رواية بنت الشيطان الفصل الحادي والسبعون 71 بقلم رحمة نبيل
رواية بنت الشيطان الجزء الحادي والسبعون
رواية بنت الشيطان البارت الحادي والسبعون
رواية بنت الشيطان الحلقة الحادية والسبعون
#اخر_مراحل_الجنون
#عشق_حطم_التقاليد
#بنت_الشيطان_3
#الفصل_العاشر
١- “قد يدعو العبد ربَّه في حاجة، فيفتح الله عليه من لذة مناجاته ما كان أحب إليه من تلك الحاجة.”
٢- “سيُعطيكَ الذي تدعوهُ حتَّى تَرى الأحزانَ قد عادت نعيمًا.”
٣- “عِجاف الأيّام يعقُبُها يوم الغوثِ وإن طالت.”
٤- “اطلبوا الله كُل أمانيكم حتى تلك المُستحيلة منها، الله يُعطي بلا حد ولا قياس.”
“صلُّوا على خير البرية تغنمـوا
عشراً يُصلّيها المليكُ الأعظـمُ
مــن زادها، ربي يفرِّج همَّــهُ
والذنبُ يُغفَر والنفوس تُنَعَّـمُ”. 💛
نظر مالك بفزع لظهر بلاك الذي كان محترق بطريقه مرعبه فقد احترقت ثيابه وكان هناك حرق من اول ظهره حتي نهايته
تحدث بلاك بألم وهو يغمض عينه / أنا بخير متقلقش بخير
حمله عبدالرحمن بسرعه وانطلق للسياره برعب ففتح سراج باب السياره وجلس في الإمام وبجانبه مالك يقود السياره وفي الخلف يجلس عبده وهو يعانق ليث بخوف
انطلق مالك بالسياره وهو يتحدث في الهاتف / لا تمام الموضوع انتهي خلاص…… لا هو مش ضعيف للدرجه بس هو في ارضنا وكمان مكنش معاه حراسه كتير زي كل مره فالموضوع كان سهل….. طب تمام ابعت حد يمشط المكان عشان لو فيه حد عايش
ثم اغلق للهاتف ونظر خلفه وجد ليث يهمس بكلام غير مفهوم وبالم شديد
اقترب منه عبدالرحمن ليسمع ماذا يقول.
مالك / بيقول ايه
عبدالرحمن بألم علي صديقه / بيقول دانه
ابتسم مالك لا اراديا فحب ليث يذكره بعشقه بصغيرته المشاغبه
بعد مرور نصف ساعه وصلت سياره مالك لاحدي المستشفيات علي الطريق فهبط وفتح الباب لعبدالرحمن الذي حمل ليث ودخل به سريعا للمشفي ودخل به الي قسم الطوارئ وهو يكاد يموت رعبا بينما كان مالك خلفه يحمد ربه علي نجاته فرغم الحروق الا انه بينهم دعي الله أن يصبح بخير وصحه ويعود كما البدايه
خرج عبدالرحمن من الغرفه ووقف بجانبهم بينما سراج نظر لهم بقلق / بتصل علي البيت محدش بيرد
نظر له مالك بقلق /طب اتصل علي سمر او اي حد
سراج وهو يزفر بخوف / عملت كده محدش رد تفتكر لوسيفر استغل غيابنا وبعت حد للبيت
حسنا لا ينكر ان الرعب دب باوصاله لذا تحدث / كلم عمر أو اقولك استني هكلم أسد
اجري مالك اتصال باسد وابتعد عنهم قليلا بينما خرج الطبيب في ذلك الوقت وهو يتحدث بعمليه / كويس انكم لحقتوه بسرعه لان الحروق من الدرجه التانيه ولو كنا اتأخرتوا آكتر كان هيبقي صعب تتعالج
عبدالرحمن بأمل / يعني ممكن تتعالج
الطبيب وهو يهز رأسه / بإذن الله كل شئ ممكن بس هياخد وقت لحد ما يرجع زي الاول واحتمال تسيب أثر ده بيعتمد علي تعامل المريض واهتمامه بالحرق
هز عبدالرحمن رأسه / اكيد هنهتم بيه هو يقدر يخرج أمتي
الطبيب بعمليه / بإذن الله يفوق بس وتقدر ترجع بيه بس يتجنب النوم علي الظهر لحد ما يتعافي بشكل كامل وكمان في دهان لازم يتحط وهو مهم جدا ليه
عبدالرحمن / اكيد هو هيفوق قريب ولا لا
الطبيب / بإذن الله هو اخد مخدر عشان الوجع ولما ينتهي مفعوله هيفوق ممكن في حدود خمس ساعات كده
هظ عبدالرحمن رأسه وصافح الطبيب / متشكر جدا لحضرتك
ابتسم الطبيب / ده واجبي عن اذنك.
