رواية وردة حياتي الفصل التاسع 9 بقلم جيداء محمد

رواية وردة حياتي الجزء التاسع

رواية وردة حياتي البارت التاسع

رواية وردة حياتي الحلقة التاسعة

عدى الاسبوع على ابطالنا ومفيش اى حاجه جديده حصلت واميرة بتتجنب ابوها وساكت مبتعملش حاجه وكلو مش مطمن من سكوتها ده
فى اوضة اميرة كانت واقفة معاها الميكب ارتست خلصتلها الميكب ولسه هتلفلها الطرحة بس اميرة وقفتها
اميرة: لا سيبى الطرحة انا هلفها ينفع تسبينى لوحدي شوية
الميكب ارتست: تمام براحتك وخرجت مع دخول ورد ولؤى وجه معاهم جاسر
ورد: ازيك ياطنط عاملة اى
فايزة: الحمدلله بخير ياحبيبتي انتى عامله ايي
ورد: الحمدلله بخير امال اميرة لسه مخلصتش
فايزة: هروح اشوفها اهو ياحبيبتي
ورد: تمام وانا هاجي وراكى
فايزة راحت اوضة اميرة ودخلت وراحت مسوطة راحو كلهم جريو على جوه
ورد بعياط: اميرة فوقى اى اللى عملتيه ده حد يتصل بالإسعاف بسرعة
جاسر اول لما شافها وسايحة فى دمها وشعرها باين فى رجالة كتير موجودين ولقى طرحة على السرير راح واخدها وغطى شعرها بيها وشالها ونزل علطول بيها ومش مهتم لاى حد موجود راحت ورد جريت وراهم ومعتز حط اميرة فى العربية وساق ب اقصى سرعة عندو وورد معرفتش تلحقهم و لؤى نزل وراهم جرى لما شاف ورد جريت وراهم فضل يجرى وراها وينادى عليها لحد لما جت عربية سودا كبيرة وراح رجالة جواها شدو ورد وجريو بالعربية ومكنش فى ارقام للعربية
لؤى: اى ده يا ولاد الك**لب مين دول وخطفو ورد ليه وعايزين منها اى انا لازم اعرف مين دول ورن على صاحبه فى قسم الشرطة
لؤى: عايز منك خدمة يا احمد
احمد: قول يبنى فى اى
لؤى: مراتى اتخطفت فى شارع****وعايزك تيجي تتحرى عن الموضوع وتشوف كاميرات المراقبة يمكن نطلع بحاجة من الكاميرات عشان العربية مكنش فيها ارقام
احمد: حاضر ربع ساعه وهوصل متقلقش انت وسيب الموضوع عليا
لؤى: انا واثق فيك
احمد: وان شاءلله ثقتك هتكون فى محلها
عند بيت ابو اميرة امها لسه قاعده مكانها وبتعيط وابوها واقف مصدوم من اللى شافه شاف بنته الوحيدة وهى بتموت قدامه
فايزة: فوق يا على بنت هتموت بسببك انت عارف لو بنتى حصلها حاجه انا مش هسامحك بقيت عمرى واعرف انها مش مسمحاك وقعدت تعيط
ابن عم اميرة(اسلام): مش وقته الكلام ده لازم نروح وراهم المستشفى وبعدين مين اللي شالها ده منغير ما يستأذن حد ده انا هطلع مي*تين اهلو
فايزة: ايوه ما ده كل اللى هامك مش هامك انو بيحاول ينقذها وانتو كنتو واقفين وهى بتموت بسببكو حسبى الله ونعم الوكيل فيكم انا هروح لبنتى اللى عايز يروح يجى ولا هتخليكو واقفين مكانكو كده
اسلام: لا طبعاً يا مرات عمى احنا جيين معاكى يلا ياعمى
ومشيو راحو اقرب مستشفى عشان هما اتوقعو ان معتز هيوديها اقرب مستشفى
عند معتز وصل المستشفى وقعد يزعقلهم بصوت عالى
معتز: عايزة دكتوره هنا بسرعه
الدكتور: انا موجود تقدر تدخلها الاوضة دى بسرعة
معتز بزعيق اكتر: انا قولت دكتوره مش دكتور وكلامى واضح
الدكتورة: اتفضل حطها على الطرولى وهما هيدخلوها وانا هكشف عليها
معتز حطها على الطرولى والممرضين سحبوها لحد الاوضة وهو واقف بيبص عليها ومصدوم من اللى عملتو فى نفسها وكان واقف حاسس انو بيتخنق لمجرد انو حط فى دماغو انو ممكن يفقدها زى ما فقد اهلو
وبعدين لقى اهل اميرة وصلو على المستشفى جريت عليه فايزة
فايزة: طمنى يبنى وقولى انها كويسة ومحصلهاش حاجه
معتز: والله يا امى معرفش الدكتورة خادتها جوه العناية ومحدش لسه خرج ان شاءلله هتقوم بالسلامة
اسلام: وانت مين بقى عشان تشيلها من قدامنا كده وتمشى منغير متقول اى حاجه
معتز: وانت مال ام*ك انت اللي مين
اسلام: انا جوزها وبتشتمنى وراح ضربه بالبوكس
معتز: كنت هتكون جوزها لسه كتب الكتاب متكتبش ومش هيتكتب وراح ضربه بوكس وفضلو يضربو فى بعض لحد لما الممرضة خرجت راح معتز زق اسلام على الارض وقعه وجرى على الممرضة
معتز: طمنيني عليها على عاملة اى
الممرضة بأسف: للاسف هى نزفت دم كتير ومحتاجين متبرع عشان مفيش دم نفس فصيلة دمها فى المستشفى
