رواية بنت الشيطان الفصل الثالث والستون 63 بقلم رحمة نبيل

رواية بنت الشيطان الفصل الثالث والستون 63 بقلم رحمة نبيل

رواية بنت الشيطان الجزء الثالث والستون

رواية بنت الشيطان البارت الثالث والستون

رواية بنت الشيطان الحلقة الثالثة والستون

الفصل الثاني

نظرت سمر لحازم الذي يشاهد التلفاز علي قناه علميه بينما هي كانت تنظر للتلفاز بغباء فشعرت بسراج يجلس بجانبها
/ مالك يا سمر متنحه ليه كده
سمر بتعجب /الواد ده بيعمل ايه في تلفزيوني الطاهر العفيف بيشغل عليه حجات علميه
سراج وهو يكتم ضحكته / آه صح إيه الجهل ده بيشغل عليه حجات علميه كده يصدم التلفزيون اللي اتعود علي التت والمولد ميصحش
سمر وهي تهز رأسها / الواد بيضيع مني انا مش هستحمل مراد كمان في العيله تفتكر ممكن اعمل عشان ارجع للطريق الصحيح
نظر لها سراج وهو يفكر / لقيتها احنا نعمله غسيل مخ
سمر وهي تنظر له / او نعذبه لحد ما يتخلي عن افكار سلاله مازن اللي هتدمر العيله دي
تحدث حازم وهو ينظر لهم ببرود / هو مين اللي المفروض يتغير احنا ولا انتي يا تيته
سمر وهي تنظر لسراج / الواد ده قصده ايه
سراج وهو يهز رأسه / ميقصدش حاجه ياقلبي عيل صغير
سمر باصرار / لا يقصد
ثم نظرت له / تقصد اني غلط يابن مراد
حازم وهو ينهض بهدوء / لا يا تيته انا مقولتش كده مقدرش اقول لحضرتك كده بس كنت بسأل حضرتك بس عن اذنكم هطلع انام
نظر سراج لسمر / الواد افحمني الصراحه
سمر وهي تنظر لسراج بتعجب / شوفت عمل ايه
سراج / عمل ايه
سمر وهي تنظر أمامها بتعجب / احترمني الواد احترمني يااااااه يا عبصمد واخيرا حد احترمني يااااه يا جدع الاحترام ده حلو اوي
ضحك سراج بشده ثم ضمها اليه وهو يقبل رأسها بحنان ويتنهد / بحبك اوي يا سمر
سمر وهي تدفن نفسها في احضانه اكثر / إيه ده انت بتفكر تخوني فبتريح ضميرك
ضحك سراج اكثر ثم تحدث بعشق / لا بس حسيت اني لازم اقولك كده مرت سنين يا سمر وحبك زاد في قلبي وقفتي جنبي في كل منعطف في حياتي وعمري ما في مره لقيتك لاويه بوزك علي حاجه او اتكبرتي علي أي حاجه كل حاجه بتاخديها ببسمه وضحكه وهزار انتي مصدر البهجه في البيت ده وكمان المشاكل ومحامي الخلع اللي نص العيله كانت هتطلق علي ايدها
ضحكت سمر بشده وهي تضمه إليها وتبتسم / وانا كمان بحبك يا سراج.
ابتسم سراج وضمها اليه / فين البنات مش شايفهم
سمر وهي تضمه وتضع رأسها علي صدره وتغمض عينها براحه / اتعشوا واخدوا شاور وناموا من كتر التعب
سراج بضحك / تؤ تؤ من كتر الهز يا أبلتي
ضحكت سمر بشده وهي تضمه / فخري البنات دول ومشروع المستقبل مش شايف مستقبلهم منور إزاي
سراج / فين ده انا شايف مستقبلهم بيولع يا حبيبتي
ضحكت سمر شده / ولسه انا لسه مخلصتش
ضمها سراج اليه ودفن وجهه في عنقها / ربنا يستر عليهم