ثم رحل الطبيب وشاهد عبدالرحمن قدوم مالك سراج تجاهه ولكن الحزن يملئ وجوههم تحدث بتعجب / خير في ايه عرفتوا توصلو لحد في البيت
هز سراج رأسه / كلمنا أسد وبلغنا ان….. انهم في المستشفى
فزع عبدالرحمن / ليه في ايه حد حصله حاجه مين اللي تعبان
وضع مالك يده علي كتف عبدالرحمن وقال بحزن يكاد يقتله / رحمه تعبت وودوها المستشفي لأنها
توقف عن الكلام عندما رأي ملامح عبدالرحمن التي ارعبته وبشده
عبدالرحمن /لانها ايه يا مالك مراتي مالها
مالك بغصه في حلقه /رحمه كانت حامل يا عبدالرحمن وللأسف حصل ليها إجهاض بسبب وقوعها من السلم نور بتقول انها داخت ووقعت
انهار جسد عبدالرحمن أرضا ودموعه تهبط بشده طفله مات قبل حتي ان يعلم بوجوده الطفل الذي انتظرته رحمه منذ والدتها لملاك أرادت ان تحضر طفل اخر
بكي عبدالرحمن بشده وهو يتحدث / ابني
ثم نظر لمالك بتعب / رحمه كويسه صح.
هز مالك رأسه بحنان / هي كويسه بس لحد دلوقتي لسه مفاقتش
نهض عبدالرحمن بسرعه وهو يمسح دموعه / عايز اروح ليها عايز اكون جنبها يا مالك
تحدث سراج وهو يتحرك / هروح اطلب إسعاف عشان ننقل ليث معانا
هز مالك رأسه وجذب عبدالرحمن لاحضانه / اشششش هتكون بخير متقلقش هتكون بخير ومتزعلش علي ابنك ربنا يعوضك بملاك
عبدالرحمن وهو يضمه يدفن وجهه في كتفه بشده / أنا زعلان علي رحمه كان نفسها في طفل يا بابا كان نفسها آوي تجيب بيبي صغير عارف كانت دايما تقولي انها حابه يكون عندها اخ لملاك ودلوقتي بعد ما جه، راح حتي من غير ما نعرف
مالك / استغفر ربك يا عبده بإذن الله ربنا يعوضكم خير في ملاك وبكره يرزقكم يابني
ابتسم عبده بألم / يارب يارب
جاء سراج وهو يضع يده علي كتف عبدالرحمن / يلا انا طلبت نقل ليث وخلصت الإجراءات
في المنزل كانت دانه تحتضن نفسها في الفراش وهي ترفض ان تفتح عينها خوفا ان تصدم بواقع فقدها لشريك الروح
بينما كان الاطفال مع إياد وزياد في مخزن الحيوانات كان اياد يحاول ان ينسي الأطفال ما حدث بينما زياد يجلس وحده في أحدي الزوايا بعيدا عن أعين إياد التي تراقبه بدقة فعندما تتقابل أعينهم يدعي زياد البسمه وهو يخفي ألم لا يليق بعمره أبدا ففكره فقدانه للهدوء والحب والدفئ في العائله ترعبه وبشده في البدايه كانت والدته والان والده يشعر بالالم والخوف الشديد وفقط يتمني لو يعود كل شئ كما كان سابقا ولن يزعج والديه فقط ليعود بخير بعدها لن يزعجهم أبدا شعر باياد يجلس بجانبه ويجذبه لصدره وهو يربت علي ظهره بحنان شديد غريب علي طفل في السابعه / بابا وعدك كل حاجه هترجع زي الاول بعدين ثق في ربنا انه مش هيزعلك انت بس قول يارب
ضم زياد يده حول توأمه وهو يهتف بالم /يارب يارب
