رواية الهروب إلى المجهول الفصل الثامن والثلاثون 38 بقلم أروى عادل

رواية الهروب إلى المجهول الجزء الثامن والثلاثون

رواية الهروب إلى المجهول البارت الثامن والثلاثون

رواية الهروب إلى المجهول الحلقة الثامنة والثلاثون

أما عمر جذب إيلا إليه من خصرها و ضمها له
وقال٠
عمر٠٠٠ مبروك يا بنت مرات ابويه
إيلا ٠٠٠ الله يبارك فيكى يا أبن جوز أمى
هنا انتفضوا جميعآ على صوت صراخ .التى كانت تقف أمامهم و تضع يديها على فمها بدهشه و الصدمة واضحه على ملامحها وهى تقول
بشرى٠٠٠ عمر انت بتعمل ايه و مين دى
أتصدم كل من عزت و شيرى اما عمر ابتعد عن إيلا بتوتر
بينما آيلا و نفين ينظرون إليها بأستفسار
هنا قالت شيرى بأرتباك
شيرى ٠٠٠ بشرى تعالى اتفضلى
تجاهلت بشرى شيرى و أتجهت إلى عمر وقالت وهى بتشاور على إيلا
بشرة ٠٠٠ مين إللى كنت حضنها دى .
نظر عمر إلى عزت بقلق ثم نظر ل إيلا دون أن يتحدث لذلك قال عزت
عزت ٠٠٠ تعالى يا بشرى انا افهمك
هنا صرخت بشرى بعمها وقالت
بشرة ٠٠٠ تفهمنى ايه. انك واقف و شايف المسخرة دى. يتحصل قدامك و انت ساكت
شيرى٠٠٠ ( بعصبيه قالت) بشرى احترمى نفسك و وطى صوت وانتى بتكلمى بابا
بشرة ٠٠٠ لاء مش هوطى صوتى . كمان انا موجهتش ليكى كلام انا بكلم عمر ..
هنا قررت إيلا تنسحب و تتركهم
عندما كانت على وشك الانصراف ركضت بشرى إليها و جذبتها بقو،ة من ذراعها وقالت
بشرى ٠٠٠رايحه فين تعالى . انتى مش هتمشى غير ما أعرف انتى مين و ازاى كنتى بتحضنى خطيبى
هنا كان عمر كان سوف يتدخل لكن إيلا رفعت يديها بما معناه انه لا يتدخل . ثم قالت
إيلا ٠٠٠ لو سمحتى سيبى أيدى
بشرى ٠٠٠ لاء مش هسيبك غير ما أعرف انتى مين
هنا أمسكت إيلا يديها و بعدتها عنها
. غصب عنها وقالت
إيلا ٠٠٠ اسمعى يا شاطرة مشكلتك مش معايا انا . مشكلتك مع ابن عمك أسألى انا مين تمام ولا انتى خايفه تسأليه
بشرى ٠٠٠ أنتى بتتكلمى معايا كده ازاى . واحده زيك كانت……
قطع عمر جملتها وقال
عمر٠٠٠ ( بصراخ قال) بشرى ولا كلمه تانى .
بشرى ٠٠٠ أنت بتزعقلى عشان خاطر دى
عمر ٠٠٠ قولتلك ولا كلمة تانى كلامك معايا انا إيلا مالهاش دعوة
عزت ٠٠٠ براحه يا عمر .. هى بردوا معذوره
عمر ٠٠٠ تمام يا بابا .. بشرى تعالى نتكلم فى أوضتة المكتب . عايزك فى كلمتين
بشرى ٠٠٠ ليه اتكلم هنا .. ما انت كنت بتحضنها هنا قدام الكل عادى
عمر ٠٠٠ بشرى لحظى انك بدأتى تعصبينى
بشرى ٠٠٠ حاضر انا جاية معاك لما أشوف عايز أيه
ذهب عمر و بشرى لغرفة المكتب ..بينما قالت نفين
نفين ٠٠٠ هو فى ايه مين بشرى دى
عزت ٠٠٠ دى بنت أخويا
نفين ٠٠٠ آه دى إللى كانت خطيبت عمر
عزت ٠٠٠ ايوه هى .
نفين ٠٠٠ هو انت لسه مكلمتش اخوك
عزت ٠٠٠ لاء لسه. يارب عمر ميقولش
ل بشرى
على كل حاجة ساعتها مش عارف هبص فى وشك أخويا ازاى .
