رواية حبي الأول الفصل الخامس 5 بقلم روان أحمد

رواية حبي الأول الجزء الخامس

رواية حبي الأول البارت الخامس

رواية حبي الأول الحلقة الخامسة

وراحت ف النوم🥲
.كل ده عمر بزعل من نفسه عمال يرن عليها ومتضايق أنه نسي
وبعد محاولات كتيرة لقاها ردت
ياسمين بزعل حاولت تداريه:الوو
عمر بتنهيدة:معلش يا حبيبتي كان في ضغط ف الشغل جامد
ف معرفتش أرن عليكي يلا أنا هجيب مي واسبقك على هناك
ياسمين بابتسامة نسيت أنها كانت زعلانه اصلا وقالتله:تمام
مش هتأخر إن شاء الله
عمر عدى على مي واخدها وراح قابل ياسمين لاول مره ومي وياسمين اتعرفوا على بعض وياسمين حبت مي جدا وقضوا وقت لطيف مع بعض روحوا
مي بأبتسامة خبيثه:ياسمين دي عسوله اوي حبيتها ربنا يرزقها باإبن الحلال😉
عمر بصلها:قريب اوي إن شاء الله
مي:بجد يا موري
عمر: طبعا يا حبيبتي وعقبال ما نفرح بيكي انتي كمان
مي سرحت شوية وبعدين قالت:يارب😌
في مكان تاني عند حمزه….
زياد:اي يابني مش ناوي ترجع
بقى ولا اي انت طولت اوي
المرادي
حمزه بسخرية:ده على اساس إني قاعد بلعب يعني
زياد بجد:لا مش القصد انت لازم تاخد إجازة وتنزل ترفه عن نفسك شوية مش كفايه كملت تعليم برة ودخلت الجيش وبردوا قاعد لحد دلوقتي هنا وغير كده اهلك اللي مش عارف تقعد معاهم ولا حتى تكلمهم انت مصدقت ولا اي
حمزه بحزن مصحوب بتنهيده:
فعلاً عندك حق أنا لازم انزل
بس يعني هو بإيدي ده شغلي وانا لسه ف الاول ولازم أعتمد على نفسي واكون مستقبلي
زياد بشفقه:معلش يا صاحبي بكره ربنا يكرمك وتعوضهم عن غيابك ده
=وبعدين يلا عشان تلحق تجهز
شنطتك يا بطل لان الطيارة فاضلها نص ساعه
حمزه بدهشه:نص ساعه!!!
يعني انت مرتب كل حاجة
وخدت الإجازة وحجزت من غير مااعرف وجاي تقولي قبلها بنص ساعه🙂
كمل بسخرية:لا بجد كتر الف خيرك يجدع
زياد بضحك:لا شكر على واجب
يا ذوق😎😂
حمزه ضحك هو كمان:سلام
يا صاحبي
مش هتوحشني خالص🙂😂
زياد:ماشي يا حبيب اخوك مقبوله منک🥲
=أما توصل طمني…ف رعايه الله
حمزه ف سره بعد ما خرج:حقيقي هتوحشني اوي يعز عليا اسيبك يا اخويا لوحدک ف الغربه بس يلا إن شاء الله كلها كام يوم وارجعله تاني أو اخليه هو كمان ينزل
عند نسرين…..
عبدالرحمن:ماما هو حمزه مرنش عليكي
نسرين بقلق ظاهر:لا يا حبيبي
مع أن زياد مكلمني وقالي أنه بالكتير بكرة الصبح هيكون موجود أنا قلقانة اوي عليه
عبدالرحمن حاول يخفي قلقه هو كمان على اخوه:متقلقيش يا حبيبتي زمانه جاي
كمل بمرح عشان يقلق من دايرة التوتر اللي صابتهم
:وكمان ابنك يا حجه يتخاف منه
ميتخافش عليه انتي نسيتي ولا اي ابنك بقى راجل ويعتمد عليه دلوقتي واهو ياستي كلها كام ساعه ويكون ف حضنك
وانا يعيني عليا اللي هقعد على الرف اليومين الجايين دول
نسرين:ربنا يخليكوا ليا يا حبيبي
ويجعلكوا سند لبعض دايمًا
عبدالرحمن بابتسامة:يارب🥰
عند عمر…………..
صفاء ي صفصف انتي فين
هاتي حمودي وتعالي في
موضوع مهم جدا لازم تعرفوه
خرجت صفاء ومحمد وعلى
وشهم الصدمه من كلام عمر
صفاء برعب:استر يارب
محمد بجديه:اتفضل سامعينك
عمر بحمحمه:بصراحه يا حاج
انا قررت أخطب
صفاء بفرحه:لولولوووي
=خير يا حبيبي مين!
نعرفها؟!
كلمتها امتى وفين ؟
قولتلها تاخد ميعاد من ابوها
عمر بضحك:اي ي صفصف حيلك عليا شويه
هي بنت محترمه ومؤدبه كانت زميلتي ف الجامعه وانا معجب
بيها ف قولت ندخل االبيت من بابه ولا اي رأيك يا بابا؟
محمد:تفتكر اني هقف قدام
سعادتك ياابني بالتوفيق يا
حبيبي المهم دلوقتي تاخد من ابوها ميعاد ف اقرب وقت عشان
نروح نزورهم
