رواية الضحية الفصل الحادي والعشرون 21 بقلم أروى عادل
رواية الضحية الجزء الحادي والعشرون
رواية الضحية البارت الحادي والعشرون
رواية الضحية الحلقة الحادية والعشرون
أورى ٠٠ انا مش فاهمه حاجة ممكن تهدى و تبطلى عياط وتفهمينى فى ايه
( ببكاء شديد )
أسراء ٠٠ أياد ما*ت يا أروى .. أبنى ما*ت ..
( صرخت أروى وقالت)
أروى٠٠ أسراء انتى بتقولى إيه لا مستحيل.. أسراء ردى عليه أسراء
( وهنا انقطع الخط)
ارتدت أروى ملابسها بسرعة هى ماسكه الهاتف بتحاول الاتصال بأسراء أو اى حد من عائلتها لكن دون جدوى و هنا قررت الاتصال بروان
( بداية المكالمة )
أروى ٠٠ روان هو صحيح أياد ما*ت
روان ٠٠ ايوه يا أروى
أروى ٠٠ طيب انا جايه على المستشفى
روان ٠٠ لأ تعالى على البيت
أروى ٠٠ ليه هو مش لسه فى المستشفى
روان ٠٠ أياد ما*ت و الدفن أمبارح
أروى ٠٠ من أمبارح و ماحدش بفكر يقولى
روان ٠٠ معلش يا أروى اعذريهم مو*ت أياد كان صدمة الكل
أروى ٠٠ خلاص انا جايه
( إنتهت المكالمة)
——————–
عندما كانت أروى على أستعداد مغادرة الفيلا
طارق ٠٠ أروى استنى عندك هى بقت وكالة من غير بواب . تخرجى و تدخلى براحتك
أروى٠٠ ( ببكاء) سيبنى دلوقتي يا طارق
طارق ٠٠ فى ايه مالك بتعيطى ليه
أروى ٠٠ ولا حاجة ممكن امشى
طارق ٠٠ أيه باباكى تعب تانى
أروى٠٠ اه ممكن أمشى بقى
طارق ٠٠ طيب بس ياريت متتأخريش.. ساعتين تكونى هنا
( كانت أروى تعلم جيدآ لو أنها قالت لطارق على الحقيقة و ان أياد ما*ت سوف يمنعها من الذهاب)
☆☆☆☆☆☆☆☆☆☆☆☆☆☆☆☆☆☆☆☆
فى منزل محمود
—————
كان يوجد بعض النساء يقومون بواجب العزاء
دخلت أروى المنزل عندما رأتها أسراء ركضت أليها وحضنتها و هى منهاره وقالت
أسراء ٠٠ أياد ما*ت يا أروى ربنا أخدلك حقك منى
أروى ٠٠ أهدى يا حبيبتى متعمليش نفسك كده أسراء انتى مؤمنه و عارفه أن ده قضاء ربنا ولا رد لقضائه
أسراء ٠٠ عارفه والله بس مش أقدره استحمل نار بتاكل فى قلبى .. اه يابنى
أروى٠٠ ربنا يصبرك ..
أسراء ٠٠ يارب الصبر من عندك .. يارب انت اخدته منى وانا راضيه بس صبرنى يارب
( هنا قالت أشجان )
أشجان ٠٠ كفايه بقى يا أسراء انتى ايه متعبتيش
أسراء ٠٠ ده ابنى ياماما .. أبنى راح منى يا ناس
ليلى ٠٠ حرام عليكى يا بنتى نفسك
( جاءت أنجى بكوب ماء)
أنجى ٠٠ أشربى ميه يا أسراء
أسراء ٠٠ مش عايزه . انا عايزه أياد يا أنجى عايزه ابنى .
