رواية زهره الفصل التاسع عشر 19 بقلم سيمو مو
رواية زهره الجزء التاسع عشر
رواية زهره البارت التاسع عشر
رواية زهره الحلقة التاسعة عشر
كانت بسمه طالعه فوق اوضه امها لان الموبايلات كلها فى الاوضه ف لقت الموبايل بيرن ف اخدت الموبايل وقالت ل عاصم ودخل البيت علشان يرد
عاصم: الو
احمد: ا الو ي استاذ عاصم انا الممرض احمد فاكرني
عاصم: اه عامل اي
احمد: الحمدلله محتاجك فى موضوع ضروري ي استاذ عاصم
عاصم: خير فى اي
احمد: عيال اخو مرات حضرتك معايا حاليا وبيقولو انهم سابو البيت بسبب امهم
عاصم اتصدم ومكانش عارف يعمل اي ف قال: انت بتتكلم جد ده احمد هيموت عليهم وهما تايهين !
احمد: متقلقش حضرتك هما معايا ومش هسيبهم يروحو فى حته والله انا بس خايف امهم توصلهم ونا معرفش هى بتعملهم اي
عاصم: انا هبعت واحد ليك دلوقتي يجيبهم بس ابعتلي اللوكيشن بسرعه
احمد: مش لازم ي استاذ عاصم انا عارف بيت حضرتك هاجي اجيبهم بنفسي
عاصم: طب وليه منا هبعتلك واحد ب عربيه علشان مايتبهدلوش ولا انت تتبهدل
احمد: لا ي استاذ معلش انا هجيبهم بعد اذنك بكره إن شاء الله
عاصم: خلاص تمام ماشي ياريت يبقا قبل الساعه 4 او 5 العصر
احمد: اشمعنا هو استاذ احمد ابوهم هيمشي ولا اي
عاصم: لا بكره إن شاء الله فرحي انا وزهره ما دام هتيجي يبقا تعالى معانا الفرح بقا لانك عملت لينا جميل مش هننساه ابدا
احمد: اه الف مبروك بس ازاي وانتو كنتو فى المستشفى متجوزين؟
عاصم: كاتبين الكتاب ومعملناش الفرح ساعتها ف اهو بكره
احمد: الف مبروك ربنا يتمم ع خير هوصل بإذن الله بدري
عاصم: بإذن الله خلي بالك عليهم
احمد: اكيد متقلقش
عاصم: مع السلامه .. وقفل عاصم معاه وراح جري ل احمد يقوله
عاصم: احمااااد تعالى
احمد: نعم ي عاصم فى حاجه
عاصم: ايوه فى .. الممرض اللي حصل قبل كده مشكله معاه لقى عيالك
احمد: نعم ! يعني اي مش فاهم حاجه .. حكاله عاصم اللي عرفه واحمد كان فرحان اووي بس خا*يف بردو ع عياله
احمد: انت متطمن للولا ده ي عاصم
عاصم: اه متقلقش المهم خلينا نكمل الليله علشان تعدي ع خير وهو إن شاء الله هيجي بخير
وراحو كملو اللي بيعملوه عادي بس مجابوش سيره لاي حد علشان محدش يخاف بالذات زهره وعدا اليوم الحمدلله.
