رواية احلام في عيون وقحه الفصل الرابع والعشرون 24 بقلم منة محمد
رواية احلام في عيون وقحه الجزء الرابع والعشرون
رواية احلام في عيون وقحه البارت الرابع والعشرون
رواية احلام في عيون وقحه الحلقة الرابعة والعشرون
في المستشفي احلام واقفه قدام غرفه العنايه غمضت عيونها وإنسابت دمعتها ع خدها وهي بتفتكر كل اللحظات الحلوه مع سلوي هي انسانه حنينه لابعد حد قدرت تعوضها حنان الام الي اتحرمت منه من طفولتها وحقيقي هي من غيرها ولا حاجه راحت قعدت ع الكراسي ومسحت دموعها
مروان راح جنبها ومسك ايدها: ارجعي البيت استريحي انا هنا مع ماما
احلام شهقت برفض: انا لحد ما تقوم ماما من شدتها مش منقوله من هنا معقول اسيبها هنا وامشي استريح بس الي محيرني ليه قامت من نومها بالليل كده , وحصل ايه عشان حالتها تسوء بالشكل ده
سراج داخل بيجري عليهم: فيه ايه ياولاد طمنوني
مروان قام: اهلا يا عمي
سراج: اهلا يابني طمني والدتك عامله ايه؟!
مروان اتنهد بحزن: لسه في غيبوبه
سراج لاحلام: وانتي ليه بتعيطي هتبقي زي الفل بأذن الله
احلام ضمته: يارب ياخالي
سراج: ده انا قريت مسج مروان بعد صلاه الضحي لو كنت اعرف من بالليل كنت جيت_لف حواليه_ الله امال فين انور ومايا؟!
مروان واحلام بصوا لبعض وسكتوا
اسيا نطقت بسرعه: اه فهمت هما جوا مع الحجا عشان كدا تلفونها مقفول
مروان: هما روحوا من ليله امبارح وسابونا
احلام تلطف اللامر لوضع خالها وقالت: هما كانوا عايزين يقعدوا احنا الي قلنالهم يمشوا لان قعدهم من غير فايده بس زمانهم جايين
مروان: ماما كمان لسه مرجعتش لوعيها اتفضل ممكن تشوفها
سراج بضيق: يله يابني
……………..قصص منه محمد كاتب………..
في المطبخ
مايا بنرفزه: لسه لحد دلوقت الفطار مخلصش من امتي وانا قايللك
سناء بخوف: خلاص هجيبه
انور دخل بنزعاج: مايا ليه مصحتنيش اتاخرت جدا, كان المفروض ابقي من بدري في المستشفي
مايا بصتله وقالت بسخريه:ايه الي جري هي المستشفي هطير من مكانها , لما تروح هتلاقيها متتوترنيش زياده لو سمحت
انور: اتمني تكون فاقت بس ياريت تستعجلي شويه عشان نتحرك اه بعتي فطار لمروان واحلام
مايا نفخت بملل: انا لسه صاحيه من النوم من امبارح منمتش ازاي ابعت فطار وبعدين المستشفي بتقدم وجبات اكيد فطروا انت ليه مهتم بالكل روح اطمن عليها هي وخلاص
انور: تمام هو انتي مش جايه معايا
مايا: لاء انا بخاف من جو المستشفيات وبتعب بسبب المرواح والمجي دماغي بتوجعني كتير انا هنام
انور بضيق: مايا مينفعش
مايا: لاء ينفع يله عشان تفطر وتلحق تمشي
………….قصص منه محمد كاتب…………..
