رواية بلد احلامي الفصل الرابع عشر 14 بقلم جنا ابراهيم

رواية بلد احلامي البارت الرابع عشر

رواية بلد احلامي الجزء الرابع عشر

رواية بلد احلامي الحلقة الرابعة عشر

*اول جريمه قتل*
«جين»
نزلت من البيت وخدت تاكسي…ووصلت عند بيت جيمين…بس كان في صويت في البيت الي جنبه وناس متلميه…..خدني الفضول ورحت ناحيه الناس دي…اتصدمت من الي شوفته……ج*ثه ل بنت متقطعه….سمعت صوت صفير عربيه الشرطه….شرطي نزل من العربيه وهو بيقول للناس يوسعو…سبتهم وروحت خبط علي جيمين الي فتحلي وهو عليه د*م
قولتله وانا بدخل بسرعه وبقفل الباب ورايا:
-انت الي قت*لت البنت الي بره دي
جيمين قالي وباين علي وشو الاستغراب:
-بنت مين….وقت*لت اي
قولتله:
-في ج*ثه ل بنت بره متقطعه
جيمين قالي وهو بيبص لنفسه وبيستوعب كلامي:
-عاوزه تلبسني جريمه بنت ال…
قولتله:
-هي مين دي
جيمين:
-البنت الي ضربتني بالقلم وجابت الطرد….جت تاني ورمت عليا السائل دا
قولتله:
-هي روايتي بتتحقق عليك انت ولا اي…..طب الحق بسرعه غير هدومك وشيل الي عليك دا….وخبي الهدوم…الشرطه بره
جيمين قالي وهو بيلطم:
-هخبيها فين بس….هروح في داهيه يعني مش كفايه وشي الي لسه في اثر للورم….كمان هلبس جريمه…
جيمين طلع فوق عشان يغير وهو بيبرطم وبيقولي:
-كان يوم اسود يوم ما حبيت سوهي وقررت تكتبلها كتاب….دا كان يوم اسود يوم ما قررت تبقا كاتب اصلا
سيبته يكلم نفسه وروحت جبت قماشه امسح بيها الد*م الي علي الارض….وطلعت ل جيمين اوضته بعد ما خلصت….لقيت جيمين ماسك كيس
قولتله:
-اي الي انت ماسكه دا
جيمين:
-دا كيس… فيه الهدوم
قولتله وانا بديله القماشه الي مسحت بيها الد*م:
-طب خد دي حطها جوه الكيس
جيمين حط القماشه في الكيس وقالي وهو بياخد تليفونه من علي السرير:
-طيب تعالي ننزل ونطلع من الباب التاني عشان محدش يشوفنا
نزلنا وخرجنا من الباب التاني وخدنا تاكسي واتصلت ب تاي عشان اقوله اني هجيله بس مكنش بيرد ف قررت نروح لبيتي….وقاطعني جيمين
جيمين:
-اه صح كان في رقم غريب رن عليا ولما رديت في واحده قالت حاجه بس مفهمتش….فهمت بس ان هي قالت لينا….هي مش البنت الي عندك اسمها لينا
افتكرت كلام لينا عن صحبتها الي اسمها جنه وقولت ل جيمين:
-لينا كانت قيلالي عن صحبتها وان هي تقريبا مختفيه علي حسب ما فهمت من كلامها….اصل هي شافت المنش*ار وجت تقولي اني قا*تل واني قت*لت صحبتها جنه…ف تقريبا جنه مختفيه
جيمين قالي وهو بيفكر:
-يمكن تكون البنت الي اتق*تلت ومتقطعه دي تبقا هي جنه
قولتله وانا بنفي كلامه:
-لاء دي بنت اسيويه…وجنه دي مش اسيويه
قاطع كلامنا الراجل بتاع التاكسي عشان وصلنا
«لينا»
