رواية احلام في عيون وقحه الفصل الثالث والعشرون 23 بقلم منة محمد
رواية احلام في عيون وقحه الجزء الثالث والعشرون
رواية احلام في عيون وقحه البارت الثالث والعشرون
رواية احلام في عيون وقحه الحلقة الثالثة والعشرون
انور ابتسم بدهشه: هو انا قلت ايه عشان تبصولي كده
مايا بخبث: اظاهر ان حماتي واخوك معجبهمش كلامك, انا قلت لك مش هيوقفه بسهوله وانت مصدقتنيش
سلوي بغضب: اسكتي يا مايا سبيني اتكلم مع انور ومتدخليش
مايا: انا مراته وليا حق ادخل في كل حاجه تتعلق بأنور واجبي اهتم بمكسبه وخسارته
سلوي بستياء: واحنا بقي الاغراب مش عايزين له الخير, بحذرك متحاوليش تخلقي خلاف بيني وبين ابني انتي سامعه
مايا نزلت دموع التماسيح وقالت بصوت كله شجن: شايف يا انور مليش اي قيمه في البيت
احلام: مايا هو ايه الي حصل عشان تعيطي
انور بهدوء: ارجوكم اهدوا مفيش داعي تجرحي مايا بكلامك يا ماما هي فرد من البيت زينا مايا وقفي عياط وبعتذرلك بالنيابه عن امي واطلعي اوضتك , وانا شاركتكم في قراري انتم اتكلموا سوي وانا قابل قراركم اي ان كان
مروان : مفيش داعي نتناقش احنا قررنا لو عايز تبيع بيت ابونا بيعه مفيش داعي تسألنا انت كبيرنا واكيد مش هتاخد قرار خاطئ وانا ع اخر النهار هكلم السمسار
انور: تمام واقوله ياريت يبيعه في اقرب وقت لاني محتاج فلوس ضروري عشان مشاريع الشركه
مروان: اوكيه
………………………..
في الصالون سحبته في ركن بعيد عنهم
مايا: اسمع فتح عينيك من هنا ورايح صرفت فلوس كتير ع اهلك ولما جه لوقت نبيع حته بيت قديم وصغير شوف ازاي غضبوا وانفعلوا
انور: انسي خلاص الي حصل , مروان قال معندوش اي مشكله وهيروح بنفسه للسمسار
مايا بخبث: قال كده عشان يطمنك دول مفتحين جدا عشان عارفين هيستفادوا بفايده منك عشان كدا رضيوا ووافقوا
انور بضيق: ممكن نقفل كلام في الموضوع ده بليز هروح الشركه وهوصلك لو عايزه تروحي بيت امك
مايا ببتسامه خبيثه: لاء هفضل هنا هروحلها المساء عايزه اطمن ع نظام البيت منا مش هسيب فلوسك تضيع شمال ويمين
انور: زي ما تحبي اه بالحق ماما واحلام مش طماعين وهما بيحبوكي كتير مفيش داعي تقلقي منهم
مايا بغيظ: انت غلبان مش عارف اي حاجه احلام دي واعيه تعد صوابعك وراها , انتم بس الي ع طول حطينها في برواز دهبي . اما امك ست كبيره ولازم ترتاح حرام نحط عليها حمل ده ظلم ليها احنا المفروض نهتم بصحتها ده واجبنا
انور بقتناع : معاكي حق ماما فعلا كبرت وتعبت ومحتاجه للراحه, شوفي انتي اعملي الصواب وبجد انا في منتهي الانبساط انك مهتمه كتير بصحه ماما يله همشي
مايا: مع السلامه
…………………………………
سلوي بدموع: شوفتي مكنتش موافقه اسيب البيت الي عشت فيه احلي سنين عمري هو كان سهل عليا اغير جيراني ومنطقتي وعشره السنين بعد العمر ده كله لكن انتي وجوزك اقنعتوني بالبيت هنا شايفه النتيجه
