رواية احلام في عيون وقحه الفصل السادس والعشرون 26 بقلم منة محمد
رواية احلام في عيون وقحه الجزء السادس والعشرون
رواية احلام في عيون وقحه البارت السادس والعشرون
رواية احلام في عيون وقحه الحلقة السادسة والعشرون
بعد الدفنه وواجب العزاء سراج قعد بين الاخين يوصيهم ع بعض وان انور يهتم جدا بمروان واحلام زي ما كانت سلوي بتهتم ومروان طمنه ان انور بيحبه كتير وسراج اطمن ودعلهم يعيشوا دايما متكاتفين مع بعض ووعدهم هيجلهم مره تانيه لكن في نفس البيت في حته تانيه فيه الي بتحرض وترسم وتخطط
مايا اتأفأفت بملل : امهم ماتت من يومين لكن العويل مش بيقف شكلهم كده عايزين يفتكروها طول الحياة انا اتخنقت
اسيا: انتي ليه منفعله انتي تعبانه هتتعبي نفسك زياده هي امهم طبيعي يعيطوا والعالم كلهم كده فكري في نفسك وحالك وبس
مايا: معاكي حق
سناء دخلت مكشره وفي ايدها صنيه بفنجان قهوه
مايا بصتلها بحده وقالت بشخط: سنه عشان تجيبي فنجان قهوه طالبته من امتي وجايه دلوقت كنتي فين
سناء: الخدمه كتير والناس كل شويه جاين عشان كدا اتأخرت
مايا: مفيش داعي تخدمي ع الناس انا الاهم واسمعيني كويس اوي انتي بتاخدي مرتبك عشان تخدميني انا مش الناس حطيها وغوري
اسيا: مايا مش عاجبني اسلوب الست دي اطرديها حالا
مايا: هطردها رغم بتشتغل كويس جدا وهدوخ عبال ما القي واحده تشوف شغل البيت
اسيا: زي ما تحبي لكن حسيت بالخوف من نظراتها ويمكن بتوهم
مايا: هو انتي هتخوفيني من حته خدامه اول ما القي غيرها هطردها وهجيب طقم كامل بـ يونيفورم بعد ما يمشوا مروان واحلام انا قررت ده
اسيا: وهو جوزك وافق
مايا قامت واخدت الفنجان وهي بتفكر في خطه ازاي تقدر تقنع انور يطردهم
……………..قصص منه محمد كاتب………………..
ع السفره
مروان بص في ساعته : سناء يله اتأخرت جدا ع الشغل
سناء طالعه من المطبخ ومعاها صنيه ماليانه خيرات
مروان : تعالي مستنيكي ربع ساعه
سناء: الفطار ده مش ليك رايح لسيدي انور والست مايا فطارك بتحضره الست احلام
مروان: اوكيه تمام امشي
مايا بصوت عالي: سناء هاتي الفطار يله بسرعه
سناء وهي بتمد بخطواتها: حالا ياهانم
مايا بعصبيه: مش معقول سنه بتحضري الفطار بقيتي مش معقوله بتتأخري في كل طلب ولا بتعملي فطار لاحلام واياك تكدبي
سناء: لاء احلفلك هي بتحضر فطارهم بنفسها حتي بعد ما عملت الشاي
مايا: تحمد ربنا انها لاقيه حاجه تعمل عليها الاكل كل الراحه والرفاهيه متوفره في البيت وانتي اياك تتعاطفي كتير مع احلام بقالي يومين شيفاكي بتلفي حواليها وانا بكره جدا الخيانه ففكري ويله امشي اندهي انور
سناء من الربكه طالعه بالصنيه للخارج: حاضر
مايا: يا مدام ليه جايه هنا حطي الفطار وامشي
سناء بربكه حطت الصنيه وطلعت للخارج وراحت لـ انور الي بيتكلم في الموبيل
سناء انتظرته لحد ما قفل وقالت: سي انور الفطار جاهز
انور بهدوء: انا جاي بلغي مروان واحلام
سناء: فطروا وست مايا اخدت الفطار لغرفه نومكم
انور ضم حواجبه بتعجب: فطروا بالسرعه دي ع العموم اوكيه انا جاي
مايا دخلت وقالت: اظن كده لازم تصدق انهم بيخلقوا مسافه انت اخوه الكبير ومع ذلك مش قادر يستناك الحبيب والحبيبه بيفطروا سوي
انور بضيق: هتكلم مع مروان سبيني اسأله ليه بيعمل كل ده في وجود ماما مستحيل كنت حتي اتخيله كانت بتبقي سعيده وهي شيفانا كلنا سوي
مايا: انتهي زمن ماما افهم مروان بيفطر بدري عشان يروح الشركه قبلك ويثيت انه مسؤل اكتر منك افتكر كلامي لما في يوم ياخد شغلك ومكانك ويحطك ع جنب
…………………..