في المستشفي
سراج بقهره: شايفه عمايل بنتك مجاتش لحد دلوقت واحنا داخلين ع العصر وانور كمان مجاش وجايز تكون حرضته ميجيش
اسيا: انت يا مشطرك ما يمكن عندها صداع عشان كدا مجاتش
سراج : كل كلامك اعذار وحجج فارغه, وقفي دفاع عنها وعلميها الواجب و الاصول وازي تتعامل مع الناس المحترمه عيب لازم تحترم ام جوزها وتقدر الي اكبر منها
اسيا: منا بعلمها
سراج وقف: ها يا مروان قالك ايه الدكتور
مروان نزلت دموعه: امي مش بخير الدكتور قالي نسبه شفائها ضئيله جدا لان قلبها تعب مع الوقت
سراج : امسك نفسك يابني ربنا قادر يشفيها
مروان برجاء: ادعلها يا عمي تسترد وعيها وترجع للدنيا
سراج طبطب ع كتفه : ان شاء الله
اسيا :هتتحسن متقلقش
سراج: اتصل باخوك بلغه
مروان وهو ماشي بعجاله: اه بس هتكلم تاني مع الدكتور
سراج بصلها بغضب :شايفه حالتها وكلهم موجوين حتي جوز بنتها واقف معاهم في الشده وبنتك للاسف
……………
بعد ايام في بيت سراج
مايا بغضب جهوري: حماتي,حماتي,حماتي, الست دي خلتني اطلع عن شعوري لما كانت في البيت قرفاني ودلوقت مرميه هناك مريضه لكن مش عايزه تخف وبنصرف فلوس اللوفات لكن محدش مهتم
اسيا بتحريض : قولي لجوزك مايصرفش فلوس كتير, ده كسبهم غربه , ولما يحافظ ع القرش النهارده بكره ينفعه
مايا بكل قسوه: انا بفكر في كده مروان مش بيشتغل وجوزي متحمل العبئ كله , شوفتي فاتوره المستشفي مروان دخلها مستشفي خاص غاليه جدا من غير ما يطلع من جيوبه الاتنين وشوفي امه ست كبيره في السن لحد امتي هتتحسن
سراج بنفعال وهو داخل: انتي قليله الادب وحقيره , ومش بتتكسفي ازاي تتكلمي عن امهم بالشكل ده , ده انا قلت هتخلي عندك شويه دم وتبقي انسانه لكن لاء هتفضلي حيوانه زي مانتي وانا كنت غلطان لما قلت هتعرفي قيمتها وتصوني معروفها لما خلتك جزء من عايلتها لكن انتي نمروده جاحده وقليله الاصل
مايا بعين قويه: انت بتتكلم كئن انور واهله عملوا فيا معروف بالجوازه دي, والمفروض ابوس ايدهم طول العمر سوري مقدرش
سراج بقرف:بلاش تبوسي ايديهم ع الاقل اشكريهم , بس ده صعب تعمليه ,وانا مرعوب لا في يوم تبقي سبب في اهانه الناس المحترمه دي
اسيا : خلاص يا سراج اظن عارف طبع مايا بتقول الي هي عيزاه ,بعدين هي قالت حاجه قدامهم انسي الموضوع
سراج بقهر: بعد كلامك المفروض ارد اقولك ايه , ولا حاجه انا كنت جاي ابلغك ان احلام اتصلت وامها رجعت لوعيها وهي بخير والحمد لله
……………………..
احلام ماسكه ايدها بسعاده: ماما يله خفي بسرعه وارجعي بيتك
سلوي: بيتي , حقكم عليا ياولادي قلقتكم
انور: بتقولي ايه بس يا ماما خفي بسرعه ومش عايز حاجه تانيه غير سلامتك ومفيش عندنا اهم منك
مروان ابتسم وقال: شايفه اخويا مهتم بيكي كتير يابختنا عندنا ام زيك ,كلنا بنحبك يا ماما
مايا دخلت بوش خشب: مساء الخير
احلام: اهلا
مايا: ايه الي حصل ليه واقفين حواليها كأنكم مش حاسين انها تعبانه سبوها تستريح ولا عايزنها تتعب تاني مايله اخرجوا
انور: يله ياجماعه
احلام بتتحرك خارجه سلوي مسكت ايدها بمعني خليكي معايا , ومايا الحقد والغضب شعللها وخرجت
سلوي شالت القناع: اسمعيني كويس مايا انانيه وخبيثه ومكاره اكتر ما تتخيلي هتاخد انور مننا وجايز اخدته خلاص
احلام: ممكن متعيطيش خليكي هاديه وكل الامور هتتصلح
سلوي: العايله هتدمر انا شايفه كده صدقيني مايا هتدمر كل حاجه
احلام غمضت عيونها بألم وحابسه دموعها…اللحظه دي عنفت نفسها و اتمنت ألف مره إنها ماكانتش عملت الي عملته وقالت: حطي القناع
الممرضه دخلت: لا ممنوع الكلام الكتير لازم تستريحي لو عايزه تخرجي من هنا وتروحي لبيتك بدري
احلام طبطبت ع ايدها: هتبقي زي الفل
…..