بينما سمر كانت تنظر لصورتها مع سراج وهي تبتسم بحنين / رغم السنين اللي مرت يا سراج فضلت ماسك في قلبي فضلت ساكن فيه لوحدك بكل انانيه مسبتش مكان لحد غيرك يا روحي ارجعلي ياسراج ارجعلي عشان وحشتني اوي اوي
شعرت بيد تضم خصرها من الخلف ورأس توضع علي كتفها وصوت دافئ يتحدث /وانتي سبق واخدتي قلبي يا سمر الروح اخدتيه كله وانا بكل ترحيب سلمته ليكي
خفق قلب سمر بشده وهمست بفرحه / سراج
سراج وهو يجعلها تواجهه / قبله وروحه وعمره وحياته اللي فاتت واللي جايه يا سمر الروح
سمر وهي تدفن وجهها في صدره وتنفجر في البكاء بشده / سراج انت هنا صح انت معايا وفي حضني دلوقتي هتفضل معايا صح مش هتسيبني صح
امسك سراج وجهها بحنان / دايما يا قلبي دايما
ابتسمت سمر ثم تحدثت بتذكر / صحيح الكل كويس انت ومالك وعبده وليث كلكم بخير صح؟؟؟
هز سراج رأسه وهو يتسطح ويجعلها تتسطع بجانبه ثم يضمها اليه /الحمدلله الموضوع خلص علي خير والدور الاكبر قام بيه ليث حتي كنا علي وشك اننا نخسره بس لطف ربنا طلع في الوقت المناسب بس أتعرض لشويه حروق بظهره وبكره هيفوق وتلاقيه نطلنا هنا فبلاش تقولي لدانه لغايه لما يرجع عشان دي مجنونه ممكن تعمل اي حاجه
هزت سمر رأسها بايجاب ثم استكانت لاحضانه وهي تبتسم
في غرفه ليث استيقظ ونظر حوله وهو يحاول تذكر ما حذث حتي عادت له أحداث الأمس فنهض بألم يجب أن يعود لحبيبته الان يشتاق لها دوائه بجوارها هو وفقط
في المشفى اجري مالك مكالمه للبيت اخبرهم بها باستيقاظ رحمه وان ليث أصبح بخير وبصحه وان الأمور هنا أصبحت علي خير ما يرام فعمت الراحه في المنزل وعرف الجميع بذلك ما عدا دانه التي التزمت غرفتها ولم تخرج منها أبدا
اما في غرفه رحمه في المستشفى كان عبدالرحمن يضم رحمه بشده ويدفن وجهه في رقبتها وهو يدمع علي ما حدث لها ولطفله ولكن في نفسه حمد ربه مئات المرات علي لطفه به وحمايه لزوجته رغم الخطر الذي تعرضت له شعر عبدالرحمن بتحرك رحمه فخفف قبضته قليلا ثم ابتعد ونظرلها بحنان وهي تفتح عينها وهمس لها بعشق يفيض من بين حروفه / وحشتيني يا رحمتي
نظرت رحمه له وهي تظن نفسها تحلم كالعاده ثم دفنت وجهها في صدره وهي تتأوه بضعف فمازال أسر سقوطها يؤلمها
ابتسم عبدالرحمن ثم لعب في شعرها وهو يهمس / قومي يابت بلاش دلع يلا عشان زي ما وعدتك هنسافر لوحدنا انا وانتي وبس
فتحت رحمه عينها بسرعه كبيره وهي لاتصدق ما يحدث /إيه ده انت هنا بجد
هز عبدالرحمن رأسه ببسمه وهو يبعد شعرها ويقبل جبينها بحنان / أنا هنا دايما جنبك يا حياتي.
تحدثت رحمه بتعب ووجع كبير في قلبها / كنت حامل يا عبده كنت هجيب البيبي اللي نفسي فيه كنت…..