احلام حبست دموعها وراحت قعدت جنبها وبهدوء: يمكن ابيه انور فعلا محتاج فلوس ومش هيقول ابدا انتي عارفه هو اد ايه اهتم بينا واشترلنا بيت كبير وجميل لينا كلنا
سلوي: مبروك عليه بس يسيب لي بيتي اروح اعيش فيه ده غالي عليا بس اعمل ايه ما باليد حيله زي ما قرروا الاخين يظهر مليش اي حق عليهم
احلام: ماما انتي ليكي كامل الحق علينا كلنا , محدش فينا يقدر يعمل اي حاجه بدون موافقتك ومستحيل نكسر كلمتك وامرك
سلوي بقهر: الكل قدروا انتي بس الي لا يمكن ربنا يسعدك وكفايه تفضلي معايا عمري ما ازعل انتي الي بتديني امل وتفاؤل ان بكره هيكون افضل
احلام: وبقولك تاني متقلقيش كل حاجه هتكون كويسه هقوم اعملك لقمه تاكليها
سلوي: لاء مش عايزه دلوقت هنام شويه ع ما تخلصي
احلام طلعت سلوي غرفتها وغطتها واطمنت انها فعلا نامت وراحت للمطبخ لقت مايا ماسكه في ايدها بصله وواقفه تدي سناء تعليمات
مايا بصتلها: قلت لسناء تعمل شوربه خضار مفيش داعي تتعبي روحي ارتاحي
احلام: مفيش تعب انا بعمل الاكل كل يوم _رفعت غطاء الحله_ وريني عملتوا ايه
مايا ابتسمت بغرور لما احلام رفعت غطاء الحله
احلام بصدم: ايه ده شوربه خضار من غير لحمه , سناء طلعي بسرعه كيس لحمه من التلاجه اعمليه لماما
سناء بطاعه: حاضر يا ست احلام
مايا عيونها محطوطه ع احلام وقالت بأمر: مفيش داعي يا سناء حماتي تاكل نفس الاكل الي عملته مفيش داعي تميزيها عننا وبعدين ليه شاغله نفسك اطلعي ارتاحي
احلام فضلت مكانها وبصلها بس
مايا بستفزاز: الله ليه لسه واقفه عندك عايزه حاجه
احلام: سناء اخرجي
سناء: حاضر
مايا بشخط لسناء: اقفي مكانك وخلصي شغلك الوقت اتأخر اتكلمي يا احلام عايزه ايه
احلام: ليه بتعملي كل ده , سن ماما ميستحملش التعب والغضب . بتجلها نوبه سكر والدكتور قال غلط عليها الزعل وهي مقهوره حاليا واجبنا نهتم بيها ونخفف عنها مش نزيد
مايا: وانا بهتم بيها انتي الي بتأكليها زياده عن اللزوم وهي كويسه وصحتها كويسه مفيش داعي تهولي الامور يله امشي
احلام: مش بتكلم عن الاكل وبس انتي فاهمه كويس معني كلامي ارحمي عشان ربنا يرحمك
احلام خرجت ومايا عيونها حقد مشعلله ورمت البصله بكل قوتها
سناء: مايا هانم
مايا لفت وبصرخه فيها: عايزه ايه طول الوقت بتتكلمي متعرفيش تعملي الي بقولك عليه مش عارفه تقطعي بصله واحده وقحه
وراحت تتكلم مع اسيا ع الموبيل الي قالت لها: احسن انك حطيتي سيطرتك ع كل حاجه ده مال جوزك وواجب تحافظي عليه
مايا: وده الي بدئت اعمله انور ولا في دماغه لكن ,انا عيوني مفتوحه هو ليه مروان واحلام يتمرمغوا في فلوسه المفروض يعيشوا لوحدهم
اسيا : طبعا محدش في الزمن بيعيش مع حد كل واحد ملزم بنفسه اختهم اتجوزت وابوهم ميت مفيش غير امهم
مايا ضيقت عيونها بشر :فعلا مفيش غيرها
اسيا: ابقي تعالي المساء عشان نشوف هنعمل ايه
………………..قصص منه محمد كاتب………………….