علي السفره
احلام طلعت بالفطار وهي بتقول: اسفه مكنش فيه غاز فوق كدا مكنش فيه عين فاضيه عشان كدا اتأخرت
مروان بص للاطباق وقال: هو فين الفطار جبنه بس فين الحلاوه الطحينيه والمربي
احلام: اصل السكريات مضره بالصحه ولازم نقلل منها
مروان ابتسم: كلامك مظبوط لكن ياتري الفرخه بطلت تبيض بيض
احلام ببتسامه شاحبه: البيض خلص ونسيت اقولك سوري
مروان: تمام مفيش مشكله يله انا رايح الشغل
احلام وصلته لحد الباب ورجعت دخلت غرفه سلوي نفس كل يوم
سناء وهي بتلمع الموبيليا : كل بهجه البيت راحت مع الحجا سلوي اوقات بحس بالخنقه وبصراحه مبقتش عايزه اجي البيت هنا
احلام اتنهدت وهي ماسكه سبحه سلوي وقالت: معاكي حق البيت كان حلو بماما
سناء: سيبوا البيت ده قصدي خدلكم مكان تاني
احلام لفت وبصتلها : ليه بتقولي كده هو فيه حد قالك حاجه؟!
سناء اتوترت وخافت ع لقمه عيشها وقالت: لاء لاء محدش قال ولا عاد قلت كدا من نفسي يمكن تمشوا وده احسن لان الحجا مكنتش بتحب البيت ولا انتي كمان
احلام : سناء الليله الي اتدهورت صحه ماما كنتي معاها هنا مش كده ايه الي حصل في الليله دي
سناء : انا نزلت المطبخ اجيب ازازه ميه معدنيه وغبت شويه وقلت اشطبه بالمره
احلام : طيب حد دخل بعد نزولك ابيه انور مثلا او حد تاني
سناء : ايوه
احلام بتحمسها: قولي مين يا سناء الي جه
مايا وقفت ع عتبه الباب وكتفت ايدها وبصتلها بنظرة قوويه
سناء بلعت ريقها: الست مايا
احلام بتعجب: ايه مايا
سناء شاورت عليها بخوف واحلام لفت وبصتلها
مايا دخلت وبأمر: سناء اخرجي هتكلم معاكي بعدين
سناء : حاضر
مايا اتحركت بكبر وأأعدت ع أقرب كرسي قابلها : عايزه افهم ليه كل شويه داخله اوضه حماتي ايه الي بتدوري عليه كنز متخبي ولا اوراق ملكيه مش هتلاقي حاجه هنا بتضيعي وقتك ع الفاضي حماتي مخبتش حاجه فكرت زيك وقلت زمانها سايبه كتير لكن
احلام: لخصي عايزه مني ايه؟!
مايا بأبتسامه: ولا حاجه جيت اقولك ان اكلنا هيفصل من اول بكره
احلام: هنعمل اكل منفصل في بيت واحد عددنا كام بعد ماما
مايا: عندك حق بس يا روحي لو فرد واحد ملوش منفعه هيبقي عبئ وانتم كام(عدت) اه اتنين كان المفروض تمشوا بعد وفاه الحجا لكن محصلش فاشتري خزينك لمطبخك وماتخديش حاجاتي (غمزتها وخرجت
احلام مسكت صوره سلوي وكلمتها الحل ايه والخلاص ازاي
………..قصص منه محمد كاتب………..
