رواية احلام في عيون وقحه الفصل الثاني والعشرون 22 بقلم منة محمد
رواية احلام في عيون وقحه الجزء الثاني والعشرون
رواية احلام في عيون وقحه البارت الثاني والعشرون
رواية احلام في عيون وقحه الحلقة الثانية والعشرون
في المطبخ
مايا دخلت وراحت البوتجاز وفتحت الحلل: لمين بتطبخوا كل ده احنا عندنا عزومه
احلام : لاء ده الاكل العادي
مايا: مين هياكل كل ده ممكن تعملي ربع الكميه ليه تهدريه
احلام: الاكل ده بيتعمل كل يوم في البيت ومفيش حاجه بتفضل منه ثقي فيا
مايا: انا اتعودت اسمع المديح والتمجيد فيكي عشان كدا بتحطي اكل كتير ع السفره لكن من دلوقت مش هيحصل مش هسمح لحد مستهتر يضيع فلوس وشقا جوزي كفايه تبذير اسأليني المره الجايه قبل ما تطبخي
انور دخل وبصلهم وحس من شكل احلام المتكدر انه فيه حاجه بتحصل ما بينهم ومايا عدلت وشها
انور وقال بكل هدوء : هو حصل ايه فيه مشكله ليه سكتوا لما دخلت
احلام بصتله وحابسه دموعها ومايا بلعت ريقها للتندفع و تقوله
انور بضيق: احلام قوليلي
احلام بنبره متوترة: ابدا كنا بنتكلم هنعمل اكل ايه مفيش حاجه
مايا ابتسمت: انور بتعمل ايه هنا وليه تقف في الحر اخرج من هنا
انور: جيت اسأل عن مروان بتصل بيه من بدري مش بيرد
احلام: راح الشركه الصبح بدري من غير فطار
انور: بس اليوم الجمعه اه فهمت بيوصل اول شحنه لينا حقيقي هو مهتم بكل حاجه الله يعينه عليه عبئ كبير عشان كدا مضيعش يوم الاجازه
مايا قربت ومسكت ايده : هو احنا هنفضل نتكلم هنا يله عايزه اتكلم معاك
انور: اه يله
الشغاله: ايه ده يا ست احلام هو الاكل هيبقي بحساب كمان, لازم تبلغي انور بيه ع كل حاجه وهو يقول للست سلوي ع عمايلها
احلام: اسكتي ومفيش داعي تقولي لحد حاجه مايا مغلطتش هي مدبره وعايزه مصلحتنا كملي شغلك
احلام طلعت من المطبخ عند سلوي عشان تاخد الغسيل فتحت الباب واتسحبت
سلوي قلقت وقامت قاعده
احلام: اسفه يا ماما صحيتي بسببي
سلوي: انا مكنتش نايمه كنت مريحه لما ابقي قاعده فاضيه انام واقوم وانتي بتشتغلي شغل البيت من الصبح ومروان بيروح الشغل لما بيكون في البيت بيعمل بهجه حواليا
احلام: ابيه انور ومايا في البيت تحبي اجيبهم يقعدوا معاكي
سلوي: لاء خليهم اسمعيني كنت بفكر اكلف مايا تشيل مسؤليات البيت ما هي لازم تتحمل معاكي المسؤليه ده واجب هتكلم معاها
احلام هزت راسها بنفي: لاء بلاش ارجوكي
سلوي بصتلها واحلام مش قادره تقولها دي لو اتشاركت معاها في المسؤليه هتطلع عيونها
احلام برتباك: قصدي يعني هي لسه متجوزة من يومين هتتعامل مع كل حاجه بنفسها بعد شويه فـ متقولهاش حاجه دلوقت
سلوي: انتي كمان اتجوزتي ومن تاني يوم اتحملتي مسؤليه البيت وهي زيها زيك من حقك ترتاحي
………………قصص منه محمد كاتب……………..