نفين ٠٠٠ ليه يعنى ..ده نصيب المفروض نؤمن بيه
عزت ٠٠٠ مش عند محسن . انتى متعرفش محسن أخويا بشرى بالنسباله ايه . محسن ممكن يعمل اي حاجة عشان خاطر بنته
أما فى الجهة الاخرى
غرفة المكتب
~~~~~~~~~~~~~
بشرى ٠٠٠ ساكت ليه .. ما تتكلم ولا مالكش عين تكلمنى بعد إللى شوفته
عمر ٠٠٠ اسمعى يا بشرى . انتى عارفه انا بحبك أد أيه زى………
قبل انا يكمل عبارته قالت بفرحه
بشرى٠٠٠ وانا كمان يا عمر بحبك أوى أوى
عمر ٠٠٠ بشرى معلش ممكن تسيبنى اكمل كلامى
بشرى ٠٠٠ حاضر كمل
عمر ٠٠٠ بشرى انا بحبك زى شيرى بالظبط
طول عمرى بعتبرك اختى
بشرى ٠٠٠ ( بحزن قالت) بس انا مش أختك و عمرى ما اعتبرتك أخويا . عمر انت حبيبى
عمر ٠٠٠ بشرى ارجوكى متصعبهاش عليا
بشرى٠٠٠( ببكاء قالت) عمر انت عايز تسيبنى
عمر ٠٠٠ بشرى انا عمرى ما كنت معاكى عشان اسيبك و انتى عارفه كده كويس
بشرى ٠٠٠ بس احنا كنا هنتجوز لولا الحا،دثه.. و الناس كلها مستنين مننا نحدد ميعاد للفرح تانى وانت جاى دلوقتى تقول الكلام ده
عمر ٠٠٠ بشرى متضحكيش على نفسك انتى عارفه انى عمرى ما حبيتك بالطريقة إللى انتى عايزها
بشرى ٠٠٠ بس انا كان عندى أمل تحبنى بعد ما نتجوز
عمر ٠٠٠ افهمنى انا لو اتجوزتك ابقى. بظلمك معايا . بشرى انا عمرى ما هقدر اسعدك
بشرى٠٠٠ مش مهم تسعدنى او حتى تظلمنى
المهم انك تفضل معايا و مش عايز أى حاجة تانى
عمر ٠٠٠ بشرى مش بالكلام
بشرى ٠٠٠ بالكلام و الفعل كمان.. بدليل انى عارفه انك كل يوم مع واحده شكل و آنا ساكته و متكلمتش حتى لما عرفت انك عايش مع واحده من إللى تعرفهم بردوا فضلت ساكته . كل ده . عشان بحبك
عمر ٠٠٠ بس انا مش هقدر اكمل معاكى
بشرى ٠٠٠ ليه يا عمر هو انا دايقتك فى حاجة لو كان عشان اتعصبت من شويه
لما شوفتك بتحضن البنت إللى كانت بره انا أسفه صدقنى مش هعمل كده تانى . لو عايزنى اروح أتأسف ليها انا مستعده بس أوعى تسيبنى يا عمر
عمر ٠٠٠ افهمى انا بحب واحده تانيه .
و عايز اكمل معاها حياتى
بشرى ٠٠٠ لاء انت هتكمل حياتك معايا انا لان مافيش واحده فى الدنيا هتحبك أدى
حاول عمر بكل الطرق يفهم بشرى انه لا يريدها زوجه له لكنها كانت مصممه على رأيها لذلك قرر يقول لها الحقيقه حتى تنسى أمره
لذا قال بدون مقدمات
عمر ٠٠٠ بشرى انا خلاص اتجوزت
اتسعت عينيها بصدمه ثم صرخت بحزن هى تقول
بشرى ٠٠٠ لاء . لاء . انت بتكدب عليا صح
أنت مش ممكن تعمل كدا مستحيل . انت بتقول كدا عشان .. تخلينى أسيبك
عمر٠٠٠ بشرى . انا متجوز من سنه و عندى ولد كمان .. لو مش مصدقه ممكن تسألى كل إللى بره او تطلعى على أوضتى دلوقتى هتشوفى أبنى .نايم فيها ..
جلست و هى تضع يديها على رأسها بألم وقالت
بشرى٠٠٠ متجوز من سنه. يعنى انت كانت هتتجوزنى و انت متجوز أصلآ
عمر ٠٠٠ أنا اسفه يا بشرى انا كنت هتجوزك بس عشان خاطر بابا لانه بيحبك مكانش عايز يخسر عمى محسن .