انور: الدكتور قالك ايه
مروان بخنقه مكتومه: الدكتور قال نسيب ماما هنا شويه لحد ما يطمنوا اكتر ولازم نسمع كلامه
مايا اتجننت : انور اتكلم مع الدكتور ونحمد ربنا ان حماتي فاقت ورجعت لوعيها اطلب منه انها تخرج ع الاقل هنرتاح تعب المرواح والمجي
مروان إنصدم وفتح عيونه بوسعها : انتي واعيه بتقولي ايه امي حالتها الصحية اه اتحسنت وفاقت لكن الدكتور قالي اننا نخليها تحت الملاحظه يومين ومش هتخرج من هنا لحد ما تبقي كويسه كليا
مايا بغيظ : وهي هتفضل بصحتها طول العمر شوف سنها والامراض الكتير الي عندها لوفضلت كدا هتقضي حياتها في المستشفي
مروان: اه هتفضل في المستشفي عندك مانع
مايا اتكت ع اسنانها بحقد: شايف بيكلمني ازاي قلت ايه عشان يتعصب كده
مروان بصلها بضيق ومشي
مايا بغيظ: شايف مليش احترام في بيتك الكل بيهين ويهبد فيا
انور: انتي كمان لازم تاخدي بالك من كلامك ده وقت مناسب تقولي كدا وانتي عارفه قد ايه مروان متعلق وبيحب امه كتير واحنا كلنا بنحبها لانها امنا
مايا: مضمنيش للقايمه دي انا راجعه البيت وانت بعزق فلوسك زي ما تحب
انور: مايا
……………………قصص منه محمد كاتب……………..
مروان: صباح الخير يا انور
انور بصله: صباح النور
مروان: احلام رايح الشغل مش هفطر
انور: اقعد افطر ونروح سوي
مروان حط ايده ع كتفه: لاء كل براحتك انا مروحتش بقالي اسبوع والشركه فيها شغل كتير افطر براحتك وانا ماشي
مايا بسخريه : الشركه ماشيه كويس ومش هتقفل لو مروحتش انت بتقلق كتير
مروان بغيظ: احلام ماما لما تصحي اديها العلاج اوعي تهمليها
احلام :حاضر
مروان : ومتسبهاش لوحدها خليكي معاها
مايا :الي بتقوله لمراتك تقدر الشغاله تعمله ولا انت عايز تظهر انك مهتم بيها فاتوره المستشفي العاليه جدا انت وانور مسؤلين تدفعوها مش حرام تحط العبئ كله ع جوزي
احلام بعصبيه: انتي بتقولي ايه انتي مالك ابيه انور مـ
مايا قطعتها بحده: احلام متدخليش كلامي واضح جوزك ملزم يدفع نصف الفاتورة ده واجبه والمفروض يدفع من نفسه
احلام: متقلقيش اوي هندفع المبلغ في خلال يوم ولا يومين مروان امشي اتاخرت ع الشغل
مروان فضل بصصلها وبيحاول يمسك نفسه ويسيطر ع انفعاله
احلام مسكت دراعه وهي بتقول: يله بينا من هنا
انور بصلها بضيق: لزومه ايه تقولي الكلام ده لمروان واحلام هيجيبوا المبلغ الكبير ده منين وبعدين بتحاسبيه ع فاتوره علاج ماما انا دمي اتحرق
مايا ابتسمت بخبث : انت طيب جدا عشان كدا عمال تصرف فلوسك عليهم ليه مفكر ان ده واجبك لوحدك ادي الاخرين فرصه يكسبوا الثواب معاهم فلوس مش سامع احلام قالت هتدفع خلاص وروح لللسمسار اتصل كذا مرة ومتتأخرش في بيع البيت خايفه يروح المشتري