واقفه قدام المرايا تحط روح احمر فاقع وتمشط شعرها المفرود
انور بنظرات اعجاب: زي القمر تعرفي اول مره شوفتك فيها اعجبت بيكي _قرب ولفها له_ لكن مكنتش اعرف انـ
مايا شدت جسمها منه وقالت: اسكت يا انور اتأخرنا ولازم اقف انتباه قدام امك
انور كشر: امي هي كل حاجه بالنسبه لي
مايا رفعت كتافها: وانا علاقتي معاها بسببك, انا معرفش اخدم الكل عشان ينبسطوا مني زي احلام, اعمل ايه
انور: عارف انك مختلفه لكن حاولي تعملي حاجه تسعدني , مروان بيرجع من الشركه كان الافضل لو كان هنا وخرجنا كلنا سوي
مايا : اه طبعا وناخد الشغاله كمان واختك رنا روح اتصل بيها تروح معانا
انور ابتسم: تعرفي فكره مش بطاله
مايا اتكت ع اسنانها بغيظ: انووووور
انور ضحك: بهزر يله نمشي
مايا: استني اعدل شكلي
انور: انتي كويسه يله
مايا دخلت غرفه سلوي لقتهم قاعدين سوي ووقفت قدامهم وقالت: هايل اظاهر احلام عايزه تستولي ع البيت كله مش كدا يا حماتي
سلوي بضيق: هو انتي خارجه
مايا برفعه حاجب: هو انا لازم اقول للكل عن جدول مواعيدي مفيش اي خصوصيه اه خارجه لو سمحتي حماتي ممكن امشي
سلوي شوحتلها بتكشيره: اه امشي
انور بصوت عالي من الخارج: يله يا مايا هشغل العربيه
مايا رفعت حاجب : انا جايه ( بصت لاحلام_ وبقولك من دلوقت هتأخر مفيش داعي تتصلي بيا وتعكري مزاجي سلام
سلوي :عليها كميه استفزاز فظيعه اي نعم حلوه لكن اسلوب واخلاق يوك
احلام بصتلها ومره واحده ضحكوا الاتنين بصوت عالي
…………..قصص منه محمد كاتب……………….
في العربيه بصلها لما لقاها قاعده سرحانه
انور بسؤال: بتفكري في ايه؟؟!!
مايا: ومتضايقش حاسه ان احلام ومروان هما بس الي ليهم قيمه في الييت كانهم هما بس الي مهتمين بشؤن البيت كله وانت ملكش اي قيمه
انور: مفيش حاجه من دي احنا كلنا عايشين بحب سوي ولو شايفة ان مروان واحلام كل حاجه دي حاجه مضيقنيش اطلاقا لانهم اهلنا ,مروان شريك زي زيه
مايا: كويس انك بتفكر كده اتمني هما كمان بيكونوا بيفكروه زيك انا قلقانه عليك عشان كدا اتكلمت
انور: وانا ياستي مبسوط انك قلقانه عليا , ها قوليلي برنامجك
مايا: البرنامج طويل بس الاول حرك العربيه
انور: امرك يا هانم
وصلوا لمطعم وقعدوا ع تربيزه ومايا بدئت تتزمر وتشتكي انها مش عايشه زي اي بنت في سنها مستمعته بحياتها
انور بصلها: انا مش رافض بس صعب حاليا حاولي تقدري
مايا بتزمر ونرفزه خفيفه: ايه الصعب فيه انت معاك فلوس كتير وعندك كل حاجه وكل بنت نفسها تسافر في رحله لبلاد بره مع جوزها ولا انا غلطانه
انور رد بكل هدوء : مش غلطانه ومقلتش كده ومتنسيش احنا لسه متجوزين واشتريت بيت دوبلكس وكل فلوسي دخلتها استثمار للمقاولات ولما الشغل يمشي والشركه تكسب هنسافر رحله طويله في كل بلد يومين نستمتع حتي مروان واحلام مسافروش وقضوها هنا
مايا بحقد: لان مروان ميقدرش يسافر في حته بره القاهره ده متحمل بالعافيه نفقات العيشه والا كان اخدها تلف الدنيا كلها وبعدين هو مهتم بيها كتير وبيصرف عليها كله مرتبه
انور قفل ملامحه ورجع دهره لوري وبصلها بستياء : اوكيه بس انتي ليه تحسديهم هو انتي ناقصك حاجه وقلت هنسافر لما تيجي فلوس معنديش مشكله
مايا بخبث : ممكن تلاقي الفلوس بكل سهوله
انور: وده ازاي
مايا بخبث: انا عندي الطريقه لكن قبل ما تسمعها اطلبلنا اكل لاني جعانه
انور لسه هيشاور للمتر هي رفعت ايدها وقالت: متر اكسكيوزمي
………………….قصص منه محمد كاتب……………..
احلام بزعل: كدا برضو تقطعي البيت خالص
رنا: في الحقيقه مبقتش عايزه اجي , وبعدين ايه الهدوء ده في يوم الاجازه
احلام: مروان راح الشغل عشان كدا البيت ساكت
رنا: شغل في يوم الاجازه والباقي
احلام: ماما قاعده مع جارتنا فوق وابيه ومايا مش موجودين
رنا حطت ايدها ع قلبها وبتنهيده: الحمد لله
احلام ابتسمت: بتعملي كده ليه؟ّ
رنا: بصراحه مكنتش عايزه اجي , وطول الطريق بدعي اني مقابلش مايا انا مقدرش اتحملها لكن انتي بطله وربما هينصرك ان شاء الله
احلام ضحكت: قوليلي الامور تمام في البيت والمدرسه
رنا: كله حلو ,قوليلي الاول عايشه ازي مع الحربايه دي , انا قلقانه جدا عليكي منها وقلبي بيقولي بتضايقك
احلام: الاولي قوليلي تشربي شاي ولا عصير ساقع
رنا: ولا حاجه هاكل الاول جعانه
احلام وشها شحب واصفر لان الاكل كله خلص لانه معمول ع الاقد
رنا : ايه الي حصل مالك وشك انزعج كده من امتي بقيتي بخيله
احلام بلعت ريقها :لاء مش كده
رنا ضحكت :بهزر انا جايه شويه وماشيه اعملي شاي بسرعه وهطلع اسلم ع ماما
احلام :تمام
…………….قصص منه محمد كاتب………….