كان يقف خالد علي الشاطئ وهو يبتسم بالاضواء التي امامه فهو بعد أن انتهي من الصفقه الجديده قرر الذهاب مع حبيبته الي رحله حتي يجدد حيويتها بعد أن شعر بها تذبل من الحياه الروتينة شعر بأحد يعانقه من الخلف يربت علي صدره فابتسم لها فناري قد ذهبت لتحضر غزل البنات بعد أن رأت محل لبيع الفشار وغزل البنات وهو ينتظرها علي الشاطئ ابتسم وامسك يدها وقبلها وهو يتحدث وينظر ليدها / مجبتيش غزل بنات ليه
لم يسمع رد فاستدار وهو يتحدث / إيه يابت يا نار……..
قاطع كلامه وهو يفتح عينه بصدمه ويترك يدها بسرعه ويبتعد / انتي مين وايه اللي عملتيه ده
نظرت له الفتاه بخبث سرعان ما انقلب ملامحها للمسكنه / أنا انا انا…. انت اسفه مكنتش اعرف اصلك من ورا شبه خطيبي فكنت مفكره انه انت
نظر لها خالد بقرف وكاد يقذف كلام سئ في وجهها لولا سماعه صوت ناري بنبره غاضبه بجانبه / في إيه يا خالد
نظر خالد لناري وجدها تحمل اثنين من غزل البنات وعيونها مليئه بالدموع كالعاده وتنظر لهم بشر فمد يده لها بحنان فاقتربت منه فجذبها لاحضانه وهو يقبل رأسها بحنان ويدفن رأسها في صدره فهو يعلم انها ستبكي الان
وفعلا ما هي إلا ثواني وشعر بدموعها فهذه هي ناري لا تواجهه العالم سوي بالبكاء لذا هو دائما يقف بجانبها بالمرصاد لكل من تسول له نفسه بأن يكون سبب لدمعه وآحده نظر خالد نظره ارعبت الفتاه وتحدث بصوت مخيف / دي واحده يا قلبي كانت بتدور علي عيل تايه بس قولتلها معرفش ولا إيه يا انسه
هزت الفتاه رأسها بغيظ وهي تنظر له ولنبرته
تحدث خالد وهو ينظر لها ببسمه مستفزه / ممكن بعض الخصوصيه لو سمحتي يعني حضرتك سألتي وقولتلك معرفش اللي تايه منك ده لسه واقفه ليه
نظرت له الفتاه بصدمه علي حديثه الجاف والمحرج فتحدث خالد باستفزاز / ولا اقولك خليكي هنا احنا اللي هنمشي
ثم انحني وحمل ناري تحت صدمتها وانسحاب لون وجه تلك التي تشاهدهم بينما هو ضمها اليه وهو يضحك بشده علي خجلها واخذ يهمس لها بكلمات تخجلها وبشده بينما جائت فتاتان تقفان بجانب تلك الفتاه وتحدثت أحدهما بسخريه/ إيه يا مريم هانم هو ده اللي هتموتي عليه من الصبح ومش هيعدي الليل غير وهو معايا
نظرت مريم له بشر / ماشي انا هوريك علي الكلام اللي قولته ده الأول كان إعجاب وخلاص بس دلوقتي بقي دخلت دماغي وعششت كمان

