رواية العنقاء الفصل العاشر 10 بقلم حنين ابراهيم
رواية العنقاء الجزء العاشر
رواية العنقاء البارت العاشر
رواية العنقاء الحلقة العاشرة
العنقاء 2
البارت الثالث
كانا كل من حسن و سهام ينظران لبعضهما بتحدي قاطعها سمير و هو يقترب منهما ببطء قولتيلي وافقتي عليه إمتى ؟
سهام بثبات :وافقت عليه دلوقتي يا بابا ،أنا صحيح كنت رافضة أتجوز من أساسه بس لو جه اليوم و إخترت فأنا هختار حسن على الأقل سنه قريب من سني و مش جاي يبيع و يشتري فيا
إقتربت من أذنه بهمس:و أهم حاجة إنه مش شبهك في حاجة
كز سمير على أسنانه و هو ينظر لها بغل وتكلم بنفس نبرتها :حيث كده مبروك عليكي يا قلب أبوكي
ثم نظر. لحسن و رفع صوته الأسبوع الجاي كتب كتابكم و الفرح إبقى خليها تكمل الجامعة عندك لأن أنا من النهارده مش هصرف عليها مليم زيادة
إبتسمت بسخرية تخفي خلفها جرحها من كلامه لم تتوقع منه أن يقلل منها خاصة أمام حسن شعرت بالذل أمامه بدل أن يرفع من شأنها بإعتبار أنه سيصبح زوجها
—
كانت تجلس في غرفة المعيشة تعبث بخاتمها بشرود و هي تتذكر ما حدث منذ أربع سنوات كأنه البارحة
فاقت من شرودها على دخول حسن للبيت على وجهه إبتسامة واسعة يحمل بيده علبة الكعك عند رؤيته لها صرخ بحماس:سوسو حبيبتي وحشتيني
ردت بإبتسامة باهتة: ما إحنا كنا لسا مع بعض من ساعتين
وضع العلبة أمامها على الطاولة : أعمل إيه ؟ بتوحشيني مع كل دقيقة بتغيبي فيها عن عيني قالها وهو ينظر في عينيها بحب
نظرت له ببرود :لا والله
حسن أه والله
سهام:إيه العلبة دي ؟
حسن بحماس:النهارده عيد جوازنا الرابع و أنا فكرت أخد أجازة الأسبوع ده عشان نقضيه كله مع بعض إيه رأيك ؟
سهام بنبرة خالية من المشاعر : إيه الي إنت بتقوله ده مش هينفع الفترة دي خالص تاخد أجازة يعني منافسينك بيفكرو إزاي يستغلو القرارت الجديدة لصالحهم و إنت جاي تاخد أجازة
حسن بلا مبالاة: أنا سايب الإدارة لمالك الفترة دي هو هيغطي على غيابي كأني موجود
ثم سحبها لحضنه وهو يقول بمرح:و بعدين أنا بكلمك في إيه و إنتي ف إيه بقولك عيد جوازنا و عايزين نحتفل
سحبت نفسها بتأفف:على العموم إنت حر عايز تحتفل إحتفل لوحدك أنا الأسبوع ده بالذات عندي ضغط شغل و صفقات لازم تتم بوجودي
نظرت للساعة على هاتفها ثم قامت بإستعجال تلملم أوراقها في الحقيبة و إرتدت حجابها أمام التسريحة:ولسا عندي 100 حاجة أعملها عشان الفرع الجديد الي هفتتحه قريب
نظرت لإنعكاسه في المرأة لتجده يطالعها بضيق توجهت له لتقب.ل خده قائلة ببساطة متزعلش. لما أرجع المسا هعملك مفجأة تعويضا عن مخططك للأسبوع الي باظ
إبتسم حسن بأمل :بجد ؟ إيه هي. ؟
سهام وهي متوجهة لخارج الغرفة :هتبقى مفجأة إزاي لو قولتلك إيه هي
يلا تكير يا بيبي
ثم عادت بتذكر:ا ه لو إتأخرت في أكل في التلاجة سخن و كل
حسن :إنت عارفة إن مبيبقاش ليا نفس أكل من غيرك هستناكي لما ترجعي ، متبقيش تتأخري كتير
تنهدت بضيق:تمام هحاول أخلص شغلي بدري ،سلام
خرجت سهام من البيت و ركبت سيارتها و إنطلقت إلى مقر شركتها عند وصولها بقيت داخل السيارة تلملم شتات أفكارها لبعض الوقت مستندة برأسها على مقود السيارة قاطع أفكارها رنين الهاتف لتجيب على الفور
:ألو مدام سهام معايا ؟
سهام :أيوة أنا مين معايا
:إحنا من مخبر التحاليل(….) نتايج التحليل الي حضرتك عملتيها طلعت تقدري تجي تستلميها
سهام :تمام ساعتين بالكتير و اجي أستلمهم
أقفلت الخط لتجد صديقتها تدق على زجاج السيارة لتنزل و تسلم عليها ;ندوش عامله إيه
ندى:أنا كويسة إنتي الي بتعملي إيه هنا ؟
سهام باستغراب:جاية أشوف شغلي
ندى:إنتي يابت عايزه تشليني هو مش النهاردة يوم ذكرى جوازك
سهام ببرود:اه
ندى بعصبية:و الراجل سايب الي وراه والي قدامه عشان يحتفل بيه معاكي لمدة أسبوع و إنتي مهانش عليكي تاخدي أجازة حتى اليوم ده ؟
سهام بعملية:إنت عارفة إني الأسبوع ده عندي صفقات كتير ده غير الفرع الجديد
ثم نظرت لها بتساؤل وبعدين إنتي عرفتي منين إنه أخد أسبوع أجازة
ندى:من أخويا مالك و أنا إتوقعت إنك مش هتيجي النهاردة و كنت هتصل بيكي و أقولك إني مستعدة أخد مكانك لحد ما ترجعي
سهام:إنتي عارفة إني بحب أشرف على كل حاجة بنفسي
ندى:على العموم إنتي حرة متجيش بكرة تلومي على الراجل لو خا.نك أو إتجوز عليكي لأن هيبقى عنده حق الصراحة عارفة أنا لو منك عندي راجل بيحبني زي جوزك كده كنت هكتفي بيه عن الدنيا دي كلها مكانش هيشغلني عنه لا شغل ولا أي حاجة مش زيك إنتي حتى في المناسابات سايبالو البيت و جاية
نظرت لها سهام و هي تفكر بكلامها :طب يلا قدامي الإجتماع هيبتدي بعد دقايق و إنتي عاملة ترغي
ندى بنبره مضحكه:برضو. برضو هتقوليلي شغل
بعد أربع ساعات كانت تجلس على طاوله في المطعم ليجلس أمامها بعد دقائق
سمير:حبيبة قلبي الي رافعة راس أبوها بين رجال الأعمال
سهام :عامل إيه يا بابا
سمير:بقى متصلة بيا بعد المدة دي عشان تقوليلي عامل إيه
سهام :عندك حق أنا جاية أعمل معاك صفقة و أعرض عليك نص أسهم شركتي
سمير بانتباه:و المقابل
سهام;تطلق أمي
نظر لها بصدمة و و
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية العنقاء)