ع السفره
مروان بعاتب: ايه ده يا احلام طبختي عدس مره تانيه ليه معملتيش فراخ او لحمه وجنبه اي نوع خضار
احلام: انا عملت العدس لانه مفيد زي اللحمه
مروان :وانتي عارفه ان ماما مش بتاكل العدس وبتحب شوربه الخضار مع اللحمه هتاكل ايه دلوقت
سلوي :عادي يابني هاكل العدس بس دلوقت مش جعانه بلاش تؤنبها بسببي فاهم ولا مش فاهم
مرون: انا مش بأنبها
مايا دخلت بأبتسامه: هاي
مروان لف وشه بتكشيره واحلام بصتلها بغيظ
انور قعد: مساء النور
سلوي: مساء النور استنناكم كتير ولسه احلام حاطه الاكل دلوقت
انور: احنا اكلنا اخدت مايا واتغدينا في مطعم
مايا بصت لسلوي واحلام بأبتسامه رخمه
انو: مروان انت اتكلمت مع السمسار مش كده قوله يحاول يبيع البيت بسرعه وقوله هندفعله عموله اكبر عشان يتمم البيع بسرعه
مروان: متقلقش اطلاقا اتكلمت معاه وهو راجل كويس وعنده زباين كتير والبيعه هتم في خلال الاسبوع ده
انور: هايل
سلوي: احلام ابعتلي الاكل فوق في اوضتي
احلام :ليه كلي معانا شويه
سلوي: لاء مليش نفس دلوقت
مايا بخبث: ليه تغصبيها في السن ده البني ادم مش يجوع كتير ليه تضايقي حماتي من غير سبب
انور بصلها وع وشه إبتسامه: شايفه يا ماما مراتي بتهتم بيكي حقيقي اطلع استريحي
سلوي بصتله وحابسه قهرتها واحلام سحبتها لغرفتها!
مايا :مروان فهم احلام طول الوقت بتحاول تاكل مامتكم زياده طريقتها غلط ده بيسمي اجبار مش اهتمام وانا لما بقولها كده بتتعصب عشان كدا بطلت اقول
انور: ياتري سمعت
مروان عقد حواجبه وهز دماغه وساب الاكل وقام بضيق
………………………قصص منه محمد كاتب………………….
لابس بنطلون جينز ازرق وتي شيرت أسود وواقف يمشط شعره قدام المرايا وحواجبه معقوده..
احلام بتعجب: انت رايح كدا فين
مروان قعد يربط الشوز : ماشي رايح الشركه اشتغل شويه بدل حرقه الدم
احلام: ليه فيه ايه
مروان: فيه ايه انتي بجد بتسألي , انتي حرجتيني قدام اخويا ومراته مش عارف ايه الي حصلك انتي متعلمه ذكيه ازاي تكوني مهمله في صحه امي
احلام بنفعال: انا عارفه كويس ماما محتاجه ايه ومش محتاجه للـ ايه لكن المشكله ان كلام ابيه انور عجبك وهو عجبه كلام مايا وبس عشان كدا مفيش فايده اقول حاجه
مروان قال بصوت حاد وغاضب: شايفه طريقتك مش متحمله كلمه صغيره, انا ملاحظ من اول ما جات مايا البيت شخصيتك واسلوبك اتغيروا , وانا الي قلت ان مايا هي الي هتعمل مشاكل لكن هي معملتش وانتي الي خيبتي املي كتير
احلام: الامر مش زي ما انت شايف الحكايه ان مـ
مروان قطعها و قال بحده: مش عايزه اسمع ولا افهم حاجه كفايه بعد اليوم متتقعديش تشتكي ولا من كلام اخويا ولا من تصرفات مايا المشاكل الصغيره اي بتحصل اتجاهليها اتجاهلي كل حاجه هتخرب البيت ع الفاضي الليله اعملي لحمه وشوربه خضار لماما واساليها لو عايزه حاجه تانيه رايح الشغل
مروان رجعلها وبصلها : اسمعي لو تعبتي او جالك صداع عرفيني اجبلك علاج وانا راجع
طلع من المكان وهي راحت تحارب دموعها..
……………….