نظرت دانه والطفلين برعب لصراخ ليث الذي هز جدران المنزل ثم رأته دانه يقترب بخطوات مرعبه من تلك الفتاه التي حدثتها منذ قليل ثم توقف امامها مباشره وتحدث بفحيح جعلها تتأكد ان من امامها ليس ليث زوجها بل بلاك
ليث بفحيح اسود / المره الأولي لما اتكلمتي وغلطتي اكتفيت اني أحذرك بنظره بس المره دي اتخطيتي حدودك آوي آوي
ثم اقترب منها وهمس بنبره جعلتها تكاد تسقط أرضا من الرعب / الا دانه فاهمه دانه تحتها مليون خط أحمر الا هي
سمعتيني الا هي
ثم ابتعد عنه ووجد العرق علي جبهتها والرعب ملئ قلبها وهي ترتعش وكادت تتحدث / أنا كنت فقط امز…..
ضحك ليث ضحكه مخيفه / اوووه انتي غبيه حقا هل تظنين انني سأصدق انكي كنتي تمزحين اسمعيني جيدا وانتما أيضا
قال آخر جمله وهو يشير لكلوي وديانا / البيت ده ليه ست والست دي هي أساسة فاهمين يعني انتم هنا في ضيافه زوجتي وواجب عليكم تحترموها واي اهانه موجهه ليها انا اللي هتصرف معاكم ومش هسكت المره الجايه المره دي كمان هعدي الموضوع لأنكم مكنتوش تعرفوا مين هي زوجه بلاك المره الجايه هنسي انكم عملاء وهبعتكم قطع للمنظمه سامعين
هزت الفتيات رأسهم برعب وابتلعوا ريهم من تهديده الواضح
اكمل ليث / لو مش عاجبكم الوضع تقدروا تروحوا اي فندق افضل بس لو هتفضلوا هنا يبقي تفضلوا باحترامكم
ولو عايزين تعتبروها وقاحة اعتبروها كده
ابتلعت جوان ريقها من حديثه اللاذع وكادت ديانا تحمل حقيبتها للمغادره ولكن جوان امسكت يدها ونظرت لليث ببسمه حاولت رسمها / اعتذر بلاك لم اقصد اي اهانه لزوجتك واعدك لن اكررها
ليث بسخريه / نعم عزيزتي لن تكرريها فالمره المقبله لن تكوني حيه لفعلها
تحدثت جوان بثبات / اين غرفتنا لو سمحت
أشار ليث لممر بالجانب المقابل للمطبخ / الممر ده فيه غرف الضيوف تقدروا تقعدوا في أي غرفه تعجبكم
هزت جوان رأسها ثم سحبت خلفها ديانا التي تريد أن تذهب من هنا بينما كلوي نظرت بحاجب مرفوع لدانه وهي تفكر ماذا فعلت ليغرم بها بلاك لهذه الدرجه ثم لحقت بهم
بينما ليث مسح علي وجهه بارهاق ثم صعد للاعلي
داخل أحدي غرف الضيوف كانت جوان تدور كالاسد في قفصه ينتظر ان يُفتح له القفص لينقض علي جميع من يقف امامه
نظرت لها كلوي بسخريه / ماذا لا تقولي انكي غاضبه الان وقد صمتي عن اهانتك بالخارج ولم يكتفي باهانتك انتي فقط بل اهاننا جميعا
جوان وهي تنظر لها بشر / وماذا تظنين ها هل تريدين ان أقف بوجه بلاك هل جننتي ام ماذا ألم تري كيف كان يتحدث لقد كاد ينقض علينا ويقتلنا
كلوي ببسمه خبيثه / اذا عزيزتي لما لا نزعزع من هذا الرابط المتين قليلا
جوان وهي تبتسم لها / هذا ما افكر به تحديدا
ديانا وهي تنظر لهم بغضب /أنتن حقا وقحات بدرجه كبيره مابكن الفتاه لم تخطئ بشئ لقد استقبلتكم في منزلها وما جزاؤها تسخرون منها ومن كل شئ بها والان ماذا؟؟؟؟؟ تخططون للمشاكل لها
ثم بصقت علي الأرض / انتن مجرد عاه….. ولن تتغيرن
صرخت جوان بها وهي تهم بصفعها / اصمتي يا حقي…….
قاطع كلامها امساك ديانا ليدها وهي تنظر لها نظره مرعبه وتهمس لها بفحيح مخيف / لا تتخطي حدودك كلوي فكلانا نعرف من ألاقي هنا
جوان بحده / وكلانا نعرف من القائد هنا
صدحت ضحكه ديانا لي الغرفه / اوووه عزيزتي هل تصدقين نفسك الجميع يعرف كيف تم تعيينك في هذا المنصب والمقابل لذلك فأنتي كلما اردتي شيئا ركضتي لمكتب القائد واغريتيه لينفذ ما تريدينه وايضا وجود بلاك معنا في المهمه كان من تخطيطك وهذا القائد الحق…… هو من ينفذ كل ما تأمرين به مقابل ليله معكي يا عزيزتي
لذا حذاري مني ياجوان فصبري له حدود يا جميلتي وانتي لا تريدين مني الوصول لهذه الحدود صدقيني
ثم تركتهم وهي تسحب حقيبتها بغضب وتخرج عازمه علي ترك هذا المنزل بمن فيه
بينما جوان نظرت للباب بشر كبير / ديانا أصبحت تتمادي في أفعالها لابد وان نجد حل لها
كلوي بضحكه خبيثه / وانا عندي الحل
بينما في الخارج كانت دانه تقف في الصاله وهي تنظر لاولادها ببسمه شريره
إياد وهو يعود للخلف وهو يسحب زياد / خدلك ساتر امك بتتحول
زياد / البسمه دي قلقاني
إياد / امك هتاكلهم تقريبا
نظرت لهم دانه ببسمه / ولسه اي نعم اللي عمله ليث برد ناري شويه بس ولو ولو لازم اعلمهم الأدب خصوصا ام شعر احمر الكارته ام كمبوش دي
سمعت دانه صوت سحب حقيبه فنظرت وجدت أحدي الفتيات تخرج من الممر بغضب وتتجه لهم ثم توقفت امام دانه التي ترفع أحدي حاجبيها اخذت ديانا نفس لتهدأ ثم تحدثت بخفوت / اعتذر كثيرا عن اقتحامنا لمنزلك بهذا الشكل السئ واعتذر عن تصرفات رفيقاتي في الفريق ولا تظني ان اعتذاري هذا بسبب كلام بلاك لا اقسم اني كنت سأفعل ذلك من البدايه ففي النهايه نحن من اقتحمنا حياتك اعتذر مجددا استأذنك
ثم كادت تذهب فنادت دانه عليها / استني يابه انتي
توقفت ديانا ونظرت لها بتعجب بينما دانه اقتربت منها وهي تنظر لها بدقه ثم وبدون مقدمات كانت دانه تضمها إليها بحنان / انتي من ساعه ما جيتي ما شوفتش منك حاجه وحشه فمفيش داعي للاعتذار يا قمره انتي بعدين انتي واخده شنطتك ورايحه فين
ابتسمت لها ديانا فهذه الفتاه مسكينه وبريئه بدرجه كبيره فقد وثقت بها سريعا / أنا سأغادر لا يمكنني البقاء هنا لا…..
قاطعها دانه وهي تبتسم لها وتأخذ الحقيبه منها / إياد خد الشنطه دي طلعها لاوضه خالوا عبده اللي فوق
اخذ إياد الحقيبه لغرفه عبدالرحمن التي له في منزل ليث
ثم نظرت دانه لزياد / روح يا زياد ساعد اخوك
هز زياد رأسه وذهب مع أخيه بينما هي ابتسمت لديانا /
اتفضلي معايا

