاحلك.
هنا:/أنا لو واكله اكلك مش هتعاملني كده.
مراد:/هي يارا مالها يا دكتوره.
الدكتورة:/هو حضرتك الطور جوزي المدام.
مراد برفعه حاجب:/افندم بتقولي ايه سمعيني كده.
الدكتورة بسرعه:/اسفه معلش الكلام ده في بعضه.
هنا بضحك هستيري:/لا قالت طور والله صدقت.
مراد بص لي هنا اللي مش بطلت ضحك فرجع بص للدكتورة وقال مين اللي قالك كده عليا……
الدكتورة:/الاستاذه دي.
وكانت بتشاور علي هنا اللي سكتت فجأة لما لقت مراد بيبصلها بشر فجريت وققت ورا عمر اللي قال…………..
عمر:/وهو انتي كل ما تعملي مصيبه هتجري تستخبي ورايا.
هنا:/أنا مراتك برده وبعدين ابوس ايدك انجدني دي بيبصلي بشر شوفت ازاي.
عمر:/تستاهلي والله.
هنا:/بقي كده تصدق أنا غلطانه علشان مش رضيت اقوله انك قلت عليه غبي وطور.
هنا مراد عيونه بدأت تتحول فقال عمر……..
عمر:/استهد بالله أنا عمر صاحبك.
ماكملش كلامه وهوبا مراد نفضه وبعد شويه كان عمر نايم علي السرير في المستشفى وكان حوليها هنا ويوسف وقال……..
عمر:/أه ياني يما أه يا راسي أنا مش حاسس بجسمي.
هنا بضحك:/معلش يا حبيبي تعيش وتاخد غيرها.
عمر:/انتي بتضحكي ماشي اما وريتك.
هنا بضحك اكبر:/ههههه لما تقوم إن شاءالله.
عمر:/بره يا هنا.
هنا:/هقول بس.
عمر:/قولت بره.
هنا:/بقي كده ماشي هروح اقوله انك قولت عليه تريلا و وقتها هنشوف مين اللي بره.
عمر:/هناااااا.
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حفصه الأسد (انت مرادي 2))