بشرى ٠٠٠ عمى عزت كان بيعرف
عمر ٠٠٠ لأ . لأ بابا مايعرفش غير بعد ما خلفت .. ساعتها كام لازم اقولو
بشرى ٠٠٠ (بألم قالت) هى البنت إللى كانت معاك بره مش كده
عمر ٠٠٠ أيوه هى
بشرى٠٠٠ حرام عليك يا عمر ليه بتعمل معايا كده .
عمر ٠٠٠ آسف يا بشرة انا كنت…….
قطعت بشرى عبارته وقالت
بشرى٠٠٠ ايشمعنا حبتها هى وانا لاء.. فيها ايه احسن منى .. انا المفروض اكون مراتك مش هى .. انا أحق بيك منها
عمر ٠٠٠ أيه إللى انتى بتقوليه ده . انتى فاهمه بتقولى إيه
بشرى ٠٠٠ ( قالت بيأس) فاهمه . انا مستعده اكون ليك زوجه تانيه
عمر ٠٠٠ايه الهبل إللى بتقوليه ده . أنتى اكيد مش بعقلك
بشرى ٠٠٠ أيه الغلط فى إللى انا بقولو
. ما انت مش كنت هتجوزنى وهى على ذمتك ايه إللى اختلف دلوقتى
عمر ٠٠٠ أنتى وعيه بتقولى ايه
بشرى ٠٠٠ ايوه وعيه . عمر انا همو،ت من غيرك
عمر ٠٠٠ بس انا مش هتجوز على مراتى .
بشرى ٠٠٠ لو خايف منها انا ممكن اتكلم معاها
قال عمر بنفاذ صبر
عمر ٠٠٠ مستحيل أنتى اكيد مش طبيعيه . إللى انتى حاسه بيه مش حب . . انتى اتعودتى تخدى كل حاجة عايزها مهم حصل . متعودتش حد يقولك لاء
بشرى ٠٠٠ لاء يا عمر انا بحبك انا……..
قطع عبارتها قال عمر بتحذير
عمر ٠٠٠ خلاص بقى و كفايه كده . انتى مزهقتيش .بشرى انا مش بحبك ولا عمرى هكون ليكى . و ده اخر الكلام عندى
هنا دخلت بشرى فى نوبة بكاء هستيري
ثم ركضت مسرعة للخارج و تجاهلت تمامآ نداء عزت و شيرى عليها لذلك قال عزت لعمر بعد ما خرج من غرفة المكتب
عزت ٠٠٠ عمر ايه إللى. حصل
عمر ٠٠٠ دى انسانه مريضه مش طبيعية
عزت ٠٠٠ عمر اوعى تنسى انها بنت عمك
عمر ٠٠٠ مش ناسى.. بس انا حاولت أفهمها بكل الطرق اننا احنا ماننفعش لبعض هى مش عايزه تفهم ..حتى بعد ماقولتلها انى اتجوزت و خلفت بردوا مصممه انى اكمل معاها
عزت ٠٠٠ ليه بس قولتلها انك اتجوزت دلوقتى عمك مش هيسكت و هيقلب علينا الدنيا
عمر ٠٠٠ طيب قولى انا اعمل ايه. هى مش عايز تفهم . أن خلاص إللى بينا انتهى.
لكنها . عايزه تمشى إللى فى دماغها غصبآ على الكل
شيرى ٠٠٠ أنا كنت عارفه ان ده هو إللى هيحصل و بشرى مستحيل تتقبل ان عمر يسيبها
عمر٠٠٠ صح آمال فين إيلا
نفين ٠٠٠ طلعت على أوضتها و شكلها مدايق
عمر ٠٠٠ هطلع أشوفها
◇◇◇◇◇◇◇◇◇◇◇□□□□□□□□□□
فى غرفة إيلا وعمر
كانت إيلا واقفه شارده فى الشرفة و هى تتأمل فى السماء
لذلك ضمها عمر إليه من ظهرها . وقال
عمر ٠٠٠ سرحانه فى ايه
إيلا ٠٠٠ هى مشيت
عمر ٠٠٠ أه مشيت
إيلا ٠٠٠ اتكلمت معاها و أقنعتها
عمر ٠٠٠ اتكلمت بس مقدرتش اقنعها
إيلا ٠٠٠ يعنى ايه
عمر ٠٠٠ ما تشغليش بالك انتى
إيلا ٠٠٠ و بعدين بقى يا عمر مش هنخلص من غرامياتك كل شويه .امبارح كانت ميار
و النهاردة بشرى. ما خفي كان اعظم
عمر ٠٠٠ هعمل ايه يعنى حظى اسود
إيلا ٠٠٠ حظك الأسود ولا عمايلك السودة
لف وشها له وقال
عمر ٠٠٠ أه شكلك زعلانه
إيلا ٠٠٠ بصراحه يا عمر انا زهقت و أعصابى تعبت . انا مش هستحمل واحده تيجى تانى
و تقولى انت بتاعها
ضمها عمر إليه اكثر وقال
عمر ٠٠٠ أنا آسف بس اعمل ايه قوليلى . دى كانت حياتى قبلك وانتى عار……..