نظرت سما لما يحدث امامها بصدمه جمدتها فقد كان حسام ممد علي الارض في أحضان تلك الفتاه
كاد حسام يتحدث لانغام لولا شعوره بشخص يقف امامه نظر فصدم انها زوجته قتلته النظره التي نظرت اليه بها ذهبت اليه وجذبته ليقف بينما هو لم يستوعب ما حدث منذ قليل بينما سما نظرت لانغام التي تضحك بخبث لها فادعت القوه ونظرت لهم ببسمه / معلش بقي هتضطروا تكملوا انتم لان الباشمهندس مشغول شويه
ثم خرجت وهي تجذب حسام خلفها الذي اتعقد لسانه ولا يعلم ماذا يقول او يبرر موقفه دخلت الشقه الخاصه بهم ثم اغلقتها وهي تحمد الله أن تالا ذهبت للعب مع ابنه جارتهم حتي لا تشهد عما سيحدث
اجلست حسام علي الاريكه وجلست هي امامه وعم الصمت المكان لدقائق قبل أن تقطعها هي بكلمه وآحده كسرته ودمرت ما تبقي منه تماما
سما بعيون دامعه / حسام…….

كان ليث يقف امام المرأه وهو يرتدي بنطال فقط ويجفف شعره فجأه شعر بأحد يعانقه من الخلف ابتسم ثم نزع المنشفة عنه ونظر لها من خلال المرآة بعشق جارف ثم استدار لها وضمها بحنان / إيه الحب ده يا أخت دانه كده هقلق
ضحكت دانه / لا اصلي فرحانه شويه
ليث بتعجب / وياتري ليه بقي فرحانه
دانه وهي تنظر له بفرحه كبيره / عشان انت بهدلت الحربايه اللي تحت احسن احسن تستاهل
ضحك ليث عليها بشده / أنا مش عارف انتي اساسا وافقتي إزاي يدخلوا البيت كنت هموت مشلول من الصدمه والله
دانه وهي تعانقه / بعد الشر يا باشا بس ساعات لازم تسيب الفار يدخل للمصيده عشان وقتها تعرف تتصرف معاه كويس
نظر لها ليث بشك / انتي ناويه علي إيه
دانه ببسمه خبيثه / كل خير يا حياتي

