رواية انكسار الياسمين الفصل الثاني عشر 12 بقلم أمل مهدي
رواية انكسار الياسمين الجزء الثاني عشر
رواية انكسار الياسمين البارت الثاني عشر
رواية انكسار الياسمين الحلقة الثانية عشر
*
شگد صعبه من تنخذل
من شخص كان كلشي بحياتك
بهذا الوگت صدگ
تحس نفسك ضايع حتى بين اهلك
**************
احمد _
شهرين ما شايف رافع ولا شايف اهلي خلصتها شغل ويه اخواني بالحله
احنه خلفات يعني بالنسبه النه شغل الدوله فرصه شغلنه المستمر نحصل بي خوش فلوس
نزلت اليوم خلصته بين عايلتي للمغرب صعدت سيارتي واجيت اشوف صديقي وين صار
رحت البيتهم وتفاجأت من لكيت غير ناس سألت
وين رافع أمه كالولي شالو واحنه اشتريناه البيت منهم
ظليت اسال وين شالو
محد يعرف…. معقوله بالشهرين يبيعون ويشيلون
بهاي السرعه اصار عليهم وتذكرت الطبيب من گال عمليه بفرنسا
ويمشي
اكيد لعد باعو على حساب العمليه
تندمت لان حسيت اني قصرت ويه رافع ولتهيت بشغلي
ثاني يوم مارحت للحله طلعت بوجهي
للدلال الباع بيتهم
مالكيته ….
لكيت شريكه وجان كلشي ميعرف غير
صاحبه اشترالهم بيت بأطراف بغداد منطقه معروفه قريب السوك بس يا سوك هم ميعرف
وجان لازم انتظر الدلال يجي واسأله جان طالع للزياره
ما كان عندي مجال ابقى يوم لاخ اضطريت ارجع للحله لان الشغل ينتظرني
ومرت شهرين أو وراها شهرين إلى أن كملنه الشغل ورجعنه
ما انتظرت بنفس اليوم، الوصلت بي للبيت رحت للدلال جنت كلش مشتاق الرافع واخباره
وكلي امل دليني على بيتهم
والصدمه من لكيته مسوي حادث وميت هو وابنه من قبل اشهر من رحتله اول مره
ما كان گدامي غير اروح بنفسي ادور بالمنطقه
رحت سألت على السوك وين مكانه
وبديت حوالي اسأل
خلصت يومي كله اسأل عليهم محد عرفهم
اضطريت ارجع وتانيب الظمير يعذبني كوني قصرت ويه صديق عمري وخصوصا اني ادري اشلون وضعه وضرفه عكس ويا
ما يأست كل ما افرغ اروح اسأل عليه
والمنطقه الحوالين السوك كلها سالت بيها محد يعرفهم
مرت سنه والسنه الثانيه بعد ما رحت اني هم صاحب عائله وشغل هواي براسي….
الاحتمال التوصلتله باعو وهم انتقلو الغير مكان والا لاالمختار ولا احد عرفهم
فاجأني السيد اليوم من اجاني يسال على رافع
احمد _ والله ياسيد رافع من بعد ما الدنيا ضحكتله
دار عليه الدهر ولوى لوي المسكين
السيد _ خير يمعود احجي اصارله
احمد _ حجيتله على وكعته وحاله التبدل
السيد _ كل هذا يصير ومحد بيكم ينطيني خبر
احمد _ ما عندي رقمك
السيد _ انته مو تدري من وره الحرب ماكو بداله تشتغل تگطعت الخطوط
الا تخابر تگدر تجيني نص ساعه تصير بالشورجه واحنه معروفين بسوك القماش
احمد _ من شفتك اختفيت ورافع ما كان يحجي بيك كلت يجوز بينهم شي وبعد الصقوط الوضع تغير من اختفيت كلت يجوز انتقلت للنجف مو جانو عمامك يردوك تسكن هناك….