توقفت بسبب شعورها بغصة بكاء في حلقها فضمها اليه عبدالرحمن وهو يهدأها / اشششش خلاص يا رحمه دي امانه ربنا واستردها ليه تاني بعدين احنا الحمدلله مش محرومين عندنا ملاك ودي بالدنيا وانتي كمان تكفيني عن أي حاجه
نظرت بدموع / كان نفسي اجبلك بيبي كمان وافرحك
عبده ببسمه/ مين قال اني مش فرحان طول ما انتي جانبي وفرحانه انا كمان هكون فرحان وطول ما انتي بتبسمي وتضحكي هتلاقيني اسعد واحد في العالم
ها بقي اضحكي عشان الشمس تطلع ياباشا ياللي شمس الدنيا تطلع لما تطلع ضحكه منك
ضحكت رحمه علي غناءه فضمها هو وقبل رأسها بحنان / انتي دنيتي يا رحمه انتي وملاكي الصغنن
ابتسمت رحمه بشده / وانت حياتي يا عبده
كانت تلف قدمها علي خصره وتعانق رقبته وتدفن وجهها في عنقه وترفض تركه ضحك مالك بصخب / يا نور يا حبيبتي مش هطير والله فكي بقي رقبتي وانزلي نتفاهم والله مش همشي
نور وهي تهز رأسها برفض / أبدا أبدا هفضل لازقه في رقبتك كده العمر كله مش هفكك
ضحك مالك وهو يسير بها / طب ينفع شكلنا كده المستشفي كلها بتتفرج
نور وهي تدفن وجهها في عنقه اكثر / مش شايفه حد
ضحك مالك بشده ثم قابل مراد الذي ابتسم عليهم
تحدث مالك بغمزه / لو حد سأل غطي علينا
ضحك مراد بشده / طريق السلامه
فرد مالك يده علي ظهره نور وسار بها وهو يشعر انه سيسقط بها / يابنتي طب حتي تعالي اشيلك عدل بدل التعليقة اللي زي القرود دي
هزت نور رأسها برفض فضحك مالك علي طفلته التي لن تكبر أبدا
بينما مراد شعر بأحد جانبه نظر وجدها روجي / طب ايه
مراد بتعجب / إيه.
روجي بغمزه / مفيش حد هيغطي علينا
ضحك مراد وجذبها لمكتبه وأغلق الباب وهو يغمز لها / من غير ما يغطوا يا باشا
ضحكت روجي بشده / بقولك ايه يا دكتور ما تيجي نسافر تآني لوحدنا
مراد / عشان المره دي ارجع ببدله الإعدام اقولك انا علي اقتراح حلو انا اخدك ونطلع علي شقه بابا القديمه ونعيش لوحدنا
روجي بضحكه صاخبه / باشا والله
كانت دانه تتسطح علي الفراش بتعب وهي تتألم من ظهرها فجأه شعرت بيد تتحس ظهرها بحنان شديد جعلت جسدها يرتعش بشده من لمساته نظرت خلفها وجدته ليث نهضت بسرعه كبيره ولم تهتم لوجعها واندفعت لاحضانه بسرعه / ليث انت كويس صح انت قدامي هنا وجانبي
ابتسم ليث ووضع جبينه علي جبينها وهمس بعشق / أنا هنا يا جنيتي ومعاكي ودايما يا عشق ليث وجنية بلاك
ضحكت دانه بفرح ثم ضغطت بالخطأ علي ظهره فأنّ بوجع خافت
ابتعدت عنه دانه برعب / ليث مالك فيك ايه بيوجعك
نظر لها ليث بوجع / مفيش بس وقعت علي….
قاطعته دانه وهي تجعله يستدير وهو يحاول منعها لا يريد أن تري ما حدث له لا يريد ذلك / خلاص يا دانه انا كويس صدقيني هو وجع بس لأني وقعت و….
صمت وهو يشعر باصابعها التي تسير بحنان علي ظهره كما كان يفعل كاد يتحدث ولكن تجمد لشعور بشفاهها تقبل حروقه بحنان شديد بينما هو اغمض عينه /دانه انا كويس
مدت دانه يدها من الخلف وهي تضم رقبتها ثم وضعت رأسها علي كتفه وقبلته / اوعي يا ليث في يوم تحاول تخبي تعبك او وجعك عني أوعي تفتكر في يوم اني ممكن اشفق عليك او اني كان ممكن اتقرف من الحروق دي أبدا يا ليث كل حاجه فيك بتزيدك جمال في عيني كل همسه ليك بتزيد عشقك في قلبي يا ليث انت كنت ومازلت عشقي ومهما يحصل هتفضل كده مفيش حاجه هتغير ده أبدا.