بينما في الأسفل انتهي كل من إياد وزياد من عملهم للانتقام من تلك التي اهانت والدتهم نظر زياد لما فعلوه / تفتكر كده كفايه ولا إيه.
اياد وهو يفكر / امممم مش بطال حلو ياباشا بس اتأكد أن كل حاجه ماشيه تمام
هز زياد رأسه وراجع كل شئ ثم أشار لمكان ما / بقولك ايه زود هنا شويه
إياد وهو يحمل زجاجه ما / ده كان رأي برضو
ثواني وسمع الجميع صوت دانه الذي يناديهم للعشاء
ابتسم إياد وزياد بشر ثواني وكانت جوان تخرج من الغرفه الأولي التي بمجرد خروجها منها وجدت شئ لزج أخضر اللون يسكب علي رأسها من الأعلي صرخت ونظرت بفزع ولم تنتبه من تلك الماده اللزجة علي الارض فسقطت بعنف وانزلقت قدمها علي هذه الماده الحمراء وهي تصرخ بحده وفي نهايه الممر كان إياد ينتظرها بوعاء من حبوب سوداء اللون فاصطدمت به والتصقت تلك الحبوب بوجهها بفعل المادة اللزجه فأصبحت ثيابها حمراء ووجهها أخضر به حبوب سوداء فكان شكلها مخيف بحق
ضحك التوأم بشده عليها ثم اقترب منها زياد ووضع علي رأسها قرون الشيطان ثم نظروا لها وضحكوا عليها بينما هي كانت تتألم بشده نهضت ونظرت لهم بشر وصرخت بهم / ايها القرود سوف تندمون
ثم ركضت خلفهم وهم يصرخون / الحقووونا يا ناس الحقووونا يا عالم
هبط ليث بفزع من الأعلي وهو ينظر لأولاده وخلفهم شئ غريب نظر زياد لوالده / احنا في عرضك يا حكومه الحقنا شالله يخليلك عيالك القمامير يارب
رفع ليث حاجبه ولا يفهم شئ خرجت دانه من المطبخ وخلفها ديانا وهي تتحدث بانزعاج / فيه ايييييييه
كانت تتحدث فوجدت إياد يركض لها وخلفه شئ قبيح المظهر فصرخت والقت إياد بعيد عنها / اوعي ياض ياخربيتك هنتلبس
ثم ركضت مع أبنائها وخلفهم جوان تصرخ بغضب وتتوعد لهم بينما دانه تركض وهي تصرخ برعب ثم ركضت حيث ليث وقفزت علي ظهره / اجري يا ليث البيت طلع مسكون اقرأ ايه الكرسي
بيننا ليث امسكها حتي لا تسقط و هو يضحك علي منظر أولاده وزياد الذي تسلق المكتبه وهو يصرخ واياد ركض لغرفه الحيوانات وفتحها ثواني وكان يخرج وخلفه الحيوانات تخرج علي الجميع
ودانه تصرخ وهي تري الحيوانات تركض في كل مكان والفتيات تصرخ دانه بصراخ / الأسد هررررررب الأسد هررررررب اجري يا أشرف اجري يا أشرف ياخربيت سنينكم
بينما اياد ركض عند أخيه فوق المكتبه وليث امسك دانه باحكام وذهب لنفس المكتبه ووضعها عليها وهبط هو ليمسك الحيوانات بينما دانه كانت تصرخ من فوق المكتبه / بيييييتيييييي يا ختي يا ختي يا ختي
ثم امسكت إياد / كله منك يا خرابه انت
بينما ديانا نظرت للدرج وقفزت بسرعه عليه وصعدت الأعلي واغلقت علي نفسها بينما كانت الحيوانات تدمر كل ما يصادفها
ودانه من فوق المكتبه تتحدث اخذت تقلد المذيعين / وكما نقلنا لكم سيداتي وسادتي فقد حصل هجوم جماعي من قبل بعض الحيوانات الخطيره في منزل المدعو ليث جايكوب وكما وصلنا من مراسلنا من أرض الحدث ان الحيوانات هي نمر صغير وافعي عملاقه وثلاث كلاب غير عيالي واتنين هامستر وبغبغاء واسد في متوسط شبابه ونعامه صغيره وأربع قطط وارنبين وحربايه لابسه اسود جلد ومعاها بومه معفنه (كانت تقصد كلوي وجوان) وهنا سيداتي سادتي قد ظهر رجل الغاب طويل الناب ليث جايكوب في محاوله منه لاحكام سيطرته وهوووب ظهر الأرنب وقفز من فوق ليث قفزه لولبيه الللله عليك يا حبيب والديك روعه يابني روعه
تقدم ليث من النمر بيحاول يقرب ده انت قلبك ميت ياراجل بيقرب بيقرب ايوه يا بني بقي ومسك النمر ليث مسك النمر ومعانا مداخله من الاستاذ زياد من الحدود الغربية للمكتبه الو استاذ زياد من فضلك انقل لنا الحدث من عندك
زياد / آيوه يا استاذه دانه الوضع هادي جدا الكلاب هتخلص علي القطط والأسد مستني النهايه عشان يخلص عليهم وسيد التعبان بيلاحق حربايه وبومه والوضع مستقر وبأذن الله تنتهي علي خير زي اخر مره
دانه / شكرا لك سيد زياد يبدو لنا من هنا أن القطط خلصت علي العشا بتاعنا والسيد ليث عرف يحبس الحيوانات الخطيره ماعدا سيد اللي مصر انه يخدمني وياكل الحربايه والبومة
السيد ليث بيجري ورا الافعي قرب منها اهوووو اهوووو بيقرب اهوووو ايوه قرب آكتر هيمسكها لالالالالالالالالا وهوووووب جووووووووووول ده عملها ايه لفه جاتوه لفة جاتوه الله عليك يا ابني ايه الحلاوه دي روعه يابني روعه من قلقي وخوفي عليك يا جميل من فضلك البس قطونيل
إياد / هالله هالله علي الفنيلا
نظر ليث لهم بشرار وهو يمسح العرق
فنظرت دانه لاولادها وهي تبشرهم بليله طويله جدا
دانه وهي تكمل / وهنا سيداتي سيداتي تنتهي حلقتنا اليوم من برنامجكم الاسبوعي مغامرات السيد جايكوب والعائلة شكرا لحسن استماعكم كانت معكم مراسلتكم من أرض الحدث دانه مالك والسلام عليكم ورحمة الله وبركاته
زياد وهو يصفر / الله فظيعه يابنتي
دانه وهي تتحدث معه بجديه / بزمتك
زياد / آه والله احسن من المره بتاعت البيت لما غرق
دانه / تفتكر ادائي بيتحسن
إياد / أنا شايفك والله بتحسني من قدراتك ودي حاجه مش شويه
كادت دانه تجيب ولكن توقفوا علي صراخ ليث / هقتلككككككككككككككم
صرخ الأطفال وهبطوا بسرعه ثم خرجوا الحديقه وهم يصرخون بينما دانه نظرت حولها بفزع / آآآآآآه يا خونه والله ما عملت حاجه انا كنت بجهز الاكل
وجدت يتقدم منها بنظره شر فقفزت بسرعه وركض للخارج وهي تصرخ / معملتش حااااجه معملتش حاجه
بينما ليث ركض خلفهم بسرعه وهو يصرخ بهم