قبل أن يكمل جملته قالت
إيلا ٠٠٠ عارفه ان دى كانت حياتك قبل ماتعرفنى و عارفه انك اتغيرت عشانى
و عارفه انك بتحبنى و مش عايز تدايقنى .
بس بردوا انا حاسه بو،جع جوايا كل واحده فاكرانى انى خطفتك منها نظراتهم ليا بتحسسنى انى واحده مش مظب………..
قطع عبارتها وقال
عمر ٠٠٠ حبيبتى اوعدك دى اخر مره تتعرضى للموقف زى ده .
ثم اخذها فى حضنها وهو يربت على شعرها بحب هنا سمعوا زعيق قوى لذلك ركضوا إلى مصدر صوت الزعيق
◇◇◇◇◇◇◇◇◇◇◇◇◇□□□□□□□□
فى صالة
جاء محسن هو فى حالة غضب حاد هو يصرخ فى عزت
بينما كان عمر نازل على سلالم الفيلا عندما سمع محسن يقول
محسن ٠٠٠ أبنك يعمل كده فى بنتى. هو فاكر نفسه مين انا من الأول ماكنتش موافق على الجوازه دى . بس وافقت غصب عنى عشان خاطر بنتى . وفى الاخر ابنك يتجوز و يكسر قلبها
عزت ٠٠٠ اسمعنى بس يا محسن عم……
قبل ان يكمل جملته صرخ فيه محسن
محسن ٠٠٠ أنت تسكت خالص انت ليك عين تتكلم
شيرى ٠٠٠ مش كده يا عمى اهدى شويه
محسن ٠٠٠ و انتى كمان تخرسى وانتى زيك زى أخوكى
اتعصب عمر لذلك قال
عمر ٠٠٠ عمى انا مقدر عصبيتك بس دى مش معناه انك تتكلم مع بابا و اختى بالطريقة دى
محسن ٠٠٠ يا بجحتك انت ليك عين تتكلم معايا . واحد صايع زيك مالهوش لازم يعمل كده فى بنتى انا
عمر ٠٠٠ لما انا صايع و ماليش لازم كنت عايز تجوزنى بنتك ليه
محسن ٠٠٠ للأسف غصب عنى لانها غبيه و بتحبك
عمر ٠٠٠ و انا مايرضنيش تعمل حاجة غصب عنك. عشان كده انا مش هتجوز بنتك
عزت ٠٠٠( بصراخ قال) عمر أسكت مش عايز اسمع صوتك
عمر ٠٠٠ انت مش شايف طريقة كلامه
عزت ٠٠٠ عمر قولتلك أسكت خلاص
سكت عمر و هو خائف على صحة عزت من الأنفعال الزائد
لذلك قال محسن
محسن ٠٠٠ لاء خليه يتكلم و يقف قدام عمه ماهو طول عمره قليل الأدب و لسانه طويل
اذا كان على بنتى انا إللى ميشرفنيش . انى اجوزها لواحد زيك
عزت ٠٠٠ اسمعنى يا محسن عمر ماكنش يقصد .