جان انته سالت وين جنت هاي السنتين
السيد _ ملتهي بمشاكل عمامي ومرت ابويه
مو تدري بس سمعو ابويه مات كلها اجت تريد ورث
ما بقولي شي
اضطريت ابدي من جديد وارجع الجمعه ابويه طول ذيج السنين
بس ليش رافع ما ترك عنوان ما دزلنه احد
احمد _ متعرفه شكد نفسه عزيزه. لو يموت ما يطخ راسه لاحد
السيد _ انطيني اسم المنطقه الا اروح اطلعهم وين ما يصيرون
ماتهون العشره الا على ولد الحرام واحنه مو ولد حرام احمد
احمد _ رحت كم مره سالت حتى المختار رحتله محد يعرفهم….
السيد _ انقهرت وحسيت بروحي شكد جنت حقير ومقصر
وفكرت بياسمين هسه شنو حالها وشلون عايشه شلون عفتها وشلون گدرت افارگها واتخله عنها مو هاي الربت على ايدي
شگد اني حقير خليتها تحبني وتالي اتركها مجروحه
مهمومه كسرت گلبه…
وفوگها كسرتها برافع اني ادري شگد متعلقه باخوها
شنو حالها هسه
رافع _
سمعت صوت ياسمين يا ستار اشبيها
اباوع الساعه دعش وفوگ ياسمين ما تطلع الا اكو شي جابها
هاي الفتره اعتمدت على روحي اني اصعد بالكرسي واني أحول منه على السرير
قربته مني وتحولت بي وحركته طالع من الغرفه شفت ياسمين بوجهي
تقربت عليها… وجها مدمه وثوبها مشگوگ ولاز مته بيدها ودموعه بعينها وخايفه
_ محمد سوه بيج هيج…..؟؟؟
ابتسام _ لطمت على وجهي…
وين اضمج وين أوديج خاف تجينه الشرطه
رافع _. شكو الشرطه ليش تجي
ياسمين _ دموعي تجري وارجف باوعتله
گتلت محمد….
رافع _ گتلتي خلاص…..!!!!
ولو يستحق الگتل بس اشلون گتلتي….؟؟؟
ياسمين _ ضربته على راسه بدولكة الستيل
رافع _ وشلون عرفتي مات
ياسمين _ وكع والدم غرگه…. بجيت واني احجي
ضربني وشگگ هدومي ردت اخلص روحي منه ضربته
رافع _ ليش ضربج …..!!!
ياسمين _ باوعتله ىريدني…… نزلت راسي ما كدرت اكمل
رافع _ بدون ما أجاوب فهمت….
ابتسام _ لبست عباتي واحجي
فوتي جوه واقفلي الباب اذا اجه احد لا تطلعين أخوج موجود
ياسمين _ يمه لا تروحيلهم اخاف إيمان اسويلج شي
ابتسام _ اروح اشوف اشصار ما أكدر انتظر يجبولي الشرطه
ابتسام _ مشيت بسرعه وصلت بيتهم اشو هدوئ
ماكو احد دخلت لكيت راجحه كاعده وجهال رافع
يتفرجون على التلفزيون
باوعت بغرفة محمد لكيتها مخربطه وبالكاع دم
ابتسام _ محمد وين…..؟؟؟
راجحه _ تعالي اكعدي شبيج تلهثين راحو للمستشفى
اخذهم ابو احمد جيرانه
أبتسام _ يعني عايش محمد
راجحه _ مشگوگ راسه وما ادري بعد گوه يمشي
ابتسام _ اصار احجيلي
راجحه _ ابني الشفيه جاي سكران وبنتج ما
طاوعته لزمها وگتلها
هيه هم ما قصرت
ابتسام _ لعد وين امونه انتي جان فكيتيها من ايده
الا ضربته
راجحه _ اني منو يسمع كلامي ومنو معبرني أمونه
الشايخه فوگ راسي لو ابن عباس اليوميه فاتگلي
فتگ وخيط ورى
اصيح ادگ بالباب محد فتحه بس اسمع الصياح لمن فتحته بنتج شفته امدد الكاع والدم مغرگه
دخلت إيمان جايه من المستشفى
هيه شافتني وتصركعت…
_ جايه تطمنين بنتج مات محمد
والله لسجنها تريد اتموته المسمومه ام الرسايل
ام الحب فوگ ماستر عليها العايبه….
