رواية نصف جثة مجهولة الفصل الخامس 5 بقلم عادل عبدالله
رواية نصف جثة مجهولة الجزء الخامس
رواية نصف جثة مجهولة البارت الخامس
رواية نصف جثة مجهولة الحلقة الخامسة
وحيد : اللي ليكي عندي مصاريفك لكن متسأليش منين !!
نجوي : وأنا لازم أعرف دلوقتي .
وحيد : المفروض انا اللي أسألك جبتي فلوس يومها منين ؟ ويعني ايه لما قولتيلي ياريتك كنت أتصرفت بدري شوية ؟؟ من يومها وانا الكلمة دي بترن في وداني وعايز أفهم معناها ؟؟!!!!
نجوي ” بأرتباك ” : ما أنا قولتلك قصدي ياريتك اتصرفت قبل ما العيال يناموا .
وحيد : لا يا هانم ، أنتي عيالك ناموا بعد ما أكلوا ، يعني كلمتك كان لها معني تاني .
نجوي : معني ايه ؟؟؟
وحيد : معرفش ، أنا اللي بسألك وعايز اعرف أنتي جيبتي فلوس منين ؟؟
نجوي : زي ما قولتلك كده ، ثم انت بترد السؤال بسؤال ؟؟!! انا عايزة اعرف انت جيبت فلوس منين ؟ وليه كنت متوتر في القسم ؟؟
وحيد : انتي تقصدي ايه ؟
نجوي : جاوبني يا وحيد من فضلك .
وحيد : كلامك ده مريب وفيه شئ وراه .
نجوي : متحاولش تغير الكلام وجاوبني من فضلك .
وحيد : مش هرد عليكي. .
نجوي : أنت شوفت ماما قريب ؟؟
وحيد : أمك ؟؟؟
نجوي : أيوه .
وحيد : وهشوفها ازاي وفين ؟؟ أنا اخر مرة شوفتها السنة اللي فاتت في رمضان لماكنا اناوانتي معزومين عندها .
نجوي : يعني مش روحتلها الاسبوع اللي فات ؟؟
وحيد : واروحلها ازاي من غير مااقولك !!! معقول !!! أنتي شاكة فيا أني ……
نجوي : انا بسألك ورد عليا بصراحة وأنا وأنت ستر وغطا علي بعض ياوحيد قول الصراحة أنت روحت لأمي الاسبوع اللي فات ؟؟؟
وحيد : يا بنت ال…… ، أنتي شاكة فيا اني انا قت.لتها وسر.قت فلوسها ؟!!!
ثم انقض عليها ضا.ربا وتعالت صر.خاتها وصر.خات الأطفال وتجمع الجيران وحاولوا فض الا.شتبا.ك بينهما وتهدئة الأمور ولكن نجوي أخذت اطفالها وهي تبكي وذهبت لأختها سلمي التي فوجئت بها !!!!!!!
سلمي : ايه ده ؟؟ نجوي !!! فيه ايه ادخلي ياحبيبتي .
نجوي : ابن ال….. ضر.بني وك.سر عضمي .
سلمي : وحيد جوزك ؟؟
نجوي : أيوه .
سلمي : وعمل فيكي كده ليه ؟؟
نجوي : لما واجهته .
سلمي : واجهتيه !! واجهتيه بايه؟؟
نجوي : واجهته اني بشك انه قت.ل أمك .
سلمي : يخربيت سنينك !! قولتيله كده ؟؟ كويس أنها جت ع الضر.ب ، ده كان ممكن يعمل فيكي حاجة .
نجوي : أنا عايزة أبلغ عليه يا سلمي قبل ما يهر.ب .
سلمي : أنتي بتتكلمي بجد ؟؟
نجوي : هو الكلام ده فيه هزار !! أنا بعد أذنك كنت عايزة أقعد معاكي يومين علي ما أشوف شقة أقعد فيها ما أنتي عارفة أني مليش غيرك وغير امي .
سلمي : بيتك ومطرحك من غير ما تستأذني يا حبيبتي ، وتشوفي شقة تانية ليه وبيت أختك موجود !!
نجوي : ربنا يخليكي يا سلمي وبكره الصبح هروح للظابط اللي كنا عنده النهاردة وأبلغ عن وحيد .
سلمي : مش هتروحي لوحدك أنا هروح معاكي لأن أنا كمان شاكة في الحاج رشوان صاحب البيت وابنه بعد المشكلة اللي حصلت بينهم وبين أمك .
نجوي : تفتكري ممكن يعملوا فيها حاجة ؟؟
سلمي : وليه لأ ؟ ابنه طارق هدد امك بعد ما رجعوا من القسم لما عملتلهم محضر .
في اليوم التالي ذهبتا نجوي وسلمي الي الضابط معتز وطلبتا مقابلته .