زهره: انا فرحانه اوووي ي عصوم
عاصم: يارب دايما اقدر افرحك وابسطك ي روحي لو تعرفي انا بحبك قد اي ي زهرتي مش هتصدقي والله لو أطول اجيبلك حته من السما هعمل كده
زهره وهى بتحضنه اكتر: عارفه ي حبيبي ربنا يحفظك ليا يارب وميحرمنيش منك ابدا
عاصم: وانتي كمان ي عمري الا قوليلي كنتي بترقصي حلو اوي مع البنات ي صايعه😉
زهره بكسوف: اي ده كنت شايفني
عاصم: طبعا هو انا مركز مع حد غيرك ي قمر انت ما تجيبي بو*سه ابت
زهره: بس بقا ي عاصم الله استنى لبكره
عاصم: ي متخلفه احنا متجوزين اقسم بالله😂😂
زهره: بردوووو لسه بعد الفرح اعمل اللي عاوزه
عاصم غمزلها وقال: كل اللي عاوزه كله
زهره بكسوف اكتر وضربته فى كتفه: لا مش كله كله بقا
عاصم: اومال اي بقا انتي كده بتضحكي عليا
زهره: لما يجي بكره إن شاء الله ي رخم بطل تكسفني بقا
عاصم بضحك: بكره فرحنا ولسه بتتكسفي مني ي زهرتي عيب عليكي والله
زهره: اه طبعا اومال عايزني زي البنات اللي مش بتتكسف وتفضل تقول لجوزها عايزه كذا وكذا
عاصم: اي كذا وكذا؟
زهره بكسوف: انت فاهم بقا
عاصم: قولي لا مش فاهم
زهره: لا فاهم مش هقول علشان بتكسف
عاصم: لا والله قولي بقا مش هسيبك غير لما تقوليلي
زهره: بو*سه وحضن وكده يعني
عاصم: اي اللي كده يعني فهميني اي اخر حاجه دي
زهره: هات ودنك طيب
عاصم: اهو .. قالتله فى ودنه وفطس من الضحك وقالها: طب ي حبيبتي ما كنتي قولتي عادي ما احنا لوحدنا فى الاوضه والله وبعدين هى دي حاجه تكسف ما احنا هنعمل كده بكره إن شاء الله
زهره: لا لا لا بالله عليك بلاش
عاصم: ليه🤣🤣
زهره: علشان انا خايفه ومكسوفه وكده بقا
عاصم: ماشي ي حبيبتي ربنا يهديكي تعالي ننام يلا علشان يومنا طويل اوي بكره .. وبا*سها من راسها وخدودها وكان عايز يبو*سها من بو*قها بس قال بلاش وخدها فى حضنه ونامو محسوش من التعـ’ـب والساعه 9 الصبح المنبه رن وصحت زهره: اممم عاصم .. ي عاصم اصحى يلا
عاصم بنوم: مممم اي ي قلبي
زهره: اصحى يلا علشان نلحق نلبس
عاصم: نلبس اي بس ي ستي يلا نكمل نووم
زهره: طيب ماشي .. وشويه كده عاصم استوعب وقام فجأه يصحي زهره بزعيق: زهرااا اصحي ي بت قووومي نوم اي النهارده فرحنااااا
زهره بفـ’ـزع: برااااحه بسم الله الرحمن الرحيم فى ايييي
عاصم: فرحنا ي هااااانم
زهره: ااااه صح ده انا ناسيه مش واخده بالي
عاصم: قوووومييييي .. وقامو كل واحد خد دش ولبس وعاصم راح يشوف احمد: اي يعم فينك خلصت
احمد: خلصت اهو احمد اللي بتقول عليه ده جاي امتى بقا
عاصم: زمانه جاي متقلقش وبصراحه كده هما وصلو اصلا وعيالك دلوقتي بيتظبطو
اتصدم احمد وقال: يعني اي انا مش فاهم حاجه
عاصم: يابني احمد وصل من بدري وكلمني وقولتله فى حد من عندي هيجيلك ياخد العيال علشان يبلسو وكده وهو كمان وبعدين هيجيبهم ع الفندق واحنا هناك
احمد: لا انا عايز اشوفهم دلوقتي
عاصم: يعم اهدا اظبر والله عيالك كويسين ولو لا ف انا المسئول خلاص
احمد: ماشي ي عاصم بجد مش عارف اشكرك ازاي
عاصم: يعم الشكر لله تعالى يلا نشوف الناس التانيه .. ومسكه من ايده وطلع يشوف بسمه وامه
عاصم: اي ي جماعه خلصتو ولا لسه
صابرين: اهو يابني خلاص انتو خلصتو
عاصم: اه خلاص كله تمام
بسمه: يلا زهره فين
عاصم: فى الاوضه اهي بتكمل لبس .. وبعد ما خلصو لبس ركب عاصم وزهره وصابرين وبسمه وهشام فى عربيه عاصم ومحمد مشى وراهم بعربيته هو و الشباب الباقيين ع الفندق وطلعو البنات فى السويت بتاعهم والرجاله كذلك.