رفع حسام نظره بصدمه لسما وتحدث وهو لا يستوعب حديثها / سما انتي بتقولي ايه
سما بدموع / انت سمعتني يا حسام
نهض حسام واقترب منها ثم جثي امامها وهو يمسك يدها فجذبتها منه فامسكها مجددا وهو ينظر لعينها / إزاي تقولي كده يا سما إزاي
سما ببكاء /دي الحقيقه يا حسام انت مبقتش تحبني أبدا
نهض حسام بسرعه وعنف فهي تخبره انه لا يحبها هل هي مجنونه ام ماذا صرخ بها / آه يا سما مش بحبك اتعذبت سنين من صغري عشانك ومش بحبك لما كبرت شوفت منك اوسخ واحقر معامله واستحملت ومش بحبك عملت المستحيل عشان تحسي بيا ومش بحبك فعلا مش بحبك يا سما انا بعشقك يا غبيه
بكت سما بحده فجذبها لاحضانه وهو ينهرها بلطف / بعشقك يا سما والله عمري ما حبيت غيرك
سما وهي تضربه في صدره ببكاء / كداب انت مبقتش تحبني بقالك فتره بتعاملني ببرود ومش بتحبني يا حسام
نظر حسام لها بلوم / وانتي مسألتيش نفسك انا ليه بعاملك ببرود بقالي فتره
نظرت له سما بين دموعها بتعجب / أنا انا معرفش
جذب حسام شعره بحده / لما كل ما أقرب منك تقرفي وتبعدي عني وتقوليلي مش طايقه ريحتك يبقي إيه لما كل ما احاول أقرب منك تقوليلي معلش يا حسام مش قادره يبقي ايه يا سما للأسف انتي اللي مش بتحبيني أبدا
ثم تركها وخرج من المنزل وضرب الباب خلفه بعنف شديد
بينما هي سقطت أرضا تبكي علي ما حدث منذ دقائق هي لم تقصد أن تجعله يشعر هكذا هي لم تقصد ولكن ليس بيدها أبدا ليس بيدها ان تشعر بالغثيان كلما اقترب منها سمعت صوت الباب فنهضت بسرعه لربما يكون هو وعاد مجددا ولكن لم يكن هو بل كان سمر انفجرت سما في البكاء وارتمت في أحضان سمر وهي تبكي بينما سمر ربتت علي كتفها بحنان / اهدي يا سما اهدي وقوليلي مالك يا قلبي

كان مالك يخرج من شركه سراج فهو جاء ليمضي بعض الورق ثم يرحل ذهب وصعد لسيارته وما كاد ينطلق بها حتي شعر بالباب يفتح وشخص يدخل نظر له وجده تلك الفتاه التي تلاحقه ابتسمت له باعجاب فابتسم هو لها وانطلق بالسياره بسرعه كبيره وهو يبتسم بخبث شديد

عاد عبده للمنزل وجد للمنزل هادئ فابتسم ثم صعد لغرفه صغيرته وجدها نائمه تضم لعبتها نظر لثياب تلك اللعبه بتعجب شديد ولكن لم يهتم ثم قبل صغيرته وخرج ليذهب لغرفته ويرتاح فهو جاء للتو من مهمته والتعب يقتله دخل للغرفه وجد رحمة تنام بهدوء شديد فاقترب منها وقبلها بحنان ثم ذهب لخزانته واخذ منها بجامه ودخل واستحم ثم خرج وهو يرتدي البجامه ويجفف شعره وهو يقف امام المرآه نزع المنشفه فوقع نظره علي ثيابه التي يرتديها فكان التيشيرت القطني مقطوع من المنتصف علي هيئه دائره كبيره
وبنطاله مقطوع علي هيئه خطوط تمتد من أعلاه لاسفله ثواني وكان صوت عبدالرحمن يجلجل المنزل / ملاااااااااااااااااااااااااااك