التفت ليث لدانه ثم كوب وجهها وقبل عينها والاخري وجبينها وخدها ثم تحدث بهمس وصوت فاض عشقها لتلك التي سرقت قلبه منذ صغرها / لو الزمن رجع بيا يادانة ميت مره هختارك في كل مره لان ببساطه القلب ده معرفش معني الحب غير في وجودك
في الاسفل كانت ناري تشاهد التلفاز فشعرت بأحد خلفها نظرت وجدته خالد ينظر لها نظرات مريبه فعادت للخلف / إيه يا خالد يا حبيبي نظرات حمدي الوزير دي
خالد وهو يغمز لها / كل واحد اخد مزته وفلسع ما تيجي
ناري /اجي؟؟؟
خالد / تيجي ن….
قاطعته ناري وهي تصرخ / آه يا قليل الادب يا د……
كتم خالد فمها وهو ينظر حوله بخوف / انتي ليه دماغك وحشه كده اتقي الله شويه وصفي نيتك انا كان قصدي تيجي نختم القرآن سوا وناخد اجر
رفعت حاجبها ثم هزت كتفها بدلال / علي ماما ياخالد يابن أسد
خالد وهو يجذبها من خصرها / بت انتي هتيجي ولا ارتكب جنايه
ناري بضحكه سافله / هيهيهيهيهيهيهيهيهي معاك
خالد وهو يضحك / ما من الأول لازم نستعمل العنف
ناري بضحك / يابني انا منحرفه أساسا بس مستنيه حد يشجعني مستني ايه من واحده متربيه علي شيك شاك شوك
خالد وهو يضحك ثم انحني امامها / اطلعي يابت
صعدت ناري علي ظهره وهو يسير بها وهي تضحك بشده
حسام بصوت وصل لخالد / أمتي يارب تتوب عليه من إللي فيه
شعر باحد خلفه يضرب علي كتفه نظر وجدها سما تغمز / وانت ياباشا
حسام وهو يقترب لها ويضمها له / وانا إيه
سما / مش هنتوب بقي قبل ما تيجي بلوه تقع علي دماغ العيله المنحوسه دي
ضحك حسام ثم أخذها وخرج للحديقه التي جهزها لهم/ تعالي هوريكي حاجه
كان كل هذا تحت أنظار الصغار تحدثت تالا مثل الكبار / عيني عليكي يا تالا يوم ما يقع حظك تقعي في الجبله إياد
اياد من الخلف / الجبله وراكي علي فكره
نظرت له تالا بسخريه
ضحكت ديما بشده
إياد وهو يجذب زياد لاحضانه وهمس له بحنان /مش قولتلك هتتعدل ياباشا كل حاجه هترجع زي الاول واحسن
ابتسم زياد / أنا خلاص قررت اتوب يا اياد كفايه بقي سكه البنات مبقتش جايبه همها وبع……
سمع ضحكه ديما فصفر وهو يغمز لها / حبيبي يا متدلع
ضرب إياد كف على كف / يابني مش لسه قايل هتفكك من البنات
زياد / بقي يا أخي حد يرمي النعمه استغفر الله
ضحك إياد بشده / يا أخي مش هتتعدل أبدا ولو بعد ميت سنه
زياد وهو يضع كتفه علي كتف اخيه / مش متأكد من موضوع اتعدل دي بس إللي متأكد منه انه حتي بعد ميت سنه هتفضل معايا وسندي وهنفضل دايما سوا
**بعد مرور 20 عاما
⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️
*عاوزه تخش روام روايات علي 📌واتس خش علي الينك كده 💞🥀*
*https://wa.me/+201288715026?text=ممكن-ادخل-جروب-الروايات-
*روايات ابو تولين👧*
~روايات جامده ممتعه 🥰~
“`اي روايه عاوزها هتلاقيه علي
الجروب 🤍💞“`⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️