قطع محسن عبارته
محسن ٠٠٠ أيه انت لسه هتبرر غلطته. انت طول عمرك ضعيف قدام الولد ده . و بتعمل إللى هو عايزه . على حساب الكل . بس لاء مش هيبقى على حساب بنتى … بنتى خط أحمر عند الكل و فوق الكل كمان فاهم
عزت ٠٠٠ حتى انا اخوك
محسن ٠٠٠ ايوه حتى اخويا . و إللى عملو ابنك فى بنتى تمنه غالى اوى
عزت ٠٠٠ ( عزت بتعب) خلاص يا محسن مالهوش لازمه الكلام بعد إللى انت قولته
محسن ٠٠٠ يكون احسن . اساسآ ابنك مالهوش يتجوز واحدة محترمه زى بشرى اخره يتجوز اي واحده شمال من إللى كان يعرفهم
عمر ٠٠٠ ( بغضب قال) عمى ياريت تحافظ على كلام
قال عزت بصوت ضعيف و واضح عليه التعب
عزت ٠٠٠ خلاص يا عمر أسكت
محسن ٠٠٠ لاء خليه يتكلم .. اكيد كلامى جه على الجر،ح. يبقى صح انت متجوز واحد شم……
لم تستطيع نفين ان تسكت اكتر من ذلك و خصوصآ بعد ما رأت حالة عزت الذى كان واضح عليه التعب و الصدمه من كلام محسن لذلك قالت
نفين ٠٠٠ أنت فاكر نفسك مين جاى بكل جليطة و قلة ذوق تصرخ تزعق و تهلل مش عامل حساب لأي حد ولا حتى لأخوك انت مش شايفو تعبان قدامك.. ايه مش فارق معاك . غير رغبات الست بنت حضرتك
محسن ٠٠٠ و انتى مين بقى انشاء الله
عزت ٠٠٠ خلاص يا نفين
نفين ٠٠٠ لاء مش خلاص . مش معناه ان هو اخوك الكبير و انت محترمو .. يبقى من حقه يقول إللى هو عايزه من غير حساب
و ماحدتش يقولو حتى انه هو غلط ..
عزت ٠٠٠ بس هو عنده حق يزعل على بنته
نفين ٠٠٠ تمام يزعل بس مش بطريقه المستفزه دى
محسن ٠٠٠ أنتى مين يا ست انتى
نفين ٠٠٠ أنا أم البنت إللى حضرتك قولت عليه أنه شمال
محسن ٠٠٠ أه عشان كده محر،وقه
نفين ٠٠٠ تصدق لما جات بنتك هنا و فضلت تزعق تهلل استغربت من تصرفها و انها معملتش احترام لعمها حتى.. بس بعد ما شوفت حضرتك عرفت هى جايبه قلة الأدب دى منين
محسن ٠٠٠ احترمى نفسك يا ست انتى احسن واللهى انسى انك واحده ست
هنا فقدت آيلا السيطرة على نفسها
إيلا ٠٠٠ لاء بقى كده كتير . انتى عايز أيه من الاخر . انت مش قولت انك ميشرفكش انه يتجوز بنتك .خلاص يبقى ليه كتر الكلام. و الغلط
عمر ٠٠٠ اسكتى يا إيلا
إيلا ٠٠٠ لاء مش هسكت . ده بيغلط فى ماما
و زى ما هو بنته خط أحمر انا أمى خطين احمر
عزت ٠٠٠ محدتش يقدر يغلط فى ماما . لان إللى يغلط فيها كأنه بيغلط فيا بالظبط
محسن ٠٠٠ أه هى دى بقى إللى فضلتها على بنتى
عزت ٠٠٠ ما خلاص بقى يا محسن ..و كفايه لحد كده
محسن ٠٠٠ صح خلاص انت اصلآ لو باقى على اخوك كنت ضغط على ابنك باى طريقة عشان مايعملش كده فى بنتى بس واضح انك مبسوط باللى عملو ابنك
نفين ٠٠٠ بس هو عمل إللى يريح ابنه زى ما انت بتعمل إللى يريح بنتك
محسن ٠٠٠ قصدك ايه بكلامك
نفين ٠٠٠ انت قولت انك وافقت على عمر غصب عنك .وانك ماكنتش راضى انه يرتبط من بنتك … تسمح تقولى امال وافقت ليه على الجوازه دى ليه و انت مش عايزها
محسن٠٠٠ عشان خاطر بنتى هى إللى كانت عايزه و بتحبه
نفين ٠٠٠ يعنى دورات على سعادة بنتك على حساب نفسك
محسن ٠٠٠ طبعآ انا أب و الاب بيدور على سعادة ولاده قبل نفسه
عزت ٠٠٠ وانا كمان إب . من حقى أدور على مصلحة ابنى و سعادته
نفين ٠٠٠ يعنى عزت عمل زي ما انت كنت بتعمل إللى يسعد بنتك . وعزت بردوا عمل إللى يسعد ابنه
سكت محسن هو يعلم أن كلام نفين صح
ثم قال
محسن ٠٠٠ بس انا بنتى إللى اتظلمت فى الاخر
عمر ٠٠٠ بالعكس انا كنت هظلمها لو اتجوزتها و آنا مابحبهاش. ماكنتش هقدر اسعدها
محسن ٠٠٠ أنت انانى يا عمر ما بتفكرش غير فى نفسك.. اما انت مش عايزها ليه وافقت من الأول انك تتجوزها
عزت ٠٠٠ أنا إللى غصبت عليه عشان يوافق. بعد الحاح بشرى عليا
عمر ٠٠٠ أنا لو انانى زى ما بتقول كنت وافقت بشرى انها تكون زوجة تانيه. بس انا مش عايز اظلمها معايا .لانى مش هقدر أحبها زى ما بحب إيلا ولا قدر أعدل بينها بين إيلا
عزت ٠٠٠ العيب مش فى ولادنا العيب فين احنا . انا لانى كنت عارف ان عمر مش عايز بشرى برغم كده غصبت عليه يتجوزها.