كانت دانه تغلق الباب وتستند عليه بظهرها وليث يطرق عليه بعنف / افتحي الباب يا دانه لاني لو انا اللي فتحته حسابك هيزيد
دانه بعناد / علي جثتي بعدين هو أنا مال مامتي عيالك هما اللي عملوا كده والله
ليث بسخريه / يعني مش أوامر منك
دانه بضحكه غبيه / الصراحه كان نفسي بس حبايب مامي ربنا يخليهم ليا طفوا ناري وانا شيفاها بتجري كده وتصرخ زي الفار اللي شاف قطه وسيم اللهي يكرمه جراها لما شبعت
ليث وهو يكاد ينفجر من هذه العائلة / مهو انا الغلطان مكنش لازم اتجوز وآحده مجنونه زيك كده هتوقع ايه من السلاله بتاعتها علماء مثلا
فتح الباب المجاور له وأخرج إياد رأسه / وليه لا يا ليث باشا يا ابن الاكابر منشبهش ولا منشبهش
ركض ليث له فاغلق إياد الباب سريعا وهو يسمع صراخ ليث / طب يارب اشوف واحد فيكم بره الاوضه هعلقكم
ثم هبط للأسفل مرت دقائق والممر هادئ جدا فتح باب الغرفتين في نفس التوقيت واطلت دانه برأسها في نفس الوقت الذي فعل به التوأم
همست دانه لهم / هو نزل
زياد / تقريبا كده
إياد بفرحه / فلتنا الحمدلله
_لا مش فلتوا
ألتفت الجميع لصوت فوجدوا ليث يستند علي الجدار ببرود ويبتسم لهم
فصرخ الجميع وحاولوا إغلاق الباب ولكن فشلت محاولتهم حيث ركض ليث وجذب طفليه بسرعه وضرب باب غرفته هو ودانه بقدمه ودخل وأغلق الباب ثم نظر لهم بشر / دلوقتي بقي اعمل فيكم إيه قولولي
دانه وهي تبتسم بقلق / تسامحنا يا بلاكي يا ابو قلب ابيض انت يا عسل يا قمر وعفا الله عما سلف
إياد / وهنيالك يا فاعل الخير والثواب
زياد / وحسنه قليله تمنع بلاوي كتيره
دانه /ويابخت من وفق راسين في الحلال
ليث وهو يكمل معهم بسخريه / ويابخت من نام مظلوم ولا نام ظالم
ثم تغيرت نبرته / أنا جبت اخري منكم أنا بقي…..
صرخت دانه بفزع / هتطلقني يا ابو العيال مكنش العشم
دخلت ديانا التي سمعت صراخ دانه بفزع فعانقتها بحنان وهي تنظر لليث بترجي / ارجوك يا ليث لم يحدث شئ لا تطلقها ارجوك
إياد وهو يدعي البكاء / هتسيبنا نشحت يابا نهون عليك
زياد / هنبيع فل في الإشارات يا أبا
دانه وهي تضمهم إليها ببكاء مصطنع / متقولوش كده يا حبايب ماما لينا رب كريم
صفق ليث بشده وصفر لهم / هايل يا فنانين اجهزوا للمشهد اللي بعده
ثم صرخ بهم / صبرني يا رب صبرني
ثم تركهم وخرج بينما دانه نظرت لطفليها ببراءه / هو زعلان ليه هو احنا غلطنا
ايد وهو يضمها / لا يا ملاك انتي معملتيش حاجه هو اللي مبقاش ينطاق العيشة معاه، بقي علي طول خمره ونسوان
زياد / أنا رأي نرفع عليه قضيه خلع
ليث من الخارج بصراخ / اعلي ما في اخيلكم اركبوه يا جوز امي منك ليه انا هوريكم يا جذم انا هوريكم
نظرت لهم ديانا وهي لا تفهم ما يحدث بينما دانه انفجرت في الضحك / هو احنا تقلنا العيار
زياد / لا متقلقيش لسه في السليم
إياد / ياااااه يا جدع علي الراحه دي بعد ما خلصنا مهمه انهارده
ابتسمت دانه لهم بشر / بس جدع ياض منك ليه مكنتش اعرف انكم هتنفذوها بالحلاوة دي
ديانا / لا أفهم شئ ماذا يحدث
دانه ببسمه خبيثه /هقولك يا بت يا ديانا أصل كل اللي حصل ده متخطط ليه من الأول الا طبعا موضوع الألوان اللي الاولاد عملوها يعني انا مكنتش اعرف انهم هيبهدلوا البنت كده كان اتفقنا نسيب الحيوانات عليها ونخوفها بس حبايب مامي شرفوني.
ديانا /أنتم حقا مذهلين كيف فعلتم هذا
دانه ببسمه / اصبري ده انا لسه بنقول يا هادي