كان إياد يركض بسرعه كبيره خلف احد الرجال الذين استطاعوا الفرار من المداهمه تحدث في جهاز الارسال / انت فين يا زفت انت
زياد وهو يأكل الايس كريم / باكل آيس كريم
إياد بصراخ / آيس كريم يا حيوان ايه والمجرم بيهرب
زياد وهو يبعد الهاتف عن اذنه من صوت اخيه / إيه ياباشا صوتك بعدين الجو حر الصراحه فقولت هاكل آيس كريم وارجع اكمل يعني بريك سريع كده
صرخ به إياد ثم اغلق الهاتف بينما زياد اخذ يصفر باستمتاع وكأنه في رحله ثواني وجد رجل يركض من بعيد ناحيته فمد قدمه بكل برود فسقط الرجل أرضا فانحني له زياد ثم امسكه نظر الرجل بفزع له فهو كان يتبعه للتو والان يقف امامه بكل برود وهو يأكل آيس كريم نظر زياد خلف الرحل وجد إياد يقف وينظر له بتعجب / إيه ده انت هنا
زياد وهو يخرج الاصفاد ووضعها في يد الرجل / إيه ياباشا هو أنا بلعب انا عارف ان كل الطرق هتوصل لهنا فقولت استناه وبالمره اكل حاجه سقعه اجيبلك آيس كريم
ضحك إياد بشده ثم نظر لبعض الرجال الذين يركضون خلفه وأشار لهم ن خدوه عشان يتحقق معاه
ثم نظر لزياد / عندهم آيس كريم توت هنا
زياد / عداله ياباشا آيس كريم عداله ولله
ضحك إياد وانضم لاخيه الذي يظهر للمشاهد انه مهمل لا يهتم ولكن بالعكس فهو دائما يبحث عن الطرق السهله والصحيحه ويسلكها يفكر جيدا قبل أي خطوة قد يظهر عابث وغير مهتم ولكنه عند الحاجه بارد برود مستفز أقرب لبرود ليث حتي ان إياد ليس بارد بهذه الدرجه كما أن زياد يتمتع بشراسه تختبئ خلف مزاحه دائما
بعد مرور ساعتين
دخل بسرعه علي أخاه المكتب وهو يصرخ / إياد الحقني
نهض إياد بفزع من المكتب / فيه ايه يلعن ابو معرفتك يا أخي
زياد وهو يرتمي علي الاريكه وتحدث بارهاق / لقيت خبر علي الفيس بيفيد ان نانسي اتعرضت لحادثه
نظر له إياد بدقه / نانسي مين دي صاحبتك الجديده
زياد وهو يشير له بالصمت / اشششش صاحبتي مين الحيطان ليها ودان دلوقتي تلاقي ديما ناطه لينا ومولعه فيا بعدين أنا قصدي علي نانسي عجرم كسرت قلبي دي عليها واحده اخاصمك آه بتجيب اجلي
عم الصمت ثواني في المكتب حتي تعجب زياد من هدوء اخيه ولكن ما كاد يتحدث حتي وجد حذاء إياد يرتطم بوجهه ثم نهض له / عارف الجذمه دي انا كان لازم اضرب نفسي بيها من يوم ما رضيت اني اشتغل معاك بنفس القسم
زياد وهو يتحدث بجديه / عندك حق مالها الآداب علي الاقل هناك وجوه حلوه كده وضحكه جميله بس ازاي مين يكمل مسيره جدك وخالك وابوك دخلونا مخابرات الله يسامحهم انا مش عارف بقي دي مناظر ناس تتخانق يابني انا شعري اتقصف والله من المهمات في الحر دي لازم حمام كريم مينفعش كده
صرخ إياد / بررررررره يا زياد بررررررره
زياد وهو ينظر له بحاجب مرفوع / واد انت بتطردني ولا انا متهيألي
كاد إياد يرد لولا أن الباب انفتح ودخلت منه فتاه ترتدي ثياب قصيره وتضع ميكب مبالغ فيه.