عمر بسعادة:بجد يا بابا
محمد حضنه:مبروك يا ابن القمر
صفاء بكسوف:ما خلاص بقى
يا حمودي الواد واقف🌚😂
عمر بحمحمه:نحن هنا
وبعدين يا جماعه احترموا اني
لسه سنجل🥹
ضحكوا كلهم وشاركتهم مي
وباركت لأخوها واليوم عدى
على العيله وكانوا ف منتهى السعادة
********************
عبدالرحمن:بقولك اي يا حبيبتي انا نازل تحت شوية كده
نسرين:ماشي بس متتأخرش هستناك على العشاء
عبدالرحمن:حاضر،لا إله إلا الله
نسرين بابتسامه مصحوبه بتنهيده:محمد رسول الله ي حبيبي
=ربنا يريح قلبك ويحلي ايامك كلها ويسعدك يا ابن قلبي ويعوضك عن اللي شوفته ف حياتك قادر يا كريم
…………………………….
مازن:أي يا صحبي سافرت ولا لسه
عبدالرحمن:مستني حمزه يرجع وان شاء الله هنتحرك على طول
مازن:أمال مال صوتك مش مريحني
عبدالرحمن:مش عارف صراحه خايف أما أرجع أشوفها هناك تاني وأنا مفييش حيل أعاتب ولا حتى عايز أشوفها أنا مصدقت إني أبطل أفكر فيها على الأقل الفتره الاخيره دي ،أقوم أروحلها أنا برجلي
مازن بحزن مصحوب بتنهيده:بص يا صحبي انت كل اللي بيحصل معاك لمجرد انك حبيت من قلبك فاانا مقدر موقفك بس كل اللي أقدر اقولهولك لو شوفتها بلاش تعاتب خصوصًا أن هي اللي مشيت وكان السبب أي ولا حاجه…….هه……..سابت اللي حبها وكان بيتمنلها الرضا ترضى ومكنش مخليها عايزة حاجة لمجرد أن واحد تافه زي مروان ده اللي المفروض كان صحبك مكانته وفلوسه أكتر منك ….وياريتها حبتك إنما كنت بالنسبه ليها…………
قطع كلامه عبدالرحمن:مازن خلاص بالله عليك أنا كفايه عليا دماغي
مازن:أنا كل اللي عايز أوصلهولك أن مهما يحصل أوعى قلبك يدق ليها تاني بأي شكل من الأشكال واعرف ان لو ده حصل أنا مش هسمح بيه…مش هسمح أنها تأذيك للمرة التانيه….حتى لو انت وافقت
عبدالرحمن:تعرف يا صحبي انت أحسن حاجه عملتها ف حياتي من ساعت ما وعيت على الدنيا…..مش عارف كنت هعمل اي لو مكنتش موجود معايا دلوقتي
مازن:ياض بلاش ع*بط انت أخويا مش صحبي
=وبعدين يلا كفايه كده عشان هتخليني أعيط دلوقتي ومحدش هيعرف يسكتني🥲🥲🥲🥲🥲🥲
عبدالرحمن بضحك:لا لا بالله عليك خلاص
=هقفل أنا عشان أروح لأن سوسو مستنياني على العشا
مازن:أيوة ياعم،الله يسهلك😂😉
عبدالرحمن:هي عينك دي اللي جيبانا ورا🥲😂😂سلاااام
………………………………….
ساعات بيجي علينا وقت ونكون محتاجين شخص زي مازن كدا ف حياتنا،شخص يهون عليك وحدتك،يقاسم معاك حزنك،ولو حد جه ف يوم عليك يبقى أستعجل على أجله،شخص فاهمك حتى وانت ساكت،بيتكلم معاك وانت مش عايز تتكلم ،يطلعك من مود الحزن ف ثانيه،شخص تلجأ ليه،ووقت ما تحتاجه تلاقيه،شخص بيهم كلهم ويا بخت اللي عنده الشخص ده🥺♥️♥️♥️♥️♥️
وياريت لو الشخص ده موجود بجد ف حياتک ف لازم تحافظ عليه؛لأنه فعلاً جوهرة لا تقدر بثمن🫂💎♥️♥️♥️♥️♥️♥️♥️♥️♥️♥️🔥
#يتبع
_آسفه على التأخير
عوضتها بــ ٢ اهو😂👀♥️
&&&&&&&&&&Rony&&&&&&&&
“تعريف للشخصيات الجديدة”
طبعاً عرفنا أن حمزه ده يبقى الاخ الاصغر ل عبدالرحمن عنده ٢٣ سنه وزي ما عرفنا بردوا من خلال احداث القصه أنه بيشتغل
بره واتعرف على زياد هناك من نفس سنه وبيعتبره اخوه وكان ونسه ف الغربه
ياسمين دي بنت جميلة ومحترمه جدا ملهاش ف كلام البنات بتاع اليومين دول اصغر من عمر ب سنه واحدة
وهي وحيده ابوها وامها بيخافوا عليها جدا
ميار ودي عرفنا أنها صديقه مي الوحيده هي اللي فضلت معاها بعد ما اتعرضت للخذلان من اقرب الأصدقاء ليها ومبقاش ليهم غير بعض حقيقي من اجدع الصحاب اللي ممكن تكونوا قابلتوهم من حياتكوا زي ما بيقولوا وطبعاً هنعرف باقي الحكايه دي بعدين