وانت يا محسن برغم انك عارف انا عمر مش مناسب ل بشرى برغم كده محاولتش تفهم بشرى غلطها بالعكس و مشيت ولا اختيارها وانت مش مقتنع
سكت محسن وهو يعلم جيدآ ان عزت عنده كل الحق فى كلامه لذلك أستعد للمغادرة الفيلا دون أن ينطق اى حرف
لذلك قال عزت
عزت ٠٠٠ محسن رايح فين
محسن ٠٠٠ معلش يا عزت انا محتاج اكون لوحدى دلوقتى
انصرف محسن ثم قالت نفين
نفين ٠٠٠ أنا اسفه على الطريقة إللى كلمته بيها بس اسلوبه استفزنى
عزت ٠٠٠ لا ولا يهمك
نفين ٠٠٠ طيب انت كويس .
عزت ٠٠٠ الحمد الله تمام
عمر ٠٠٠ طيب يلا يا إيلا نطلع نرتاح الوقت اتأخر
نفين ٠٠٠ أنا كمان هطلع ارتاح
◇◇◇◇◇◇◇◇◇◇◇◇□□□□□□□□□
صباح اليوم التالى
عزت ٠٠٠ عمر انا ناويت اعمل حفل كبيره
آخر الأسبوع ده
عمر ٠٠٠ بمناسبة ايه
عزت ٠٠٠ مناسبة أول حفيد ليا .و كمان عشان نعرف إيلا على اهلنا و معارفنا
شيرى ٠٠٠ فكره حلوه أوى يا بابا
عمر ٠٠٠ يبقى نخليها الخميس إللى جاى
ايه رايك يا إيلا
إيلا ٠٠٠ زى ما تحبوا
عمر ٠٠٠ تمام يبقى الخميس
شيرى ٠٠٠ يبقى يادوب الحق اجيب فستان سوريه للمناسبة دى ..وانتى اكيد يا إيلا اكيد هتجيبى فستان و طنط نفين
نفين٠٠٠ لاء انا ماليش فى الحوار ده
عزت ٠٠٠ ليه يعنى إللى هبلبسوا فساتين احسن منك … اسمعى يا شيرى انتى تاخدى إيلا و نفين الاتيليه يختاروا إللى همآ عايزينوا
شيرى ٠٠٠٠ حاضر يا بابا
عمر ٠٠٠ بس ياريت ما تتأخروش عشان الولاد
◇◇◇◇◇◇◇◇◇◇◇◇□□□□□□□□
أحدى أرقى الاتيليهات القاهرة
بعد ما اختاروا ما يريدون قالت إيلا
إيلا ٠٠٠ شيرى خلصتى
شيرى ٠٠٠ هختار الأكسسوارات
إيلا ٠٠٠ طيب هاتى مفتاح العربية عشان احط فستانى فيها .و ارجع تانى
شيرى ٠٠٠ اتفضلى المفتاح اهو
اخدت المفتاح و خرجت إيلا
وعندما كانت تضع فستانها بالسيارة .
.شعرت فجأة ان رأسها تدور بعد ما قام شخص برش مخدر على وجهها
وقبل أن تدير وجهها لتعرف ماذا يحدث . غابت عن الواعى تمامآ
هل إيلا اتخطفت.من الذى قامه بأختطافها
كيف سيستقبل عمر خبر اختفاء آيلا