( كانت كلمات أسراء توجع القلب مما جعلت الجميع يبكون على حالها)
أروى ٠٠ لأ إله إلا الله كفايه حرام عليكى وجعتى قلبى
أنجى ٠٠ أسراء احمدى ربنا .. ان ربنا رحموا من الو*جع والتعب إللى كان فيه
أسراء ٠٠ ياريت كان فضل جانبى وهو تعبان انا كنت راضيه بدل ما يروح منى .. انا عارف ان ربنا مابيحبنيش عشان كده عاقبنى و أخد ابنى منى
( هنا مسكتها أروى من ذراعيها و هزتها وهى تقول)
أروى ٠٠ استغفرى ربك .. ربنا ما بيعقبش حد بذنب حد تانى . بعدين قوليلى.. انتى كان عجبك و*جع و تعب أياد طيب عملتى ايه لما كان بيصرخ من الو*جع و هو حتى مش قادر يتنفس. خفيفتى عنه عذابه قدرتى تعمليلوا حاجة تخفف عنه
أشجان ٠٠ براحه عليها يا أروى
أروى ٠٠ لأ يا ماما أسراء لازم تفهم ان مو*ت أياد كان رحمة ربنا بيه . ربنا رحمه من الو*جع و المرض . يعنى مو*ت أياد كان رحمة من ربنا مش عقا*ب
أسراء ٠٠ يعنى ربنا مش زعلان منى على اللى عملتوا
أروى٠٠ بالعكس يا حبيبتى .. ربنا بيحبك .. أسراء ربنا اسمه الرحمان الرحيم .. حتى المو*ت ساعات بيكون رحمه من ربنا لينا ..
ليلى ٠٠ أختك عندها حق ربنا رحم ابنك من عذاب المرض و ألمة و أخده فى حته أحسن
أسراء ٠٠ بس هو وحشنى
أنجى ٠٠ معلش هو الفراق صعب ..
أشجان ٠٠ كمان لازم تكونى قويه عشان خاطر بنتك
أسراء ٠٠ هى فين أروى بنتى انا عايزه أشوفها
ليلى ٠٠ بنتك عندنا فى البيت مع روان
أسراء ٠٠ أنا هنزل أجيبها
أشجان ٠٠ خليكى .. أروى انزلى هاتى أروى بنت أختك من روان
أروى ٠٠ حاضر
☆☆☆☆☆☆☆☆☆☆☆☆☆☆☆☆☆☆☆
فى منزل عائلة عمر
عمر ٠٠ روان ماما فين
روان ٠٠ فوق عند طنط أشجان
عمر٠٠ مين القمر إللى معاكى دى
روان ٠٠ دى أروى بنت أسراء
عمر ٠٠ أسمها أروى
روان ٠٠ مالك مستغرب أسمها ليه. ولا هو مافيش عندك غير أروى واحده بس
عمر٠٠ مش غريبه بعد إللى عملتوا أروى فيها تسمى بنتها على اسم إللى كانت السبب فى خراب بيتها
روان٠٠ غريبة رجعت تقول نفس الكلام تانى على أروى ما انى كنت فاكره انك غيرت فكرتك عنها
عمر٠٠ ( بسخرية) والله كان نفسى بس أروى هانم بتفجأنى كل مره بكا*رثه جديدة عنها
روان ٠٠ تقصد ايه
(هنا رن جرس الباب وقال)
عمر ٠٠ خليكى انا هفتح
( تفاجأ عمر عندما رأها أمامه و أيضآ أروى تفاجأت به لانها تعلم أنه لا يقيم فى منزل عائلته)
أروى ٠٠ أنا جايه اخد أروى ممكن
( هنا تركها عمر على الباب ثم ذهب إلى روان وقال)
عمر٠٠ فى حد عايزك على الباب
روان ٠٠ مين
عمر ٠٠ روحى شوفى.. انا داخل ارتاح فى أوضتى
( عندما رأت روان أروى )
روان ٠٠ أروى تعالى ادخلى
أروى٠٠ لأ متشكره ممكن أخد أروى
روان ٠٠ اه طبعآ . اتفضلى
( أخدت أروى الطفلة ثم غادرة وهى مستغربه بما فعلوا عمر معاها و لماذا تجاهلها بهذه الطريقة ..لكنها لم تجد تفسير لما فعلوا عمر)
أما روان ايضآ كانت مستغربه لذلك ذهبت لعمر وقالت له
روان٠٠ممكن أعرف انت ليه قابلت أروى بالطريقه الباردة دى
عمر ٠٠ أيه كنت المفروض اقيم الافراح لأن أروى هانم عندنا
روان ٠٠ فى ايه يا عمر ..مش أروى دى إللى كنت من كام يوم هتجنن عليها لما كانت تعبانه.. ولا يوم ما كنت هتق*تل طارق عشان مد أيده عليها.. ايه إللى اتغير دلوقتى
عمر ٠٠ إللى اتغير انى عقلت .. قررت اتجوز غادة . غادة إللى تستاهل تكون مراتى
روان ٠٠ أنا مش فاهمه حاجة
عمر٠٠ احسن و ياريت متحاوليش تفهمى .