انور: لما الاول تتحسن صحه ماما لانها لازم توقع لان قبل ما يموت والدي سجل البيت بأسمها
مايا بغيظ: ايه التخاريف دي انهي البيع بسرعه ليه مش عايز تفهم احنا مش عارفين عمرها هيخلص امتي
انور بصلها بصدمه من كلامها وهي مثلت انها دايخه لما شافت ملامحه اتغيرت ومره واحده وقعت في حضنه
انور بخضه: مايا مالك اقعدي
مايا مسكت دماغها: اعمل الي بقولك عليه وبس روح للسمسار النهارده ومتتأخرش
انور: تمام انت الي متقلقيش ع كده هتصرف هجبلك كوبايه عصير
مايا إنبسطت وعدلت خصل شعرها وقررت تخلص منهم واحد وري التاني
…………….قصص منه محمد كاتب…………
أخدته من ايده للصالون مروان وقف بصلها: هنجيب المبلغ ده كله منين مانتي عارفه مفيش فلوس وانور معطنيش مرتب لحد دلوقت جايز نسي وهيديني كمان يومين لكن دلوقت هجيب الفلوس منين
احلام : متقلقش هندبر الفلوس الاهم دلوقت ماما تقوملنا بالسلامه ومنعملش قدامها مشاكل وان شاء الله صحتها تتحسن وترجع تقعد وسطينا تاني
مروان بأذن الله ( بنرفزه) الشخصيه السامة دي دمـ رت سلامه البيت حولت حياتنا جـ حيم
احلام بعتاب : هش وطي صوتك
مروان بصوت مخنوق: حذريها بلاش تجيب اخري انا ماشي رايح الشغل سلام
احلام سلمت عليه وبسرعه اخدت التلفون اتصلت برنا الي جات لها
رنا بخوف: جيت من المدرسه جري ماما حصلها حاجه
احلام : بعيد الشر ماما زي الفل اهدي
رنا: الحمد لله امال ليه طلبتيني اجي بسرعه
احلام :عايزكي تقعدي مع ماما شويه رايحه مشوار مهم ومش هقدر اسيبها لوحدها
رنا : منا انا كدا كدا كنت جايه اقعد معاها لكن قوليلي هو انتي رايحه فين
احلام : لما ارجع هقولك يله سلام
……………قصص منه محمد كاتب……………….
احلام اخدت دهبها كله وراحت للصايغ وباعته ورجعت وشها متغير وشكلها مضايقه
رنا: احلام كنتي فين؟
احلام سكتت وواضح ع وشها الضيق وكأنها معيطه
رنا بشك: هو انتي مخبيه عني حاجه
احلام بحزن: بعت دهبي كله
رنا: الي انتي عملتيه اكبر غلط انا معايا كنتي خدي مني
احلام: يارنا فاتوره المستشفي كتير ومايا حرقت دم مروان وصممت يدفع النص
رنا بغضب: وهي مالها هي بتدفع من جيبها, انور ابنها ويما امي حرمت نفسها لحد ما وصل انور للمكانه دي بس كنتي المفروض تقوليلي بس انتي عنيدة
احلام: صدقيني هرجع اخد منك لكن المره دي سبيني احل المشكله بنفسي مش عايزه ادي مايا فرصه تتكلم تاني واقفل بؤها
رنا: مش هتقدري تسعديها طول العمر وافتكري انها بقت امتحان شديد ليكي ع طول وافتكري حذرتك كتير بلاش تجوزيها انور هتبقي بلاء لكن انتي
احلام دمعتها ع خدها: اظن عارفه الظروف هي اطلقت وخالي قلبه تعب جدا ومستحملش وعدي بأزمه قلبيه شديده لو مكنتش اتجوزت كان ممكن يمـ وت وانا مستعده اتحمل الطين ع دماغي عشان خالي وابلع سم مايا وانا مؤمنه ان الحياه مش ع طول احسن حاجه بس احنا بالعقل نحاول نخليها احسن حاجه فهماني