ابتسام _ والله وطلعلج حس لوما ربت وياج
بتي عايبه يا بر+++گ ياحيه
لو ما انتي واخوج كسرتو ها…
ايمان اصيح وابتسام تردها غلط وتعيار أخير شي ابتسام طلعت وهيه ادعي عليهم اثنينهم
فتحت صدرها وشهگت للسمه كون حوبتها ما تتعداكم
راجحه _ انتي ماتستحين تعاركين خالتج
إيمان _ بعدج دافعين البنت اختج
ابنج ١٠ خياطات براسه ورجه بالدماغ دشوف اخوها الشفيه من تجي الشرطه شراح يكول
والله الا احبسها…..!!!!
راجحه _ ولج انتي ما تبطلين سويتو بالبنيه الماصار
ولو مو اني الترجيتهم جان هسه أخوج بالسجن قليل العمله بياسمين
إيمان _ مو الخاطرج بس گولي جان نامت على گلبه وين يحصلها رجل بعد
كلش زحتيها لا خجل لا مستحه نسيتي خالتج وابو جهالج ستهترتي فرد نوب
إيمان _ يمه والير حم اهلج اسكتي خليني آخذله هدوم وارجع
دخلت غرفة محمد هو دلاني وين يحط افلوسه بالكومدي اليم راسه
المفتاح جان ضامه فوگ الكنتور
فتحت المجر الداخلي شهگت ……!!!!!
هاي كلهن لمحمد ….. الفلوس صفطات صفطات
وذكرت من امي سالته منين اشتريت السياره منين جبت فلوس تزوجت بيهن
عزا العزاني بس لا صدك يبوك……
اخذت هدوم وفلوس وقفلت غرفته ورجعت
للمستشفى
للصبح اني ويا كاعده يون من راسه
اجه الطبيب اصبح فحصه تأكد ماكو شي خطرطلعنه للبيت
رجعنه وتقرير الشرطه ويا محمد
إيمان _ شراح تسوي تشتكي عليها
محمد _ لاء شنو ما عندي غيره ودخل مرتي مركز
إيمان _ لعد ما ترجعلك…..!!!
محمد _ اني اعرف شلون ارجعها بس انتي لا تدخلين
إيمان _ فريت ايدي ودخلت للبيت وهو راح يجيب الخاتون بعد عيني
محمد_ وصلت بيت خالتي
دكيت الباب…. ودخلت
ابتسام _ تلكيته راسه ملفوف وعيونه حمر
وجها اصفر
شكو جاي…..؟؟؟؟
محمد _ دكولي الحمد لله على سلامتك….
ما اهمج ملازم….
گولي هله بيك….
ابتسام _ لا هله بيك ولا مرحبا روح كفنه شرك اشرايد
محمد _ اريد مرتي….؟؟؟
رافع _ مالك مره يمي روح طلك
محمد _ التفتت ورايه رافع كاعد بالكرسي مالته
عدلت وگفتي وباوعتله
ياسمين مرتي ماتكدر تأخذها مني واشرت على راسي…
واني مسامحها لا تخاف ما احجي وياها
رافع _ ياسمين ماتريدك طلگها وكلمن يروح بحاله
محمد _ طلع من جيبه تقرير الشرطه
اذا ما تطلع وياي هسه….. احبسها
اليوم أنيمها بالمركز
رافع _ قريت كاتب كلشي بالتقرير
وسبب مشكلته ان هيه ما طاوعتني واحنه ثاني يوم عرسنه……!!!!
محمد _ ها اشگلت….
رافع _ ناقص وسافل كلشي يطلع منك
ياسمين _ بس سمعته يحجي ويه امي دخلت الغرفة وقفلتها عليه
كاعده وره الباب اسمعه و اعصر بأيدي من الخوف ودموعي تنزل
رافع _ شگيت الورقه وشمرتها بوجها… روح شسوي سوي ياسمين ما ترجع بعد واني راح ارفع دعوه واطلگها منك
محمد _ واني راح اگول ليگتها مو بنيه وافضحها
ابتسام _ حرگ گلبي هجمت عليه ضربته…
ولك سافل ماكافي السويته بينه اريد اليوم اموتك
بأيدي…..