الضابط : خير !! فيه حاجة جديدة بخصوص والدتكم ؟؟؟
نجوي : يا فندم أنا جاية أقدم بلاغ في جوزي أني شاكة أنه يكون قت.ل أمي .
الضابط : جوزك ؟؟!
نجوي : أيوه يا فندم أنا واجهته ولما معرفش يرد عليا ضربني علشان كده أنا أتأكدت ان هو اللي عمل في أمي كده .
الضابط : أولا أحنا لسه مش اتأكدنا الي الان أنها والدتك أو لأ علشان نتهم حد بالتهمة دي ، أنما لو أتأكدنا أنها والدتك هنخلي بلاغك ده بشكل رسمي وساعتها هنوجه الاتهام له واذا كان الجاني اكيد هياخد عقابه .
نجوي : نتيجة التحليل هتبان أمتي يا فندم ؟؟
الضابط : المفروض انها بتأخد وقت لكن علشان خطورة القضية اللي معانا أرسلنا طلب استعجال وفي خلال ساعات أو أيام بالكتير هتكون عندنا نتيجة التحليل ونحدد اذا كانت الجث.ة تخص والدتك او لأ .
سلمي : وأنا كمان شاكة في الحاج رشوان صاحب البيت وابنه طارق لأن حصلت بينهم وبين أمي مشكلة كبيرة وصلت ان أمي عملتلهم محضر في القسم !!
الضابط : بردو مش هنقدر نعمل اي حاجة قبل نتيجة التحاليل ونتأكد أنها والدتك وساعتها هترجعوا هنا تقدموا بلاغات رسمية ووقتها هنحقق معاهم كلهم لغاية ما نوصل للجاني الحقيقي .
خرجت سلمي ونجوي من عند الضابط وقالت لها : بت يا نجوي أنا كل ما أفكر أن أمك ممكن يكون حصلها كده أعصابي بتسيب وقلبي بيوجعني .
نجوي : وانا كمان يا سلمي .
سلمي : طيب ما تيجي نسافر لخالك ونشوف أمك هناك ولا لأ ، ولو لقيناها هناك نبقي أطمنا بدل القلق اللي هيمو.تنا ده !!!
نجوي : المشوار بعيد لكن أنا كمان همو.ت من القلق !! يلا بينا نسافر دلوقتي .
********
يلتفت أنور الي هاتفه فيجد اسم اخيه عمار علي شاشته……..
أنور : صباح الخير .
عمار : أنا عايزك يا أنور في موضوع مهم أوي .
أنور : مالك يا عمار حصل أيه ؟؟
عمار : مراتي اتصلت بيا دلوقتي وبتقولي أن جالي عسكري من القسم وطالبني أروح القسم بكره !!! قولت اتصل بيك علشان انت محامي وتقولي أعمل ايه .
أنور : أنت كمان ؟؟!! وأكيد طالبينك في القسم اللي ساكنة عنده أمك ؟؟
عمار : أيوه وعرفت أزاي ؟؟
أنور : أخوك عاطف لسه مكلمني قبلك وحصل معاه نفس اللي حصل معاك وطالبينه بردو هناك ، وبردو كان باين علي صوته القلق والتوتر زيك كده !!
عمار : أيييه !!! ده معني كده أنهم طالبنا بخصوص حاجة تخص أمنا .
أنور : ممكن فعلا .
عمار : ربنا يستر ، أنا حاسس أن امك حصلها حاجة !!!
أنور : وأنا كمان عندي نفس الأحساس .
عمار : طيب وأنت طلبوك في القسم زينا ولا لأ ؟؟
أنور : لسه ، لكن أكيد هيوصلني طلب الحضور دلوقتي .
عمار : تفتكر تكون أمك حصلها حاجة ؟؟؟
أنور : مش عارف .
عمار : أنت مالك متماسك كده ومش خايف ولا قلقان ؟!!
أنور : وهخاف وأقلق من ايه ؟؟
عمار : اه صحيح ما أنت متعود علي السجون والمحاكم بحكم شغلك ، لكن علي الأقل يا أخي تقلق وتخاف علي أمك ليكون حصلها حاجة !!!
أنور : أنا قولتلك قبل كده أني أعتبرتها ماتت من زمان .
عمار : ياااه !! أنت قلبك قا.سي أوي !!!
أنور : المهم دلوقتي أنت ناوي تعمل ايه ؟؟
عمار : أكيد لازم أروح بكره لكن عايزك تكون معايا .
أنور : أكيد هيجيلي طلب حضور أنا كمان وانا كده او كده هروح بكره معاك أنت وعاطف .للكاتب ألف قصة وقصة
عمار : يبقي نتقابل الصبح ونروح مع بعض .
أنور : تمام .