. و دلوقتى سبينى عايز انام
روان ٠٠ بس يا عمر
( قطعت عبارتها وقال)
عمر ٠٠ روان هتسيبنى ولا اقوم أروح على بيتى
روان ٠٠ طيب خلاص هسيبك
( بعد ما خرجت روان . تذكر عمر الجواب وكلام غادة عن أروى
وعنا أمسك صوره لأروى و قال وهو يتطلع إلى الصوره)
عمر٠٠ انا بكره حبى ليكى و ضعفى قدامك
و البراءة إللى فى وشك و قلبى
إللى بيوجعنى كل لما أشوفك
☆☆☆☆☆☆☆☆☆☆☆☆☆☆☆☆☆☆☆☆
بعد محاولات كثير من توسل أروى لطارق لكى يتركها يومين فى منزل أهلها وافق طارق لكنه شرط عليها انها ستكون أخر مرة تذهب فيها الى منزل
أهلها
☆☆☆☆☆☆☆☆☆☆☆☆☆☆☆☆☆☆☆☆
بعد مرور أسبوع
فى منزل محمود
صحيح الحزن الشيئ الوحيد الذى يولد كبير ثم يصغر بمرور الوقت أو يصبح الحزن أمر عادى
نعتاد نتأقلم عليه . و نتقبل ألم الفراق .. ذلك مع حدث مع أسراء أصبحت تتقبل فراق أياد و تتأقلم مع حياتها دون وجود طفلها
—————————————
مره اسبوع و محمود رافض ذهاب أروى إلى منزلها
و أخذ منها هاتفها و عمل حظر لجميع أرقام طارق من هاتف أروى
أروى ٠٠ أنا هروح بقى
أسراء ٠٠ هتروحى فين..
أروى ٠٠ بيتى
أسراء ٠٠ بيتك هنا .. وخلاص مبقاش فى حاجة تجبرك تكملى مع طارق
أشجان٠٠ أختك عندها حق كمان أبوكى رافض انك تروحى البيت طارق تانى
أروى٠٠ يا جماعة أفهمونى طارق مش هيسكوت.