كنت قاعده وبفكر في جنه….بس قاطع تفكيري تليفوني الي رن…استغربت انه رن لأن مفروض ان الخط مش شغال بس انا رديت…مسمعتش صوت بس فجأه سمعت صوت واحده بتصرخ وبتقول لينا انتي فين….دي جنه….رديت بلهفه بس محدش كان بيرد والخط قفل….حاولت ارن علي الرقم تاني بس الخط مش شغال….دموعي نزلت وانا بفكر ان ممكن يكون حصلها حاجه بسببي…..حاولت اهدي نفسي وقومت دخلت المطبخ وجبت من التلاجه ازازه مايه وطلعت من المطبخ وقعدت علي الكنبه وانا بفكر في جنه….بس قاطع تفكيري صوت فتح الباب….دخل جين هو وصاحبه…
قولت ل جين:
-جين….جنه في حد خاطفها او مش عارفه…في حد رن عليا وانا سمعت صوتها وهي بتستنجد بيا….جبهالي يا جين….لو حصلها حاجه هيبقا بسببي
جيمين قاطعني وهو بيقول ل جين:
-يبقا هي فعلا جنه
قولتلهم:
-انتو عرفين هي فين
جين قالي وهو بيرجع شعره لورا بعصبيه:
-لاء….بس نفس الي حصل معاكي حصل مع جيمين
قولتله وانا بمسح دموعي:
-طب انتو اتصرفو….جبولي جنه
جيمين قالي وهو بيحاول يهديني:
-طب اهدي…
بصيت ل جين الي كان بيكلم حد في التليفون واتضح ليا انه بيكلم سوهي… قفل معاها وقالي:
-سوهي هتيجي دلوقتي تقعد معاكي…. وانا وجيمين هنروح نشوف جنه فين…انا شااكك في مكان ممكن تكون فيه
جين خد جيمين ونزلو….وانا قعدت ادعي ان جنه تكون بخير….سمعت صوت رن جرز الباب….قومت فتحت ولقيت سوهي
سوهي:
-هو اي الي حصل….جين قالي اني اجي اقعد معاكي
حكيتلها عن جنه وان هي تقريبا مخطوفه
سوهي:
-طب اهدي….هتبقا كويسه متقلقيش
*في مكان آخر*
«جنه»
كنت قاعده وانا دايخه وعطشانه….فضلت اكلم واقول وانا بنادي علي المقنع:
-طب يا مقنع انت….لو هتقتلني….متقتلنيش علي معده فاضيه… دا انا حتي صاحبه الي هتساعدك في انك تنتقم….طب يا شيخ شويه مايه حتي…قاطعني المقنع وهو طالع علي السلالم
المقنع:
-بطلي كلام بقا….دا انتي صداع….
شوفته وهو بينزل السلالم وطالع تاني وفي ايدو ازازه مايه وباين عليها انها بارده
قولتله وانا ببتسم:
-ايوه كده وكمان ساقعه….لا محترم
مكملتش كلامي ولقيته فتح ازازه المايه ودلقها علي وشي
قومت من علي الارض وانا بقوله ب عصبيه:
-دنا كنت لسه بقول عليك محترم…..اما انك قاتل مشوفتش بربع جنيه تربيه..
دورت حواليا ولقيت جردل بصيت فيه ولقيت انه في سائل اسود….خدت الجردل بسرعه ورحت دلقاه علي المقنع وانا بقوله:
-طب اهو….عشان تحرم تدلق عليا المايه بعد كده
بصيت علي المقنع الي السائل غرقه واتضح لي ان السائل دا مش اسود…. دا احمر داكن….واتفجأت بالمقنع بيقلع القناع وملامحه مكانتش باينه من الضلمه وقالي والابتسامه علي وشه:
-انتي الي جنيتي علي نفسك
ورمي القناع علي الارض ونزل علي السلالم…..قولتله بصوت عالي:
-هتعمل اي يعني….اخرك تعملني شويه بطاطس
حطيت ايدي علي بقي وانا بقول ل نفسي:
-شكلي هتعمل فعلا بطاطس…كان لازم ابين نفسي جامده ومبخفش يعني…اشربي بقا…
اتخضيت لما سمعت صوت لفيت ولقيت ان في ازازه مايه اتحدفت وكانت قدام السلالم خدتها وشربت وانا بفكر اخرتها اي؟؟