في الشركه وتحديدآآ غرفه مكتب انور بعد ما وصل وشاف مروان جامع الموظفين وبيتكلموا في صفقه جديده والموظفين مبهورين بشغله وكلامه هنا حس ان كلام مايا سليم وان مروان عايز يعيش صاحب المكان فقرر يحط النقط ع الحروف وطلب مروان في مكتبه
مروان دخل عليه وقعد بسعاده: انور اطمن انا وصلت الطلبات وبئت اشتغل علي واحده جديده وشوف المره دي هكملها في اسرع وقت وكل تفاصيل المبالغ هتـ
انور قطعه: هشوفها بنفسي مفيش داعي تشغل نفسك زياده عن اللازم , وياريت متاخدش قرار بنفسك مره تانيه هيخلق انطبع خطاء عند موظفين الشركه
مروان: اي انطباع غلط مش فاهم
انور بصوت غليظ وهو ييبصله بطرف عين: الكلام واضح لو اشتغلت ع كل المشاريع فين هنا قيمتي نفذ كلامي وبلاش ترأس اي اجتماع مره تانيه انا هكمل
مروان: انور انت فاهمني غلط انت صاحب الشركه وتقدر تراس كل اجتماع ليه اعمل كده
انور رفع عينه وبصله: الطريقه الي بتجمع الموظفين كلهم في مكتبك بتقول انك الريس مش انا ،واعتقد انت اتحملت عبئ اكتر من الازم ويستحسن تعمل الي بكلفك بس بيه اوكيه انتهي كلامي تقدر تخرج
مروان بقهر : تمام
…………………
في المطبخ
مايا: كنتي بتقولي ايه لاحلام مين بقي دخل اوضه سلوي مين راح انور ولا انا
سناء بخوف من الضياع والتشرد في الشوارع: وانا هعرف منين انا مكنتش موجوده كنت تحت في المطبخ
مايا: كنتي هناك والا ازاي صرختي لما هي حالتها سائت متكدبيش حاسه بتغيرك من وقت طويل وده السبب امشي من هنا واياك توريني هيئتك مره تانيه
سناء: متقطعيش عيشي انا بربي يتامي ارحمينا
مايا قلدتها بسخريه جاحده: انا بربي يتامي ارحمينا ( صرخت) مسمعتيش الي قلته خدي بعضك وامشي حالا من هنا يله غوري واحمدي ربنا اني قلت لك بس تمشي والا كنت هعاقبك اشد عقاب تفتكريه طول حياتك امشي
سناء: انتي لايمكن ترحمي حد, كنتي عارفه حاله الست سلوي ومرحمتهاش انا هقول للكل انك في الليله
مايا جرتها بأيدين قاسيه ووقعتها على الأرض بصتلها بنظرة قاتله من فوق لتحت وبتهديد: مش هتقولي ولا كلمه متغلطيش, لو فتحتي بؤك بكلمه قدام عايلتي هتهمك بالسرقه وتتسجني مدي الحياه وعمرك كله هيخلص بين القضبان وعيالك هيتشردوا ابعدي عني احسن لك امشي غوري
سناء قامت من ع الارض وخرجت من البيت بكل أستسلام
مايا ضحكت: غبيه مفكره ممكن تورطني
………….قصص منه محمد كاتب………………..
مروان رجع معاه اكياس كتير وهو بينادي: احلام يا احلام :جبت الحاجات
احلام جبت كل الطلبات الي كتبتها
مروان :انتي طالبه حاجات تافهه سبتهم واشتريت الحاجات المهمة واظن قلتي ينفسك السكريات مضره بالصحه عشان كدا جبت المهم
احلام : ماشي زي ما تحب غير هدومك ع ما احضر العشي
مروان: لاء مش جعان
احلام: ليه هو انت اكلت في المكتب
مروان بشويه عصبيه: ليه بتستجوبيني قلت مش هاكل يبقي مش هاكل
احلام بصتله واستغربت من عصبيته وقعدت تشوف الحاجات الضئيله جدًا
مايا قربت عليها وقالت مبتسمه: قاعده فاضيه اكتبي لسته باكلك واضح دول مش هيكفوكي
لـ اخر الاسبوع وهتحتاجي فوقهم وانا هحط قفل ع تلاجتي من بكره
احلام قامت بنفعال: بلاش قله ادب ومفيش داعي تقفلها كفايه قولتيها في وشي, وانتي عارفه انا مش طماعه عشان اخد اكلك( سابتها ومشت)
مايا رفعت كتافها في منتهي البرود وقالت: غريبه ليه اضايقت
……………………..