رنا : هقولك ايه ربنا معاكي انا طالعه اطمن ع ماما وانتي مش لوحدك
احلام : ربنا يخليكي
……………..قصص منه محمد كاتب……………
اخر النهار
احلام: مروان خد الفلوس اديها لـ ابيه انور هو رجع البيت
مروان عقد حواجبه باستغراب: هو انتي جبتي كل الفلوس منين بالسرعه دي
احلام: مش مهم منين الاهم نسدد تمن الفاتوره
مروان: بجد الف شكر في لحظه حولتي الهم في عيني من ثقب ابره لمتسع العالم كله و انقذتيني من الاحراج
احلام: متقولش كدا انا وانت واحد والي معاه يكب ع الفاضي متفكرش كتير
مروان:مش هفكر انا هروح حالا اديهمله قدام مراته
احلام: وياريت تقوله لحد ما تتحسن صحه ماما ميتكلمش عن بيع البيت ويبقي يبيعه بعدين
مروان: ليه هي ماما قالت لك حاجه
احلام: هي زعلانه عشان مرضها وعايزه ترجع بيتها ولو حصل وبعتوه حالتها هتسوء اكتر
مروان: مش هينفع اخويا خلاص باع البيت ومتقوليش الكلام ده قدام اخويا الله اعلم هيفكر فينا ازاي
انور بصلهم بدهشه: مالكم واقفين كده ليه
مروان: ابدا كنت جايلك اديلك الفلوس
في نفس الوقت وهما بيتكلموا كانت مايا بترتكب ابشع جريمه في حق امهم لما راحت وقفت قدامها بالاوراق: يله وقعي
سلوي رفعت عيونها وبصالها
مايا :فيه ايه مالك بصالي كده وقعي هنا
سلوي دمعت عيونها :كنت بقول نسيب البيت دلوقت ليه مستعجلين
مايا :احنا خلاص قبضنا عربون للبيع ورفضك معناها غرامه كبيره, ليه بتعصبينا دايما وبعدين هتعملي ايه بالبيت انتي خلاص بقيتي مريضه خديلك ركن وعيشي مبسوطه وسبينا احنا كمان نعيش مرتاحين امسكي وقعي
سلوي اخدت الورق والاقلام ودخلت في نوبه عياط هستيري
مايا ضيقت عيونها بشر ومسكت ايدها بغضب: هو انا لازم امسك ايدك عشان توقعي
سلوي :ميه
مايا اتريقت عليها وسابتها وهي بتكح وتاخد انفاسها بالعافيه وراحت عندهم وسمعت احلام بتقول
احلام: حاول تفهم يا ابيه ماما اتحسنت صحتها بالعافيه ولو اتكلمت في البيع قدامها ممكن يحصلها انتكاسه بقول بس شويه لحد ما تتحسن افضل
مايا بابتسامه: حماتي كويسه ووقعت ع الاوراق انتم قلقانين من غير داعي مش مصدقين شوفه
انور بفرحه لما شاف التوقيع: جميل ان ده حصل وخلصنا
مروان بضيق: امسك الفلوس
مايا خطفتها منه: هات كنت عارفه انكم هتدونا الفلوس ومش هيبقي صعب عليكم شوفت ياا نور كان معاه فلوس عشان كده دفعهالك بسهوله ( رفعت الظرف بستفزاز) انا تعبانه هطلع استريح باي
احلام لئلئت عيونها دموع واتحركت بسرعه: هطلع اطمن ع ماما
استوب وتعالوا لما تعمل مايا الافظع ونقول ع الدنيا السلام
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احلام في عيون وقحه)