عاصم: يلا ي زهرتي خلي بالك من نفسك البنات هتلاقيهم فوق مستنينكو
زهره: ماشي ي حبيبي وانت كمان وهتوحشني اووي
عاصم: وانتي كمان ي عمري خليكي معايا ع الموبايل هاا
بسمه: موبايل اييييي مش هتشوفها غير لما نخلص
عاصم: حسبي الله وكفى انا لازم فعلا اجيب بيت لينا ي زهزه
بسمه: ليه بقا إن شاء الله هنيجي معاكو بردو
عاصم: يلا ي زهره ي حبيبتي انزلي يلا انزلو كلكو .. فضلو يضحكو عليهم وطلعو فوق يجهزو والحمدلله عدا الوقت ع خير وكانت زهره ع سنجه عشره زي ما بيقولو😂💜
زهره: يلا بقا بالله عليكو اتصلو بيه خليه يطلع
صابرين: حاضر اهو ي حبيبتي قالي طالع
عاصم كان لابس بدله بيضه وعامل شعره سشوار وحاطط دبوس ع البدله بإسم زهره وقافل زرار البدله من النص وماسك بوكيه الورد بتاع زهره طبعا مش عايزه اقولكو ان علشان الاستاذه اسمها زهره جايبلها أغلى واحلى بوكيه ورد فى العالم لون الورد درجات البينك كلها .. ڤيري چينتل مان بجد🤤💜
عاصم: شكلي حلو ي رجاله
محمد: حلو بس ده انت احلى مني ي جدع
احمد: اه والله انت طرش يعم
عاصم بضحك: طرش مره واحده
احمد: اه والله ده ي بخت اختي بيك
عاصم: ي بختي انا بيها والله ..
احمد وصل الفندق ونزلو من العربيه وكانو متشيكين اوي وكل اللي يشوفهم يقولو ده ابوهم
طق طق طق
عاصم: ايوه ادخل .. فتح الباب احمد ودخل ب العيال واول ما شافوه جرو عليه
احمد: عيالي!
حضنهم جامد وفضل يعـ’ـيط مش مصدق انه شافهم اخيرا
نادر: بابا حبيبي انت وحشتنا اوي
احمد: وانت كمان ي حبيب بابا انتو كويسين
ساره: الحمدلله ي بابا بس ماما بتعاملنا وحش اوي
احمد: حقكو عليا ي حبايبي انا اسف المهم انكو بخير وكويسين متخافوش هتفضلو معايا علطول يلا سلمو ع جوز عمتكم عاصم
عاصم: ازيكم ي حلوين
كلهم سلمو عليه
ساره: الف مبروك ي عمو عاصم انت وعمتو زهره
عاصم: الله يبارك فيكي ي سكره عقبالك انتي واخواتك الرجاله
اتكسفت ودخلت فى حضن ابوها وقعدو يتكلمو معاه واحمد شكر احمد جدا واتعرفو ع بعض وبعد ما خلصو راح عند اوضه زهره خبط وفتحتله بسمه: مييين
عاصم: الميلامين ي هبله فين زهرتي
بسمه: جوه يعم المز اي الجمال والحلاوه دي
عاصم: اي رايك أنفع عريس
بسمه: تنفع عريس انت عريس اصلا
عاصم: احم اه صح متوتر بس يلا اوعي كده اما اخش ل حبيبتي ..
دخل جوه وبص لقاها واقفه مدياله ضهرها ف لفت براحه وكانت لابسه فستان تركي مش منفوش اوي وديله مش طويل وكمامه مغطيه كتفها وكان تلت كم ومنقوش نقشه الورد تحففففه وعامله شعرها تسريحه هاديه ولماه والطرحه كانت هاديه جدا والتاج شيك والهيلز طبعا ٢٠ سنتي😂😂
الميكب بتاعها هادي بشكل رهيب وميكب العيون كان بني والكحل اسود خفيف والإكسسوارات مش كتير بصو من الاخر كانت ملاك بجد🤍🤍
عاصم شافها من هنا واغمـ’ـى عليه من هنا
زهره بخو*ف: عاااصم الحقوووه
صابرين: عاصم حبيبي بسم الله عليك فى اي هاتو برفان ي جماعه بسرعه
عاصم: هى فين
بسمه: هى مين
عاصم: بنت الجز*مه اللي سحر*الي
كلهم ضحكو فقالت زهره: كده بردو ي عاصم بتشتـ’ـمني