احلام دخلت المطبخ وحضرت سندوتشات خفيفه وكوبايه شاي وحطتهم في صنيه وطلعت الجنينه لمروان
احلام قربت عليه: مروان عشان خاطري كل لقمه
مروان بصلها :عارفه انتي ايه عندي
احلام: ايه
مروان انتي نعمه كبيره من ربنا وانا محظوظ اني اتجوزتك كان نفسي في كوبايه شاي
احلام ابتسمت : وانا كنت هجبهالك من بدري بس كنت مستنه مزاجك يتحسن
مروان بصوت مليان حزن: بدئت اتعصب عليكي من غير سبب اعذريني حبيبتي انا مضايق من نفسي ومكسوف للمعامله معرفش ايه الي بيحصلي
احلام طبطبت ع ايده : وانا مستحيل ازعل من كلامك, لكن بزعل لما بشوفك مضايق وزعلان بتألم اكتر وانت حتي بترفض تقولي وتشاركني ليه زعلان ارجوك اتكلم معايا
مروان : هقولك لان الامر مش هيستخبي كتير بكره ولا بعده مسيرك هتعرفي وضع جوزك الحقيقي الطلبات الي كتبتيها في الورقه ليه مجبتهاش ومكنتش تافهه زي ما قولت لك بصراحه مكنش معايا فلوس اشتريها فلوسي كلها خلصت
احلام بأستغراب : الفلوس خلصت قصدك مرتبك خلصته كله يعني
مروان : انا من يوم ما اشتغلت ماخدتش مرتب من انور , وكنتي صح لما عنفتيني ماسبش وظيفتي كنت غلطان و بدون تفكير سيبت وظيفه كويسه وعمري ما كنت متخيل يجي يوم زي ده ونعاني انا وانتي بسبب الاكل مش فاهم حاجه انا بجد قلقان
احلام : خلاص متقلقش وتشيل الهم انا معايا فلوس وان شاء الله بفضله بكره الصبح هنزل اشتري شويه خزين شهرين قدام
مروان : وبعد ما يخلص الي معاكي خلينا منطقين الحياة مش هتمشي كده لازم نفكر في حل تاني
احلام : قولي حل ايه
مروان بعد صمت دقايق قال: مضطر انزل ادور ع وظيفه تانيه
احلام : بس لو عملت كده ابيه انور هيزعل بلاش تتسرع وتاخد القرار
مروان : امال عايزاني اعمل يه انزل انا وانتي نشحت , وبعدين هو انا هسيبه بمزاجي انا عاجز يا احلام عاجز
احلام : يمكن ابيه هو كمان عاجز والشركه مش بتكسب عشان كدا اجل مرتبك ولا يمكن عنده مشاكل ماليه اساله لانك لو سبته كده هيضايق
مروان : هو معندوش اي مشاكل الشركه ماشيه زي الفل وبتكسب فلوس حلوه اوي والموظفين كلهم قبضوا الا انا ومش عارف ليه التعسف ده؟!