زياد وهو يدفع إياد من وجهه / طب يارجب يا خويا أتفضل انت
ضرب إياد يده / اوعي ياض والله لقول لديما
زياد / وحيات امك اللي طالع عين ابوها دي بلاش دي بنت مجانين اخر مره ولعت في عربيتي بعدين انت عارف ان انا بهزر واني عمري ما ابص لبنت غير ديما
ابتسم إياد فهو يعرف مقدار عشق اخيه لديما فهي كيانه وحياته يعشقها لدرجه الموت ولكنه دائما يمزح في موضوع الفتيات
تحدثت الفتاه وهي تنظر لاياد / انت المقدم زياد
زياد وهو يدفع إياد / اوعي ياض ايوه يا كريم كراميل انا زياد اؤمري
ضحكت الفتاه بدلع.
زياد / يا صلاه النبي ايه ال….
سمع صوت ديما / كمل يا حبيبي إيه ال… ايه.
زياد وهو يغض بصره / إيه الفجور وقله الأدب اتقي الله يا اختااااه وعودي لربك استغفر الله
ثم اتجه للباب فجذبته ديما من الخلف / رايح فين ياباشا
زياد / هصلي العصر حاضر يا أخت ديما
ديما / هتصلي العصر الساعه 10 الصبح
زياد / استغفر الله انتي هتعترضي علي الصلاه كمان ولا إيه اتقوا الله بقي وارجعوا اخوتي في الله لقد تسرعنا في اتخاذنا هذا الطريق فلنرجع لطريق الحق
دخل ليث ونظر لهم بتعجب / فيه إيه هنا إيه اللي بيحصل
إياد بسخريه / تعالي يا بلاك ابنك عامل حلقه علم تعالي لايفوتك الدرس
زياد وهو ينظر لهم / فكروني نعمل لقاء في البيت وابقي ندعي الاخ أسد و الاخ خالد و الاخ في الله مراد وباقي الرجال لعلنا نغنم بنصيحه تعيدنا للطريق الصحيح
إياد بسخريه / لقاء ايه بقي قصدك شقه دعاره مش بعيد خالد يجيب مزتين زي اخر مره ونبات كلنا في الجنينه
ضحكت ديما بشده / إيه ياض سيب خالد في حاله الراجل ماشي مستيقم
زياد / علي يدي ده انا اللي راسم ليه الخط بقولك ايه تعالي عايزك
ثم جذبها خلفه وذهب لمكتبه واغلقه وجعلها تستند علي الباب ونظر في عينها وكاد يتقرب منها لولا انها دفعته عنها / هتعمل ايه
زياد بسخريه / واحد وواحده في اوضه فاضيه لوحدهم والشيطان ثالثهم وبيقرب منها هيعمل ايه هيكبر في ودانها
وضعت ديما يدها علي فمها برعب / لا اوعي تقول عايز تبوسني يا قليل الادب
ابتعد زياد عنها وهو يردح مثل النساء / نعممممممم يا ختي امال انا كاتب الكتاب ليه
ديما باستنكار / عشان تبوس؟؟؟
زياد بسخريه / لا عشان نسبح ونستغفر سوا مش انتي اللي كل ما قرب لا يا زياد مينفعش لا يا زياد عيب طب نكتب الكتاب يا زياد واديني اتنيلت كتبت الكتاب ها بقي هبوس ولا مش هبوس في الليله دي
ديما وهي تنظر له وهي تضحك / طب اهدي
زياد / اديني هادي يا ختي ايه شيفاني بشد في شعري ولا إيه
ثم جذبها له بعيدا عن الباب / ها بقي هاتي بوسه الله يكرمك ياشيخه هيتردلك في عيالك اللي بتعمليه ده
ضحكت ديما ثم اقتربت منه وكادت تقبله لولا أن الباب انفتح سريعا
زياد وهو يصرخ بهياج / لا ده حد باصصلي في ام البوسه دي
ثم نظر بغضب للباب ولكن سرعان ما تحول هذا الغضب لخضوع وهو يبعد ديما عنه بسرعه / ابعدي يابنتي استغفر الله قولتلك لما نتجوز وانتي حيل الله عايزه بوسه بنات آخر زمن فعلا
ثم نظر للباب وجده ينظر له بحاجب مرفوع / باشا والله شايف بعينك انا محترم إزاي
تحدث مالك بسخريه / آوي آوي يا زين ماربيت يا ليث
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بنت الشيطان)