ضربتين ولزمني من ايدي ودفعني وكعت على القنفه واصيح
رافع _ جنت ادري بي يجي عندي قامه مزنجره
حكيتها ونظفته حطيتها ورى الباب
من شفته دفع امي سحبتها ومشيت الكرسي اريد اضربه
جان ظهره عليه مطمن
ياسمين _ من سمعت امي صاحت بسرعه فتحت الباب وطلعت
شفت رافع رافع القامه بثين اديي يريد يضرب محمد
لزمت ايده
وصحت واني مخنوكه ابجي
عوفهم اجي وياك….
رافع _ بيده القامه وصاح بيه
روحي فوتي جوه شطلعج
محمد _ من شافني سكت
امي گامت تسب بيه ورافع يغلط ويطرده وهو بس يباوعلي
محمد _ امشي گدامي يله…. گاله بهدوئ
ياسمين _ باوعت الرافع ودموعي تنزل ودنيت عليه
بست ايده الازم بيها القامه
رافع _ بهت من تصرفي… كلتلج ارجعي للغرفه لا
تروحين ويا
ياسمين _ اني راضيه ارجع ويا كلتها ونزلت راسي مو من طبعي اعانده بس لازم اسوي هيج وارضه بنصيبي
امي وهو ديتأذون هوايه
محمد _ سحب عباية امي معلكه گبعني بيها وسحبني من ايدي…
مشينه ساكتين وصلنه فتح الباب ووگف انطاني مجال دخلت…
إيمان كاعده وخالتي
باوعت لخالتي ورحت على غرفتي
فتحت الباب بعدها هوسه وآثار الدم على الكاشي
دخلت وعيني تنتقل بين حياطينها اي يا ياسمين ارضى بنصيبج وسكتي العاندتي والتعاركتي خلص مكتوب عليج محمد تحملي وسكتي
كفيت رداني وبديت انظف
صافنه ويه روحي احجي وفزيت من دخل محمد
_ باوعلي وراح اتمدد على السرير
اخذ علاجه
اريد اسبح…… گالها ويباوعلي….
_ذاك الحمام و روحله اسبح
_ ما أكدر وحدي سبحيني انتي
ياسمين _ آنيييي اسبحك…..؟؟؟
محمد _ باعي اني ادري جنت حقير وسافل من عتديت عليج بس والله لان اريدج
احترك گلبي من قريت الدفتر وعرفت تحبين واحد وهو عايفج
واني اتوسل بيج وما معبرتني…..
ورافع ما ينطيج لو اظل اخر رجال بالعالم
يكرهني من يومه
ياسمين _ باوعتله بحتقار
محمد _ لا تبا وعيلي هيج خلي نتفق
اني راح اصير آدمي وياج انسي الصار قبل
وخل نبدي من جديد طاوعيني ادللج انسيج حتى اخوج
ياسمين _ سكتت ما بيدي غير ارضى واسكت
محمد _ ها تسبحيني…….؟؟؟
ياسمين _ نزلت راسي واشرت اي….
محمد _ ابتسمت….
دخل للحمام سبحته بس جسمه راسه امشدد
وطلع حطيتله الغده تغده…. وخلص
تمدد على السرير ويباوعلي…
اني اخذت الصينيه رجعتها للمطبخ وتأخرت عمدا شويه غسلت المواعين ورتبت بالمطبخ ورجعت
لكيته نايم جان مبين عليه متاذي من ضربتي
غطيته لان دومه ينزع بجامته وتيشرته من ينام
واني انزعج من اشوفه لان عمري ما شفت رافع
بهلمنظر….
طلعت وسديت الباب ورايه رحت لخالتي راجحه
بغرفتها لكيتها اتصلي انتظرتها تكمل وكعدت يمها
راجحه _ تعالي يمه تعالي….. وحضنتني
أوف شكد ريحتج طيبه يا حبيبه جنج ريحت امج
_ خليت راسي بحضنها…
خاله ايمان ومحمد ليش ما طلعو عليج
_ اشلون يعني….