احلام لبست فستان منقوش شيك جدا وفردت شعرها الطويل الناعم وحطت ميكب اب لايذكر كانت رقيقه وناعمه وانتظرت مروان الي دخل بصلها من غير ولا كلمه
احلام:كدا برضو قضيت يوم الاجازه في المكتب كان المفروض ترجع تستريح
مروان بضيق :انا لسه ماسك شغل الشركه والمسؤليات كتير مفيش داعي للقلق
احلام :مكنش قصدي كده انا اتصلت بيكي كذا مره تلفونك كان مقفول
مروان بصلها ببرود وطلع للجنينه واحلام طلعت وراه تراضيه لكن متعرفش ان مايا واقفه فوق ومترصده كل تحركاتهم
احلام لفت ايدها الاتنين حواليه ودماغها ع ضهره وقالت بدموع : عارفه انك زعلت مني جدا اسفه بجد مكنش ينفع اقولك كل ده انا مش عايزه ادخل بينك وبين ابيه انور انا كل ما في الحكايه خفت تقابل مشاكل كتير مقصدش حاجه تانيه والله يامروان واوعدك مش هضايقك مني اسفه حقيقي شوف ايه الي يرضيك وانا مستعده اعمله
مروان لف وبصلها ومسك ايدها: انا مش مضايق منك بس هو اخويا الكبير وبحبه اكتر من نفسي وهعمل الي يقولي عليه
احلام: حقك عليا خد كلامي انه جنون او لحظه طيش لكن كان قصدي مصلحتك وربنا عالم
مروان: خلاص حقيقي مش زعلان ها لسه عندك صداع لو لسه تعبانه نروح للدكتور
احلام : لاء انا احسن الحمد لله مفيش داعي لدكتور
مروان: الحمد لله بس ليه مقولتليش بالنهار انك تعبانه كان ضروري تعرفيني عشان اجي
احلام : ازاي اقولك وانت تلفونك مقفول من الصبح عارف قلقت عليك اد ايه
مروان حط ايده ع خدها وبصوت حنين: اسف انا غلطان مكنش ينفع اقفل التلفون واوعدك بعد اليوم مش هقفله ابدا عشان روح قلبي متقلقش
احلام رمت نفسها جوه حضنه : مروان انت خليت حياتي مبهجه بعدما بقيت جزء من ايامي, الحياه بقي ليها معني وطعم ولون , انت اول شخص افتح له قلبي واديله كل مشاعر الحب , انت وجودك في حياتي بيطمني .و بحس اني يتيمه في عدم وجودك , لما بتحضني وطبطب عليا بتاخد وجعي بكلمه واحده انت روحي الي مستحيل اعيش من غيرها واسفه جدا لو زعلتك
مروان ضمها وابتسم : ايه يا بنتي الكلام الحلو ده كله
احلام: ولو فيه اكتر هقولك
مروان : وانا حبيتك بصدق ولقيت كل حاجه مختلفه معاكي مكنتش اعرف يعني ايه واحد يعشق الغرق وميقاومش لحد ما ارتبطت بيكي عرفت معني المقاومه وان الغرق في حبك منتهي الشجاعه
احلام بصتله بابتسامه جميله: وانا فرحانه اني سرقت قلبك وبقيت حبيبتك
مروان بصلها ببتسامه كلها حب : مش بس حبيبتي انتي حياتي ,بحبك وهفضل معاكي طول العمر
مايا شافته بيحضنها واتجننت ودخلت الغرفه ورزعت الباب مقهو ره وهي سامعه ضحكهم
مايا صرخت بغيظ : انوررررر . رمت المخده عليه بنرفزه_ انوووور قووووم
انور فتح عينه بالعافيه: حصل ايه سبيني انام الوقت متأخر
مايا: اه وفي الوقت ده اخوك قاعد يحب في مراته في الجنينه
انور اتنهد: واحنا مالنا هو ممنوع واحد يقعد مع مراته انتي غريبه
مايا جزت ع اسنانها بغيظ: مفيش فايده في الكلام معاك انت بس نام
انور وهو بيلف نفسه في اللحاف: متزعليش هتكلم معاكي واحب فيكي بس الصبح. اما دلوقت سبيني انام ونامي انتي كمان
فرقعت صوابعها من الفرسه والغيره وضيقت عيونها بتوعد وقررت تسحب منهم كل حاجه بس واحده واحده لحد ما تطردهم في الشارع
ياتري مايا ناويه ع ايه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احلام في عيون وقحه)