نظرت سمر لسما بحده / انتي هبله ولا بتستهبلي ولا إيه حكايتك
سما بدموع /إيه يا سمر انا ناقصه
زفرت سمر بضيق / يا سما يا حبيبتي كلنا عرفنا حسام عشانك عمل ايه يبقي ليه كلامك ده انتي مش واثقه فيه
سما بحزن / لا والله واثقه فيه بس مش عارفه غيرتي حرقتني وقولت كلام مش عارفه قولته إزاي
نظرت لها سمر / يبقي اسمعي هتعملي ايه في بنتك
سما وهي تشير للداخل/ بتلعب في اوضتها
هزت سمر رأسها / تمام أنا هخدها تلعب مع ديما وريما وانتي ادخلي جوا واعملي جو ليكي ولحسام
خجلت سما / لازم يعني
سمر / اخر مره لبستي فستان لحسام أمتي بلاش دي اخر مره قولتي ليه كلمه حلوه كان أمتي
هزت سما رأسها بدموع وهي تشعر بتقصيرها / مش فاكره
انا كنت ملخومه في تالا و…
قاطعتها سمر بحنان / مينفعش يا سما يا حبيبتي تهملي جوزك عشان بنتك ولا تهملي بنتك كمان يعني هي بنت واحده وتعباكي كده وخليتك تنسي جوزك امال لما تجيبي ليها اخ ولا حاجه واديكي شايفه انا جبت بنتين وربتيهم وبربي احفادي ورغم كده بحاول ان سراج ميحسش بتقصير اتعلمي توازني بين بيتك وجوزك وبنتك يا سما
هزت سما رأسها وهي تمسح دموعها / عندك حق طب المفروض هعمل ايه
ضحكت سمر / بكره هنتجمع عند دانه وانا هقولك تعملي ايه في الحربايه جارتك اما بقي تعملي ايه مع جوزك فده انا مليش فيه الصراحه ده تسألي فيه السلطانه هيام هي ادري
ضحكت سما ثم عانقت سمر بحب / ربنا يديمك لينا يا سموره مغلطتش لما كلمتك اول واحده جات علي بالي في المصيبه دي
ضحكت سمر / اكيد يا قلبي يلا بقي هاخد تالا وانتي ظبطي الدنيا
هزت سما رأسها وهي عازمه علي أعاده المياه لمجاريها
مجددا مع حسام
كانت دانه تضع اذنها علي باب مكتب ليث وهي تزفر بضيق شديد / اووووف صوتهم واطي آوي مش سامعه حاجه
تحدث إياد بهمس / تفتكري بيخونك
زياد / مش قولنا هنقسم المزز سوا هو ابوك طمع فيهم ولا إيه
دانه وهي تنظر له بشر / أنتم إزاي عندكم ست سنين هو أنا فشلت في تربيتكم
زياد /عيب عليكي يا والدتي انتي عيالك محترمين ومتربيين وتربيتك فلة شمعة منورة لا تشوبها شائبة بعونك يارب
إياد / ده إحنا حتي بنكون امام في الصلاه لاصحابنا في المدرسه
نظرت لهم دانه بشك
زياد / شكلك مش مصدقانا طب خدي الكبيره قررنا نفتح دار لتحفيظ كتاب الله بمشيئه الله تعالي
دانه / الله اكبر مدد يا سيدنا مدد ده انت ناقص تطلعلي سبحه ياض وسواك اخرسوا عشان والله لو…… آآآآآآه
صرخت دانه عندما انفتح الباب فجأه فسقط الجميع أرضا
دانه وهي مازالت متسطحه أرضا / ياااه يا كسفتك ياحازم..
نهضت دانه وهي تنظر لهم ثم عادت للخلف وهي تشهق بفزع اكفل الجميع وتحدثت بتأثر شديد / مش مصدقه عيني أولادي احبابي فلذات اكبادي بيتجسسوا علي ابوهم ياللعار اودي وشي فين اه قلبي
تحدث زياد بسخريه/ والنبي ايه ايش حال مانت مزروعه زرع بصل معانا
دانه وهي ترمقه بشر / أنتم خيبتوا أملي فيكم اتفضلوا اطلعوا فوق وحسابكم معايا اتفضلوا
نهض إياد وزياد وخرجوا سريعا من الغرفه بيننا دانه وضعت يدها علي وجهها بتأثر / مش عارفه ليه عملوا كده انا قصرت معاهم في إيه يارب
ثم رفعت نظرها للجميع / معلش يا جماعه مش قادره الصدمه كانت كبيره عليا استأذنكم ارتاح في اوضتي واراجع نفسي واشوف غلطت فين وانا بربيهم
عن اذن…… آآآآآآه نزلني يا عم
كانت دانه علي وشك الخروج عندما شعرت بليث يحملها علي كتفه مثل الشوال
دانه / احيات عيالك يا أخي متتعصب انت بس اهدي الموضوع مش مستاهل انا هربيهم الحذم دول
بينما ليث لا يجيبها /طب رد بس عشان سكوتك مخوفني
نزلني ونتفاهم بس يا أخ ليث العنف مش حلو
دخل ليث غرفتهم واغلقها ثم انزلها ونظر لها بخبث دانه وهي ترفع اصبعها في وجهه / بقولك ايه قله ادب مش عايزه اه انا بنت ناس آوي ومتربيه و….. انت بتقرب ليه ها لا بقولك ايه مش بخاف من نظراتك دي علي فكره احم طب نتفاوض طيب و….. اااااااااه

أوقف مالك سيارته في مكان منعزل تماما فنظرت له تلك الفتاه التي تدعي سجي بتساؤل فاستدار لها مالك ببسمه خبث واقترب منها بشده وانحني تجاهها و…….

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية بنت الشيطان)