_ انتي طيبه وحنينه وهمه….
_ ما ادري هذا هم حظي كسرت ظهري عليهم
شكد علمت شگد ربيت
تعبت وماكو فايده
ماكو غير ادعي الله يهديهم…
ياسمين _ ارتاحيت شويه من حجيت وياها
خاله نتغده سويه
_ يا ليش ما تغديتي ويه رجلج بالغرفه
_ ما جنت جوعانه
_ لا يمه اريدج تكعدين وتاكلين ويا وسولفين آني ادري ما يستاهلج بس هذا نصيبج ارضى بي
اكسبي محمد يحبج تقربي منه بلكت ينعدل على ايدج والله هو طيب بس مالكه اب فوك راسه يربي ويعلمه
_ خاله رافع واني هم ما عدنه ابو ربانه
_ لا يمه رافع ابوه عافه رجال واخو خيته وهو الرباج
اني عباس عايش وما يعرفنه ولا شايفينه
صاح عليه محمد
_ كعد محمد اروح اشوفه شيريد….. فتحت الباب ودخلت
رايد شي
_ سدي الباب وتعالي
_ اقتربت منه وگلبي يدگ موبيدي نفسي رافضته
_ لزمت ايدها وسحبتها كعدتها گبالي
عيني بعينها تباوعلى بحذر واسمع دگات كلبها يمي
تلمست خصله من شعرها وسحبتها اشمها اريد أهديها واحسسها
بالأمان وياي اشويه
لا تخافين مني اني والله احبج من جنتي زغيره اتمنه اجي يمج اصادقج العب وياج بس امج جانت دايما تأشرلي باصبعه وتگول لا تحجي ويه ياسمين
ولا تدناها
شگد جنت احب شكلج بالظفاير والثوب المطرز اباوع عليج واخاف اقترب منج
حتى امي جانت تگلي مالك شغل بياسمين هاي مدللة رافع
حتى فديوم حلمت العب وياج ووكعتي ونجرحت رجلج وبجيتي
واني التمو عليه وكتلي صار عمل شعبي…
ياسمين _ ههههه
محمد _ والله… كعدت خايف وحلفت بعد ما العب وياج وهو اني اصلا مالاعب وياج ههه
باوعتلها ضحكت
تدرين انتي حلوه…
_ نزلت راسي خجلانه
_ مد أصبعه ورفع راسي وظل مركز بوجهي
وتدنه يريد يبوسني
_ رجعت ليوره
_ اني رجلج حلالج تفهمين لشوكت تفزين من اجي يمج
_ ما أكدر اذكرك من ذاك اليوم الضربتني ووو
_ تنفست بخنگه وبكلبي كلت حقها بنيه بريئه…
تعالي لا تخافين مني
ياسمين _ تمددت وظليت مشنجه اشويه ظل هو هادئ واني
استسلمت للنوم
ساعه أكثر….
فزيت على ايده تتلمسني
كلشي بيه احسه وگف نفسي نبضي صرت مثل جثه متخشبه
ومتمدده حتى عيوني غمضتها ما ريد اشوفه
وهو كمل رغم حس بيه رافضته وكارهته
اشلون تحملته وعديت الصار ما ادري ….
استسلمت لان كلشي بحياتي فرضه القدر عليه
يتمي
حادث رافع
زواجي من محمد
ومدرستي…… حتى لو محد جبرني اتركها
الضروف كلها ضدي
لان بظل الوضع العايشته مستحيل أحقق شي من طموحي
وذكرت السيد….
هو وينه…. حتى رافع ما يجيب اسمه ولا يذكره
كان دايما ينصحني ابتعد عن محمد….