عاصم فاق وقال: ها انا اسف ي زهرتي والله مكنتش فايق هو اي اللي حصل
بسمه بضحك: مفيش ي حبيبي انت اغمـ’ـى عليك بس
عاصم: ياه .. خدي ي حبيبتي انا اسف حقك عليا .. وقام خد بوكيه الورد واداهولها
زهره بكسوف: ميرسي ي عصوم
عاصم باصص فى عنيها وقال: بحبك اوي ي زهره قلبي
زهره بكسوف اكتر: ونا كمان ي قلب زهره قلبك
انكجها ومشو والبنات وره ماسكين ديل الفستان وبيزغرطو والرجاله صحابه كانو معاه بردو ونزلو كلهم تحت فى القاعه
محمد: الناس جت ي عصوم يلا
عاصم: يلا اهو المهم يشغلو الاغنيه ها
محمد: متخافش أكدت عليهم يلا انتو بس .. كملو مشي لحد ما وصلو للقاعه وفتحو الباب وابتدت اغنيه إدخلي عمري والورد الأحمر والابيض بينزل عليهم من فوق والناس كلها بتسقفلهم وبتزغرط وفرحانين وعاصم وزهره باصين لبعض بفرح وهيام لحد ما وصلو للكوشه وقعدو والناس راحو يباركولهم ويتصورو معاهم
احمد الممرض: الف مبروك ي استاذ عاصم
عاصم: الله يبارك فيك ي حبيبي بلاش استاذ بقا قول عاصم علطول
احمد: حاضر ي عاصم .. الف مبروك ي مدام زهره
عاصم: معلش من غير ما تسلم
احمد: اه تمام ربنا يسعدكو
عاصم: يارب تسلم .. ومشى راح يقعد وكان هيمـ’ـوت من الغيظ والزعل
عاصم: زهرتي
زهره: قلب زهرتك
عاصم: هو انا نسيت اقولك انك قمر فى الفستان؟
زهره: تقريبا
عاصم: طب انتي احلى من القمر بذات نفسه اقسم بالله
زهره بكسوف: بجد ي عصوم
عاصم: بجد ي قلب وروح وعمر عصوم ثواني خليكي عندك .. وراح عند بتاع الدي چي اخد المايك
عاصم: احم بسم الله الرحمن الرحيم طبعا شكرا لكل اللي شرفني النهارده فى فرحي اذا كان من قريب أو بعيد وشكرا للي مجاش بردو كلكو ع راسي .. مبدأيًا انا مكنتش اتوقع اني اتجوز اصلا وبسرعه كده بس لما زهره حياتي جت خلتني مجنـ’ـون .. اه والله زهره هى مراتي الأولى والاخيره ليا فى الدنيا وبإذن الله معايا بردو فى الجنه قولو امين .. كله قال امين وكمل: انا
اتجوزت زهره بسبب مشكله حصلت معاها وكنا متفقين اننا نعيش اخوات وبس ل كذا سبب منهم انها أصغر مني بكتير واني كمان معرفهاش وكده يعني .. بس متوقعتش ابدا اني احبها وأُغرم بيها بالشكل ده اه انا بقول قدام كل الناس اني أُغرمت بيكي ي زهره ي بنت هشام محمود .. حمايا العزيز اللي بعتبره ابويا اللي ربى زهرتي وكبرها وخلاها مراتي حاليا
بشكرك علشان هديتني زهرتك وبقت زهرتي انا واوعدك إن شاء الله اني احافظ عليها وعمري ما ازعلها فى يوم ابدا واعاملها زي ما وصانا رسولنا الكريم صلى الله عليه وسلم
وانتي ي زهرتي ي زهره حياتي وقلبي وكل ايامي
اوعدك اني اكون الزوج الصالح ليكي وابوكي التاني بعد اذن حمايا العزيز طبعا ها واخده بالك😂
بقولك قدام الناس كلها اهو انا بحبك ي زهرتي وزهره قلبي وابوس ايد ابوكي ما تتكسفي بقا وتعيـ’ـطي ها
احمد كان سامع الكلام اللي عاصم بيقوله وكان زعلان جدا وبيقول من جواه: ليه مش انا اللي بقولك الكلام ده ي زهره ليه متبقيش ليا انا ليه
وطبعا زهره لما سمعت الكلام مكانتش تعرف انه هيعمل كده اصلا بس هو مجنـ’ـون بجد.