اخلام دخلت للمطبخ وطلعت خضار تقطعه ودموعها متحجره في عيونها وسرحت في الحال
سناء دخلت بتجري بفزع: بتعملي ايه لو شافتك مايا هانم هتتعصب عليا
احلام بصلها بذهول :يعني ايه تتعصب ليه
سناء بتوتر: محرجه عليا تعملي حاجه غير لما تقولك بنفسها لو شافتك هتطردني وتقطع عيشي
احلام اتكت ع اسنانها: لحد كده وكفايه
احلام طلعت شافتها في الجنينه قربت منها بعصبيه : عايزه ايه بعاميلك الرخيصه دي
مايا بنظره احتقار: صوتك ميعلاش . واقفه في بيتي وتتكلمي معايا كده . زهقت من مصاريفك انتي وامك اتعودتوا اصرفوا من جيبكم بعد كده
احلام بنرفزه منها: احترمي نفسك هي وصلت بيكي الحقاره تحطي قيود ع اكل ماما , مخفتيش من ربنا دي هي الخير والبركه للبيت كله وكلنا عايشين من خيرها
مايا: هو انتي بتخوفيني طالما زعلانه ع امك كده ما تروحي تطلبي من مروان يصرف ع البيت ويبعزق فلوسه ولا اتعودتوا تعيشوا ع فلوس غيركم, كفايه لحد هنا
مروان رجع للبيت يجيب بعض الأوراق ياخدها معاه وسمع الخناقه ما بينهم وقرر يعدي ع اقرب سوبر ماركت يشتري لوزام البيت ودخل لاحلام المطبخ
مروان: امسكي يا احلام
احلام اخدت منه الاكياس: انت مروحتش الشغل
مروان بهدوء: كنت رايح وانا في طريقي فكرت اجبلك شويه خزين للبيت شوفي جبتلك لحوم وخضار حتي اشتريت فاكهه
احلام بصتله بصدمه ياتري سمع كلامهم سوي ولا ايه
مروان بابتسامه مهزوزه :ليه بصالي هو انا عملت حاجه غلط
احلام حابسه دموعها: لاء عملت الصح رغم كل حاجه موجوده بس زياده الخير خيرين
مروان حط ايده شعرها :اطبخي ليكي ولماما الي عايزه ,ومتخلقيش عذر بالليل بالصداع همشي دلوقت اتاخرت ع الشغل _باس خدها_نتقابل بالليل سلام
…………………قصص منه محمد كاتب……………….
قربت عليها و هتموت من الفرحه والانبساط: انتي قاعده هنا
سلوي رفعت عيونها عن المجله وبصتلها: خير شكلك مبسوطه
مايا قعدت وحطت رجل ع التانيه وقالت بسعاده: الخبر يستاهل انبسط قلت ابلغك انا الاول انور لسه متصل بيا وباع البيت
سلوي الابتسامه اختفت وحل مكانها القهر والعبوث
مايا تابعت: وجاب مبلغ كويس مبروك عليكي, ده احسن انور محتاج فلوس كتير وانتي عملتي الصح ممنعتهوش الغلبان طالع عينه في المصاريف
سلوي : كل الي املكه يخصهم والبيت كتبته بأسمهم من زمان كنت بقول ولادي هيعيشوا دايما معايا وحواليه والحمد لله اتحقتت رغبني بفضل الله, والفلوس المفروض تتقسم بالحق والعدل بين الاخين
مايا كلام سلوي زود قهرها بصتلها بنظرات حاده وكره وقامت وسلوي قفلت المجله وبصتلها بطرف عين لحد ما مايا اختفت وهي اتنهدت لانها عارفه الي جاي صعب وسواد وخلاص دي بدايه النهايه
…………………….قصص منه محمد كاتب…………..
انور بعدم تصديق: اكيد فهمتي غلط ماما ومروان لايمكن يقوله كده واضح انك اتسرعتي وفسرتي ع مزاجك
مايا بأصرار: انا مش غبيه عشان مش هفهم هي بعضمه لسانها وبنفسها قالت ان البيت يتقسم عليك انت ومروان واكيد مروان هو الي دخل الفكره دي في دماغها والا لمسكينه لايمكن تفكيرها يبقي كده او ربما
انور: كملي الكلام
مايا: انت طيب زيادة اشتريت بيت وجبتهم يعيشوا هنا لكن قلوبهم سوده وانت ملكش مكان هما بيستقطعوك
انور: مفيش حاجه من دي لاء
مايا: هو كده امك كل الي يهمها مصلحه احلام ومروان وبس وهما مش بيخدموها لله ولوطن انت بعيد عن قلبها ولا كأنك ابنها مروان وبس
سلوي كانت نازله الحمام وسمعت كل كلامها ووقعت مرميه ع الارض الترابيزه وقعت عملت صوت جامد ومروان نزل يصرخ
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احلام في عيون وقحه)
