رواية بلد احلامي الفصل الحادي عشر 11 بقلم جنا ابراهيم

رواية بلد احلامي البارت الحادي عشر

رواية بلد احلامي الجزء الحادي عشر

رواية بلد احلامي الحلقة الحادية عشر

*طرد*
«لينا»
روحت انا وسوهي عشان نشتري لبس ليا واشتريت كام طقم بعد ما لفينا كتير واشتريت بيجامتين وكوتشي واخيرا رحت محل تليفونات عشان اشتري تليفون ومكنتش عايزه اشتري واحد غالي بس قاطع تفكيري واحد شغال في المحل
الشخص:
-اتفضلي حضرتك دا تليفون واظن دا الي بتدوري عليه
بصيت علي التليفون واتفجأت ب انه تليفوني ب جرابي بصيت علي الشخص وانا باخد منه التليفون ولسه جايه اتكلم….عيني اسودت ووقعت
*في مصر*
«جنه»
كنت قاعده وبحضر حصه اونلاين للتعلم اللغه الكوريه بس سمعت صوت هبد بره في الصاله طلعت وانا خايفه بس اتفجأت ب لينا وقعه علي الارض ومغمي عليها…روحت المطبخ وجبت ميه ورشيت شويه علي وشها لحد ما فاقت
قولتلها وانا قلقانه:
-حصلك حاجه يا لينا انتي كويسه
لينا قالتلي وهي بتبص حواليها وبتستوعب هي فين:
-انا كويسه بس دماغي وجعاني شويه…..بس اي دا مش مفروض اني لما ارجع….ارجع مكان ما اختفيت ولا هو الكتاب بيخترلي المكان علي مزاجه
قولتلها وانا بضحك:
-هو شكله بيختاره علي مزاجه…قومي يلا وتعالي ورايا الاوضه
لينا قامت ودخلت الاوضه وقالتلي وهي بتبص علي الكتاب الي علي المكتب:
-انا بفكر او*لع فيه واخلص…
قولتلها:
-لاء خليكي مستفاده منه اهو بينقلك لكوريا في ثواني..اه صح مش انتي اتقبلتي للمنحه
لينا قالتلي:
-ايوه يعني اعمل اي…بعدين استوعبت وقالتلي وهي فرحانه:
-احلفي….اتقبلت..طب وانتي
قولتلها وانا بشاورلها علي اللابتوب الي كنت بحضر عليه الحصه:
-امال انا هتعلم اللغه الكوريه من فراغ
لينا بصت علي اللاب وقالتلي وهي بتغيظني:
-انا بعرف اتكلم كده من غير اي حاجه…وتعرفي بقيت بعرف اتحكم امتي اكلم عربي وامتي اكلم كوري
قولتلها وانا بقفل اللاب:
-طب احكيلي ها الي حصل
لينا قالتلي وهي بتقعد علي السرير:
-اشتريت هدوم مع سوهي
قاطعتها وقولتلها:
-سوهي مين
لينا:
-البنت الي جين بيحبها والي الكتاب كان معمول علشانها اصلا
قولتلها:
-اصلا…طب كملي وجيتي هنا ازاي
لينا قالتلي وهي بتفتكر:
-روحت عشان اشتري تليفون عشان تليفوني مكنش معايا بس في حد قالي ان معاه التليفون الي انا عيزاه…بس الغريبه انه اداني تليفوني وبعدين كنت جايه اسأله بس دوخت ووقعت وصحيت لقيتني هنا عندك…كويس اني سبت الحجات الي جبتها مع سوهي
قولتلها:
-طب كويس عشان متبقيش جبتي الحجات علي الفاضي…. بعدين كملت كلامي وقولتلها:
-طب تليفونك فين…معاكي
لينا سابتني وطلعت من الاوضه ورجعت وهي معاها التليفون وقالتلي:
-اهو لقيته مكان ما كنت وقعه
قولتلها:
-طب افتحيه كده واتأكدي منه
لينا فتحت التليفون وبان علي وشها الاستغراب وقالتلي:
-في تطبيق علي تليفوني اول مره اشوفه
قولتلها:
-طب ادخلي عليه كده
لينا قالتلي وهي قلقانه:
-خايفه ليهكرلي التليفون
قولتلها وانا بطمنها:
-متخفيش…متخفيش ادخلي عليه بس
لينا دخلت علي التطبيق واستغربت وشاورتلي علي التليفون وقالتلي:
-بصي كده دا تطبيق شات
سمعنا صوت اشعار وكانت رساله من التطبيق ومكتوب فيها كلام بالكوري بصيت ل لينا وقولتلها:
-ترجمي..
لينا بصت علي الرساله وقريتها بعدين بصتلي وقالتلي:
-مكتوب ان جين قا*تل وعشان اتأكد من ده هلاقي من*شار في دولابه…بس ازاي انا لما فتحت دولابه ودورت علي تيشيرت مكنش في حاجه
قولتلها وانا بفكر:
-يمكن مدورتيش كويس
لينا:
-يمكن…لما اتنقل هناك تاني هبقا ادور…بس اتمني ميطلعش في حاجه
قولتلها وانا بفتكر كلامها:
-بس ثواني انتي ليه كنتي بتدوري في الدولاب بتاع جين
لينا:
-مقلتلك عشان كنت بدور علي تيشيرت عشان سوهي كانت جيبالي تيشيرت قصير.. وكانت جايبه بنطلون الي انا لبساه دلوقتي
لين قامت من علي السرير ولفت وهي بتشاورلي علي ضهر التيشيرت الي هي لبساه وقالتلي:
-دا التيشيرت الي خدتو من الدولاب بتاع جين بصي هو مكتوب عليه اسمه كمان….بس تعرفي طلع سوهي كانت جيباه ل جين في عيد ميلادو
قولتلها:
-ايوه وفيها اي….هي اتدايقت يعني
لينا:
-تقريبا…حسيت ان هي اتدايقت
قولتلها:
-مش مهم…المهم دلوقتي تعالي احضري معايا الحصه الاونلاين دي وعلميني اتكلم ازاي وقولليلي الحجات الاساسيه
*علي الجانب الآخر في كوريا الجنوبيه*
«جين»
جالي لحظه ادراك ان فعلا ممكن تكون لينا…وقاطعني جيمين
جيمين:
-اكيد هي لينا…اصل هي مش هتظهرلك من فراغ يعني
تاي أكد علي كلام جيمين وهو بيقولي:
-هي فعلا مش هتظهرلك من فراغ
قولتلهم:
-طب وانا هعمل اي دلوقتي…
جيمين:
-بص انا مش متأكد بس هو ممكن… يعني يبقا في بنت في حياتك…ف كده لينا مش هيبقا ليها شغل هنا بقا ف هترجع مكان ما جت
تاي أكد علي كلامه وهو بيقول:
-ايوه فعلا….اول مره تقول حاجه صح
جيمين قال بفخر وهو بيعدل الجاكت الي لابسه:
-عيب عليك…انا مبحبش ابين ذكائي اصل بخاف اتحسد
قولتلهم:
-مش وقتكم انتم الاتنين دلوقتي…لو الي جيمين بيقولو صح…يبقا انا خلاص لقيت البنت الي انا عاوزها…
تاي قاطعني وقالي:
-سوهي صح
جيمين أكد علي كلامه وهو بيقول:
-وهو فيه غيرها
سمعنا صوت جرز الباب وجيمن قام وراح يفتح بس سمعنا صوت الي هو ضر*ب بالقلم…قومنا انا وتاي وروحنا ناحيه الباب ولقينا جيمين حاطط ايده علي وشه وهو مصدوم وفيه طرد تحت رجله….خدت الطرد من علي الارض وتاي خد جيمين وهو ميت علي نفسو من الضحك من شكل جيمين الي لسه مصدوم وانا قفلت الباب وحطيت الطرد علي الترابيزه وانا بضحك علي ضحك تاي وشكل جيمين الي اتكلم وقال:
-انا اضر*ب بالقلم دا امي معملتهاش
قولتله وانا بضحك:
-وهو مين ضر*بك كده دا انت وشك ورم
جيمين قام وراح ناحيه المرايه وبيتفقد وشه وقال:
-واحده باخد منها الطرد ولسه جاي اسألها من مين راحت ب ايدها ونزله علي وشي ولقيتها اختفت
تاي قال ل جيمين وهو بيبص علي الطرد:
-طب شوف كده اي الي جوه الطرد
جيمين راح وجاب الطرد وحطه قدامنا وقالنا:
-افتحوه انتو….يمكن يكون فيه قن*بله تطيرنا وانا لسه يعيني مشوفتش حياه
قولتله وانا بفتح الطرد:
-مشوفتش حياه اه
بس اتصدمنا كلنا من الي شوفناه وقاطع صدمتنا تاي وهو بيقول ب استغراب وصدمه:
-ليه ممكن حد يبعت حاجه زي دي؟؟