احلام : اكيد نيته مش وحشه مستحيل يفكر في حاجه تضرك يله حبيبي قوم نام هتتاخر بكره ع شغلك وهنلاقي حل للمشكله وانا تقريبا عندي الحل
مروان عقد حواجبه بحيرة : ايه هو
احلام : هرجع للمدرسه لحد ما يبان وضع شغلك وبكده نشيل القفه سوي
مروان ضمها لصدره بحنان : هو انا حبيتك من شويه
احلام بصتله وضربت كتفه بخفة : حبتني بس
مروان باس جبينها بحب وقال: انا بعشقك يا لولو انتي زي الشمعه لو ضلمت كل حاجه جوايا تيجي انتي تنوريها
…………..قصص منه محمد كاتب…………
اسيا بحقد : دلوقت بس اتاكدت ان الحلام مش بتحب مايا سابتها وراحت تشتغل مدرسه مره تانيه زي ما يكون بتتخلص من المسؤليات
سراج بهدوء : اكيد فيه سبب يخليها تطلع تشتغل والمفروض نسألها ايه مشكلتها
اسيا : عارفه مشكلتها هي رجعت تاني عشان بنتي مترتحش الحكايه واضحه بنت اختك بتحسد بنتي عشان مش بتخلف
سراج اتك ع اسنانه: انتي اتجننتي في عقلك سامعه كلامك الي بتقوليه ع احلام بنتك
اسيا بعصبيه: لو كانت بنتي تبقي اخت مايا لكن هي بتغير وتحسد مايا لانها جميله ومرغوبه دايما واهلها معاها وهي حظها فقر ويتيمه وبختها قليل في العرسان لكن كتير اتقدموا لمايا الشبان كلها اختارت بنتي وهي محدش عبرها وشوف دلوقت بنتي بتحكم في بيتها وبنت اختك نحس من يوم ولادتها
سراج بغضب اسود : وقفي تخاريف ونضفي قلبك الاسود من كل السم الي جواكي لاحلام بصي للمسكينه بتهتم بيكي وبنتك وزياده
احلام دخلت: السلامو عليكم
سراج بترحاب: وعليكم السلام تعالي يا بنتي عامله ايه
احلام : الحمد لله ازيك يامراه خالي الباب كان مفتوح انتبهوا افرض حد غريب دخل
سراج: نسيت اقفله بعد ما دخلت جايه ليه فجاه فيه حاجه
احلام : لاء خالص
اسيا بصتلها وهي مكشره: رجعتي الشغل تاني
احلام : ايوه رجعت
اسيا : مفكرتيش حتي لو مايا احتاجات حاجه الايام دي مين يهتم بيها هي مش متعوده ع شغل البيت
سراج بضيق: خليها تتعود ليه ترمي حملها ع غيرها امتي هتتعلم تهتم بنفسها
اسيا بنتي مش حمل ولا عبئ دي تقدر تشغل طقم كامل من الخدم وانا طلبت منها هي تعتني ييها مش كفايه بنتي مستحمله عبئهم وعطتهم بيت ولا في الخيال ومتعه بالمجان وهي مش عايزه تهتم بيها
سكتت احلام وشفايفها بدت تهتز من مراره خنقت صدرها ورفعت عيونها للسقف وهي تستغفر
سراج بنرفزه شديده: اسكتي ولا كلمه, احلام مش خدامه عند بنتك ليه بتعيريها, مروان وانور اخوات ومروان شايل الشغل كله
احلام قامت بسرعه: خلاص متخانقوش بسببي انا جيت اطمن عليكم همشي ياخالي
سراج: استني اتغدي الاول معايا والا هزعل
احلام حابسه دموعها : لاء انا مش جعانه صدقني اهتم بنفسك
سراج ملامحه كلها عصبية ع اسيا وقال: ماشي يابنتي
احلام بصت لاسيا وقالت: مايا مش هتلاقي مشكله بسبب شغلي ههتم بيها صدقيني سلامو عليكم ياخالي وانتي كمان يامراه خالي
اسيا بكل حقد وغضب همست : متشوفي الخير يابعيده
احلام نزلت عيونها بكل أنكسار وذل واتحركت بخطوات يائسه من المكان, و طلعت بره في الشارع وانفجرت في العياط وبعد ما نسبيا ارتاحت مسحت دموعها بسرعة وبتلف فجأه شافته قدامها
سلطان عاقد حواجبه: احلام مالك
احلام بذهول: انت
سلطان :ليه بتعيطي
احلام بشخط: وانت مالك قولي جيت هنا ليه
سلطان بهدوء: انا جيت اقابل مايا
احلام: مايا مش هنا
سلطان هز دماغه: عارف انها مش هنا عشان اتجوزت, لكن انتي ممكن تساعديني عايز رقمها بس وهكلمها بنفسي تلفونها مقفول
احلام بصتله بقرف: ايه الطلب الغريب والوقح ده ,يعني عارف انها اتجوزت وسعيده جدا في حياتها ومع جوزها لانه راجل محترم
سلطان : افهميني
احلام : افهم انت مايا مش عايزه تشوف وشك يستحسن متظهرش قدامها
سلطان بصلها وهي ماشيه ورفع حاجبه ومقرر هيوصل لمايا وينفذ الي في دماغه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احلام في عيون وقحه)