أنا لازم اتكلم معاه بالعقل يمكن يوافق يطلقنى من غير مشاكل ولا شوشره
أسراء ٠٠ أنا عارفه طارق مش هيوافق يطلقك مهما حصل
أروى ٠٠ ساعتها ياستى ممكن أرفع قضية خلع بس الاول سيبونى أحاول معاه
( هنا دخل محمود بعد ما سمع كلامهم قال)
محمود ٠٠ مالهوش لازم انك تروحى و لا تتكلمى مع أى حد .. أنا كلمت محامى
و هيرفع قضية خلع
من بكره هيبدء فى أجراءات القضية وانتى هتيجى دلوقتى معايا تعملى توكيل للمحامى
أورى ٠٠ بس يا بابا طارق مش هيسكوت .انا خايفه يعمل أى حاجة .طيب أدينى فرصه اتكلم معاه
محمود٠٠ انتى اللى ممكن تدينى فرصه انى أكون ليكى الأب بجد و العمل الصح و إللى كان المفروض اعمله من زمان
( كانت تعلم أن محمود لن يغير رأيه لذلك قالت)
أروى ٠٠ حاضر يا بابا انا هعمل كل إللى انت عايزه
( ثم ذهبت مع أبوها للمحامى لعمل التوكيل )
☆☆☆☆☆☆☆☆☆☆☆☆☆☆☆☆☆☆☆☆
فى صباح اليوم التالى
أشجان ٠٠ صباح الخير يا روان ايه الهدوم إللى ايدك دى
روان٠٠ دى لبس لأروى انتى عارف هى جات هنا ماكنتش عامل حسابها فى لبس زيادة
أشجان ٠٠ أه صح ازاى احنا مفكرناش فى الموضوع ده
أروى ٠٠ صباح الخير
روان٠٠ صباح الخير خدى البس ده .. انا عارفه انك نازله النهاردة عشان كده جبتلك دول
أشجان ٠٠ نازله رايحه فين
أروى ٠٠ المستشفى
أشجان ٠٠ خير مالك انتى تعبانه
أروى ٠٠ لأ يا ماما .. هو انتى نسيتى انى دكتورة إمتياز.. و كفاية بقى أهمال فى دراستى لحد كده
أشجان ٠٠ طيب استنى
( ذهبت أشجان و رجعت بسرعة وقالت)
أشجان ٠٠ امسكى دول
أروى ٠٠ أيه الفلوس دى يا ماما
أشجان ٠٠ دول الفلوس إللى أخدتها منك لمصاريف علاج ابوكى فى المستشفى
أروى٠٠ ماما انتى بترجعيهم ليه . انا ماطلبتش منك حاجة..
أشجان ٠٠ أسمعى بقى أبوكى مصمم انك تاخدى فلوس دى . انتى عارفه أبوكى
و دماغه مش ممكن يقبل أن واحده من بناته تدفع مصاريف علاجه
أروى٠٠ طيب خليهم معاكى يا ماما
أشجان٠٠ لا خليهم معاكى انتى . كمان عشان تروحى تشترى ليكى شوية لبس .
روان٠٠ احنا كده هنتأخر انا هنزل البس وانتى خلصى و حصلينى
☆☆☆☆☆☆☆☆☆☆☆☆☆☆☆☆☆☆
فى منزل عائلة عمر
( بعد لما لبست أروى نزلت لروان وعندما طرقت الباب فتح عمر الباب و قال له)
عمر ٠٠ خير انا شايف انك بقيتى مقيمة هنا
أروى٠٠ دى حاجة مدايقك
عمر٠٠ لأ دى حاجة مش فارقه معايا نهائى
أروى ٠٠ فى ايه يا عمر انت بتتكلم معايا كده ليه
عمر٠٠ انا أساسآ مش عايز اتكلم معاكى ولا عايز أشوف وشك
أروى ٠٠ لدرجدى ليه يعنى أيه اللى حصل لده كله
عمر٠٠ اللى حصل انى فوقت و عرفتك على حقيقتك
أروى٠٠ ممكن أعرف هى ايه حقيقتى دى إللى انت عرفتها عنى
عمر٠٠ حالآ هتشوفى حقيقتك
( ثم سحبها من ذراعها و دخل بيها غرفته و أغلق الباب . ثم اخرج الجواب من الدرج المكتب و رماه فى وجهها وقال)
عمر ٠٠ اتفضلى هو ده حقيقتك
( كانت صدمة قويه بعد ما قرأت أروى الجواب وهنا قالت)
أروى ٠٠ جبت الجواب ده منين
ضحكه عمر بسخريه)
عمر٠٠ هو ده إللى فارق معاكى انا جبتو منين