صباح اليوم التالي
وقف الأخوة الثلاثة أمام الضابط معتز الذي أستهل حديثه بسؤالهم : ممكن أعرف اخر واحد فيكم كلم والدتكم او شافها مين فيكم و أمتي تحديدا ؟؟
أنور : خير يا فندم ممكن أعرف فيه ايه ؟؟
الضابط : هتعرفوا كل حاجة لكن جاوبوني الاول مين اخر حد كلمها او شافها وأمتي بالظبط ؟؟
عمار : أنا يا فندم أخر واحد شوفتها والكلام ده من أكتر من عشرين يوم .
الضابط : أكتر من عشرين يوم متعرفوش حاجة عن امكم ؟؟ غريبة دي !!! والاساتذة أنور و عاطف اخر مرة شوفتوها او كلمتوها كان أمتي ؟؟
أنور : من حوالي ٣ شهور .
الضابط : ٣ شهور !!! مش غريبة دي يا اساتذة ؟؟
أنور : يا فندم سيادتك اكيد عارف أنها كانت بتتسول رغم أنها مش محتاجة واحنا حاولنا نمنعها كتير وطلبنا منها كتير تعيش معانا لكن رفضت ومقدرناش نمنعها عن التسول وأخر ما زهقنا بعدنا عنها .
الضابط : وانت يا دكتور عمار لما شوفتها من عشرين يوم شوفتها فين وحصل ايه بالظبط ؟؟
عمار : فيه ايه يا فندم ؟؟ انا أمي حصلها حاجة ؟؟؟
الضابط : انا هكلمكم بصراحة أحنا أكتشفنا نص جث.ة وللأسف الرأس مش موجودة ولذلك مش قادرين نحدد شخصية المجني عليها !! وحاليا بحثنا حول السيدات كبار السن المتغيبات ومنهم والدتكم .
عمار : اااااااامي !!!!
الضابط : أهدا يا دكتور لغاية دلوقتي أحنا مش متأكدين أذا كانت والدتك او لأ لأن فيه اكتر من ست كبيرة مختفية الفترة دي علشان كده بناخد عينات من ذوي المختفيين وبنعمل تحليل DNA علشان نحدد شخصية المجني عليها .
عاطف : سيادتك تقصد انكم هتاخدوا عينات منا ويتعمل تحليل علشان تعرفوا اذا كانت والدتنا او لأ ؟؟
الضابط : بالظبط كده يا بشمهندس .
أنور : ولازم العينات تكون مننا كلنا بيتهيألي كفاية عينة واحدة من اي واحد فينا !!للكاتب عادل عبد الله
الضابط : ممكن فعلا تكون كفاية عينة واحدة من اي واحد فيكم لكن لو أخدنا العينات منكم انتم التلاتة ده ممكن يعجل في الحصول علي النتيجة خصوصا اننا عايزين نحدد شخصيتها بمنتهي السرعة .
ذهب الأخوة الثلاثة الي المستشفي لأخذ عينات التحليل منهم ، وفي الطريق كان يظهر علي عمار التوتر والقلق بوضوح فقال له عاطف : مالك يا عمار امسك نفسك شوية انت واضح عليك القلق والتوتر أوي .
عمار : أنا خايف أوي تكون أمي !!!
عاطف : ان شاء الله مش هتكون هي ، وبعدين حتي لو كانت هي فعلا يا اخي أمك مش صغيرة وكده كده مسيرها تمو.ت .
عمار : لما تمو.ت بصورة طبيعية دي حاجة ولما تمو.ت بشكل بشع كده حاجة تانية !!! مقدرش أتخيل ان أمي يحصلها كده !!
أنور : المو.ت هو نفسه المو.ت بأي طريقة وبأي شكل ، في النهاية النتيجة واحدة وهي الفراق .
عمار : يعني مش هتزعل عليها بجد يا أنور .
أنور : أيوه أيوه هزعل .
عمار : وانت يا عاطف مش هتزعل علي أمنا لو عرفت أنها حصلها كده ؟؟
عاطف : أيوه هزعل لكن دي سنة الحياة ، كلنا هنمو.ت .
وبعد أخذ عينات من الأخوة الثلاثة…
#رواية_نصف_جثة_مجهولة_للكاتب_عادل_عبد_الله
قال أنور : أظن بالنسبالي أنا كده خلاص مش محتاجين وجودي تاني .
عمار : ليه بتقول كده ؟؟
أنور : أصل أنا مسافر بكره .
عمار : مسافر فين ؟
أنور : مسافر فرنسا .
عمار : فرنسا !!! ليه ؟
أنور : شغل ، مسافر شغل يا عمار .
عمار : وايه علاقة فرنسا بشغلك ؟؟
أنور : هو تحقيق ولا ايه ؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية نصف جثة مجهولة)