معتز: هى فصيلة دمها اى
الممرضة: اوو سالب
معتز: انا اوو سالب تقدرى تسحبى منى
الممرضة: لا مش هينفع نسحب منك لوحدك عشان هى محتاجة دم كتير
معتز: وانتى مالك انتى انا اللى بقولك اسحبى وعلى مسؤليتى
الممرضة: تمام اتفضل معايا ناخد عينة نحللها نشوف عندك مرض ولا لا
معتز: تمام يلا بسرعة
اسلام: انا عايز اعرف دلوقتي مين ده وانت ازاى ياعمى سايبه كده منغير ما تعملو اى حاجه
على: انا مش فايق دلوقتي لما بنتى تبقى تفوق نبقى نشوف مين ده اهم حاجه انو بيساعدها عشان متروحش مننا
اسلام: ماشي اما نشوف اخرتها اى
عند لؤى وصل عنده احمد
احمد: متخافش يسطا ان شاءلله هنلاقيها
لؤى: المشكلة ان مكنش فى ارقام للعربية وانا كنت واقف وملحقتش انقذها
احمد: خلاص يالؤى متشيلش نفسك الذنب
لؤى: طب تعالى نشوف الكاميرات فى الطريق اللى العربية مشيت منو
احمد: تمام يلا وراحو كل المحلات اللى فى الطريق لحد اخر محل وشافو العربية مشيت فى شارع بيودى على ساحة كبيرة وجت طيارة والاشخاص المقنعين شالو ورد اللى كانت فاقدة الوعى وحطوها فى الطيارة وبعدين مشيت
لؤى: هما ليه حطوها فى الطيارة وهيودوها فين
احمد: اهدى بس هما بتاكيد عملو كده عشان كانو متوقعين اننا هنشوفهم فى كاميرات المراقبة
لؤى: طب وبعدين هنعمل اى
احمد: هنستنى يرنو عليك او يبعتولك رسالة ونشوفهم عايزين اى
لؤى: اللى هيعوزوه هعملهولهم حتى لو كان اى بس اهم حاجه ترجع وميلمسوهاش
احمد: اى يسطا شكلك حبيتها ولا اى
لؤى: لا الحوار مش كده بس دى امانة عندى
احمد: ايوه واضح
لؤى: خلينا دلوقتي فى المهم لو بعتو حاجه او حد اتصل هعرفك
احمد: ومين قالك انى همشى انا معاك لحد لما تلاقيها
لؤى: تسلم يسطا تعالى نروح نقعد فى كافيه لحد لما يعملو حاجه
احمد: يلا
عند معتز سحبو منو كمية كبيرة من الدم ومكنش شايف قدامه
معتز: خلاص كده خدتو الكمية اللى تكفيها
الممرضة: ايوه كده تمام بس ارتاح شويه عشان كانت كمية كبيرة على ما اقول لحد يجبلك عصير احنا نقلناها فى الاوضة اللى جنبك
معتز: يعني هى كويسة دلوقتي
الممرضة: ايوه الحمدلله ومعلقينلها الدم
معتز: طيب ينفع اطلب منك طلب
الممرضة: اتفضل حضرتك
معتز: مش هو بيكون فى مرافق واحد مع المريض
الممرضة: ايوه
معتز: طب ينفع تقوللهم يمشو وقوللهم مينفعش حد يقعد معاها النهارده عشان هى تعبانة اوييي وانا اللى هقعد معاها النهارده ولو انا قولتلهم كده مش هيرضو فبطلب منك تعمليلى الخدمة دى
الممرضة: طيب افرض رفضو وعملو مشكلة في المستشفى كده انا هتطرد
معتز: لا متخافيش هما هيمشو علطول
الممرضة: حاضر تحت امرك تأمر بحاجه تانى
معتز: لا شكرا تقدرى تتفضلى وتقوللهم دلوقتي
الممرضة: تمام وخرجت
على: طمنينى يابنتى هى عاملة اى
الممرضة: الحمدلله احسن من الاول بس بننقلها الدم ومش هتفوق النهارده خالص تقدرو تروحو النهارده وتجولها بكره عشان هى لسه تعبانه ومينفعش حد يقعد معاها النهارده تقدرو تتفضلو وتجولها بكره
اسلام: ده اللي هو ازاى المفروض نقعد معاها
على: هى الممرضة وشايفة الصح ليها يبقى انت ملكش دعوه ويلا عشان نمشى ونجيلها الصبح
فايزة: طب بقولك ياحبيبتي
الممرضة: اتفضلى
فايزة: هو الشاب اللى جابها هنا واتبرعلها بالدم عامل اى دلوقتي
الممرضة: هو الحمدلله كويس بس بعتنا نجبلو عصير عشان فقد دم كتير
على: طب متعرفيش حساب المستشفى كام
الممرضة: خلاص الفلوس اتدفعت
على: ازاى واحنا مدفعنهاش
الممرضة: استاذ معتز هو اللى دفعها
اسلام: وهو يدفعها بصفتو مين مش كفاية انو اتبرعلها بالدم
على: قولتلك اسكت خالص هنشوف معاه الموضوع ده الصبح ويلا نروح
وبعدين مشيو والممرضة دخلت لمعتز تانى
معتز: اى مشيو خلاص
الممرضة: ايوه خلاص بس كان معاهم واحد كده مش طايقك بس ابوها سكتو وقعد يزعقلو
معتز: طيب هو انا ينفع اروحلها الاوضة
الممرضة: ايوه اتفضل وخلتهم يحطولك سرير هناك عشان ترتاح براحتك
معتز: شكرا على كل اللي عملتيه
الممرضة: ده واجبى بعد اذنك..