اكيد كان يعرفه نيته مو نظيفه ويخاف عليه منه
هه تالي تركني اله……
كعد محمد من الصبح بدل وطلع ما كعدني
جنت حاسه عليه وهو يروح ويجي بالغرفه حتى يلبس ومن راد يطلع وگف يمي شويه باوعلي وباسني من خدي بهدوء وراح
من سمعت انسدت الباب فتحت عيني
منزعجه رغم من رجعت لهسه ما شفت منه شغله موزينه
بس كلشي بيه رافضه ما أكدر احبه صعبه اعيش ويه انسان من الطفوله ما اميل اله
فهد _
اليوم ما اجه اتصلت عليه گال حادث صارلي باجر اجي…..
كلتله عادي ارتاح اليوم
محمد _
اجيت من الصبح لكيت فهد و يا واحد تفاجأت بي
ومن سالته كال هذا محاسب يجرد المخزن
بديت اجزم فهد فعلا يشك بيه مشيت الأمور عادي
يجيني قطع اجهزها ويروح
النهايه اليوم خلصت قفلت المخزن بيدي همه راحو واني رجعت للبيت
الجرد يرادله اسبوع ياله يخلصون واكيد راح يكتشفون نقص بالمواد
اشلون شصرف….
وفكرت ماكو غيرها………
مرن يومين واني عادي اروح واشتغل ويه فهد واجهز بالقطع اساعدهم
للعصر اقفل المخزن وارجع للبيت باجر جمعه ما نفتح وهذا احسن توقيت
فهد _
بالليل فزيت على اتصال الحارس
الحك عمي المخزن يحترگ…..
مثل المخبل صعدت سيارتي وطلعت لهناك لكيت سيارتين اطفائيه والنار تسعر بنص المخزن
من بعد ساعه طفو الحريق
و لحكو على نص البضاعه والنص الثاني شي تلف بالمي والدخان وشي احترگ
انهجم بيتي الخساره جبيره
كلبي يگول محمد ماكو غيره بس الدليل ضاع اشلون اثبت البضاعه ما ناقصه
بس الله كان بالمرصاد لمحمد وكشفه باللحظه الاخيره من الحارس مال المخازن المجاور شايفه جاي نص الليل قبل الحريق بلحظات
ياسمين _
اليوم محمد مو طبيعي احسه متوتر رايح جاي بالغرفه وكل اشويه يباوع للساعه
كل يوم من المغرب يصيحني اكعد يمه اليوم
الكل نام وهو كاعد
محمد _ شنو اليوم ما تنامين…..!!!!
ياسمين _ ها اي هسه راح انام…. رحت تمددت
واباوع هو ظلل كاعد بالهول
ظليت اشويه النعاس اخذني ونمت ما حسيت الا الصبح
التفتت لكيته نايم يمي على السرير
_ استغربت اشوكت نام باوعت ملابسه وحذائه
على جها يعني طالع وراجع
وين يروح بليل…..!!!
فتحت الباب وطلعت خالتي تخبز وايمان وولدها نايمين
انقهرت على خالتي محد يساعدها خطيه
_ صباح الخير خاله
_ هله بهلصباح حبيبتي
كعدت على البطانيه مثل كل مره اجيس الخبز
راجحه _ هم مثل النسوان عندي بنيه ماتگول اساعد امي اعجنلها اخبزلها
_ خاله هيه جانت بيتنه ما تخبز تكره الخبز
يعني مو جديده
_ مو بت ملوك ما يعجبها تخبز….
لو ما آني تيبست أيدي بالخبز وعيشتهم
منو عيشهم عباس بالفگر مالته
احنه نحجي
سمعنه هوسه بالشارع
راجحه _ يا ستار هاي شكو السيارات بعد الدنيا صبح
اند كت الباب… صاحت خالتي منووووو
شرطه افتحي الباب……!!!!
ياسمين _ صفنت ابا وع لخالتي..
راجحه. _ شرطه انه مك يامحمد گومي… گومي بسرعه الغرفتج
لحظات بعدني اباب غرفتي وندفرت باب الشارع
والشرطه يركضون داخل البيت
ياسمين _ دفعت باب غرفتي خايفه
فز محمد _ هاي شكو…..
ياسمين _ الشرطه
دخلت والضابط بيده الجهاز ورايه….
انته محمد…..؟؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية انكسار الياسمين)