بعد ما خلص كلامه الاغاني اشتغلت وكله بقا يرقص معاهم وفرحان ليهم وعاصم وزهره فى عالم تاني لوحدهم مع بعض💜
واشتغلت اغنيه موديل باريس
بصي هنا أنتِ أنا
أنتِ سحاب فوق نجم الليل
ايه ده في كده حضن الشتاء
لؤلؤ في عود ملفوف وخطير
جرحي إختفى ما أنتِ الدفى
لايقه في كل الاستيلات
كده بي الشفا نوركوا اطفى
جتلي الطبيعي يا افيكتات
لما البطل يلعب
كلها تاخد جنب
لا هتاكل ولا تشرب
اللي هتقف قصدها
فستناك الأحمر
خلى القلب أتدمر
يا صاروخ ومتعمر
اشيك بنت في بلدها
اهدوا بقا دي المطرقه
هاتيجوا انتم جنبها فين
ولا قبلها ولا بعدها
ولا غيرها حد بيملى العين ..
كان عاصم ماسك ايدين زهره وبيرقصو عليها وبيغنوها مع بعض وبعد ما خلصو جت التورته ف قطعوها وطلعو فوق ياكلو بقا لأنهم فرهدو جدا
زهره: انا تعبت اوي عايزه اقلع الفستان ده اتحريت
عاصم: سلامتك ي عمري من الحر طالعين الاوضه اهو فى التكييف متقلقيش يلا .. وطلعو كلو وشربو وريحو من الرقص ونزلو تاني كملو
بسمه كانت بترقص مع باقي البنات(رقص مش اللي هو فى دماغكو لا رقص عادي😂) وهى فرحانه اوي ولما تعبت راحت تقعد شويه ف احمد اخو زهره راحلها
احمد: اي تعبتي
بسمه: اه والله الجو فرهده اومال فين كتاكيتك
احمد: بيلعبو مع الولاد التانين
بسمه: امم طب اقعد واقف ليه
احمد: ميرسي .. بس انتي شبه اخوكي عاصم اكتر من مامتك
بسمه: اه فعلا
احمد: بس قمر
بسمه اتكسفت وقالت: اي يعم انت بتعاكس ولا اي اناديلك عاصم
احمد: لا لا والله انا اسف بس دي حقيقه فعلا انتي قمر
بسمه: بردو بتعاكس😂
احمد: خلاص مش هتكلم
بسمه: لا اتكلم بس مش تعاكس
احمد: اممم .. فى الوقت ده بتاع الدي جي قال فى المايك الكابلز يقومو يرقصو سلو
احمد: تقومي معايا نرقص سلو
بسمه: لا طبعا مينفعش انت عايز عاصم يفلـ’ـقنا احنا الاتنين
احمد: صح عندك حق خلاص هقوم انا احسن
بسمه: يعم ليه بس خليك نتكلم عادي او نتفرج عليهم
احمد: خلاص ماشي نتفرج .. عاصم اخد زهره ووقفو ف النص والكابلز التانين حواليهم وبدأو يرقصو سلو وهما مركزين عليهم وبس وعاصم مش شايف حاجه غير زهره كأنهم فى عالم تاني
عاصم: بحبك ي زهرتي
زهره: بموت فيك ي قلب زهرتك
عاصم: بتعشقيني زي ما بعشقك
زهره: اه طبعا ي حبيبي
عاصم: وانا اكتر ي قلب حبيبك .. وحضنها وشالها لف بيها وكانت طايره من الفرحه فعلا بقا وكله كان بيسقفلهم😂💜
بعد ما خلصو الرقصه عاصم قال لزهره يلا هنمشي وكانت الساعه 8 بليل واه هما خلصو بدري علشان يلحقو الطياره وطبعا كله كان زعلان وهما بيسلمو عليهم
محمد: هحطلك الشنط فى العربيه واجي يلا
عاصم: ماشي يلا ي زهرتي اركبي .. كان واقف من بعيد شايفها وبيعيط بس من غير ما حد يشوف وبعدين راح يركب القطر علشان يروح …..
واخيرااااااا اتجوزو بجد انا فرحانه اني كتبت البارت اخيرا البارت ده بحاول اكتب فيه بقالي اسبوعين باين وكبييييير اهووووو ف بالله عليكو تفاعلو كتير اوي بقا علشان الحق اخلص الروايه قبل ما ابدا مدرسه.😂💜💜
تمت بحمد الله
لقراءة الرواية كاملة اضغط على : (رواية زهره)