( هنا صاح بها عمر حتى أنتفضت من صوت صراخه وهو يقول)
عمر٠٠ جبتو من أى زفت . مش ده خطك مش ده الكلام إللى كنتى بتقولى ليا . اسمعى انتى كاتبه اية يمكن تكونى نسيتى
( ثم بدء يقرأ جزء من الرسالة)
زين حبيبى قرة عينى نبضات قلبى انت الحياة
ولا حياه بدونك . لقد تعلمت الحب من اسمك زين
حبك مثل الماء الذى تسير داخل وريدى منذ اللحظه التى احببتك بها .. أيقنت انى لم أعرف الحب قبلك و لم احب قد غيرك ..زين انت أروع شئ حدث لى.. انت الحلم الذى طالما سألت الله الا أستيقظ منه أبدا
( ثم سكت عمر لمدة ثوانى ثم قال)
عمر٠٠ أكمل ولا كفايه .بصراحة طول عمرك بتعرفى تتكتبى كلام حلو .بس عمرى متخيلت انك تكونى بتكتبى لحد غيرى قوليلى عشان انا مش حمل صدمة تالتة فى حد تانى ولا أكتفيتى بزين و طارق
أروى ٠٠ ( بصراخ) عمر لحد هنا و كفاية .. مش معنى انى ساكته تبقى تتمادى فى كلامك و كل مره بتجرحنى اكتر من المره إللى قبلها و رغم كده انا كنت عذراك فى الأول أنما دلوقتى لأ ..انا مش هستحمل منك أهانات اكتر من كده خلاص
عمر ٠٠ أنا إللى خلاص مش قادر استحمل كدبك. انتى و زين لدرجدى انا كنت قليل أوى فى نظرك
( هنا توجهت لباب لكن كان مغلق لذلك قالت بصراخ )
أروى٠٠افتح الباب …افتح الباب خلينى امشى
عمر٠٠ عايزه تهربى و لا خايفه توجهى نفسك بالحقيقة اللى انتى عليها .. غادة كان عندها حق فيكى
أروى ٠٠ غادة قول كدة من الأول انا كدة فهمت احتفظت بالجواب المدة دى كلها عشان فى الاخر تقدمه ليك فى الوقت المناسب بصراحة برافو عليها و برافو كمان على العبيط إللى مصدقها
عمر ٠٠ انا فعلآ عبيط لانى كنت بحبك بس خلاص انا هدوس على قلبى بالجزمة ..ولا أنى افكر فيكى تانى
( هنا بدأت روان تطرق الباب بعد ما سمعت صراخ عمر على أروى وتقول)
روان ٠٠ عمر افتح الباب .. ايه إللى بيحصل جوه عمر
( أول ما عمر فتح الباب حاولت أروى تخرج لكن عمر أمسكها وقال )
عمر٠٠ لسه بدرى على الهروب
أروى ٠٠ اوعى سيبنى أمشى
روان ٠٠ عمر انت ماسكها كدة ليه
عمر٠٠ مش عايزه تعرفى صاحبتك على حقيقتها
أروى ٠٠صدقنى يا عمر هتندم على كل كلمة قولتها ليا هتيجى هتترجانى اسامحك .. بس ساعتها عمرى ما هسامحك
عمر٠٠ ياريت كل ده يطلع وهم.. بس للأسف ده حقيقة
أروى ٠٠ طيب خد حقيقتك أهى مبروكه عليك
(هنا رمت أروى الجواب فى وش عمر و ركضت مسرعة خارج المنزل)
روان ٠٠ عمر حرام عليك انت بتعمل معاها كده ليه. هى فيها إللى مكفيها .. بعدين فيها ايه الورقه دى. و أيه هى حقيقة إللى بتتكلموا عليها
( هنا مسكت الجواب و قرأته ثم قالت)
روان ٠٠ معقوله لسه الجواب ده موجود
عمر٠٠ هو انتى تعرفى حاجة عن الجواب ده
روان٠٠ اه .. انا كنت مع أروى و هى بتكتبه
ما السر الحقيقى وراء كتابة أروى الرسالة إلى زين
هل غادة ليها علاقه بكتبت الرسالة
ماذا سيفعل طارق عندما يعلم قضية الخلع
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الضحية)
